A BOOK TO SPEND TIME WITH

Sharahe Kalaame Raza

Al Hafiz Al Qari Ghulam Hasan Qadri

Aap Rote Jayengey Hum Ko Hansaate Jayengey

Aap Rote Jayengey Hum Ko Hansaate Jayengey........1

Chamak Tujhse Paate Hain Sab Paane Waale

Mera Dil Bhi Chamka De Chamkaane Waale

Mera Dil Bhi Chamka De Chamkaane Waale............12

Ne'matien Bant Ta Jis Simt Wo Zeeshan Gaya

Saath Hi Munshi E Rehmat Ka Qalamdaan Gaya

Saath Hi Munshi E Rehmat Ka Qalamdaan Gaya......18

Sar Ta Ba Qadam Hai Tane Sultane Zaman Phool

Lab Phool Dahan Phool Zaqan Phool Badan Phool

Lab Phool Dahan Phool Zaqan Phool Badan Phool...24

(5) Phir Ke Gali Gali Tabha Thokarien Sab Ki Khaaye
Kyun

Dil Ko Jo Aql De Khuda Teri Gali Se Jaaye Kyun

Dil Ko Jo Aql De Khuda Teri Gali Se Jaaye Kyun...35

Unki Mehak Ne Dil Ke Ghunche Khila Diya Hain

Jis Raah Chal Gaye Hain Kooche Basa Diye Hain

Jis Raah Chal Gaye Hain Kooche Basa Diye Hain....06

Pul Se Utaro Rah Guzar Ko Khabar Na Ho

Jibreel Par Bichaaye To Par Ko Khabar Na Ho

Jibreel Par Bichaaye To Par Ko Khabar Na Ho..........55

Wo Su'ey Laalah Zaar Phirte Hain

Tere Din Aye Bahaar Phirte Hain

Tere Din Aye Bahaar Phirte Hain...........................08

Sab Se Aula O Aala Hamara Nabi

Sab Se Baala O Waala Hamara Nabi

Sab Se Baala O Waala Hamara Nabi.....................07

Sunte Hain Ki Mehshar Me Sirf Unki Rasaai Hain

Gar Unki Rasaai Hai Lo Jab To Ban Aayi Hain

Gar Unki Rasaai Hai Lo Jab To Ban Aayi Hain .......83

(11) Rukh Din Hai Ya Mehr E Sama Ye Bhi Nahi Wo Bhi Nahi Shab Zulf Ya Mushk E Khuta Ye Bhi Nahi Wo Bhi Nahi ..........................................................................92

(12) Wo Kamaal E Husn E Huzoor Hai Ke Gumaan E Naqs Jahaan Nahi Yahi Phool Khaar Se Door Hai Yahi Shama’ Hai Ke Dhuwaan Nahi.........................................................100

(13) Wasf E Rukh Unka Kiya Karte Hain Sharah E Wash Shams O Dhuha Karte Hain Unki Hum Madh O Sana Karte Hain Jinko Mehmood Kaha Karte Hain .....................................................113

(14) Arsh E Haq Hai Masnad E Rifa’t Rasool Allah Ki
Dekhni Hai Hashr Me Izzat Rasool Allah Ki...........126

(15) Sarwar Kahun Ke Malik O Maula Kahun Tujhe
Baagh E Khaleel Ka Gul E Zaiba Kahun Tujhe.......136

(16) Zarre Jhar Kar Teri Paizaaro’n Ke Taj E Sar Bante Hain Saiyyaro’n Ke........................144

(17) Zameen O Zamaan Tumhare Liye Makeen O
Makaan Tumhare Liye

Chuneen O Chunaan Tumhare Liye Bane Do Jahaan Tumhare Liye..........................................................150

(18) Lam Yaati Nazeeruka Fee Nazarin Mithle To Na Shud Paida Jaana Jag Raaj Ko Taaj Tore Sarso Hai Tujhko Shahe Do Saraa Jaana..............................................................173

(19) Utha Do Parda Dikha Do Chehra Ke Noor E Baari Hijaab Me Hai Zamana Tareek Ho Raha Hai Ke Mehr Kab Se Niqaab Me Hai.....................................................................182

(20) Wah Kya Jood O Karam Hai Shahe Bat’ha Tera
Nahi Sunta Hi Nahi Maangne Waala Tera...............191

(21) Wahi Rab Hai Jisne Tujhko Hamatan Karam Banaya Humien Bheek Maangne Ko Tera Aastaan Bataya Tujhe Hamd Hai Khudaya.......................................206

(22) Hai Kalaam E Ilahi Me Shams O Dhuhaa Tere Chehra E Noor Fiza Ki Qasam Qasam E Shab E Taar Me Raaz Ye Tha Ke Habeeb Ke Zulf E Do Taa Ki Qasam.........................................219

(23) Mujda Baad Aay Aa’siyon Shaafi’ Shah E Abraar
Hai

Tehniyat Aye Mujrimo Zaat E Khuda Ghaffar Hai...........................................................................225 (24) Dil Ko Unse Khuda Juda Na Kare Bekasi Loot Le Khuda Na Kare...............................233 (25) Ya Ilahi Har Jagah Teri Ata Ka Saath Ho Jab Pade Mushkil Shahe Mushkil Kusha Ka Saath Ho............................................................................239

(1)
Peshe Haq Muzda Shafa'at Ka Sunate Jayengey
Aap Rote Jayengey Hum Ko Hansaate Jayengey

Mushkil Alfaz :-
1) Peshe Haq = Allah Ke Saamne
2) Muzda = Khushkhabri
3) Shafa'at = Sifaarish

Mafhoom :- Baroz E Qiyamat Hamare Aaqa ﷺ Khuda Ki Bargah Me Humien Shafa'at Ka Muzda E Jaan Fiza (Khushkhabri) Sunayengey. Dare Huwe Dilo'n Ko Sukoon Aajega Phir Jab Ummat Sooye Jannat Rawaan Hogi To Manzar Ye Hoga Ke Huzoor Khud To Rote Hongey ( Ummat Ke Liye Allah Ki Bargah Me Rona) Aur Ummat Ki Bakshish Ki Khushi Me Hansi Huyi Ummat Jannat Ki Taraf Rawaan Dawaan Hogi.

Dil Nikal Jaane Ki Ja Hai Aah Kin Aankho'n Se
Woh
Hum Se Pyaaso'n Ke Liye Darya Bahate Jayengey

Mushkil Alfaz :-
1) Ja = Jagah
2) Hum Se = Humare Jaise
3) Bahana = Chalana

Mafhoom :- Hamara Kaleja Phat Kyun Nahi Jaata ( Jab Ye Manzoor Tasawwur Me Aaye) Ke Hamare Aaqa ﷺ Hum Jaise Nikammo'n Ke Liye Apni Pyaari Aur Sarmageen Aankhon Se Aansuon Ka Darya Baha Rahe Hongey.

Kusthgaane Garmi E Mehshar Ko Wo Jaan E
Maseeh
Aaj Daaman Ki Hawaa De Kar Jilaate Jayengey

Mushkil Alfaz :-
1) Kushtgaane = Maqtool
2) Garmi E Mehshar = Qiyamat Ki Dhoop Aur Garmi
3)Jaan E Maseeh = Hazrath E Isa Alaihissalam Ki Jaan

Mafhoom :-
Allah! Allah! Mehshar Ki Qiyamat Ki Garmi Me
Jab Jism Jhalas Kar Murda Ho Chuke Hongey Wo Jaan

E Maseeh, Rehmat E Aalam ﷺ Apne Daaman E Rehmat Ki Hawa De Kar Un Murdo'n Ko Zinda Farma Rahe Hongey, Yaani Shafa'at Farma Kar Us Museebat Se Chuda Rahe Hongey.

Gul Khile Ga Aaj Ye Un Ki Naseem E Faiz Se
Khoon Rote Aayengey Hum Muskurate Jayengey

Mushkil Alfaz :-
1) Naseem E Faiz = Bakhshish Ki Khushbudaar Hawa
2) Khoon Rona = Khoob Gid Gida Kar Rona

Mafhoom :- Jab Aaqa Kareem ﷺ Ke Faiz O Karam Se Thandi O Khushbudaar Hawa Chalegi To Murjaye Huwe Chehre Phool Ki Tarah Khil Jayengey To Hum Gunahgar Maidan E Mehshar Me Aaye To Khauf Ke Maare Rote Rote Ab Jannat Ki Taraf Khoob Khushiyaan Manate Ja Rahe Hain.

Haan Chalo Hasrat Zado'n Sunte Hain Wo Din Aaj
Hai
Thi Khabar Jiski Ke Wo Jalwa Dikhate Jayengey

Mushkil Alfaz :-
1) Hasrat Zada = Mehroom, Gham Ka Maara
2) Jalwa Dikhana = Deedar Karwana

Mafhoom :- Aye Gham Ke Maaro! Aye Be Saharo! Jis Din Ke Baare Me Hum Ne Padha Aur Tum Ne Suna Tha Ke Huzoor ﷺ Ka Deedar Hoga, Chalo! Wo Din Aa Gaya Hai Aur Wo Dekho Mehboob E Khuda Apne Chehre Anwar Se Parda Hatane Aa Rahe Hain.

Aaj Eid E Aashiqaan Hain Gar Khuda Chahe Ke
Woh
Abru E Paywasta Ka Aalam Dikhate Jayengey

Mushkil Alfaz :-
1) Eid = Khushi Ka Din
2) Abru E Paywasta = Mile Huwe Bhavien

Mafhoom :-
Haan Haan Aaj Hi Aashiqan E Rasool Ki Asal
Eid Hai Ke Duniya Me To Bina Dekhe Un Ki Baatien
Karte The Aur Sunte The Aaj Zara Apni Aankhon Se
Mehboob E Khuda Ke Mile Huwe Bhanwein Mubarak

Dekho Aur Unki Bargah Me Mohabbat Ke Saath Durood O Salam Ke Nazrane Pesh Karo.

Khaak Uftaado'n Bas Unke Aane Hi Ke Dair Hai
Khud Woh Gir Ka Sajda Me Tum Ko Utha Te
Jayengey

Mushkil Alfaz :-
1) Khaak Uftaado'n = Zameen Par Gire Huwe Logon,
Majboor

Mafhoom :- Aye Khaak Nasheeno! Ab Tumhien Khaak Se Utha Kar Jannat Ke Baghaat Pahunchane Ka Waqt Aagaya, Bas Unke Aane Hi Ki Dair Hai Ek Sajde Karengey, Khud Sajde Me Tashreef Le Jayengey Aur Tumhien Khaak Se Utha Kar Hamdosh Sara Karengey.

Kuch Khabar Bhi Hai Faqeero'n Aaj Wo Din Hai
Ke Woh
Ne'mat E Khuld Apne Sadqe Me Lutate Jayengey

Mushkil Alfaz :-
1) Ne'mat E Khuld = Jannat Ki Ne'mat

Mafhoom :- Duniya Me To Aaqa ﷺ Jannat Ki Basharatien Sunate Rahe Lekin Aaj Baroz E Mehshar Apni Ummat Ko Jannat Ki Nemat Taqseem Farmate Huwe Dikhayi Dengey.

Wusa'tien Dee Hain Khuda Ne Daaman E Mehboob
Ko
Jurm Khulte Jayengey Aur Woh Chupate Jayengey

Mushkil Alfaz :-
1) Wusa'tien = Kushaadgi, Gunjaishien

Mafhoom :- Sarkar E Madina ﷺ Ke Daaman E Karam Ko Allah Ne Itna Wasee' Farma Diya Hain Ke Hamare Jitne Bhi Jurm Maidan E Mehshar Me Pesh Hongey Sab Us Daaman E Rehmat Me Chup Jayengey.

Lo Woh Aaye Muskurate Hum Aseero'n Ki Taraf
Khirman E I'siyaan Pe Ab Bijli Giraate Jayengey

Mushkil Alfaz :-
1) Lo Woh Aaye = Kisi Ki Achanak Aamad Par Bola
Jaata Hai
6

Aseero'n = Qaidiyon
Khirman E I'siyaan = Gunaho'n Ka Dher
Bijli Girana = Barbaad Karna

Mafhoom :- Aye Ahle Mehshar! Sab Khade Hojao! Wo Dekho Aaqa ﷺKi Sawari Aagayi Aur Huzoor ﷺ Apne Gunahgar Ummatiyo'n Ki Taraf Dekh Kar Muskura Rahe Hain Aur Haan Tumhien Apne Gunaho'n Ke Ambaar Nazar Aa Rahe Hain, Us Liye Pareshan Ho? To Phir Khush Hojao Dekho Mere Aaqa Kis Tarah Tumhare Gunaho'n Pe Apne Jamal Ki Bijliyo'n Gira Kar Unko Jala Kar Raakh Kar Rahe Hain.

Aankh Kholo Ghamzado'n Dekho Wo Giryaa'n
Aaye Hai
Loh Dil Se Naqsh E Gham Ke Ab Mitate Jayengey

Mushkil Alfaz:- 1) Aankh Kholo = Hosh Me Aajao! 2) Giryaa'n = Rona 3) Loh Dil = Dil Ki Takhti 4) Naqsh = Nishaan

Mafhoom :- Aye Mujrimo! Hosh Me Aao! Wo Dekho Hamare Aaqa ﷺ! Allah Ki Bargah Me Ro Ro Kar Tumhare Gunaho'n Ki Nishaan Tak Tumahre Dil Ki Takhti Se Mitaa Rahe Hain.

Sokhta Jaano'n Pe Wo Pur Josh E Rehmat Aaye
Hain
Aab E Kausar Se Lagi Dil Ki Mitate Jayengey

Mushkil Alfaz :-
1) Sokhta = Jala Huwa
2) Aab E Kausar = Houz E Kausar Ka Paani

Mafhoom :- Aye Aasiyo'n! Tumhare Dilon Ko Agar Gunaho'n Ki Aag Ne Jala Rakha Hai To Dekhte Nahi Ho Ke Tumhare Aaqa ﷺ Ki Rehmat Ka Darya Bhi Josh Me Aaya Huwa Hai, Wo Houz E Kausar Ke Cheenton Se Tumhare Dilon Ko Lagi Huyi Aag Bhujalengey.

Aaftab Unka Hi Chamkega Jab Auron Ke Chiraagh
Sar Sar E Josh E Balaa Se Jhilmilate Jayengey
8

Mushkil Alfaz :-
1) Aaftab = Suraj
2) Sar Sar = Aandhi
3) Jhilmilana = Chiragh Ka Thodi Thodi Roshni Dena

Mafhoom :- Doosre Ambiya Kiram Ki Bhi Roshni Hogi Magar Mehshar Ke Toofan Aalam O Masaib Ke Aandhi Ki Wajah Se Bujhte, Jalte Hongey Lekin Hamare Aaqa ﷺ Ka Suraj Us Waqt Joban Par Hoga.

Paaye Kubaan Pul Se Guzrengey Teri Awaaz Par
Rabbi Sallim Ki Sada Par Wajd Laate Jayengey

Mushkil Alfaz :-
1) Paaye Kubaan = Zor Se Paun Zameer Par Maarte
Huwe Pul Sirat Per Guzarna
2) Rabbi Sallim = Aye Allah! Salamati Ke Saath Meri
Ummat Ko Guzaar
3) Wajd = Jhoomna

Mafhoom :-
Aye Mere Pyaare Aaqa ﷺ Jab Aap Hum
Gunahgaron Ke Liye Pul Sirat Se Aasani Ke Saath

Guzarne Ke Kiye Apne Rab Se Dua Karnegey To Aap Ki Aawaaz Sun Kar Hum Pul Se Zor Zor Se Qadam Maarte Huwe Pul Se Guzar Jayengey.

Sarwar E Deen Lijiye Apne Naatwaano Ki Khabar
Nafs O Shaitaan Sayyada Kab Tak Dabaate
Jayengey

Mushkil Alfaz :-
1) Sarwar E Deen = Deen Ke Sardar
2) Naatwaan = Kamzor
3) Sayyada = Aye Sardar

Mafhoom :- Aye Mehboob ﷺ Meherbani Farmaye Aur Humien Nafs O Shaitaan Ke Shar Se Bachaye. Aap Ke Kamzor Ummati Ko Ye Zaalim Kab Tak Apna Taabe'dar Bana Kar Hukm Chalate Rahengey.

Hashr Tak Daalenegey Hum Paidaish E Moula Ki
Dhoom
Misl E Faaras Najd Ke Qile' Giraate Jayengey

Mushkil Alfaz :-
10

Paidaish = Huzoor ﷺ Ka Paida Hona
Dhoom = Charcha
Faaras = Iran

Mafhoom :- Hum Apne Mehboob E Pak ﷺ Ke Milad Ke Charche Karte Rahengey Aur Ye Silsila Qiyamat Tak Jaari Rahega. Agar Najdi Ko Pasand Nahi Karta To Jahannum Me Jaaye. Jaise Huzoor ﷺ Ke Paidaish Huye Wo Iran Ke Mohallat Me Zalzala Aagaya Usi Tarah Zikr E Milad Karte Rahengey Aur Najdi Qal'on Ko Girate Jayengey.

Khaak Ho jayein A'duu Jal Kar Magar Hum To
Raza
Dam Me Jab Tak Dam Hai Zikr Unka Sunate
Jayengey

Mushkil Alfaz:-
1) Khaka Hojayien A'duu = Dushman Hasad Ki
Aag Me Jal Kar Rakh Hojaye
2) Dam Me Jab Tak Dam Hai = Jab Tak Jism Me
Jaan Hai
Mafhoom :-

Aye Dushmanan E Zikr E Mustafaﷺ Tum Jal Kar Rakh Hojao Lekin Hamare Jism Me Jab Tak Jaan Hai Hum Apne Aaqa ﷺ Ka Zikr Karte Hi Rahengey.

(2)
Chamak Tujhse Paate Hain Sab Paane Waale
Mera Dil Bhi Chamka De Chamkaane Waale

Mushkil Alfaz :-
1) Chamak = Roshni, Nooraniyat

Mafhoom :- Ya Rasoolallah ﷺ Jo Bhi Zamane Me Chamka Hai Aap Hi Ke Noor Se Chamka Hai Kyun Ki Asl E Kaayenat Aur Wajh E Takhleeq E Kaayenath Aap Hi Hain, To Mere Aaqa ﷺ Mera Dil Bhi Gunaho'n Se Siyah Ho Chuka Hain Is Par Bhi Noor Ki Ek Kiran Daalde Taa Ke Ye Bhi Chamak Jaaye.

Barasta Nahi Dekh Kar Abre Rehmat
Bado'n Par Bhi Barsaade Barsaane Waale

Mushkil Alfaz :-
1) Barasta = Utarna, Naazil Hona
2) Abre Rehmat = Rehmat Ka Badal
3) Bado'n = Buro'n

Mafhoom :- Aye Mere Aaqa ﷺ Agarche Hamare Aamaal Bohat Bure Sahin Shayad Unhe Dekh Kar Hi Rehmat Ka Badal Hum Par Nahi Barasta To Aye Pyaare Nabi ﷺ Aap Meherbaani Farmaye Aur Rehmat Ka Badal Ko Hukm Dein Ke Hum Par Bhi Barse.

Madine Ki Khitte Khuda Tujhko Rakkhe
Ghareebo Faqeero'n Ke Tehraane Waale

Mushkil Alfaz :-
1) Khitte = Tukde

Mafhoom :- Aye Hamare Aaqa ﷺ Ke Madine! Khuda Ta'ala Tujhe Salamat Ta Qiyamat Rakhe Ke Hum Jaise Ghareebo Faqeero'n Ko Tu Apna Thikana Ata Karne Wala Hain.

Tu Zinda Hai Wallah Tu Zinda Hai Wallah
Mere Chashme Aalam Se Chhup Jaane Waale

Mushkil Alfaz :-
1) Wallah = Allah Ki Qasam
2) Chashme Aalam = Zaahiri Nazar

Mafhoom :- Ya Rasoolallah ﷺ ! Allah Ki Qasam Aap Zinda Hain Aur Hamari Zaahiri Nazar Se Poshida Hain.

Main Mujrim Hoon Aaqa Mujhe Saath Lelo
Ki Raaste Me Hain Ja Ba Ja Thaane Waale

Mushkil Alfaz :-
1) Mujrim = Gunhagar
2) Raaste = Raasta
3) Ja Ba Ja = Har Jagah
4) Thaane Waale = Thanvi Ke Maanne Waale, Chowk
Police Waale Yaani Allah Ke Firishtey

Mafhoom :-
Main Mujrim O Qusoorwaar Hoon Aur
Mujrimo'n Ke Peeche Har Waqt Police Waale Lage

Rehte Hain Usi Tarah Mere Peeche Allah Ke Firishtey Lage Huwe Hain Mujhe Apni Panah Dijiye.

Haram Ki Zameen Aur Qadam Rakh Ke Chalna
Are Sar Ka Mauqa Hai O Jaane Waale

Mushkil Alfaz :-
1) Haram = Makka O Madina
2) Are = Nida Ke Liye Pukarna
3) Mauqa = Jaga

Mafhoom :- Harmain Shareefain Ki Sarzameen To Itni Muqaddas Hain Ke Bas Chale To Is Par Qadam Rakh Kar Chalne Ki Bajaye Sar Ke Bal Chala Jaaye.

Chal Uth Jabah Farsa Ho Saaqi Ke Dar Per
Dar E Jood Aye Mere Mastaane Waale

Mushkil Alfaz:-
1) Jabah Farsa = Peshani Ragadne Waala
2) Saaqi = Pilane Waale
3) Jood = Sakhawat

4) Mastaane Waale = Ishq E Rasool ﷺ Me Mast
Rahne Waale

Mafhoom :- Aye Mere Aaqa ﷺ Ka Ishq Dil Me Rakhne Waale! Chal Ja Sarkar Ki Bargah Me Dar E Rehmat Khul Gaya Hai Aur Saaqi E Kausar Ka Faiz Jaari O Saari Hai, Wahan Ja Kar Maatha Ragad Yaani Saare Adab Bajaa La. Ya Matlab Ye Hain Ke Allah Ki Bargah Me Sajda Shukrane Ke Nawafil Ada Kar Kyun Ke Us Ne Tujhe Dar E Mustafa ﷺ Ki Haazri Se Nawaza Aur Phir Sarkar Ki Bargha Me Aakar Qadmon Me Gir Kar Faiz Maanga.

Tera Khaaye Tere Ghulamo'n Se Uljhe
Hain Munkir Ajab Khaane Ghurraane Waale

Mushkil Alfaz :-
1) Uljhein = Jhagdna
2) Munkir Ajab = Ajeeb Inkari
3) Ghurrana = Bila Waja Gusse Me Shor Karna

Mafhoom :- Aye Mere Aaqa ﷺ! Ye Aap Ki
Azmat Ke Munkireen Bhi Ajeeb Nasl Ke Log Hain Ke

Aap Ka Sadqa Khaate Hain Aur Aap Ke Hi Ghulamo'n Se Ulajhte Hain.

Rahega Yunhi Unka Charcha Rahega
Pade Khaak Hojaaye Jal Jaane Waale

Mushkil Alfaz :-
1) Charcha = Shor, Dhoom, Zikr
2) Khaak Hojaaye = Mar Jaayien

Mafhoom :- Aye Munkiron Tum Sarkar Ka Zikr Sun Kar Jalo Ya Jal Jal Kar Maro Kyun Ke Huzoor ﷺ Ki Azmat Ke Danke Bajte Hi Rahengey.

Ab Aayi Shafa'at Ki Saa'at Ab Aayi
Zara Chain Le Mere Ghabraane Waale

Mushkil Alfaz :- 1) Saa'at = Ghadi, Waqt 2) Chain = Aaram Mafhoom :- Aye Mere Dil! Kyun Ghabraate Ho Abhi Tumhari Shafa'at Ki Baari Ab Aane Hi Waali Hai. 17

Raza Nafs Dushman Hai Dam Me Na Aana
Kahan Tumne Dekhe Hain Chandraane Waale

Mushkil Alfaz :-
1) Dam Me = Dhoke Me
2) Chandraane Waale = Jhutlana

Mafhoom :- Aye Ahmed Raza! Nafs Ke Dhoke Aur Fareb Me Na Aana Tu Ne Abhi Behkane Waale Aur Phislaane Waale Dekhe Hi Kahan Hai Aur Tu Kya Jaane Ke Wo Kis Tarah Tere Imaan Par Hamla Aawar Hokar Tera Kitna Nuqsaan Kar Jaate Hain.

(3)
Ne'matien Bant Ta Jis Simt Wo Zeeshan Gaya
Saath Hi Munshi E Rehmat Ka Qalamdaan Gaya

Mushkil Alfaz :-
1) Ne'matien = Ataayien' Bakshishien
2) Bant Ta = Taqseem Karta
3) Zeeshan = Izzat O Shaan Wala

4) Munshi E Rehmat = Rehmat Ka Paida Karne Waala
( Allah Ta'ala)
5) Qalamdan = Qalam Daawat Ka Dabba

Mafhoom :- Hamare Azmat O Shaan Waale Aaqa ﷺ Jis Taraf Bhi Chal Pade Rehmat Ka Likhne Waala Farishta Bhi Apna Qalam Dan Le Kar Aap Ke Saath Ho Liya, Ke Kya Maloom Achansk Kis Ke Liye Kya Rehmat Likhne Ka Hukm Ajaaye.

Le Khabar Jald Ke Ghairon Ki Taraf Dhyaan Gaya
Mere Moula Mere Aaqa Tere Qurbaan Gaya

Mushkil Alfaz :-
1) Le Khabar = Madad Kar
2) Ghair = Begana
3) Tere Qurbaan = Tere Sadqe

Mafhoom :- Aye Mere Dastageer Aaqa ﷺ Meri Madad Jaldi Farmaye Kyun Ke Mera Nafs Mujhe Ghalat Raaste Par Na Daal De Aur Mujhe Barbaad Na Karde.

Aah Woh Aankh Ke Nakaam E Tamanna Hi Rahi
Haaye Wo Dil Jo Tere Dar Se Pur Armaan Gaya

Mushkil Alfaz:-
1) Aah = Haaye
2) Nakaam Tamanna = Jiski Tamanna Poori Na Ho
Sake
3) Pur Armaan = Tamannao'n Aur Armaano'n Se
Bhara Huwa

Mafhoom :- Haaye! Afsos Meri Aankh Aap Ke Deedar Ki Tamanna Se Poori Tarah Lutf Andaaz Bhi Na Ho Saki Aur Mere Dil Ke Armaan Bhi Abhi Poore Na Huwe Ke Waapsi Bhi Hogyi.

Dil Hai Wo Dil Jo Teri Yaad Se Ma'moor Raha
Sar Hai Wo Sar Jo Tere Qadmo'n Pe Qurbaan
Gaya

Mushkil Alfaz :-
1) Ma'moor = Abaad
2) Qurbaan = Nisaar

Mafhoom :- Dil Wahi Hai Jo Pyare Mehboob ﷺ Ki Yaad Me Basi Rahe Aur Sar Wahi Hai Jo Aaqa ﷺ Qadmo'n Pe Qurbaan Hone Ke Jazbaat Apne Andar Rakhta Ho.

Unhien Jaana Unhien Maana Na Rakkha Ghair Se
Kaam
Lillahil Hamd Me Duniya Se Musalmaan Gaya

Mafhoom :- Hum To Sirf Huzoor ﷺ Ko Hi Jaante Hain Aur Maante Hain Humien Ghair Se Kya Kaam Alhamdulillah Isi Aqeede Par Qayim Rah Kar Duniya Se Musalmaam Hokar Ja Raha Hoon.

Aur Tum Par Mere Aaqa Ki Inaayat Na Sahi
Najdiyo'n Kalma Padhane Ka Bhi Ehsaan Gaya

Mushkil Alfaz :-
1) Inayath = Karam
2) Najdiyo'n = Ibn E Abdul Wahab Najdi Ke
Pairokaro, Huzoor ﷺ Ki Shaan Ke Munkiro'n

Mafhoom :-Aye Shaan E Risalat Ke Munkir Najdiyo'n
Chalo Maan Liya Ke Mere Sarkar Ne Tumhare Upar
21

Koi Ehsan Nahi Farmaya Lekin Ye Jo Kalma Padh Rahe Hi Ye To Tum Bhi Jaante Ho Huzoor ﷺ Ne Diya Hai.

Aaj Le Unki Panah Aaj Madad Maang Unse
Phir Na Maanengey Qiyamat Me Agar Maan Gaya

Mushkil Alfaz :-
1) Panah = Sahara

Mafhoom :- Aye Munkir! Agar Qiyamat Me Khuda Ke Azaab Se Bachna Chahte Ho To Aajao Aaj Hi Unke Daaman E Karam Me Panah Lo Aur Agar Aaj Panah Na Li Aur Apne Gande Aqeede Se Tauba Na Ki To Kal Apni Aankhon Ke Saamne Maidan E Mehshar Me Huzoor ﷺ Ki Shaan O Azmath Jab Dekhogey To Phir Zaroor Maan Jaogey Lekin Wo Maan Na Kaam Na Aayega.

Uff Re Munkir Ye Bada Josh E Ta'ssub Aakhir
Bheed Me Haath Se Kam Bakht Ke Emaan Gaya

Mushkil Alfaz :-
1) Uff = Afsos Ka Kalma
22

Ta'ssub = Be Ja Kisi Ki Tarafdaari
Bheed = Hujoom
Kam Bakht = Bad Naseeb

Mafhoom :- Aye Munkir Ye Bada Josh Ka Dusro Ki Taraf Daari Kar Raha Hai Aur Gustakhiyaan Kar Raha Hain , Afsos Ke Is Bheed Me Is Badbakht Ka Usi Ke Haath Se Emaan Chala Gaya.

Jaan O Dil Hosh O Khirad Sab To Madine
Pahunche
Tum Ne Nahi Chalte Raza Saara To Saaman Gaya

Mushkil Alfaz :-
1) Khirad = Aqal
2) Saara Saaman = Sab Kuch

Mafhoom :- Aye Raza! Tu Bhi Ajeeb Tarah Ka Aadmi Hai Ke Teri Rooh, Teri Jaan, Tera Dil To Tasawwur E Taib Ki Wajah Se Madina Pahunch Gaya Aur Tu Yahan Baitha Hain.

(4)
Sar Ta Ba Qadam Hai Tane Sultane Zaman Phool
Lab Phool Dahan Phool Zaqan Phool Badan Phool

Mushkil Alfaz :-
1) Sar Ta Ba Qadam = Sar Se Lekar Paun Tk
2) Tan = Jism
3) Sultan E Zaman = Zamana Ka Badshah
4)Lab = Hont
5) Dahan = Munh
6) Zaqan = Thuddi
7) Badan = Jism

Mafhoom :- Tajdaar E Zamana ﷺ Sar E Anwar Se Lekar Qadam Tak Phool ( Latafat Waale) Hain, Hont, Munh, Thuddi, Aur Saara Jism Goya Phool Hain.

Sadqe Me Tere Bagh To Kya Laaye Ban Phool
Is Ghuncha E Dil Ko Bhi Emaa Ho Ke Ban Phool

Mushkil Alfaz :-
Ban = Jangal Aur Usme Khud Ro Darakht
Ban 2 = Banna Se Hain Yaani Hoja
24

Emaa = Ishara

Mafhoom :- Huzoor ﷺ Aap Ke Tufail Sirf Baaghon Me Hi Phool Nahi Khile Balke Jangal Ke Khud Ro Darakhto Par Bhi Bahaar Aayi Hai Aur Un Pe Bhi Phool Khile Hain. Nigah E Karam Farmaye Aur Mere Dil Ki Kali Ko Bhi Apni Mohabbat Me Phool Bana Dijiye.

Tinka Bhi Humare To Hilaaye Nahi Hilta
Tum Chaho To Ho Jaaye Abhi Kohe Mihan Phool

Mushkil Alfaz :-
1) Tinka = Mamooli Cheez
2) Koh = Pahad
3) Mihan = Ranj O Alam

Mafhoom :- Hum Ek Tink Bhi Hilanae Ki Taqat Nahi Rakhte Aur Mere Aaqa ﷺ Agar Chahe To Ghamon Ke Pahad Bhi Phoolon Ki Tarah Narm O Nazuk Hojaaye.

Wallah Jo Mal Jaaye Mere Gul Ka Paseena
Mange Na Kabhi Itr Na Phir Chahe Dulhan Phool
25

Mushkil Alfaz :-
1) Wallah = Allah Ki Qasam
2) Mere Gul = Mere Mehboob

Mafhoom :- Khuda Ki Qasam Agar Shaadi Ke Waqt Kisi Dulhan Ko Huzoor ﷺ Ka Paseena Mal Jaaye To Wo Kabhi Kisi Khushboo Ki Talab O Khwaish Na Rakhe Aur Na Hi Kisi Phool Ki Talash Kare.

Dil Basta O Khoon Gashta Na Khusboo Na Lataafat
Kyun Ghuncha Kahun Hain Mere Aaqa Ka Dahan
Phool

Mushkil Alfaz :-
Basta = Bandha Huwa
Gashta = Hona
Lataafat = Narmi, Khoobi

Mafhoom :- Hamare Aaqa ﷺ Dahan Mubarak Ghuncha Nahi Kyun Ke Ghuncha To Band Hota Hai Aur Huzoor ﷺ Se Har Waqt Phool Jhadte Rehte Hain.

Shab Yaad Thi Kin Daanto'n Ki Shabnam Ke Dam
E Subah
Shokhan E Bahaari Ke Juraoo Hain Kiran Phool

Mushkil Alfaz :-
Dam E Subah = Subah Ke Waqt
Shokhan E Bahaari = Phoolon Ka Nikalne Ka Mausam
Jab Wo Nikalte Hain
Kiran = Suraj Ki Kiran

Mafhoom :- Jin Daanto'n Ko Raat Ki Tanhaai Me Yaad Kar Raha Tha To Aise Lagta Tha Ke Shabnam Hai Jo Ba Waqt E Subah Suraj Ki Kiran Padhne Se Chamak Rahi Thi. Hazrath E Ali Farmate Hain Huzoor ﷺ Ke Daant Mubarak Nihaayat Hi Chamakdaar The.

Dandaan O Lab O Zulf O Rukh E Shah Ke Fidaayi
Hain Durr E A'dan , La'al E Yaman,Mushk E
Khutan Phool

Mushkil Alfaz :-
Dandaan = Daant

Shah = Baadshah Yaani Huzoor ﷺ
Fidaayi = Aashiq
Durr E A'dan = Adan Ke Mo'ti
La'al E Yaman = Yaman Ke Surkh La'al
Mushk E Khutan = Khalis Kastoori

Mafhoom :- Hamare Aaqa ﷺ Wo Hain Ke Jinke Dandaan E Mubarak Pe Adan Ke Moti Nisaar, Labhaaye Mubarak Pe Surkh Rang Ke Heere Qurbaan, Zulf E Muambar Par Kastoori Fida Aur Chehra E Munawwar Par Phool Jaan Chidakte Hain.

Boo Ho Ke Nihaan Hogaye Taab E Rukh E Shah
Me
Lo Ban Gaye Hain Ab To Haseeno Ke Dahan Phool

Mushkil Alfaz :-
Boo = Mehak
Nihaan = Posheeda
Taab = Chamak
Dahan = Munh
Mafhoom :- Hamare Aaqa ﷺ Ki Bargh Me
Tamam Haseenane Aalam Ke Husn O Jamal Gum

Hokar Rah Gaye Aur Unke Dahan Munh Jo Apni Jagah Phool Ki Tarah Mehak Rahe The Jab Mehboob E Khuda Ka Noorani Chehre Ke Saamne Aaye To Mehak Ke Bajaye Garam Hawa Lo Ka Manzar Pesh Karte Dikhaayi Dene Lage.

Ho’n Baar E Gunah Se Na Khajal Dosh E
Azeezaan
Lillah Meri Na'ash Kar Aye Jaan E Chaman Phool

Mushkil Alfaz :- Baar = Bojh Khajal = Sharminda Dosh = Kandha Azeezaan = Rishtedaar Lillah = Allah Ke Liye Na'ash = Murda Jism Jaan E Chaman = Baagh Ki Rooh Mafhoom :- Aye Mere Pyare Nabi ﷺ Karam Farma Kar Meri Laash Ko Phoolon Ki Tarah Halka Phalka Kardijiye Ke Mere Rishtedaar Meri Laash Utha Kar Thak Na Jaayien Aur Wazni Laash Ko Mere Gunahon Par Mehmool Kar Ke Sharminda Na Hote Phire.

Dil Apna Bhi Shaidaayi Hai Us Naakhun E Paa Ka
Itna Bhi Mah E Nau Pe Na Aye Charkh E Kohan
Phool

Mushkil Alfaz :-
Shaidaayi = Fidaayi
Mah E Nau = Ibtedaayi Dino Ka Chand
Charkh E Kohan = Budha Aasmaan
Phool Aakhri = Phoolna

Mafhoom :- Aye Budhe Aasmaan Jab Tere Upar Naya Chanad Nikalta Hai To Tu Itrata Hai Aur Phoole Nahi Samata, To Dekhta Nahi Ke Mere Mehboob ﷺ Ke Paun Mubarak Ki Ungli Ka Ek Naakhun Tere Chand Se Zyada Apne Andar Kashish Rakhta Hai.

Dil Khol Ke Khoon Ro Le Gham E Aariz E Shah
Me
Nikle To Kahin Hasrat E Khoon Na Ba Shadan
Phool

Mushkil Alfaz :-
Dil Khol Ke Khoon Role = Poori Hasrat Nikal

Gham E Aariz = Aane Waala Gham
Hasrat = Afsos
Khoon Na Ba = Aansoo
Shadan = Hona

Mafhoom :- Aye Mere Aankho! Anqareeb Tumhien Madine Ki Baharien Chod Kar Yahan Se Chala Jaan Hai To Aane Waali Judaayi Par Abhi Khoon Ke Aanso Ro Lo Taa Ke Ye Khooni Aansoo Phool Ban Kar Tumhare Dil Ki Hasrat Ko Poora Aur Judaayi Ke Gham Ko Halka Karde.

Kya Ghaazah Mila Gard E Madina Ka Jo Hay Aaj
Nikhre Huye Joban Me Qiyamat Ki Phaban Phool

Mushkil Alfaz :-
Ghaazah = Khusboodar Powder
Gard = Ghubaar, Mitthi
Nikhre Huye = Saaf Suthre
Joban = Jawani Ki Talash
Phaban = Khoobsurti
Mafhoom :- Aye Phoolon! Aaj Tumhara Husn
Itne Shabab Par Kyun Nazar Aa Rahi Hai? Kya

Tumhien Aaj Ghubar E Madina Haath Nahi Aa Gaya Jis Ko Tum Ne Chehro Par Bataur E Powder Ke Mal Liya Hain.

Garmi E Qiyamat Hai Ke Kaante Hai Badan Par
Bulbul Ko Bhi Aye Saaqi Sehba O Laban Phool

Mushkil Alfaz :-
Saaqi = Pilaane Waala
Sehba = Safed Angoor Ki Surkh Sharab
Laban = Doodh

Mafhoom :- Qiyamat Ki Garmi Se Jab Zabaanien Sukh Kar Kaanto Ki Tarah Hojayengey To Aye Mere Saaqi ! Apne Ghulamo Ko Jaam E Kausar Pilaa Kar Hamari Pyaas Bhujayiye.

Hain Kon Ke Girya Kare Ya Fatiha Ko Aaye
Bekas Ko Uthaaye Teri Rehmat Ke Bharan Phool

Mushkil Alfaz :-
Girya = Rona
Fatiha = Esal E Sawab

Be Kas = Mohtaj
Bharan = Tez Baarish

Mafhoom :- Kon Hai Jo Mujh Ghareeb Ki Qabr Par Aa Kar Royega Aur Kuch Padh Kar Esal E Sawab Kare Ga Kaash! Ke Aye Mere Aaqa Aap Ka Koi Ghulam Aap Ke Rehmat Ka Zikr Kare Aur Aap Ki Rehmat Ki Tez Baarish Phool Ban Kar Mere Gunaho Ka Khatima Karde.

Dil Gham Tujhe Ghere Hain Khuda Tujhko Wo
Chamaakye
Suraj Tere Khirman Ko Bane Teri Kiran Phool

Mushkil Alfaz :-
Ghere Hain = Ihata Kiye Huwe Hain
Khirman = Dher

Mafhoom :-
Aye Mere Dukhi Dil Tujhe Gham Ne Kis Qadar
Ghera Hai Khuda Kare Tujhe Wasl E Mehboob Ke
Noor Ki Ek Chamak Mil Jaaye Madina Ki Haazri
Naseeb Hojaaye Agarche Kuch Lamho Ke Liye

Ziyarat E Mustafa ﷺ Hojaaye Agarcha Khwaab Me Hi Sahi To Tere Dil Se Noor Ke Aise Chashme Phootengey Ke Suraj Bhi Un Nooro'n Ki Kiran Nazar Aayega.

Kya Baat Raza Us Chamanistan E Karam Ki
Zahra Hai Kali Jis Me Hussain Aur Hasan Phool

Mushkil Alfaz :-
Chamanistan = Baagh

Mafhoom :- Aye Raza Us Baagh Ki Kya Baat Hai Jis Bagh E Risalat Ki Kali Sayyada Fatima Hai Aur Hasan Aur Hussain Us Baagh Ke Mehakte Huwe Phool Hain.

(5)
Phir Ke Gali Gali Tabha Thokarien Sab Ki Khaaye
Kyun
Dil Ko Jo Aql De Khuda Teri Gali Se Jaaye Kyun

Mushkil Alfaz :-
Tabah = Weeran
Sab Ki = Tamam Logon Ki

Mafhoom :- Duniyavi Mohabbaton Me Mubtila Hokar Hum Gali Gali Zaleel Hote Kyun Phirein Allah Ta'ala Hamare Dil Ko Agar Aqal Ata Karde To Habeeb E Khuda ﷺ Ki Gali Me Aisa Dera Lagaaye Phir Wahan Se Janaza Hi Uthe.

Rukhsat E Qafila Ka Shor Ghash Se Humien
Uthaaye Kyun
Sote Hain Unke Saaye Me Koi Humein Jagaaye
Kyun

Mushkil Alfaz :-
Rukhsat = Rawangi
Qafila = Musafiron Ka Giroh, Group
35

Ghash = Be Hoshi
Saaye = Panah

Mafhoom :- Qafila Ki Madina E Munawwara Se Rawangi Ka Shor O Ghul Hamari Sukoon Ki Neend Me Khalal Andaaz Kyun Kar Ho Sakta Hai Kyun Ke Hum To Mehboob Ke Dar Par Unke Saaye Me Panah Le Kar Chain Ki Neend So Rahe Hai.

Baar Na The Habeeb Ko Paalte Hi Ghareeb Ko
Royien Jo Ab Naseeb Ko Chain Kaho Ganwaaye
Kyun

Mushkil Alfaz :-
Baar = Bojh
Ghareeb = Kangaal, Pardesi
Chain = Aaram

Mafhoom :-
Hamare Aaqa O Maula ﷺ To Ghareeb Parwar
Wa Banda Nawaz Hai Agar Hum Apni Qismat Ki
Wajah Se Saari Zindagi Madina Shareef Me Nahi
Guzaar Sakte Aur Waapis Aa Kar Madina Chod Kar

Be Sukoon Ki Zindagi Guzar Rahe Hain To Iska Matlab Ye Nahi Ke Hum Huzoorﷺ Par Bojh Bane Huwe The Aur Unho Ne Humien Wahan Se Nikal Diya.

Yaad E Huzoor Ki Qasam Ghaflat E A'ish Hai
Sitam
Khoob Hai Qaid E Gham Me Hum Koi Humien
Churraaye Kyun

Mushkil Alfaz :-
Ghaflat = La Parwahi
Aish = Aaram O Sukoon
Sitam = Zulm
Khoob = Accha
Qaid = Giraftaar
Churraaye = Azaad Karaye

Mafhoom :-
Aye Hamare Pyaare Aaqa ﷺ Apni Ummat Ko
Yaad Karke Jo Aap Khoob Roya Karte The Aur Un Ki
Bakhshish Ke Liye Allah Se Duaien Maanga Karte
The Us Yaadgari E Ummat Ki Qasam! Humien Aap
Ko Yaad Karte Rehna Chahiye Wisal Ki Khushi Me

Chahe Judaayi Ki Tadap Me Isi Me Sukoon Hai Agar Koi Is Ko Qaid Samajhta Hai To Hum Ye Qaidi Hi Acche Hain Kisi Se Is Se Azaadi Nahi Maangte. Jab Ke Aap Ke Yaad Se Ghafil Hojana Zulm Se Kam Nahi Ke Ummati Hokar Apne Nabi Se Ghafil Hojaaye.

Dekh Ke Hazrath E Ghani Phail Pade Faqeer Bhi
Chaayi Hai Ab To Chaaoni Hashr Hi Aa Na Jaaye
Kyun

Mushkil Alfaz :- Hazrath = Buzurg Ghani = Maaldar Chaaoni = Chatri Mafhoom :- Huzoor ﷺ Ka Jood O Sakhawat Dekh Kar Maangne Waale Is Tarah Aap Ki Baragah E Aqdas Me Jama Hogaye Ke Aisa Lagta Hai Jaise Inhone Yahan Dere Bhicha Liye Hain Aur Qiyamat Bhi Aajaye To Yahan Se Uthne Ka Naam Nahi Lengey.

Jaan Hai Ishq E Mustafa Roz Fazoo Kare Khuda
Jisko Ho Dard Ka Maza Naaz E Dawa Uthaaye
Kyun
38

Mushkil Alfaz :-
Fazoo = Zyaada
Dard = Takleef
Naaz E Dawa = Ilaj Ka Nakhra

Mafhoom :- Aaqa E Do Jahaan ﷺ Ki Mohabbat Hamari Jaan Hai, Allah Ta'ala Is Me Barkat Paida Farmaye Baaqi Raha Unki Mohabbat Me Rona Aur Aanso Bahana Ye Aisa Dard Hai Ke Jiska Hum Ilaj Karna Hi Nahi Chahte Kyun Ke Jis Ko Dard Me Maza Aagaya Wo Ilaja Kyun Karega.

Hum To Hain Aap Dil Figaar Gham Me Hansi Hi
Na Gawaar
Ched Ke Gul Ko Nau Bahaar Khoon Humein
Rulaaye Kyun

Mushkil Alfaz :-
Aap = Khud Hi
Dil Figaar = Zakhmi Dil
Na Gawar = Na Munasib
Nau Bahar = Mausam E Bahar

Mafhoom :- Aye Mausam E Bahaar! Hum To Pehle Hi Apne Mehboob Ke Hijr O Firaq Me Dil Zakhmi Kiye Baithe Hai Aur Ghamgheen Ki Halat Me Bhala Hansi Koi Accha Lagta Hain? Lihaza Phoolon Ko Ched Kar Hamare Gham Me Mazeed Izafa Kar Ke Humien Khoon Ke Aansoo Na Rula.

Yaa To Yunhi Tadap Ke Jaayien Ya Wahi Daam Se
Churaayien
Minnat E Ghair Kyun Uthayien Koi Taras Jataaye
Kyun

Mushkil Alfaz :-
Tadap = Bechain
Daam = Jaal
Taras = Hamdardi
Jatana = Zaahir Karna

Mafhoom :-
Jis Qaid ( Hijr O Firaq E Rasool ﷺ) Me Hum
Phans Chuke Hain Is Se Rihaayi Ki Ilteja Auron Se
Karke Hum Kyun Kar Uska Ehsan Apne Sar Par Le
Aur Na Hi Hamare Saath Hamdardi Karne Ki Zaroorat

Nahi Bas Wahi Hamare Aaqa Humien Churaayengey Jalwa Dikhaayengey To Hijr Ke Qaid Se Rihaayi Paayengey Warna Is Qaid Me Tadap Kar Unke Liye Jaan Qurban Kardengey.

Unke Jalal Ka Asar Dil Se Lagaye Hain Qamar
Jo Ke Ho Laut Zakhm Par Daagh E Jigar Mitaaye
Kyun

Mushkil Alfaz :- Jalal = Shaan O Shaukat Qamar = Chand Laut = Shaidaayi Daagh = Nishaan Mafhoom :- Chand Pe Siyah Kaala Dhabba Mere Aaqa ﷺ Ke Ro'ab O Jalal Ka Nishaan Hai Lekin Wo Is Ko Mitaana Nahi Chahta Kyun Ke Jis Ko Ishq E Rasool Me Zakhm Kha Kar Maza Aaye Wo Un Zakhmo Ka Ilaaj Kyun Kare.

Khush Rahe Gul Pe Andaleeb Khaare Haram
Mujhe Naseeb
Meri Balaa Bhi Zikr Per Phool Ke Khaar Khaaye
Kyun
41

Mushkil Alfaz :-
Andaleeb = Bulbul
Khaare Haram = Madine Ka Kaanta
Balaa = Museebat
Phool = Phoolna Yaani Takabbur Karna

Mafhoom :- Aye Bulbul Tujhe Phool Mubarak Ho Aur Mujhe Tere Upar Na Rashk Aata Hai Na Mai Tujh Pe Hasad Karta Hoon Is Liye Ke Agar Tujhe Kisi Baagh Ka Phool Naseeb Hai Mujhe To Madina Ka Kaanta Milgaya Hai Aur Madine Ka Ek Kaanta Tere Hazaar Phoolon Se Afzal Hai Kyun Ke Wo Shehr E Mehboob Ka Kaanta Hai Aur Waise Bhi Gulo'n Se Khaar Behtar Hai Jo Daaman Thaam Lete Hain.

Gard E Malaal Agar Dhule Dil Ki Kali Agar Khile
Barq Se Aankh Kyun Jale Rone Pe Muskuraaye
Kyun

Mushkil Alfaz :-
Gard E Malaal = Gham Ka Ghubaar
Kali = Ghuncha
Barq = Bijli
Jale = Sadna
42

Mafhoom :- Khuda Kare Ke Gham Ka Gard O Ghubaar Ishq E Rasool Ke Paani Se Dhul Jaaye Aur Dil Ki Kali Nigah E Mustafa Se Khil Jaaye To Phir Meri Aankh Ko Bijli Bhi Na Jala Sake Gi Kyun Ke Aankh Ki Roshni Bijli Se Bhi Tez Hojaaye Gi Aur Phir Meri Khushi Ke Aanso Pe Koi Hans Bhi Na Sake Ga Ke Har Kisi Ko Mera Haal Maloom Hoga Aur Har Koi Allah Se Ro Ro Kar Mere Jaisa Haal Talab Kare Ga.

Jaan E Safar Naseeb Ko Kis Ne Kaha Maze Se So
Khatka Agar Sehar Ka Ho Shaam Se Mout Aaye
Kyun

Mushkil Alfaz :-
Naseeb = Muqaddar
Maze Se So = Aaram Ki Neend
Khatka = Khauf, Darr

Mafhoom :-
Madina Shareef Jaise Safar Ki Tayyari Kar Ke
Maze Ki Neend So Jaane Ka Kya Matlab! Agar Subah
Bedar Hone Ka Khatra Tere Peshe Nazar Tha To Tujhe
Shaamo'n Shaam Is Tarah Maut ( Neend) Na Aati

Balke Madine Ki Yaad Me Raat Bhar Jaag Kar Guzar Jaata.

Ab To Na Rok Aye Ghani Aa'dat E Sag Bigad Gayi
Mere Kareem Pehle Hi Luqma E Tar Khilaaye
Kyun

Mushkil Alfaz :-
Ghani = Maaldaar
Luqma E Tar = Tar Niwala

Mafhoom :- Aye Mere Kareem Aaqa ﷺ Aap Ki Rehmat Ki Wusa'ton Ko Dekh Kar Aap Ke Jood O Ata Ki Bulandiyon Ko Dekh Kar Aur Musalsal Aap Ki Ataaien Samet , Samet Kar Aap Ki Gali Ke Is Sag Ki Aadat Bigad Gayi Hain Agar Baad Me Rukhi Sokhi Roti Par Guzara Karwana Tha To Pehle Hi Tar Niwala Khilaya Hota, Ab Meherbani Farmaye Karam Ki Bheek Ata Karte Rahe Taa Ke Ek Hi Dagar Pe Guzarti Rahe Aur Ameeri Ke Baad Faqeeri Ka Munh Na Dekhna Pade.

Raah E Nabi Me Kya Kami Farsh Biyaadh E
Deedah Ki
Chadar E Zil Mulgaji Zere Qadam Bhichaaye Kyun

Mushkil Alfaz :-
Farsh = Qaleen Waghaira, Zameen
Biyaadh E Deedah = Aankh Ki Safedi
Zil = Saaya
Mulgaji = Ghubaar, Aaluda
Zere Qadam = Qadam Ke Neeche

Mafhoom :- Huzoor E Aqdas ﷺ Ke Jism Ka Saaya Na Hone Ki Ek Aqli Wajah Bayan Farmate Hain Ke Aap Ki Guzar Gaah Pe Apni Aankhon Ki Safedi Ka Farsh Bhichaane Waale Aap Ke Ghulamo'n Ki Kya Kami Hai Jo Aap Ko Saaya Ki Maili Kuchli Chadar Mehsoos Ho.

Sang E Dar E Huzoor Se Hum Ko Khuda Na Sabr
De
Jaana Hai Sar Ko Jaa Chuke Dil Ko Qaraar Aaye
Kyun

Mushkil Alfaz :-
Sang = Chowkat
Qaraar = Sukoon

Mafhoom :- Aye Allah Meri Ye Dua Ke Tere Mehboob Ke Dar Par Bechain Hokar Zindagi Guzarun, Aur Sar Rakh Kar Ragdun Ya Phir Beqaraari me jaan bhi de dun lekin Qaraar kaise aaye.

Hai To Raza Nira Sitam Jurm Pe Gar Lajaayein
Hum
Koi Bajaaye Soz E Gham Saaz E Tarab Bajaaye
Kyun

Mushkil Alfaz :- Nira = Khalis Sitam = Zulm Jurm = Gunah Lajaaye = Sharmaye Soz E Gham = Gham Ki Jalan Saaz E Tarab = Khushi Ka Saaz Baja Mafhoom :- Aye Raza Kis Qadar Zulm Hoga Ke Hum Apne Gunaho Par Sharminda Ho Kar Ro Ro

Kar Allah Se Muafi Maang Rahe Ho Aur Koi Hamare Gham Me Shareek Ho Kar Hamdardi Karke Pareshaan Hone Ke Bajaaye Khushi Aur Masrrat Ke Shaadiyaane Bajana Shuru Karde. To Jan Ye Kisi Mamooli Samjh Boojh Waale Se Nahi Ho Sakta To Hamare Aaqa Humien Sazao'n Me Dekh Kar Kaise Khush Rahengey Balke Unko To Khushi Tab Hogi Jab Saare Ummati Jannat Me Daakhil Hojayengey.

(6)
Unki Mehak Ne Dil Ke Ghunche Khila Diya Hain
Jis Raah Chal Gaye Hain Kooche Basa Diye Hain

Mushkil Alfaz :-
Mehak = Bheeni Bheeni Khushboo
Ghunche = Kali, Band Phool
Khila Diye = Khol Diye Hain
Kooche = Galiyaan
Basa Diye = Abaad Kardiye

Mafhoom :-
Mere Aaqa ﷺ Ki Kaisi Shaan Hai Ke Aap
Jidhar Se Bhi Guzre Hain Aap Ke Jism E Aqdas Ke

Khushboo Se Dilo Ki Band Kaliyaan Khilti Gayi ( Gham Mit Gaye, Mohabbat Ki Hawaien Chalti Gayi) Aur Gali Koocho'n Se Weerani Door Hogayi Aur Aabdai Hogayi.

Jab Aagayi Hai Josh E Rehmat Pe Unki Aankhien
Jalte Bujha Diye Hain Rote Hansa Diya Hain

Mushkil Alfaz :-
Josh = Ghalba
Jalne = Jo Aag Me Jal Raha Ho

Mafhoom :- Mere Aaqa Ki Rehmat Ka Aalam Ye Hai Ke Jab Unki Rehmat Ka Darya Josh Me Aata Hai Yaani Ummat Ki Bakhshish Ke Liye Aankhon Se Aansoo Jaari Huye To Aap Ki Ba Barkat Aansuo'n Ne Jahannum Ke Jalte Sho'lon Ko Bhuja Diya Hai Aur Un Se Darne Waalo Ki Shafa'at Karke Un Rone Waalo Ko Hansa Diya Hai. Ya Matlab Ye Hai Ke Jis Taraf Huzoor ﷺ Ne Nigha E Rehmat Se Dekha Bad Bakhti Ki Aag Me Jalne Waalo Ko Nek Bakht Bana Kar Unke Chehron Pe Muskurahat Ke Phool Khila Diye Hain.

Ik Dil Hamara Kya Hain Aazaar Uska Kitna
Tum Ne To Chalte Phirte Murde Jila Diye Hain

Mushkil Alfaz :-
Aazaar = Takleef
Jila Dena = Zinda Karna

Mafhoom :- Aye Mere Aaqa Hamare Dil Ki Beemari Takleef To Aap Ke Liye Mamooli Baat Hai Aap Ne To Chalte Phirte Murdo'n ( Kaafir, Mushrik,'Darakht, Patthar) Ko Kalma Padha Kar Imaan Ki Daulat De Kar Zinda Farma Diya Hain.

Unke Nisaar Koi Kaise Hi Ranj Me Ho
Jab Yaad Aagaye Sab Gham Bhula Diye Hain

Mushkil Alfaz :-
Ranj = Takleef

Mafhoom :-
Mere Aaqa Aap Ke Zikr Par Hum Kyun Na
Qurban Ho Jaaye Ki Jitni Bhi Pareshaaniyan Kyun Na
Ho Jab Yaad Aajaye To Sab Takleefain Door Aur Sab

Gham Kafoor Hojate Hain Aur Dil Pur Noor Hojaate Hain.

Hum Se Faqeer Bhi Ab Pheri Ko Ut the Hongey
Ab To Ghani Pe Dar Par Bistar Jama Diye Hain

Mushkil Alfaz :-
Pheri = Chakkar Lagana
Ghani = Maaldar
Jama Dena = Jam Kar Baith Jaana

Mafhoom :- Hum Jaise Bhi Gaye Guzre Mangte Aur Bhikaari Ab Kisi Aur Dar Pe Bheek Ke Liye Kyun Phere Aur Chakkar Lagayein Bas Ab Pheri Aur Chakkar Khatam, Kyun Ke Aise Sakhi Ka Darwaza Mil Gaya Hai.

Asra Me Guzre Jis Dam Berey Pe Qudsiyon Ke
Hone Lagi Salami Parcham Jhuka Diye Hain

Mushkil Alfaz :-
Asra = Safar E Meraj
Bera = Jama'at
Qudsi = Farishte

Parcham = Jhanda

Mafhoom :- Shab E Asra Ke Dulha Shab E Meraj Jab Aasmaniyo Ki Bulandi Par Farishton Ke Jamme Ghafoor ( Jo Aap Ke Isteqbal Ke Liye Sidrtaul Muntaha Ke Paas Jama' The Ta Ke Huzoor Ka Isteqbal Bhi Karien Bhi Aur Jo Aaj Tak Ziyarath Se Musharraf Nahi Ho Sake Wo Ziyarath Bhi Karlien.

Aane Do Ya Duboo Do Ab To Tumhari Jaanib
Kashti Tumhi Pe Chori Langar Utha Diye Hain

Mushkil Alfaz :-
Duboo = Garq Kardo
Jaanib = Taraf
Langar = Wo Rassi Jisse Kashti Baandhi Jaati Hai

Mafhoom :- Aye Mere Aaqa Madina Shareef Ke Liye Hum Behri Jahaaz Pe Suwaar Ho Chuke Hain Aur Jahaz Chal Pada Hai Rassi Khol Diye Gaye Hain Ab Aap Ki Marzi Hai Humien Samadar Me Dubok Dein Ya Apni Bargah Me Aane De.

Ya Phir Aye Mere Aaqa Hum Ne Apni Zindagi Ki Kashti Aap Ke Bharose Par Duniya Ke Samundar Me Chala Di Hai Aur Rassi Khol Diye Hain Ab Aap Ki Marzi Humien Raaste Me Rakhien Yaani Na Kaami Ki Taraf Isharah Hai Ya Qiyamat Kar Ke Apne Saath Jannat Me Le Jaaye.

Dulha Se Itna Keh Do Pyaare Suwaari Roko
Mushkil Me Hai Baraati Pur Khaar Baadiye Hain

Mushkil Alfaz :-
Pur Khaar = Kaanto Se Bhare Huwe
Baadiye = Jangal

Mafhoom :- Aye Farishto! Aaqa Shab E Asra Ke Dulha Tak Meri Ye Darkhwast Pahuncha Do Ke Ya Rasool Allah ﷺ Maidan E Mehshar Me Zara Sawaari Rok Rok Kar Chalna Ke Aap Ke Ummati Un Pur Khaar Baadiyo ( Mehshar Ke Mushkilat) Me Phanse Huwe Hain Un Ko Saath Le Kar Jaaye.

Allah Kya Jahannum Ab Bhi Na Sard Hoga
Ro Ro Ke Mustafa Ne Darya Baha Diye Hain

Mafhoom :- Aye Mere Allah! Kya Tera Jahannum Tere Mehboob Ke Ummat Ke Liye Abhi Thanda Nahi Huwa ? Halanke Tu Janta Hai Tere Mehboob Ne Apni Ummat Ki Bakshish Ki Khaatir Teri Bargah Me Ro Ro Kar Itni Duaayien Maangi Ke Goya Aap Ne Aanso Darya Ban Kar Bah Rahe Hain.

Mere Kareem Se Agar Qatra Kisi Ne Maanga
Darya Baha Diye Hain Durbe Baha Diye Hain

Mushkil Alfaz :-
Dur = Mo'ti
Be Baha = Bohat Zyada

Mafhoom :- Mere Kareem Aaqaﷺ Wo Hain Ke Agar Un Se Kisi Ne Qatra Ka Sawal Kiya Karne Waale Ne To Apni Zaroorat Ke Mutabiq Sawal Kiya Magar Aaqa ﷺ Ne Us Ki Zaroorat Ke Mutabiq Nahi Apni Shaan Ke Mutabiq Ata Farmaya Hain. Lihaza Kisi Ne Ek Qatra Ka Sawal Kiya Hai To Aap Ne Darya Ata Kar Diya Yaani Pesh Qeemti Heere Jawahirat Se Nawaz Diya Hain.

Mulk E Sukhan Ki Shaahi Tum Ko Raza Musallam
Jis Simt Aagaye Ho Sikke Bitha Diye Hain

Mushkil Alfaz :-
Mulk E Sukhan = Kalam Ka Mulk
Shaahi = Hukoomat
Musallma = Supurd
Simt = Taraf
Sikke Bitha Dena = Danke Baja Dena

Mafhoom :- Tehdees E Nemat Ke Taur Par Ke Aye Ahmed Raza To Tehreer Aur Fasahat O Balaghat Ka Baadshah Hai Aur Haqeeqat Pasand Logon Ne Is Maidan Me Teri Badshahi Tasleem Karliya Hai Jis Mauzu Par Tu Ne Qalam Uthaya Hai Haq Ada Kar Diya Hain.

(7)
Pul Se Utaro Rah Guzar Ko Khabar Na Ho
Jibreel Par Bichaaye To Par Ko Khabar Na Ho

Mushkil Alfaz :-
Utaro = Guzaaro
Rah Guzar = Raasta

Mafhoom :- Aye Mere Pyare Aaqa ﷺ! Apni Ummat Par Ye Ehsaan Bhi Farma Dijiye Ke Jab Baroz E Qiyamat Aap Ki Ummat Pul Sirat Se Guzarne Lage To Aap Ki Madad Shaamil E Haal Ho Jaaye Aur Ummati Aisi Aasani Ke Saath Us Baal Se Zyada Bareek Talwaar Se Zyada Tez Pul Se Guzar Jaaye Ke Khud Pul Ko Bhi Pata Na Chale Ke Koi Mujh Pe Hai Ya Nahi Aur Jibrael Ameen Apni Tamanna Poori Karne Ke Liye Aap Ki Ummat Ki Qadmo Ke Neeche Pul Sirat Pe Par Bhichaaye To Un Ke Par Ko Bhi Pata Na Chale.

Kaanta Mere Jigar Se Gham E Rozgaar Ka
Yun Kheench Lijiye Ke Jigar Ko Khabar Na Ho

Mushkil Alfaz :-
Rozgaar = Fikr E Muash , Rozi Ki Fikr
55

Kheench Lijiye = Nikaal Lijiye Mafhoom :- Aye Mere Pyare Nabi ﷺ Duniya Ke Ranj O Alam Aur Fikr E Muash Ka Kaanta Mere Dil Se Is Tarah Nikaal Dijiye Ke Mere Dil Aur Jigar Ko Us Kaante Ka Nikalne Ka Ehsaas Tak Na Ho.

Faryad Ummati Jo Kare Haal E Zaar Me
Mumkin Nahi Ke Khair E Bashar Ko Khabar Na
Ho

Mushkil Alfaz :-
Fariyad = Madad Maangna
Haal E Zaar = Mushkil Me
Khair E Bashar = Insano'n Me Sab Se Behtar

Mafhoom :- Bhala Ye Kaise Ho Sakta Hai Ke Koi Aap Ka Museebat Me Phansa Huwa Ummati Khuloos Niyyat Ke Saath Aap Ko Pukaare To Aap Tamaam Kaayenath Ke Sardar Hokar Bhi Uski Faryaad Rasi Na Farmaye.

Kehti Thi Ye Buraq Se Uski Sabak Ravi
Yun Jayiye Ke Gard E Safar Ko Khabar Na Ho

Mushkil Alfaz :-
Buraq = Me'raj Ki Raat Huzoor ﷺ Ki Sawari
Sabak Ravi = Tez Raftaari
Gard E Safar = Raaste Ka Ghubaar

Mafhoom :- Meraj Ki Shab Jab Hamare Aaqa O Moula ﷺ Buraq Par Jalwa Gar Huwe To Buraq Ki Tez Raftaari Buraq Ko Keh Rahi Thi Ke Aisi Sahulat O Aaram Se Chalna Ke Raaste Ko Bhi Pata Na Chale Ke Mere Upar Kon Ja Raha Hai.

Farmate Hain Ye Dono Hain Sardare E Do Jahaan
Aye Murtaza! Ateeq O Umar Ko Khabar Na Ho

Mushkil Alfaz :-
Murtuza = Hazrth E Ali Ka Laqab
Ateeq = Hazrath E Siddique Akbar Ka Laqab

Mafhoom :- Ek Hadees E Pak Ka Mafhoom Bayan Kiya Ja Raha Hai Ke Aye Ali! Abu Bakr O Umar Dono Sardar Hai Aur Unhien Khabar Na Ho.

Aisa Ghuma De Unki Wila Me Khuda Humien
Dhoonda Kare Par Apni Khabar Ko Khabar Na Ho

Mushkil Alfaz :-
Wila = Mohabbat

Mafhoom :- Allah Ta'ala Se Dua Hai Ke Humien Unki Aur Aap Ke Sahaba E Kiram Ki, Ahle Baith Ki Mohabbat Me Aisa Fana Karde Ke Khud Hamari Khabar Ko Bhi Pata Na Chale Ke Hum Kahaan Hai.

Aa Dil Haram Ko Rokne Waalo'n Se Chup Ke Aaj
Yoon Uth Chalien Ke Pehlu O Bar Ko Khabar Na
Ho

Mushkil Alfaz :-
Pehlu = Karwat, Pasli
Bar = Seena

Mafhoom :-
Haram E Nabvi Se Rokne Waalo'n Ke Saath Aaj
Ek Chaal Chalte Hain Aur Wo Ye Ke Aaj Is Tarah
Haazri Dete Hai Ke Rokne Waalo'n Ko To Kya Pata

Chale Ga Khud Hamare Pehlu Aur Deegar Aa'za Ko Bhi Pata Na Chale Ga Aur Wo Haazri Dil Ki Haazri Hai Ke Baithe Baithe Haazri Hogayi.

Tair E Haram Hai Ye Kahin Rishta Bapaa Na Hon
Yoon Dekhiye Ke Taar E Nazar Ko Khabar Na Ho

Mushkil Alfaz :-
Tair E Haram = Haram Ke Parinde
Rishta Bapa = Ta'lluq Qayim Hona
Taar E Nazar = Aankh Ki Putli

Mafhoom :- Kahin Haram E Nabvi Ke Parindo'n Se Hamari Dosti Na Paida Hojaye Lihaza Sarkar Roze Ko Aise Adab Se Dekhun Ke Aankh Ki Putli Bhi Dekhti Hi Rah Jaaye Aur Us Ko Pata Hi Na Chale Ke Hum Ne Kis Ko Dekh Liya Hai.

Aye Khaar E Taiba Dekh Ke Daaman Na Bheeg
Jaaye
Yun Dil Me Aa Ke Deedah E Tar Ko Khabar Na Ho

Mushkil Alfaz :-

Khaar E Taiba = Madine Ka Kaanta
Deedah E Tar = Chashm E Tar, Purnam Aankh, Bheegi
Huwi Aankh

Mafhoom :- Aye Madine Ke Kaante Dekhna Kahin Meri Aankh Tujhe Dekh Na Le Aur Tere Daaman Pe Koi Cheenta Na Pad Jaaye, Us Ka Behtar Hal Ye Hai Ke Aankh Ko Choron Wo Tere Shayan E Shaan Nahi Har Ek Ko Dekhti Rehti Hai Aa Pyare Mere Dil Me Utar Ja Jahan Madina Hi Madina Samaya Huwa Hai. Ta Ke Meri Bheegi Huwi Aankh Ko Pata Bhi Na Chale.

Aye Shauq E Dil Ye Sajda Gar Unko Rawaa Nahi
Accha Wo Sajda Kijiye Ke Sar Ko Khabar Na Ho

Mushkil Alfaz :-
Rawaa = Jaiz

Mafhoom :- Shariyat Me Kisi Ko Bhi Sajda E Tazeemi Karna Jaiz Hi Nahi Hai To Aye Dil Agar Tujhe ShauqHai To Aisa Dili Sajda Kar Ke Sar Ko Bhi Khabar Na Ho.

Unke Siwa Raza Koi Hami Nahi Jahaan
Guzra Kare Pisar Pe Pidar Ko Khabar Na Ho

Pisar = Beta
Pidar = Baap

Mafhoom :- Aye Raza Pyare Aaqa ﷺ Ke Siwa Us Din Maidan E Mehshar Me Jahan Na Walidain Apni Aulad Ke Kaam Ayingey Wahan Par Siwaaye Huzoor ﷺ Ke Tera Koi Bhi Haami Nahi Hai.

(8)
Wo Su'ey Laalah Zaar Phirte Hain
Tere Din Aye Bahaar Phirte Hain

Mushkil Alfaz :-
Su'ey = Taraf
Laalah Zaar = Baagh

Mafhoom :-
Aye Mausam E Bahaar Dekh Mere Aaqa Ka
Baagh Kisi Taraf Khirmaan Khirmaan Jaa Raha Hai
61

Ab To Khush Ho Ja Ke Tere Upar Asal Bahaar Waqt Aane Wala Hi Hain.

Jo Tere Dar Se Yaar Phirte Hain
Dar Ba Dar Yun Hi Khaar Phirte Hain

Mushkil Alfaz :-
Dar Badar = Ek Darwaze Se Doosre Darwaze Tak
Khaar = Zaleel

Mafhoom :- Aye Mere Pyare Aaqa ﷺ Jo Aap Ke Dar Se Nakam Waapis Laut Gaya Wo Kabhi Kisi Kaam Ka Na Ho Saka Dar Badar Dhakke Khaata Zaleel O Ruswa Hota Raha.

Aah Kal A'ysh To Kiye Humne
Aaj Wo Be Qaraar Phirte Hain

Mushkil Alfaz :-
Aah = Haaye, Afsos
A'ysh = Aaram
Be Qaraar = Be Chain

Mafhoom :- Duniya Ke Andar Ghaflat Me Pade Rahe Aakhirat Ki Parwah Kiye Baghair Aish O Ishrat Me Zindagi Guzarte Rahe Aur Aakhirat Ko Fikr Tak Na Ki Lekin Maidan E Mehshar Me Dekho Kaise Be Chain Phirte Hain.

Unke Eemaa Se Dono'n Baagho'n Par
Khayl E Layl O Nahaar Phirte Hain

Mushkil Alfaz:-
Eemaa = Ishaara
Baagh = Lagaam
Khayl = Ghode
Layl O Nahaar = Raat Din

Mafhoom :- Din Aur Raat Ke Ghode Ke Laagaamien Aap Hi Ke Haath Me Hai Aur Aap Hi Ke Ishaare Par Rawaan Dawaan Hai Aap Rok De To Ruk Jaaye Balke Wapis Aajaye.

Har Chiragh E Mazar Par Qudsi
Kaise Parwaana Waar Phirte Hain

Mushkil Alfaz :-
Qudsi = Farishte
Parwaana waar = Parwaane Ki Tarah

Mafhoom :- Mere Aaqa ﷺ Ke Mazar E Pur Anwaar Pe Dekho Farishte Haazir Hote Hain Aur Apne Noorani Paro'n Se Mazar Mubarak Par Jhaadun Dete Hain Yaani Apne Paro'n Ko Sarkar Ki Qabr E Anwar Par Malte Hain.

Us Gali Ka Gada Hoon Main Jis Me
Maangte Tajdaar Phirte Hain

Mushkil Alfaz :-
Gada = Bhikaari

Mafhoom :- Main Koi Kisi Mamooli Dar Ka Mangta Nahi Hoon Balke Aaqa E Do Jahaan ﷺ Ki Gali Ka Faqeer Hoon Jahaan Duniya Ke Bade Bade Baadshah Bhi Sarkar Ki Bheek Mangte Phirte Hain.

Jaan Hai Jaan Kya Nazar Aaye
Kyun A'du Gird O Ghaar Phirte Hain
64

Mushkil Alfaz :-
Jaan = Rooh
A'du = Dushman
Gird O Ghaar = Ghaar Ke Ird Gird

Mafhoom :- Ghaar E Saur Me Hijrt Ki Raat Qiyaam Ke Dauran Dushman Ghaar Ke Dahaane Pe Chale Aaye Aur Idhar Udhar Phirte Rahe Magar Mere Aaqa Unko Nazar Na Aaye Is Liye Ke Aap To Rooh Aur Jaan E Kainaat Hai Aur Jaan Bhala Kahan Nazar Aati Hai Aur Aap To Emaan Ki Bhi Jaan Hai.

Phool Kya Dekhun Meri Aankhon Me
Dasht E Taiba Ke Khaar Phirte Hain

Mushkil Alfaz :-
Dasht E Taiba = Madine Ka Jangal
Khaar = Kaanta

Mafhoom :-
Aye Phoolo'n Mujhe Mazoor Samjho, Main
Tumhien Nahi Dekh Sakta Kyun Ke Meri Aankhon
Me Madine Ke Kaante Aise Bas Gaye Hain Ke Ab

Duniya Me Phoolo'n Se Zyada Madine Ka Kaanto'n Ki Mohabbat Dil Me Sama Gayi.

Laakho'n Qudsi Hai Kaam Khidmat Par
Laakho'n Gird E Mazaar Phirte Hain

Mushkil Alfaz :-
Kaam Khidmat = Nokri
Gird E Mazaar = Roz E Pak Ka Ird K Gird

Mafhoom :- Sarkar E Madina ﷺ Ki Bargah Me Har Waqt Farishto'n Ka Hujoom Rehta Hai Har Kisi Ke Zimme Koi Na Koi Khidmat Hai Aur Laakho'n Roza E Anwar Ke Gird Chakkar Laga Rahe Hai Aur Wajd Ke Aalam Me Jhoom Kar Arz Kar Rahe Hain.

Wardiyaan Bolte Hain Har Kaarey
Pehra Dete Sawaar Phirte Hain

Mushkil Alfaz :-
Wardiyaan = Is Tarha Wazeefa Padte Hain
Har Kaare = Elaan Karne Waala

Mafhoom :- Kayi Farishte Aap Ki Bargah Ke Bahar Nabuwwat Baja Kar Huzoor Ke Karam O Rehmat Ka Elaan Kar Rahe Hain Aur Kayi Doosre Noor Ki Sanwaar Ho Kar Aap Ke Shahar Ka Pehra De Rahe Hain.

Rakhiye Jaise Hain Khaana Zaad Hain Hum
Mol Ke Ayb Daar Phirte Hain

Mushkil Alfaz :-
Khaana Zaad = Ghar Hi Me Paida Hone Wala Ghulam
Mol = Qeemat
A'ib Daar = A'ib Waala

Mafhoom :- Ya Rasool Allah ﷺ Hum Jaise Bhi Hai Nikamme Hai Ya Kaam Ke Humien Apne Dar Par Hi Rakhiye Kyun Ke Hum Aap Ke Tukdo Pe Pale Huwe Hain. Agar Aap Becheingey To Hum Jaise Aibo'n Ko Kon Khareede Ga, Acche Bhale Qeemat Waale Maare Maare Phir Rahe Hain Aur Zaleel Ho Rahe Hain To Hamara Kya Banega.

Haaye Ghafil Wo Kya Jaga Hai Jahaan
Paanch Jaate Hai Chaar Phirte Hain
67

Mafhoom :- Aye Maut Se Bakhabar Ho Kar Ghaflat Ki Neend Sone Waale Nadaan! Hosh Kar Apne Ird Gird Dekhta Nahi Chaar Chaar Ya Paanch Paanch Janaze Galiyo Me Phir Rahe Hain Aakar Qabristano'n Ki Taraf Ja Rahe Hain.

Bayen Raaste Na Ja Musaafir Sun
Maal He Raah Maar Phirte Hain

Mafhoom :- Aye Duniya Ke Chand Roz Musafir Agar Tere Seene Me Ishq E Rasool ﷺ Ki Daulat Hai To Baayien Ashaab Us Shimaal Waale Raaste Ki Taraf Na Ja Kyun Ke Us Raaste Par Bhes Badal Rahe Kat Daak Zani, Thag Baazi Me Masroof Kaar Hai Kahin Ishq E Rasool ﷺ Ki Daulat Lut Na Jaaye.

Jaage Sunsaan Ban Hai Raat Aaye
Gurg Behr E Shikaar Phirte Hain

Mushkil Alfaz :-
Sunsaan = Weeran
Ban = Jangal
Gurg = Bhediya
Behr = Waaste
68

Mafhoom :-
Aye Ghafil Insan! Hoshiyaar, Kyun Ke Duniya
Ke Weeran Jangal Me Hai Aur Yahan Bade Bade
Bhediya Tera Shikaar Karne Nikle Huye Hain. Aur
Agar Un Se Bach Gaya Bhi To Nafs O Shaitan Mauqa'
Par Aakhirath Kahin Barbad Na Karde

Nafs Ye Koo Chaal Hai Zaalim
Jaise Khaase Bajaar Phirte Hain

Mushkil Alfaz :-
Khaase = Acche
Bajaar = Zabardast

Mafhoom :- Aye Dhoke Baaz Nafs Ye Bhi Teri Koi Chaal Hi Lagti Hai Ke Tu Ne Bade Bade Ke Ghar Ujaad Diye Hain Ya Matlab Ye Hain Ke Aye Nafs Zaalim Teri Shararat Az Baam Ho Chuki Hai Jaisi Chaal Chal Ke Aayega.

Koi Kyun Pooche Teri Baat Raza
Tujhse Kutte Hazaar Phirte Hain

Mafhoom :- Aye Ahmed Raza Tu Kya Teri Haqeeqat Kya Tujh Se Hazaaro'n Sag Madine Ki Galiyo Me Phir Rahe Hain.

(9)
Sab Se Aula O Aala Hamara Nabi
Sab Se Baala O Waala Hamara Nabi

Mushkil Alfaz :-
Aula = Sab Se Behtar
Aala = Sab Se Buland
Baala = Buland
Waala = Oonche Martabe Waala

Mafhoom :-Saari Makhlooq Se Afzal O Aala Aur Buland Aur Baala Hamare Aaqa O Maula ﷺ Ki Zaat E Ba Barkaat Hai.

Apne Moula Ka Pyara Hamara Nabi
Dono Aalam Ka Dulha Hamara Nabi

Mushkil Alfaz :-
Maula = Malik ( Allah Ta'ala)
70

Aalam = Jahaan
Dulha = Jis Ke Liye Baraat Sajaayi Gayi

Mafhoom :- Hamare Aaqa ﷺ Apne Rab Ko Bohat Pyaare Hain Yun Samjho Ke Ap Aise Dulha Hain Ke Dono Jahaan Aap Ke Liye Baraati Hai.

Bazm E Aakhir Ka Shama' Farozaan Huwa
Noor E Awwal Ka Jalwa Hamara Nabi

Mushkil Alfaz :-
Bazm E Aakhir = Aakhri Mehfil
Shama' Farozaan = Roshan Shama'
Noor E Awwal = Noor E Azli ( Allah)

Mafhoom :- Hamare Aaqa ﷺ Duniya Ki Mehfil Me Sab Se Aakhir Me Tashreef Laaye Aur Aakhirath Me Jab Maidan E Mehshar Me Saare Jahaan Ki Mehfil Sajegi Wahan Bhi Shama' E Mehfil Huzoor ﷺ Hi Ki Zaat Hogi Aur Kyun Na Ho Ke Aap Zaat E Khuda Wandi Ka Jalwa Hai.

Jis Ko Shayaan Hai Arsh E Khuda Par Juloos
Hai Wo Sultan E Waala Hamara Nabi

Mushkil Alfaz :-
Shayaan = Laayiq
Juloos = Baithna
Sultan e Waala = Buland O Baal Baadshah

Mafhoom :- Hamare Aaqa ﷺ Jab Ithe Buland Hai To Unke Liye Baithne Ki Jaga Arsh E Aala Hi Sab Se Munasib Jaga Tehri.

Bujh Gayi Jiske Aage Sabhi Mash'ale
Shama' Wo Lekar Aaya Hamara Nabi

Mushkil Alfaz :-
Mash'ale = Shama'ien

Mafhoom :- Nabi E Akram ﷺ Jo Deen E Haq
Deen E Islam Ka Shama' Lekar Aaye Us Ke Aage
Pichle Tamaam Ambiya Kiram Ki Adyaan Ki
Shama'ien Bujh Gayi Aur Aap Ke Deen Ne Tamam

Adyan Ko Mansookh Kardiya Ab Naja'at Isi Deen Me Hai.

Jin Ke Talwo'n Ka Dhowan Hai Aab E Hayaat
Hai Wo Jaan E Maseeha Hamara Nabi

Mushkil Alfaz :-
Dhowan = Istemal Kiya Huwa Paani
Aab E Hayaat = Hayat Baksh Paani
Jaan E Maseeha = Isa Alaihissalam Ki Bhi Jaan

Mafhoom :- Sarkar ﷺ Ke Qadam Mubarak Se Ba Waqt E Wuzoo Girne Waala Paani Aisa Hai Ke Jis Se Ahle Emaan Ko Hayaat E Jaavedaani Naseeb Hoti Hai. Is Liye Huzoor ﷺ Isa Alihissalam Ki Bhi Jaan Hai.

Arsh O Kursi Ko Thi Aaina Bandiyaan
Suye Haq Jab Sudhara Hamara Nabi

Mushkil Alfaz :-
Aaina Bandiyaan = Rang Range Sheesho'n Se Makaan
Ko Aarasta Karna
Sudhara = Rawana Huwa
73

Mafhoom :- Jab Nabi E Akram ﷺ Shab E Meraj Ke Dulha Bane To Aap Ki Izzat Afzaai Ke Liye Allah Ta'ala Ne Arsh O Kursi Ko Bhi Khoob Sajaya Hain.

Khalq Se Auliya Auliya Se Rusul
Aur Rasoolo'n Se Aala Hamara Nabi

Mushkil Alfaz :-
Khalq = Makhlooq
Auliya = Allah Ke Pyaare
Rusul = Ambiya E Kiram

Mafhoom :- Tamam Makhlooq Me Se Insan Afzal O Aala Aur Insaano Se Auliya E Kiram Afzal Hai Aur Auliya Se Rasool O Mursaleen Afzal Aur Sab Rasoolo'n Se Aala Hamare Nabi ﷺ Hai.

Husn Khata Jis Ke Namak Ki Qasam
Wo Maleeh E Dil Aara Hamara Nabi

Mushkil Alfaz :-
Maleeh = Namkeen ( Jisko Dekhne Se Sairabi Na Ho)

Mafhoom :- Husn E Mustafa ﷺ Se Aisi Namkeen O Malahat Hai Ke Khud Husn Bhi Us Malahat Ki Qasmien Khata Hai Aur Wo Malahat Waala Pyaara, Aankho Ka Taara, Hamara Nabi Hai.

Zikr Sab Pheeke Jab Tak Na Mazkoor Ho
Namkeen Husn Waala Hamara Nabi

Mushkil Alfaz :-
Pheeke = Be Mazaa
Mazkoor = Jiska Zikr Kiya Jaaye

Mafhoom :- Jis Tarah Khaana Baghiar Namak Ke Pheeka Aur Be Maza Isi Tarah Agar Khuda Ka Zikr Kar Liya Jaaye Aur Mehboob e Khuda Ka Zikr Na Kiya Jaaye To Saare Zikr Pheeke Rehte Hain.

Jis Ke Do Boond Hai Kausar O Salsabeel
Hai Wo Rehmat Ka Darya Hamara Nabi

Mushkil Alfaz :-
Boond = Qatre
Kausar = Jannat Ki Nehr Houz E Kausar
Salsabeel = Jannat Ka Ek Chashma
75

Mafhoom :- Hous e Kausar Jisse Saari Kaainat Paani Piyegi Magar Uske Paani Me Kami Na Aayegi. Isi Tarah Salsabeel Bhi Jannat Ka Bohat Bada Chashma Hai Lekin Mere Aaqa ﷺ Ki Rehmat Ka Dhaate Maarta Huwa Samundar Itna Wasee' Hai Ke Ye Kausar O Salsabeel Uske Do Qatre Hain.

Jaise Sab Ka Khuda Ek Hai Waise Hi
Inka Unka Tumhara Hamara Nabi

Mafhoom :- Jis Tarah Allah Ta'ala Khuda Hone Me Tanha Hai, Allah Ka Mehboob Rasool Hone Me Saari Khudaayi Me, Wo Khuda Hone Me Be Misaal Ye Mustafa Hone Me Be Misaal, Wo Sab Ka Khuda Hai Aur Ye Sabke Nabi Hai.

Qarno Badli Rasoolo'n Ki Hoti Rahi
Chaand Badli Ka Nikla Hamara Nabi

Mushkil Alfaz :-
Qarno = Zamane
Badli = Badalna
76

Mafhoom :- Hazrath E Adam Alaihissalam Se Lekar Hazrth E Isa Tak Nabi Aate Rahe Jaate Rahe Koi Kisi Zamane Ka Nabi, Koi Kisi Alaqe Aur Khitte Ka Nabi Lekin Jab Hamare Nabi Ka Aaftab Buland Huwa To Ta Qiyamat Kisi Nabi Ki Zaroorat Hi Baaqi Na Rahi.

Kon Deta Hain Dene Ko Munh Chahiye
Dene Waala Hai Saccha Hamara Nabi

Mushkil Alfaz :-
Dene Ko = Ata Karne Ko

Mafhoom :- Huzoor ﷺ Ke Siwa Kon Hai Jo Har Suwali Ki Chahat Se Zyada Ata Kare Kisi Ko Emaan De Kisi Ko Hidayat De Aur Bhi Mazeed To Ye Sab Kuch Dene Waala Allah Ka Mehboob Hi Hai Jo Sab Ki Hajaatien Poori Farma Raha Hain.

Kya Khabar Kitne Taare Khile Chup Gaye
Par Na Doobe Na Dooba Hamara Nabi

Mushkil Alfaz :-
Khile = Chamke
Chup Gaye = Ghuroob Huwe

Mafhoom :- Kisi Ko Kya Maloom Ke Kitne Ambiya E Kiram Aasman E Nabuwwat Pe Sitaaron Ki Tarah Apne Apne Daur Me Chamke Aur Jab Unki Muddat Khatam Huyi To Chup Gaye Lekin Jab Hamare Aaqa ﷺ Ki Baari Aayi To Aap Aise Chamke Ke Kabi Doobne Ka Sawal Hi Paida Nahi Ho Sakta.

Mulk E Kounain Me Ambiya Taajdar
Taajdaaro'n Ka Aaqa Hamara Nabi

Mushkil Alfaz :- Kounain = Dono Jahaan Tajdaar = Baadshah Mafhoom :- Ambiya E Kiram Dono Jahaano'n Ke Baadshah Hai Aur Hamare Aaqa ﷺ Ka Martaba Ye Hai Ke Aap Un Baadshaho'n Ke Bhi Baadshah Hai.

La Makaan Tak Ujala Hai Jiska Wo Hai
Har Makaan Ka Ujala Hamara Nabi

Mushkil Alfaz :-
La Makaan = Jis Par Jagha Ya Makaan Ka Itlaq Na Ho
Sake
Ujala = Roshni

Mafhoom :- Chaand Suraj Ki Roshni To Phir Bhi Mehdood Hai Lekin Mah E Taiba Ki Nooraniyat Ka Aalam Ye Hai Ke Unke Wajood E Bawajood Se Farishtey Bhi Chamke Arsh Bhi Chamka, Zameen Bhi Chamki, Aasmaan Bhi Chamka, Makaan Bhi Chamke La Makana Bhi Chamke.

Saare Accho'n Me Accha Samjhiye Jise
Hai Us Acche Se Accha Hamara Nabi

Mafhoom :- Duniya Me Jitne Behtreen Aur Acche Log Hain Aap Un Sab Se Behtreen Aur Acche Hain.

Saare Ooncho'n Me Ooncha Samjhiye Jise
Hai Us Oonche Se Ooncha Hamara Nabi

Mafhoom :- Dono Jahaan Me Jis Ko Bhi Tum Ooncha Aur Buland Shan Waala Kahogey Mere Aaqa ﷺ To Us Se Bhi Buland Hai.

Ambiya Se Karun Arz Kyun Maaliko
Kya Nabi Hai Tumhara Hamara Nabi

Mafhoom :- Qiyamat Ke Din Jab Tamam Ambiya E Kiram Jalwa Farma Hongey Aur Hum Bhi Hongey Aur Har Kisi Ka Ummati Keh Raha Hoga Ke Hum Inke Ummati Unke Ummati Hain Lekin Hum Keh Rahe Hongey Hum Nabi Ul Ambiya Ke Ummati Hai Aur Agar Mujhe Ijazat Mile Gi To Mai Tamam Ambiya Ke Paas Ja Kar Arz Karunga Ke Kya Hamara Nabi Jo Hai Wo Tumhara Bhi Nabi Hai?

Jisne Tukde Kiye Qamar Ke Wo Hai
Noor E Wahdat Ka Tukda Hamara Nabi

Mushkil Alfaz :- Qamar = Chaand Noor E Wahdat Ka Tukda = Allah Ke Noor Ka Jalwa Mafhoom :- Sirf Hamare Aaqa ﷺ Hi To Hai Jin Hone Chaand Ke Do Tukde Kiye Hain Aur Haan Hamara Nabi Allah Ke Noor Ka Jalwa Aur Aks Bhi Hain.

Sab Chamak Waale Ujlo'n Me Chamka Kiye
Andhe Sheesho'n Me Chamka Hamara Nabi

Mushkil Alfaz :-
Ujlo'n = Roshan
Andhe Sheeshe = Kaale

Mafhoom :- Ambiya E Kiram Padhe Likhe Mazhab, Nek Logo'n Me Tahsreef Laate Rahe Lekin Hamare Nabi Alaihissalam Jin Logon Me Mab'oos Huye Wo Kufr O Shirk, Jihalat Waale Logon Me Hamare Nabi Andhe Sheesho'n Me Aisa Chamke Ke Un Ko Bhi Chamka Ke Rakh Diya.

Jisne Murda Dilo'n Ko Di Umr E Abad
Hai Wo Jaan E Maseeha Hamara Nabi

Mushkil Alfaz :-
Umr E Abad = Hamesha Ki Zindagi

Mafhoom :- Hamare Aaqa ﷺ Ne To Aisa Tauheed Ka Naghma Alaapa Ke Jo Murda Dil The Unko Hamesha Ki Zindagi Mil Gayi. Isliye Aap Hazrath E Isa Alaihissalam Ki Bhi Jaan Hai.

Ghamzado'n Ko Raza Muzdah Dijiye Ke Hain
Bekaso'n Ka Sahara Hamara Nabi

Mushkil Alfaz :-
Muzdah = Khushkhabri

Mafhoom :- Aye Raza! Ghamgheen Dil Waale, Jo Apne Bure Aamal Par Ghamgheen Hai Aur Bekas O Majboor Hai Unko Khushkhabri Dijiye Ke Hamare Aaqa ﷺ Bekason Ke Sahara Hai Duniya o Aakhirtah Me To Na Ghabraaye.

(10)
Sunte Hain Ki Mehshar Me Sirf Unki Rasaai Hain
Gar Unki Rasaai Hai Lo Jab To Ban Aayi Hain

Mushkil Alfaz :-
Rasaai = Pahunch, Guzar
Lo = Baraye Ummed, Haan
Ban Aayi = Kaam Hogaya

Mafhoom :- Aye Gunahgar Ye Pata Chala Hai Ke Mehshar Me Sirf Huzoor ﷺ Hi Ki Allah Ki Bargah Tak Pahunch Hai. Accha Agar Huzoor Hi Ki Rasaai Hai To Kaam Bilkul Aasan Ho Gaga Hai Ke Huzoor To Phir Apne Hi Hain.

Machla Hai Ke Rehmat Ne Ummed Bandhaayi
Hain
Kya Baat Teri Mujrim Kya Baat Ban Aayi Hain

Mushkil Alfaz :-
Machla Hai = Zid Kar Baitha
Ummed Bandhana = Kaam Hojane Ki Tasalli Dena
Mafhoom :-Aye Mujrim Tu Is Liye Zid Kar
Baitha Hai Na Ke Unki Rehmat Kisi Ko Mayoos Nahi

Karti Tere Muqaddar Pe Qurbaan Aye Gunahgar Tu Ne Bhi Khoob Taweelain Karke Uzr Aur Bahaane Banaaye Hai Ke Aisi Baat Ban Aayi Hai Ke Tere Gunah Nekiyon Me Tabdeel Hogye Aur Tu Haari Baazi Jeet Gaya.

Sab Ne Saf E Mehshar Me Lalkaar Diya Humko
Aye Bekaso'n Ke Aaqa Ab Teri Duhaayi Hain

Mushkil Alfaz :-
Lalkaar = Jhidak Diya
Be Kas = Majboor

Mafhoom :- Tamam Ambiya E Kiram Ne To Maidan E Mehshar Ki Saf Se Humien Jhidak Kar Nikal Diya Ke Jao! Hum Tumhari Shafa'at Nahi Kar Sakte! ( Tum Itne Bade Mujrim Ho Ke Hamari Shafa'at Se Tumhara Kaam Na Banega) Aye Majbooro'n Ke Aaqa Ab Aap Hi Ki Bargah Me Faryaad Hai.

Yoon To Sab Unhi Ka Hai Par Dil Ki Agar Poocho
Ye Toote Huwe Dil Hi Khaas Unki Kamaayi Hain

Mushkil Alfaz :-
Kamaayi = Aamdani

Mafhoom :- Waise To Har Shay'i Sarkar ﷺ Ke Liye Hai Kyun Ke Unhi Ke Sadqe Se Har Ne'mat Mili Hai Magar Hamara Toota Huwa Dil Khaas Unhi Ki Mohabbat Ke Liye Hai, Is Me Koi Aur Sama Nahi Sakta Ya Matlab Uski Unki Bargah Me Bohat Zyada Ahmiyat Hain.

Zaair Bhi Gaye Kab Ke Din Dhalne Pe Hain Pyaare
Uth Mere Akele Chal Kya Der Lagaayi Hain

Mushkil Alfaz :-
Zaair = Ziyarath Karne Wala
Din Dhalne Pe = Suraj Ghuroob Hone Ke Qareeb

Mafhoom :- Madina Shareef Ki Ziyarth Karne Waale To Kab Ke Ja Chuke Hain Aur Aye Ahmed Raza Tu Abhi Aaram Se Baitha Huwa Hai Zindagi Ka Suraj Ghuroob Hone Ke Qareeb Hai, Uth Der Na Laga Aur Agar Koi Saath Nahi Bhi To Akela Hi Sooye Madina Rawana Ho Ja.

Bazaar E Amal Me To Sauda Na Bana Apna
Sarkar Karam Tujh Me A'ibi Ki Samaayi Hain

Mushkil Alfaz :-
Sauda = Qeemat, Hisaab Kitaab
A'ibi = Gunahgar
Samaayi = Wus'at, Gunjaish

Mafhoom :-Aye Hamare Pyare Aaqa ﷺ Amal Ke Lihaaz Se To Hum Bilkul Nikamme Hai, Koi Neki Hai Na Koi Tayyari, Aye Aaqa Karam Farmaye Agar Aap Hum Jaise Aib Daaro'n Ko na Sambhaalengey To Kaun Sambhalega Aap Ke Daaman E Karam Me To Mujh Jaise Karodo'n Sama Sakte Hain.

Girte Huwo'n Ko Muzdah Sajda Me Gire Maula
Ro Ro Ke Shafa'at Ki Tamheed Uthaayi Hain

Mushkil Alfaz :-
Muzdah = Khushkhabri
Tamheed = God
Mafhoom :-
Aye Gunahgaaro'n Mubarak Ho Aaqa Ne Sajde
Me Sar E Anwar Rakh Kar Baab E Shafa'at Khol Diya
86

Hai Aur Dekho Ro Ro Kar Zulfien Bhikar Kar Allah Ki Hamd Aise Pyare Andaaz Me Shuru Ki Hai.

Aye Dil Ye Sulagna Kya Jalna Hai Jal Bhi Uth
Dam Ghutne Laga Zaalim Kya Dhooni Ramaayi
Hain

Mushkil Alfaz :-
Sulagna = Andar Hi Andar Jalte Rehna
Dhooni Ramaayi Hai = Dhooni Li Huyi Hai

Mafhoom :- Aye Dil Teri Ye Aadat Mujhe Hargiz Pasand Nahi Hai Jo Tu Andar Hi Andar Sulagta Hai Agar Tujhe Jalna Hai To Jal Kar Raakh Ho Jata, Ye Kya Aahista Aahista Dhuwaan Nikalta Rehta Hai Jis Se Dam Ghootne Lagta Hai.

Mujrim Ko Na Sharmao Ahbaab Kafan Dhak Do
Munh Dekh Ke Kya Hoga Parde Me Bhalaayi Hain

Mushkil Alfaz :-
Ahbaab = Dost
Dhak Do = Band Karo

Mafhoom :-
Aye Dosto'n Baar Baar Marne Ke Baad Mere
Chehre Ko Khol Kar Kya Dekhte Ho? Main Mujrim
Hoon Mujhe Kyun Sharminda Karte Ho, Kafan Se
Mera Chehra Daanp Do Ye Mujrim Is Qaabil

Nahi

Nahi Ke Baar Baar Us Ka Munh Dekha Jaaye, Iski Bhalaayi Isi Me Hai Ke Parde Me Rehne Do.

Ab Aap Hi Sambhaale To Kaam Apne Sambhaal
Jaaye
Hum Ne To Kamaayi Sab Khelo'n Me Gawaayi
Hain

Mushkil Alfaz :-
Kamaayi = Aamdani, Mehnat
Ganwaayi = Zaaya Kiya

Mafhoom :- Aye Pyare Aaqa ﷺ Ab Aap Hi Karam Farmaye To Hamari Baat Banjayegi Warna Hum To Apna Masla Kharaab Kar Baithe Aur Jo Bhi Waqt Tha Wo Khel Tamasho'n Me Ganwa Baithe.

Aye Ishq Tere Sadqe Jalne Se Chute Saste
Jo Aag Bujha Degi Wo Aag Lagaayi Hain

Mushkil Alfaz :-
Chute = Aazaad Ho

Mafhoom :- Aye Ishq E Mustafa ﷺ Main Tujh Pe Qurbaan Jaaun Tu Ne Hamare Dil Me Jo Firaq O Gham E Mustafa ﷺ Ki Aag Lagaayi Hain Is Ka Fayeda Ye Huwa Ke Jahannum Ki Aag Se Chutkara Mil Gaya Hai.

Hirs O Hawas Bad Se Dil Tu Bhi Sitam Karle
Tu Hi Nahi Begana Duniya Hi Paraayi Hain

Mushkil Alfaz :-
Hirs O Hawas = Lalach
Bad = Bura

Mafhoom :- Aye Dil Bure Lalach Ke Saath Jitna Zulm Kar Sakta Hai Karle Kyun Ke Begana Aur Janbi To Saara Zamana Hai Sirf Tu Hi To Nahi Ya Matlab Bhi Ho Sakta Hai Ke Jab Mai Saari Duniya Ka Zulm Sah Raha Hoon To Ek Tera Bhi Sah Lunga.

Hum Dil Jale Hain Kis Ke Hat Fitnoo Ke Parkale
Kyun Phoonk Doon Ik Uff Se Kya Aag Lagaayi
Hain

Mushkil Alfaz :-
Hat = Door Ho
Parkale = Chingaare
Phoonk Doon = Bujha Dun

Mafhoom :- Aye Mukhalif Hum Dil Jale Aashiq Hai To Hai Lekin Tu Jaanta Bhi Hai Ke Kis Ke Apne Mehboob Ke Tu Peeche Hat Ja Fitno Ki Chingaari Mai Tujhe Ik Phoonk Se Jala Kar Raakh Kardunga.

Taiba Na Sahi Afzal Makkah Hi Bada Zaahid
Hum Ishq Ke Bande Hain Kyun Baat Badaayi Hain

Mushkil Alfaz :-
Taiba = Madina
Zaahid = Aye Ibaadat Guzar

Mafhoom :- Aye Ibaadya Guzar! Hum Se Na
Jhagad Ke Makka Afzal Hai Ya Madina Afzal? Chal

Teri Hi Maan Leta Hoon Makka Hi Afzal Sahi! Madina Na Sahi Lekin Hum Ishq Waale Hain Hum Se Na Jhagad Ke Makka Ko Banane Waale Hazrath Ibrahim Alaihissalam Aur Madina Banane Waale Unke Bhi Aaqa Hai.

Matla' Me Ye Shak Tha Wallah Raza Wallah
Sirf Unki Rasaai Hain Sirf Unki Rasaai Hain

Mushkil Alfaz :-
Matla' = Pehla Shair
Wallah = Allah Ki Qasam

Mafhoom :- Aye Raza Jo Tu Ne Pehle Shair Me Kaha Hai Isme Koi Shak Hi Nahi Hai Kyun Ke Allah Ki Qasam Baroz E Qiyamat Sirf Unki Hi Rasaayi Hai.

(11)
Rukh Din Hai Ya Mehr E Sama Ye Bhi Nahi Wo
Bhi Nahi
Shab Zulf Ya Mushk E Khuta Ye Bhi Nahi Wo Bhi
Nahi

Mushkil Alfaz :-
Rukh = Chehra
Mehr E Sama = Aasmaan Ka Suraj
Shab = Raat
Mushk E Khuta = Khaalis Kastoori

Mafhoom :- Main Apne Pyare Nabi Ke Chehre Ko Din Kahun Ya Aasman Ka Suraj Lekin Suraj Ko Bhi Roshni To Mehboob e Khuda Ke Rukh E Waddhuha Se Mili Hai Aur Din Ka Ujala Bhi Aaqa ﷺ Ke Husn Ka Jalwa Hai Lihaza Ye Din Huzoor ﷺ Ke Chehre Jaisa Ho Sakta Hai Na Suraj Aur Sarkar ﷺ Ke Zulf Mubarak Ko Raat Kaha Jaaye Ya Kastoori Jo Nihayat Khushbudar Hoti Hai Lekin Ye Bhi Mera Khayal Ghalat Hai Kyun Ke Raat Ki Tareeki Aur Kastoori Ki Khushbu Huzoor ﷺ Ke Zulfon Ka Faiz Hai Aur Faiz Lene Waale Dene Waale Ek Jaise Nahi Ho Sakte.

Mumkin Me Ye Qudrat Kaha Wajib Me A'bdiyyat
Kaha
Hairaan Hoon Ye Bhi Hai Khata Ye Bhi Nahi Wo
Bhi Nahi

Mushkil Alfaaz :- Mumkin = Jis Ka Hona Na Hona Barabar Ho Qudrat = Taqat Wajib = Jiska Hona Zaroori Ho Aur Na Hona Mahaal A'bdiyyat = Bandagi Khata = Bhool Mafhoom :- Hamare Aaqa O Moula ﷺ Itni Qudrato'n Ke Malik Hai ( Maslan Chand Ko Tukde Karna, Doobe Suraj Ko Pherna Waghaira) Ke Mumkin Ul Wujood ( Makhlooq) Me Ya Taqatien Kahan? Aur Aap Ko Wajib Ul Wajood Yaani Khud Khuda Manna Ye Bhi Jaiz Nahi Kyun Ke Aap To Khuda Ke Rasool O Nabi Hai Aur Allah Taala Kisi Ki Ibaadat Bandagi Se Pak Hai To Phir Mai Hairaan Hoon Ke Aap Ko Kya Kaha Jaaye.

Haq Ye Ke Hai A'bde Ila Aur Aalam E Imkaan Ke
Shah
Barzakh Hai Wo Sirre Khuda Ye Bhi Nahi Wo Bhi
Nahi
93

Mushkil Alfaz :-
A'bde Ila = Allah Ke Bande
Aalam E Imkaan = Makhlooq
Shah = Shah
Barzakh = Parda
Sirr = Raaz

Mafhoom :- Sacchi Baat To Ye Hain Ke Aap ﷺ Khuda Ke Banda E Khaas Hai Aur Khudaayi Ke Badshah Hai Aur Allah Aur Uske Makhlooq Ke Darmiyaan Parda O Rabta Hone Ke Saath Saath Alllah Ta'ala Ka Khusoosi Raaz Hain.

Bulbul Ne Gul Unko Kahan Qumree Ne Se Sarwe
Jaan Fiza
Hairat Ne Jhunjhlakar Kaha Ye Bhi Nahi Wo Bhi
Nahi

Mushkil Alfaz :-
Gul = Phool
Qumree = Safed Parinda
Sarw = Khubsoorat Darakht
Jaan Fiza = Rooh Ko Taazgi Dene Wala
Hairat = Ta'jjub
Jhunjhala Kar = Ghusse Me Aa Kar

Mafhoom :- Madine Ke Tajdaar Aur Ummat Ke Ghamkhwaar Ko Bulbul Ne Dekha To Phool Kah Diya, Qumree Ne Dekha To Apna Mehboob ( Sarwe Jaan Fiza) Kah Diya. Hairat Ne Dono Ko Daant Kar Kaha Khabardaar Jo Mehboob E Khuda Ko Phool Kaha To, Tum Sab Mehboob Ke Qadmon Pe Qurban Ho Jao Ke Wo To Wajah E Takhliq E Kainaat Hain.

Khursheed Tha Kis Zor Par Kya Bad Ke Chamka
Tha Qamar
Be Parda Jab Wo Rukh Huwa Ye Bhi Nahi Wo Bhi
Nahi

Mushkil Alfaz :-
Khursheed = Suraj
Qamar = Chaand

Mafhoom :-
Suraj Apni Poori Aab O Taab Ke Saath Tulu'
Huwa Aur Saare Jahan Ko Roshan Kar Diya, Chaand
Apni Tamam Tar Jalwo Saamaniyo Ke Saath Chamka
Aur Saari Duniya Ko Baqiya Noor Bana Diya Magar
Jab Rukh E Waddhuha Se Niqaab Utha To Chaand Ki
Chamak Rahi Na Suraj Ke Dhamak, Dono Ne
95

Sharminda Ho Kar Munh Chupa Liya Aur Mehboob Ke Husn O Jamal Ke Aage Apna Sar E Tasleem Kham Kar Liya.

Dar Tha Ke I'siyaan Ki Saza Ab Hogi Ya Roz E
Jaza
Dee Unki Rehmat Ne Sada Ye Bhi Nahi Wo Bhi
Nahi

Mushkil Alfaz :-
I'siyaan = Gunah
Roz E Jaza = Qiyamat
Sada = Awaaz

Mafhoom :- Bohat Dar Tha Ke Is Qadar Gunah Jama' Hogaye Hain Un Gunaho'n Ki Saza Khuda Jaane Is Duniya Me Milegi Ya Qiyamat Ke Din, Allah Ta'ala Ki Rehmat ( Hamare Aaqa ﷺ)Ko Hamari Pareshaani Ganwara Na Huwi Aur Aap Ne Alal E'laan Farmaya, Ghabrao Nahi Na Yahan Saza Hogi Na Wahan Hogi.

Koi Hai Nazaan Zohd Par Ya Husn E Tauba Hai
Sipar
Yaan Hai Faqat Teri Ata Ye Bhi Nahi Wo Bhi Nahi

Mushkil Alfaz :-
Naazan = Naaz Karna
Zohd = Parehzgaari
Husn = Umdagi
Sipar = Dhaal
Yaan = Yahan
Ata = Bakhshish

Mafhoom :- Koi Apni Parehzgaari Par Naaz Kar Raha Hai To Kisi Ke Liye Us Ki Tauba Dhaal Ban Gayi Hai, Aye Mere Aaqa! Mere Palle Me Na To Ibaadat Hai Na Hi Mujhe Apni Tauba Par Bharosa Hai. Bas Mai To Aap Ki Rehmat O Sahara Par Baitha Huwa Hoon.

Din Lahv Me Khona Tujhe Shab Zulf Tak Sona
Tujhe
Sharm E Nabi Khauf E Khuda Ye Bhi Nahi Wo Bhi
Nahi

Mushkil Alfaz :-
Lahv = Khel Koodh
Khona = Zaaye Karna
Sharm = Haya

Mafhoom :- Aye Ghafil Musalman Tere Din Khel Koodh Me Guzar Jaate Hain, To Raatien Yaad E Ilahi Se Ghaflat Me Guzar Deta Hai, Na Tujhe Khuaf E Khuda Hai Na Sharm E Nabi Hain.

Rizq E Khuda Khaaya Kiye Farman E Haq Taala
Kiye
Shukr E Khuda Tarse Saza Ye Bhi Nahi Wo Bhi
Nahi

Mushkil Alfaz :-
Farman = Hukm
Tala = Taalna
Tars = Dar

Mafhoom :- Aye Banda E Khuda! Tu Khuda Ta'ala Ka Diya Huwa Rizq Bhi Khata Hai Us Ke Ba Wajood Us Ke Ahkamat Pe Amal Kar Ke Us Ke Ne'maton Ka Shukr Ada Karne Ke Bajaye Heele Bahane Karke Uske Ahkamat Se Jaan Chudaraha Hai. Na Tere Andar Us Ki Ne'maton Ka Shukr Karne Ka Jazba Paida Ho Raha Hai Na Hi Tujhe Uske Azaab Ka Dar Hai.

Hai Bulbul E Rangeen Raza Ya Tuti'e Naghma
Sara
Haq Ye Ke Wasif Hai Tera Ye Bhi Nahi Wo Bhi
Nahi

Mushkil Alfaz :-
Rangeen = Rangdaar
Naghma Sara = Gaane Waali
Wasif = Tareef Karne Wala

Mafhoom :- Aye Mere Pyare Aaqa ﷺ Aap Ke Dar Ka Gada Ahmed Raza Apne Aap Ko Bulbul Rangeen Mizaaj Kahe Jo Har Waqt Aap Ki Naat Me Mast Rehta Hai Ya Jo Aap Ki Shaan Me Har Waqt Bolta Rehta Hai Magar Ye Dono Me Se Kuch Bhi Nahi Hoon, Mai To Bas Aap Ka Adna Sana Khwaan Hoo Aur Ye SanKhaaani Agar Qubool Ho To Ye Sharaf Hai.

(12)
Wo Kamaal E Husn E Huzoor Hai Ke Gumaan E
Naqs Jahaan Nahi
Yahi Phool Khaar Se Door Hai Yahi Shama’ Hai
Ke

Dhuwaan Nahi

Mushkil Alfaz :-
Naqs = A’ib, Kami
Khaar = Kaanta

Mafhoom :- Aaqa E Do Jahaan ﷺ Ko Allah Ta’ala Ne Kamaal Ka Husn Ata Farmaya Hai Ke Aap ﷺ Ke Husn Me Aib To Kya Aib Ka Gumaan Bhi Nahi Hosakta , Duniya Ka Konsa Phool Hai Jiske Saath Kaanta Nahi Magar Madine Ka Phool Har Kaante Se Mehfooz Hai Aur Har Tarah Ka Kaanta Aapﷺ Se Door Hai Aur Har Shama’ Ke Saath Dhuwaan Ka Hona Laazim Hai Lekin Aap ﷺ Aise Shama’e Risalat Hai Ke Jahaan Dhuwein Ka Naam O Nishaan Tak Nahi….

100

Do Jahaan Ki Behtariyaan Nahi Ke Amaniye Dil o
Jaan Nahi
Kaho Kya Hai Wo Jo Yahaan Nahi Magar Ik
Nahin Ki Wo Haan Nahi

Mushkil Alfaz :-
Amani = Aaram,Sukoon

Mafhoom :- Dono Jahaano’n Ki Bhalaaiyaan ,Duniya O Aakhirath Ka Aaram O Sukoon,Dil O Jaan Ki Poori Tamannao’n Ka Poora Hona,Bhala Batao To Sahi Koi Ne’mat Hai Jo Sarkarﷺ Ke Qadmo’n Me Nahi Milti Haan Magar Ek Shayi’ Hai Ke Jo Yahaan Nahi Aur Wo Ye Ke Kisi Ko Aapﷺ Ne Kabhi Bhi ‘Nahi’ Na Farmaya Ke Kisi Ne Kuch Maanga Ho Aur Aap ﷺNe Farmaya Ke Mere Paas Nahi Hain….

Main Nisaar Tere Kalam Par Mili Yun To Kisko
Zubaan Nahi
Wo Sukhan Hain Jis Mein Sukhan Na Ho Wo
Bayaan Hai Jiska Bayaan Nahi
Mushkil Alfaz :-
Nisaar = Qurban

101

Sukhan 1 = Baat,Kalam
Sukhan 2 = A’eteraz

Mafhoom :- Aye Mere Pyare Aaqa ﷺ Duniya Me Zabaan Daani Aur Qaadir Ul Kalami To Bohat Saare Logon Ko Mila Hai Lekin Mai Aap ﷺ Ke Kalam Par Kyu Na Qurbaan Hojaun Kyun Ki Aap ﷺ Ki Har Baat Hi Be Misaal La Jawaab Hai Aur Ba Kamal Bhi,Jahaan Aap ﷺ Bol Gaye Wahaan Bade Bado’n Ne Sar E Tasleem Kham Karliya Aur Kisi Ko A’eteraz Karne Ki Gunjaish Na Rahi Aur Aap ﷺ Ka Bayan Aisa Bayaan Hai Ke Koi Us Ko Bayan Hi Na Kar Saka….

Bakhuda Khuda Ka Yahi Hai Dar Nahin Aur Koi
Mafar Maqar
Jo Wahaan Se Ho Yahin Aake Ho Jo Yahaan
Nahi To Wahaan Nahi

Mushkil Alfaz :-
Bakhuda = Khuda Ki Qasam
Mafar = Bhaagne Ki Jagah
Maqar = Panah Ki Jagah
Mafhoom :- Qasam Allah Ki Baat Bohat Pakki
Hain Ke Khuda Ka Darwaza Wohi Hain Jo Mustafa Ka

102

Darwaza Hai Huzoor ﷺ Ki Bargah Ke Ilawa Na Kahin Aman O Qaraar Naseeb Ho Sakta Hai.Aur Na Hi Aapﷺ Ke Bargah Ke Ilawa Kahi Jaaye Panah Hai Allah Ta’ala Ka Har Hukm ,Ne’mat Pehle Huzoorﷺ Ke Paas Aati Hai Phir Huzoor ﷺUs Ko Makhlooq Me Taqseem Karte Hain.Agar Kisi Ko Huzoor ﷺ Ki Bargah Se Kuch Nahi Mila To Samajh Le Uske Liye Khuda Ki Bargah Me Bhi Kuch Bhi Nahi….

Kare Mustafa Ki Ihaanatien Khule Band Us Pe Ye
Jurra’tien
Ke Main Kya Nahi Hoon Muhammadi ? Are
Haan Nahin Arey Haan Nahi

Mushkil Alfaz :-
Ihaanatien = Gustakhiyaan
Khule Band = Alal E’laan, Khule Aam
Jurra’tien = Bahaadurian

Mafhoom :- Ye Ajeeb Musalmani Hain Ke
Huzoor Nabi E Kareem ﷺ Jin Ki Mohabbat A’in
Emaan Hai Balke Imaan Ki Jaan Hai Unki Shaan Me
Gustakhiyaan Bhi Bakte Hain Aur Phir Kehte Hain Ki

103

Kya Ham Muhammadi Nahi ? To Sun Lo ! Haan Tu Na Muhammadi Hai Na Musalman Hai.

Tere Aage Yoon Hai Dabe Lachey Fusahaa Arab
Ke Bade Bade
Koi Jaane Munh Me Zubaan Nahi , Nahi Balke
Jism Me Jaan Nahi

Mushkil Alfaz :-
Dabe Lache = Sharmaaye,Dare Huwe
Fusahaa = Acchi Aur Umda Baat Karne Waala

Mafhoom :- Bade Bade Zabaan Daraaz Khutaba,Faseeh O Baleegh Jin Per Khutbaat O Shayari Bhi Naaz Karti Hai.Mere Aaqa ﷺKi Bargah Me Haazir Hote Hain To Zabaanien Band Hojaati Goya Aisa Lagta Hai Munh Me Zabaan Hi Nahi ,Balke Yun Lagta Hai Jism Me Jaan Bhi Nahi Hai.

Wo Sharaf Ke Qat’a Hai Nisbatien Wo Karam Ke
Sab Se Qareeb Hain
Koi Keh Do Yaas O Ummed Se Wo Kaheen Nahin
Wo Kahaan Nahi
104

Mushkil Alfaz :-
Sharaf = Buzurgi
Qat’a = Kaatna
Nisbatien = Ta’lluqat
Yaas = Na Umeed

Mafhoom :- Apni Azmat O Shaan Ke Aetebar Se Huzoor ﷺ Se Kya Nisbat Ho Sakti Hai Ye To Aapﷺ Ka Karam Hai Ke Wo Imaan Waalon Ki Jaano’n Se Bhi Zyada Qareeb Hai Lihaza Mayooso’n Se Kaho Ke Aaqa ﷺKa Daaman E Rehmat Me Tumhare Liye Koi Jaga Nahi Kyun Ke Wo Sarapa Rehmat Hai . Aur Jo Aap ﷺ Ki Rehmat Ke Ummedwaar Hai Un Se Kaho!Ke Unka Karam Kisi Ko Mehroom Nahi Karega.Apni Ummed Unse Waabsta Rakho Ke Aap ﷺAllah Ki Rehmat Hai Aur Allah Ne Rehmat Se Na Ummed Na Hone Ka Hukm Diya Hai.

Yeh Nahin Ke Khuld Na Ho Neko Wo Nekoi Ki
Bhee Hay Abroo
Magar Aye Madina Ki Aarzoo Jise Chahe To Wo
Samaan Nahi

105

Mushkil Alfaz :-
Khuld = Jannat
Neko,Nekoi = Bhalayi,Behtari
Aabroo = Izzat
Samaan = Barabar

Mafhoom :- Mai Is Baat Se Inkaar Nahi Karta Ke Jannat Khubsoorat Nahi.Balke Mai To Ye Keh Raha Hoon Ke Jannat Ka Husn Bhi Us Dar Ki Khairat Hai Lekin Aye Aarzo E Madina Jis Seene Me Tu Basi Jaaye Uska Maqam Kya Hoga Ye Khud Jannat Se Hi Poochlo Bhala Jannat Us Seene Ki Barabari Kaise Kar Sakti Hai Jis Seene Ko Madine Ki Aarzoo Ne Madina Bana Diya.

Hay Unhi Ke Noor Se Sab A’yaan Hai Unhi Ke Jalwa Me Sab Nihaan Bane Subhe Taabisg Mehr Se Rahe Pesh Mehr Ye Jaan Hain Mushkil Alfaz :- A’yaan = Zaahir Jalwa = Chamak Nihaan = Posheeda Taabish = Suraj Ki Roshni 106

Pesh = Saamne
Jaan = Taqat,Taab

Mafhoom :- Hamare Aaqaﷺ Ke Noor Se Hi Har Shay'i Ka Zahoor Huwa Aur Aapﷺ Hi ke Noor Ke Saamne Har Shayi Parde Me Chali Jaati Hai Jaise Subh Sadiq Ki Roshni Ke Suraj Ke Noor Ke Saamne Chup Jaati Hai Kyun Ke Is Me Kitni Taqat Nahi Hoti Ke Suraj Ke Noor Ka Saamna Kar Sake.Isi Tarah Huzoor ﷺKe Noor Ke Saamne Koi Roshni Bhi Apni Infradiyat Qaayim Nahi Kar Sakti.

Wahi Noor E Haq Wahi Zill E Rab Hain Unhi Ke
Sab Hay Unhi Se Sab
Nahin Un Ki Milk Me Aasmaan Ke Zameen Nahi
Ke Zamaan Nahi

Mushkil Alfaz :-
Zil = Saaya
Zamaan = Zamaana

Mafhoom :- Hamare Aaqa O Maula ﷺ Hi Noor
E Zaati Baari Hai Yaani Allah Ne Apne Noor Ke Parto
107

Se Aap Ka Noor Paida Farmaya,Saare Jahaan Ko Phir Aapﷺ Ke Noor Ke Faiz Se Paida Kiya Aur Saara Jahaan Aap Hi Ke Liye Banaya,Aap Hi Ki Milkiyat Me Sab Kuch Hai Chahe Wo Aasmaan Kyun Na Ho Zameen Ya Koi Bhi Zamaana Jab Aap Mehboob E Khuda Tehre To Malik E Konain Bhi Tehre.

Wahi La Makaan Ke Makeen Huwe Sare Arsh
Takht Nasheen Huwe
Woh Nabi Hai Jiske Hain Ye Makaan Wo Khuda
Hai Jiska Makaan Nahi

Mushkil Alfaz :- La Makaan = Jis Par Jagah Aur Makan Ka Itlaq Na Ho Makeen = Makaan Me Rehne Waala Sare Arsh = Arsh Ke Upar Takht Nasheen = Takht Par Baithne Waala Mafhoom :- La Makaan Bhi Huzoorﷺ Ki Qiyam Gaah Hai Aur Arsh Ke Upar Jalwagari Bhi Huzoorﷺ Ne Farmayi Hai Ye Saare Makaan Huzoorﷺ Hi Ke Hai Kyun Ke Makaan,Jism,Jismaaniyat Ke Liye Hota Hai Aur Allah Ta’ala Chunke In Cheezo’n Se Paak Hai Lihaza Us Ki Zaat E Ba Barkat Makaan Se Paak Hai. 108

Sare Arsh Par Hai Teri Guzar Dil E Farsh Par Hai
Teri Nazar
Malakoot O Mulk Me Koi Shayi Nahi Wo Jo Tujh
Pe A’yaan Nahi

Mushkil Alfaz :-
Guzar = Aana Jaana
Malakoot = Farishto’n Ki Rehne Ki Jagah
A’yaan = Zaahir,Khula Huwa

Mafhoom :- Madine Shareef Ki Galiyo’n Me Chalne Waale ,Mehboob Ki Arsh Par Bhi Aana Jaan Hai Aur Allah Ki Mehrbani Se Dilo’n Ki Raazo’n Ki Na Sirf Khabar Rakhtte Hain Balke Unko Dekhte Bhi Hain Algaraz Zameen O Aasmnaan Ya Makaan O La Maakan Koi Zarra Aisa Nahi Jo Aap Ki Nigaho'n Ke Saamne Na Ho . Karoon Tere Naam Pe Jaan Fida Na Bas Ek Jaan Do Jahaan Fida Do Jahaan Se Bhi Nahi Jee Bhara Karoon Kya Karoro Jahaan Nahi Mushkil Alfaz :- Fida = Qurbaan Bas = Sirf

109

Mafhoom :- Aye Mere Pyare Nabi ﷺ Mera Dil To Yahi Chahta Hai Ke Main Aapﷺ Ke Naam E Aqdas Pe Jaan Qurban Kardun Aur Mere Pyare Aaqaﷺ Ek Sirf Jaan Aap ﷺKe Naam E Naami Par Qurbaan Karna To Aap Ke Shayaan E Shaan Nahi Samjhta Main To Chahta Hoon Ke Dono Jahaan Agar Mere Ikhtiyaar Me Ho To Aap Ke Naam E Aqdas Par Nisaar Kardun Aur Mere Pyare Aaq Aap Ka Naam E Mubarak To Is Qaabil Hai Ke Karoron Jahaan Bhi Us Par Nichawar Kardun Lekin Kya Karun Karoron Jahaan To Hai Hi Nahi.

Tere Qaf Ko Naadire Daher Hai Koi Misl To Misaal
De
Nahi Gul Ke Paudo Me Daaliya Ke Chaman Me
Saro Chamaan Nahi

Mushkil Alfaz :-
Nadir = Ajeeb O Ghareeb
Misl = Bara Bar
Misaal = Nazeer
Daaliyan = Shaakhien
Chaman = Baagh
Chamaan = Naaz Se Chalna
110

Mafhoom :- Ya Rasool Allah ﷺ Aap Ka Qad E Anwar Subhanallah ! Allah Ta’ala Ne Aisa Bana Diya Hai Ke Uske Saath Kisi Shayi Ki Misaal Nahi Di Jaa Sakti.Chahe Wo Baagh Me Gulaab Ke Paudo’n Ki Seedhi Daaliyan Ho Ya Saro Ka Seedha Tana Darakht Ho Ye Cheezien Aap Ke Qad E Anwar Ke Saath Misaal Di Jaane Ke Qaabil Hi Nahi.

Nahi Jis Ke Rang Ka Doosra Na To Ho Koi Na
Kabhi Huwa
Kahu Us Ko Gul Kahe Koi Ke Gulo’n Ka Dher
Kahaan Nahi
Mushkil Alfaz :-
Gulo’n = Phool
Dher = Bohat

Mafhoom :- Aye Mere Pyare Aaqa ﷺAap Jaisa Koi Paida Huwa Hai Na Hoga.Kya Main Aap Ko Phool Kahun?Magar Kyun Kahun?Isliye Ke Phoolo’n Ke To Dher Hi Dher Nazar Aa Rahe Hai Aur Aap Jaisa To Ek Bhi Nahi Hai.

111

Karun Madh E Ahle E Duwal Raza Pade Is Balaa
Me Meri Balaa
Main Gadaa Hun Apne Kareem Ka Mera Deen
Paara E Naan Nahi

Mushkil Alfaz :-
Madh = Tareef
Duwal = Daulat Waale
Balaa = Museebat
Gada = Mangta
Paara = Tukda
Naan = Roti

Mafhoom :- Ahmed Raza Ka Qalam Sirf Naat E Rasool Ke Liye Waqf Hai .Baqi Raha Baadshaho’n Ki Tareef Karna Is Museebat Me Mai To Kya Mera Joota Bhi Nahi Jayega.Is Liye Ke Main Apne Aaqa Ke Dar Ka Bhikaari Hoon ,Kya Unki Bheek Khatam Thodi Hogyi Ke Main Roti Ke Tukde Ki Khaatir Kisi Nawab Ki Tareef Karun.

112

(13)
Wasf E Rukh Unka Kiya Karte Hain Sharah E
Wash Shams O Dhuha Karte Hain
Unki Hum Madh O Sana Karte Hain Jinko
Mehmood

Kaha Karte Hain

Mushkil Alfaz :-
Wasf E Rukh = Chehre Ki Tareef
Sharah Wash Shams O Dhuha = Surah E Shams O
Surah E Dhuha Ki Tahsreeh,Tafseel
Madh O Sana = Tareef
Mehmood = Tareef Kiya Huwa

Mafhoom :- Hum Jo Apne Aaqa Ki Rukh E Anwar Ki Tareef Karte Hain To Koi Na Jaiz Ya Ma’mooli Kaam Nahi Karte Balke Surah E Shams Aur Surah Dhuha Ki Tashreeh Karte Hain Aur Us Ki Tareef Karte Hain Jiski Khuda Ne Tareef Ki Hai Ke Us Ko Mehmood (Tareef Kiya Huwa) Bana Diya Hai.

Mah E Shaq Gashta Ki Soorat Dekho Kaanp Kar
Mehr Ki Raja’t Dekho
Mustafa Pyare Ki Qudrat Dekho Kaise Ae'jaz Huwa
Karte Hain

113

Mushkil Alfaz :-
Mah E Shaq Ghashta = Tukda Tukda Chaand
Mehr = Suraj
Aejaz = Aajiz Karna

Mafhoom :- Aye Azmat E Mustafa Ke Munkiro! Zara Dekho Mere Aaqa Ne Kaise Chaand Ke Do Tukde Kardiya,Aur Kis Tarah Suraj Kaanpta Huwa Doobne Ke Baad Wapis Aaya.Mere Pyare Aaqa Ki Qudrat O Taqat Ka Zara Andaaza To Lagao Aur Ghaur Karo Ke Kaise Mo’jizaat Huwa Karte Hain.

Tu Hai Khursheed E Risaalat Pyaare Chup Gaye
Teri Ziya Me Taare
Ambiya Aur Hai Sab Mah Pare Tujh Se Hi Noor
Liya Karte Hain

Mushkil Alfaz :-
Khursheed E Risalat = Risalat Ka Suraj
Ziya = Roshni
Mah Pare = Chaand Ke Tukde

Mafhoom :- Aye Mere Pyare Aaqa Aap
Aasmaan E Nabuwwat Ke Suraj Hai Jiski Roshni Me

114

Sitaare Chup Jaate Hain.Baaqi Tamaam Ambiya Chaand Ke Tukde Hain Jinko Noor Aap Hi Ke Faiz Se Mila Hai.

Aye Balaa Be Khirdi E Kuffar Rakhte Hain Aise Ke
Haq Me Inkaar
Ke Gawaahi Ho Gar Usko Darkaar Be Zubaan Bol
Utha Karte Hain

Mushkil Alfaz :-
Be Khirdi = Kam Aqal
Darkaar = Zaroorat

Mafhoom :- Haaye Afsos Kam Aql Aur Jahalat Kitni Bari Museebat Hai Ke Kaafiro’n Ne Us Ki Nabuwwat O Kamalaat Ka Inkar Karte Hain Jis Ki Azmath O Risaalat Ki Gawahi Hi Be Zabaan (Chaand,Suraj,Patthar,Darakht)Dete Hain.

Apne Moula Ki Hai Bas Shaan E Azeem ,Jaanwar
Bhi Kare Jinki Tazeem
Sang Karte Hain Adab Se Tasleem Ped Sajde Me
Gira Karte Hain

115

Mushkil Alfaz :-
Shaan E Azeem = Buland Maqam O Martaba
Tazeem = Izzat Karna
Sang = Patthar
Tasleem = Salam Karna
Ped = Darakht

Mafhoom :- Imam Ul Ambiya Ki Zara Shaan Bhi To Dekho Ke Jaanwar Bhi Tazeem Karte Hain.Patthar Aap Ka Ehteram Karte Hain Aur Darakht Aap Ki Bargah Me Haazir Hokar Sajda Rez Hote Hain.

Rifa’te Zikr Hai Tera Hissa, Dono’n Aalam Me Hai
Tera Charcha
Margh E Firdous Pas Az Hamd E Khuda, Teri Hi
Madh O Sana Karte Hain

Mushkil Alfaz :-
Rifa’t = Buland
Charcha = Shohrat
Margh E Firdous = Jannati Parinde(Farishte)
Pas Az Hamd = Allah Ki Taraf Karne Ke Baad

Mafhoom :- Mere Aaqa Aap Ki Bulandiyo’n Ka
Andaaza Kon Laga Sakta Hai Ke Arsh O Farsh Aur

116

Zameen O Aasmaan Pe Aap Ki Azmat Ke Danke Baj Rahe Hain Hai.Zameen Me Namaz Me , Aasman Me,Jabke Allah Ke Farishtey Allah Ki Hamd O Sana Ke Baad Aap Ki Zaat Par Durood O Salaam Hi Padte Hain.

Ungliyaan Paayi Wo Pyaari Pyaari Jinse Darya E
Karam Hai Jaari
Josh Par Aati Hai Jab GhamKhwaari Tishne
Sairaab Huwa Karte Hain

Mushkil Alfaz :-
Josh = Ghalba
Ghamkhwaari = Hamdardi
Tishne = Pyase
Sairaab = Bharpoor

Mafhoom :- Hamare Aaqa Ke Narm O Nazook Aur Pyaari Pyaari Ungliyo’n Kis Qadar Shaan Rakhti Thi Ke Un Se Karam Ke Darya Paani Jaari Hojate Aur Jab Aaqa Apne Ghulamo’n Pe Mehrban Hojaaye To Un Pyaaso’n Ko Us Punjab E Rehmat Se Sairaab Farmaa Dete Hain.

117

Haan Yahin Karti Hain Chidiyaan Faryad, Yahin
Se Chahti Hai Harni Daad
Isi Dar Pe Shutraan E Nashaad Gil E Ranj O ‘Anaa
Karte Hain

Mushkil Alfaz :-
Yahin = Aap Hi Ke Bargah Me
Daad = Insaaf
Dar = Darwaza
Shutraan E Nashaad = Ghamgeen Oont
Gil = Shikayat
Ranj O ‘Anaa = Dukh Museebat

Mafhoom :- Mere Aaqa ﷺ Ki Bargah To Wo Hai Ke Jahaan Chidiyaan Bhi Aakar Faryad Karti Hai Aur Unki Faryad Rasi Suni Jaati Hai.Har Insafi Maangi Jaati Hai Aur Usko Insaaf Milta Hai,Oont Apni Takleef Ki Shikayat Karta Hai To Uski Shikayat Door Kardi Jaati Hai.

Aasteen Rehmat E Aalam Ulteh Kamar E Pak Pe
Daaman Baandhe
Girne Walo’n Ko Koocha E Dozakh Se Saaf Alag
Kheench Liya Karte Hain

118

Mushkil Alfaz :-
Aasteen = Qamees,Ya Shirt Ka Daaman
Rehmat E Aalam ﷺ = Jahaano’n Ki Rehmat
Koocha = Gali,Raasta

Mafhoom :- Mere Aaqa O Moula ﷺ Ne Apna Daaman Chada Kar Tayyar Hokar Pul Sirat Par Khade Hain Ta Ke Aasani Ke Saath Ummatiyon Ko Dozakh Ke Gado’n Se Nikal Kar Jannat Ke Baghaat Me Pahuncha Sake.

Jab Saba Aati Hai Taiba Se Idhar, Khilkhilaa Padti
Hai Kaliyaan Yaksar
Phool Jaamah Se Nikal Kar Baahar Rukh E
Rangeen Ki Sana Karte Hain

Mushkil Alfaz :-
Saba = Hawa
Yaksar = Mukammal
Jaamah = Libaas
Rukh E Rangeen = Khoobsurat

Mafhoom :- Jab Madine Se Khushbudaar Thandi
Thandi Hawa Nikal Kar Baagh Ki Taraf Aati Hai To

119

Ghuncha Wajd Me Jhoom Jaate Hain Aur Yakdam Khilkhila Kar Khushi Se Jhoom Ut the Hai Aur Phir Hamare Aaqa ﷺ Ki Shaan Me Naghma Saraa Hojaate Hain.

Tu Hai Wo Baadhsha E Kouno Makaan Ki Malake
Haft Falak Ke Har Aan
Tere Moula Se Shah E Arsh ‘Aywan Teri Daulat Ki
Dua Karte Hain

Mushkil Alfaz :-
Kon O Makaan = Saara Jahaan
Malak = Farishtey
Haft Falak = Saath Aasmaan
Har Aan = Har Waqt
Shah E Arsh ‘Aywaan = Allah Ke Mehal Ke Baadshah

Mafhoom :-
Aye Saare Jahano’n Ke Aaqa ﷺ Saatho
Aasamaano’n Ke Tamaam Noorani Farishte Har Waqt
Aap ﷺ Ki Iqbal Bulandi Ke Liye Aap ﷺ Ke Rab Ki
Bargah Me Dua Goh Hain.Yaanidurood O Salam Pad
Rahe Hain.Hain

120

Jiske Jalwe Se Uhad Haibataan, Ma’dan E Noor
Hai Uska Daaman
Hum Bhi Us Chaand Pe Ho Kar Qurbaan,Dil E
Sangeen Ki Jila Karte Hain

Mushkil Alfaz :-
Ma’dan E E Noor = Noor Ki Kaan,Markaz E Noor
Daaman = Daaman
Dil E Sangeen- = Patthar Dil
Jila = Safayi,Zinda

Mafhoom :- Jis Aaqa ﷺ Ke Jalwo Se Uhad Pahad Aaj Tak Aur Ta Qiyamat Chamkta Rahe Ga Us Markaz E Noor Aur Mahtab E Nabuwwat Pe Qurban Hokar Hum Bhi Kyu Na Apne Siyah Aur Patthar Dil Ki Safayi Kar Ke Uska Ilaj Karlien.

Kyu Na Zeba Ho Tujhse Taajwari Tere Hi Dam Ki
Hai Sab Jalwa Gari
Malak O Jinno Bashar Hoor O Pari Sab Jaan Tujh
Pe Fida Karte Hain

Mushkil Alfaz :-
Taajwari = Baadshahat

121

Jalwagari = Roshni
Malak = Farishte
Bashar = Insaan
Hoor O Pari = Jannat Ki Pakeeza Auratien

Mafhoom :- Aye Tajdaar E Shafa’t ﷺ Asal Hukoomat To Aap Hi Ki Hai Kyun Ke Saari Kaayenath Ki Saari Baharien Aap ﷺ Hi Ke Dam Qadmo’n Se Hai Aur Aakhirath Ki Saari Ronaqien Aapﷺ Hi Ki Shafa’t E Kubra Ke Tufail Hai,.Yahi Wajah Hai Ke Farishte,Jinn,Insaan.Hoor O Pari Sab Aapﷺ Per Jaan Nichaawar Karte Huwe Nazar Aate Hain.

Toot Parrti Hain Balaayien Jin Par,Jinko Milta
Nahin Koi Yaawar
Har Taraf Se Wo Pur Armaan Phir Kar Unke
Daaman Me Chupa Karte Hain

Mushkil Alfaz :-
Yaawar = Madadgar
Pur Armaan = Ummedwaar
Mafhoom :- Jo Aapﷺ Ka Daaman E Karam
Chor Dete Hain Un Par Museebatien.Takleefain Toot
Padte Hain Aur Har Taraf Se Dhakke Khaa Khaa Kar

122

Aakhirkaar Jab Koi Bhi Unka Sahara Nahi Banta To Phir Aaja Ke Aapﷺ Hi Ke Daaman Me Unko Bhi Panah Milti Hai Aur Jo Aapﷺ Hi Ke Dar Ke Hokar Baith Jaate Hain Unke Liye Masaib O Aalaam Bhi Jannat Ke Phool Ban Jaate Hain.

Lab Pe Aajata Hai Jab Naam E Janab, Munh Me
Ghul Jaata Hai Shahad E Naayaab
Wajd Me Hoke Hum Hai Aye Jaan Betaab Apne
Lab Choom Liya Karte Hain

Mushkil Alfaz :-
Lab = Hont
Shahad Nayaab = Khalis Shahad
Ghul Jaana = Mil Jaana
Wajd = Bekhudi
Betaab = Be Qaraar

Mafhoom :-
Aye Mere Pyare Aaqa ﷺ Aap Ki Zaat Me Kya
Kya Kamalat Honge Jabke Aap Ka Naam E Naami
Hamare Labo’n Pe Aata Hai To Aisa Lagta Hai Jaise
Kisi Ne Khaalis Shahad Hamare Munh Me Daal Diya
Hai Jo Fauran Hi Munh Me Ghul Jaata Hai Aur Poore

123

Jisme Ko Raahat O Sukoon Mayassar Hota Aajata Hai Isi Khushi Me Hont Aapas Me Mil Jaate Hai Aur Ek Doosre Ko Bosa Lete Hain.

Lab Pe Kis Munh Se Gham E Ulfat Layien Kya
Balaa Dil Hay Alam Jiska Sunaien
Hum To Unke Kafe Paa Par Mit Jaye Unke Dar Par
Jo Mita Karte Hain

Mushkil Alfaz :- Gham E Ulfat = Mohabbat Ka Gham Alam = Takleef Kafe Pa = Paon Ka Talwa Mafhoom :- Hum Kyun Apna Dukhda Aap ﷺ Ko Sunaye Aur Aap Ko Pareshaan Karien Hamare Dil Ki Haisiyyat Hi Kya Ke Jis Ka Gham Suna Suna Kar Aap Ke Dil Ko Ghamgheen Karien Hum To Ye Chahte Hain Ke Us Dil Ki Bala Samet Un Aashiqan E Mustafa ﷺ Ke Qadmo’n Pe Qurbaan Ho Jaate Hain Jo Khush Naseeb Aap Ke Khaak Pe Fidaa Hogaye.

Apne Dil Ka Unhi Se Hai Aaram Sonpe Hai Apne
Unhi Ko Sab Kaam
Lau’ Lagi Hain Ke Ab Us Dar Ke Ghulam
Charaye Dard E Raza Karte Hain

124

Mushkil Alfaz :-
Sonpe = Supurd Kiye
Lau’ = Dhyaan
Charaye Dard = Beemari Ka Ilaj

Mafhoom :- Chunke Hamare Dil Ka Aaram O Sukoon Bhi Huzoor ﷺ Hi Ke Damqadam Se Hai Us Liye Hum Ne Apne Tamam Kaam Huzoor ﷺ Hi Ke Supurd Kardiya Hain Ke Jab Duniya Ka Sukoon Huzoor ﷺ Se Hai To Aakhirath Bhi Huzoor Hi Ke Dam Qadam Se Hai.Jab Hum Ne Itna Kaam Karliya Ab Ummed Hai Ke Huzoor ﷺ Ke Darbar Ke Khusoosi Auliya Allah Jo Dil Ke Tabeeb Hote Ahmed Raza Ke Gham Ka Ilaj Karne Ke Liye Mutaharrik Hogaye Hai Kyun Ke Un Ko Pata Chal Gaya Hai Ke Ye To Apni Hi Party Ka Banda Hai.

125

(14)
Arsh E Haq Hai Masnad E Rifa’t Rasool Allah Ki

Dekhni Hai Hashr Me Izzat Rasool Allah Ki

Mushkil Alfaz :-
Masnad = Baithne Ki Jaga
Rifa’t = Bulandi
Izzat = Maqam O Martaba

Mafhoom :- Hum Sab Ne Jo Allah Ke Mehboob ﷺ Ki Shaan Duniya Me Padi Aur Hum Maanne Waale Hogaye Aur Munkir Padh Kar Bhi Inkaar Kar Gaye Apni Aankho’n Se Dekhni Hai Ke Khuda Ke Arsh E Mo’alla Par Huzoor Tashreef Farma Hai.

Qabr Me Lehraayenge Ta Hashr Chashme Noor Ke
Jalwa Farma Hogi Jab Tala’t Rasool Allah Ki

Mushkil Alfaz :-
Lehrana = Jhoolne,Jaari Hona
Tal’at = Chehra Noorani,Surat
Mafhoom :- Qabr Me Aashiqane Mustafa ﷺ
Ke Liye Huzoor ﷺ Ki Aamad Par Aap Ke Chehre

126

Aqdas Se Noor Ke Aise Jalwe Uthengey Jhando’n Ki Tarah Momin Ki Qabr Ta Qiyamat Lehraate Rahengey.

Kaafiro’n Par Tegh Waala Se Giri Barq E Gazab
Abr Aa saa Cha Gayi Haibat Rasool Allah Ki

Mushkil Alfaz :-
Taigh Waala = Buland Talwar
Barq E Ghazab = Qahar Ki Bijli
Abr Aasaa = Baadal Ki Tarah

Mafhoom :- Mere Aaqa ﷺ Ne Jab Apne Dast E Aqdas Me Talwar Ko Lekar Us Ko Bulandi Ata Farmayi To Ab Uski Haibat Itni Baat Se Hi Kaafiro’n Ke Dilo’n Pe Aisi Baithi Ke Aisa Lagta Hai Un Par Qahr Ki Bijli Giri.

La Wa Rabbil ‘Arsh Jisko Jo Mila Unse Mila
Bat Ti Hai Kaunain Me Ne’mat Rasool Allah Ki

Mushkil Alfaz :-
La Wa Rabbil Arsh = Qasam Hai Arsh Ke Rab Ki

127

Mafhoom :- Mujhe Arsh Ke Rab Ki Qasam Jis Ko Jo Nemat Bhi Milti Hai Dar E Rasool Se Hi Milti Hai Dono Jahan Me Rasoolallah ﷺ Ke Qadmo’n Ka Sadqe Hi Nematien Banti Ja Rahi Hai.

Wo Jahannum Me Gaya Jo Un Se Mustaghni Huwa
Hai Khaleelullah Ko Haajat Rasool Allah Ki

Mushkil Alfaz :-
Mustaghni = Be Niyaz, La Parwa
Khaleelullah = Hazrat E Ibrahim Alaihissalam
Hajat = Zaroorat

Mafhoom :- Jo Mere Aaqa ﷺ Se Be Niyaz Aur La Parwa Hogaya Aur Ye Kaha Ke Humien Ab Unki Zaroorat Nahi Wo Seedha Jahannum Me Jayega Kyun Ke Baroz E Mehshar Hazrath E Ibrahim Alihissalam Ko ,Balke Sab Ko Hi Zaroorat Hai To Tumhari Kya Auqat Hai.

Suraj Ulteh Paun Palteh Chaand Ishaare Se Ho
Chaak
Andhe Najdi Dekh Le Qudrat Rasool Allah Ki
128

Mushkil Alfaz :-
Ulte Paun Palatna = Unhi Qadmo Pe Wapis Hona
Chaak = Do Tukde

Mafhoom :- Aye Gustakh E Rasool , Andhe Najdi Dekh Isse Badh Kar Huzoor ﷺ Ki Qudrat O Taqath Ki Kya Daleel Ho Sakti Hai Ke Aap ﷺ Ishaara Farma Dein To Dooba Huwa Suraj Wapis Laut Aata Hai Aur Chaand Do Tukde Hojata.

Tujh Se Aur Jannat Se Kya Matlab Wahabi Door
Ho
Hum Rasool Allah Ke Jannat Rasool Allah Ki

Mushkil Alfaz :-
Matlab = Kaam

Mafhoom :- Aye Azmat E Mustafa ﷺ Ke Munkir,Aye Gustakh Tujh Se Aur Jannat Se Kya Matlab.Tera Us Ki Taraf Lau Lagana Bekaar Hai Kyun Ke Jannat To Unke Deewano’n Ki Hai Aur Isliye Hum Rasool Allah Ke Jannat Rasool Allah Ki.

129

Zikr Roke Fazl Kaate Naqs Ka Jooyan Rahe
Phir Kahe Mardak Ke Hoon Ummat Rasool Allah
Ki

Mushkil Alfaz :- Fazl = Fazeelat Kaate = Kaant Chaat Kare,Fazeelat Ka Inkar Kare Naqs = A’ib Jooyan = Talash Karne Waala Mardak = Zaleel Kameena Mafhoom :- Aye Najdi Tuhe Sharm Nahi Aati Ke Jinka Kalma Padta Hai Unhi Ke Zikr Se Chidta Hai,Rokne Ki Koshish Karta Hai,Fazeelato’n Ko Chupata,A’ib Talash Karne Ki Koshish Karta Hai,Aur Phir Kehta Hai Ke Ummati Hoon Rasool Allah Ka Aye Zaleel Tujhe Sharm Karni Chahiye.

Najdi Usne Tujh Ko Mohlat Di Ke Is Aalam Me Hai
Kaafir O Murtad Pe Bhi Rehmat Rasool Allah Ki

Mushkil Alfaz :-
Mohlat = Dheel
Aalam = Jahaan
Kaafir O Murtad = Deen Se Phirne Waala
130

Mafhoom :- Sun Najdi! Agar Tu Kahta Hai Ke Agar Hum Aise Hain To Allah Apne Mehboob Ke Gustakhi Ki Wajah Se Apne Azaab Me Mubtila Kyun Nahi Kar Raha To Sun Allah Ne Apne Mehboob Ke Sadqe Me Mohlat De Rakhi Hai .Kyunke Duniya Me Kaafir O Murtad Pe Bhi Huzoor ﷺ Ki Rehmat Baras Rahi Hai Ke Bade Azaab Se Bache Huwe Hain Aur Apne Nek Kaamo’n Ki Wajah Se Jo Sirf Duniya Me Ajar Milne Wala Hai Use Nematien Pa Rahe Hain.

Hum Bhikaari Wo Kareem Unka Khuda Unse
Fuzoo
Aur Na Kehna Nahi Aadat Rasool Allah Ki

Mushkil Alfaz :- Fuzoo = Zyada Na = Nahi Mafhoom :- Alhamdulillah! Hum Apne Aaqa ﷺ Ke Dar Ke Bhikaari Hai Aur Humien Apne Aaqa Sab Kuch Dete Hain Kyun Ke Wo Kareem Hai Aur Unka Khuda Unko Ata Fermata Hai. Aur Hamare Nabi Ki Shaan Ye Hai Ke Wo ‘Na’ Nahi Farmate Aur ‘Na Kehna’ Unki Aadat Hi Nahi Hai.

131

Ahle Sunnat Ka Hai Bedaa Paar Ashaabe Huzoor
Najm Hai Aur Naaw Hai ‘Itrat Rasool Allah Ki

Mushkil Alfaz :-
Ashaab E Huzoor = Huzoor ﷺ Ke Sahaba
Najm = Sitaare
Naaw = Kashti
Itrat = Aal

Mafhoom :- Inshallah Allah Ta’ala Hum Ahle Sunnath Wa Jama’at Jo Sahaba E Kiram Aur Ahle Baith Dono Ko Maanne Waale’unka Ehteram Karne Waale Unki Mohabbat Ko Apne Imaan Ki Jaan Samajhne Waale, Duniya Aur Aakhirath Me Hamara Beda Paar,Hamari Kashti Kinaare Par Pahunch Jayegi Kyunki Hamare Liye Sahaba E Kiram Sitaare Aur Ahle Baith E Kiram Kashti Hai.

Khaak Hokar Ishq Me Aaram Se Sona Mila
Jaan Ki Ikseer Hai Ulfat Rasool Allah Ki

Mushkil Alfaz :-
Ikseer = Kimiya Jis Se Sona Banta Hai
Ulfat = Mohabbat
132

Mafhoom :- Hum Huzoor ﷺ Ke Qadmo’n Ki Khaak Banien To Allah Ta’ala Ne Humien Chain Ki Neend Ata Farmayi Is Se Saabit Huwa Ke Aaqa ﷺ Ki Mohabbat Mitti Ko Sona Banana Waale Kimiya Hai.

Toot Jayiengey Gunahgaaro’n Ke Fauran Qaid O
Band
Hashr Ko Khul Jaayegi Taqat Rasool Allah Ki

Mushkil Alfaz :-
Qaid O Band = Bediyaan

Mafhoom:- Qiyamat Ke Din Hamare Aaqa ﷺ Ki Taqat Ka Andaza Hoga Jab Carodo’n Mujrim Qaid O Band Me Daal Kar Jahannum Ki Taraf Le Jaaye Ja Rahe Hongey To Huzoor ﷺ Ka Ek Sajda Saari Bediyaan Tod Kar Murimo’n Ko Riha Kara Dega Aur Jahannum Se Logo’n Ko Nikal Kar Bahar Kare Ga .

Ya Rab Ek Sa’at Me Dhool Jayien Siyaahkaro’n
Ke Jurm
Josh Me Aajaye Ab Rehmat Rasool Allah Ki

133

Mushkil Alfaz :-
Sa’at = Lamha,Ghadi
Dhool Jayien = Saaf Hojayien

Mafhoom :- Aye Allah,Wo Ghadi Jald Aaye Ke Tere Mehboob Ki Rehmat Ka Darya Ho Aru Ek Hi Lamhe Me Siyaakaro’n K Jurm Aise Dhool Jayien Ke Naam O Nishaan Tak Baaqi Na Rahe.

Hai Gul E Baagh E Qudus Rukhsaar Zebaaye
Huzoor
Sarwe Gulzaare Qidam Qaamat Rasool Allah

Mushkil Alfz :-
Gul E Baagh E Qudus = Taqaddus (Ilahi) Ke Baagh Ke
Phool
Rukhsaar Zebaaye = Khoobsuat Gaal
Sarwe Gulzaare Qidam = Qadeem (Sifa’at Eilahi Ka
Jalwa)
Qamat = Qad Anwar

Mafhoom :- Mere Aaqa ﷺ Ka Chehra Anwar
Pakeezgi Ki Azemusshan Gulistaan Ka Chamkta

134

Huwa Tar O Taaza Phool Hai Aur Aap Ka Qad E Anwar Qadeem Ke Haseen Baagh Ka Sarw Hai.

Aye Raza Khud Sahib E Quraan Hai Maddah E
Huzoor
Tujh Se Kab Mumkin Hai Midhat Rasool Allah Ki

Mushkil Alfaz :-
Sahib E Quraan = Khuda Ta’ala
Maddah = Tareef Karne Waala
Midhat = Tareef

Mafhoom :- Aye Raza Tu Jitni Bhi Apne Aaqa Ki Tareef Karega Kama Haqquhu Nahi Kar Sakega Kyun Ke Jabunka Parwardigar Khud Unki Tareef Karne Waala Hai.

135

(15)
Sarwar Kahun Ke Malik O Maula Kahun Tujhe

Baagh E Khaleel Ka Gul E Zaiba Kahun Tujhe

Mushkil Alfaz :-
Sarwar = Sardar
Khaleel = Ibrahim Alaihissalam
Gul E Zaiba = Khubsoorat Phool

Mafhoom :- Aye Mere Pyare Nabi! ﷺ Mai Aap Ko Sardaar Kahun,Apna Aaqa O Maula Kahun,Hazrath E Ibrahim Alaihissalam Ke Gulistaan Ka Gul ( Khubsoorat Phool) Kahun Ya Kya Kahun? Kyun Ke Aap Me Ye Tamaam Sifa’at Bhi Hai Aur Iske Ilawa Bhi Beshumaar Sifa’at Allah Ta’ala Ne Aap Ko Ata Farmayi Hai.

Hirmaan Naseeb Hun Tujhe Ummed Gah Kahun
Jaan E Muraad O Kaan E Tamanna Kahun Tujhe

Mushkil Alfaz :-
Hirmaan Naseeb = Mehroom O Badnaseeb
Ummed Gah = Umeed Poori Hone Ki Jagah
Jaan E Murad = Maqsad Ke Husool Hone Ki Jaan
Kaan E Tamanna = Ummedo’n Ka Zakheera

136

Mafhoom :- Aye Mere Pyare Aaqa ﷺ ! Agarche Main Badnaseeb Mehroom Ul Qismat Sahi Lekin,Jab Aap Meri Ummedo’n Ka Markaz Murado’n Ki Jaan O Tamannaao’n Ka Zakheera Hai To Phir Mehroomi Kaisi ? Aap ﷺ Ki Nigahe Inayat Se Badqismati Nek Bakhti Me Badal Hi Jayegi.

Gulzaar E Quds Ka Gul E Rangeen Ada Kahun
Darmaan E Dard E Bulbul E Shayda Kahun Tujhe

Mushkil Alfaz :-
Gulzaar E Quds = Pakeezgi Ka Baagh
Gul E Rangeen Ada = Rangdaar Phool
Darmaan = Ilaaj
Dard = Beemari
Bulbul E Shayda = Aashiq E Zaar Murad

Mafhoom :- Aye Mere Azmat O Kamal Waale Nabi ﷺ ! Aap Ko Jannat Ke Muqaddas O Pakeeza Baagh Ka Khubsoorat Tareen,Naazmeen Phool Kaha Jaaye,Ya Dard E Ishq Me Tadapne Waali Bulbul Ka Ilaaj Kahun .

137

Subh E Watan Pe Shaam E Gharibaan Ko Doon
Sharaf
Bekas Nawaz Gesuo’n Waala Kahun Tujhe

Mushkil Alfaz :-
Subh E Watan = Apne Desh Ki Subah
Shaam E Gharibaan = Musaafiro’n Ki Shaam Jo
Mashaqqat Waali Hoti Hai
Sharaf = Fazeelat
Bekasnawaz = Majbooro’n Ko Nawazne Waala
Gesuo’n Waala = Zulfo’n Waala

Mafhoom :- Main Apne Desh Ki Subah Ko Aye Mere Pyare Aaqa ﷺ Aap Ke Madina Shareef Ki Musafirat Aur Ghareeb Ul Watan Waali Shaam Par Fazilat Deta Hoon,Aap To Ghareeb Nawaz Hai Aur Aisi Pyaari Zulfo’n Waale Hai Ke Saare Jahaan Aap Ke Zulf Ke Qaidi Hai Aur Aap Ke Zulf Ke Har Baal Ke Saath Hazaar Gunahgaaro’n Ka Muqaddar Bana Huwa Hai.

Allah Re Tere Jism E Munawwar Ki Taabishien
Aye Jaan E Jaan Main Jaan E Tajallaa Kahun
Tujhe

138

Mushkil Alfaz :-
Allah Re = Wah Wah
Munawar = Noorani
Taabishien = Chamak
Jaan E Jaan = Jaan Ki Bhi Jaan
Jaan E Tajalla = Roshni O Noor Ki Jaan

Mafhoom :- Subhan Allah! Aap ﷺ Ke Noorani Jism Me Tajalliyan Aisi Bhar Di Gayi Hai Ke Aye Meri Jaan Ki Bhi Jaan Mera Dil To Chah Raha Hai Ke Mai Aap Ko Noor Ki Bhi Jaan Kahun.

Be Daagh Laalah Ya Qamar E Bey Kalaf Kahoon
Be Khaar Gulban E Chaman Aaraa Kahun Tujhe

Mushkil Alfaz :-
Be Daagh Laalah = Ek Khaas Phool Magar Usme
Daagh Na Ho
Be Kalaf = Be Daagh
Be Khaar = Beghair Kaanto’n Ke
Gulban = Surkh Gulab
Chaman Aaraa = Baagh Ko Zeenat Bakhsne Waala

139

Mafhoom :- Aye Mere Pyare Aaqa ﷺ ! Agar Aap Ko Gul E Laalah Kahun To Khoobsurat To Hota Hai Magar Usme Bhi Siyaah Daagh Hota Hai ,To Phir Mai Aap Ko Wo Gul E Laalah Kehta Hoon Jisme Daagh Na Ho, Phir Mai Aap Ko Aisa Phool Bhi Kahunga Jiske Sath Kaanta Na Ho,Aur Wo Phool Poore Baagh Ka Husn O Jamaal O Zeb O Zeenat Ho.

Mujrim Hoon Apne ‘Afw Ka Saamaan Karun
Shaha
Yaani Shafi’ E Roz E Jazaa Ka Kahun Tujhe

Mushkil Alfaz :-
Afw = Muafi
Saamaan = Tayyari
Shafi’ E Roz E Jaza = Qiyamat Ke Din Shfa’at
Farmane Waale

Mafhoom :- To Haan Mujhe Yaad Aaya Ke Main To Khud Mujrim O Khatakaar Hoon Aur Aap Shafi’ E Roz E Shumaar Hai To Kyun Ka Koi Aisa Wasf Aap Ke Liye Kahun Ke Aap Ki Tareef Hojaye Aur Mera Bhi Kaam Banjaaye.

140

Is Murda Dil Ko Muzdah Hayaat E Abd Ka Kahun
Taab O Tawaan E Jaan E Masiha Kahun Tujhe

Mushkil Alfaz :-
Muzdah = Khushkhabri
Hayaat E Abd = Hamesha Ki Zindagi
Taab O Tawaan = Taqat O Quwwat
Jaan E Masiha = Murdo’n Ko Zinda Karne Waale Isa
Alaihissalam Ki Bhi Jaan

Mafhoom :- Ya Rasool Allah ﷺ ! Mai Apne Is Murda Dl Ko Hamesha Ki Zindagi Ki Khushkhabri Sunata Huwa Aap Ko Isa Alaihisssalam Ki Jaan Me Murda Zinda Karne Ki Jo Taqat Hai Wo Qarar Deta Hoon.

Tere To Wasf E A’ib E Tanaahi Se Hai Baree
Hairan Hoon Mere Shah Mai Kya Kahun Tujhe

Mushkil Alfaz :-
Wasf = Khoobi
A’ib = Khaami
Tanaahi = Inteha Hona,Khatam Hona
Bari = Paak

141

Mafhoom :- Ya Rasool Allah ﷺ ! Aap Ke Ausaf O Kamalat Ki Koi Had Hi Nahi Kyun Ke Aap Ke Ausaaf Itne Hain Ke Khatam Hone Waale Ai’b Se Bhi Paak Hain.Yahan Par Kisi Ke Khoobiyan Khatam Hojana Ye Bhi Ai’b Hai Aur Aap ﷺ To Is Se Bhi Pak Hai Aur Aap Ke Kamalao O Ausaaf Khatam Hi Nahi Hota.

Keh Legi Sab Kuch Unke Sanakhwaan Ki
Khamoshi
Chup Ho Raha Ye Keh Ke Main Kya Kya Kahun
Tujhe

Muushkil Alfaz :-
Sanakhwaan = Tareef Karne Waala

Mafhoom :- Aap Ka Sanakhwaan Aap Ki Azmat O Shaan Ke Saamne Hairan Ho Kar Khamosh Hojata Hai Ke Itni Tareef Ki Lekin Tareef Khatam Nahi Ho Rahi Aur Kya Kya Kaha Jaaye.

Lekin Raza Ne Khatm E Sukhan Is Pe Kardiya
Khaliq Ka Banda Khalq Ka Aaqa Kahun Tujhe
142

Mushkil Alfaz :-
Sukhan = Baat,Kalam
Khaliq = Paida Karne Waala ,Allah Azzawajjal
Khalq = Makhlooq

Mafhoom :- Aur Aye Mere Pyaare Aaqa ﷺ ! Raza Ne Baat Yahan Khatam Kardi Ke Aap Ko Allah Ka Banda E Khaas Kahunga Aur Allah Ki Saari Makhlooq Ka Aaqa O Maula Kahunga.

143

(16)
Zarre Jhar Kar Teri Paizaaro’n Ke

Taj E Sar Bante Hain Saiyyaro’n Ke

Muhskil Alfaz :-
Zarre = Gird(Sab Se Choti Cheez)
Paizaaro’n = Nal’ain E Muqaddas,Joota Mubarak
Saiyyaro’n = Gardish Karne Waale Sitaare

Mafhoom :- Suraj,Chaand,Mushtari,Sitaare Ke Saro’n Pe Mere Aaqa ﷺ Ki Nala’in Mubarak Se Jhad Kar Girne Waale Mitthi Ke Zarre Taj Ban Kar Chamakte Hain.

Hum Se Choro’n Pe Jo Farmaayien Karam
Khil’at E Zar Banien Pushtaaro’n Ke

Mushkil Alfaz :-
Khil’at = Inaam Ka Joda
Zar = Sona
Pushtaaro’n = Dhero’n Ke Dher
Mafhoom :- Neko’n Ko To Aap ﷺ Kya Kya
Inaam Ata Farmate Honge Hum Jaise Paapiyo’n Aur

144

Nekiyo’n Ko Bhi Itna Nawaaz Dete Hain Ke Khil’ato’n (Sunehre Aur Sacche Kaam Ke Jode Jo Kapdo’n Per Sone Ki Taaro’n Se Chadhaayi Kar Ke Log Shaadi Ke Mauqe’ Pe Tayyari Karte Hain Yaani Khal’at) Ka Dher Lagaa Dete Hain Jo Uthana Mushkil Hojata Hai.Kyun Ke Wo Apni Shaan Ke Mutabiq Ata Farmate Hain.

Mere Aaqa Ka Wo Dar Hai Jiss Per
Maathe Ghiss Jaate Hain Sardaaro’n Ke

Mushkil Alfaz :- Maathe = Peshaani Mafhoom :- Mere Nabi ﷺ Ka Dar E Aqdas To Wo Hai Jahaan Bade Bade Baadshah Apni Peshaaniya’n Ragadte Nahi Thakte Aur Usko Apne Liye Sa’adat Samajhte Hain.

Mere Eesa Tere Sadqe Jaaon
Toor Be Toor Hai Beemaro’n Ke

Mushkil Alfaz :-
Toor = Chaal,Chalan,Tarz,Ravish
Be Toor = Buri Halat
145

Mafhoom :- Aye Hamare Eesa (Yaani Mohammed Mustafa ﷺ ) Aap Ke Beemaro’n (Hum Gunahgaaro’n Ke Bade Be Dhange Lachan Hai Ke Har Waqt Aap Ki Na Farmaani Me Lage Rahte Hai Na Marna Yaad Na Marker Uthna Yaad,Na Farmaaniyo’n Me Bohat Aage Nikal Chuke Hain.Magar Aap Per Qurban Jaayien Ke Aap Hum Jaiso’n Ko Phir Bhi Nibha Rahe Hain.

Mujrimo’n! Chashm E Tabassum Rakkho
Phool Ban Jaate Hain Angaaro’n Ke

Mushkil Alfaz :-
Chashm = Aankh,Ummed
Tabassum = Muskurahat
Angaaro’n = Aag Ke Sho’le

Mafhoom :-
Lekin Aye Mujrimo’n ! Siyaah Karo,Gunah
Gaaro’n,Aakhir Gunah Gaar Hi Hona Magar Ho To
Wafadar? Gaddar To Nahi Hona? Ummed Rakho! Ke
Qiyamat Ke Din Mere Aaqa Muskura Kar Dekhenge
Aur Jab Unke Labo’n Pe Muskurahat Phail Jaaye Gi
To Angaare Bhi Phool Ban Jaayien Gey. Aur Ye

146

Muskurahat Huzoor Ki Wafadari Aur Mohabbat Se Milti Hai.

Tere Abru Ke Tasadduq Pyaare
Band Kurre Hain Giraftaaro’n Ke

Mushkil Alfaz :- Abru = Bhavien Tasadduq = Qurbaan Kurre = Sakht Mafhoom :- Aye Mere Pyaare Aaqa ﷺ ! Hum Giraftaar E Bala Hain Aur Bandish Bhi Badi Mazbooti Se Bandhi Huyi Hai Apne Abru Mubarak Ka Ishara Farmaayien Ta Ke Ye Museebato’n Ke Laakho’n Ki Saari Hathkadiyaa’n Aur Bediyaa’n Toot Jayengey Aur Aap Ke Gunah Gaar Ghulam Har Qism Ke Ghamo’n Se Azaad Hojayien Aur Nafs O Shaitaan Ke Phailaaye Huye Jaalo’n Se Bach Kara Aap Ki Zulfo'n Ki Chaao’n Me Aajaye Kyun Ke Duniya O Aakhirath Ki Tamam Kamiyaabiyaaa’n To Aap Hi Ki Pairo’n Me Hai.

Jaan O Dil Tere Qadam Par Waare
Kya Naseebay Hain Tere Yaaro’n Ke

147

Mushkil Alfaz :-
Waare = Qurbaan Kare
Naseebay = Bakht
Yaaro’n = Sahaba E Kiram

Mafhoom :- Aye Mere Aaqa ﷺ ! Aap Ke Yaaro’n (Sahaba E Kiram Bilkhusoos Khulafa E Rashideen) Ke Kya Ache Naseeb The Ke Jo Aap Par Jaan O Dil Qurbaan Karte Rahe.

Sidq O ‘Adl O Karam O Himmat Mein
Chaar Soo Shohre Hain Inn Chaaro’n Ke

Mushkil Alfaz :-
Sidq = Sacchai
Adl = Insaaf
Karam = Sakhawat
Himmat = Bahaduri

Mafhoom :- Sadaqat Siddiq E Akbar Ke,Adalat Farooq E Azam Ke Sakhawat E Usmani Ke Aur Shuj’at Ali E Murtaza Ke Danke Har Taraf Hai.

148

Behr E Tasleem E ‘Ali Maidaan Me
Sar Jhuke Rehte Hain Talwaaro’n Ke

Mushkil Alfaz :-
Bahr E Tasleem = Salami Ke Liye

Mafhoom :- Wo Ali Sher E Khuda Jo Maidaan Me Utarte Hai To Dushman Ki Talwarien Sarnagu Hokar Ali E Murtaza Ko Salami Karte Hain .

Kaise Aaqaaon Ka Banda Hoon Raza
Bol Bale Meri Sarkaaro’n Ke

Mushkil Alfaz :-
Aaqaao’n = Sardaaro’n
Banda = Naukar, Ghulam
Bol Bale = Shaan O Shaukat Buland Hona

Mafhoom :- Aye Ahmed Raza To Kitna Khushnaseeb Hai Ke Allah Ta’ala Ne Humien Kaise Shaan O Shaukat Waale Aaqa Ata Farmaye. Allah At’ala Unke Martabo’n Me Mazed Bulandiyaan Ata Farmaye.

149

(17)
Zameen O Zamaan

Tumhare Liye

Tumhare Liye Makeen O
Makaan Tumhare Liye
Chuneen O Chunaan Tumhare Liye Bane Do
Jahaan Tumhare Liye

Mushkil Alfaz :-
Zamaan = Zamane
Makeen = Makan O Jagah Me Rehna Waala
Chuneen O Chunaaan = Aisa Waisa Yaani Har Shay’i

Mafhoom :- Ya Rasool Allah ﷺ ! Ye Saari Zameen Aap Ki Khaatir Aur Saara Zamana Aap Hi Ka Hai, Ye Makaan (Aabaadiyaan) Aap Hi Ke Liye Hai Aur Un Me Rehne Waali Makhlooq Bhi Aap Hi Ke Liye Hai, Ye Duniya Ki Saari Rangeeniyaa’n Aap Ke Dam Qadam Se Hai Balke Dono’n Jahaan Aap Hi Ke Liye Hai Kyun Ke Aap Wajh E Takhleeq E Kainaat Hai.

Dahan Me Zubaan Tumhare Liye Badan Me Hai
Jaan Tumhare Liye
Hum Aaye Yahaan Tumhare Liye Uthien Bhi
Wahaan Tumhare Liye

150

Mushkil Alfaz :- Dahan = Munh Badan = Jism Yahaan = Is Duniya Me Wahaan = Maidan E Mehshar Me Mafhoom :- Aye Mere Aaqa ﷺ ! Munh Me Zubaan Bhi Aap Hi Ki Tareef Karne Ke Liye Hai Aur Jism Me Jaan Bhi Aap Hi Ke Liye Hain. Hum Is Duniya Me Aaye Bhi Aap Ki Itaat O Mohabbat Ke Liye Aur Qabr Se Uthna Bhi Aap Hi Ke Liye Hain.

Farishte Khidam Rasool O Hisham Tamaam E
Umam Ghulaam E Karam
Wujood O A’dam Hudoos O Qidam Jahaan Me
‘Iyaan Tumhare Liye

Mushkil Alfaz :-
Khidam = Khadim Ki Jama Khidmatguzar
Hisham = Nokar
Umam = Ummat Ki Jama Kisi Bhi Nabi Ke Maanne
Waale
Wujood O ‘Adam = Hona na Hona
Hudoos O Qidam = Naya Purana
Iyaan = Zaahir

151

Mafhoom :- Aye Mere Pyare Nabi ﷺ Farishte Aap Ki Khidmatgaar Hai Ambiya Aur Rasool Aap Ke Khaiarkhwaa Hai Aur Tamaam Ummati Aap Ke Karam Ki Bhikaari Aur Nokar Hai,Wujood Ho Ya Adam ( Hona Yana Hona) Aalam E Hudoos O Ya Qadeem (Zindagi Mout,Naya Purana, Raat Din) In Sab Ka Jalwa Saamaniyaa’n Aap Hi Ki Tufail Hain.

Kaleem O Najeeh,Maseeh O Safi Khaleel O
Razi,Rasool O Nabi
Ateeq O Wasi Ghani O Ali Sanaa Ki Zubaan
Tumahre Liye

Mushkil Alfaz :- Khaleel = Ibrahim Alaihissalam Najeeh = Hazrtah E Nooh Alaihissalam Kaleem = Moosa Alaihissalam Maseeh = Isa Alaihissalam Safi = Adam Alaihissalam Razi = Ismaail Alaihissalam Ateeq = Siddiq E Akbar Wasi = Umar Farooq Ghani = Usman E Ghani Sana = Tareef

152

Mafhoom :- Moosa Kaleemullah Ho Ya Nooh Najiullah Ho,Ya Ibrahim Khaleel Ullah Ho Ya Adam Safiullah Ho,Ya Ismaail Alaihissalam Ho Ya Koi Bhi Nabi Ho Ya Phir Hazrath E Siddiq E Akbar Ho Ya Umar E Farooq ,Ya Usman E Ghani Ho Ya Ali Shere Khuda Ya Phir Koi Bhi Sahabi Ho Har Koi Aap Hi Ki Tareef Me Rutbulissan Nazar Aa Raha Hai.

Isaalat E Kul Imaamat E Kul Siyaadat E Kul
Imaarat E Kul
Hukoomat E Kul Wilaayat E Kul Khuda Ke Yahaan
Tumhare Liye

Mushkil Alfaz :-
Isaalat = Buniyaad
Kul = Sab Ki
Imaamat = Imam Hona
Siyaadat = Sardaari
Imaarat = Hukoomat
Wilayat = Saltanat

Mafhoom :-
Aap Asal E Kul,Imam E Kul (Saari Kainaat Ke
Imam O Peshwa , Sayyid E Kul Hai Dono’n Jahaan Ki
153

Sardari,Hukoomat,Riyaasat O Wilayat Khuda Ne Aap Ko Hi Ata Farmayi Hain.

Tumhari Chamak Tumhari Dhamak Tumhari
Jhalak Tumhari Mahak
Zameen O Falak Simaak O Samak Mein Sikkah
Nishaan Tumhare Liye

Mushkil Alfaz :- Chamak = Roshni Dhamak = Nooraniyat Jhalak = Jalwa Mehak = Khushboo Falak = Aasman Simaak = Sitaara Samak = Machli Sikkah = Tippah Nishaan = Alaamat

Mafhoom :-
Aye Mere Noor Waale Aaqa ﷺ Aap Ki
Nooraaniyat Jisse Dar O Deewar Jagmaga Uthe Aap
Ki Roshni Aisi Ke Suraj O Chaand Bhi Uska Muqabla
Na Kar Sake Aap Ki Ek Jhalak Jisko Dekhne Ki Taqat

154

Nahi Hai Aalam Ko , Aur Aap Ke Jism Munawwar Se Phootne Waali Khushbu Jannat Ki Khushboo Hai.Zameen Ho Ya Aasmaan , Bulandi Ho Ya Pasti, Jagah Ho Ya Basti,Har Taraf Aap Hi Ka Sikkah Chal Raha Hai Aur Aap Hi Ki Azmath Ke Danke Baj Rahe Hain.

Wo Kanz E Nihaan Ye Noor E Fashaan Wo Kun Se
‘Iyaan Ye Bazm E Fakaan
Ye Har Tan O Jaan Ye Baagh E Jinaan Ye Saara
Samaan Tumhare Liye

Mushkil Alfaz :-
Kanz E Nihaan = Ghaibi Khazana
Fashaan = Zaahir, Noor Bikharne Waala
Kun = Hoja
Bazm = Mehfil
Fakaan = Makhlooq
Jinaan = Jannatien
Samaan = Manzar

Mafhoom :- Posheeda Khazanien Ya Zaahiri
Jalwa Samaaniyaa’n Ho,Aalam E Kun Fakaan (Aalam
Wajood Me Aane Waali Tamam Ashya) Ho Ya Kisi

155

Ke Jism Me Jaan, Jannat Ke Baaghaat Ho Ya Aalam E Samaawat,Ye Sab Manzar Aap Hi Ke Liye.

Zuhoor E Nihaan Qayaam E Jahaan Rukoo’ E
Mihaan Sujood E Shahaan
Niyaazien Yahaan Namazien Wahaan Ye Kis Ke
Liye Haan Tumhare Liye

Mushkil Alfaz :-
Zuhoor O Nihaan = Posheeda Cheez Ka Zaahir
Hojana
Qayaam = Khade Hona
Mihaan = Sardaar
Sujood = Jama Sajda Ki
Shahaan = Baadshah
Niyaazien = Aajiziyaa’n

Mafhoom :- Aalam E Zuhoor Me Aane Waali Tamam Ashiyaa , Jahaan Ka Qayim Hona Aur Qayim Rehna, Saradaaro’n Ke Ruku’ Aur Badshaho’n Ke Sajde Jo Unki Bargah Me Hote Hain Ya Murad Hai Aajizi O Inkisaari Yahaan Ki Aajiziyaa’n Ho Wahaan Ki Namazien,Ye Sab Kuch Mere Aaqa ﷺ Ke Liye Hain.

156

Ye Shams O Qamar Ye Shaam O Sahar Ye Bargh O
Shajar Ye Baagh O Samar
Ye Taigh O Sipar Ye Taj O Kamar Ye Hukm E
Rawaan Tumhare Liye

Mushkil Alfaz :- Shams O Qamar = Suraj Aur Chaand Shaam O Sehar = Din Aur Raat Bargh O Shajar = Patte Aur Darakht Samar = Phal Taigh = Talwar Sipar = Dhal Kamar = Pusht Rawaan = Jaari

Mafhoom :- Haan Haan Suno ! Ye Chaand Ka Chamakna,Suraj Ka Dhamkna,Ye Raat Ki Siyaahi,Ye Din Ki Roshni.Darakhto’n Ke Patte Aur Khud Darakht,Baaghat Aur Unke Phal,Ye Talwarien Aur Dhaalien , Ye Takht O Taaj Pusht Aalam Par Khidmat Ki Patti Ka Bandha Hona Algaraz Saare Jahaan Ka Hukm Jaari Hona Ye Kis Ke Liye Hain? Haan Ya Rasool Allah ﷺ Tumhare Hi Liye Hain.

157

Ye Faiz Diye Wo Jood Kiye Ke Naam Liye Zamana
Jiye
Jahaan Ne Liye Tumhare Diye Ye Ikraamiyaan
Tumhare Liye

Mushkil Alfaz :-
Faiz = Faida
Ikraamiyan = Ataayien

Mafhoom :- Idhar Zameen Waalo’n Ko Apne Noor Ka Faiz Ata Farma Rahe Hai Aur Udhar Meraj Ki Shab Aasmaan Waalo’n Ke Saamne Apne Rehmat Ke Khazane Luta Rahe Hain. Unka Naam Lekar Zamana Jee Raha Hain.Ye Saari Ataaien Kis Ki Hai ? Aap Hi Ke Hain.

Sahaab E Karam Rawaana Kiye Ke Aab Ni’am
Zamaana Piye
Jo Rakhte The Hum Wo Chaak Siye Ye Sitr E
Badaan Tumhare Liye

Mushkil Alfaz :-
Sahaab = Baadal

158

Aab = Paani
Ni’am = Ne’matien
Chaak = Phatan
Satr = Parda
Badaan = Bure

Mafhoom :- Hamare Aaqa ﷺ Ne Apne Fazl O Karam Ke Aise Baadal Rawaana Kiye Ke Aaj Tak Aur Qiyamat Tak Huzoor ﷺ Ke Sadqe Allah Ta’ala Ki Ne’maton Ke Paani Se Faizyaab Hota Rahega. Aap Ne Hamare Zakhmi Dilo’n Pe Apni Mohabbat Ki Marham Rakh Kar Hamari Chaak Si Diye Hai Aur Hum Gunahgaar Ke Ai’bon Ko Apne Rehmat Ke Daaman Se Dhaanp Diya ,Bhala Bataye Ye Shaan Kis Ki Hain? Aap Hi Ke Liye Hain.

Sanaa Ka Nishaan Wo Noor Fashaan Ke Mehr Wa
Shaan Ba Aanhamah Shaan
Ba Saaya Kashaan Mawakib Shaan Yeh Naam O
Nishaan Tumhare Liye

Mushkil Alfaz :-
Sana = Tareef
Noor Fashaan = Noor Ki Baarish

159

Mehr Wa Shaan = Unki Mohabbat,Ya Maanind
Ba Aanhamah Shaan = Un Saari Shaano’n Ke Ba
Wajood
Ba Saaya Kashaan = Garmi O Dhoop Se Bachao Ke
Liye Saaya Karna
Mawakib Shaan = Unke Lashkar

Mafhoom :- Ta’reef O Tauseef Ki Alamatien Ho Zamane Ko Noor Ki Khairat Ya Chaand Aur Suraj Ho! Huzoor ﷺ Ki Mohabbat O Hamdaardi Tamaam Shaano’n Ke Saath Har Waqt Saya Afgan Hai. Saari Faujien ( Insan,Jinn,Farishtey)Aap Ke Zair E Farmaan Hai Aur Balke Jahaan Ki Ye Saari Naam O Namood Aap Hi Ke Liye Hain.

‘Ataa E Arab Jala E Karab Fuyooz E ‘Ajab
Baghair E Talab
Ye Rehmat E Rab Hai Kis Ke Sabab Ba Rabb E
Jahaan Tumhare Liye

Mushkil Alfaz :-
Arab = Sau Carod
Jala E Karab = Dukh Door Kare

160

Fuyooz = Faida
Ajab = Ajeeb
Baghair E Talab = Bin Maange
Ba Rabb E Jahaan = Jahaan Ke Parwardigar Ki Qasam

Mafhoom :- Hamare Aaqa ﷺ Ki Carodo’n Arbo’n Ataaien Aur Nawazishien Logo’n Ke Aaj Bhi Dukh Dard Door Kar Rahi Hai Aur Qiyamat Ko Bhi Yahi Haal Hoga. Aur Phir Maze Ki Baat Ye Hai Ke Aap ﷺ Ke Ye Be Misaal Aur Hairan Kun Faide Baghair Maange Humien Mil Rahi Hain.

Zunoob Fanaa ‘Uyoob E Habaa Quloob E Safaa
Khutoob E Rawaa
Ye Khoob E ‘Ataa Kuroob E Zudaa Paye Dil O Jaan
Tumhare Liye

Mushkil Alfaz :-
Zunoob = Gunah
Fanaa = Khatam
Uyoob = Burayi
Khutoob = Bada Ahem Kaam
Rawaa = Jaiz

161

Zudaa = Yaani Hajat Poori Hona
Paye = Waaste

Mafhoom :- Mehboob E Khuda ﷺ Ki Taraf Se Milne Waali Ataaien Par To Zara Ghaur Karo Gunah Jal Kar Rakh Ho Rahe Hain Hamari Badiyaa’n Khaak Ban Kar Hawaa Me Ud Rahe Hain Ahle Imaan Ke Dil Sheesha Ki Tarah Saaf Ho Rahe Hain Bade Bade Masail,Museebatien Ke Pahad Jal Kar Bhasm Ho Rahe Hai Ye Ataaien Jo Hamare Dard O Alam Ko Khata Ka Rahe Hain Jin Se Hamare Dil O Jaan Ko Jaan Ke Laale Pade Huwe The,Batate Kyun Nahi Ye Humien Kis Ki Qadmo’n Ke Tufail Mili Hai? Aye Mere Aaqa Ye Sab Kuch Aap Hi Ki Wajah Se Mili Hain’

Nah Jinn O Bashar Ke Aathon Paher Malaik Dar
Pe Bastah Kamar
Nah Jubbah O Sar Ke Qalb O Jigar Hain Sajda
Kunaan Tumhare Liye

Mushkil Alfaz :-
Aath Paher = Har Waqt
Malaik = Farishtey

162

Dar = Darwaza Darwaza Basta Kamar = Kamar Bandhe Khidmat Ke Liye Har Waqt Tayyar Jubbah = Peshani Sajda Kunaan = Sajda Karne Waala Mafhoom :- Aye Ghulaman E Mustafa ﷺ Zara Apne Aaqa ﷺ Ke Roza E Pak Ki Dar E Pak Ki Shaan To Dekho Na Sirf Jinn O Insaan Balke Har Waqt Farishtey Aap Ke Dar E Aqdas Pe Khidmat Ke Liye Haath Baandhe Khade Hain Aur Peshani O Sar Se Nahi Balke Dil O Jaan Se Aap ﷺ Ke Liye Jhuk Rahe Hain.

Nah Rooh E Ameen Nah ‘Arsh E Bari Nah Lawh E
Mubeen Koi Bhi Kaheen
Khabar Hi Nahi Jo Ramzien Khuleen Azal Ki
Nihaan Tumhare Liye

Mushkil Alfaz :-
Rooh E Ameen = Jibrael Alaihissalam
Arsh E Bari = Buland Takht
Lawh E Mubeen = Loh E Mehfooz
Ramzien = Posheeda Baatien
Nihaan = Chupi Huwi

163

Mafhoom :- Shab E Meraj Jo Raaz Ki Baatien Aye Mere Aaqa Aap Ko Btayi Gayi Unki Jibraeel E Ameen Ko Bhi Kya Khabar , Arsh E Bari Ko Kya Pata,Loh E Mehfooz Ko Kya Maloom ,Algaraz Khuda Jaane Ya Uska Pyaara Mustafa Jaane Uske Ilawa Azal Ki Posheeda Baatien Ka Khulna Kisi Ko Ma’loom Nahi Aur Jis Par Bhi Ye Raaz Khule Aap Ke Kholne Se Hi Khule.

Jinaan Me Chaman,Chaman Me Saman,Saman Me
Phaban,Phaban Me Dulhan
Sazaa E Mihan Pe Aise Minan Ye Amn O Amaan
Tumhare Liye

Mushkil Alfaz :- Jinaan = Jannatien Chaman = Baagh Saman = Phool Phaban = Zebaaish Sazaa E = Takleef Mihan = Mehnat , Mashaqqat Minan = Ehsaan Amn O Amaan = Aaram O Sukoon

164

Mafhoom :- Jannato’n Ek Baagh,Baagho’n Me Phool,Phoolo’n Me Jannat Ki Khushboo Aur Rang Ki Sajawat Aur Unme Dulhan Jannat Ki Hooro’n Ka Nazara Ye Sab Kuch Aap Ke Tufail Aap Ke Gunahgar Ummati Ke Liye Hogaya To Ye Apne Gunaho’n Ki Wajah Se Azaab Ke Qaabil The Lekin Aap Ki Pakeeza Shfa’at Unka Sahra Ban Ke Jannat Me Le Gayi Aur Ye Saari Ne’matien Unke Liye Hogayi.

Kamal E Mihaan Jalaal E Shihaan Jamaal E
Hisaan Me Tum Ho ‘Iyaan
Ke Saare Jahaan Ba Roz E Fakaan Zil E Aaina
Saan Tumhare Liye

Mushkil Alfaz :- Kamal = Khoobi Mihaan = Sardaar Jalaal = Roab O Dab Daba Shihaan = Baadshah Jamal = Khubsoorti Hisaan = Husn Waale Iyaan = Zaahir Ba Roz E Fakaan = Youm E Takhleeq Zil = Saaya Aaina Saan = Aisa Sheesha ,Maanind,Misaal 165

Mafhoom :- Bade Bade Sardaaro’n Ka Jaho Jalal Aur Fazl O Kamaal,Bade Bade Baadshaho’n Ka Roab O Dabdaba Aur Haseenan E Aalamka Husn O Jamal Aap Hi Ki Zaat Se Zaahir Huwa Hai Kyun Ke Tamaam Jahaano’n Ke Wajood Ka Saaya Aap Ki Zaat Ke Aaina Aks E Jamal Se Hi Mila Hai . Aur Saare Jahaan Me Sirf Aap Hi Ke Noor Ke Jalwa Aarayi Hai.

Ye Toor Kuja Sipar To Kya Ke Arsh E Ulaa Bhi
Door Raha
Jihat Se Wara Wisaal Mila Ye Rifa’t E Shaan
Tumhare Liye

Mushkil Alfaz :- Toor = Pahad Ka Naam Kuja = Kahan Sipar = Dhaal Muraad Aasmaan Arsh E Ulaa = Buland Arsh Jihat = Simt,Taraf Waraa = Upar Wisaal = Mulaqat Rif’ate Shaan = Azmath O Bulandi Mafhoom :- Kahan Musa Alaihissalam Ka Toor Aur Kahaan Aasmaan, Yahaan To Arsh E Mualla Ki 166

Bhi Daal Na Gale,Hamare Aaqa ﷺ Na Daayan Na Baayan La Makaan Wo Hai Jo In Shash Jihato’n Se Wara Hai Kyun Ke Khaliq E Noor Se Mulaqat Thi Jo Jism O Jismaaniyat Se Pak Hai Lihaza Wahan Ka Mahol Bhi Simt Se Pak Hai Ye Bulandi Aur Rif’at Ka Maqam Bhi Sirf Aap Hi Ke Liye Hain.

Khaleel O Naji, Maseeh O Safi, Sabhi Se Kahi
Kaheen Bhi Bani
Ye Be Khabari Ke Khalq Phiri Kahan Se Kahaan
Tumhare Liye

Mushkil Alfaz :- Kahi = Bola,Poocha Bani ? = Baat Bani? Khalq = Makhlooq

Mafhoom :- Maidan E Mehshar Me Har Nabi Se Ye Makhlooq Ne Shafa’t Ki Talab Ki Lekin Kahin Bhi Nahi Mili Phir Ye Saari Makhlooq Aap Hi Ki Taraf Aap Hi Ke Liye Aap Ki Shafa’t Ki Bheek Maangne Aayi Hai.

167

Bafowr E Sadaa Samaan Ye Bandha Ye Sidra Uttha
Wo Arsh Jhuka
Sufoof E Samaa Ne Sajda Kiya Huwi Jo Azaan
Tumhare Liye

Mushkil Alfaz :-
Bafowr = Achanak
Sadaa = Awaaz
Samaa = Manzar
Sufoof = Saf Ki Jama’ , Farishto’n Ki Qataarien
Samaa = Aasmaan

Mafhoom :- Shab E Meraj Jab Upar Ki Duniya Me Mere Aaqa ﷺ Ki Tashreef Aawari Huwi To Elaan Huwa Sidratul Muntaha Apni Jagah Se Uthh Khada Huwa Aur Arsh E Mualla Bhi Huzoor ﷺ Ke Isteqbal Ke Liye Jhuk Gaya Aur Har Taraf Se Durood O Salaam Ki Awaazien Aayi To Ajeeb Samaa Tha Ke Tamam Farishtey Huzoor ﷺ Ki Amad Par Allah Ka Shukr Ada Karne Ke Liye Sajde Me Gire Huwe The Aur Awaazien Ho Rahi Thi Ashadu Anna Mohammadarasulallah ﷺ Ye Sab Kuch Huwa Aap Hi Ke Liye.

168

Ye Marhmatien Ke Kacchi Matien Na Chore Latein
Na Apni Gatien
Qusoor Karien Aur Unse Bharien Qusoor E Jinaan
Tumhare Liye

Mushkl Alfaz :- Marhamatien = Nawaazishien Matien = Kamzor Aql Waale,Jinki Mat Maari Gayi Hai Lateen = Buri Aadat , Lat Pad Jaana Gunah Ki Gatien = Haalat,Zillat Uthane Waali Haalat Qusoor = Gunah Qusoor = Mehal Jinaan = Jannatien

Mafhoom :- Ham Kam Aqal Hai Ki Apni Buri Aadatien Nahi Chor Pa Rahe Hain Aur Gunah Par Gunah Kiye Ja Rahe Hain,Iske Ba Wajood Bhi Aap Ki Nawaazishat Hum Pe Qaaim O Daaim Hai,Na Sirf Duniya Me Nahi Balke Aalam E Aakhirat Me Bhi Jannat Ke Mohallat Inhi Gunahgaaro’n Ke Saath Bhar Dengey.

169

Fanaa Badarat Baqaa Ba Barat Ze Har Do Jihat
Bagird E Sarat
Hay Markaziyat Tumhari Sifat Ke Dono Kamaan
Tumhare Liye

Mushkil Alfaz :-
Ba Darat = Aap Ke Darwaze Par
Baqaa = Zindagi
Be Barat = Aap Ke Daaman Me
Ze Har Do Jihat = Dono Taraf Se
Bagird E Sarat = Aap Ke Sar E Anwar Ke Ird Gird
Markaziyyat = Markaz Hona
Dono Kamaan = Duniya Aur Aakhirat

Mafhoom :- Fana O Maut Ho Ya Barzakh O Zindagi,Sab Aap Ke Dar E Aqdas Ke Laundiyaa’n Hai Aur Do Kamaano’n Ki Tarah Aap Ke Sar E Anwar Ke Ird Gird Dono Taraf Maujood Haazir Hain Magar Markaziyyat Aap Hi Ke Zaat Ko Haasil Hai.

Ishaare Se Chaand Cheer Diya Chupe Huwe Khur
Ko Pher Liya
Gaye Huwe Din Ko ‘Asr Kiya Ye Taab O Tawaan
Tumhare Liye

170

Mushkil Alfaz :-
Cheerdiya = Do Tukde Kiya
Khur = Suraj
Taab O Tawaan = Quwwat O Taqat

Mafhoom :- Aap Ka Ishaara Ho To Chaand Do Tukde Hojaaye Aur Aap Dua Farma Dein To Dooba Huwa Suraj Unhi Qadmo’n Se Waapis Phire Aur Din Jo Khatam Ho Chuka Tha Wo Asr Ke Waqt Par Aajaye Ta Ke Hazrath E Ali Ki Namaz Ada Ho Qaza Nah O Ye Taqat Aye Pyare Aaqa ﷺ Aap Ke Siwa Kahi Aur Nazar Nahi Aati.

Sabaa Wo Chale Ke Bagh Phale Wo Phool Khile Ke
Din Ho Bhale
Liwaa Ke Tale Sanaa Me Khule Raza Ki Zubaan
Tumhare Liye

Mushkil Alfaz :-
Sabaa = Hawa
Phale = Phal Jaaye
Khule = Phool Ban Jaye
Liwaa = Liwa Ul Hamd

171

Tale = Niche
Sana = Tareef

Mafhoom :- Aisi Baad E Saba Chale Ke Jo Baghaat Me Phal Aur Phool Khila De Aur Na Sirf Phool Khile Hamare Naseeb Bhi Khilein Aur Qiyamat Ke Din Liwa Ul Hamd Haath Me Pakad Kar Jab Mehboob E Khuda Nikle To Us Waqt Ahmed Raza Ko Zabaan Se Kuch Kehne Ki Ijazat Hojaaye To Meri Baat Banjaaye To Meri Zubaan Aye Mere Aaqa Wahan Bhi Aap Hi Ki Tareef Me Khule.

172

(18)
Lam Yaati Nazeeruka Fee Nazarin Mithle To Na
Shud Paida Jaana
Jag Raaj Ko Taaj Tore Sarso Hai Tujhko Shahe Do

Saraa Jaana

Mushkil Alfaz :- Lam Yaati Nazeeruka Fee Nazarin = Aap Ka Misl Kisi Ko Nazar Nahi Aaya Mithle Tu Shud Paida Jaana = Aap Ki Tarah Koi Paida Huwa Hi Nahi Jag Raaj Ko Taaj Tore Sar So = Saare Jahano’n Ka Taaj Aap Hi Ke Sar Par Sajaa Hai Mafhoom :- Ya Rasool Allah ﷺ Aap Jaisa To Na Kabhi Dekha Gaya Hai Na Dekha Jayega Kyun Ke Allah Ta’ala Ne Aap Jaisa Koi Paida Hi Nahi Farmaya. Jahano’n Ki Baadhshahi Aap Hi Ko Sajti Hai Is Liye Hum Ne Aap Ko Jahaano’n Ka Baadshah Maan Liya Hai.

Al Bahru A’laa Wal Mauju Taghaa Mann Bekas O
Toofan Hosh Ruba
Manjdhaar Me Hoon Bigdi Hai Hawa Mori Nayya
Paar Laga Jaana

173

Mushkil Alfaz :- Al Bahru A’laa Wal Mauju Taghaa = Samundar Ooncha Gehra Hai Aur Maujien Tughyaani Par (Josh Par) Mann Bekas O Toofan Hosh Ruba = Main Majboor Hoon Aur Toofan Hosh Uda Raha Hai Manjhdaar Me Hoon Bigdi Hai Hawa = Main Bhanwar Me Phans Gaya Aur Hawa Mukhalifat Ki Simt Se Tez Chal Rahi Hai Mori Nayya Paar Laga Jaana = Aaqa Meri Kashti Kinaare Par Lagaa Dien

Mafhoom :- Bad Amali O Bad Aqeedgi Ka Samundar Toofani Par Hai Aur Mai Akela Usme Ghera Huwa Hoon ,Kashti Bhanwar Me Phansi Huwi Hai Khudara Meri Madad Farma Kar Is Muqable Me Kamiyaab Karwa Kar Meri Kasthi Kinaare Laga Dijiye.

Ya Shamsu Nazarti Ilaa Lailee Chu Ba Taiba Rasi
‘Arz E Ba Kuni
Tori Jowt Ki Jhaljhal Jag Me Rachi Mori Shab Ne
Na Din Hona Jaana

Mushkil Alfaz :-

174

Ya Shamsu Nazarti Ilaa Lailee = Aye Suraj Tu Ne Meri Raat Ko Dekha , Masaib Ki Sakhti Ki Taraf Ishara Hai Chu Ba Taiba Rasi ‘Arz E Ba Kuni = Jab Tu Madine Se Guzre To Meri Haalat Mere Mehboob Ke Saamne Bayan Karna Tori Jowt Ki Jhaljhal Jag Me Rachi = Aap Ke Noor Se Tamam Jahaan Roshan Hai Meri Shab Ne Na Din Honaa Jaana = Magar Meri Raat Hai Ke Din Hone Ka Naam Nahi Leti

Mafhoom :- Aye Dopahar Ke Suraj Tu Ne Mere Mushkilat Ki Raat Ko Apni Aankh Se Dekha Hai Ke Tere Hote Huwe Bhi Din Na Huwa Hai Lihaza Jab Mere Mehboob Ki Nagri Se Guzre To Habeeb Ko Meri Haalat E Zaar Arz Kardena Ke Aaqa Aap Ke Noor Ne To Zamana Roshan Kardiya Mai Abhi Tak Hijr O Firaq Ki Tareeki Me Dooba Huwa Hoon Aur Meri Aap Se Doori Ki Raat Aap Ki Bargha Me Haazri Se Din Nahi Huwi Hai.

Laka Badrun Fil Wajhil Ajmal Khat Haala E Mah
Zulf Abr E Ajil
Tore Chandan Chandar Paro Kundal Rahmat Ki
Bharan Barsaa Jaana
175

Mushkil Alfaz :- Laka Badrun Fil Wajhil Ajmal = Aap Ke Chehre E Haseen Me Chaudvi Raat Ka Chaand Tulu’ Hota Dikhaayi Deta Hai Khat Haala E Mah Zulf Abr E Ajil = Daadhi Mubarak Chaand Ki Gird Halqa Lagta Hai Aur Zulf Mubarak Taqdeer Ka Zabardast Baadal Hai Tore Chandan Chandar Paro Kundal = Sandal Jaise Chehre Pe Ye Bata Raha Hai Rahmat Ki Bharan Barsa Jaana = Ab Baarish Aayi Ke Aayi

Mafhoom :- Aye Mere Aaqa ﷺ Aap Ka Haseen O Jameel Chehra To Chaudvi Ka Chaand Lagta Hai Aur Aap Ki Daadhi Mubarak Chaand Ki Gird Haala Ka Manzar Pesh Kar Rahi Hai Aur Suna Hai Ke Chaand Ke Gird Haala Pad Jaaye To Baarish Zaroor Hoti Hai Lihaza Mujh Ghareeb O Bekas Par Apni Rehmat Ki Baarish Barsa Jaaye.

Ana Fi Atashin Wa Sakha Ka Atam Aay Gesuye
Pak Aye Abre Karam
Barsan Hare Rimjhim Rimjhim Do Boond Idhar
Bhi Gira Jaana
176

Mushkil Alfaz :- Ana Fi Atashin Wa Sakha Ka Atam = Main Pyasa Hoon Aur Aap Ki Sakhawat Kaamil O Mukammal Hai Aye Gesuye Pak Aye Abre Karam = Aye Pak Gesuo’n Karam Ke Baadalo’n Barsan Hare Rimjhim Rimjhim = Halki Baarish Barsaane Waalo Do Boond Idhar Bhi Gira Jaana = Idhar Mere Upar Bhi Do Qatre Gira Do

Mafhoom :- Aye Mere Aaqa ﷺ Mai To Aap Ke Hijr O Firaq Me Pyaas Se Mar Raha Hoon Aur Aap Ki Sakhawat Me Bhi Koi Shak Nahi Aap Apne Karam Ki Hamesha Barasne Waali Baarish Se Mere Daaman Me Bhi Do Qatre Gira Dien.

Ya Qafilatee Zeede Ajalak Rahme Bar Hasrate
Tishna Labak
Mora Jiyara Larje Darak Darak Taiba Se Abhi Na
Sunaa Jaana

Mushkil Alfaz :-
Ya Qafilatee Zeede Ajalak = Aye Qaafile Waalo’n
Apne Qiyam Ki Mudaat Zyada Karo

177

Rahme Bar Hasrate Tishna Labak = Hasrat Ke Maare
Pyaase Labo’n Par Reham Karo
Mora Jiyara Larje Darak Darak = Mera Dil Ghabra
Raha Hai ,Laraz Raha Hai
Taiba Se Abhi Na Sunaa Jaana = Madine Se Jaane Ki
Khabar Abhi Na Suna

Mafhoom :- Aye Mere Qaafile Waalo’n Mere Saathiyo Khuda Ke Liye Madine Ka Qiyaam Badha Do Kyun Ke Tum Madine Se Jaan Eki Baat Karte Ho To Mera Dil Ghabra Kar Dhadak Dhadak Karta Hai Aur Jaan Nikal Nikal Jaati Hai.Isliye Abhi Jaane Ki Khabar Na Sunana.

Wa Aahan Lisooway’aatin Zahabat Aan Ahad E
Huzoor Baar E Gahat
Jab Yaad Awat Mohe Kar Na Parat Darda Wo
Madina Ka Jaana

Mushkil Alfaz :-
Wa Aahan Lisooway’aatin Zahabat = Haaye Afsos
Chand Hi Ghadiyaanthi Guzar Gayi
Aan Ahad E Huzoor Baar E Gahat = Aap Ki Bargah
Ki Hazri Ki
178

Jab Yaad Awat Mohe Kar Na Parat = Jab Mujhe Aap Ki Bargah Me Haazri Ka Manzar Yaad Aata Hai Darda Wo Madina Ka Jaana = Ke Takleef Ke Parwa Kiye Baghair Madine Me Jaa Raha Tha Mafhoom :- Haaye Afsos Ke Madina Shareef Mi Qiyam Ke Liye Chand Ghadiyaan Mili Jo Guzar Bhi Gayi.

Al Qalbu Shajin Wal Hammu Shujoon Dil Zaar
Chunaa Jaan Zer O Chunoo
Pat Apni Bipat Mai Kaa Se Kahoo Mera Kaun Hai
Tere Siwa Jaana

Mushkil Alfaz :- Al Qalbu Shajin Wal Hammu Shjoon = Dil Zakhmi Hai Aur Pareshaaniyaa’n Beshumaar Hai Dil Zaar Chunaa Jaan Zer O Chunoo = Dil Faryaad Kunaa Hai Jaan Bohat Kamzor Hai Pat Apni Bipat Mai Kaa Se Kahoo = Apna Dukhda Kis Se Kahun Mera Kon Hai Tere Siwa Jaana = Aap Ke Siwa Mera Ha Ikon Mafhoom :- Aye Mere Aaqa ﷺ Mera Dil Aap Ki Judaayi Me Betaab Hai Aur Us Par Mazeed Ye Hai

179

Tarah Tarah Ke Aalam O Masaaib Ne Ghera Huwa Hai Huzoor Mera Aap Ke Siwa Kon Hai Jis Se Mai Apna Dukh Bayan Karun.

Arruhu Fidaaka Fazid Harqaa Yak Sho’la Digar
Barzan ‘Ishqaa
Mora Tan Man Dhan Sab Phoon Diya Ye Jaan Bhi
Pyaare Jalaa Jaana

Mushkil Alfaz :- Arruhu Fidaaka Fazed Harqaa = Meri Jaan Aap Par Qurbaan Zara Ishq Ki Aag Aur Badhaayiye Yak Sho’la Digar Barzan Ishqaa = Apne Ishq Ki Ek Aur Chingaari Mere Dil Par Rakhiye Mora Tan Man Dhan Sab Phoonk Diya = Mera Saara Jism To Jal Chuka Hai Ye Jaan Bhi Pyaare Jala Jaana = Aaqa Ye Jaan Mai Kya Karunga Is Ko Bhi Jalaa Dijiye

Mafhoom :- Meri Rooh Aap ﷺ Ke Qurbaan Mere Aaqa Aap Ki Mohabbat Ki Aag Ne To Mera Sab Kuch Jala Diya Hai Ek Sho’la Aur Inayat Farmaye Taa Ke Jaa Bhi Aap Ke Ishq Me Jala Doon.

180

Bas Khaamae Khaam E Nawaa E Raza Na Ye Tarz
Meri Na Ye Rang Mera
Irshaad E Ahibba Naatiq Tha Naachaar Is Raah
Parra Jaana

Mushkil Alfaz :-
Bas Khaamae Khaam E Nawaa E Raza = Ahmed Raza
Ka Kamzor Qalamna Ye Tarz Meri Na Ye Rang Mera
= Mera Andaaz Ye Nahi Hai
Irshaad E Ahibba Naatiq Tha = Dosto’n Ke Israar Ne
Majboor Kiya
Naachaar Is Raah Parra Jaana = Majbooran Unki
Farmaish Poora Karna Pada

Mafhoom :- Main Is Qaabil Kahaan Ke Chaar Zabano’n Me Ashaar Likhoon Bas Dosto’n Nemohabbat Bhara Israar Kiya To Apni Na Tajrube Kaari Ke Ba Wajood Majbooran Chand Ashaar Kah Diya Ya Ahbaab E Naatiq Se Muraad Do Sho’raa Me Ek Naatiq Naami Shayar Huwa Guzra Aur Doosre Aap Ke Khalifa Hazrath Muhiba Bhikri ,Jinho Ne Chaar Zabaano’n Me Kalam Lihne Ki Farmaish Ki Thi.

181

(19)
Utha Do Parda Dikha Do Chehra Ke Noor E Baari
Hijaab

Me Hai

Me Hai
Zamana Tareek Ho Raha Hai Ke Mehr Kab Se
Niqaab Me Hai

Mushkil Alfaz :- Baari = Paida Karne Waala Mehr = Suraj Niqab,Hijaab = Parda Mafhoom :- Ya Rasool Allah ﷺ Aap Ka Chehra Mubarak Agar Parde Me Hoto Goya Noor E Khuda Parde Me Hojata Hai Isliye Ke Aap Hi To Noor E Khuda Hai Aur Aap Ka Rukh E Pur Anwar Parde Me Rehne Se Ek Baar Phir Zamane Pe Zulm,Jihalat,Be Deeni Ke Siyaah Baadal Chaa Gaye Hain Aur Bas Ab Yahi Intezaar Hai Ke Aasmaan E Nabuwaat Ka Aaftaab Apna Chehra E Anwar Parde Se Nikale Aur Har Taraf Noor Hi Noor Phail Jaaye.

Jali Jali Bu Se Uski Paida Hai Sozish E Ishq E
Chashme Waala
Kabaab E Aahu Me Bhi Na Paaya Mazah Jo Dil Ke
Kabaab Me Hai
182

Mushkil Alfaz :-
Jali Jali Bu = Kisi Shay’i Ke Aag Par Jalne Se Jo
Paida Ho
Sozish = Jalan
Chashme Waala = Azmath Waali Aankh
Aahu = Haran

Mafhoom :- Ishq E Rasool Aur Furqat E Rasool ﷺ Ki Aag Me Dil Ke Jalne Ki Jo Halki Halki Bu Aarahi Hai Ye Mere Aaqa Ke Mubarak Aankho’n Ki Ishq Ki Sozish Se Paida Huwi Hai Aur Is Dil Ke Ishq E Rasool Me Kabaab Hone Me Jo Lazzat Hai Bhala Wo Hiran Ke Kabaabo’n Me Kahaan Ho Sakti Hai.

Unheen Ki Bu Maaya E Saman Hai Unheen Ka
Jalwa Chaman Chaman Hai
Unheen Se Gulshan Mehak Rahe Hai Unheen Ki
Rangat Gulaab Me Hai

Mushkil Alfaz :-
Bu = Khushboo
Maaya E Saman = Chumbuli Ka Sarmaya
Chaman Chaman = Baagh
Rangat = Rang

183

Mafhoom :- Mere Aaqa ﷺ Ki Khushboo Chumbuli Ke Phool Ka Sarmaya Hai Aur Baaghaat Huzoor ﷺ Hi Ke Jalwe Se Baagh Baagh Hai Gulshan Unhi Ke Khsuhboo Se Mehak Rahe Hain Aur Gulab Ke Phool Ka Husn Bhi Marhoon Mannat Hai.

Teri Julu Hai Maah E Taiba Hilaal Har Marg O
Zindagi Hai
Hayaat Jaan Ka Rikaab Me Hai Mamaate Aa’da Ka
Daab Me Hai

Mushkil Alfaz :- Julu = Ikhtiyaar Me Maah E Taiba = Aye Madine Ke Chaand Hilaal = Pehli Raat Ka Chand Marg = Mout Hayaat Jaan = Jaan Ki Zindagi Rikaab = Lo Ka Halqa Jispe Paun Rakh Kar Suwaar Suwaari Huwe Hain Mamaate Aa’da = Dushmano’n Ki Mout Daab = Qabze Me Mafhoom :- Aye Madine Ke Chaand Aaqa ﷺ Zindagi Aur Mout Ka Kamzor Saa Chaand Aap Hi Ke

184

Zere Saaya Tulu Ho Raha Hai Aap Hi Ki Nigah E
Rehmat Se Patthar Dil Ko Bhi Zindagi Naseeb Ho
Rahi Hai Aur Darakht Bhi Rawaa Dawaa Hai ,Ahle
Emaan Ki Rooh O Jaan Bhi Aap Ki Qadmo’n Ke
Neeche Hai Aur Dushman Ki Maut Bhi Aap Ke Qabze
O Ikhtiyaar Me Hai

Siyaah Libaasaan E Daar Duniya Wa Sabz Poshaan
E Arsh E Aa’laa
Har Ik Hai Unke Karam Ka Pyaasa Ye Faiz Unke
Janaab Me Hai

Mushkil Alfaz :- Libaasa,Poshaan = Libaas Pehanne Waale Karam = Bakhshish Mafhoom :- Is Duniya Ke Siyaah Libaas Waale Insaan Ho Ya Aalam E Baala Ke Sabz Rang Ka Libaas Pahenne Waale Farishte Ho, Sab Ke Sab Huzoor E Anwar O Akram ﷺ Ki Rehmat Ke Pyaase Hai Aur Sab Ko Faiz Aap Hi Ki Bargah Se Milta Hai.

Wo Gul Hai Labhaaye Naazuk Unke Hazaaro’n
Jhadte Hain Phool Jinse
Gulaab Gulshan Me Dekhe Bulbul Ye Dekh
Gulshan Gulaab Me Hai
185

Mushkil Alfaz :-
Gul = Phool
Labhaaye = Honto’n
Gulshan = Baagh

Mafhoom :- Aaqa E Do Jahaan ﷺ Ke Labhaaye Mubarak Bhi Kaise Ajeeb Shaan Rakhte Hain , Gulaab Se Bhi Zyada Narm O Naazuk Aur Jab Aap Un Labo’n Ko Harkat Dete Hain To Quran O Hadees Ke Hazaaro’n Phool Unse Bar Aamad Hote Hain ,Baagh Me Phool To Aye Bulbul Tune Bohat Dekhe Hai Lekin Zara Idhar Bhi Dekh Saara Gulshan Hamare Phool Aaqa ﷺ Me Samaya Huwa Hai.

Jail Hai Soz E Jigar Se Jaan Tak Hai Taalib E
Jalwa E Mubaarak
Dikha Do Wo Lab Ke Aab E Haiwaan Ke Lutf Jinke
Khitaab Me Hai

Mushkil Alfaz :-
Aab E Haiwaan = Zindagi Dene Waala Paani
Khitaab = Bayan O Kalam
Mafhoom :- Aye Mere Aaqa ﷺ Meri Jaan Jo
Aap Ke Noorani Jalwe Ki Tamanna Me Jal Chuki Hain

186

Usko Ek Baar Aap Ke Labhaaye Mubarak Ka Deedar Ata Ho. Jin Honto’n Se Jab Aap Kalam Farmate Hain To Aab E Hayaat Ki Lazzat Naseeb Hoti Hai.

Khade Hain Munkar Nakeer Sar Par Na Koi Haami
Na Koi Yaawar
Bata Do Aakar Mere Payambar Ke Sakht Mushkil
Jawaab Me Hai

Mushkil Alfaz :-
Haami = Himayat,Tarafdaari Karne Waala
Yaawar = Madadgaar

Mafhoom :- Aye Mere Aaqa Qabr Ki Andheri Kotdi Me Qabr Ke Farishte Mere Sar Par Khade Huwe Hain,Aap Ke Siwa Koi Haami Aur Madadgaar Nazar Nahi Aata, Mushkil Me Hoon Tashreef Laa Kar Qabr Ko Munawwar Farmaye Aur Apne Gunahgar Ko Bataye Ke Un ﷺ Sawaalo’n Ka Jawab Kya Dena Hai.

Khuda E Qahhar Hai Ghazab Par Khule Hai
Badkaariyo’n Ke Daftar
Bacha Lo Aakar Shafi’ E Meshar Tumhaara Banda
‘Azaab Me Hai

187

Mushkil Alfaz :-
Qahhar = Qahr O Ghazab Karne Waala
Daftar = Register,Naama E Aamal

Mafhoom :- Aye Mere Aaqa ﷺ Allah Ta’ala Aaj Poori Shaan E Qaharriyat O Jabariyyat Ka Izhar Farma Raha Hai Aur Uske Saamne Mere Gunaho’n Ka Register Khule Huwe Hain,Kisi Ko Bhi Majaal Nahi Ke Kuch Arz Kare, Bas Meri Nigah Aap Hi Ko Dhoond Rahi Hai.Tashreef Laaye Aur Jahannum Se Ghulam Ko Bachaaye.

Kareem Aisa Mila Ke Jiske Khule Hain Haath Aur
Bhare Khazaane
Batao Aye Mufliso Ke Phir Kyun Tumhara Dil
Izteraab Me Hai

Mushkil Alfaz :-
Mufliso = Mohtajo’n
Izteraab = Pareshani

Mafhoom :- Humien Allah Kareem Ne Aisa
Kareem Nabi Ata Farmaya Hai Ke Jiske Haath Dene

188

Ke Liye Har Waqt Khule Hain Aur Uske Khazane Bhare Huwe Hain ,Phir Zara Batao To Aye Munkiro’n Tumhara Dil Kyun Dhadak Raha Hai Ke Kaise Guzara Hoga.

Gunah Ki Taareekiyaam Ye Chaayi Umand Ke
Kaali Ghataayien Aain
Khuda Ke Khursheed Mehr Farma Ke Zarra Bas
Izteraab Me Hai

Mushkil Alfaz :- Umand = Josh Khursheed = Suraj Mehr = Mehrbani Zarra = Haqeer Aur Mamoli Shayi Mafhoom :- Aye Mere Rehmat Waale Aaqa ﷺ Gunaho’n Ki Siyaahi Hume Gher Rakha Hai ,Aye Allah Ta’ala Ke Nabiyo’n Ke Sardaar Aaftab E Nabuwaat Madni Aaqa ﷺ Meherbaani Farmaye Is Naa Chiz Zarre Par.

Kareem Apne Karam Ka Sadqa La Eeme Be Qadr
Ko Na Sharma
Tu Aur Raza Se Hisaab Lena Raza Bhi Koi Hisaab
Me Hai
189

Mushkil Alfaz :-
La Eeme = Kameena , Ghatiya
Be Qadr = Be Haisiyyat

Mafhoom :- Aye Mere Aaqa Aap Ko Apne Hi Karam Ka Sadqa Is Kameene Aur Be Qadre Insaan Ka Hisaab Lekar Ise Sharmsaaz Na Kijiye. Ye Ahmed Raza Bechara Is Qaabil Hi Nahi Ke Isse Hissab Liya Jaaye.

190

(20)
Wah Kya Jood O Karam Hai Shahe Bat’ha Tera

Nahi Sunta Hi Nahi Maangne Waala Tera

Mushkil Alfaz :-
Wah = Tajjub,Kya Baat Hai
Jood O Karam = Sakhawat O Meherbani
Shah = Baadshah
Bat’ha = Makka E Mukarrama

Mafhoom :- Ya Rasool Allah ﷺ Aap Ke Jood O Sakhawat , Karam O Bakhshish Ke Kya Kehne Ke Jo Bhi Maange Jo Jo Bhi Aap Ke Dar Pe Maangne Waale Ne Suwal Kiya To Aap Ne Nahin Hai Kabhi Nahi Kaha Balke Talab Se Zyada Hi Ata Karte Gaye.

Dhaare Chalte Hain Ataa Ke Wo Hain Qatraa Tera
Taare Khilte Hain Sakha Ke Wo Hai Zarra Tera

Mushkil Alfaz :-
Dhaare = Darya,Bulandi Se Girne Waala Paani
Zarra = Ma’mooli Si Shay’i
Sakha = Sakhawat

191

Mafhoom :- Ya Rasool Allah Aap Ki Ata Ki Shaan Ye Hain Ke Aap Qatra Dete Hain To Wo Darya Ban Jaata Hai Aur Aap Zarra Dete Hain To Wo Sakhwat Ke Tare Ban Jaate Hain.

Faiz Hai Shah E Tasneem Nirala Tera
Aap Pyaaso’n Ke Tajassus Me Hai Darya Tera

Mushkil Alfaz :-
Tasneem = Jannat Ki Nehar
Nirala = Anokha
Tajassus = Talash

Mafhoom :- Aye Jannat Ke Nehr Ke Malik! Aap Ki Ata Bhi Badi Nirali Hai Ke Jiska Samandar Be Paida Kinara Khud Pyaaso’n Ko Talash Karta Hain Ke Unko Sairaab Kiya Jaaye.

Aghniya Palte Hain Dar Se Wo Hai Baada Tera
Asfiya Chalte Hain Sar Se Wo Hai Raasta Tera

Mushkil Alfaz :-
Aghniya = Jama’ Maaldaar

192

Baada = Khairat
Asfiya = Saaf Dil Waale

Mafhoom :- Ya Rasool Allah ﷺ Aap Ke Dar Se Sirf Faqeero’n Ko Hi Nahi Balke Maaldaaro’n Ko Bhi Nawaza Jaata Hai Aur Aap Ki Guzar Gaah Aisa Raasta Hai Jahan Allah Ke Maqbool Bande Sar Ke Bal Chalna Apne Liye Sa’adat Samjhte Hain.

Farsh Waale Teri Shaukat Ka U’loo Kya Jaane
Khusrawa Arsh Pe Udta Hai Pharera Tera

Mushkil Alfaz :-
Farsh Waale = Zameen Waale
Shaukat = Ro’ab Dabdaba
U’loo = Bulandi
Khusrawa = Aye Khuda Ke Khudaayi Ke Baadshah
Pharera = Jhanda

Mafhoom :- Ya Rasool Allah ﷺ Aap Ki Azmath Ke Jhande To Arsh Pe Leh Ra Rahe Hain, In Zameen Waalo’n Ko Kya Pata Aap Ki Azmath O Shaan Kya Hai.

193

Aasmaan Khwaan Zameen Khwaan Zamana
Mehmaan
Sahib E Khana Laqab Kiska Hai Tera Tera

Mushkil Alfaz :-
Khwaan = Dastarkhwaan
Zamana = Waqt,Kul Kainaaat
Laqab = Wasfi Naam
Sahib E Khana = Ghar Waala,Mezbaan

Mafhoom :- Ya Rasool Allah ﷺ Ye Zameen Ye Aasman Aap Ke Dastarkhwaan Hai Jin Par Saare Jahaano’n Ko Ba Izzat Rozi Mil Rhi Hai Aur Mezbaan Aap Ki Zaat E Ba Barkat Hai.

Main To Malik Hi Kahunga Ke Ho Malik Ke
Habeeb
Yaani Mehboob Ho Muhibb Me Nahi Mera Tera

Mafhoom :-
Ya Rasool Allah ﷺ Main To Aap Ko Malik Hi
Kahunga Kyun Ba Zahir Ye Baat Tayi’ Hai Ke
Mehboob Aur Muhibb Ke Darmiyaan Ye Mera Hai Ye
194

Tera Hai Nahi Hota Jo Mehboob Ka Hota Hai Wo Muhibb Ka Hota Jo Muhibb Ka Hota Hai Wo Mehboob Ka Hota Hai Goya Allah Ta’ala Sab Ka Malik Hai Aur Aap Uski Ata Se Allah Ke Ilawa Har Cheez Ke Malik Hai.

Tere Qadmo’n Me Jo Hai Ghair Ka Munh Kya
Dekhe
Kon Nazro’n Pe Chade Dekh Ke Talwa Tera

Mushkil Alfaz :- Qadmo’n Me Hona = Sohbat O Khidmat Me Hona Ghair Ka Munh Dekhna = Doosro’n Ki Taraf Dekhna Nazro’n Pe Chadna = Pasand Aa Jaana Chade = Jache Mafhoom :- Ya Rasool Allah ﷺ Jo Aap Ke Qadmo’n Me Aap Ke Ghulam Hai Wo Kaise Dunyavi Baadsho’n Ki Taraf Dekhta Hai Kyun Ke Jis Ne Aap Ke Qadam Mubarak Dekh Liya Wo Phir Kaise Kisi Haseen Se Haseen Chehre Ko Dekhna Qubool Karega ?

Behr E Saail Ka Hoon Saail Na Kunwe Ka Pyaasa
Khud Bujha Jaaye Kaleja Mera Cheenta Tera
195

Mushkil Alfaz :-
Behr = Darya ,Samundar
Saail 1 = Pehanne Waala,Murad Zaat E Mustafa ﷺ
Saail 2 = Mangta
Kaleja = Dil O Jigar

Mafhoom :- Ya Rasool Allah ﷺ Mai Apni Pyaas Bujhane Kisi Darya Ya Samundar Ke Paas Kyun Jaun Kya Aap Ki Rehmat Ke Darya Ka Ek Cheenta Pyaas Bujhaane Ke Liye Kaafi Nahi.

Chor Haakim Se Chupa Karte Hain Yaan Uske
Khilaf
Tere Daaman Me Chupe Chor Anokha Tera

Mushkil Alfaz :-
Yaan = Yahan
Anokha = Nirala

Mafhoom :-
Saari Duniya Me Yahi Dastoor Hai Ke
Chor,Mujrim Afsar Aur Police Waalo’n Se Chupne Ki
Koshish Me Hote Hain Magar Bargah E Risalat Ka

196

Muamla Uske Khilaaf Hai Allah Ta'ala Mujrimo’n Ko Khud Apne Habeeb Ki Bargah Tak Bhej Raha Hain.

Aankhien Thandi Ho Jigar Taaza Ho Jaanien
Sairaab
Sacche Suraj Wo Dil Aara Hai Ujala Tera

Mushkil Alfaz :- Aankhien Thandi Hona = Pareshaani Door Hona Jigar Taaza Hona = Dil Bagh Bagh Hona Jaanien Sairaab = Ruhani Sukoon Milna Sacche Suraj = Haqeeqi Aftaab Dil Aara = Dil Ko Roshsn Karne Waala Mafhoom :- Ya Rasool Allah ﷺ Aap Wo Haqeeqi Aftab E Nabuwwat O Risalat Hai Ke Aap Ke Noor Se Aankho’n Ko Noor Aur Dil Ko Suroor Naseeb Hota Hai,Jigar Thanda Aur Rooh Ko Sukoon Milta Hai.

Dil A’bas Khauf Se Patta Sa Udaa Jaata Hai
Palla Halka Hi Sahi Bhari Hai Bharosa Tera

Mushkil Alfaz :-
A’bas = Befaida
197

Khauf = Aane Waali Halat Ki Pareshaani
Patta = Darakht Ka Patta
Palla = Tarazu Ka Ek Palda

Mafhoom :- Ya Rasool Allah ﷺ Agarche Mera Dil Qiyamat Ke Din Aamal Tole Jaane Ki Wajah Se Khauf Se Patte Ki Tarah Uda Ja Raha Hai,Pareshaan Ho Raha Hai,Magar Is Ka Is Qadar Darna Be Fazool Hai Kyun Ke Agarche Mere Aamaal Ka Palla Halka Hi Sahi Magar Aap Ki Shafa'at Ka Aasra To Halka Nahi Hai.

Ek Main Kya Meri I’siyaan Ki Haqeeqat Kitni
Mujh Se Sau Laakh Ko Kaafi Hai Ishaara Tera

Mushkil Alfaz :- I’siyaan = Gunah Kitni = Kis Qadar Sau Laakh = Ek Carod Mafhoom :- Ya Rasool Allah ﷺ Mere Gunah Jitney Bhi Sahi Aap Ke Shafa’at Ke Saamne Unki Haisiyyat Kitni Aur Na Sirf Mai Balke Mujh Jaise Carodo’n Gunahgaro’n Ke Liye Aap Ka Ek Ishaara Kaafi Hai.

198

Muft Paala Tha Kabhi Kaam Ki Aadat Na Padi
Ab Amal Poochte Hain Haaye Nikamma Tera

Mushkil Alfaz :-
Muft = Baghair Qeemat
Nikamma = Bekaar

Mafhoom :- Ya Rasool Allah ﷺ Aap Ne Baghair Amal Ke Allah Ki Ne’matien Ata Farmayi Jis Se Muft Khaane Ki Aadat Pad Gayi Hai Aur Ab Marne Ke Baad Farishte Mujh Nakaare Se Aamal Ka Taqaza Kar Rahe Hai . Haaye Mai Kya Karun?

Tere Tukdo’n Pe Pale Ghair Ki Thokar Pe Na Daal
Jhidkiyaa’n Khaaye Kahaan Chor Ke Sadqa Tera

Mushkil Alfaz :-
Ghair = Begana
Thokar = Paun Se Maarna , Murad Zillat O Ruswaayi

Mafhoom :-
Ya Rasool Allah ﷺ Hum To Aap Ke Tukdo’n
Pe Palne Waale Hai,Humien Apne Qadmo’n Se Hata
199

Kar Doosro’n Ke Darwazo Par Thokarien Khaaane Se
Bachalien.Apne Darbaar Se Hatakar Ghairo’n Ke
Daant Dapat Ke Hawale Na Kijiye

Khwaar O Beemar Khatawaar Gunahgaar Hoon
Mai
Raafe’ Naafe’ O Shaafe’ Laqab Aaqa Tera

Mushkil Alfaz :-
Khwaar = Zaleel O Ruswa
Khatawaar = Mujrim
Raafe’ = Buland Karne Waala
Naafe’ = Nafa Pahunchane Waala
Shaafe’ = Shafa’at Karne Waala

Mafhoom :- Ya Rasool Allah ﷺ Agarche Mai Zaleel O Khwaar , Gunahgar Sahi Magar Aap To Girto’n Ko Uthaane Waale Hain, Beemaro’n Ko Apni Nigahe Karam Se Accha Karne Waale,Aur Gunahgaaro’n Ki Shafa’at Farmane Waale Jaise Ba Barkat Naami Rakhte Hain.

Meri Taqdeer Buri Ho To Bhali Karde Ke Hai
Mehv O Isbat Ke Daftar Pe Katoda Tera

200

Mushkil Alfaz :-
Taqdeer = Qismat, Naseeb
Bhali = Behtar
Isbaat = Saabit Karna
Daftar = Register
Katoda = Qabza

Mafhoom :- Ya Rasool Allah ﷺ Meri Qismat Agar Kharaab Hai To Aap Bigdi Banana Waale Hain Aur Qaza Aur Qadr Par Aap Ka Qabza Hai Meri Buri Qismat Ko Accha Kardena Aap K Liye Baaye Haath Ka Kaam Hai.

Tu Jo Chahe To Abhi Mail Mere Dil Ki Dhule
Ke Khuda Dil Nahi Karta Kabhi Maila Tera

Mushkil Alfaz :-
Mail = Matti Jo Badan Par Lagjaati Hai
Dhulien = Dhuljaaye

Mafhoom :-
Ya Rasool Allah ﷺ Aap Ki Meherbaani Se
Mera Dil Gunaho’n Ki Mail Se Saaf Ho Sakta Hai,

201

Kyun Ke Aap Ke To Gunah Qareeb Bhi Nahi Aa Sakte Kyun Ke Aap Sayyid Ul Ma’soomeen Hai.

Kis Ka Munh Takiye Kahan Jaayiye Kis Se Kahiye
Tere Hi Qadmo’n Pe Mit Jaaye Ye Paala Tera

Mushkil Alfaz :-
Takna = Dekhna
Paala = Parvarish Kiya Huwa

Mafhoom :- Ya Rasool Allah ﷺ Aap Jaise Banda Parwar Ko Chor Kar Kisi Ki Taraf Lalchaayi Huwi Nigaaho’n Se Dekhun Aur Apne Dukhde Sunane Ke Liye Kis Ke Dar Par Jaaun Kyun Ke Siwaaye Mayoosi Ke Kisi Aur Ke Paas Se Aur Kya Mil Sakta Hai.Lihaza Ye Maangta Aap Ka Paala Huwa Aap Hi Ki Dar Par Mitjaaaye Qubool Farma Lijiye.

Tu Ne Islam Tu Ne Jama’at Me Liya
Tu Kareem Ab Koi Phirta Hai Attiya Tera

Mushkl Alfaz :-
Jama’at = Murad Ahle Sunnat Wa Jama’at
202

Phirta Hai = Wapis Hota Hai
Attiya = Ina’am

Mafhoom :- Ya Rasool Allah ﷺ Ye Aap Ka Kitna Bada Ehsaan Hai Ke Aap Ne Mujhe Jannati Jama’at Me Qubool Farmaliya Hai Jo Aap Ka Bohat Bada Ina’am Hai Aur Kareem O Sakhi Diya Huwa Ina’am Waapis Nahi Lete.

Maut Sunta Hoon Talkh Hai Zehraab E Naab
Kaun Laa De Mujhe Talwo’n Ka Ghasaala Tera

Mushkil Alfaz :-
Talkh = Kadvi
Zehraab = Zehar Waala Paani
Naab = Khaalis
Ghasaala = Wo Paani Jis Se Aap ﷺ Ne Qadma
Mubarak Ko Dhoya

Mafhoom :-
Ya Rasool Allah ﷺ Main Ne Suna Hai Ke Maut
Bohat Badi Aafat Aur Khaalis Zehar Hi Ki Tarah Hai
Lekin Kadvahat Ko Agar Koi Shay’i Mithaas Me

203

Badal Sakti Hai To Wo Aap ﷺ Ke Qadmo’n Se Utarne Waala Paani Hai,Kaash Mujhe Koi Laakar Deta.

Door Kya Jaaniye Badkaar Pe Kaise Guzre
Tere Hi Dar Pe Mare Bekas O Tanha Tera

Mushkil Alfaz :-
Dar = Darwaza
Bekas O Tanha = Be Yaar O Madadgaar

Mafhoom :- Ya Rasool Allah ﷺ Kya Maloom Aap Ke Dar E Aqdas Se Dor Hojaun To Kis Museebat Se Guzrun Lihaza Mujhe Aap Hi Ke Dar Par Marjaane Dijiye.

Tere Sadqe Me Mujhe Ik Boond Bohat Hai Teri
Jis Din Accho’n Ko Mile Jaam Chalakta Tera

Mushkil Alfaz :-
Jaam = Pyala
Chalakta = Bhara Huwa

204

Mafhoom :-
Ya Rasool Allah ﷺ Aap Ke Tufail Jis Din Aap
Ke Acche Ghulamo’n Ko Bhara Huwa Chalakta
Kausar Ka Jaam Milega To Mujh Gunahgaar Ko Bhi
Apne Jaam Ka Ek Boond Ata Kare Mere Liye Wahi
Kaafi Hai,

Haram O Taiba O Baghdad Jidhar Kijiye Nigah
Jaut Padhti Hai Tere Noor Hai Cheenta Tera

Mushkil Alfaz :- Haram = Makka Taiba = Madina Jaut = Noor , Ujala Cheenta = Zaahir Hona Mafhoom :- Ya Rasool Allah ﷺ Makka Ho Ya Madina Ho Ya Baghdad Ho Ya Koi Bhi Muqaddas Maqam Jidhar Bhi Nigah Utha Kar Dekha Jaaye Aap Hi Ke Noor Ke Jalwe Nazar Aa Rahe Hai.

Teri Sarkar Me Laata Hai Raza Usko Shafi’
Jo Mera Ghaus Hai Aur Laadla Beta Tera

205

Mushkil Alfaz :-
Shafi’ = Sifaarish Karne Waala

Mafhoom :- Ya Rasool Allah ﷺ Aap Ki Bargah Me Sifarish Ke Liye Main Mere Murshid Ghaus E Azam Ko Laata Hoon Jo Mere Ghaus Hai Aur Laadla Beta Hai Tera.

(21)
Wahi Rab Hai Jisne Tujhko Hamatan Karam
Banaya
Humien Bheek Maangne Ko Tera Aastaan
Bataya

Tujhe Hamd Hai Khudaya

Mushkil Alfaz :-
Hamatan = Mukammal Taur Par
Aastaan = Choukat
Hamd = Tareef

Mafhoom :-
Aye Hamare Aaqa ﷺ Hamara Parwardigar Bas
Wahi Akela Rab Hai Jis Ne Aap Ko Sarapa Karam Aur
206

Bakhish O Ata Banaya Hai Aur Us Ne Humien Us Karam,Bakhsish Ki Bheek Maangne Ke Liye Aap Ki Baargah Ka Raasta Dikhaya Hai. Aye Allah Hamd Ke Laayiq To Sirf Teri Hi Zaat Hai.

Tumhin Haakim E Baraayaa Tumhin Qaasim E
‘Ataaya
Tumhin Daaf’ E Balaaya Tumhin Shaaf’ E
Khataaya
Koi Tum Sa Kaun Aaya

Muhskil Alfaz :- Baraaya = Makhlooq, Jahaan Qaasim = Taqseem Karne Waala ‘Ataaya = Ata Karne Waala Daaf’e = Door Karne Waala Balaaya = Balaiyyat,Museebatien Shaaf’e = Shifa’at Karne Waala Khataaya = Gunah Tum Sa = Tumhare Jaisa

Mafhoom :- Aye Mere Pyare Aaqa ﷺ Allah Ta’ala Ne Aap Hi Ko Tamaam Jahaano’n Ka Haakim Banaya Hai .

207

Aap ﷺ Hi Allah Pak Ki Tamam Ne’mato’n Ko Taqseem Farmate Hain.Allah Ta’ala Ke Hukm Se Aap Hi Mushkilo’n Ko Taalne Waale Hai. Aap Khatao’n Ko Darguzar Karne Waale Aur Ummat Ke Gunaho’n Ko Apni Shafa’at Ke Noor Se Mitaane Waale Hain. Aye Mere Aaqa ﷺ Aap To Be Misl O Be Misaal ,Lajwab Hai Aap Jaisa Koi Aaya Hain Na Aayega.

Woh Kunwaari Pak Maryam Woh Nafakhtofeeh Ka
Dam
Hai Ajab Nishaan E Azam Magar Aamina Ka Jaaya
Wohi Sab Se Afzal Aaya

Mushkil Alfaz :-
Kunwaari = Ghair Shaadi Shuda
Maryam = Isa Aliahissalam Ki Maa
Nafakhtofeeh = Main Ne Us Me Phoonka
Dam = Phoonk
Ajab = Hairan Kun
Azam = Sab Se Bada
Jaaya = Jana Huwa, Beta

Mafhoom :- Beshak Hazrat E Isa Alaihissalam
Ka Hazrath E Mariyam Sallamulla Alaiah Ke Pet Me

208

Baghair Baap Ke Sirf Phoonk Ke Zariya Paida Ho Jaana Badi Kamal O Hairan Kun Hai Aur Ye Allah Ta’ala Ki Badi Nishaani Tehri Magar Sayyada Amina Ka Laal Sayyidul Ambiya Ki Paidaish Bhi Koi Kam Nahi, Ke Bade Bade Hairat Angez Waqiyaat Kasrat Ke Saath Zikr Kiye Gaye Hain.Is Se Pata Chalta Hai Ke Hamare Aaqa ﷺ Sab Se Badi Allah Ki Nishaani Hai.

Yahi Bole Sidra Waale Chaman E Jahaan Ke
Thaale
Sabhi Maine Chaan Dhaale Tere Paaye Ka Na
Paaya
Tujhe Yak Ne Yak Banaya

Mushkil Alfaz :-
Sidra Waale = Jibrael Alaihissalam
Thaale = Daaire
Chaan Dhaale = Dekh Liya
Paaya = Rutba
Yak = Ek , Be Misaal

Mafhoom :-
Farishto’n Ke Sardaar Bhi Pukar Utthe Ke Hum
Ne Poore Jahaan Chaan Dhaale Lekin Huzoor ﷺ

209

Jaisa Martaba O Maqam Kisi Ka Nahi Hai Wajah Yahi Hai Ke Us Wahdahu La Shareek Ne Apne Mehboob Ko Yakta O Be Misl O Lajwab Banaya Hai.

Fa Izaa Farghta Fansab Ye Mila Hai Tum Ko
Mansab
Jo Gadaa Bana Chuke Ab Uttho Waqt E Bakhsish
Aaya
Karo Qismat E ‘Ataaya

Mushkil Alfaz :- Fa Iza Faraghta Fan Sab = Jab Tu Farigh Ho To Khade Ho Ja Allah Ki Bargah Me. Mansab = Maqam O Martaba Gada = Bhikaari Qismat E ‘Ataaya = Ne’mato’n Ki Taqseem

Mafhoom :- Quran E Majeed Me Allah Ta’ala Ne Apne Mehboob Ko “ Pas Aap Jab Farigh Hojaye To Apne Rab Ki Bargah Me Khade Hojaye” Ka Azeem Mansab Ata Farmaya Hai. Aye Pyare Aaqa ﷺ Jinko Aapne Apna Gada Bana Liya Hai Khudara Uthien Aur Gadao’n Ko Allah Ki Ne’matien Taqseem Farmaye.

210

Wa Ilalilaahi Farghab Karo Arz Sab Ke Matlab
Ke Tumhin Ko Takte Hai Sab Karo Un Par Apna
Saaya
Bano Shaaf’ E Khataaya

Mushkil Alfaz :-
Wa Ilalilaahi Farghab = Allah Ki Taraf Raaghib O
Mutawajje Ho
Arz Karna = Pesh Karna
Matlab = Maqasid O Hajat

Mafhoom :- Jab Allah Ne Aap Ko Hukm Diya Hain Ke Uski Bargah Me Mutawajjeh Ho To Phir Aye Mere Pyare Aaqa ﷺ Apne Rab Ki Taraf Ruju’ Farmaye Aur Hum Sab Ki Haajaat Allah Ki Bargah Me Pesh Farmaye, Aap Ke Tamam Gada To Sirf Aap Hi Ka Munh Tak Rahe Hain,Ke Abhi Hamare Aaqa ﷺ Rehmat Ka Saaya Farmayengey, Shafa’at Ke Lab Hilaayengey Aur Hum Sab Ki Bakhshish Hojayegi.

Are Aye Khuda Ke Bando’n Koi Mere Dil Ko
Dhundoo
Mere Paas Tha Abhi To Abhi Kya Huwa Khudaaya
Naa Koi Gaya Na Aaya
211

Mushkil :-
Khudaaya = Ya Allah

Mafhoom :- Aye Khuda Ke Bando’n Zara Mere Dil Ki Khabar Lo Ke Kahaan Chala Gaya Hai Abhi To Yahi Tha Aur Koi Gaya Aaya Bhi Nahi.

Kabhi Khandah Zer Lab Hai Kabhi Girya Saari
Shab Hai
Kabhi Gham Kabhi Tarab Hai Na Sabab Samajh
Me Aaya
Na Usi Ne Kuch Bataya

Mushkil Alfaz :-
Khanda Zer E Lab = Nazar Chura Kar Lab Muskurana
Girya = Rona
Tarab = Khushi
Sabab = Wajah

Mafhoom :-
Ajeeb Deewana Dil Hai Kabhi Zere Lab
Muskurata Hai Aur Kabhi Deedar Ki Hasrat Me Raat
Raat Bhar Rota Hai , Kabhi Gham Se Nidhaal Hai To

212

Kabhi Khushi Se Phoola Nahi Samata. In Kaifiyaat Ki Wajah Na Mujhe Khud Samjh Me Aayi Aur Na Hi Usne Mujhe Kuch Bataya.

Kabhi Khaak Par Pada Hay Sar E Charkh Zer E
Paa Hai
Kabhi Pesh E Dar Khada Hai Sar E Bandagi
Jhukaaya
To Qadam E Arsh Paaya

Mushkil Alfaz :-
Sar E Charkh = Aasmaan Ke Upar
Zer E Paa = Paun Ke Neeche
Pesh E Dar = Darwaze Ke Saamne

Mafhoom :- Kabhi Mera Dil Deewana Khaak Pe Lot Pot Hota Hai,Kabhi Aasmaan Ke Upar Parwaaz Karna Shuru Kardeta Hai Aur Aasmaan Uske Zare Pa Hojata Hai. Kabhi Roza E Pak Ke Saamne Adab Se Ghulami Ka Haq Ada Karne Ke Liya Khada Hojata Hai, Phir Ek Lamhe Me Arsh Se Upar Pahunch Jaata Hai Aur Meraj Un Nabi Ke Tasawwuraat Me Gum Ho Jaata Hai.

213

Kabhi Wo Tapak Ke Aatish Kabhi Wo Tapak Ke
Baarish
Kabhi Wo Hujoom E Naalish Koi Jaane Abr
Chaaya
Bari Joshishon Se Aaya

Mushkil Alfaz :- Tapak 1 = Dard Ki Garmi Aatish = Aag Tapak 2 = Tapakna Se Naaish = Rona, Duhaayi Dena Abr = Baadal Joshishon = Zor O Shor Mafhoom :- Kabhi Dard Ki Wajah Se Is Tarah Tadapta Hai Ke Aag Hojaata Hai Aur Kabhi Us Aag Ko Apni Aansuon Ki Baarish Se Bujata Hai . Kabhi Us Par Ghamo’n Ka Is Qadar Hujoom Hojata Hai Ke Goya Kale Baadal Chaa Gaye Hain Ye Haalat Is Par Bade Zor Shor Ke Saath Hoti Hai.

Kabhi Wo Chehek Ke Bulbul Kabhi Wo Mehak Ke
Khud Gul
Kabhi Wo Lehak Ke Bilkul Chaman E Jinaan
Khilaaya

214

Gul E Quds Lehlaaya

Mushkil Alfaz :-
Chehak = Bulbul Ki Awaaz
Mehak = Khushboo
Gul = Phool
Lehak = Sabza
Jinaan = Jannatien
Gul E Quds = Mubarak Phool
Lehlaaya = Joban Par Aa Kar Lehraya

Mafhoom :- Kabhi Yaad E Mehboob Aati Hai To Mera Dil Bulbul Ki Tarah Hojata Hai Aur Kabhi Is Me Mohabbat E Rasool Ki Aisi Khushboo Paida Hoti Hai Ke Saara Phool Nazar Aane Lagta Hai Aur Phir Usko Deedar E Mehboob Ki Lazzat Mil Jaati Hai To Khilke Jannat Ka Baagh Ban Jaata Hai Aur Ye Ba Barkat Baagh Phir Lehlehaane Lagta Hai.

Kabhi Zindagi Ke Armaan Kabhi Margh E Nau Ka
Khwaahaan
Wo Haya Ke Marg Qurbaan Wo Mawaa Ke Zeest
Laaya
Kahe Rooh Haan Jilaaya

215

Mushkil Alfaz :- Armaan = Aarzo Marg E Nau = Nayi Maut Khwaahaan = Talib, Mutalashi,Talash Karne Waala Haya = Sharm Mawaa = Murda Zeest = Zindagi Mafhoom :- Kabhi Zindaa Rehne Ki Khwaish Karta Hai To Kabhi Har Waqt Maut Ka Talabgaar Hota Hai Magar Us Ki Zindagi Aisi Hai Ke Maut Us Par Qurbaan Hojaati Hai Aur Uski Maut Bhi Aisi Hai Ke Hazaaro’n Zindagiyaa’n Us Pe Nisaar Ho Jaati Hai Aur Markar Bhi Zinda Hi Rehta Hai Kyun Ke Mohabbat E Rasool Me Shaheed Huwa Hai Aur Shaheed Zinda Hote Hain.

Kabhi Gham Kabhi ‘Iyaan Hai Kabhi Sard Gah
Tapaan Hai
Kabhi Zer E Lab Faghaan Hai Kabhi Chup Ke Dam
Na Thaaya
Rukh Ke Kaam Jaan Dikhaya

Muhskil Alfaz :-
Iyaan = Zaahir

216

Sard = Thanda
Gah = Kabhi
Tapaan = Garam
Faghaan = Rona,Pukarna
Dam = Saans
Na Thaaya = Na Tha Yahan

Mafhoom :- Kabhi Mera Dil Deeewana Ghaib Hojata Hai Kabhi Zaahir Hojata Hai,Kabhi Bilkul Thanda Baraf Ho Jaata Hai Aur Kabhi Aisa Garam Hojata Hai Ke Badan Me Aag Lega Deta Hai,Kabhi Zer E Lab Rona Shuru Kardeta Hai Aur Kabhi Aisa Chup Hojata Hai Ke Us Me Dam Kham Hi Nahi,Rooh Ne Apne Kaam Ka Chehra Dikhaya.

Ye Tasawwuraat E Baatil Tere Aage Kya Hain
Mushkil
Teri Qudratien Hai Kaamil Unhien Raast Kar
Khudaya
Main Unhien Shafee’ Laaya

Mushkil Alfaz :-
Tasawwuraat E Baatil = Ghalat Khayalat
Raast = Saccha

217

Mafhoom :- Aye Mere Allah Teri Qudrat E Kaamila Ke Aage Kya Baee'd Aur Mushkil Hai Ke Tu Mere In Khayalat E Baatila Jo Abhi Tak Poore Nahi Hosake Ko Haqeeqat Me Tabdeel Farma De Aur Mere Dil Ko Yahi Kaifiyaat Aur Bulandiyaan Ata Farma. Main Teri Bargah Me Tere Mehboob ﷺ Ko Sifarish Ke Liye Aaya Hoon.

Humien Aye Raza Tere Dil Ka Pata Chala Ba
Mushkil
Dar E Roza Ke Muqabil Wo Hamien Nazar To Aaya
Ye Na Pooch Kaisa Paaya

Mushkil Alfaz :-
Muqabil = Saamne

Mafhoom :- Aye Raza Tere Dil Ka Humne Badi Koshish Ki Use Dhoondne Ki To Hamien Wo Tasﷺ Urati Duniya Me Pyare Mehboob ﷺ Ke Roza E Pak Ke Saamne Nazar Aaya Magar Ye Na Pooch Kis Haalat Me Paaya Kyun Ke Kabhi Kuch Kabhi Kuch Kaifiyat Me Wo Humien Nazar Aaya Hai.

218

(22)
Hai Kalaam E Ilahi Me Shams O Dhuhaa Tere
Chehra E Noor Fiza Ki Qasam
Qasam E Shab E Taar Me Raaz Ye Tha Ke Habeeb
Ke

Zulf E Do Taa Ki Qasam

Mushkil Alfaz :- Kalam E Ilahi = Allah Ta’ala Ka Kalam , Quran Shams = Surah Shams Dhuha = Surah Dhuha Noor Fiza = Noor Badhane Waala Shab E Taar = Andheri Raat Murad Wallaili Iza Saja Do Taa = Kham Daar Mafhoom :- Aye Mere Noor Waale Aaqa ﷺ Quran E Majeed Me Wasshams Waddhuha Farma Kar Allah Ne Aap Ke Chehra E Anwar Ki Qasam Yaad Farmayi Aur Wallaili Iza Saja Farma Kara Ap Ke Kham Zulfien Ki Qasam Yaad Farmayi. Goya Din Agar Munawwar O Roshan Hai To Rukh E Mustafa Se Aur Raat Andheri Hai To Zulf E Do Taa Se.

Tere Khulq Ko Haq Ne Azeem Kaha Tere Khalq Ko
Haq Ne Jameel Kiya

219

Koi Tujh Sa Huwa Hai Na Hoga Shaha Tere Khaliq
E Husn O Ada Ki Qasam

Mushkil Alfaz :-
Khulq = Akhlaq
Azeem = Bada
Khalq = Paidaish
Jameel = Khubsoorat
Tujh Sa = Aap Jaisa
Khaliq = Paida Karne Waala
Husn O Ada = Husn O Jamal Aur Ada

Mafhoom :- Aye Mere Rehmat Waale Aaqa ﷺ Allah Ne Aap Ke Khulq Ko Bada Qaraar Diya Hai Aur Aap Ki Wiladat E Ba Sa’adat Hazaaro’n Barkatien Le Kar Aayi Hai Aisi Nirali Wa Haseen Paidaish Na Kisi Ki Huyi Hain Na Hogi Mujhe Usi Husn O Ada Ke Khaliq Ki Qasam Hai.

Wo Khuda Ne Hai Martaba Tujh Ko Diya Na Kisi
Ko Mile Na Kisi Ko Mila
Ke Kalam E Majeed Ne Khaayi Shaha Teri Shehr O
Kalaam O Baqaa Ki Qasam

220

Mushkil Alfaz :-
Baqaa = Zindagi
Kalaam = Baat, Guftugu

Mafhoom :-
Aye Mere Pyare Aaqa ﷺ Jo Aap Ke Rab Ne
Aap Ko Martaba Diya

Hai

Hain Ke Rab Ka Kalaam Me Aap Ke Shehar , Aap Ki Munh Mubarak Se Nikalne Waale Alfaz Aur Aap Ki Zindagi Ki Qasam Yaad Farmayi Hai Aisa Maqam O Martaba Na Kisi Ko Mila Hain Na Na Milega.

Tera Masnad E Naaz Hai Arsh E Baree Tera
Mahram E Naaz Hai Rooh E Ameen
Tu Hi Sarwar E Har Do Jahaan Hai Shaha Tera
Misl Nahi Hai Khuda Ki Qasam

Mushkil Alfaz :-
Arsh E Baree = Khuda Ka Takht
Rooh E Ameen = Jibrail Alihissalam

Mafhoom :-
Aye Mere Azmat Wale Nabi ﷺ Aap Ke
Azmato’n Ka Kon Andaza Laga Sakta Hai Ke Khuda

221

Ka Arsh To Aap Ke Baithne Ki Jaga Hai,Aur Sayyidul Malaika Aap Ka Hamraaz Zer Hai,Aur Aap Dono Jahaano’n Ke Baadshsah Huwe Khuda Ki Qasam Aap Jaisa Koi Hai Hi Nahi.

Yahi Arz Hai Khaliq E Ardh O Samaa Wo Rasool
Hai Tere Main Banda Tera
Mujhe Unke Jawaar Me De Wo Jagah Ke Hai
Khuld Ko Jis Ki Safaa Ki Qasasm

Mushkil Alfaz :-
Ardh O Sama = Zameen O Aasmaan
Jawaar = Pados
Khuld = Jannat
Safaa = Pakeezgi

Mafhoom :- Aye Zameen O Aasmaan Ko Paida Karne Waale Main Tera Banda Hoon Aur Wo Tere Habeeb Hai Mujhe Apne Mehboob ﷺ Ke Sadqe Unhi Ke Pados Me Duniya Aur Aakhirath Me Thodi Jaga Inayat Karde Ki Ye Aisi Jaga Hai Jiski Pakeezgi Par Jannat Bhi Qasam Uthaa Thi Hai.

222

Tu Hi Bando Pe Karta Hai Lutf O Karam Hai Tujhi
Pe Bharosa Tujhi Se Dua
Mujhe Jalwa E Pak Rasool Dikha Tujh Apne Hi Izz
O Ulaa Ki Qasam

Mushkil Alfaz :-
Lutf O Ata = Mehrbaani
Izz O Ulaa = Izzat O Bulandi

Mafhoom :- Aye Allah Is Me Koi Shak Nahi Ke Apne Bando’n Pe Tu Hi Meherbani Fermata Hai Aur Unke Bigde Kaam Tu Hi Sanwaarta Hai Yahi Aqeeda O Imaan Bharosa Bhi Hai Aur Saath Ye Aajizaana Dua Bhi Hai Ke Mera Bigda Kaam Sirf Tere Nabi Ke Deedar Se Sanwar Sakta Hai Aye Allah Tujhe Qasam Hai Apne Izzat O Bulandi Ki Mujhe Apne Habeeb Ka Deedar Ata Farma.

Mere Gharche Gunah Hai Had Se Siwa Magar Un
Se Ummed Hai Tujh Se Raja
Tu Rahim Hai Unka Karam Hai Gawaa Wo Kareem
Hain Teri Ata Ki Qasam

Mushkil Alfaz :-
Had Se Siwa = Behad O Behisaab

223

Raja = Ummed

Mafhoom :- Aye Allah Main Tasleem Karta Hoon Ke Mere Gnah Behisaab Hai .Magar Na Mai Teri Rehmat Se Na Ummed Hoon Aur Huzoor Ke Karam Se Bhi Mukammal Ummed Rakhta Hoon.

Yahi Kehti Hai Bulbule Baaghe Jinaa Ke Raza Ki
Tarah Koi Sehr Bayaan
Nahi Hind Me Wasif E Shah E Huda Mujhe
Shokhiye Tab’ E Raza Ki Qasam

Mushkil Alfaz :- Jinaa = Jannat Sehr Bayaan = Jaadu Bayan, Faseeh O Baleegh Hind = Pak O Hind Wasif = Tareef Karne Waala Shah E Huda = Hidayat Ka Baadshah Yaani Huzoor ﷺ Shokhi = Be Baki Tab’e = Tabiyat Mafhoom :- Ya Rasool Allah ﷺ Aap Ke Dar Ka Gada Ahmed Raza Apni Shokhi Tabiyat Ke Taqaze

224

Se Arz Kar Raha Hai Ke Jannat Ki Bulbulien Kehti Hongi Ke Hindhustan Me Ahmed Raza Jaisa Allah Ke Mehboob Ki Tareef Karne Waala Koi Bhi Nahi Aur Ye Baaat Wo Raza Ki Shokhi Tab’e Ki Qasam Utha Kar Keh Rahi Hogi. Ye Sher Aala Hazrath Ka Tehdees E Nemat Ke Taur Par Hai.

(23)
Mujda Baad Aay Aa’siyon Shaafi’ Shah E Abraar
Hai
Tehniyat Aye Mujrimo Zaat E Khuda Ghaffar Hai

Mushkil Alfaz :-
Mujda Baad = Mubarak Baad
Aas’iyon = Gunahgaaro
Shaafi’ = Shifa’at Karne Waala
Shah E Abraar = Neko’n Ka Baadshah
Tehniyat = Khushkhabri

Mafhoom :-
Aye Gunahgaaro’n Mubarak Ho Baroz E
Qiyamat Apne Hi Aaqa O Maula ﷺ Jo Neko’n Ke
Sardar Hai Hamari Shaf’at Farmayengey ,Haan Haan

225

Ek Aur Khushkhabri Ye Hai Ke Jis Khuda Ki Bargah Me Huzoor ﷺ Shaf’at Karengey Wo Zaat Bhi Badi Bakhshne Waali Hai.

Arsh Sa Farsh E Zameen Hai, Farsh Paa Arsh E
Baree
Kya Niraali Tarz Ki Naam E Khuda Raftaar Hai

Mushkil Alfaz :-
Arsh Sa = Arsh Ki Tarah
Farsh = Zameen
Bareen = Buland O Baala
Nirali Tarz = Anokha Tariqa
Raftaar = Chaal

Mafhoom :- Jis Sar Zameen Par Huzoor ﷺ Qadam Mubarak Rakhte Hain Wo Farsh Ho Kar Bhi Arsh Jaisa Hai Ke Allah Ta’ala Uski Qasam Yaad Fermata Hai . Mere Huzoor ﷺ Ka Chalna , Allah Allah Kya Anokhi Chaal Hai.

Chaand Shaq Ho Ped Bolein Jaanwar Sajda Kare
Baarak Allah Marja E Aa’lam Yahi Sarkaar Hai

226

Mushkil Alfazl :-
Shaq Ho = Phat Jaaye
Ped = Darakht
Baarak Allah = Allah Aap Ko Barkat De
Marja E Aa’lam = Saare Jahaan Ki Panah Gah

Mafhoom :- Aye Logo’n Dekho Hamare Aaqa ﷺ Par Allah Ta’ala Ka Kitna Karam Hai Aap Ke Ungli Ke Ishaare Se Chaand Ke Tukde Ho Rahe Hai, Aap Ke Hukm Se Darakhto’n Ko Bolne Ki Taqat Mil Rahi Hai Janwar Aap Ko Sajda Kar Rahe Hain. Subhan Allah ! Hamare Aaqa Sirf Insaaano’n Ke Hi Marja’ Nahi Balke Saare Aalam Ki Panah Ga Hain.

Jin Ko Soo E Aasmaan Phaila Kar Jhalthal Bhar
Diye
Sadqa Un Haatho’n Ka Pyaare Hum Ko Bhi
Darkaar Hai

Mushkil Alfaz :-
Soo E = Taraf
Jhal Thal = Khushk Tari Me Paani Hi Paani
Darkaar = Zaroorat

227

Mafhoom :- Aye Pyare Pyare Aaqa ﷺ Jin Gore Gore Haantho’n Ko Baarish Ke Liye Dua Ke Liye Uthaaye The Phir Barsaat Cham Cham Barasne Lagi Unhi Mubarak Haatho’n Ka Sadqa Humien Bhi Zaroorat Hai Humien Bhi Ata Karde. Hamare Liye Bhi Apne Rab Ki Bargah Me Haath Utha Kar Bakshish Ki Dua Kardijiye.

Lab Zulaal E Chashma E Kun Me Gundhey Waqt E
Khameer
Murde Zinda Karna Aye Jaan Tum Ko Kya
Dushwaar Hai

Mushkil Alfaz :-
Zulaal = Saaf Suthra
Kun = Hoja
Gundhey = Gundhane Se Jaise Aata Goondhna
Khameer = Gundhi Huwi Mitthi Yaa Aata

Mafhoom :-
Hamare Aaqa ﷺ Ki Bashariyat Ko Banana Ke
Liye Jab Allah Ta’ala Ne Aapka Khameer Paida
Farmaya To Chashm E Kun Ke Saaf, Suthre Paani Se

228

Aap ﷺ Ke Labhaaye Mubarak Ko Banaye Gaye,Phir Murde Zinda Karna Aap Ke Liye Konsa Mushkil Kaam Hai.

Gore Gore Paun Chamka Do Khuda Ke Waaste
Noor Ka Tadka Ho Pyaare Gor Ki Shab Taar Hai

Mushkil Alfaz :- Tadka = Ujala , Sawera Gor = Qabr Shab Taar = Andheri Raat Mafhoom :- Aye Mere Pyare Rasool ﷺ Khuda Ke Liye Aap Ke Gore Gore Qadam Mubarak Meri Qabr Me Rakh Kar Meri Qabr Ki Siyah Raat Ko Subh E Noor Bana Dijiye .

Tere Hi Daaman Pe Har Aa’si Ki Padti Hai Nazar
Ek Jaan E Be Khata Par Do Jahaan Ka Baar Hai

Mushkil Alfaz :-
Be Khata = Masoom

Mafhoom :- Aye Mere Lajpal Aaqa ﷺ Har
Gunahgar Ki Nigah Aap Hi Ke Daaman E Rehmat Pe
Lagi Huyi Hai Agarche Ummat Beshumar Hai Aur
229

Aap Ek Hi Masoom Jaan Hai Lekin Allah Ne Aap Ko Aisi Pakeeza Jaan Ata Farmayi Ke Saare Ummat Ka Bojh Uthaane Ke Liye Aap Akele Hi Kaafi Hai.

Josh E Tufaan Behr E Be Paayaan Hawaa Naaa
Saazgaar
Nooh Ke Maula Karam Kar Dete To Beda Paar Hai

Mushkil Alfaz :-
Josh E Toofan = Sakhti Aandhi,Toofan
Behr Be Paayaan = Samundar Jis Ka Kinara Na Ho
Naa Saazgaar = Mukhalif

Mafhoom :- Aye Mere Pyare Aaqa ﷺ Toofan
Zor Par Hai Gunaho’n Ka Samundar Aisa Hai Uska
Kinara Nazar Nahi Aa Raha Hai, Jab Ke Hawa Bhi
Mukhalif Taraf Hi Chal Rahi Hai Aye Nooh
Alaishissalam Ke Bhi Aaqa Aap Hi Karam Farma De
To Hamara Beda Paar Hai. Rahmatul Lil ‘Aalameen
Teri Duhaayi Dab Gaya, Ab To Moula Be Tarah Sar
Par Gunah Ka Baar Hai

Mushkil Alfaz :-
Duhaayi = Faryad

230

Dab Gaya = Bojh Tale Aagaya
Be Tarah = Qaabil O Bardasht

Mafhoom :- Aye Mere Rehmat Waale Aaqa ﷺ Gunaho’n Ke Bojh Tale Mai Dab Gaya Hoon,Aur Bohat Buri Tarha Gunah Ki Chaal Me Phans Gaya Hoon,Pas Aap Hi Ki Duhaayi Hai Aap Ek Ishaare Se Mere Gunaho’n Ka Bojh Utaar Dijiye.

Hairatien Hai Aaina Daar E Wafur E Wasf E Gul
Un Ke Bulbul Ki Khamoshi Bhi Lab E Izhaar Hai

Mushkil Alfaz :-
Hairatien = Hairaaniyan
Aaina Daar = Sheesha Dikhane Waala
Wafur = Bohat Zyada
Wasf E Gul = Phool Ki Khoobi
Lab E Izhaar = Zaahir Karne Wale Hont

Mafhoom :-
Mere Aaqa ﷺ Me Is Qadar La Tadaad Kamalat
O Khoobiyan Hai Ke Zabaan Se Bol Kar To Un
Khoobiyo’n Ko Bayan Karna Mumkin Me Se Hai

231

Hairaaniyo’n Ne Saamne Rakh Kar Ghaur Karna Shuru Kiya To Khamoshi Ki Zabaan Me Hi Un Kamalat Ko Bayan Karne Hi Me Aasani Samjhi .

Goonj Goonj Hai Naghmat E Raza Se Boostan
Kyun Na Ho Kis Phool Ki Midhat Me Waa Minqaar
Hai

Muhskil Alfaz :-
Boostan = Baagh
Waa = Khula Huwa
Minqaar = Parinde Ki Choch

Mafhoom :- Aye Raza Tu Ne Aisa Mehboob Chuna Ke Jiske Ishq Me Tu Naghme Alaap Raha Hai Us Baagh Ke Baagh Bhi Goonj Uthe Hain.

232

(24)
Dil Ko Unse Khuda Juda Na Kare

Bekasi Loot Le Khuda Na Kare

Mushkil Alfaz :-
Bekasi = Mohtaji
Loot = Tabah Kare

Mafhoom :- Aye Allah Duniya Choote To Sau Baar Choote,Magar Mere Dil Ko Apne Mehboob Se Juda Na Karna Ke Us Me Mehboob ﷺ Ki Mohabbat Na Raahi Aur Dard E Ishq E Mustafa ﷺ Ki Bekasi Mujh Se Chin Jaaye.

Is Me Rouze Ka Sajdah Ho Ke Tawaf
Hosh Me Jo Na Ho Wo Kya Na Kare

Mushkil Alfaz :-
Tawaf = Chakkar

Mafhoom :-
Is Bekasi Me Agar Koi Apne Hosh O Hawas Hi
Kho Baithe Aur Roza E Aqdas Ka Tawaf Ya Sajda
Kare Jo Hosh O Hawas Ke Saath Na Jaiz Hai Karle To
233

Us Par Kya Muakhaza Ho Sakta Hai Kyun Ke Wo Hosh Me Hi Nahi Hai.

Ye Wohi Hain Ke Bakhsh Dete Hain
Kaun In Jurmo’n Pe Sazaa Na Kare

Mafhoom :- Ye Hamare Aaqa ﷺ Hi Hai Ke Jo Bade Bade Paapiyo’n Ko Muaf Farma Dete Hain Warna Kon Hai Aisa Jo In Jurmo’n Pe Saza Na Kare.

Sab Tabeebo’n Ne De Diya Hai Jawab
Aah ‘Eesa Agar Dawaa Na Kare

Mushkil Alfaz :-
Tabeeb = Ilaaj Karne Waale
Jawab = Ilaaj Se Mazoori Zaahir Karna

Mafhoom :- Duniya K Tamam Hakeemo’n Ne To Mujhe La Ilaaj Kar Ke Chorr Diya Hain Ab Mere Eesa Yaani Aaqa ﷺ Bhi Agar Dawa Na Kare To Phir Zindagi Ki Ummed Kahaan.

Dil Kahaan Le Chala Haram Se Mujhe
Are Tera Bura Khuda Na Kare

234

Mushkil Alfaz :-
Haram = Makka O Madina

Maf

Ho

hoom :- Are Mere Dil Khuda Tujhe Hidayat De Tu Bhi Kaisa Ahmaq Hai Ke Mujh Se Madina Churra Raha Hai,Kya Madine Se Behtar Koi Jaga Hai Jo Tu Mujhe Le Jaana Chahta Hai.

Uzr E Ummed E Afw Agar Na Sune
Ru Siyaah Aur Kya Bahana Kare

Mushkil Alfaz :-
Uzr = Bahana
Afw = Muafi
Ru Siyah = Gunahgar

Mafhoom :- Jin Ke Karam Kareemana Se Mujhe Muafi Aur Darguzar Ki Ummed Hai Agar Wo Kareem Hi Mera Bahana Aur Mazirath Qubool Nahi Karega Aur Gunahgar Ke Liye To Aur Koi Jaaye Panah Bhi Nahi Hai.

235

Dil Me Roshan Hai Sham’e Ishq E Huzoor
Kaash Josh E Hawas Hawaa Na Kare

Mushkil Alfaz :-
Kaash = Haaye Afsos
Josh E Hawas = Lalach O Hirs Ki Ziyadati

Mafhoom :- Alhamdulillah Abhi Tak To Dil Me Sham’e Ishq E Mustafa Roshan Hai ,Kahin Josh E Hawas Kaam Kharab Na Karde.

Hashr Me Hum Bhi Sair Dekhengey
Munkir Aaj Unse Ilteja Na Kare

Mushkil Alfaz :-
Sair Dekhengey = Tamasha Dekhengey
Munkir = Inkaar Karne Waala
Ilteja = Darkhwast

Mafhoom :- Maidan E Mehshar Me Hum Bhi Khoob Tamasha Dekhengey Ke Aaj Jo Unse Madad Maangne Ko Na Jaiz Kehte Hain Wo Bhi Kaise Unki Madad Ke Bhikari Bante Hain.

236

Zof Maana Magar Ye Zaalim Dil
Unke Raaste Me To Thaka Na Kare

Mushkil Alfaz :-
Zof = Kamzori

Mafhoom :- Aye Dil Maana Ki Tu Kamzor Hai Lekin Mehboob Ke Dar Par Jaane Ke Liye To Na Thaka Kar Aur Nekiyaan Karke Rehmat E Mustafa Haasil Karne Ki Koshish Me To Na Thaka Kar.

Jab Teri Khu Hai Sabka Jee Rakhna
Wahi Accha Jo Dil Buraa Na Kare

Mushkil Alfaz :-
Khu = Aadat
Jee Rakhna = Khush Karna

Mafhoom :-
Aye Mere Kareem Aaqa ﷺ Jab Aap Ki Aadat
E Kareema Hai Ke Aap Sab Ka Dil Rakhte Hain Chahe
Jinn O Ins O Farishtey Har Shayi Ho To Mai Bhi Apne
Dil Ko Samjha Ta Hoon Ke Aye Dil Tu Bhi Andar Se

237

Mail Kuchail Nikal Aur Aaqa ﷺ Ki Mohabbat Me Zindagi Guzar Yehi Accha Hai.

Dil Se Ek Zauq E Mai Ka Talab Hoon
Kaun Kehta Hai Itteqa Na Kare

Mushkil Alfaz :-
Zauq E Mai = Lazzat E Sharab . Ishq
Itteqa = Parehzgaari

Mafhoom :- Aye Mere Pyare Aaqa ﷺ ! Mujhe Aap Apni Mohabbat Ka Jam Pilaadijiye Aur Haan Agar Koi Is Se Bachta Aur Taqwa Parehzgaari Karta Hai To Mujhe Koi Parwa Nahi Ke Taqwa Unko Mubarak Jo Baghair Ishq Ke Ho Aur Mujhe Aap Apna Jaam E Ulfat Pilaayiye.

Le Raza Sab Chale Madine Ko
Main Na Jaun Are Khuda Na Kare

Mafhoom :- Aye Allah Main Ye Na Sun Uke Sab Madine Chalegaye Aur Aye Raza Tu Reh Gaya Balke Mujhe Bhi Madine Ki Khush Khabri Ata Karde. 238

(25)
Ya Ilahi Har Jagah Teri Ata Ka Saath Ho
Jab Pade Mushkil Shahe Mushkil Kusha Ka Saath
Ho

Mafhoom :- Aye Allah Hum Teri Bargah Me Dua Goh Hai Ke Har Waqt Har Jagah Teri Ataaien Aur Teri Mehrbaaniyan Hamare Saath Ho,Aur Hamien Apni Har Mushkil Me Tere Mehboob ﷺ Mushkil Kusha Ka Saath Ata Karde.

Ya Ilahi Bhool Jaaun Naza’ Ki Takleef Ko
Shaadiy E Deedar E Husn E Mustafa Ka Saath Ho

Mushkil Alfaz :- Naza’ Ki = Maut Ki Shaadiy = Khushi Mafhoom :- Ya Allah Hum Siyaah Kaar Maut Ki Takleef Bardasth Nahi Kar Sakte Lihaza Maut Ke Waqt Apne Mehboob ﷺ Ka Deedar Ata Farma Taa Ke Hamari Deed Hoti Rahe Hum Jalwa E Mustafa ﷺ Me Gum Hojaye Aur Rooh Nikal Jaaye Pata Bhi Na Chale.

239

Ya Ilahi Gor E Teera Ki Jab Aaye Sakht Raat
Unke Pyaare Moonh Ki Subh E Jaan Fiza Ka Saath
Ho

Mushkil Alfaz :-
Gor E Teera = Andheri Raat
Jaan Fiza = Jaan Ko Badhane Waali

Mafhoom :- Aye Allah Qabr Ki Us Sakht Tareeki Raat Me Apne Mehboob ﷺ Ka Qabr Me Deedar Ata Farma Taa Ke Meri Jaan Me Jaan Aaye Aur Rooh Unki Ziyarath Karke Chain O Sukoon Paaye.

Ya Ilahi Jab Pade Mehshar Me Shor E Daar O Geer
Amn Dene Waale Pyaare Peshwa Ka Saath Ho

Mushkil Alfaz :-
Daar O Geer = Qaid O Band
Peshwa = Muqtada
Mafhoom :-
Aye Mere Allah Jab Mujrimo’n Ki Qiyamat Me
Pakad Dhakad Hogi, Qaid O Band Hojayengey To

240

Mujhe Kon Bacahyega To Allah Un Haalat Me Amn Dene Waale Mere Peshwa Ka Saath Ata Farma De.

Ya Ilahi Jab Zubaanien Baahar Aaye Pyaas Se
Sahib E Kausar Shah E Jood O Ata Ka Saath Ho

Mushkil Alfaz :-
Sahib E Kausar = Hauz E Kausar Ke Malik
Shah E Jood O Ata = Jood O Sakhawat Ke Baadshah

Mafhoom :- Aye Allah Jab Maidane Mehshar Ki Garmi Se Sabki Zubaanien Baahar Aajyengei To Mere Liye Houz E Kausar Ke Malik Ke Haatho Jaam E Kausar Peena Naseeb Farma.

Ya Ilahi Sard Muhri Par Ho Jab Khursheed E
Hashr
Sayyid E Be Saaya Ke Zil E Liwa Ka Saath Ho

Mushkil Alfaz :-
Sarde Muhri = Bewafaai
Khursheed = Suraj
Zil E Liwa = Liwa Ul Hamd Jhanda Ka Saya

241

Mafhoom :- Aye Allah Jab Suraj Poori Tarah Apne Gussa Ka Izhaar Karega To Mujhe Tere Be Saaya Nabi Ke Jhanda Ka Saaya Ata Farma.

Ya Ilahi Garmi E Mehshar Se Jab Bhadke Badan
Daaman E Mehboob Ki Thandi Hawa Ka Saath Ho

Mafhoom :- Ya Allah Jab Maidan E Mehshar Ki Garmi Se Saara Jism Bhadak Uthega Aur Log Paseene Me Doobe Huwe Hongey To Mujhe Apne Mehboob Ke Daaman Ki Thandi Hawa Ata Farma.

Ya Ilahi Naama E Aamal Jab Khulne Lage
A’ib Posh E Khalq Sattar E Khata Ka Saath Ho

Muhskil Alfaz :-
A’ib Posh = Chupane Waala
Khalq = Makhlooq
Sattar E Khata = Ghalti Chupaane Waale

Mafhoom :- Aye Mere Allah Jab Mehshar Me
Mere Naam E Amaal Khulengey To Wo Jinko Tune
242

makhlooq Ke A’ibo Ko Chupane Waala Banaya Hai Unka Saath Ata Farma De.

Ya Ilahi Jab Bahe Aankhien Hisaab E Jurm Me
Un Tabassum Rez Honton Ki Dua’a Ka Saath Ho

Mushkil Alfaz :- Bahe = Jaari Ho Tabassum Rez = Mukurahat Waale Hont Mafhoom :- Ya Ilahi Jab Hamri Aankhien Hisaab E Gunah Me Bahe To Tere Pyare Mehboob Ke Un Muskurate Honton Ki Dua Ka Saath Ho Jo Wo Ummat Ke Liye Karengey.

Ya Ilahi Jab Hisaab E Khanda E Bejaa Rulaaye
Chashm E Girya Shafi E Murtaza Ka Saath Ho

Muhskil Alfaz :-
Khanda E Beja = Mazaq
Girya = Rone Waali
Murtaza = Jisse Ummed Wabasta Kiya Jaaye
Mafhoom :- Aye Allah Jo Duniya Me Hum Ne
Hansi Mazaq Me Jo Apna Waqt Guazrdiya Aur Ab

243

Mehshar Me Wo Hume Rulaaye To Tere Pyare
Mehboob ﷺ Ki Muqaddas Aankh Se Is Ummat Ke
Liye Niaklne Waae Aansuon Ka Sadqa Ata Karde

Ya Ilahi Rang Laaye Jab Meri Be Baakiyaan
Unki Neechi Neechi Nazro’n Ki Hayaa Ka Saath Ho

Muhskil Alfaz :-
Be Bakiyaan = Gunah

Mafhoom :- Ya Allah Jab Maidan E Mehshar Me Hamari Be Baakiyaan Agar Khule To Itna Karam Karde Ke Tere Mehboob Ke Saamne Na Khol Ki Ham Sharminda Hojayengi Aur Tere Mehboob Ki Neechi Nazro Ka Sadqa Maula Hamare Jurm Ko Khulne Hi Na Dein.

Ya Ilahi Jab Chaloon Tareek Raah E Pul Sirat
Aftaab E Hsashmi Noor Ul Huda Ka Saath Ho

Mushkil Alfaz :-
Aaftab = Suraj
Noor Ul Huda = Hidayat O Rehnumayi Ki Roshni

244

Mafhoom :- Ya Rab Jab Hum Us Pul Se Guzrengey Jo Baal Se Zyada Bareek Aur Talwar Se Zyada Tez Hai To Humien Us Waqt Pyare Mehboob Ke Noor Ki Roshni Ata Farma Jo Ke Noor E Rushd O Hidaaya Ke Suraj Hai.

Ya Ilahi Jab Sar E Shamsheer Par Chalna Pade
Rabbi Sallim Kehne Waale Gham Zada Ka Saath
Ho

Mafhoom :- Ya Allah Jab Us Pul Se Guzarne Ka Waqt Aajaye To Tere Mehboob Ko Wo Sajda Jo Ummat Ke Liye Pul Se Guazarne Me Aasani Ke Liye Hoga Wo Mujhe Bhi Ata Farma De.

Ya Ilahi Jo Duaaien Nek Hum Tujh Se Kare
Qudsiyo'n Ke Lab Se Ameen Rabbana Ka Saath Ho

Mafhoom :- Ya Allah Jo Bhi Nek O Jaiz Duaaien Hum Tujh Se Kare Us Par Farishto’n Ke Lab Se Bhi Ameen Ka Sada Ho.

245

Ya Ilahi Jab Raza Khwaab E Giraan Se Sar
Uthaaye
Daulat E Bedar E Ishq E Mustafa Ka Saath Ho

Mushkil Alfaz :-
Khwaab E Gira = Gehri Neend , Maut
Daulat = Naseeb
Bedar = Jeeta Jaagta

Mafhoom :- Ya Allah Jab Maut Ki Gehri Neend Se Bedar Hokar Apne Qabr Se Maidan E Mehsha Me Uthhu To Tere Pyare Mehboob ﷺ Ki Ishq O Mohbbat E Bedaar Se Mera Daaman Bhara Huwa Ho Aur Unke Hi Yaad Se Mamoor Ho.

246

May this knowledge bring benefit.

Return to the library ↗