Maahe Ramazan Aaya

Nashir Ki Taraf Se Kuchh Aham Baatein ....... 3

Ramzaan Ki Fazeelat ....................................... 6

Roze Ke Teen Daur ......................................... 8

Ramzaan Ke Fazael ....................................... 10

Wazahat : ...................................................... 12

Roze Ke Fazael ............................................. 15

Wazahat :- ..................................................... 18

Bad Naseeb Hai Jiski Magfirat Na Ho :- ....... 20

Maahe Ramzaan Kaise Guzaarein :- ............. 21

Roza Ke Zaruri Masael :- .............................. 22

Sahari Aur Iftaari .......................................... 25

Mas'ala :- ....................................................... 27 Bees(20) Rak'at Taraweeh Dalael Ki Roshani

Mein :- .......................................................... 29

Dalael :-......................................................... 29

Wazahat :- ..................................................... 31

Ab Ikhtilaaf Khatm :- .................................... 34

Aitikaaf Ke Fazael Wa Masael :- .................. 37

Aitikaaf Ki Qismein Aur Ahkaam :- ............. 39
(

1) Wajib Aitikaaf : ....................................... 39 (

2) Sunnat Aitikaaf : ...................................... 40 (

3) Mustahab Aitikaaf : ................................. 40 1

Mas'ala : ........................................................ 40

Mas'ala : ........................................................ 41

Mas'ala : ........................................................ 41

Shabe Qadr Ka Bayaan :- .............................. 41

Shaan E Nuzool :- ......................................... 42

Shabe Qadr Naam Kyun ? :- ......................... 44

Fazael E Shabe Qadr :- .................................. 44

Firishte Zameen Par Utarte Hain :- ............... 48

Ek Hairat Angez Riwayat :- .......................... 50

Shabe Qadr Kab? :- ....................................... 53

Shabe Qadr Kaun Si Raat Hain? :- ................ 54

Mash'hoor 27vi Raat Hai :- ........................... 55

Shabe Qadr Ki Nafl Namazein :- .................. 57

In Baato Ka Khyaal Rahe :- .......................... 60

Shabe Qadr Ke Wazaef :- .............................. 60

Is Gada Ki Guzaarish :- ................................. 62

Eid Ul Fitr Aur Sadqa E Fitr :- ...................... 63

Eid Ka Naam Eid Kyun Rakha? :- ................ 67

Taarikh E Eid :- ............................................. 68

Eid Ul Fitr Ki Raat Aur Din Ki Fazeelat :- .... 69

Sadqa E Fitr :- ............................................... 74

Sadqa E Fitr Ke Masael :- ............................. 76

Eid Ke Din Ke Mustahabbaat :- .................... 76

Ho Sake To Yah Bhi Karein :- ...................... 78
Our Books In Roman Urdu : ......................... 80
2

Nashir Ki Taraf Se Kuchh Aham Baatein Mukhtalaf Mamalik Se Kai Likhne Waale Humein Apna Sarmaya Irsaal Farma Rahe Hain Jinhein Hum Shaya Kar Rahe Hain, Hum Ye Batana Zaroori Samajhte Hain Ke Humari Shaya Karda Kitabo Ke Mundarijaat (Contents) Ki Zimmedari Hum Is Hadd Tak Lete Hain Ke Ye Sab Ahle Sunnat Wa Jama'at Se Hai Aur Ye Zaahir Bhi Hai Ke Har Likhari Ka Talluq Ahle Sunnat Se Hai, Dusri Janib Akabireene Ahle Sunnat Ki Jo Kitabein Shaya Ki Ja Rahi Hain To Un Ke Mutalliq Kuchh Kehne Ki Haajat Hi Nahin Phir Baat Aati Hai Lafzi Aur Imlai Ghalatiyo Ki To Jo Kitabein "Team Abde Mustafa Official" Ki Peshkash Hoti Hain Unke Liye Hum Zimmedar Hain Aur Wo Kitabein Jo Mukhtalaf Zaraaye Se Humein Mausool Hoti Hain, Un Mein Is Tarah Ki Ghalatiyo Ke Hawale Se Hum Bari Hain Ke Wahan Hum Har Har Lafz Ki Chhan Phatak Nahin Karte Aur Humara Kirdaar Bas Ek Nashir Ka Hota Hai Ye Bhi Mumkin Hai Ke Kai Kitabo Mein Aisi Baatein Bhi Ho'n Ke Jin Se Hum Ittefaq 3

Nahin Rakhte, Misaal Ke Taur Par Kisi Kitab Mein Koi Aisi Riwayat Bhi Ho Sakti Hai Ke Tehqeeq Se Jis Ka Jhoota Hona Ab Saabit Ho Chuka Hai Lekin Use Likhne Waale Ne Adame Tawajjo Ki Bina Par Naqal Kar Diya Ya Kisi Aur Wajah Se Wo Kitab Mein Aa Gai Jaisa Ke Ahle Ilm Par Makhfi Nahin Ke Kai Wujoohaat Ki Bina Par Aisa Hota Hai, To Jaisa Humne Arz Kiya Ke Agarche Use Hum Shaya Karte Hain Lekin Isse Ye Na Samjha Jaaye Ke Hum Usse Ittefaq Bhi Karte Hain Ek Misaal Aur Hum Ahle Sunnat Ke Mabain Ikhtelafi Masail Ki Pesh Karna Chahte Hain Ke Kai Masail Aise Hain Jin Mein Ulama -e- Ahle Sunnat Ka Ikhtelaf Hai Aur Kisi Ek Amal Ko Koi Haraam Kehta Hai To Dusra Uske Jawaz Ka Qaail Hai, Aise Mein Jab Hum Ek Nashir Ka Kirdaar Ada Kar Rahe Hain To Dono Ki Kitabo Ko Shaya Karna Humara Kaam Hai Lekin Humara Mauqif Kya Hai, Ye Ek Alag Baat Hai, Hum Fareeqain Ki Kitabo Ko Is Bunyad Par Shaya Kar Sakte Hain Ke Dono Ahle Sunnat Se Hain Aur Ye Ikhtelafaat Furooi Hain, Isi Tarah Humne Lafzi Aur Imlai Ghalatiyo Ka Zikr Kiya Tha Jis Mein Thodi Tafseel Ye Bhi Mulahiza 4

Farmayein Ke Kai Alfaaz Aise Hain Ke Jin Ke Talaffuz Aur Imla Mein Ikhtelaf Paaya Jaata Hai, Ab Yahan Bhi Kuchh Aisi Hi Soorat Banegi Ke Hum Agarche Kisi Ek Tariqe Ki Sihhat Ke Qaail Ho'n Lekin Uske Khilaf Bhi Humari Isha'at Mein Maujood Hoga, Is Farq Ko Bayaan Karna Zaroori Tha Taaki Qarayeen Mein Se Kisi Ko Shubha Na Rahe Team Abde Mustafa Official Ki Ilmi, Tehqeeqi Aur Islahi Kitabein Aur Risale Kai Marahil Se Guzarne Ke Baad Shaya Hote Hain Lekin Iske Bawajood In Mein Bhi Aisi Ghalatiyo Ka Paaya Jaana Mumkin Hai Lihaza Agar Aap Unhein Paayein To Humein Zaroor Batayein Taaki Uski Tashih Ki Ja Sake

Sabiya Virtual Publication
Powered By Abde Mustafa Official

5

Ramzaan Ki Fazeelat Tarjama :- "Ramzaan Ka Mahina Jismein Qur'an Utra Logon Ke Liye Hidayat Aur Rahnumai Aur Jo Beemar Ya Safar Mein Ho To Tum Mein Jo Koi Yah Mahina Paaye Zarur Uske Roze Rakhe Aur Jo Beemar Ya Safar Mein Ho To Utne Roze Aur Dino Mein". (Soorat Bakarah, Aayat 185) Pichhli Do Aayaton Mein ALLAH Tabarak Wa Ta'ala Ne Roza E Ramzaan Ki Farziyat Ka Zikr Karte Huye Farmaya : "Aey Imaan Walo! Farz Kiye Gaye Hain Tum Par Roze Jaise Kiye Gaye The Un Logon Par Jo Tum Se Pahle The Taaki Tum Parhezgaar Ban Jao. Yah Ginti Ke Chand Roz Hain Fir Jo Tum Se Beemar Ho Ya Safar Mein Ho To Utne Roze Aur Dino Mein Rakh Le Aur Jo Log Ise Bahut Mushkil Se Ada Kar Sakein Unke Zimme Fidya Hai Ek Miskeen Ka Khana Aur Jo Khushi Se Zyada Neki Kare To Vah Uske Liye Zyada Behtar Hai Aur Tumhara Roza Rakhna Hi Behtar Hai Tumhare Liye Agar Tum Jaante Ho". 6

(Al Bakarah, Aayat 183,184) Jab Roze Ki Farziyat Ka Hukm Momineen Par Naazil Hua To Usmein Momineen Ki Taskeen Aur Unki Bhalai Aur Behtari Ka Bhi Zikr Kar Diya Gaya. Roze Se Haasil Hone Wale Fawaed Ka Bhi Bayaan Farma Diya Gaya Taaki Roza Rakhne Wale Yah Na Samjhein Ki Roze Se Mashaqqat Badh Jati Hai Aur Ismein Koi Fayda Nahi. Is Liye Irshad Hua Ki Dekho Yah Roze Agli Ummaton Par Bhi Farz The Aur Unhone Bhi Rakha, Is Liye Tum Bhi Rakho Ismein Tumhare Liye Be Shumaar Fawaed Aur Bhalaiyan Hain Kyunki Jo Banda Roza Rakhta Hai Vah Nafs Se Muqabla Karta Hai Aur Nafs Akhlaaqe Razeela Aur Ghatiya Sifaat Wa Shaitaani Waswaso Se Paak Mahfooz Ho Jata Hai Aur Sath Hi Sath Jism Ko Mukhtalif Beemariyon Se Tandurusti Wa Sehat Haasil Hoti Hai, Insaan Taqwa Wa Taharat Aur Pakeezgi Wala Ho Jata Hai, Roze Se ALLAH Ka Qurb Haasil Hota Hai, Uski Khushnoodi Mayassar Hoti Hai, Roza Shahwaton Ko Todta Hai Aur Rozedaar Ko Buraiyon Se Door Rakhta Hai.

7

Roze Ke Teen Daur Jab Rasoolullah Sallallahu Alaihi Wa Sallam Hijrat Farma Kar Madeena Munavvara Tashreef Laaye To Har Maah Teen Roze Aur Aashoora Ke Roze Rakhte The Fir ALLAH Ta'ala Ne Ramzaan Ke Roze Farz Kar Diye. Ramzaan Ke Roze Jab Farz Huye To Ibtida Mein Yah Hukm Tha Ki Jo Chahe Roza Rakhe Aur Jo Roza Rakhna Na Chahe To Vah Ek Miskeen Ko Khana Khila De. Fir Yah Hukm Utha Liya Aur Mazkoora Aayat Naazil Farma Kar Har Tandurust Musalman Aaqil Wa Baalig Mard Wa Aurat Par Laazim Kar Diya. Mareez, Musafir Aur Haiz Wa Nifaas Wali Auraton Ko Roza Na Rakhne Ki Rukhsat De Di Aur Vah Boodha Shakhs Jo Roza Rakhne Ki Taaqat Na Rakhta Ho Use Hukm Hua Ki Ek Roza Ke Badle Kisi Miskeen Ko Khana Khila De, Lekin Beemar Jab Tandurusti Pa Jaye Aur Musafir Ki Muddate Safar Khatm Ho Jaye Aur Auratein Haiz Wa Nifaas Se Paak Ho Jayein To Un Par Un Rozo Ki Qaza Zaruri Hai. Pahle Yah Bhi Hukm Tha Ki Sone Se Pahle Khana Peena Aur Beevi Se Sohbat Jaez Thi Aur 8

So Jane Ke Baad Yah Cheezein Mamnoo'a Ho Jati Thi. Fir Yah Hukm Bhi Utha Liya Gaya Aur Ab Subah Saadiq Se Pahle Tak Yah Saari Cheezein Mubaah Ho Gae, Jaisa Ki Irshad E Baari Ta'ala Hai "Halaal Kar Diya Gaya Hai Tumhare Liye Ramzaan Ki Raato Mein Apni Auraton Ke Paas Jana". (Bagvi, Jild 1 Safa 214-216, Ibne Kaseer, Jild 1 Wa Digar Kutube Tafseer) Is Aayate Kareema Mein ALLAH Ta'ala Ne Ramzaan Ki Fazeelat Aur Uski Azmat Wa Ahmiyat Ko Bayaan Farmaya Aur Irshad Farmaya Ki Ramzaan Ka Mahina Vah Muqaddas Mahina Hai Ki Jismein Bando Ki Hidayat Wa Rahnumai Aur Haq Wa Baatil Ke Darmiyaan Faisla Karne Wali Kitaab Qur'an E Azeem Naazil Hue Aur Ramzaan Ke Roze Farz Huye. Ramzaan Aur Uske Rozo Ki Fazeelat Mein Be Shumaar Ahadees E Mubaraka Kitaabo Mein Darj Hain. Huzoor Alaihissalam Ne Musalmanon Ko Roza Rakhne Ki Taakeed Farmai, Rozedaar Ko Jannat Aur Ajre Azeem Ki Basharat Di Aur Azaab E ilaahi Mein Mubtala Hone Ki Khabrein Di Aur Farmaya Ki Jo Shakhs Bila Ujr Roza Na Rakh Kar Ramzaan 9

Ki Na Qadri Karega Vah Ghaate Aur Nuqsaan Mein Rahega, ALLAH Tabarak Wa Ta'ala Ke Gazab Wa Qahar Ko Apne Upar Mubaah Karega.

Ramzaan Ke Fazael Hazrat Aboo Hurairah Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Irshad Farmaya : Jab Ramzaan Aata Hai To Jannat Ke Darwaaze Khol Diye Jate Hain Aur Jahannam Ke Darwaaze Band Kar Diye Jate Hain Aur Shaitaano Ko Qaid Kar Diya Jata Hai. (Muslim Jild 1 Safa 346) Hazrat Aboo Hurairah Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Jab Ramzaan Aata Hai To Rahmat Ke Darwaaze Khol Diye Jate Hain Aur Dozakh Ke Darwaaze Band Kar Diye Jate Hain Aur Shaitaan Zanjeero Mein Jakad Diye Jate Hain. (Muslim Jild 1 Safa 346) Hazrat Aboo Hurairah Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya 10

: Jab Maahe Ramzaan Ki Pahli Raat Hoti Hai To Shaitaan Aur Sarkash Jinno Ko Hathkadi Laga Di Jati Hai Aur Jahannam Ke Darwaaze Band Kar Diye Jate Hain To Unmein Se Koi Darwaaza Khola Nahi Jata Aur Jannat Ke Darwaaze Khol Diye Jate Hain Unmein Se Koi Darwaaza Band Nahi Kiya Jata Aur Munaadi Aawaz Lagata Hai : Aey Bhalai Ke Talabgaar! Neki Ki Taraf Badh Aur Aey Burai Ke Khwaahishmand! Burai Se Ruk Ja. ALLAH Ta'ala Ramzaan Ke Har Raat Dozakhiyon Ko Dozakh Se Aazaad Farmata Hai. (Mishkat Safa 173, Tafseere Bagvi Jild 1 Safa 222)

Tirmizi Ki Riwayat Mein Itna Aur Hai : Fir Vah Munaadi Kahta Hai Ki Koi Bakhshish Talab Karne Wala Hai Jise Bakhsh Diya Jaye, Koi Sawaal Karne Wala Hai Jise Ata Kiya Jaye, Koi Taubah Karne Wala Hai Jiski Taubah Qabool Ki Jaye. Subah Tak Yah Nida Hoti Rahti Hai Aur ALLAH Tabarak Wa Ta'ala Har Eid-ul-Fitr Ki Raat Das(10) Lakh Aise Bando Ko Bakhsh Deta Hai Jin Par Azaab Wajib Ho Chuka Hota Hai. (Tirmizi Jild 1 Safa 147, Mustadrak Jild 1 Safa 582)

11

Wazahat : Upar Zikr Ki Gae Teeno Hadeeso Mein Bayaan Hua Ki Maahe Ramzaan Mein Jannat Ke Darwaaze Khol Diye Jate Hain Aur Jahannam Ke Band Kar Diye Jate Hain Aur Yah Bhi Bayaan Hua Ki Shaitaano Ko Qaid Kar Diya Jata Hai. Iska Matlab Yah Bhi Hai Ki Haqeeqat Mein Jannat Ke Darwaaze Ramzaan Ki Aamad Par Khol Diye Jate Hain Aur Dozakh Ke Band Kar Diye Jate Hain. Aisa Karne Mein Ramzaan Ki Azmat Wa Fazeelat Bayaan Karna Maqsood Hai Aur Is Baat Ki Taraf Ishaara Bhi Ki Ramzaan Tamam Mahino Mein Sabse Zyada Izzat Wa Azmat Ka Haamil Hai Aur Yah Khusoosi Shaan Isi Mubarak Maah Ko Haasil Hai Aur Kyun Na Ho Ki Huzoor Alaihissalam Ne Farmaya : Ramzaan Tamam Mahino Ka Sardar Hai. Aur Yah Bhi Ho Sakta Hai Ki Haqeeqat Mein To Jannat Ke Darwaaze Nahi Khole Jate Hain Aur Na Jahannam Ke Darwaaze Band Hote Hain, Haan Is Maah Mein Logon Ke Kasrat Ke Sath Nekiyan Aur Aamaal E Saliha Karne Ke Sabab ALLAH Ta'ala Parwana E Najaat Ata Farma Kar Dukhoole Jannat Ka Hukm Jaari Farmata Hai Jo Darwaaza 12

E Jannat Ke Khulne Ka Sabab Hota Hai. Aur Choonki Is Muqaddas Maah Mein Rozo, Tilawat E Qur'an Aur Deegar Aamaal Ki Wajah Se ALLAH Apne Bando Ki Magfirat Farma Deta Hai Jo Jahannam Mein Na Jane Ka Sabab Hota Hai, Jiski Taabir Hadees Mein Dozakh Ke Darwaaze Band Hone Se Kar Di, Is Liye Ki Jo Shakhs Dozakh Ka Mustahiq Nahi Hoga Us Par To Dozakh Ka Darwaaza Band Hoga Hi. Aur Shaitaan Ko Is Maah Mein Is Liye Band Kar Diya Jata Hai Taaki Rozedaar Ko Apna Shikaar Na Bana Sake Aur War Gala Kar Khuda Ki Ta'at Wa Bandagi Aur Roze Ke Fazael Se Mahroom Na Kar Sake Aur Banda Apne Dushman Se Mutma'en Aur Be Khauf Hokar Apne Rab Ki Ibaadat Mein Masroof Rahe. Lekin Sawaal Hota Hai Ki Jab Shaitaan Band Ho Jata Hai To Fir Ramzaan Mein Logon Se Gunahon Ka Irtikaab Kyun Ho Jata Hai? Khurafaat Aur Ma'asi (Gunahon) Mein Kaise Fas Jata Hai? Apne Rab Ki Nafarmani Kaise Kar Baithta Hai? Jab Ki Bahkane Wala Dushman Shaitaan Band Hota Hai. Iska Jawab Yah Ki Shaitaano Mein Jo Bade Bade Aur Sarkash Hote Hain Vah Muqayyad Kar Diye 13

Jate Hain Aur Aam Shayaateen Khule Rahte Hain Aur Yahi Waswasa Daal Kar Gunahon Ke Qareeb Kar Dete Hain. Aur Doosra Jawab Yah Hai Ki Gumraah Karne Wala Ek Anduruni Shaitaan Hota Hai Jo Band Nahi Kiya Jata Aur Doosra Baahri Shaitaan Hota Jo Band Kar Diya Jata Hai Aur Usi Anduruni Shaitaan Ke Bahkane Aur Buraiyon Par Uksaane Se Insaan Gunaah Karke Is Mahine Ki Hurmat Paamaal Kar Deta Hai. Hazrat Abdullah Ibne Umar Raziyallahu Ta'ala Anhuma Bayaan Karte Hain Ki Nabi E Kareem Sallallahu Ta'ala Alaihi Wa Sallam Ne Farmaya : Jannat Ko Shuru Saal Se Lekar Aane Wale Saal Tak Saja Diya Jata Hai To Jab Ramzaan Ka Pahla Din Hota Hai To Arsh Ke Neeche Jannat Ke Patto Se Hoore Aen Par Khushboodar Hawa Chalti Hai To Hoorein Arz Karti Hain Aey Rab! Apne Bando Mein Aise Ko Mere Shohar Bana De Jinse Meri Aankhein Thandi Ho Aur Mujhse Unki Aankhon Ko Thandak (Khushi) Mile. (Mishkat Safa 174) Hazrat Ibne Mas'ood Raziyallahu Ta'ala Anhu Bayaan Karte Hain Ki Huzoor Alaihissalam Ne Farmaya : Agar Meri Ummat 14

Ko Maloom Ho Jata Ki Ramzaan Mein Kitni
Khairo Barkat Hai To Meri Ummat Poore Saal
Ramzaan Ke Hone Ki Tamanna Aur Aarzoo
Karti. (Tambeehul Gaafilin Safa 186)

Roze Ke Fazael Roza ALLAH Ta'ala Ke Hukm Baja Lane Aur Ta'at (Farmabardari) Ibaadat Ki Niyyat Ke Sath Jaan Boojhkar Khane Peene Aur Zima'a (Beevi Se Sohbat) Karne Se Ruk Jane Ka Naam Hai, Lekin Yah Usi Waqt Sahi Ma'ana Mein Ajr Wa Sawaab Ka Sabab Banega Jab Tamam Khilaaf E Shara'a Baato Maslan Jhoot, Geebat, Chugli Wagairah Khurafaat Se Bhi Rozadaar Bachega Warna Khana Peena Tark Kar Dena Bekaar Hoga. Is Liye Rozadaar Ko Chahiye Rab Ki Raza Aur Roze Par Milne Wale Ajr Wa Sawaab Paane Ke Liye Roze Ko Baatil Kar Dene Wali Cheezon Ke Alaawa Roze Ki Makroohaat Se Bhi Bachta Rahe. Agar Yah Kaifiyat Paida Ho Gae To Yaqeenan Aisa Aadmi Hadees E Qudsi : Roza Mere Liye Aur Mein Khud Uski Jaza Doonga, Ka Mustahiq Hoga Aur Farmane Risalat : Rozedaar Ke Munh Ki Boo ALLAH Ke Nazdeek Mushk Se Bhi 15

Zyada Khushboodaar Hai,, Ka Bhi Haqdaar Hoga. Hazrat Aboo Hurairah Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : ALLAH Ta'ala Irshad Farmata Hai : Insaan Ne Roze Ke Siwa Har Amal Apne Liye Kiya Hai Aur Roza Khaas Kar Mere Liye Rakha, Uski Jaza Mein Doonga. Aur Roza Dhaal Hai, Tum Mein Se Kisi Ka Roza Ho To Vah Us Din Behooda Goe Kare Na Fohash Goe Kare. Agar Koi Shakhs Use Gaali De Ya Usse Jhagda Kare To Vah Kah De Mein Rozadaar Hoon, Mein Rozadaar Hoon, Us Zaat Ki Qasam Jiske Qabza E Qudrat Mein Muhammad Ki Jaan Hai, Rozadaar Ke Munh Ki Boo ALLAH Ta'ala Ke Nazdeek Qiyamat Ke Din Mushk Ki Khushboo Se Zyada Khushboodaar Hogi. Rozedaar Ko Do Khushiyan Haasil Hongi Jinse Vah Khush Hoga, Jab Vah Roza Iftaar Karta Hai To Iftaar Se Khush Hota Hai Aur Jab Vah Apne Rab Se Mulaqaat Karega To Roze Se Khush Hoga. (Muslim Jild 1 Safa 363) Hazrat Abdurrahman Bin Aauf Raziyallahu Anhu Bayaan Karte Hain Ki Rasoolullah 16

Sallallahu Ta'ala Alaihi Wa Sallam Ne Farmaya : Jisne Imaan Aur Sawaab Ki Niyyat Ke Sath Ramzaan Ke Roze Rakhe Vah Gunahon Se Is Tarah Paak Ho Jata Hai Jaise Abhi Vah Maa Ke Pet Se Paida Hua Ho. (Nasai Jild 1 Safa 308) Hazrat Sahal Bin Sa'ad Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Jannat Mein Ek Darwaaza Hai Jisko Rayyan Kaha Jata Hai, Qiyamat Ke Din Us Darwaaze Se Sirf Rozedaar Daakhil Honge, Unke Siwa Koi Aur Daakhil Nahi Hoga Kaha Jayega, Rozedaar Kahan Hain? Fir Rozedaar Daakhil Ho Jayenge Aur Jab Aakhiri Rozadaar Daakhil Ho Jayega To Fir Vah Darwaaza Band Kar Diya Jayega Fir Us Darwaaze Se Koi Shakhs Daakhil Nahi Hoga. (Muslim Jild 1 Safa 364) Hazrat Aboo Hurairah Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya Jisne Imaan Ki Haalat Mein Talab E Sawaab Ke Liye Maahe Ramzaan Ke Roze Rakhe Uske Agle Pichhle Gunaah Bakhsh Diye Jayenge Aur Jisne Maahe Ramzaan Mein Imaan Ki Haalat Mein Talab E Sawaab Ke Liye Qayaam 17

(Taraweeh Ki Namaz Ko Ada) Kiya Uske Agle Pichhle Gunaah Bakhsh Diye Jayenge Aur Jisne Shabe Qadr Mein Imaan Wa Talab E Sawaab Ke Sath Ibaadat Ki Uske Agle Pichhle Tamam Gunaah Bakhsh Diye Jayenge. (Mishkat Safa 173) Wazahat :- In Ahadees Aur Kutub E Ahadees Mein Jo Marviyaat Hain Unse Maahe Ramzaan Ke Roze Ki Fazeelat Waazeh Taur Par Maloom Ho Gae Aur Yah Bhi Ki Rozedaar Ko Namaze Taraweeh Aur Ramzaan Ki Raato Mein Nafl Namaz Padhne Par ALLAH Tabarak Wa Ta'ala Azeem Sawaab Ata Farmata Hai Aur Jahannam Ke Azaab Se Najaat Deta Hai Aur Uske Liye Jannat Ka Ek Darwaaza Khaas Kar Deta Hai Jis Darwaaze Se Sirf Rozadaar Hi Jannat Mein Daakhil Honge. Hadees Mein Yah Bhi Aaya Hai Ki Nafl Ka Sawaab Farz Ke Barabar Aur Farz Ka Sawaab Doosre Maah Ke 70 Farz Ke Barabar Milta Hai Aur Rozadaar Ko Iftaar Karaane Ka Sawaab Gulaam Aazaad Karne Ke Babrabar Milta Hai Agarche Paani Hi Se Iftaar Kyun Na Karaya Ho Aur Yah Bhi Marvi Hai Ki Roze Ke Alaawa Insaan Ki Har Neki Ko 10 Se 18

700 Guna Tak Badha Diya Jata Hai, Roze Choonki Banda Sirf Khuda Ke Liye Rakhta Hai Usmein Riya Aur Dikhaave Ka Dakhal Nahi Jiski Jaza (Badla) Khaas Taur Par ALLAH Ta'ala Khud Ata Farmata Hai Is Liye Ki Roza Doosre Tamam Aamaal Se Juda Hai, Uske Ajro Sawaab Ka Andaza Nahi Lagaya Ja Sakta Aur Na Hi Unhein Shumaar Kiya Ja Sakta Hai Roze Par Milne Wale Sawaab Ko ALLAH Ta'ala Hi Jaanta Hai. Ramzaan Mein Insaan Ko Is Baat Ka Khyaal Zarur Rakhna Chahiye Ki Roza Rakhkar Tamam Buraiyon Aur ALLAH Ki Nafarmaniyon Se Door Rahe Balki Yah Niyyat Bhi Ho Ki Ramzaan Ke Baad Bhi Nafarmani Nahi Karenge. Chunanche Hazrat Ka'ab Raziyallahu Anhu Farmate Hain Ki Jisne Ramzaan Ke Roze Rakhe Aur Unki Yah Niyyat Ho Ki Ramzaan Ke Baad Bhi ALLAH Ki Nafarmani Nahi Karega To ALLAH Ta'ala Use Bagair Hisaab Wa Kitaab Ke Jannat Mein Daakhil Farma Dega. (Tafseer Ibne Kaseer Jild 4 Safa 920 Urdu) Hazrat Ma'az Raziyallahu Anhu Bayaan Karte Hain Ki Rasoolullah Sallallahu Ta'ala 19

Alaihi Wa Sallam Ne Farmaya : Jisne Maahe Ramzaan Ke Roze Rakhe, Paancho(5) Waqt Ki Namaz Ada Ki Aur Khana E Ka'aba Ka Haj Kiya To ALLAH Ta'ala Ke Zimma E Karam Par Hai Ki Uski Bakhshish Farma De. (Kanzul Ummal Jild 8 Safa 223)

Bad Naseeb Hai Jiski Magfirat Na Ho :- Bahut Se Logon Ko Dekha Hai Jo Is Muqaddas Mahine Ki Hurmat Ko Pamaali Aur Uski Na Qadri Karte Hain Aur Roza Rakhne Se Ji Churaate Hain, Agar Rakhte Hain To Deegar Gunaah Ke Kaamo Se Bachne Ki Koshish Bhi Nahi Karte, Rozadaar Hain Aur Najaez Gaane Sunte Hain, Rozadaar Hain, Aur Tilawat E Qur'an Ki Bajaye T.V Par Film Aur Natak Dekhte Hain, Gaali Galoch Aur Bhi Bahut Se Khilaaf E Shara'a Kaam Karte Hain. Is Tarah Rab Ki Rahmat Aur Uski Magfirat Se Mehroom Ho Jate Hain. Ramzaan Ke Roze Farz Hain, Na Rakhne Wala Haraam Ka Murtakib Aur ALLAH Ki Waed Wa Azaab Ka Mustahiq Hota Hai. Kitne Bad Naseeb Hain Jo Is Muqaddas Mahine Mein Bhi Magfirat Se Mahroom Ho Jate Hain. Hadees Mein Hai Ki Jab Huzoor

20

Alaihissalam Mimbar Par Tashreef Le Jate Waqt Pahli Baar Aameen Farmaya Tha To Sahaba Ke Daryaaft Karne Par Aapne Farmaya Ki Jibreel Alaihissalam Kah Rahe The, Maahe Ramzaan Ko Paaye Aur Magfirat Se Mahroom Ho Jaye. Aur Yah Bhi Marvi Hai Ki Jiski Magfirat Maahe Ramzaan Mein Na Ho Saki To Kis Mahine Mein Hogi. (Kanzul Ummal Jild 8 Safa 270, Mulakhkhasan) Huzoor Sallallahu Ta'ala Alaihi Wa Sallam Ne Farmaya Ki Jab Tak Meri Ummat Maahe Ramzaan Ki Hurmat (Izzat) Baaqi Rakhegi Aur Ruswa Nahi Hogi. Ek Shakhs Ne Arz Kiya Ya Rasoolullah! Ruswai Kaisi? Huzoor Ne Farmaya Ki Ramzaan Mein Jisne Haraam Kaam Kiya Ya Koi Gunaah Kiya, Sharab Pi Ya Zina Kiya Uska Ramzaan (Koi Roza) Qabool Nahi Kiya Jayega Aur Aasmaan Walo Ki Laanat Hogi. Agar Is Arsa Mein (Aainda Saal Tak) Mar Jayega To ALLAH Ki Bargaah Mein Uski Koi Neki, Neki (Ki Soorat Mein Qabool) Na Hogi. (Gunyatut Taalibin Safa 358 Urdu)

Maahe Ramzaan Kaise Guzaarein :-
Is Muqaddas Maah Mein Roze Rakhe Aur
21

Sath Hi Ba Kasrat Tilawat E Qur'an Bhi Kare Taaki Jahan Aapka Poora Wajood Rab Ki Ta'at Wa Bandagi Mein Masroof Rahe Vahi Aapki Zabaan Bhi Zikre ilaahi Mein Tar Rahe Aur Aap Ko Rab Se Ham Kalaami Ka Sharf Haasil Hota Rahe. Huzoor Alaihissalam Ne Farmaya : Roza Wa Qur'an Bande Ki Shafa'at Karwayenge, Roza Kahega Aey Mere Rab! Meine Is Aadmi Ko Din Mein Khane Peene Aur Shahwat Se Baaz Rakha Isliye Meri Shafa'at Iske Haq Mein Qabool Farma Le. Qur'an Kahega Aey Rab! Meine Ise Raat Mein Sone Se Baaz Rakha Is Liye Meri Sifarish Iske Haq Mein Qabool Farma. Sadqa Wa Khairat, Zakaat Aur Khaas Kar Sadqa E Fitr Ka Khyaal Rakhein Kyunki Jo Shakhs Sadqa E Fitr Ada Nahi Karta Uska Roza Zameen Wa Aasmaan Ke Beech Muallaq (Latka) Rahta Hai Yahan Tak Ki Use Ada Kar Diya Jaye.

Roza Ke Zaruri Masael :-
(1) Ada E Ramzaan Ka Roza Aur Nazre
Mu'ayyan Wa Nafli Roze Ki Niyyat, Raat Se
Karna Zaruri Nahi. Agar Dophar Se Pahle
22

Niyyat Kar Li Tab Bhi Roze Ho Jayenge. (2) Agar Aankh Mein Dawa Daali Ya Surma Lagaya To Roza Nahi Toota. Agarche Dawa Ka Qatra Halq Mein Mahsoos Hokar Surma, Thook, Ya Reth Ke Sath Nikle. (3) Mard Ne Peshaab Ke Soorakh Mein Paani Ya Tel Daala To Roza Nahi Tootega Agarche Masaana Tak Pahunch Jaye Aur Agar Aurat Ne Sharmgaah Mein Tapkaya To Roza Toot Jayega. (4) Injection Se Roza Nahi Toot'ta Chahe Rag Mein Lagaya Jaye Ya Gosht Mein. (5) Isi Tarah Glucose Ki Bottle Chadhane Se Bhi Roza Nahi Tootega. (6) Ramzaan Mein Tooth Paste Ka Istemaal Karne Se Ahtiyaat Rakhe Ki Uske Baarik Ajza Halaq Mein Pahunch Jaye To Roza Toot Jayega Isliye Roze Ki Haalat Mein Bachna Hi Chahiye. (7) Kaan Mein Tel Daala Ya Chala Gaya To Roza Jata Raha Aur Paani Kaan Mein Chala Gaya Ya Daala To Roza Nahi Toota. (8) Jaan Boojhkar Munh Bhar Kay (Ulti) Ki Aur Rozedaar Hona Yaad Hai To Mutlaqan Roza Jata Raha, Aur Isse Kam Ki To Nahi. (9) Aur Agar Bila Ikhtiyaar Kay Ho Gae Aur 23

Vah Munh Bhar Nahi Hai To Roza Na Gaya Agarche Laut Gae Ya Usne Khud Lautae. (10) Aur Agar Bila Ikhtiyaar Kay Hue Aur Vah Munh Bhar Hai Aur Usne Lautae Agarche Usmein Se Sirf Chane Ke Barabar Halaq Se Utri To Roza Jata Raha Warna Nahi. Mas'ala :- Kay Ke Yah Ahkaam Us Waqt Hain Ki Kay Mein Khana Aaye Ya Zardi Ya Khoon Aur Agar Balgam Aaya To Mutlaqan Roza Na Toota. (11) Bosa Liya Magar Inzaal Na Hua To Roza Nahi Toota. (12) Bhool Se Zima'a (Beevi Se Sohbat) Kar Raha Tha Yaad Aate Hi Alag Ho Gaya Ya Subah Saadiq Se Pahle Zima'a Mein Mashgool Tha Subah Hote Hi Juda Ho Gaya Roza Na Gaya Agarche Donon Sooraton Mein Juda Hone Ke Baad Inzaal Ho Gaya Agarche Donon Sooraton Mein Juda Hona Yaad Aane Aur Subah Hone Par Hua Aur Agar Yaad Aane Ya Subah Hone Par Fauran Agar Na Ho Agarche Sirf Thahar Gaya Aur Harkat Na Hogi Roza Jata Raha. (Bahare Shariyat) (Note : Roze Ke Baaqi Masael Bahare Shariyat Se Maloom Karein) 24

Sahari Aur Iftaari ALLAH Ke Rasool Sallallahu Ta'ala Alaihi Wa Sallam Ne Sahari Khane Ka Hukm Farmaya Aur Farmaya Ki Usmein Barkat Hi Barkat Hai Aur Bahut Saare Fawaed Par Mushtamil Hai, Jaise Agar Aadmi Sahari Ke Liye Uthega To Tahajjud Bhi Padh Lega. Kuch Zikre ilaahi Bhi Karega Aur Choonki Sahari Khana Huzoor Ki Sunnat Hai To Aap Sallallahu Ta'ala Alaihi Wa Sallam Ki Is Sunnat Par Bhi Amal Hota Rahega Aur Sarkar Ne Farmaya Ki Jo Meri Sunnat Se Muhabbat Rakhega Vah Mere Sath Jannat Mein Hoga. (Mishkat Safa 30) Sahari Mein Takheer Aur Iftaari Mein Jaldi Karna Chahiye. Hazrat Anas Bin Maalik Raziyallahu Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Sahari Khaya Karo Kyunki Sahari Mein Barkat Hai. (Bukhari Jild 1 Safa 257, 1823) Hazrat Abdullah Bin Abbas Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya Sahari Khakar Din Ke Roze Ke Liye Taaqat 25

Haasil Karo Aur Din Ko Qailoola Karke Raat Ki Ibaadat Ke Liye Madad Haasil Karo. (Ibne Maja Safa 123, 1693) Hazrat Aboo Saed Khudri Raziyallahu Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Sahari Mein Barkat Hi Barkat Hai Is Liye Ise Mat Chhodo Agarche Ek Ghoont Paani Hi Pi Lo. (Musnad Ahmad Bin Hambal Jild 3 Safa 12) Hazrat Abdullah Bin Umar Raziyallahu Anhuma Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : ALLAH Ta'ala Aur Uske Firishte Sehari Karne Walo Par Durood Bhejte Hain. Hazrat Amr Bin Aas Raziyallahu Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Hamare Aur Yahood O Nasaara Ke Rozo Mein Farq Sehari Khana Hai. (Muslim Hadees No. 1096) Yani Yahood O Nasaara Roza Rakhne Mein To Sahari Nahi Karte Aur Ham Sahari Karte Hain Isliye Unki Mukhalafat Karte Huye Musalmanon Ko Chahiye Ki Sahari Zarur Kar Lein.

26

Hazrat Sahal Bin Saad Raziyallahu Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Meri Ummat Ke Log Bhalai Par Rahenge Jab Tak Vah Roza Jald Iftaar Karte Rahenge. (Muslim Jild 1 Safa 350, Tirmizi Jild 1 Safa 88) Hadeese Qudsi Mein Hai Ki ALLAH Ta'ala Irshad Farmata Hai : Mere Bando Mein Mujhe Sabse Zyada Mahboob Vah Hain Jo Iftaar Mein Jaldi Karte Hain. (Muslim Jild 1 Safa 350) Is Liye Huzoor Sallallahu Ta'ala Alaihi Wa Sallam Ka Mamool Tha Ki Sooraj Doobne Se Pahle Kisi Sahabi Ko Hukm Farmate Ki Vah Bulandi Par Jakar Sooraj Doobta Dekhta Rahe, Sahabi Sooraj Ko Dekhte Rahte Aur Huzoor Unki Khabar Ke Muntazir Rahte, Jaise Hi Sahabi Arz Karte Ki Sooraj Doob Gaya, Huzoor Fauran Tanavul Farmate. (Fatawa Faizurrasool, Jild 1 Safa 513) Mas'ala :- Roza Iftaar Karne Ki Dua Iftaar Karne Ke Baad Padhe Ki Yahi Sunnate Rasool Kareem Hai. Agar Kisi Ne Pahle Hi Padh Li To Sunnat Par Amal Na Hoga Aur Vah Sawaab Nahi 27

Milega Jo Sunnat Par Amal Karne Ka Hai. Hazrat Ma'az Bin Zohra Raziyallahu Anhu Bayaan Karte Hain Ki Jab Rasoolullah Sallallahu Ta'ala Alaihi Wa Sallam Iftaar Kar Lete To Yah Dua Farmate- 'Allahumma Laka Sumtu Wa Ala Rizqika Aftartu'. (Mishkat Safa 175) Is Hadees Ke Tahat Hazrat Mulla Ali Qari Rahmatullah Alaih Farmate Hain Ki Ibne Maalik Ne Kaha Ki Aap Sallallahu Ta'ala Alaihi Wa Sallam Yah Dua Iftaar Ke Baad Padhte. Hazrat Abdullah Ibne Abbas Raziyallahu Ta'ala Anhuma Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Mujhe Roze Mein Jaldi Iftaar Karne Aur Sahari Mein Taakhir Ka Hukm Diya Gaya Hai. (Sunane Kubra Jild 4 Safa 238) Hazrat Sulaiman Bin Aamir Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Jab Tum Mein Se Koi Iftaar Kare To Use Chahiye Ki Khajoor Se Kare, Kyun Ki Ismein Barkat Hai, Agar Khajoor Na Ho To Paani Se Kare Kyun Ki Paani Paak Hota Hai.

28

(Tirmizi Jild 1 Safa 83)

Bees(20) Rak'at Taraweeh Dalael Ki Roshani Mein :- Taraweeh Bees Rak'at Hai Aur Sunnate Muakkadah, Sunnate Aen Hai. Jama'at Ke Sath Namaz Jis Masjid Mein Ada Ki Jati Hai Usmein Taraweeh Ka Qaayam Karna Sunnate Kifaaya Aur 20 Rak'at Par Sahaba E Kiraam, Khulfa E Rashideen Rizwanullahi Ta'ala Alaihim Azma'en Aur Aemma E Mujtahedeen Ka Ijma'a Wa Fuqha E Hanfiya, Shafaeyyah, Hambaliya, Maalikiyah Ka Ittifaq Hai. Dalael :- (1) Sahabi Rasool Hazrat Abdurrahman Bin Abdul Qari Farmate Hain Ki Mein Hazrat Umar Farooq Raziyallahu Ta'ala Anhu Ke Hamraah Ramzaan Shareef Ki Ek Raat Masjid Mein Gaya To Dekha Ki Log Alag Alag Namaz Padh Rahe Hain, Koi Tanha Padh Raha Hai Koi Kuch Logon Ke Sath. Yah Dekh Kar Hazrat Umar Farooq Raziyallahu Ta'ala Anhu Ne Apna Khyaal Zahir Farmaya Ki In Namaziyon Ko Ek Imaam Ke Peechhe Jama Kar Doo To Zyada Behtar Hoga. Chunanche Un Sab Ko Hazrat 29

Ubay Bin Ka'ab Raziyallahu Ta'ala Anhu Ki Iqtida Mein Jama Kar Diya. Fir Doosri Raat Aapke Sath Mein Masjid Gaya, Log Us Waqt Apne Imaam Ke Peechhe Namaze Taraweeh Padh Rahe The, Yah Dekh Kar Farooq E Aazam Raziyallahu Ta'ala Anhu Ne Farmaya : Yah Kya Hi Achchi Bid'at Hai. (Bukhari Shareef Jild 1 Safa 269) (2) Hazrat Sayyada Aaysha Raziyallahu Ta'ala Anha Farmati Hain Ki Rasoolullah Sallallahu Ta'ala Alaihi Wa Sallam Ramzaan Ul Mubarak Mein Ek Raat Aadhi Raat Ko Masjid Tashreef Le Gaye Aur Sahaba E Kiraam Ko Masjid Ke Andar Taraweeh Ki Namaz Padhai, Subah Logon Mein Charcha Hua, Doosre Din Aur Zyada Log Jama Ho Gaye Aur Huzoor Sallallahu Ta'ala Alaihi Wa Sallam Ki Iqtida Mein Namaz Ada Ki, Fir Subah Ko Uska Charcha Hua To Teesri Raat Masjid Ke Namazi Aur Zyada Ho Gaye. Fir Huzoor Sallallahu Ta'ala Alaihi Wa Sallam Tashreef Laye, Namaz Padhi Aur Logon Ne Bhi Namaz Aapke Sath Padhi. Jab Chauthi Raat Hue To Namaziyon Se Masjid Tang Ho Gae, Us Raat Sarkar Sallallahu

30

Ta'ala Alaihi Wa Sallam Fazar Ki Namaz Ko Hi Nikle To Jab Fazar Ki Namaz Ada Kar Li To Logon Ki Taraf Mut'vajjah Huye, Tashahhud Padh Kar Farmaya : Amma Ba'ad! Tumhari Maujoodgi Mujhse Poshida Nahi Thi Magar Mujhe Andesha Hua Ki (Taraweeh) Tum Par Farz Na Ho Jaye Aur Tum Uski Adayegi Se Aajiz Aa Jao. Aur Sarkar Sallallahu Ta'ala Alaihi Wa Sallam Ke Wisaal Shareef Tak Mua'mala Taraweeh Ka Yoo Hi Raha. (Bukhari Jild 1 Safa 269) Wazahat :- In Ahadees Ke Baare Mein Allama Ibne Hajar Asqalani Farmate Hain : Is Riwayat Mein Rak'aton Ki Tadad Mazkoor Nahi Ki Ubay Ibne Ka'ab Kitni Rak'aton Ke Sath Imaamat Farmate The. Taraweeh Ki Tadad Mein Ikhtilaaf Hua Hai. Muatta Mein Hazrat Saeb Ibne Yazeed 11 Aur Muhammad Bin Yoosuf 13 Aur Ek Doosre Sanad Se Inhi Se 21 Rak'at Marvi Hai. Imaam Maalik Ne Yazeed Bin Khaseefa Ki Sanad Se Saeb Bin Yazeed Ki Riwayat Witr Ke Alawa 20 Rak'at. Aur Yazeed Ibne Rumaan Se Marvi Hai Ki Hazrat Umar Farooq Raziyallahu Ta'ala Anhu Ke Daure Khilafat Mein Log 23 Padhte

31

The (Isme 3 Witr Hain). Aur Muhammad Bin Nasr Se Riwayat Hai Ki Meine Ramzaan Shareef Mein Logon Ko 20 Rak'at Taraweeh Padhte Paya Aur 3 Rak'at Witr. In Riwayato Mein Tatbeeq Ikhtilaaf E Ahwaal Ke Sath Mumkin Hai. (3) Hazrat Zaafrani, Imaam Shafai Rahmatullah Alaih Se Riwayat Karte Hain Ki Meine Madeena Munavvara Mein Logon Ko 39 Rak'at Aur Makka Mukarrama Mein 23 Rak'at Padhte Dekha Yani Witr Samet. (Fat'hul Baari Jild 4 Safa 298) (4) Hazrat Saeb Ibne Yazeed Raziyallahu Ta'ala Anhu Se Marvi Hai Ki Ameerul Momineen Hazrat Umar Farooqe Aazam Raziyallahu Ta'ala Anhu, Hazrat Usmane Gani Raziyallahu Ta'ala Anhu Aur Hazrat Ali Raziyallahu Ta'ala Anhu Ke Daure Khilafat Mein Taraweeh Ki Namaz 20 Rak'at Hi Hoti Thi Aur Mugni Mein Hazrat Ali Shere Khuda Raziyallahu Ta'ala Anhu Se Marvi Hai Ki Aapne Ek Shakhs Ko Hukm Diya Ki Logon Ko Maahe Ramzaan Shareef Mein 20 Rak'at Taraweeh Padhaya Kare Aur Farmaya Yah Ijma'a Ki Tarah Hai. Fir Agar Aitraaz Ho Ki

32

Hazrat Yazeed Bin Rumaan Se Marvi Hai Ki Hazrat Umar Farooq Raziyallahu Ta'ala Anhu Ke Zamane Mein Taraweeh 23 Rak'at Padhte The Aur Tum 20 Kahte Ho Uska Jawab Yah Hai Ki Taraweeh 20 Hi Padhte The, 3 Witr Padhte The. (Umdatul Qari Jild 7 Safa 178) (5) Hazrat Zaid Bin Wahab Se Marvi Hai Ki Hazrat Abdullah Bin Mas'ood Raziyallahu Ta'ala Anhu Maahe Ramzaan Ki Raat Mein Hamein Namaz Padhate The, Aa'amash Ne Kaha Ki Taraweeh 20 Rak'at Padhate The Aur Witr 3. (Umdatul Qari Jild 11 Safa 127) (6) Hazrat Abdullah Ibne Abbas Raziyallahu Ta'ala Anhu Se Marvi Hai Ki Rasoolullah Sallallahu Ta'ala Alaihi Wa Sallam Ramzaan Mein 20 Rak'at Aur Witr Padhte The. (Ahadeesus Siyaam, Safa 47) Upar Bayaan Karda Riwayat Se Sabit Hua Ki Taraweeh 20 Rak'at Hain Aur Farooqe Aazam Raziyallahu Ta'ala Anhu Ke Zamane Mein 20 Rak'atein Padha Karte The Aur Hazrat Usman Gani Wa Ali E Murtaza Raziyallahu Ta'ala Anhuma Ke Ahad Mein 20 Rak'at Sahaba Aur Gaire Sahaba Sabhi Padhte Rahe Aur 20 Rak'at 33

Par Khulfa E Rashideen Aur Tamam Sahaba Ka Ijma'a Hua Aur 20 Rak'at Taraweeh Par Jamhoor Ulma, Fuqha, Sulha, Muhaddiseen, Aam Momineen Muslimeen Ka Amal Raha. In Riwayat Se Yah Bhi Maloom Hua Ki Asal Taraweeh Rasoolullah Sallallahu Ta'ala Alaihi Wa Sallam Ki Sunnat Hai.

Ab Ikhtilaaf Khatm :- Mirqaat Sharah Mishkat Mein Bayaan Guzar Chuka Hai Ki 20 Rak'at Taraweeh Par Sahaba E Kiraam Ka Ijma'a Ho Gaya Aur Muatta Shareef Mein 11 Rak'at Ka Bhi Zikr Hai. In Do Riwayato Ko Is Tarah Jama Kiya Gaya Hai Ki Ahde Farooqi Mein Pahle 11 Ka Hukm Hua Fir 20 Rak'at Par Taraweeh Ka Mua'mala Hamesha Ke Liye Tay Ho Gaya Aur Yahi Sahaba E Kiraam Ka Maqbool Aur Tamam Musalmanon Ka Mamool Hai Aur 20 Se Jaed 22 Ya 36 Ya 39 Ya 40 Sab Nafl Ka Bayaan Hai Aur Nafl Ki Koi Intiha Nahi. (7) Noorul Izaah Safa 99 Par Hai : Taraweeh Mard Wa Aurat Donon Ke Liye Sunnat Hai Aur Uski Namaze Ba Jama'at Sunnate Kifaaya Aur Vah 20 Rak'at Hai 10 Salaamo Ke Sath. 34

(8) Kanzuddaqaeq Safa 42 Par Hai : Namaze Taraweeh Mard Aur Aurat Donon Ke Liye Masnoon Hai. Is Par Sahaba Aur Ummat Ke Saare Logon Ka Aur Jo Inke Baad Hain Un Sab Ka Ijma'a Hai. Iska Munkir Bid'ati, Gumraah Mardoodushshahadat Hai. Huzoor Alaihissalam Ne Farmaya Ki ALLAH Tabarak Wa Ta'ala Ne Tumhare Waaste Uske Qayaam Ko Yani Taraweeh Padhne Ko Sunnat Qaraar Diya Hai. Aur Huzoor Alaihissalam Ne Farmaya Ki Tum Par Mere Sunnat Aur Mere Baad Khulfa E Rashideen Ki Sunnat Ke Mutabiq Amal Karna Zaruri Hai. Huzoor Sallallahu Ta'ala Alaihi Wa Sallam Ne 2 Ya 4 Raat Sahaba Ke Sath Taraweeh Padhi Hai Jaisa Ki Bukhari Mein Mazkoor Hai Aur Hamesha Na Padhne Ka Ujr Yah Bayaan Farmaya Ki Andesha Tha Ki Un Par Farz Na Ho Jaye Aur Uske Baad Umar Bin Khattab Raziyallahu Ta'ala Anhu Ke Shuru Zamane Tak Log Tanha Tanha Padhte Rahe, Fir Umar Farooq Raziyallahu Ta'ala Anhu Ne Apne Zamane Mein Jama'at Ke Sath Padhne Ka Ahtimaam Farmaya. Ubay Bin Ka'ab Ko Hukm Farmaya Ki Logon Ko Jama'at Ke Sath Namaz (Taraweeh) Padhaye. Sahaba E Kiraam Ne Unki 35

Taed Farmai Bagair Inkaar Sabhi Ne Iska Hukm Kiya. Hazrat Ali Raziyallahu Ta'ala Anhu Ne Hazrat Umar Farooq Ki Taarif Is Tarah Farmai : ALLAH Ta'ala Umar Ki Khwaab Gaah Ko Munavvar Farmaye Jis Tarah Unhone Hamari Masjido Ko Munavvar Farmaya. (9) Haashiya Kanzuddaqaeq Safa 36 Par Hai : Taraweeh Ke 20 Rak'at Hone Mein Raaz Yah Hai Ki Sunnate Shuru Hoti Hain Wajibaat Ko Mukammal Karne Ke Liye. Aur Yah Witr Ke Sath 20 Rak'at Hain Isi Wajah Se Taraweeh 20 Rak'at Hue. (10) Al Masboot, Safa 144 Par Hai Bila Shubah Namaze Taraweeh Witr Ke Alaawa Hamare Nazdeek 20 Rak'at Hai. Imaam Maalik Ne Farmaya Ki Taraweeh Mein Sunnat 36 Rak'at Hain. Kaha Gaya Ki Jo Shakhs Imaam Maalik Rahmatullah Alaih Ke Qaul Par Amal Karna Aur Unke Maslak Par Chalna Chahe To Munasib Hai Ki Yoo Amal Kare Jaisa Ki Imaam Aazam Ne Farmaya Ki 20 Rak'at Padhe Jaisa Ki Vah Sunnat Hai Aur Baaqi Tanha Tanha Padhe, Har 2 Salaam Par 4 Rak'at Padhe Yah Hamara Mazhab Hai. In Ibaarato Aur Hawalo Se Waazeh Hua Ki 36

Taraweeh Ki Rak'atein 20 Hain Aur 20 Hi Muakkadah Aur Sunnate Aen Hain, Isi Par Khulfa E Rashideen Aur Deegar Sahaba Ka Ijma'a Wa Ittifaq Hai. 8 Rak'at Ki Bid'at Gair Muqalledeen Ne Nikaali Hai. Musalmanon! Yah Gair Muqalledeen Apne Ko Ahle Hadees Batate Hain Magar Inka Amal Hadees Par Nahi. Agar Hadees Par Hota To 20 Padhte Ki Sarkar Sallallahu Ta'ala Alaihi Wa Sallam Ne Farmaya Hai : Meri Sunnat Ke Mutabiq Amal Karo Aur Hidayat Yaafta Khulfa E Rashideen Ki Sunnat Ko Apnao. Aur Khulfa E Rashideen Ne 20 Padhi Hai Aur Yah Gair Muqalledeen Unki Sunnat Ke Khilaaf Karte Hain. Note :- 20 Rak'at Taraweeh Ke Saboot Mein Jo Dalael Pesh Kiye Gaye Hain Yah Saari Baatein Ustaad E Muazzam Faqeehul Islam Huzoor Shere Nepal, Mufti Jaish Muhammad Siddiqui Barkati Saaheb Qibla Ki Kitaab Barkaatul Mafaateeh Se Li Gae Hain.

Aitikaaf Ke Fazael Wa Masael :-
Aitikaaf Ka Ma'ana : Lugat Mein Aitikaaf Ka
Ma'ana Rukna Aur Thaharna Hai Aur Shariyat
37

Mein Ibaadat Aur Qurbat Wa Sawaab Ki Niyyat Se Masjid Mein Thaharne Ko Aitikaaf Kahte Hain. (Bezaavi) Fazael :- Hazrat Abdullah Ibne Abbas Raziyallahu Anhuma Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Aitikaaf Mein Baithne Wala Gunahon Se Door Rahta Hai Aur Nekiyon Se Usko Is Qadr Sawaab Wa Ajr Milta Hai Jaise Usne Tamam Nekiyan Ki. (Ibne Maja) Hazrat Abdullah Ibne Abbas Raziyallahu Ta'ala Anhuma Ki Ek Riwayat Mein Yah Bhi Hai Ki Rasoolullah Sallallahu Ta'ala Alaihi Wa Sallam Ne Farmaya : Jo Koi ALLAH Ki Khushnoodi Ki Talab Mein Ek Din Ke Aitikaaf Mein Baithta Hai To ALLAH Ta'ala Uske Aur Dozakh Ke Darmiyaan 3 Khandaqein (Gadda, Kunva) Bana Dega Jinmein Se Har Ek Ki Masaafat Mashriq Wa Magrib Se Zyada Hogi. (Durre Mansoor) Hazrat Imaam Husain Raziyallahu Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya Jo Koi Ramzaan Ke 10 Din Aitikaaf Mein Baithta Hai To Vah Aisa Hai Jaise Usne 2 Haj Aur 2 Umre 38

Kiye. (Baihiqi) Aitikaaf Mein Baithne Walo Ko Chahiye Ki Apni Poori Tavajjoh ALLAH Tabarak Wa Ta'ala Ki Ibaadat Aur Uski Rahmat Wa Magfirat Ki Taraf Rakhe, Iske Siwa Kisi Cheez Ka Khyaal Dil Mein Aane Na De. Zikr Wa Fikr, Durood O Salaam Aur Tilawat E Qur'an Aur Sath Hi Nafl Namaz Maslan Salatuttasbeeh, Namaze Tahajjid, Ishraaq Aur Chaasht Wagairah Ki Namazon Mein Masroof Rahe. Hazrat Ata Farmate Hain Ki Aitikaaf Mein Baithne Wale Ki Misaal Us Aadmi Ki Tarah Hai Jisko Kisi Shakhs Se Haajat Ho Aur Kahta Ho Ki Mein Us Waqt Tak Yahan Se Nahi Hilunga Jab Tak Meri Haajat Poori Na Ho Jaye Isi Tarah Aitikaaf Mein Baithne Wala Kahta Hai Mein Us Waqt Tak Nahi Hilunga Jab Tak Meri Magfirat Na Ho Jaye. (Al Mabsoot)

Aitikaaf Ki Qismein Aur Ahkaam :- (1) Wajib Aitikaaf : Yah Vah Aitikaaf Hai Jiski Nazr Mani Jaye, Maslan Aadmi Kahe Ki ALLAH Ki Raza Ke Liye Ek Din Ya Ek Hafta Ya Ek Maah Ka Roza Rakhunga Ya Nazr Mane Ki Agar Mera Falan 39

Kaam Ho Jaye To Itne Din Ya Fala Din Aitikaaf Mein Baithunga. Is Aitikaaf Ke Liye Roza Shart Hai, Bagair Roza Sahi Nahi. (2) Sunnat Aitikaaf : Yah 20 Ramzaan Se Sooraj Doobne Ke Waqt Se 30vi Ko Sooraj Doobne Ke Baad Ya 29vi Ko Chand Hone Tak Hai. Hukm : Yah Aitikaaf Sunnate Kifaaya Hai Agar Sab Chhod De To Sab Gunahgaar Aur Ek Ne Bhi Kar Liya To Sab Bach Jayenge. Mas'ala : Is Aitikaaf Ke Liye Bhi Roza Zaruri Hai. Warna Aitikaaf Nahi Hoga. (3) Mustahab Aitikaaf : Wajib Aur Sunnat Aitikaaf Se Juda Jo Aitikaaf Kiya Jaye Vah Mustahab Hai Uske Liye Roza Shart Nahi. Aur Na Uske Liye Waqt Muqarrar Hai Jab Bhi Masjid Mein Daakhil Ho Aitikaaf Ki Niyyat Kar Le Aitikaaf Ka Sawaab Mil Jayega. Mas'ala : Mard Ke Aitikaaf Ke Liye Masjid Zaruri Hai Aur Aurat Apne Ghar Ki Us Jagah Mein Aitikaaf Kare Jo Jagah Usne Namaz Ke Liye Muqarrar Ki Hai. 40

Mas'ala : Aitikaaf Karne Wala Raat Din Masjid Hi Mein Rahe, Vahi Khaye Peeye Aur Soye. In Kaamo Ke Liye Masjid Se Bahar Hoga To Aitikaaf Toot Jayega. Mas'ala : Agar Nafl Aitikaaf Tod De To Uski Qaza Nahi Aur Sunnate Muakkadah Aitikaaf Toda To Jis Din Ka Toda Sirf Usi Din Ki Qaza Karein Aur Wajib Aitikaaf Ko Toda To Agar Kisi Muqarrar Mahine Ki Mannat Mani Thi To Baaqi Dino Ki Qaza Karein Aur Agar Musalsal Aitikaaf Ki Niyyat Mani Thi To Sire Se Fir Se Aitikaaf Kare Aur Agar Musalsal Aitikaaf Mein Baithne Ki Nazr Nahi Mani Thi To Baaqi Ka Aitikaaf Kar Le.

Shabe Qadr Ka Bayaan :- Shabe Qadr Ya Laylatul Qadr Jo 1000 Mahino Se Afzal Wa Bartar Hai Vahi Raat Hai Jismein ALLAH Tabarak Wa Ta'ala Ne Apne Aakhri Nabi Huzoor Aqdas Muhammad E Arbi Sallallahu Ta'ala Alaihi Wa Sallam Par Hidayat Wa Rahbari Aur Anwaro Barkaat Wali Kitaab Qur'an E Majeed Naazil Farmaya, Jiske Sirf Ek 41

Harf Tilawat Karne Par 10 Nekiyan Ata Ki Jati Hain, Jiske Yaad Karne Aur Uske Ahkaam Par Amal Karne Wale Ke Walidain Ke Sar Par Baroze Qiyamat Taaj Rakha Jayega Jiski Roshani Ke Aage Chand Wa Sooraj Ki Roshani Feeki Pad Jayegi. Yah Vahi Muqaddas Qur'an Hai Jo Rab Ki Bargaah Mein Qiyamat Ke Din Iski Tilawat Karne Wale Ki Sifarish Kara Kar Daakhile Jannat Karayega. Chunanche Shabe Qadr Ki Fazeelat Mein ALLAH Ta'ala Ka Irshad Hai. Tarjama : Beshak Ham Ne Ise Shabe Qadr Mein Utaara Aur Tumne Kya Jana Shabe Qadr Kya Hai, Shabe Qadr 1000 Mahino Se Behtar Hai, Usme Firishte Aur Jibreel Utarte Hain Apne Rab Ke Hukm Se Har Kaam Ke Liye, Vah Salaamati Hai Subah Chamakne Tak.

Shaan E Nuzool :-
Bayaan Karte Hain Ki Bani Israel Mein Ek
Shakhs Tha Jo Raat Mein Subah Tak Ibaadat
Karta Aur Din Bhar Shaam Tak ALLAH Ki
Raah Mein Dushmano Se Jihaad Kiya Karta
42

Tha, Usne Yah Amal 1000 Mahino Tak Kiya To ALLAH Ta'ala Ne Yah Soorat Naazil Farmai Aur Farmaya Ki Shabe Qadr Mein Ibaadat Karna Us Aadmi Ke 1000 Maah Ki Ibaadat Se Behtar Hai. (Durre Mansoor Jild 6 Safa 629, Tafseere Tabri Jild 30 Safa 214) Hazrat Ali Bin Arvah Raziyallahu Anhu Bayaan Karte Hain Ki Ek Din Rasoolullah Sallallahu Ta'ala Alaihi Wa Sallam Ne 4 Aabido Ka Zikr Kiya Jinhone 80 Saal ALLAH Ki Ibaadat Mein Guzaar Diye Aur Ek Lamha Bhi Uski Nafarmani Nahi Ki. Aap In 4 Hazraat Hazrat Ayyub Alaihissalam, Hazrat Zakariya Alaihissalam, Hazrat Hizqeel Bin Al Ajooz Alaihissalam Aur Hazrat Yoosh'a Bin Noon Alaihissalam Ka Zikr Kiya. Sahaba E Kiraam Ko Yah Sunkar Ta'ajjub Hua, Hazrat Jibreel Alaihissalam Aapki Khidmat Mein Haazir Huye Aur Arz Ki Ya Rasoolullah! Aapki Ummat Ko Un Logon Ki 80 Saala Ibaadat Par Ta'ajjub Hua, ALLAH Ta'ala Ne Aap Par Usse Behtar Cheez Naazil Farmae Hai. Fir Unhone Is Soorat Ki Tilawat Ki. Yani Is Ek Raat Ki Ibaadat Us Amal Se Afzal Hai Jis 43

Par Aap Sallallahu Ta'ala Alaihi Wa Sallam Aur Aapki Ummat Ne Ta'ajjub Ka Izhaar Kiya. Is Par Rasoolullah Sallallahu Ta'ala Alaihi Wa Sallam Aur Sahaba E Kiraam Bahut Khush Huye. (Durre Mansoor Jild 6 Safa 629, Ruhul Ma'ani Jild 30 Safa 192,193)

Shabe Qadr Naam Kyun ? :- Tafseer Khazaenul Irfan Mein Hai : Shabe Qadr Sharaf Wa Barkat Wali Raat Hai, Isko Shabe Qadr Is Liye Kahte Hain Ki Is Shab Mein Saal Bhar Ke Ahkaam Naafiz Kiye Jate Hain Aur Firishton Ko Saal Bhar Ke Wazaef Aur Khidmaat Par Lagaya Jata Hai. Yah Bhi Kaha Gaya Hai Ki Is Raat Ki Sharafat Wa Qadr Ke Baes Ise Shabe Qadr Kahte Hain Aur Yah Bhi Manqool Hai Ki Choonki Is Shab Mein Aamaale Saaliha Manqool Hote Hain Aur Bargaah E ilaahi Mein Unki Qadr Ki Jati Hai Is Liye Isko Shabe Qadr Kahte Hain. Fazael E Shabe Qadr :- Shabe Qadr Nihayat Hi Azmat Aur Sharaf Wa Qadr Wali Raat Hai Jo 1000 Mahino Se Behtar Hai, Jismein Hazrat Jibreel Alaihissalam 44

Firishton Ki Jhurmut Ke Sath Rahmat Ka Payaam Aur Rahmat Wa Anwaar Ka Tohfa Lekar Zameen Par Utarte Hain Aur Har Khade Ya Baithe Ibaadat Karne Wale Mard Wa Auraton Ke Liye Dua E Magfirat Karte Hain. Chunanche Hazrat Ali Raziyallahu Ta'ala Anhu Farmate Hain Ki Is Raat Firishte Naazil Hote Hain Aur Vah Is Raat Namaz Padhne Walo Ke Qareeb Se Guzarte Hain To Un Firishton Ka Guzarna Namaziyon Ke Liye Ba Barkat Hota Hai. (Durre Mansoor, Fazael E Aauqaat) Yah Raat Sarasar Amno Salamati Wali Hai, Ismein Shaitaan Na To Koi Bura Amal Kar Sakta Hai Aur Na Hi Kisi Ko Nuqsaan Wa Takleef Pahuncha Sakta Hai. Is Raat Ko Jo Banda Imaan Aur Khaalis Niyyat Ke Sath ALLAH Ta'ala Ki Ibaadat, Zikro Azkaar, Tasbeeho Tahleel, Aaurado Wazaef Aur Tilawat E Qur'ane Majeed Mein Guzaarta Hai Beshak Vah ALLAH Ta'ala Ke Azaab Aur Uske Qahar Wa Gazab Se Najaat Wa Salamati Ka Parwana Haasil Kar Leta Hai, Uske Tamam Chhote Gunaah Uske Buraiyon Ke Daftar Se Mita Diye Jate Hain Aur Is Raat Ki Qadr Ki Wajah Se Bade Gunahon Mein Takhfeef Kar Di 45

Jati Hai Agar Banda Gunaah E Kabeera Se Bhi Taubah Kar Le Aur Aainda Gunahon Se Bachne Ka Ahad Kar Le To Yaqeenan Chhote Bade Saare Gunaah Mita Diye Jate Hain Aur Unki Jagah Nekiyan Likh Di Jati Hain. Yah Kis Qadr Masarrat Wa Fakhr Ki Baat Hai Ki Is Raat Ke Aane Par Hamare Behad Gunaah Ke Bavajood ALLAH Ke Masoom Firishte Hamari Mulaqaat Ki Tamanna Karte Hain Aur Jab Rab Ta'ala Ki Taraf Se Izazt Mil Jati Hai To Zameen Par Utar Aate Hain. Hazrat Imaam Raazi Rahmatullah Alaih Likhte Hain Ki ALLAH Ta'ala Ne Wada Farmaya Hai Ki Aakhirat Mein Firishte Musalmanon Ki Ziyarat Karenge Aur Aakar Salaam Pesh Karenge, Firishte Jannat Ke Har Darwaaze Se Unke Paas Aayenge Aur Aakar Salaam Karenge Aur Lailatul Qadr Mein Yah Zahir Farmaya Ki Agar Tum Meri Ibaadat Mein Mashgool Ho Jao To Aakhirat To Alag Rahi Duniya Mein Bhi Firishte Tumhari Ziyaarat Ko Aayenge Aur Aakar Duniya Mein Bhi Tumko Salaam Karenge. (Tafseere Kabeer, Jild 8 Safa 446) Aapne Mulaahza Kar Liya Ki Shabe Qadr Ki Fazeelat Mein ALLAH Ta'ala Ne Soore Qadr Naazil Farmaya Aur Khud Rasoolullah 46

Sallallahu Ta'ala Alaihi Wa Sallam Ne Farmaya Ki Maahe Ramzaan Mein Ek Aisi Raat Hai Jo 1000 Mahino Se Afzal Hai, Jo Is Raat Bhi Bhalai Se Mahroom Rah Gaya Vah Bad Qismat Hai. (Musnad Imaam Ahmad Jild 2 Safa 230) Choonki Lailatul Qadr Ki Ibaadat 1000 Mahino Ki Ibaadat Ke Barabar Hai, Is Liye Us Muqaddas Raat Mein Khoob Kasart Ke Sath Ibaadat Karni Chahiye Aur Is Raat Ki Fazeelato Aur Barkaat Wa Anwaar Ko Apne Daaman Mein Sametne Ki Poori Koshish Karni Chahiye Huzoor Sallallahu Ta'ala Alaihi Wa Sallam Ne Farmaya : Jo Shakhs Imaandari Aur Nek Niyati Se Is Raat Qayaam Karega Uske Pichhle Tamam Gunaah Maaf Kar Diye Jayenge. (Muslim Jild 1 Safa 524, Mishkat Safa 173) Hazrat Anas Raziyallahu Ta'ala Anhu Farmate Hain Ki Shabe Qadr Mein Amal, Sadqa, Namaz Aur Zakaat 1000 Mahino Se Behtar Hai. (Durre Mansoor, Jild 6 Safa 628) Ummate Muhammadiya Ki Yah Imtiyaazi Azmat Wa Fazeelat Hai Ki ALLAH Ta'ala Ne Ise Bahut Se Aisi Khoobiyon Aur Khasaaes Se Nawaza Jo Sharaf Kisi Aur Ummat Ko Haasil 47

Nahi Hua. Unhi Khasaaes Mein Se Yah Bhi Hai Ki ALLAH Ta'ala Ne Is Ummat Ko Uske Nabi Hazrat Muhammad E Arbi Sallallahu Ta'ala Alaihi Wa Sallam Ke Sadqe Mein Lailatul Qadr Jaisi Mubarak Raat Se Nawaza Jis Mein Sawaal Karne Wale Ko Mangne Se Siwa Ata Kiya Jata Hai, Ummeedwaar E Magfirat Ko Parwana E Najaat Wa Magfirat Aur Taubah Karne Wale Ko Taubah Ki Qabooliyat Ki Sanad Ata Ki Jati Hai. Hazrat Anas Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Beshak ALLAH Ta'ala Ne Shabe Qadr Meri Ummat Ko Hi Ata Farmae Hai, Agli Ummaton Mein Se Kisi Ko Yah Raat Ata Nahi Ki Gae. (Durre Mansoor Jild 6 Safa 371)

Firishte Zameen Par Utarte Hain :-
Hazrat Abdullah Bin Abbas Raziyallahu
Ta'ala Anhu Ne Huzoor Aqdas Sallallahu Ta'ala
Alaihi Wa Sallam Ko Farmate Suna Ki Jab
Shabe Qadr Aati Hai To ALLAH Ta'ala Hazrat
Jibreel Ko Hukm Deta Hai, Jibreel Firishton Ki
Jama'at Ke Sath Zameen Par Utarte Hain, Unke
Sath Ek Sabz Jhanda Hota Hai, Usko Vah

48

Khana E Ka'aba Ki Chhat Par Gaad Dete Hain Aur Vah Apne 600 Par Faila Dete Hain Jo Mashriq Se Magrib Tak Fel Kar Nikal Jate Hain, Unmein 2 Par Aise Hote Hain Jinhein Hazrat Jibreel Shabe Qadr Ke Alaawa Aur Raato Mein Nahi Lahrate. Jibreel Alaihissalam Firishton Ko Hukm Dete Hain Ki Ummate Muhammadiya Mein Fail Jao. Firishte Har Namazi Ibaadat Guzaar Aur Zikre ilaahi Karne Wale Ko Salaam Karte Hain, Unse Musaafah Karte Hain Aur Dua Ke Waqt Unke Sath Aameen Kahte Hain. Yah Soorate Haal Subah Tak Rahti Hai. Jab Subah Ho Jati Hai To Hazrat Jibreel Aawaaz Dete Hain : Aey Firishton Ki Jama'at! Wapasi Ke Liye Kooch Karo. Us Waqt Vah Firishte Kahte Hain Aey Jibreel! ALLAH Ne Ummate Muhammadiya Ki Haajato Ke Baare Mein Kya Kiya? Jibreel Jawaab Dete Hain : ALLAH Ne Un Par Rahmat Ki Nazar Farmae, Unko Maaf Kar Diya Aur Bakhsh Diya Siwa E 4 Aadmiyon Ke Jo Yah Hain- (1) Sharab Peene Wala (2) Walidain Ki Nafarmani Karne Wala (3) Rishta Todne Wala Aur (4) Bugz Wa Adawat Rakhne Wala. (Tambihul Gafilin Safa 184, Gunyatut Taalibin)

49

Ek Hairat Angez Riwayat :- Hazrat Ka'ab Al Ahbaar Raziyallahu Ta'ala Anhu Farmate Hain Ki Sidratul Muntaha 7ve Aasmaan Par Hai, Uske Sath Muttasil Hi Jannat Hai Aur Yah Duniya Wa Aakhirat Ke Darmiyaan Hadde Faasil Hai, Uske Upar Jannat Hai, Uski Shakhein Kursi Ke Neeche Hain Usmein Be Shumaar Firishte ALLAH Ki Ibaadat Mein Mashgool Hain, Unki Tadad ALLAH Ke Siwa Koi Nahi Jaanta, Uski Shakhon Par Be Shumaar Firishte Hain, Uske Beech Mein Hazrat Jibreel Alaihissalam Ka Muqaam Hai, ALLAH Ta'ala Jibreel Alaihissalam Ko Hukm Deta Hai Ki Vah Har Lailatul Qadr Ko Un Firishton Ke Sath Utre Jo Sidratul Muntaha Mein Rah Rahe Hain, Un Firishton Ko Ahle Imaan Ke Liye Raafat Wa Rahmat Ata Ki Jati Hai, Yah Tamam Firishte Jibreel Alaihissalam Ke Sath Sooraj Guroob Hone Ke Waqt Zameen Par Utarte Hain, Us Raat Zameen Ke Har Goshe Mein Koi Na Koi Firishta Hota Hai, Vah Ya To ALLAH Ki Bargaah Mein Sajda Rez Hota Hai Ya Ahle Imaan Ke Liye Dua Mein Mashgool Hota Hai Magar Girja Ghar, Yahoodiyon Ki Ibaadat 50

Gaahein, Aatish Kade, But Khane Aur Jis Jagah Gandangi Fenki Jati Hai Ya Jis Ghar Mein Nashe Wala Ho Ya Nashe Ki Cheez Ho Aur Jis Ghar Mein But Nasab Kiya Gaya Ho Ya Jismein Ghanti Rakhi Hue Ho Ya Koi Aur Mujassama Ho Ya Vah Kooda Qarkat Daalne Ki Jagah Ho, Vahan Rahmat Ke Firishte Daakhil Nahi Hote. Yah Firishte Tamam Raat Ahle Imaan Mard Aur Auraton Ke Liye Dua Karte Rahte Hain. Hazrat Jibreel Alaihissalam Bhi Tamam Momineen Se Musaafah Karte Hain, Uski Alaamat Ya Nishaani Yah Hai Ki Jis Momin Se Aap Musaafah Karte Hain Usmein Uske Jism Ki Rooye Khadi Ho Jati Hain, Uska Dil Narm Ho Jata Hai Aur Uski Aankhon Se Aansoo Bahne Lagte Hain. Hazrat Ka'ab Al Ahbaar Raziyallahu Ta'ala Anhu Farmate Hain : Jo Shakhs Lailatul Qadr Mein 3 Dafa (Martaba) 'La ilaaha illallah' Padhta Hai, Pahli Dafa Padhne Se ALLAH Ta'ala Uske Tamam Gunaah Maaf Kar Deta Hai, Doosri Dafa Padhne Se Use Naare Jahannam Se Aazaadi Ka Parwana Ata Farmata Hai Aur Teesri Dafa Padhne Se Use Jannat Mein Daakhil Farma Deta Hai. Raawi Ne 51

Hazrat Ka'ab Al Ahbaar Raziyallahu Anhu Se Poochha Aey Aboo Is'haaq Jo Shakhs Sachche Dil Se Kalma Padhega Use Yah In'aam Milega? Unhone Farmaya : Lailatul Qadr Mein Is Kalme Ko Vahi Padhta Hai Jis Ka Dil Sachcha Ho. Qasam Hai Us Zaat Ki Jiske Qabza E Qudrat Mein Meri Jaan Hai. Yah Kalma Us Raat Kaafir Aur Munafiq Par Bada Bhaari Padta Hai Jaise Kisi Ne Uski Kamar Par Pahaad Rakh Diya Ho. Subah Tuloo'a Hone Tak Firishte Isi Tarah Zameen Par Rahte Hain. Tuloo'a Fazar Ke Baad Sabse Pahle Jibreel Alaihissalam Upar Chadhte Hain, Sooraj Ke Qareeb Jakar Apne Paro Ko Faila Dete Hain, Khusoosan Apne Un 2 Sabz Paro Ko Jo Vah Sirf Usi Waqt Failate Hain. Isi Wajah Se Us Waqt Sooraj Ki Roshani Feeki Pad Jati Hai, Fir Vah Ek Ek Firishte Ko Bulaate Hain Aur Vah Sabke Sab Firishte Upar Chadh Jate Hain, Un Firishton Ke Noor Aur Jibreel Alaihissalam Ke Donon Paro Ke Noor Se Sooraj Ki Roshani Feeki Pad Jati Hai. Hazrat Jibreel Alaihissalam Aur Unke Tamam Firishte Us Din Zameen Wa Aasmaan Ke Darmiyaan Ahle Imaan Ke Liye Dua Karte Rahte Hain, Yah Unke Liye Bhi Dua Karte Hain Jinhone 52

Ramzaan Ke Roze Imaandari Aur Saaf Niyyat
Ke Sath Rakhe Aur Yah Us Shakhs Ki Lambi
Umr Ki Bhi Dua Karte Hain Jis Shakhs Ke Dil
Mein Yah Khyaal Aaye Ki Agar Vah Aainda
Saal Tak Zinda Raha To Ramzaan Ke Roze
Rakhega. (Tafseer Ibne Kaseer Jild 4 Safa 919 Urdu)

Shabe Qadr Kab? :- Hazrat Ubaada Bin Saamit Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Yah Raat Zameen Ki Aakhri 10 Raato Mein Hoti Hai. Jo Shakhs ALLAH Ta'ala Ki Khushnoodi Ke Liye Usmein Qayaam Karta Hai Uske Agle Pichhle Gunaah Maaf Kar Diye Jate Hain. Yah Taaq Raat Hai, 27, 29, 25, 23 Ya 21 Hai. Rasoolullah Sallallahu Ta'ala Alaihi Wa Sallam Farmate Hain : Is Raat Ki Nishaani Yah Hai Ki Yah Raat Bilkul Saaf Aur Roshan Hoti Hai Aise Maloom Hota Hai Ki Usmein Chand Chamak Raha Ho, Usmein Sardi Hoti Hai Na Garmi, Subah Tak Us Raat Ko Koi Sitaara Nahi Toot'ta, Uski Ek Nishaani Yah Bhi Hai Ki Jab Subah Sooraj Tuloo'a Hota Hai To Uski Shuaa E Tez Nahi Hoti Balki 14vi Ke Chand Ki Tarah 53

Hota Hai, Us Din Sooraj Ke Sath Shaitaan Nahi
Nikalta. (Musnad Imaam Ahmad Jild 5 Safa 324)
Hazrat Abdullah Ibne Umar Raziyallahu
Anhuma Bayaan Karte Hain Ki Rasoolullah
Sallallahu Ta'ala Alaihi Wa Sallam Ne Farmaya
: Jo Shakhs Shabe Qadr Ko Dhoondhna Chahta
Hai Vah Usko Aakhri Ashre Mein Talaash
Kare. (Muslim Jild 1 Safa 369)

Shabe Qadr Kaun Si Raat Hain? :- Mahboobe Subhani, Gause Samdaani, Shahbaze La Makaani Huzoor Gause Aazam Shaikh Abdul Qadir Jilani Rahmatullah Ta'ala Alaih Farmate Hain : Shabe Qadr Ko Ramzaan Shareef Ke Aakhri Ashre Mein Talaash Kiya Jaye (Yani 20 Taarikh Se Aakhri Taarikh Tak) In Taarikho Mein Zyada Mash'hoor 27vi Shab Hai. Imaam Maalik Ke Nazdeek Kisi Taarikh Ka Ta'ayyun Wusooq (Aitimaad) Ke Sath Nahi Kiya Ja Sakta, Aakhri Ashre Ki Sab Raatein Barabar Hain. Imaam Shafai Ke Nazdeek 21vi Raat Zyada Qabile Aitimaad Hai. Ek Qaul Hai Ki 29vi Raat, Yahi Ummul Momineen Hazrat Aaysha Siddiqa Raziyallahu Ta'ala Anha Ka Maslak Tha. Hazrat Aboo Marvah 23vi Raat Ke 54

Qael The. Hazrat Aboo Zar Aur Hazrat Hasan Raziyallahu Anhuma Ne Farmaya Ki 25vi Raat Hai. Hazrat Bilaal Raziyallahu Ta'ala Anhu Ne Nabi E Kareem Sallallahu Ta'ala Alaihi Wa Sallam Se Riwayat Ki Hai Ki Vah 24vi Raat Hai. Hazrat Ibne Abbas, Hazrat Ubaie Bin Ka'ab Raziyallahu Ta'ala Anhuma Ne Farmaya Ki Vah 27vi Raat Hai. (Gunyatut Taalibin Safa 361 Urdu)

Mash'hoor 27vi Raat Hai :- Shabe Qadr Ramzaan Ki Kis Taarikh Ko Hai, Is Baare Mein Ikhtilaaf Hai Aur Bahut Si Riwayatein Waarid Hain Jinki Taraf Ishaara Huzoor Gause Aazam Raziyallahu Ta'ala Anhu Ne Farma Diya. Iske Alaawa Doosre Hazraat Ne Kaha Ki Shabe Qadr Ramzaan Ke Aakhri 10 Raato Ke Alaawa Doosri Raato Mein Hai. (Tafseel Ke Liye Sharah Sahi Muslim Jild 3 Safa 209 Ka Mutala Karein). Magar Mash'hoor Aur Aksar Ulma Ki Raaye Yahi Hai Ki Ramzaan Ul Mubarak Ki 27vi Raat Shabe Qadr Hai. Dalael Aur Qaraen Mulaahza Ho : (1) Allama Qurtabi Farmate Hain Ki Shabe Qadr Ke Baare Mein Ikhtilaaf Hai Lekin

55

Aksariyat Is Par Hai Ki Shabe Qadr 27vi Raat Hai. (Tafseere Qurtabi Jild 20 Safa 134) (2) Imaam Fakharuddin Raazi Farmate Hain Ki Lailatul Qadr Ke 9 Huroof Hain Aur Iska Zikr (Soorah Qadr Mein) 3 Baar Hua Aur 3 Ka Haasil Zarab(3x9=27) 27 Hota Hai. (Is Liye Shabe Qadr 27vi Raat Ko Hai). (Tafseer Kabeer Jild 23 Safa 30) (3) Ek Daleel Yah Bhi Hai Ki Sooratul Qadr Mein 30 Kalemaat Hain, 27va Kalma "Hiya" Hai. (Tafseer Qurtabi Jild 20 Safa 136) (4) Hazrat Zir Bin Jubaish Raziyallahu Anhu Bayaan Karte Hain Ki Meine Hazrat Ka'ab Raziyallahu Anhu Se Kaha : Tumhare Bhai Hazrat Abdullah Ibne Mas'ood Raziyallahu Ta'ala Anhu Farmate Hain Ki Jo Shakhs Tamam Saal Qayaam Karega Vah Lailatul Qadr Ko Pa Lega. Hazrat Ka'ab Ne Farmaya ALLAH Ta'ala Ibne Mas'ood Par Raham Farmaye, Unka Iraada Yah Tha Ki Kahi Log Ek Raat Par Bharosa Karke Na Baith Jaye Warna Vah Khoob Jaante The Ki Shabe Qadr Ramzaan Mein Hai Aur Ramzaan Ke Aakhri Ashre Mein Hai Aur Vah Ramzaan Ki 27vi Raat Hai. Fir Unhone Bagair Insha ALLAH Kahe Qasam Kha Kar Kaha Ki 56

Shabe Qadr Ramzaan Ki 27vi Raat Hai Meine Kaha Aey Abul Manzar! Tum Yah Baat Itne Yaqeen Se Kis Wajah Se Kah Rahe Ho? Unhone Kaha, Us Daleel Ya Nishaani Ki Bina Jo Rasoolullah Sallallahu Ta'ala Alaihi Wa Sallam Ne Hamein Batlai Hai Aur Vah Yah Hai Ki Us Raat Ke Baad Jab Sooraj Tuloo'a Hota Hai To Usmein Shuaa E Nahi Hoti. (Muslim Jild 1 Safa 370, Musnad Imaam Ahmad Jild 5 Safa 130) (5) Hazrat Ibne Umar Raziyallahu Anhuma Bayaan Karte Hain Ki Ek Shakhs Ne Ramzaan Ki 27vi Raat Mein Shabe Qadr Ko Khwaab Mein Dekha, Rasoolullah Sallallahu Ta'ala Alaihi Wa Sallam Ne Farmaya : Mein Dekhta Hoon Ki Tumhara Khwaab Aakhri 10 Dino Mein Waqe'a Hua Hai Lihaza Shabe Qadr Ko Aakhri Ashrah Ki Taaq Raato Mein Talaash Karo. (Muslim Jild 1 Safa 369)

Shabe Qadr Ki Nafl Namazein :-
Aapne Hadees Padhi Ki Rasoolullah
Sallallahu Ta'ala Alaihi Wa Sallam Ne Farmaya
: Jo Shabe Qadr Mein Imaan Aur Nek Niyati Ke
Sath Qayaam Karega Yani Nafl Namazein

57

Padhega Uske Agle Pichhle Gunaah Maaf Kar Diye Jayenge. Is Liye Ramzaan Ke Aakhri Ashre Ki 21vi, 23vi, 25vi, 29vi Aur Khaas Kar 27vi Raat Khoob Ibaadat Aur Zikre ilaahi Mein Mashgool Rahein. Apne Gunahon, Kotahiyon Aur Lagzisho Ko Yaad Karke Rab Ki Bargaah Mein Khoob Girya Wa Zaari Aur Ummeed Wa Khauf Ke Aalam Mein Taubah Kare, Gunahon Ki Maafi Mange, Magfirat Talab Karein, Uski Rahmat Ko Apni Taraf Mut'vajjah Karein Aur Aainda Koi Gunaah Na Karne Ka Ahad Karein. Jab Is Kaifiyat Ke Sath ALLAH Ta'ala Ki Bargaah Mein Aap Haazir Honge To Insha ALLAH Aapki Taubah Qabool Hogi Aur Rahmato Anwaar Ki Baarishein Aap Par Chhamachham Barsengi. Baaz Saaliheen Aur Buzurgane Deen Se Is Raat Ki Ibaadat Ke Jo Tareeqe Manqool Hain Vah Yah Hain : (1) 2 Rak'at Padhe. (2) 10 Rak'at Padhe. (3) 100 Rak'at Padhe. (4) Zyada Se Zyada 1000 Rak'at Padhe. Tareeqa : 2, 2 Rak'at Padhe, Har Rak'at Mein Soorah Faatiha Ke Baad 'Inna Anzalnaahu Fi 58

Lailatil Qadr' Poori Soorat, Uske Baad 'Qul Huwallahu Ahad' Padhein Aur Har Rak'at Ke Baad Huzoor Alaihissalam Par Durood Shareef Padhein. (Ruhul Bayaan Jild 10 Safa 494) (5) 27vi Rajab Ki Raat Ho Ya 15 Sha'aban Ya Shabe Qadr Ki Raat Ya Koi Aam Raat. Isha Ke Baad 2 Rak'at Padhein Is Tarah Ki Har Rak'at Mein Soorah Faatiha 1 Baar Aur Soorah Ikhlaas 20 Baar Padhein. Fazeelat : ALLAH Ta'ala Uske Liye Jannat Mein 2 Mahal Banayega Jo Jannat Mein Rahne Walo Ko Nazar Aayenge. (Gunyatut Taalibin Safa 475 Urdu) (6) 12 Rak'at Padhein Namaz Se Faarig Hone Ke Baad 3 Baar Soorah Faatiha, 3 Baar Soorah Ikhlaas, Aur 3 Baar 'Subhanallahi Walhamdu Lillahi Wala ilaaha illallahu Wallahu Akbar' Padhein Fir Duae Mange. (Tambihul Gaafilin Safa 311) Note : Yah Namaz Aur Wazeefa Kisi Bhi Raat Padh Sakte Hain. Kyunki Maqsad ALLAH Ta'ala Ki Ibaadat Aur Uska Zikr Hai Magar Mubarak Raato Mein Inka Khaas Ahtimaam Karein Aur Khoob Lagan Aur Khuloos Ke Sath ALLAH Ki Ibaadat Aur Uski Yaad Mein

59

Masroof Rahein. In Baato Ka Khyaal Rahe :- Aap Kisi Bhi Mubarak Raato Ya Doosri Raato Mein Ibaadat Karna Chahein To In Baato Ka Khyaal Zarur Rahe Taaki Ibaadat Maqbool Ho Aur Us Par Ajro Sawaab Zyada Ho. (1) Rizqe Halaal. (2) Taubah Par Qaayam Rahein. (3) Azaab E ilaahi Ka Khauf. (4) ALLAH Ta'ala Ke Sawaab Ke Waado Ke Husool Ka Zauq Wa Shauq. (5) Mushtabah Rozi Se Parhez. (6) Gunahon Se Bachna. (7) Maut Ki Yaad Aur Aakhirat Ki Fikr. (8) Duniyavi Fikr Wa Gam Se Aazaadi. (9) Maut Ko Kasrat Se Yaad Karna. (10) Aakhirat Ko Faraamosh Na Karna. (11) Duniya Daaro Ki Muhabbat Se Dil Ka Khaali Hona. (Gunyatut Taalibin Urdu Safa 486)

Shabe Qadr Ke Wazaef :- (1) 'Allahumma Innaka Afuvvun Tuhibbul Afwa Fa'afu Anni' Baar Baar Padhein. (2) 'La ilaaha illallah' Khoob Kasrat Se

60

Padhein Ki Yah Afzal Zikr Hai. (3) Km Az Km 10 Aayaton Ki Tilawat Shabe Qadr Ki Niyyat Se Karein. (4) Qur'an E Majeed Ki Tilawat Mein Masroof Rahein Ki Tilawat E Qur'an Bahut Hi Aham Wazeefa Aur Afzal Wa Ba Barkat Zikr Hai. (5) Huzoor Alaihissalam Par Adab Wa Ahtiraam Ke Sath Durood Padhein Ki Yah Sa'adat Aur Khushnaseebi Ki Pahchan Hai. (6) 'Subhanallaahi Wa Bi Hamdihi Subhanallaahil Azeem' Iske Padhne Wale Ke Liye Jannat Mein Poda (Ped, Tree) Laga Diya Jata Hai. (7) 'Subhanallaahi Walhamdu Lillaahi Wala ilaaha illallahu Wallahu Akbar Wala Haula Wala Quvvata illa Billa Hil Aliyyil Azeem' (8) 'Allahummag Fir Li Warhamni Wahdini War Zukni Wa Aafini' (9) 'Astagfirullaha Rabbiyal Azeem La ilaaha illa Huwal Hayyul Qayyum Min Kulli Zambinv Wa Atoobu ilaihi La Haula Wala Quvvata illa Billa Hil Aliyyil Azeem'. 3 Baar (10) 'La ilaaha illallahu Wahdahu La Shareeka Lahoo, Lahul Mulku Walhul Hamdu 61

Wa Huwa Ala Kulli Shaien Qadir'. 10 Baar Fir Hatho Ko Uthakar Poori Tavajjoh Ke Sath Dua Mange Apne Liye, Walidain Ke Liye, Dost Wa Ahbaab, Bhai Bahan Ahlo Ayaal Aur Tamam Ummate Muslima Ke Liye, Apni Muradein Mange, Insha ALLAH Aap Ki Dua Qabool Hogi. Isliye Ki Jin Waqto Mein ALLAH Ta'ala Apne Bando Ki Dua Qabool Farmata Hai Unmein Shabe Qadr Bhi Hai. Aur ALLAH Ta'ala Ne Wada Farmaya Hai Jo Banda Usse Dua Karega Uski Dua Zarur Qubool Farmayega Basharte Ki Banda Apne Rab Ki Farmabardari Kare, Uska Hukm Maane Aur Us Par Imaan Rakhe Jaisa Ki Soorah Bakarah Aayat No. 186 Mein Irshad Hua. Note : Agar Aapke Zimme Farz Namazein Hain To Pahle Unhein Ada Karein Inka Ada Karna Zaruri Hai.

Is Gada Ki Guzaarish :-
Mere Buzurgon! Mere Karam Farma Jab Aap
Makhsoos Ibaadat Mein Masroof Ho Aur Aapki
Aankhein Nam Ho Jaye, Dua Ke Liye Hath
Uthaaye To Apni Dua Mein Meri Waalida
62

Mohtarma Azeema Khatoon, Waalid E Mohtaram Maulana Muhammad Zameeruddin Qadri Aur Meri Beti Shagufta Faatima Urf Tarannum Faatima Ko Yaad Rakhein Inki Daraaziye Umr Aur Magfirat Ki Dua Karein. ALLAH Aapke Walidain Aur Aapki Umr Wa Amal Mein Be Panaah Barkatein Ata Farmaye. Aameen.

Eid Ul Fitr Aur Sadqa E Fitr :- ALLAH Ta'ala Irshad Farmata Hai : Rozo Ki Ginti Poori Karo Aur ALLAH Ki Badai Bolo Ki Usne Tumhein Hidayat Farmae. Tafseer : Is Aayat Ke Pahle Hisse Ki Tafseer Wa Tauzeeh Pahle Bayaan Ho Chuki Hai Jismein Bataya Gaya Tha Ki Ramzaan Ul Mubarak Ka Vah Muqaddas Mahina Hai Jismein ALLAH Ta'ala Ne Apne Muqaddas Aur Aakhri Nabi Muhammad Sallallahu Ta'ala Alaihi Wa Sallam Par Apni Aakhri Kitaab Ramzaan E Mubarak Ki Sabse Afzal Wa Ba Barkat Shab Shabe Qadr Mein Utaari Jiski Fazeelat Mein Mut'addid Ahadees Waarid Hue Hain, Balki Khud ALLAH Tabarak Wa Ta'ala Ne Is Shab Ki Taarif Bayaan Farmae Hai. 63

Chunanche Aayat Ke Pahle Hisse Mein Yah Bhi Bayaan Hua Ki Ramzaan Ul Mubarak Ke Maah Mein Musalmanon Par Is Maah Ke Roze Farz Huye Jo Islam Ke Paanch Buniyaadi Arkaan Mein Se Ek Rukn Hai, Be Ujr Chhodne Wala ALLAH Ki Bargaah Ka Mujrim Aur Gunahgaar Hoga. Aur Ab Is Hisse Mein Bayaan Hua Ki Jab Poore Maahe Ramzaan Ke Roze Rakh Chuka To Ab Tum Shukrane Ke Taur Par ALLAH Ta'ala Ki Takbeer Wa Tamjeed Bayaan Karo, Jiska Behtareen Tareeqa Yah Hai Ki Jab Shawwal Ka Chand Nazar Aa Jaye To Eidgaah Jakar 2 Rak'at Namaz Padho Aur Raaste Bhar Apni Zabaan Ko ALLAH Ki Badai Aur Paaki Wa Buzurgi Bayaan Karne Mein Mashgool Rakho, Us Din Sadqa E Fitr Bhi Ada Karo. Chunanche Ek Jagah Irshad E ilaahi Hua- Tarjama : Beshak Usne Falaah (Kamyaabi) Pai Jisne Apne Aapko Paak Kiya Aur Apne Rab Ke Naam Ka Zikr Karta Raha Aur Namaz Padhta Raha. (Al Aa'ala Aayat 14,15) In Aayaton Ki Tafseer Mufassireen Ne Zakaat Aur Panj Waqta Namaz Se Farmae Hai Aur Farmaya Ki Paak Karne Se Muraad Zakaat Hai Aur Namaz Padhne Se Muraad Panj Waqta 64

Namaz Ki Pabandi Uske Waqto Par Hai. Jab Ki Doosre Mufassireen Ne Iski Tafseer Sadqa E Fitr Aur Namaze Eid Ul Fitr Se Ki Hai Aur Farmaya Ki Vah Shakhs Kamyaab Aur Falaah Wala Ho Gaya Jisne Sadqa E Fitr Ada Kiya Aur Namaze Eid Ul Fitr Ada Ki. Hazrat Aboo Khaldah Raziyallahu Ta'ala Anhu Bayaan Karte Hain Ki Mein Hazrat Abul Aaliya Raziyallahu Ta'ala Anhu Ki Khidmat Mein Haazir Hua To Unhone Farmaya Kal Jab Tum Eid Ki Namaz Padhne Jao To Mujhse Milte Jana. Jab Mein Aapki Khidmat Mein Haazir Hua To Farmaya Ki Kya Tum Ne Kuch Khaya Hai? Meine Arz Ki, Haan. Fir Poochha : Kya Tum Ne Gusl Kiya Tha? Meine Arz Ki, Haan. Farmaya : Mujhe Sadqa E Fitr Ke Baare Mein Batao. Meine Arz Ki Ki Meine Sadqa E Fitr Ada Kar Diya Hai. Farmaya : Meine Tumhein Isi Liye Bulaya Tha. Fir Aapne Yah Aayate Kareem Tilawat Farmae Aur Farmaya Madeena Wale Sadqa E Fitr Aur Musafiron Ko Paani Pilaane Ke Amal Ko Bahut Afzal Maante The. (Durre Mansoor Jild 6 Safa 569, Tafseer Tabri Jild 3 Safa 156)

65

Hazrat Aboo Saed Khudri Raziyallahu Ta'ala Anhu In 2 Aayaton Ki Tafseer Mein Farmate Hain Ki Jisne Namaze Eid Se Pahle Sadqa E Fitr Ada Kiya Aur Fir Namaze Eid Ke Liye Nikla Aur Inhi Se Marvi Hai Ki Huzoor Sallallahu Ta'ala Alaihi Wa Sallam In Aayaton Ki Tilawat Farmate Aur Eid Ul Fitr Ke Din Eidgaah Tashreef Le Jaane Se Pahle Sadqa E Fitr (Logon Mein) Taqseem Farma Dete The. (Durre Mansoor Jild 6 Safa 568) Hazrat Naafe'a Hazrat Abdullah Ibne Umar Raziyallahu Ta'ala Anhuma Se Riwayat Karte Hain Ki Aapne Farmaya : Yah Aayat Namaze Eid Se Pahle Sadqa E Fitr Nikaal Dene Ke Baare Mein Naazil Hue Hai. (Durre Mansoor Jild 6 Safa 568) In Riwayaat Se Yah Baat Bakhoobi Waazeh Ho Jati Hai Ki Soorah Bakarah Ki Aayat No. 185 Ke Aakhri Hisse Mein Eid Ul Fitr Ki Fazeelat Ki Taraf Ishaara Hai Jiski Taed Soorah Al Aa'ala Ki Aayat No. 15 Se Bhi Ho Rahi Hai Aur Eid Ul Fitr Ke Din Sadqa E Fitr Nikaalne Ka Hukm Bhi Soorah Aa'ala Ki Aayat No. 14 Se Maloom Hua. Aap Zara Aayat No. 14 Aur 15 Ki Husne Tarteeb To Dekhiye Ki Pahle Sadqa 66

E Fitr Aur Fir Namaze Eid Ul Fitr Ko Bayaan Farmaya, Kyunki Namaze Eid Ul Fitr Se Pahle Sadqa E Fitr Ada Karna Zaruri Hai, Agarche Baad Namaz Bhi Ada Karega To Ho Jaye Magar Afzal Aur Behtar Namaz Se Pahle Ada Karna Hai.

Eid Ka Naam Eid Kyun Rakha? :- Huzoor Gause Aazam Raziyallahu Ta'ala Anhu Farmate Hain Ki Eid Ko Eid Is Liye Kahte Hain Ki ALLAH Tabarak Wa Ta'ala Eid Ke Din Apne Bando Ki Taraf Farhat Wa Khushi Ko Baar Baar Lata Hai Aur Eid Ka Ma'ana Baar Baar Aana Hai Is Liye Ise Eid Kahte Hain. Ya Yah Ki Us Din Banda Choonki Girya Wa Zaari (ALLAH Ki Bargaah Mein Aajizi Wa Inkisaari Ke Sath Gidgidaana) Ki Taraf Laut'ta Hai Aur Uske Aevaz ALLAH Ta'ala Bakhshish Wa Ata Ki Janib Ruzoo'a Farmata Hai Aur Farz Ke Baad Banda Sunnat Ki Taraf Palat'ta Hai, Maahe Ramzaan Ke Roze Rakhne Ke Baad Shawwal Ke 6 Rozo Ki Taraf Mut'vajjah Hota Hai, Is Liye Usko Eid Kahte Hain. (Gunyatut Taalibin Mulakhkhasan)

67

Taarikh E Eid :- Huzoor Sallallahu Ta'ala Alaihi Wa Sallam Ne Pahli Namaze Eid 2 Hijri Mein Apne Sahaba Ke Sath Ada Ki Fir Use Kabhi Tark Nahi Farmaya. Eid Ka Din Musalmanon Ke Liye Khushiyon Aur Masarrat Ka Din Hai, Us Din Log Ek Doosre Ko Mubarak Baadi Dete Hain Aur Apni Khushiyon Ka Izhaar Karte Hain. Eid Ul Fitr Islami Maah Ke 10ve Maah Shawwalul Mukarram Ki Pahli Taarikh Ko Ada Karte Hain. Jab Huzoor Alaihissalam Apne As'haab Ke Sath Hijrat Farma Kar Madeena Munavvara Tashreef Laaye To Dekha Ki Vahan Ke Baashinde Saal Mein 2 Din Khushi Mein Guzaarte Hain. Yah Dekhkar Aapne Musalmanon Ke Liye Bhi 2 Din Eid Ke Liye Muqarrar Farma Liya, Ek Eid Ul Fitr Aur Doosra Din Eiduzzuha (Bakra Eid) Hazrat Anas Raziyallahu Ta'ala Anhu Bayaan Karte Hain Ki Huzoor Sallallahu Ta'ala Alaihi Wa Sallam Jab Madeena Tashreef Laaye Us Waqt Madeena Wale 2 Din Khushi Manate. Aapne Farmaya : Yah Kya Hain ? Logon Ne Arz Ki : Zamana E Jahiliyat Mein Ham In Dino Mein Khushi Manate The. Huzoor Ne Farmaya : ALLAH Ta'ala Ne Uske Badle Mein Tumhein 68

Inse Behtar 2 Din Diye, Eiduzzuha Aur Eid Ul Fitr. (Aboo Daod Jild 1 Safa 161) Eid Ul Fitr Jise Musalman Shawwalul Mukarram Ki Pahli Taarikh Ko Ada Karte Hain Aur Eidgaah Jakar Apne Rab Ki Bargaah Mein Qubooliyate Roza E Ramzaan Ke Shukrane Mein 2 Gaana (2 Rak'at) Namaz Ada Karte Hain Aur Rab Ta'ala Apne Bande Ki Magfirat Farma Deta Hai Apne Firishton Ko Musalmanon Ke Liye Duae Magfirat Karne Par Muqarrar Farma Deta Hai, Us Din Ki Aur Eid Ul Fitr Ki Raat Badi Fazeelatein Aai Hain Eid Ul Fitr Ki Raat Ko In'aam Wali Raat Bhi Kaha Jata Hai Jismein Banda E Momin Apne Rab Ki Taraf Se In'aam Wa Ikraam Paata Hai. Eid Ul Fitr Ki Raat Aur Din Ki Fazeelat :- Hazrat Abdullah Ibne Abbas Raziyallahu Ta'ala Anhuma Ki Bayaan Karda Ek Lambi Hadees Mein Hai Ki Huzoor Alaihissalam Ne Farmaya Ki Jab Eid Ul Fitr Ki Raat Aati Hai To Use In'aam Wali Raat Kaha Jata Hai Aur Eid Ul Fitr Ki Subah Hoti Hai To ALLAH Ta'ala Tamam Shaharo Mein Firishton Ko Faila Deta Hai Jo Gali Koocho Mein Fail Jate Hain Aur Ailaan Karte Hain Jisko Jinn Wa Insaan Ke 69

Siwa Tamam Makhlooq Sunti Hai. (Vah Ailaan Yah Hai) Aey Ummate Muhammadiya! Rabbe Kareem Ki Taraf Chalo Vah Tumhein Ajre Azeem Ata Farmayega Aur Tumhare Bade Gunahon Ki Magfirat Farma Dega Aur Jab Log Eidgaaho Mein Aa Jate Hain To ALLAH Ta'ala Firishton Se Farmata Hai : Aey Mere Firishton! Us Mazdoor Ki Kya Ujrat Hai Jo Apna Kaam Poora Kare? Firishte Arz Karte Hain Ki Us Mazdoor Ko Poori Poori Ujrat Di Jaye. ALLAH Ta'ala Irshad Farmata Hai : Aey Firishton Mein Tumhein Gawaah Banata Hoon Ki Meine Unke Rozo Aur Raat Ki Namazon Ka Ajr Apni Khushnoodi Aur Unke Gunahon Ki Magfirat Bana Diya. Fir Farmata Hai Aey Mere Bando! Mujhse Mango, Mujhe Apni Izzat Wa Jalaal Ki Qasam! Aaj Tum Apni Aakhirat Ke Liye Mujhse Jo Mangoge Mein Tum Ko Vah Zarur Doonga Aur Jo Kuch Apni Duniya Ke Liye Mangoge Mein Uska Lihaaz Rakhunga. Meri Izzat Ki Qasam! Jab Tak Tum Mere Ahkaam Ki Nigahbani Karte Rahoge, Mein Tumhari Khatao Aur Lagzisho Ki Parda Poshi Karta Rahunga Aur Tum Ko Un Logon Ke Saamne Jin Par Saza Wajib Ho Chuki Hai Ruswa Nahi 70

Karunga, Tum Laut Jao Is Haal Mein Ki Tumhari Bakhshish Ho Gae, Tum Ne Mujhe Raazi Kiya, Mein Tum Se Raazi Ho Gaya. Firishte Yah Bashaarat Sunkar Khush Ho Jate Hain Aur Maahe Ramzaan Ke Khatme Par Ummate Muhammadiya Ko Yah Khush Khabri Sunate Hain. (Kanzul Ummal Jild 8 Safa 267 Wa 68, Tambihul Gaafilin Safa 184) Hazrat Anas Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Shabe Qadr Ko Jibreel E Ameen Firishton Ki Jama'at Ke Sath Zameen Par Utarte Hain Aur Har Us Shakhs Ke Liye Duae Magfirat Karte Hain Jo Khade Ya Baithe ALLAH Ta'ala Ka Zikr Kar Rahe Hote Hain Aur Jab Eid Ul Fitr Ka Din Aata Hai To ALLAH Ta'ala Apne Bando Se Firishton Par Fakhr Farmata Hai. Farmata Hai Ki Us Mazdoor Ki Kya Mazdoori Hai Jisne Apna Kaam Poora Kiya Ho? Firishte Arz Karte Hain : Aey Hamare Rab Uski Jaza (Badla) Yah Hai Ki Use Poora Ajr Diya Jaye. ALLAH Ta'ala Farmata Hai : Aey Mere Firishton! Mere Bando Aur Bandiyon Ne Mere Us Fareeze Ko Ada Kar 71

Diya Jo Meine Us Par Farz Kiya Tha. Fir Vah Dua Ke Liye Pukaarte Huye (Eidgaah) Nikle Aur Mujhe Apni Izzat Wa Jalaal, Karam Wa Balandi Aur Baland Martabe Ki Qasam Mein Zarur Unki Dua Qubool Karunga. ALLAH Ta'ala Farmata Hai : Aey Mere Bando! Laut Jao Meine Tumhein Bakhsh Diya Aur Tumhari Buraiyon Ko Nekiyon Mein Badal Diya. Huzoor Alaihissalam Ne Farmaya Ki Pas Log Is Haal Mein Wapas Hote Hain Ki Unki Bakhshish Ho Chuki Hoti Hai. (Mishkat Shareef Safa 182) Hazrat Abdullah Bin Mas'ood Raziyallahu Ta'ala Anhu Bayaan Karte Hain Ki ALLAH Ta'ala Ke Nazdeek Dino Mein Se 4 Din, Mahino Mein Se 4 Mahine, Auraton Mein Se 4 Auratein Mahboob Wa Pasandida Hain. Jo 4 Din ALLAH Ta'ala Ke Nazdeek Mahboob Wa Pasandida Hain Unmein Se Chautha(4) Din Eid Ul Fitr Ka Hai. Jab Bande Maahe Ramzaan Ke Roze Rakh Leta Hain Aur Eid Ki Namaz Padhne Bahar Nikalte Hain To ALLAH Ta'ala Firishton Se Farmata Hai Ki Har Kaam Karne Wala Ujrat Talab Karta Hai, Mere Bando Ne Mahina Bhar Roze Rakhe Aur Ab Eid Ke Liye 72

Nikle Hain Aur Apna Ajr Talab Kar Rahe Hain, Mein Tumhein Gawaah Banata Hoon Ki Meine Unhein Bakhsh Diya Hai Aur Pukaarne Wala Pukaar Kar Kahta Hai : Aey Muhammad Sallallahu Ta'ala Alaihi Wa Sallam Ki Ummat! Tum Laut Jao ALLAH Ta'ala Ne Tumhari Buraiyon Ko Nekiyon Mein Badal Diya Hai. (Tambihul Gaafilin Safa 190 Mulakhkhasan) Yah Fazael Wa Karamat Haasil Hue Hain Eid Ul Fitr Ke Din Ko, ALLAH Ta'ala Us Din Apne Tamam Bando Ki Magfirat Farma Deta Hai Jinhone Maahe Ramzaan Ke Roze Rakhe Aur ALLAH Ka Shukr Ada Karne Ke Liye Zabaano Par ALLAH Ki Takbeer Wa Tahmeed Aur Uski Paaki Wa Buzurgi Ki Daaliyan Sajaye Eidgaah Pahunchkar 2 Rak'at Ada Karte Hain Aur Rab Ki Bargaah Mein Dua Ke Liye Hath Uthaate Hain Aur Jab Bande Mahsoos Kar Lete Hain Ki ALLAH Ne Uske Roze Qubool Farma Liye Hain To Khushi Wa Masarrat Ki Laharein Unke Chehro Par Daudne Lagti Hai Aur Usi Khushi Ka Izhaar Ek Doosre Ko Mubarak Baadi Dekar Karte Hain Aur Usi Din Ka Naam Eid Ul Fitr Hai. Is Liye Musalmanon! Jab Hamare Eid Ka Din Aaye To Hamein Chahiye Ki Usi Tarah

73

Ham Use Manayein Jis Tarah Manane Ka Hukm Hai, Doosri Qaumo Ki Tarah Ham Gaane Bajaane, Raqs Wa Suroor Aur Khurafaat Wa Bid'at Mein Doob Kar Na Manaye, Eid Sirf Achche Umda Aur Lazeez Khano Wa Mashrubaat, Achche Kapde Zebtan Karne Aur Shahwat Wa Lazzat Se Lutf Andoz Hone Ka Naam Nahi Balki Musalmanon Ki Eid To ALLAH Ki Ta'at Wa Bandagi Mein Hoti Hai, ALLAH Se Parwana E Najaat Haasil Karne, Gunahon Ki Magfirat Karaane Mein Hoti Hai. Baaz Jagaho Par Dekha Gaya Hai Ki Eid Ki Namaz Ada Karne Ke Baad Log Imaam Saheb Ko Bade Dhoom Dhaam Ke Sath Ghodi Par Bithate Hain Yah Bahut Achchi Baat Hai Ki Log Apne Imaam Ki Taazeem Wa Tauqeer Karte Hain Magar Uske Sath Dhol Taashe Baaje Aur Naach Ka Hona Gunaah Aur ALLAH Wa Rasool Ki Narazgi Ka Kaam Hai. ALLAH Ke Rasool Sallallahu Ta'ala Alaihi Wa Sallam Ne Dhol Taashe Aur Baaje Bajaane Ko Shaitaani Kaam Farmaye Is Liye Hamein Is Khurafaati Kaam Se Bachna Chahiye. Sadqa E Fitr :- Pichhle Safa Mein Bayaan Ho Chuka Ki Jab 74

Namaze Eid Ke Liye Eidgaah Ko Nikle To Usse Pahle Sadqa E Fitr Nikaal Kar Mustaheqqeen Mein Taqseem Kar De, Jaisa Ki Huzoor Alaihissalatu Wassalaam Ka Mamool Tha Taaki Un Gurba, Fuqra Aur Masakeen Ki Jama'at Bhi Apni Khushi Ka Izhaar Kar Sakein. Hadees Shareef Mein Hai Ki Huzoor Sallallahu Ta'ala Alaihi Wa Sallam Ne Ek Shakhs Ko Bheja Ki Makka Ki Galiyon Mein Ailaan Kar De Ki Sadqa E Fitr Wajib Hai. (Tirmizi Jild 1 Safa 146) Hazrat Abdullah Bin Umar Raziyallahu Anhuma Bayaan Karte Hain Ki Rasoolullah Sallallahu Ta'ala Alaihi Wa Sallam Ne Sadqa E Fitr Muqarrar Farmaya Taaki Bekaar Aur Behooda Baat Se Roze Ki Taharat Ho Jaye Aur Miskeeno Ke Khane Ka Intizaam Ho Jaye. (Mishkat Safa 160) Hazrat Anas Raziyallahu Ta'ala Anhu Bayaan Karte Hain Ki Rasoolullah Sallallahu Ta'ala Alaihi Wa Sallam Ne Farmaya : Bande Ka Roza Aasmaan Wa Zameen Ke Beech Latka Rahta Hai Jab Tak Sadqa E Fitr Ada Na Kar De. (Kanzul Ummal Jild 4 Safa 316)

75

Sadqa E Fitr Ke Masael :- (1) Eid Ke Din Subah Saadiq Tuloo'a Hote Hi Sadqa E Fitr Wajib Hota Hai. (2) Sadqa E Fitr Har Musalman Aazaad Maalike Nisaab Par Jiska Nisaab Haajat E Asliya Se Faarig Ho Wajib Hai, Ismein Aaqil Wa Baalig Aur Maale Naami (Badhne Wala Maslan Sona Chandi Aur Tijarat Ka Maal) Hone Ki Shart Nahi. (3) Sadqa E Fitr Ki Miqdaar Yah Hai : Gehoo Ya Uska Aataa Ya Sattu Aadha Sa'a Khajoor Ya Munakka Ya Jau Ya Uska Aataa Ya Sattu Ek Sa'a. (4) Gehoo Ya Jau Sadqa E Fitr Mein Dene Se Uski Qeemat Dena Afzal Hai. (Bahare Shariyat Hissa 5 Safa 66-71) Note : Ek Sa'a Angrezi Wazan Se 4 Kilo Taqreeban 94 Gram Ka Aur Aadha Sa'a 2 Kilo Taqreeban 47 Gram Ka Hota Hai. (Fatawa Faizurrasool) Eid Ke Din Ke Mustahabbaat :- (1) Baal Banwana (2) Nakhoon Tarashwaana (3) Gusl Karna (4) Miswaak Karna

76

(5) Achche Kapde Pahanna. Naya Ho To Naya Warna Dhula. (6) Anguthi Pahanna (7) Khushboo Lagaana (8) Subah Ki Namaz Masjide Mauhalla Mein Padhna. (9) Eidgaah Jald Jana. (10) Namaz Se Pahle Sadqa E Fitr Ada Karna. (11) Eidgaah Ko Paidal Jana. (12) Doosre Raaste Se Wapas Aana. (13) Namaz Ko Jane Se Pahle Chand Khajoorein Kha Lena. 3, 5, 7 Ya Kamobesh Magar Taaq Ho, Khajoorein Na Ho To Koi Meethi Cheez Kha Lein. (14) Khushi Zaahir Karna. (15) Kasrat Se Sadqa Dena. (16) Eidgaah Ko Itminaan Wa Waqaar Aur Neechi Nigaah Kiye Jana. (17) Aapas Mein Mubarak Baad Dena. (Bahare Shariyat Hissa 4 Safa 106, Aalamgiri Jild 1 Safa 149)

77

Ho Sake To Yah Bhi Karein :- Eid Ke Din Jahan Khushi Wa Masarrat Ka Izhaar Karein, Ek Doosre Ko Mubarak Baadi Dein Vahi Apne Musalman Amwaat Ko Na Bhoolein Maa Baap Aur Doosre Rishtedar Aur Tamam Ummate Muslima Ko Jo Duniya Se Ja Chuke Hain Apni Dua'o Mein Yaad Rakhein, Unki Qabro Ki Ziyaarat Ko Jayein Aur Faatiha Padhkar Unhein Isaale Sawaab Karein. Huzoor Sallallahu Ta'ala Alaihi Wa Sallam Farmate Hain Ki Jis Shakhs Ne Eid Ke Din 300 Martaba 'Subhanallaahi Wa Bi Hamdihi' Padhi Aur Musalman Mayyat Ki Rooho Ko Uska Sawaab Hadya Kiya To Har Musalman Ki Qabr Mein 1000 Anwaar Daakhil Hote Hain Aur Jab Vah Marega ALLAH Ta'ala Uski Qabr Mein 1000 Anwaar Daakhil Farmayega. (Mukashfatul Quloob 710 Urdu) Aey ALLAH! Mujh Gada Ko Apne Rahmat Wale Habeeb Sallallahu Ta'ala Alaihi Wa Sallam Ke Tufail Maaf Farma Aur Meri In Tooti Footi Tahreer Mein Ho Jane Wali Galtiyon Ko Maaf Farma Is Risaale Ko Meri Magfirat Ka Zariya Bana, Imaan Par Zinda Rahne Aur Imaan Par Hi Khaatima Ata Farma. Aameen.

78

Gada E Mustafa Abul Itr Muhammad Abdussalaam Amjadi Barkaati (Taara Patti Nepal) Ustaaz : Jamia Gausiya Gareeb Nawaz, (Indore) 11 Sha'aban Ul Muazzam 1433 Hijri. Mutabiq 2 July 2012.

79