Karamaate Sahaba

Abde Mustafa Organisation ke baare mein

Abde Mustafa Organisation sana 2014 eiswi se Quraano
Sunnat ki taleemaat ko print media aur digital media ke
zariye aam karne ke maqsad ke tehat kaam kar rahi hai

• Humare departments aur activities Hum mukhtalif departments mein kaam kar rahe hain, jinki tafseel darje zel hai:

• Abde Mustafa Publications Ye humara main department hai jahan mukhtalif mauzuaat aur zubano mein kitabein shaya ki jaati hain, Humari publish ki gai kitabo ko padhne ke liye humari website par jaayein: www.abdemustafa.org

• Blog Hum mukhtalif mauzuaat aur zubano mein tehreerein shaya karte hain jo Ilmi aur Tehqeeqi hoti hain, Inhein humare blog par dekha ja sakta hai: amo.news/blog

• Sabiya Virtual Publication Ye platform virtual publishing ke liye hai yaani iske tehat kitabo ko digital formats mein internet par publish kiya jaata hai, Is platform se musalsal digital library mein kitabo ka izafa ho raha hai amo.news/books

• Roman Books Ye shoba Urdu kitabo ko Roman Urdu mein dhaalne ke liye hai, Daure haazir mein Roman Urdu ke badhte hue istemal ko madde nazar rakhte hue is project ka aaghaz kiya gaya hai

• E Nikah Matrimony Service Ye ek matrimonial service hai jo khaas Ahle Sunnat Wa Jama'at ke liye shuru ki gai hai, Is service ke zariye sunniyo ka nikah sunniyo se karwaya jaata hai, Ye service sunniyo mein rishte talash karne mein aasani faraham kar rahi hai, Register karne ke liye humari website par jaayein www.enikah.in

• Nikah Again Service Ye service ta'addude azwaaj yaani ek se zaaid nikah (polygamy) ko riwaaj dene ke liye shuru ki gai hai

• Technical Sunni
Technology se judi malumaat ko aam karne ke liye is muhim
ka aaghaz kiya gaya hai, Is mein hum ek munfarid andaaz
mein technology se related information ko pesh karte hain
taaki qaum usse faida utha sake

Mazeed malumaat ke liye ya kisi tarah ki shikayat darj karne ke liye bila jhijak hum se rabta karein

Abde Mustafa Organisation

Tamhidi Tajalliyan

Buzurgane Deen Ki Karamaton Ka Noorani Bayan Yoon To Har Daur Mein Humesha Hota Raha Aur Is Unwan Par Taqreeban Har Zabaan Mein Kitabein Bhi Likhi Jati Rahi Magar Is Zamane Mein Is Ka Charcha Bahut Zyada Badh Gaya Hai. Chunanche Tajarba Hai Ki Aksar Taqreer Karne Wale Apni Taqreeron Ki Mahfilon Mein Aur Beshtar Pirane Kibaar Apne Murideen Ki Majlison Mein Buzurgane Deen Ke Karamat Ke Zikr Se Mahfilon Ko Garm Kiya Karte Hain Aur Sunne Wale Ek Khaas Jazbe Ke Sath Sunte Rahte Hain Aur Kuch Musannifeen Aur Mazmoon Likhne Wale Bhi Is Unwan Par Apni Qalam Kariyon Ke Jauhar Dikha Kar Logon Se Khiraje Tahseen Hasil Karte Rahte Hain Aur Is Mein Zara Bhi Shak Nahi Ki Buzurgane Deen Ki Karamaton Ka Bayan Ek Aisa Asardar Aur Dil Kash Mazmoon Hai Ki Is Se Rooh Ki Napaki, Dil Mein Noore Imaan Aur Dil Dimag Ke Gosha Gosha Mein Imaani Tajalliyon Ka Saman Paida Ho Jata Hai Jis Se Ahle Imaan Ki Islami Rago Mein Ek Toofani Lahar Aur Badan Ki Boti Boti Mein Joshe Aamaal Ka Ek Irfani Jazba Ubharta Mahsoos Hota Hai, Isliye Mera Nazariya Yah Hai Ki Is Zamane Mein Buzurgane Deen Ki Ibadaton, Riyazaton Aur Un Ki Karamaton Ka Zyada Se Zyada Zikr Wa Bayan Aur Un Ka Charcha Musalmanon Mein Joshe Imaan Aur Jazba E Amal Paida Karne Ka Bahut Hi Asardar Zariya Aur Nihayat Hi Behtareen Tareeqa Hai. Lekin Karamat Ke Zikr Ke Silsile Mein Mere Nazdeek

Ek Waqiya Bahut Hi Hairatnak Balki Intihai Takleef Dene Wala Hai Ki Mut'akhireen Auliya E Kiraam Khaas Kar Majzoobon Aur Baba'o Ke Kashf Wa Karamat Aur Khaas Kar Daure Hazir Ke Peero Ki Karamaton Ka To Is Qadr Charcha Hai Ki Har Gali Wa Bazar Balki Har Makaan Wa Dukan, Hotalon Aur Chayekhanon Mein, Kitabon Aur Risalon Ke Panno Mein Har Jagah Is Ka Danka Baj Raha Hai Aur Har Taraf Is Ki Dhoom Machi Hui Hai Magar Afsos Ki Ummate Muslima Ka Wo Auliya Ka Giroh Jo Yaqeenan Tamam Ummat Mein 'Afzalul Auliya' Hai Yani Sahaba E Kiraam Un Ki Vilayat Wa Karamat Ka Kahi Bhi Koi Tazkira Aur Charcha Na Koi Sunata Hai Na Kahi Sunne Mein Aata Hai, Na Kitabon Aur Risalon Ke Panno Mein Milta Hai, Halanki Un Buzurgon Ki Vilayat Wa Karamat Ka Darja Is Qadr Buland Wa Baala Hai Ki Agar Tamam Duniya Ke Agle Wa Pichhle Auliya Ko Un Ke Naqshe Qadam Choom Lene Ki Khush Qismati Naseeb Ho Jaye To Un Ki Vilayat Wa Karamat Aur Buland Ho Jaye. Kyunki Haqeeqat Mein Yahi Hazraat To Vilayat Wa Karamati Hain Ki Un Ke Naqshe Qadam Pairvi Ke Bagair Vilayat Wa Karamat To Door Kisi Ko Imaan Bhi Naseeb Nahi Ho Sakta. Yah Log Bila Wasta Aaftabe Risalat Se Vilayat Ka Noor Hasil Karke Aasmane Vilayat Mein Sitaron Ki Tarah Chamakte Aur Karamat Ke Baag Mein Gulab Ke Phoolon Ki Tarah Mahakte Hain Aur Tamam Duniya Ke Auliya Un Ki Vilayat Ke Shahi Mahalon Ki Chaukhat Par Bhikari Ban Kar Vilayat Ke Noor Ki Bheek Mangte Rahte Hain. Allahu Akbar! Yah Wo Badi Aur Muqaddas Hastiyan

Hain Jo Huzoor E Anwar ﷺ Jalaal Wa Jamale Nubuwat Ko Apni Imaani Nazaron Se Dekh Kar Aur Habeeb E Khuda ﷺ Ke Sharfe Suhbat Se Sarfaraz Hokar Tamam Auliya E Ummat Mein Isi Tarah Nazar Aa Rahe Hain Jis Tarah Timtimate Huye Chiragon Ki Mahfil Mein Hazaron Power Ka Jagmagata Hua Bijli Ka Bulb Ya Sitaron Ki Baraat Mein Chamakta Hua Chand. Afsos Ki Na To Humare Muqarreene Kiraam Ne Apni Taqreeron Mein Sahaba E Kiraam Ki Karamaton Ka Bayan Kiya Na Humare Buzurgon Ne Apne Mureedon Ko Is Se Khabardar Kiya Na Humare Ulmaye Ahle Sunnat Ne In Unwan Par Kabhi Qalam Uthane Ki Zahmat Gawara Ki, Halanki Rafziyon Ke Muqabla Mein Zyada Se Zyada In Unwan Par Likhne Aur Is Ka Tazkira Aur Charcha Karne Ki Zarurat Thi Aur Aaj Bhi Hai Kyunki Humari Gaflaton Ka Yah Nateeja Hua Ki Humare Awaam Jante Hi Nahi Ki Sahaba E Kiraam Bhi Auliya Hain Aur Un Buzurgon Se Bhi Karamaton Ka Zuhoor Hua Hai. Haqeeqat Mein Ek Muddat Se Mera Yah Ta'assur Mere Dil Ka Kaanta Bana Hua Tha Chunanche Yahi Wo Jazba Hai Ki Jis Se Mut'assir Ho Kar Mein Apni Km Himmati Aur Km Ilmi Ke Bavajood Filhal 100 Sahaba E Kiraam Ke Muqaddas Halaat Aur Un Ke Kamalaat Wa Karamaat Ka Ek Majmooa Guldasta Ki Soorat Mein Nazireene Kiraam Ki Khidmat Mein Nazar Karne Ki Sa'adat Hasil Kar Raha Hoon Jo 'Karamaate Sahaba' Ke Seedhe Saade Naam Se Mausoom Hai. Sach Poochhiye To Dar Haqeeqat Meri Nazar Mein Yah Kitab Is Qabil Hi Nahi Thi Ki Is Ko

Manzare Aam Par Laaun Kyunki Itne Aham Unwan Par Itni Chhoti Si Kitab Hargiz Azmate Sahaba Ke Shaan Ke Layaq Nahi Hai Magar Phir Yah Soch Kar Ki Hazraat E Sahaba Kiraam Radiallaho Ta'ala Anhum Ke Darbare Azmat Mein Phool Na Sahi To Kam Se Kam Phool Ki Ek Pankhudi Hi Nazar Karne Ki Sa'adat Hasil Kar Loo Is Kitab Ko Chhapne Ki Himmat Kar Li Hai. Phir Yah Bhi Khyaal Aaya Ki Shayad Mujh Km Ilm Ki Is Koshish Ko Dekh Kar Doosre Ahle Ilm Maidan E Tasneef Mein Apni Qalam Kaari Ke Jauhar Dikhaye To كفاعهل الخير عىل الدال (Nek Kaam Ki Rahnumai Karne Wala Us Kaam Ke Karne Wale Ki Tarah Hai) Ki Nek Bakhti Mujhe Naseeb Ho Jayegi. Mein Ne Is Kitab Mein Hazraat E Khulfa Rashideen Wa Hazraat E Ashra e Mubashsharah Rizwanullah Alaihim Ke Siwa Doosre Sahaba E Kiraam Ke Naamo Aur Tazkiron Mein Jaan Boojh Kar Kisi Khaas Tarteeb Ka Khyaal Nahi Kiya Hai Balki Daurane Mutala Jin Jin Sahaba E Kiraam Ki Karamaton Par Nazar Padti Rahi Un Ko Note Karta Raha Yahan Tak Ki Meri Note Book Badhte Badhte Ek Kitab Ban Gai. Kyunki Mera Asal Maqsad To Sahaba E Kiraam Ki Karamaton Ka Tazkira Tha Chahe Chhote Sahaba Ka Zikr Pahle Ho Ya Bade Sahaba Ka Is Se Asal Maqsad Mein Kuch Farq Nahi Padta. Tadveen Kitab Likhne Ke Baare Mein Azeeze Mohataram Maulana Qudratullah Sahab Darul Uloom Faizurrasool Bara'o Shareef Ka Shukr Guzaar Ho Kar Un Ke Liye Dua Karta Hoon Ki Unhone Kitab Ke Kuch Hisson Ke Masawwadon Ko Dekh Kar Sahi Karke Mere Qalam Ke

Bojh Ko Kuch Halka Kar Diya. Isi Tarah Apne Doosre Mukhlis Shagird E Khaas Kar As'adul Ulma Maulana Alhaj Mufti Sayyad Ahmad Shah Bukhari Muballig E Africa Sakin Wajhuhan Zila Kachh Aur Maulana Sayyad Muhammad Yoosuf Shah Khateeb Jama Masjid Chowk Bhuj Zila Kachh Aur Maulana Abdurrahman Sahab Mudarris Madarsa Ahle Sunnat Kothaar Zila Kachh Ka Bhi Bahut Shukr Guzaar Hoon Ki Un Mukhlis Azeezon Ne Humesha Meri Kitabon Ko Qadr Ki Nigahon Se Dekha Aur Meri Kitabon Ke Chhapwane Mein Kafi Hissa Liya زامھفخج الجزاء أحسن تعایلٰ ہللا Aakhir Mein Dua Karta Hoon Ki Khudavand E Kareem Apne Habeeb Alaihissalatu Wattasleem Ke Sadqe Mein Meri Is Haqeer Ilmi Wa Qalami Khidmat Ko Apne Fazl Wa Karam Se Sharfe Qabooliyat Ata Farmaye Aur Is Ko Mere Liye Aur Mere Walidain Wa Asaataza Wa Shagird Wa Ahbaab Sab Ke Liye Samane Aakhirat Wa Zariye Magfirat Banaye.

Talibe Dua Abdul Mustafa Aazmi Rahmatullah Alaih Shaikhul Hadees Darul Uloom Ahle Sunnat Faizurrasool Bara'o Shareef Zila Basti 25 Shawwal 1398 Hijri

Tahqeeqe Karamaat

Zamana E Nuboowat Se Aaj Tak Kabhi Bhi Is Mas'ala Mein Ahle Haq Ke Beech Ikhtilaaf Nahi Hua Ki Auliya E Kiraam Ki Karamatein Haq Hain Aur Har Zamane Mein ALLAH Walo Ki Karamaton Ka Sudoor Wa Zahoor Hota Raha Aur Insha ALLAH Qiyamat Tak Kabhi Bhi Is Ka Silsila Band Nahi Hoga Balki Humesha Auliya E Kiraam Se Karamaat Sadir Wa Zahir Hoti Hi Rahengi. Aur Is Mas'ala Ke Suboot Mein Qur'an Majeed Ki Muqaddas Aayatein Aur Ahadeese Kareema Aur Sahaba Wa Tabaen Ka Itna Bada Khazana Kitabon Mein Mahfooz Hai Ki Agar In Sab Bikhri Motiyon Ko Ek Ladi Mein Piro Diya Jaye To Ek Aisa Keemati Haar Ban Sakta Hai Jo Ta'aleem Wa Ta'allum Ke Bazar Mein Nihayat Hi Anmol Hoga Aur Agar In Bikhre Panno Ko Kitab Mein Jama Kar Diya Jaye To Ek Bhaari Bharkam Aur Bada Daftar Taiyar Ho Sakta Hai.

Karamat Kya Hai: Momin Parhezgaar Se Agar Koi Aisa Ajeeb Wa Gareeb Ta'ajjub Khez Cheez Sadir Wa Zahir Ho Jaye Jo Aam Taur Par Nahi Hua Karti To Us Ko 'Karamat' Kahte Hain Isi Qism Ki Cheezein Agar Ambiya Se Ailane Nubuwwat Karne Se Pahle Zahir Ho To 'Irhaas' Aur Ailane Nubuwwat Ke Baad Ho To 'Moajezah' Kahlati Hain Aur Agar Aam Momineen Se Is Qism Ki Cheezon Ka Zahoor Ho To Us Ko 'Maunat' Kahte Hain Aur Kisi Kafir Se Kabhi Is Ki

Khwahish Ke Mutabiq Is Qism Ki Cheez Zahir Ho Jaye To Is Ko 'Istidaraj' Kaha Jata Hai.

Muajezah Aur Karamat: Upar Zikr Ki Hui Tafseel Se Maloom Ho Gaya Ki Muajezah Aur Karamat Donon Ki Haqeeqat Ek Hi Hai Bas Donon Mein Farq Sirf Is Qadr Hai Ki Khilafe Aadat Wa Ta'ajjub Khez Cheezein Agar Kisi Nabi Ki Taraf Se Zahir Ho To 'Muajezah' Kaha Jayega. Chunanche Hazrat Imaam Yafai Alaihirrahma Ne Apni Kitab 'Nashrul Mahasinil Galiya' Mein Tahreer Farmaya Ki Imamul Harmain Aboo Bakar Baqlaani Wa Aboo Bakar Bin Fauraq Aur Hujjatul Islam Imaam Gazali Wa Imaam Fakhruddin Raazi Wa Nasiruddin Baizawi Wa Muhammad Bin Abdul Malik Salmi Wa Nasiruddin Tausi Wa Hafizuddin Safi Wa Abul Qasim Kushairi In Tamam Bade Ulmaye Ahle Sunnat Wa Muhaqqeqeene Millat Ne Ek Sath Yahi Tahreer Farmaya Ki Muajezah Aur Karamat Mein Yahi Farq Hai Ki Aadat Ke Khilaaf Ka Sadoor Wa Zahoor Kisi Nabi Ki Taraf Se Ho To Us Ko 'Muajezah' Kaha Jayega Aur Agar Kisi 'Vali' Ki Taraf Se Ho To Us Ko 'Karamat' Ke Naam Se Yaad Kiya Jayega. Hazrat Imaam Yafai Ne In 10 Imamon Ke Naam Aur Un Ki Kitabon Ibaratein Naql Farmane Ke Baad Yah Irshad Farmaya Ki In Imamon Ke Alawa Doosre Buzurgane Millat Ne Bhi Yahi Farmaya Hai Lekin Ilm Wa Fazl Aur Tahqeeq Wa Bareeki Ke Un Pahadon Ke Naam Zikr Kar Dene Ke Baad Aur Muhaqqeqeen (Research Scholars) Ke Naamo Ke Zikr Ki Koi Zarurat Nahi. (Hujjatullaah Alal Aalmeen Jild 2 Page 849)

Muajezah Zaruri Karamat Zaruri Nahi: Muajezah Aur Karamat Mein Ek Farq Yah Bhi Hai Ki Vali Ke Liye Karamat Ka Hona Zaruri Nahi Hai Magar Har Nabi Ke Liye Muajezah Ka Hona Zaruri Hai Kyunki Vali Ke Liye Yah Zaruri Nahi Hai Ki Wo Apni Vilayat Ka Ailaan Kare Ya Apni Vilayat Ka Suboot De Balki Vali Ke Liye To Yah Bhi Zaruri Nahi Hai Ki Wo Khud Bhi Jane Ki Mein Vali Hoon Chunanche Yahi Wajah Hai Ki Bahut Se Auliya ALLAH Aise Bhi Huye Ki Un Ko Apne Baare Mein Yah Maloom Hi Nahi Hua Ki Wo Vali Hain Balki Doosre Auliya E Kiraam Ne Apne Kashf Wa Karamat Se Un Ki Vilayat Ko Jana Pahchana Aur Un Ke Vali Hone Ka Charcha Kiya. Magar Nabi Ke Liye Apni Nubuwwat Ko Sabit Karna Zaruri Hai Aur Choonki Insanon Ke Samne Nubuwwat Ka Suboot Bagair Muajezah Dikhaye Ho Nahi Sakta Is Liye Nabi Ke Liye Muajezah Ka Hona Zaruri Aur Lazmi Hai.

Karamat Ki Qismein: Auliya E Kiraam Se Sadir Wa Zahir Hone Wali Karamatein Kitne Tarah Ki Hain Aur Un Ki Tadad Kitni Hai? Is Baare Mein Allama Tajuddin Subki Alaihirrahma Ne Apni Kitab 'Tabqaat' Mein Tahreer Farmaya Hai Ki Mere Khyaal Mein Auliya E Kiraam Se Jitni Qismon Ki Karamatein Sadir Hui Hain Un Qismon Ki Tadad 100 Se Bhi Zayad Hai. Is Ke Baad Allama Mausoof Ne Kuch Tafseel Ke Sath Karamat Ki 25 Qismon Ka Bayan Farmaya Jin Ko Hum Nazareen Ki Khidmat Mein Kuch Tafseel Ke Sath Pesh Karte Hain:

(

1) Murdo Ko Zinda Karna: Yah Wo Karamat Hai Ki Bahut Se Auliya E Kiraam Se Is Ka Zuhoor Ho Chuka Hai. Chunanche Sahi Riwayaton Se Sabit Hai Ki Aboo Ubaid Basri Jo Apne Daur Ke Bade Auliya Mein Se Hain Ek Martaba Jihad Mein Tashreef Le Gaye Jab Unhone Watan Ki Taraf Wapasi Ka Irada Farmaya To Achanak Un Ka Ghoda Mar Gaya Magar Un Ki Dua Se Achanak Un Ka Mara Hua Ghoda Zinda Ho Kar Khada Ho Gaya Aur Wo Us Par Sawar Hokar Apne Watan 'Basra' Pahunch Gaye Aur Naukar Ko Hukm Diya Ki Us Ki Zeen Aur Lagaam Utaar Le. Khadim Ne Joo Hi Zeen Aur Lagaam Ko Ghode Se Alag Kiya Fauran Hi Ghoda Mar Kar Gir Pada. Isi Tarah Hazrat Shaikh Mufraj Jo Ilaaqa Misr Mein 'Saed' Ke Rahne Wale The Unke Dastarkhwan Par Ek Parinda Ka Bachcha Bhuna Hua Rakha Tha To Aap Ne Farmaya Ki ALLAH Ta'ala Ke Hukm Se Ud Kar Chala Ja, Un Alfaaz Ka Un Ki Zabaan Se Nikalna Tha Ki Ek Lamha Mein Wo Parinda Ka Bachcha Zinda Ho Gaya Aur Ud Kar Chala Gaya. Isi Tarah Hazrat Shaikh Ahdal Rahmatullah Alaih Ne Apni Mari Hui Billi Ko Pukara To Wo Daudati Hui Shaikh Ke Samne Hazir Ho Gai. Isi Tarah Hazrat Gause Aazam Abdul Qadir Jeelani Rahmatullah Alaih Ne Dastarkhwan Par Paki Hui Murgi Ko Kha Kar Us Ki Haddiyon Ko Jama Karke Farmaya Aur Ye Irshad Farmaya Ki Aey Murgi! Too Us ALLAH Ta'ala Ke Hukm Se Zinda Ho Kar Khadi Ho Ja Jo Sadi Gali Haddiyon

Ko Zinda Farmayega Zabaane Mubarak Se In Alfaaz Ke Nikalte Hi Murgi Zinda Ho Kar Chalne Lagi. Isi Tarah Hazrat Shaikh Zainuddin Shafai Mudarris Madarsa Shamiya Ne Us Bachche Ko Jo Madarse Ke Chhat Se Gir Kar Mar Gaya Tha Zinda Kar Diya. (Hujjatullah Jild 2 Page 856) Isi Tarah Aam Taur Par Yah Mashhoor Hai Ki Bagdad Shareef Mein Chaar Buzurg Aise Huye Jo Maa'n Ke Pet Se Hi Vali Paida Huye. Andho Aur Kodhiyon Ko Khuda Ta'ala Ke Hukm Se Shifa Dete The Aur Apni Dua'o Se Murdo Ko Zinda Kar Dete The. Shaikh Aboo Sa'ad Qailwi Wa Shaikh Baqa Bin Batoo Wa Shaikh Ali Bin Abi Nasar Haiti Wa Shaikh Abdul Qadir Jeelani. (Bahjatul Asraar Shareef) (

2) Murdo Se Kalaam Karna: Karamat Ki Yah Qism Bhi Hazrat Shaikh Aboo Saed Kharaaz Aur Hazrat Gause Aazam Rahmatullah Alaih Wagairah Bahut Se Auliya E Kiraam Se Baarha Aur Bahut Zyada Bayan Kiya Gaya Hai. (Hujjatullah Jild 2 Page 856) Shaikh Ali Bin Abi Nasar Haiti Ka Bayan Hai Ki Mein Shaikh Abdul Qadir Jeelani Radiallaho Anhu Ke Sath Hazrat Ma'aruf Karkhi Rahmatullah Alaih Ke Mazare Mubarak Par Gaya Aur Salam Kiya To Qabre Anwar Se Aawaz Aai Ki 'Wa Aaikum Assalam Ya Sayyadi Ahlul Zaman'. (Bahjatul Asraar) Shaikh Ali Bin Abi Nasar Haiti Aur Baqa Bin Batoo Yah Donon Buzurg Hazrat Gause Aazam Shaikh Abdul Qadir Jeelani Radiallaho Ta'ala Anhu Ke Sath Hazrat Imaam Ahmad Bin Hanbal Alaihirrahma Ke Mazaar Par Hazir

Huye To Achanak Hazrat Imaam Ahmad Bin Hanbal
Alaihirrahma Qabr Shareef Se Bahar Nikal Aaye Aur
Farmaya Ki Aey Abdul Qadir Jeelani! Mein Ilme Shariyat
Wa Tareeqat Aur Ilm Kaal Wa Haal Mein Tumhara
Muhtaaj Hoon. (Bahjatul Asraar)

(

3) Dariya'o Par Qabza: Dariya Ka Phat Jana, Dariya Ka Sookh Jana, Dariya Par Chalna Bahut Se Auliya E Kiraam Se Un Karamaton Ka Zuhoor Hua Khaas Kar Sayyadul Ulma Hazrat Taqeeyuddin Bin Daqeekul Eid Rahmatullah Alaih Ke Liye To In Karamaton Ka Baar Baar Zuhoor Aam Taur Par Logon Mein Mashhoor Hai. (Hujjatullah Jild 2 Page 856)

(

4) Haqeeqat Ka Badal Jana: Kisi Cheez Ki Haqeeqat Ka Achanak Badal Jana Yah Karamat Bhi Kai Baar Auliya E Kiraam Se Hua Hai. Chunanche Shaikh Isa Hitaar Yamani Rahmatullah Alaih Ke Paas Bataur Mazaaq Ke Kisi Gustakh Ne Sharab Se Bhari Hui Do Mashkein Tohfa Mein Bhej Di. Aap Ne Donon Mashkon Ka Munh Khol Kar Ek Doosre Mein Sharab Ko Udel Diya. Phir Woan Maujood Logon Se Farmaya Ki Aap Log Is Ko Khayein Hazireen Ne Khaya To Itna Achha Aur Is Qadr Behtareen Ghi Tha Ki Ta Umr Logon Ne Bhi Itna Umda Ghi Nahi Khaya. (Hujjatullah Jild 2 Page 856) (

• Zameen Ka Simat Jana:

Saikdon Hazaron Meel Ki Doori Ka Kuch Lamhon Mein Tay Hona Yah Karamat Bhi Is Qadr Zyada ALLAH Walo Se Hui Hai Ki Is Ki Riwayat Hadde Tawatur (Kisi Baat Ko Itne Log Bayan Karein Ki Utne Logon Ka Ek Hi Baat Par Jhooth Bolna Na Mumkin Ho) Tak Pahunchi Hui Hain. Chunanche Tartoos Ki Jama Masjid Mein Ek Vali Tashreef Farma The Achanak Unhone Apna Sar Gireban Mein Daala Aur Phir Chand Lamhon Mein Gireban Se Sar Nikala To Wo Ek Dam Ka'aba Mein Pahunch Gaye. (Hujjatullah Jild 2 Page 856)

(

6) Ped Paudhon Se Baat Cheet: Bahut Se Janwar, Ped Paudhe Aur Kankad Pattharon Ne Auliya E Kiraam Se Baat Ki Jin Ki Kahaniyan Bahut Kitabon Mein Hain. Chunanche Hazrat Ibrahim Ad'ham Alaihirrahma Baitul Muqaddas Ke Raste Mein Ek Chhote Se Anaar Ke Ped Ke Saaya Mein Utar Pade To Us Ped Ne Ba Aawaze Buland Kaha Ki Aey Aboo Is'haaq Aap Mujhe Yah Sharf Ata Farmaiye Ki Mera Ek Phal Kha Leejiye. Is Ped Ka Phal Khatta Tha Magar Darakht Ki Tamanna Poori Karne Ke Liye Aap Ne Is Ka Ek Phal Tod Kar Khaya To Wo Bahut Hi Meetha Ho Gaya Aur Aap Ki Barkat Se Saal Mein Do Baar Phal Dene Laga Aur Wo Ped Is Qadr Mashhoor Ho Gaya Ki Log Is Ko Rumanatul Aabedeen (Neko Ka Anaar) Kahne Lage. (Hujjatullah Jild 2 Page 856)

(

• Shifa E Amraaz:

Auliya E Kiraam Ke Liye Is Karamat Ka Suboot Bhi Bakasrat Kitabon Mein Likha Hai. Chunanche Hazrat Sirri Saqti Alaihirrahma Ka Bayan Hai Ki Ek Pahad Par Meine Ek Aise Buzurg Se Mulaqat Ki Jo Apahizon, Andho Aur Doosre Qism Qism Ke Mareezon Ko Khuda Ke Hukm Se Shifayaab Farmate The. (Hujjatullah Jild 2 Page 857)

(

8) Janwaron Ka Farmabardar Ho Jana: Bahut Se Buzurgon Ne Apni Karamat Se Khatarnak Darindon Ko Apna Farmabardar Bana Liya Tha. Chunanche Hazrat Aboo Saed Bin Abul Khair Seeni Alaihirrahma Ne Sheron Ko Apna Farmabardar Bana Rakha Tha Aur Doosre Bahut Se Auliya Sheron Par Sawari Farmate The Jin Ki Hikayat Mashhoor Hain. (Hujjatullah Jild 2 Page 857)

(

9) Zamana Ka Kam Ho Jana: Yah Karamat Bahut Se Buzurgon Se Manqool Hai Ki Un Ki Bargah Mein Logon Ko Aisa Mahsoos Hua Ki Poora Din Is Qadr Jaldi Guzar Gaya Ki Goya Ghanta Do Ghanta Ka Waqt Guzra Hai. (Hujjatullah Jild 2 Page 857)

(

10) Zamana Ka Lamba Ho Jana: Is Karamat Ka Zuhoor Saikdon Ulma Wa Masha'ekh Se Is Tarah Hua Ki Un Buzurgon Ne Km Se Km Waqton Mein Is Qadr Zyada Kaam Kar Liya Ki Duniya Wale Itna Kaam

Mahinon Balki Saalo Mein Bhi Nahi Kar Sakte. Chunanche Imaam Shafai Wa Hujjatul Islam Imaam Gazali Wa Allama Jalaluddin Suyooti Wa Imamul Harmain Muhiyuddin Nauwi Wagairah Aur 14vi Sadi Hijri Ke Imaam Ahmad Raza Khan Bareilvy Alaihirrahma Jinhone Taqreeban 1000 Kitabein 50 Uloom Mein Likhi. Ulmaye Deen Ne Is Qadr Zyada Tadad Mein Kitabein Likhi Hain Ki Agar Un Ki Umro Ka Hisab Lagaya Jaye To Rozana Itne Zyada Safhein Un Buzurgon Ne Tasneef Farmaye Hain Ki Koi Itne Zyada Safhon Ko Itni Km Muddat Mein Naql Bhi Nahi Kar Sakta. Halanki Yah ALLAH Wale Tasneef Ke Alawa Doosre Kaam Bhi Karte The Aur Nafli Ibadatein Bhi Khoob Ada Karte Rahte The Isi Tarah Manqool Hai Ki Kuch Buzurgon Ne Din Raat Mein 8-8 Khatme Qur'an Majeed Ki Tilawat Ki Hai. Zahir Hai Ki Un Buzurgon Ke Auqaat Mein Is Qadr Aur Itni Zyada Barkat Hui Hai Ki Jis Ko Karamat Ke Siwa Aur Kya Kaha Ja Sakta Hai? (Hujjatullah Jild 2 Page 857)

(

11) Maqbooliyate Dua: Yah Karamat Bhi Bahut Se Buzurgon Se Manqool Hai.

(

12) Khamooshi Wa Kalaam Par Qudrat: Kuch Buzurgon Ne Barason Tak Kisi Insaan Se Kalaam Nahi Kiya Aur Baaz Buzurgon Ne Namazon Aur Zaruriyate Zindagi Ke Alawa Kai Kai Dinon Tak Musalsal Naseehat Farmaya Aur Dars Diya Hai. (

• Dilon Ko Apni Taraf Kheench Lena:

Saikdon Auliya E Kiraam Se Yah Karamat Zahir Hui Ki Jin Bastiyon Ya Majlison Mein Log Un Se Dushmani Wa Nafrat Rakhte The Jab Un Hazraat Ne Woan Qadam Rakha To Un Ki Tavajjuhaat Se Nagahan Sab Ke Dil Un Ki Muhabbat Se Bhar Gaye Aur Sab Ke Sab Parwanon Ki Tarah Un Ke Qadamon Par Nisaar Hone Lage. (Hujjatullah Jild 2 Page 857)

(

14) Ghaib Ki Khabarein: Us Ki Beshumar Misalein Maujood Hain Ki Auliya E Kiraam Ne Dilon Mein Chhupe Huye Khyalaat Wa Shubahon Ko Jaan Liya Aur Logon Ko Ghaib Ki Khabarein Dete Rahe Aur Unki Pesheengoeyan 100% Sahi Hoti Rahi.

(

15) Khaye Peeye Baghair Zinda Rahna: Aise Buzurgon Ki Fehrist Bahut Hi Lambi Hai Jo Ek Lambi Muddat Tak Bagair Kuch Khaye Peeye Zinda Rah Kar Ibadaton Mein Masroof Rahe Aur Unhein Khana Ya Paani Chhod Dene Se Zarra Barabar Koi Kamzori Nahi Hui.

(

16) Duniya Ke Nizaam Par Qabza: Manqool Hai Ki Bahut Se Buzurgon Ne Sakht Sukhe Ke Zamane Mein Aasman Ki Taraf Ungli Utha Kar Ishara Farmaya To Fauran Aasman Se Musladhar Baarish Hone Lagi Aur Mashhoor Hai Ki Hazrat Shaikh Abul Abbas Shatir Alaihirrahma To Dirhamon Ke Badle Baarish Becha Karte The. (Hujjatullah Jild 2 Page 857)

(

17) Bahut Zyada Khana Kha Lena: Baaz Buzurgon Ne Jab Chaha Beesiyon Aadmiyon Ki Khurak Akele Kha Gaye Aur Unhein Koi Takleef Bhi Nahi Hui.

(

18) Haraam Khano Se Mahfooz: Bahut Se Auliya E Kiraam Ki Yah Karamat Mashhoor Hai Ki Haraam Giza'o Se Wo Ek Khaas Qism Ki Badboo Mahsoos Karte The. Chunanche Hazrat Shaikh Haris Mahalbasi Alaihirrahma Ke Samne Jab Bhi Koi Haraam Giza Lai Jati Thi To Unhein Us Giza Se Aisi Kharab Badboo Mahsoos Hoti Thi Ki Wo Us Ko Hath Nahi Laga Sakte The Aur Yah Bhi Manqool Hai Ki Haraam Khane Ko Dekhte Hi Un Ki Ek Rag Phadak Ne Lagti Thi. Chunanche Manqool Hai Ki Hazrat Shaikh Abul Abbas Mursi Ke Samne Logon Ne Imtihan Ke Taur Par Haraam Khana Rakh Diya To Aap Ne Farmaya Ki Agar Haraam Giza Ko Dekh Kar Haris Mahalbasi Alaihirrahma Ki Ek Rag Phadak Ne Lagti Thi To Mera Yah Haal Hai Ki Haraam Khane Ke Samne Meri 70 Ragein Phadak Ne Lagti Hain. (Hujjatullah Jild 2 Page 857)

(

19) Door Ki Cheezon Ko Dekh Lena: Shaikh Aboo Is'haaq Shirazi Alaihirrahma Ki Yah Mashhoor Karamat Hai Ki Wo Bagdad Shareef Mein Baithe Huye Ka'aba Mukarrama Ko Dekha Karte The. (Hujjatullah Jild 2 Page 857)

(

20) Haibat Wa Dabdaba: Kuch Auliya E Kiraam Se Is Karamat Ka Sudoor Is Taur Par Hua Ki Un Ki Soorat Dekh Kar Baaz Logon Par Is Qadr Khauf Wa Dar Hua Ki Un Ka Dam Nikal Gaya. Chunanche Hazrat Khwaja Bayazeed Bustaami Alaihirrahma Ki Haibat Se Un Ki Majalis Mein Ek Shakhs Mar Gaya. (Hujjatullah Jild 2 Page 857)

(

21) Mukhtalif Sooraton Mein Zahir Hona: Is Karamat Ko Sufiya E Kiraam Ki Istlaah Mein "Khala'a Wa Labas" Kahte Hain Yani Ek Shakl Ko Chhod Kar Doosri Shakl Mein Zahir Ho Jana. Hazraat E Sufiya Ka Qaul Hai Ki Roohon Ki Zindagi Aur Aalame Ajsaam Ke Beech Ek Teesri Duniya Bhi Hai Jis Ko Aalame Misaal Kahte Hain. Is Duniya Mein Ek Hi Shakhs Ki Rooh Mukhtalif Jismon Mein Zahir Ho Jaya Karti Hai. Chunanche Un Logon Ne سَ ابَشََ َاَلَ ثَّلَ Se DaleelQur'an Majeed Ki Aayate Kareema یرًفَتَمَوِ Li Hai Ki Hazrat Jibrael Alaihissalam Hazrat Beebi Maryam Ke Samne Ek Tandurust Jawaan Aadmi Ki Soorat Mein Zahir Ho Gaye The Yah Waqiya Aalame Misaal Mein Hua Tha. Yah Karamat Bahut Se Auliya Ne Dikhai Hai. Chunanche Hazrat Fazeebulban Mosali Alaihirrahma Jin Ka Auliya Ke Tabqa E Abdaal Mein Shumar Hota Hai Kisi Ne Aap Par Yah Tohmat Lagai Ki Aap Namaz Nahi Padhte Yah Sun Kar Aap Jalaal Mein Aa Gaye Aur Fauran Hi Apne Aap Ko Us Ke Samne Chand Sooraton Mein Zahir Kiya Aur

Poochha Ki Bata Too Ne Kis Soorat Mein Mujh Ko Namaz Chhodte Huye Dekha Hai. (Hujjatullah Jild 2 Page 858) Isi Tarah Bayan Kiya Gaya Hai Ki Hazrat Maulana Yaqoob Charkhi Alaihirrahma Jo Masha'ekh E Naqshbandiyan Mein Bahut Hi Bade Buzurg Hain. Jab Hazrat Khwaja Ubaidullah Ihraar Alaihirrahma Un Ki Khidmat Mein Mureed Hone Ke Liye Hazir Huye To Hazrat Khwaja Maulana Yaqoob Charkhi Alaihirrahma Ke Chehre Aqdas Par Un Ko Daag Dhabbe Nazar Aaye Jis Se Un Ke Dil Mein Kuch Na Pasandidgi Paida Hui To Achanak Aap Un Ke Samne Ek Aisi Noorani Shaql Mein Zahir Ho Gaye Ki Be Ikhtiyaar Khwaja Ubaidullah Ihraar Alaihirrahma Ka Dil Un Ki Taraf Jhuk Gaya Aur Wo Fauran Hi Mureed Ho Gaye. (Rushhatul Uyoon)

(

22) Dushmanon Ki Makkariyon Se Bachna: Khudavand E Quddoos Ne Kuch Auliya E Kiraam Ko Yah Karamat Bhi Ata Farmai Hai Ki Zalim Haakim Wa Badshah Ne Jab Un Ke Qatl Ya Takleef Pahunchane Ka Iraada Kiya To Ghaib Se Aise Asbaab Paida Ho Gaye Ki Wo Un Ke Shar Se Mahfooz Rahe Jaisa Ki Hazrat Imaam Shafai Alaihirrahma Ko Khaleefa Bagdad Harun Rasheed Ne Takleef Pahunchane Ke Khyaal Se Darbar Mein Talab Kiya Magar Jab Wo Samne Gaye To Khaleefa Khud Pareshaniyon Mein Mubtala Ho Gaya Ki Un Ka Kuch Na Bigaad Saka. (Hujjatullah Jild 2 Page 858)

(

23) Zameen Ke Khazanon Ko Dekh Lena: Kuch Auliya E Kiraam Chhupe Huye Khazanon Ko Dekh Liya Karte The Aur Us Ko Apni Karamat Se Bahar Nikaal Lete The. Chunanche Shaikh Abu Turab Alaihirrahma Ne Ek Aise Maqaam Par Jahan Paani Nahi Tha Zameen Par Ek Thokar Maar Kar Paani Ka Chashma (Sota) Jaari Kar Diya. (Hujjatullah Jild 2 Page 858)

(

24) Pareshaniyon Ka Aasan Ho Jana: Yah Karamat Buzurgane Deen Se Baar Baar Aur Beshumar Martaba Zahir Ho Chuki Hai Jis Ki Saikdon Misalein 'Tazkiratul Auliya' Wagairah Mustanad Kitabon Mein Hain.

(

25) Jaan Leva Cheezon Ka Asar Na Karna: Mashhoor Hai Ki Ek Kameene Badshah Ne Kisi Khuda Raseeda Buzurg Ko Giraftar Kiya Aur Unhein Majboor Kar Diya Ki Wo Koi Ta'ajjub Khez Karamat Dikhaye Warna Unhein Aur Un Ke Sathiyon Ko Qatl Kar Diya Jayega Aap Ne Unt (Camel) Ki Mengniyon Ki Taraf Ishara Karke Farmaya Ki Unko Utha Lao Aur Dekho Ki Wo Kya Hain? Jab Logon Ne Un Ko Utha Kar Dekha To Wo Khalis Sone (Gold) Ke Tukde The Phir Aap Ne Ek Khaali Pyale Ko Utha Kar Ghumaya Aur Ulta Karke Badshah Ko Diya To Wo Paani Se Bhara Hua Tha Aur Ulta Hone Ke Bavajood Us Mein Se Ek Qatra Bhi Paani Nahi Gira. Yah Do Karamatein

Dekh Kar Wo Bad'aqeeda Badshah Kahne Laga Ki Yah Bas Nazar Bandi Ke Jadoo Ka Karishma Hai. Phir Badshah Ne Aag Jalane Ka Hukm Diya Jab Aag Ke Shole Buland Huye To Badshah Ne Majlise Sima'a Lagwai. Jab Un Buzurgon Ko Sima'a Sun Kar Joshe Wajd Mein Haal Aa Gaya To Yah Sab Log Jalti Hui Aag Mein Dakhil Hokar Nachne Lage. Phir Ek Darwesh Badshah Ke Bachche Ko God Mein Le Kar Aag Mein Kood Pada Aur Thodi Der Tak Badshah Ki Nazaron Se Gayab Ho Gaya. Badshah Apne Bachche Ki Judai Mein Bechain Ho Gaya Magar Phir Chand Minuton Mein Darwesh Ne Badshah Ke Bachche Ko Us Haal Mein Badshah Ki God Mein Daal Diya Ki Bachche Ke Ek Hath Mein Seb (Apple) Aur Doosre Hath Mein Anaar Tha. Badshah Ne Poochha Beta! Tum Kahan Chale Gaye The? To Us Ne Kaha Ki Mein Ek Baag Mein Tha Jahan Se Mein Yah Phal Laya Hoon Yah Dekh Kar Bhi Zalim Wa Bad'aqeeda Badshah Ka Dil Nahi Paseeja Aur Us Ne Ek Buzurg Ko Baar Baar Zahar Ka Pyala Pilaya Magar Har Martaba Zahar Ke Asar Se Us Buzurg Ke Kapde Phatte Rahe Aur Un Ki Zaat Par Zahar Ka Koi Asar Nahi Hua. (Hujjatullah Jild 2 Page 858) Karamat Ki Yah Wo 25 Qismein Hain Aur Un Ki Chand Misalein Hain Jin Ko Hazrat Allama Tajuddin Subki Alaihirrahma Ne Apni Kitab 'Tabqaat' Mein Tahreer Farmaya Hai, Warna Is Ke Alawa Karamaat Ki Bahut Si Qismein Hain Aur Un Ki Misalein Is Qadr Zyada Tadad Mein Hain Ki Agar Un Ko Jama Kiya Jaye To Hazaron Pannon Ka Ek Bhari Bharkam Daftar Taiyar Ho Sakta Hai

Magar Bataur Misaal Jis Qadar Ham Ne Yahan Tahreer Kar Diya Wo Haq Ki Talash Karne Wale Ki Taskeene Rooh Aur Dil Ke Itminan Ke Liye Bahut Kafi Hain. Rah Gaye Bad'aqeeda Munkareen To Un Ki Hidayat Ke Liye Dalael To Kya? Daure Risalat Mein Un Ko Muajeza 'Shaqqul Qamar' Bhi Faydamand Nahi Hua. Misaal Mashhoor Hai Ki:- 'Phool Ki Patti Se Kat Sakta Hai Heere Ka Jigar Marde Nadan Par Kalaame Naram Wa Nazuk Be Asar'

Sahabi: Jo Musalman Ba Haalate Imaan Huzoor Anwar ی یللاہیتَعَالٰ صَلَّ یمَ لَّیوَسَ ہل یوَاٰ ہعَلَی Ki Mulaqat Se Sarfaraz Huye Aur Imaan Hi Par Un Ka Khatma Hua Un Khush Naseeb Musalmanon Ko 'Sahabi' Kahte Hain Un Sahabiyon Ki Tadad Ek Lakh Se Zyada Hai. Chunanche Hazrat Imaam Baihaqi Ki Riwayat Hai Ki Hajjatul Wida'a Mein 1,24,000 Sahaba E Kiraam Huzoor ﷺ Ke Sath Haj Ke Liye Makka Mukarrama Mein Jama Huye Aur Kuch Doosri Riwayat Se Pata Chalta Hai Ki Hajjatul Wida'a Mein Sahaba E Kiraam Ki Tadad 1,24,000 Thi. (Wallahu Aa'alam) (Zarqani Jild 3 Page 106, Madarij Jild 2 Page 387)

Afzalul Auliya: Tamam Ulmaye Ummat Wa Bade Ulma Ka Is Mas'ala Par Ittefaq Hai Ki Sahaba E Kiraam Radiallaho Ta'ala Anhum 'Afzalul Auliya' Hain. Yani Qiyamat Tak Ke Tamam Auliya Agarche Wo Darja E Vilayat Ki Buland

Tareen Manzil Par Pahunch Jayein Magar Hargiz Hargiz Kabhi Bhi Wo Kisi Sahabi Ke Kamalate Vilayat Tak Nahi Pahunch Sakte. Khudavand E Quddoos Ne Apne Habeeb یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ki Shama E Nuboowat Ke Parwanon Ko Martaba E Vilayat Ka Wo Buland Wa Baala Maqaam Ata Farmaya Hai Aur Un Muqaddas Hastiyon Ko Aisi Aisi Badi Badi Karamaton Se Sarfaraz Farmaya Ki Doosre Tamam Auliya Ke Liye Us Bulandi Ko Tasavvur Bhi Nahi Kiya Ja Sakta. Us Mein Shak Nahi Ki Hazraat E Sahaba E Kiraam Radiallaho Ta'ala Anhum Se Is Qadar Zyada Karamaton Ka Sudoor Nahi Hua Jis Qadar Ki Doosre Auliya E Kiraam Se Karamatein Manqool Hain Lekin Wazeh Rahe Ki Karamat Ka Zyada Hona Bada Hone Ki Daleel Nahi. Kyunki Vilayat Asal Mein Qurbe Ilaahi Ka Naam Hai Yah Qurbe Ilaahi Jis Ko Jis Qadar Zyada Hasil Hoga Usi Qadar Us Ki Vilayat Ka Darja Buland Hoga. Sahaba E Kiraam Choonki Nigahe Nuboowat Ke Anwaar Aur Faizane Risalat Ke Fuyooz Wa Barkaat Se Maala Maal Hain Isliye Bargahe Khudavandi Mein Un Buzurgon Ko Jo Qurb Wa Martaba Hasil Hai Wo Doosre Auliya ALLAH Ko Hasil Nahi. Isliye Agarche Sahaba E Kiraam Se Bahut Km Karamatein Zahir Hui Lekin Phir Bhi Sahaba E Kiraam Ka Martaba Doosre Auliya E Kiraam Se Bahut Zyada Afzal Wa Aala Aur Buland Wa Baala Hain. Baharhaal Agarche Tadad Mein Km Sahi Lekin Phir Bhi Bahut Se Sahaba E Kiraam Se Karamaton Ka Sudoor Wa Zuhoor Hua Hai. Chunanche Hum Apni Is Mukhtasar Si Kitab Mein Kuch Sahaba E Kiraam Ki Chand Karamat Ka

Bayan Tahreer Karne Ki Sa'adat Hasil Karte Hain Taaki Ahle Imaan Pyare Habeeb ﷺ Ki Shama E Nuboowat Ke Un Parwanon Ki Karamat Ke Imaan Afroz Tazkiron Se Apni Duniya E Dil Ko Muhabbat Wa Aqeedat Se Bhar Lein Aur Dushmana Ne Sahaba Ya To Aaftabe Risalat Ke Noor Se Chamakne Wale Un Raushan Sitaron Se Hidayat Ki Roshani Hasil Karein Ya Phir Apni Gusse Ki Aag Mein Jal Bhun Kar Jahannam Ka Aag (Eindhen) Ban Jaye.

Ashrah Mubashsherah: Yoon To Huzoor Rahmatullil Aalmeen یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Apne Bahut Se Sahabiyon Ko Alag Alag Samay (Time) Mein Jannat Ki Khushkhabari Di Aur Duniya Hi Mein Un Ke Jannati Hone Ka Ailaan Farma Diya. Magar 10 Aise Bade Aur Khush Naseeb Sahaba E Kiraam Hain Jin Ko Aap Ne Masjide Nabwi Ke Mimbar Shareef Par Khade Hokar Ek Sath Un Ka Naam Lekar Jannati Hone Ki Khushkhabari Sunai. Tareekh Mein Un Khush Naseebon Ka Laqab 'Ashrah Mubashsherah' Hai. Jin Ki Mubarak Fehrist Yah Hai- 1. Hazrat Aboo Bakr Siddiq 2. Hazrat Umar Farooq 3. Hazrat Usman Gani 4. Hazrat Ali Murtaza 5. Hazrat Talha Bin Ubaidullah 6. Hazrat Zubair Bin Aawwam 7. Hazrat Abdurrahman Bin Aauf 8. Hazrat Sa'ad Bin Abi Waqas

9. Hazrat Saed Bin Zaid
10. Hazrat Aboo Ubaidah Bin Jarrah
(Radiallaho Anhum Ajmaen)
(Tirmizi Jild 3 Page 216, Manaqib Abdurrahman Bin Aauf)

Hum Sab Se Pahle Un 10 Jannati Sahabiyon Ki Chand Karamaton Ka Tazkira Tahreer Karte Hain Us Ke Baad Doosre Sahaba E Kiraam Ki Karamatein Bhi Tahreer Ki Jayengi Aur As'haab E Kiraam Ki Karamaton Ke Sath Sath Chand Muqaddas Khwateene Islam Ki Karamat Bhi Pesh Ki Jayengi Jo Saari Duniya Ki Mominaat Wa Salihaat Mein 'Sahabiyaat' Ke Moazzaz Khetaab Ke Sath Mumtaz Hain Taaki Ahle Imaan Par Us Haqeeqat Ka Zahoor (Zahir) Ho Jaye Ki Faizane Nubuwwat Ke Anwaar Wa Barkaat Aur Aaftabe Risalat Ki Roshani Se Sirf Mardo Hi Ka Tabqa Fayda Nahi Uthaya Balki Auraton Par Bhi Aaftabe Nubuwat Ki Noorani Shuaa'e Is Tarah Jalwa Rez Hui Ki Wo Bhi Mardo Ke Dosh Ba Dosh Mazhare Kamalaat Wa Sahibe Karamat Ho Gai. Allahu Akbar! Sach Hai Ki:- 'Zulmat Ko Un Ke Noor Ne Kafoor Kar Diya Jis Par Nigah Daali Use Noor Kar Diya'

Karamaate Sahaba

'Sarkare Do Aalam Se Mulaqat Ka Aalam,
Aalam Mein Hai Meraje Kamalaat Ka Aalam
Yah Raazi Khuda Se Hain Khuda Un Se Hain Raazi
Kya Kahiye Sahaba Ki Karamaat Ka Aalam'

Hazrat Abu Bakr Siddiq Radiallaho
Ta'ala Anhu

Khaleefa E Awwal Janashine Paigambar Ameerul Momineen Hazrat Aboo Bakr Siddiq Akbar Radiallaho Ta'ala Anhu Ka Naame Naami Girami 'Abdullah', 'Aboo Bakr' Aap Ki Kunniyat Aur 'Siddiq Wa Ateeq' Aap Ka Laqab Hai. Aap Quraishi Hain Aur 7vi Pusht Mein Aapka Nasab Rasoolullah مَی لَّیوَسَ ہل یوَاٰ ہ یعَلَی یللاہیتَعَالٰ لَّصَی Ke Khandani Shajrah Se Mil Jata Hai. Aap Aamulfeel Ke Dhai (2.5) Saal Baad Makka Mein Paida Huye. Aap Is Qadr Kamaal Aur Fazeelaton Wale Hain Ki Ambiya Alaihimussalam Ke Baad Tamam Agle Aur Pichhle Insanon Mein Sab Se Afzal Wa Aala Hain. Aazad Mardo Mein Sab Se Pahle Islam Qabool Kiya Aur Safar Wa Watan Ke Tamam Haalat Wa Islami Jihadon Mein Mujahidana Karnamon Ke Sath Shamil Huye Aur Sulah Wa Jung Ke Tamam Faislon Mein Aap Shahanshahe Madeena ﷺ Ke Wazeer Wa Musheer Ban Kar Nubuwwat Ke Manzilon Ke Har Har Mod Par Aap Ke Dost Wa Jaan Nisar Rahe. 2 Saal 3 Maah 11 Din Masnade Khilafat Par Raunaq Afroz Rah Kar 22 Jamadil Aakhir 13

Hijri Mangal (Tuesday) Ki Raat Wafat Pai. Hazrat E Umar Radiallaho Ta'ala Anhu Ne Namaze Janaza Padhai Aur Rauza E Munawwarah Mein Huzoor Rahmate Aalam Ke Pahloo Mein Dafan Huye. (Akmaal Wa Tareekhul Khulfa)

Karamaat

Khane Mein Badi Barkat: Hazrat Abdurrahman Bin Aboo Bakr Siddiq Radiallaho Ta'ala Anhu Ka Bayan Hai Ki Ek Martaba Hazrat Aboo Bakr Radiallaho Ta'ala Anhu Bargahe Risalat Ke Teen Mehmanon Ko Apne Ghar Laye Aur Khud Huzoor e Akram ﷺ Ki Khidmat Aqdas Mein Hazir Ho Gaye Aur Baat Cheet Mein Mashgool (Busy) Rahe. Yahan Tak Ki Raat Ka Khana Aap Ne Dastar Khwane Nubuwwat Par Kha Liya Aur Bahut Zyada Raat Guzar Jane Ke Baad Makaan Par Wapas Tashreef Laye. Un Ki Beevi Ne Arz Kiya Ki Aap Apne Ghar Par Mehmanon Ko Bula Kar Kahan Gayab Rahe? Hazrat Siddiqe Akbar Radiallaho Ta'ala Anhu Ne Farmaya Ki Kya Ab Tak Tum Ne Mehmanon Ko Khana Nahi Khilaya? Beevi Sahiba Ne Kaha Ki Meine Khana Pesh Kiya Magar Un Logon Ne Sahibe Khana Ki Gair Maujoodgi Mein Khana Khane Se Inkar Kar Diya. Yah Sun Kar Aap Sahabzade Hazrat Abdurrahman Radiallaho Ta'ala Anhu Par Bahut Zyada Naraz Huye Aur Wo Khauf Wa Dahshat Ki Wajah Se Chhup Gaye Aur Aap Ke Samne Nahi Aaye Phir Jab Aapka Gussa Khatm Ho Gaya To Aap Mehmanon Ke

Sath Khane Ke Liye Baith Gaye Aur Sab Mehmanon Ne Khoob Pet Bhar Kar Khana Kha Liya. Un Mehmanon Ka Bayan Hai Ki Jab Hum Khane Ke Bartan Mein Se Luqma Uthate The To Jitna Khana Hath Mein Aata Tha Us Se Kahi Zyada Khana Bartan Mein Neeche Se Ubhar Kar Badh Jata Tha Aur Jab Hum Khane Se Farig Huye To Khana Bajaye Km Hone Ke Bartan Mein Pahle Se Zyada Ho Gaya. Hazrat Siddiqe Akbar Radiallaho Ta'ala Anhu Ne Hairan Ho Kar Apni Beevi Sahiba Se Farmaya Ki Yah Kya Mamla Hai Ki Bartan Mein Khana Pahle Se Kuch Zyada Nazar Aata Hai. Beevi Sahiba Ne Qasam Kha Kar Kaha Waqai Yah Khana To Pahle Se Teen Guna Badh Gaya Hai. Phir Aap Us Khane Ko Bargahe Risalat Mein Le Gaye. Jab Subah Hui To Achanak Mehmanon Ka Ek Qafila Darbare Risalat Mein Utra Jis Mein 12 Qabeelon Ke 12 Sardar The Aur Har Sardar Ke Sath Doosre 70 Sawar The. Un Sab Logon Ne Yahi Khana Khaya Aur Qafila Ke Tamam Sardar Aur Tamam Mehmanon Ka Giroh Us Khane Se Shikan Sair Hokar Aasoodah Ho Gaya Lekin Phir Bhi Us Bartan Mein Khana Khatm Nahi Hua. (Bukhari Shareef Jild 1 Page 506 Mukhtasar)

Maa'n Ke Pet Mein Kya Hai?: Hazrat E Urwah Bin Zubair Radiallaho Ta'ala Anhu Bayan Karte Hain Ki Ameerul Momineen Hazrat E Aboo Bakr Siddiq Radiallaho Ta'ala Anhu Ne Apne Marze Wafat Mein Apni Sahabzadi Ummul Momineen Hazrat E Aaysha Siddiqa Radiallaho Ta'ala Anha Ko Waseeyat Farmate Huye

Irshad Farmaya Ki Meri Pyari Beti! Aaj Tak Mere Paas Jo Mera Maal Tha Wo Aaj Warison Ka Maal Ho Chuka Hai Aur Meri Aulad Mein Tumhare Donon Bhai Abdurrahman Wa Muhammad Aur Tumhari Donon Bahanein Hain Isliye Tum Log Mere Maal Ko Qur'an Majeed Ke Hukm Ke Mutabiq Taqseem Karke Apna Apna Hissa Le Lena. Yah Sun Kar Hazrat E Aaysha Radiallaho Ta'ala Anha Ne Arz Kiya Ki Abba Jaan! Meri To Ek Hi Bahan 'Beebi Asma' Hain Yah Meri Doosri Bahan Kaun Hai? Aap Ne Irshad Farmaya Ki Meri Beevi 'Binte Kharja' Jo Hamila Hai Us Ke Pet Mein Ladki Hai Wo Tumhari Doosri Bahan Hai. Chunanche Aisa Hi Hua Ki Ladki Paida Hui Jin Ka Naam 'Umme Kulsoom' Rakha Gaya. (Tareekhul Khulfa Page 57)

Is Hadees Ke Baare Mein Hazrat Allama Tajuddin Subki Alaihirrahma Ne Tahreer Farmaya Ki Is Hadees Se Ameerul Momineen Hazrat E Aboo Bakr Siddiq Radiallaho Ta'ala Anhu Ki Do Karamatein Sabit Hoti Hain.

Pahla : Yah Ki Aapko Wafat Se Pahle Yah Ilm Ho Gaya Tha Ki Mein Is Marz Mein Duniya Se Kooch Karunga Isliye Waqte Waseeyat Aap Ne Yah Farmaya Ki 'Mera Maal Aaj Mere Warison Ka Maal Ho Chuka Hai'.

Doosra : Yah Ki Hamla Ke Pet Mein Ladka Hai Ya Ladki
Aur Zahir Hai Ki Un Donon Baaton Ka Ilm Yaqeenan
Ghaib Ka Ilm Hai Jo Bila Shubah Wa Bil Yaqeen Paigambar
Ke Janashin Hazrat Ameerul Momineen Aboo Bakr Siddiq
Radiallaho Ta'ala Anhu Ki Do Badi Karamatein

Hain.(Izalatul Khifa Maqsad Number 2 Page 21 Wa Hujjatullah Jild 2 Page 860)

Zaruri Tambeeh: Bayan Ki Gai Hadees Aur Allama Tajuddin Subki Alaihirrahma Ki Taqreer Se Maloom Hua Ki ("Jo Kuch Maa'o Ke Pet Mein Hai") Us Ka Ilm Hazrat Aboo Bakr Siddiq Radiallaho Ta'ala Anhu Ko Hasil Ho Gaya Tha. Isliye Yah Baat Dimag Mein Bitha Leni Chahiye Ki Qur'an Majeed Ki Soorah Luqman Mein Jo Aaya Hai

Tarjuma : "Janta Hai Jo Kuch Maa'o Ke Pet Mein
Hai".(Soorah Luqman, Aayat 34)

Is Aayat Ka Yah Matlab Hai Ki Bagair Khuda Ke Bataye Huye Koi Apni Aqal Wa Samajh Se Nahi Jaan Sakta Ki Maa'n Ke Pet Mein Kya Hai? Lekin Khudavand E Ta'ala Ke Bata Dene Se Doosron Ko Bhi Is Ka Ilm Ho Jata Hai. Chunanche Hazraat E Ambiya Alaihimussalam 'Wahi' Ke Zariye Aur Auliya E Ummat Kashf Wa Karamat Ke Taur Par Khudavand E Quddoos Ke Bata Dene Se Yah Jaan Lete Hain Ki Maa'n Ke Pet Mein Ladka Hai Ya Ladki? Magar ALLAH Ta'ala Ka Ilm Bagair Kisi Ke Ata Kiye Huye, Humesha Rahne Wala Aur Khatm Na Hone Wala Hai Aur Ambiya Wa Auliya Ka Ilm Atai Wa Khatm Hone Wala Aur Doosre Ka Ata Kiya Hua Hai. Allahu Akbar! Kahan Khudavand E Quddoos Ka Ilm Aur Kahan Bandon Ka Ilm? Donon Mein Bahut Farq Hai.

Nigahe Karamat: Huzoor E Aqdas ﷺ Ki Wafat Ke Baad Jo Qabaele Arab Murtad Hokar Islam Se Phir Gaye The Un Mein Qabeela E Kundah Bhi Tha. Chunanche Ameerul Momineen Hazrat E Aboo Bakr Siddiq Radiallaho Ta'ala Anhu Ne Us Qabeela Walo Se Bhi Jihad Farmaya Aur Mujahideene Islam Ne Us Qabeela Ke Bade Sardar Yani Ash'as Bin Qais Ko Giraftar Kar Liya Aur Lohe Ki Zanjeeron Mein Jakad Kar Us Ko Darbare Khilafat Mein Pesh Kiya. Ameerul Momineen Ke Samne Aate Hi Ash'as Bin Qais Ne Buland Aawaz Se Apne Jurm Ka Iqraar Kar Liya Aur Phir Fauran Hi Tauba Karke Sachche Dil Se Islam Qabool Kar Liya. Ameerul Momineen Ne Khush Hokar Us Ka Qusoor Maaf Kar Diya Aur Apni Bahan Hazrat 'Umme Farda' Radiallaho Ta'ala Anha Se Us Ka Nikah Karke Usko Apni Qism Qism Ki Inayaton Aur Nawazishon Se Sarfaraz Kar Diya. Tamam Hazreene Darbar Hairan Rah Gaye Ki Murtad Ka Sardar Jis Ne Murtad Hokar Ameerul Momineen Se Bagawat Aur Jung Ki Aur Bahut Se Musalmanon Ka Khoon Kiya Aise Khoonkhar Baagi Aur Itne Bade Khatarnak Mujrim Ko Ameerul Momineen Ne Is Qadar Kyun Nawaza? Lekin Hazrat Ash'as Bin Qais Radiallaho Ta'ala Anhu Ne Sachche Musalman Hokar Iraq Ke Jihadon Mein Apna Sar Hatheli Par Rakh Kar Aise Aise Mujahadana Karname Anjam Diye Ki Iraq Ki Jeet Ka Sehra Unhi Ke Sar Raha Aur Phir Hazrat E Umar Radiallaho Ta'ala Anhu Ke Daure Khilafat Mein Junge Qadsiya Aur Qila Madaen Wa Jaloola Wa Nihavand Ki Ladaiyon Mein

Unhone Sar Faroshi Wa Jabazi Ke Jo Hairatnak Karname Pesh Kiye Unhein Dekh Kar Sab Ko Manna Pada Ki Waqai Ameerul Momineen Hazrat E Aboo Bakr Siddiq Radiallaho Ta'ala Anhu Ki Nigahe Karamat Ne Hazrat E Ash'as Bin Qais Radiallaho Ta'ala Anhu Ki Zaat Mein Chhipe Huye Kamalaat Ke Anmol Jauharon Ko Salo Pahle Dekh Liya Tha Wo Kisi Aur Ko Nazar Nahi Aaye The. Yaqeenan Yah Ameerul Momineen Hazrat E Aboo Bakr Siddiq Radiallaho Ta'ala Anhu Ki Ek Bahut Badi Karamat Hai. (Izalatul Khifa Maqsad Number 2 Page 39)

Isiliye Mashhoor Sahabi Hazrat E Abdullah Ibne Mas'ood Radiallaho Ta'ala Anhu Aam Taur Par Yah Farmaya Karte The Ki Mere Nazdeek Teen Log Aise Guzare Hain Jo Aqal Wa Samajh Ke Bahut Unche Maqaam Par The.

Pahla : Ameerul Momineen Hazrat E Aboo Bakr Siddiq Radiallaho Ta'ala Anhu Ki Un Ki Nigahe Karamat Ki Noori Samajh Ne Hazrat E Umar Radiallaho Ta'ala Anhu Ke Kamalaat Ko Taad Liya Aur Aapne Hazrat Umar Ko Apne Baad Khilafat Ke Liye Chuna Jis Ko Tamam Duniya Ke Tareekh Likhne Wale Aur Danishwaron Ne Behtareen Qarar Diya.

Doosra : Hazrat E Moosa Alaihissalam Ki Beevi Hazrat e
Safoora Radiallaho Ta'ala Anha Ki Unhone Hazrat E Moosa
Alaihissalam Ke Roshan Mustaqbil Ko Apni Samajh Se
Bhaanp Liya Aur Apne Walid Hazrat Shoaib Alaihissalam Se
Arz Kiya Ki Aap Is Jawan Ko Bataur Majdoor Apne Ghar

Par Rakh Lein Jab Ki Intihai Pareshani Ke Aalam Mein Firaun Ke Zulm Se Bachne Ke Liye Hazrat E Moosa Alaihissalam Akele Hijrat Karke Misr Se Madyan Pahunch Gaye The. Chunanche Hazrat Shoaib Alaihissalam Ne Un Ko Apne Ghar Par Rakh Liya Aur Un Ki Khoobiyon Ko Dekh Kar Aur Un Ke Kamalaat Se Mut'assir Hokar Apni Beti Hazrat Beebi Safoora Ka Un Se Nikah Kar Diya Aur Us Ke Baad Khudavand E Quddoos Ne Hazrat E Moosa Alaihissalam Ko Nubuwwat Wa Risalat Ke Sharf Se Sarfaraz Farma Diya.

Teesra : Misr Ke Badshah Ki Unhone Apni Beevi Hazrat E Zulekha Ko Hukm Diya Ki Agarche Hazrat E Yoosuf Alaihissalam Humare Khareede Gulam Ban Kar Humare Ghar Mein Aaye Hain Magar Khabardar! Tum Un Ki Izzat Wa Ikraam Ka Khaas Taur Par Ahatmam Wa Intazam Rakhna Kyunki Azeeze Misr Ne Apni Nigahe Farasat (Samajh) Se Hazrat Yoosuf Alaihissalam Ke Shandaar Mustaqbil Ko Samajh Liya Tha Ki Goya Aaj Gulam Hain Magar Yah Ek Din Misr Ke Badshah Honge. (Tareekhul Khulfa Page 57, Wa Izalatul Khifa Maqsad Number 2 Page 33)

Kalima E Tayyaba Se Qila Choor Choor: Ameerul Momineen Hazrat E Aboo Bakr Siddiq Radiallaho Ta'ala Anhu Ne Apne Daure Khilafat Mein Qaisare Rum (Rum Ka Badshah) Se Jung Ke Liye Mujahideene Islam Ki Ek Fauj Rawana Farmai Aur Hazrat E Aboo Ubaida Radiallaho Ta'ala Anhu Ko Us Fauj Ka Commander Muqarrar Farmaya. Yah Islami Fauj Qaisare

Rum Ki Lashkari Taqat Ke Muqable Mein Zero Ke Barabar Thi Magar Jab Us Fauj Ne Rumi Qila Ka Gherav Kiya Aur 'La Ilaaha Illallaahu Muhammadur Rasoolullah' Ka Naara Maara To Kalma E Tayyaba Ki Aawaz Se Qaisare Rum Ke Qila Mein Aisa Zalzala Aa Gaya Ki Poora Qila Choor Choor Hokar Us Ki Eint Se Eint Baj Gai Aur Ek Hi Lamhe Mein Qila Fatah Ho Gaya. Bila Shubah Yah Ameerul Momineen Hazrat E Aboo Bakr Siddiq Radiallaho Ta'ala Anhu Ki Bahut Hi Shandaar Karamat Hai Kyunki Aap Ne Apne Daste Mubarak Se Jhanda Bandh Kar Aur Fatah Ki Khushkhabari De Kar Us Fauj Ko Jihad Ke Liye Rawana Farmaya Tha. (Izalatul Khifa Maqsad Number 2 Page 40)

Khoon Mein Peshab Karne Wala: Ek Shakhs Ne Ameerul Momineen Hazrat Aboo Bakr Siddiq Radiallaho Ta'ala Anhu Se Arz Kiya Ki Aey Ameerul Momineen! Mein Ne Khwab Mein Yah Dekha Hai Ki Mein Khoon Mein Peshab Kar Raha Hoon. Aap Ne Intihai Gusse Aur Jalal Mein Tadap Kar Farmaya Ki Too Apni Beevi Se Haiz Ki Haalat Mein Sohbat Karta Hai Isliye Us Gunah Se Tauba Kar Aur Khabardar! Aage Hargiz Hargiz Kabhi Bhi Aisa Mat Karna. Wo Shakhs Apne Us Chhupe Huye Gunah Par Naadim Wa Sharminda Hokar Humesha Humesha Ke Liye Tauba Kar Liya. (Tareekhul Khulfa Page 72)

Salam Se Darwaza Khul Gaya: Hazrat E Ameerul Momineen Aboo Bakr Siddiq

Radiallaho Ta'ala Anhu Ka Janaza Lekar Log Jab Rauza E Munawwarah Ke Paas Pahunche To Logon Ne Arz Kiya Ki 'Assalamu Alaika Ya Rasoolullah Yah Aboo Bakr Ka Janaza Hai' Yah Arz Karte Hi Rauza E Munawwarah Ka Band Darwaza Ek Dam Khud Ba Khud Khul Gaya Aur Tamam Hazireen Ne Qabre Anwar Se Yah Ghaibi Aawaz Suni, 'Habeeb Ko Habeeb Ke Darbar Mein Dakhil Kar Do'. (Tafseere Kabeer Jild 5 Page 478)

Aage Ki Baat Jaan Lena: Huzoor e Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Apni Wafate Aqdas Se Sirf Chand Din Pahle Rumiyon Se Jung Ke Liye Ek Lashkar Ki Rawangi Ka Hukm Farmaya Aur Apni Beemari Hi Ke Dauran Apne Daste Mubarak Se Jung Ka Jhanda Baandha Aur Hazrat Usaama Bin Zaid Radiallaho Ta'ala Anhu Ke Hath Mein Yah Nishane Islam De Kar Unhein Us Lashkar Ka Commander Banaya. Abhi Yah Lashkar Maqame 'Zarf' Mein Khema Zan Tha Aur Faujiyon Ka Ijtema Ho Hi Raha Tha Ki Wafat Ki Khabar Phail Gai Aur Yah Lashkar Maqame 'Zarf' Se Madeena Munavvara Wapas Aa Gaya. Wisaal Ke Baad Hi Bahut Se Qabaele Arab Murtad Aur Islam Se Phir Kar Kafir Ho Gaye Sath Hi Muslimatul Qazzab Ne Apni Nubuwwat Ka Daawa Karke Qabaele Arab Mein Kufr Ki Aag Bhadka Di Aur Bahut Se Qabael Kafir Ho Gaye. Is Bikhrao Ke Daur Mein Ameerul Momineen Hazrat E Aboo Bakr Siddiq Radiallaho Ta'ala Anhu Ne Takhte Khilafat Par Qadam Rakhte Hi Sab Se Pahle Yah Hukm

Farmaya Ki 'Jaishe Usaama' Yani Islam Ka Wo Lashkar Jis Ko Huzoor e Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Hazrat Usaama Radiallaho Ta'ala Anhu Ki Nigrani Mein Rawana Farmaya Aur Wapas Aa Gaya Hai Dobara Us Jihad Ke Liye Rawana Kiya Jaye. Hazraate Sahaba E Kiraam Bargahe Khilafat Ke Is Ailaan Se Bahut Dar Gaye Aur Kisi Tarah Bhi Yah Mamla Un Ki Samajh Mein Nahi Aa Raha Tha Ki Aisi Khatarnak Soorate Haal Mein Jab Ki Bahut Se Qabael Islam Se Phir Kar Madeena Munavvara Par Hamlon Ki Taiyariyan Kar Rahe Hain Aur Jhoothe Nubuwwat Ke Daawa Karne Walo Ne Arab Ke Pahad Mein Loot Maar Aur Bagawat Ki Aag Bhadka Rakhi Hai Itni Badi Islami Fauj Ka Jis Mein Bade Bade Naamwar Aur Ladakoo Sahaba E Kiraam Maujood Hain Mulk Se Bahar Bhej Dena Aur Madeena Munavvara Ko Bilkul Faujiyon Se Khali Chhod Kar Khatraat Mol Lena Kisi Tarah Bhi Aqale Saleem Ke Nazdeek Qabile Qabool Nahi Ho Sakta. Chunanche Sahaba E Kiraam Ki Ek Chuni Hui Jama'at Jis Ke Ek Fard Hazrat E Umar Bin Khattab Radiallaho Ta'ala Anhu Bhi Hain Bargahe Khilafat Mein Hazir Huye Aur Arz Ki Aey Janashine E Paigambar! Aise Khatarnak Mahol Mein Jab Ki Madeena Munavvara Ke Charo Taraf Murtadeen Ne Bagawat Phaila Rakhi Hai Yahan Tak Ki Madeena Munavvara Par Hamla Ke Khatraat Darpesh Hain Aap Hazrat Usaama Ke Lashkar Ko Jane Se Rok Dein Taaki Us Fauj Ki Madad Se Kafiron Ka Muqabla Kiya Jaye Aur Un Par Jeet Hasil Ki Jaye. Yah Sun Kar Aap Ne Gusse Mein Tadap Kar Farmaya Ki Khuda Ki Qasam! Mujhe Parinde Uchak Le Jayein Yah

Mujhe Gawara Hai Lekin Mein Us Fauj Ko Jane Se Rok Doo Jis Ko Apne Daste Mubarak Se Jhanda Baandh Kar Huzoor E Akram ﷺ Ne Rawana Farmaya Tha Yah Hargiz Hargiz Kisi Haal Mein Bhi Mere Nazdeek Qabile Qabool Nahi Ho Sakta. Mein Us Lashkar Ko Zarur Rawana Karunga Aur Us Mein Ek Din Ki Bhi Deri Bardasht Nahi Karunga Chunanche Aapne Tamam Sahaba E Kiraam Ke Mana Karne Ke Bavajood Us Lashkar Ko Rawana Kar Diya. Khuda Ki Shaan Ki Jab Joshe Jihad Mein Bhara Hua Lashkare Islamiya Ka Yah Samandar Maujein Maarta Hua Rawana Hua To Ird Gird Ke Tamam Qabael Mein Shaukat E Islam Ka Sikka Baith Gaya Aur Murtad Ho Jane Wale Qabael Ya Wo Qabeele Jo Murtad Hone Ka Irada Rakhte The Musalmanon Ka Yah Bhayanak Lashkar Dekh Kar Khauf Wa Dahshat Se Kaanp Gaye Aur Kahne Lage Ki Agar Khalifa E Waqt Ke Paas Bahut Badi Fauj Reserve Maujood Na Hoti To Wo Bhala Itna Bada Lashkar Mulk Ke Bahar Kis Tarah Bhej Sakte The? Is Khyaal Ke Aate Hi Un Jungjoo Qabael Ne Jinhone Murtad Hokar Madeena Munavvara Par Hamla Karne Ka Plan Banaya Tha Khauf Wa Dahshat Se Apna Irada Khatm Kar Diya Balki Bahut Se Phir Tauba Karke Aagoshe Islam Mein Aa Gaye Aur Madeena Munavvara Kafiron Ke Hamlon Se Mahfooz Raha Aur Hazrat Usaama Bin Zaid Radiallaho Ta'ala Anhu Ka Lashkar Maqame 'Ibni' Mein Pahunch Kar Rumiyon Ke Lashkar Se Jung Karne Laga Aur Woan Bahut Hi Khoonrez Jung Ke Baad Lashakre Islam Kamiyab Ho Gaya Aur Hazrat E Usaama Radiallaho Ta'ala Anhu Beshumar Maale Ganeemat

Lekar 40 Din Ke Baad Fatehana Shano Shaukat Ke Sath Madeena Munavvara Wapas Tashreef Laye Aur Ab Tamam Sahaba E Kiraam Ansar Wa Muhajireen Par Yah Raaz Khul Gaya Ki Hazrat E Usaama Radiallaho Ta'ala Anhu Ke Lashkar Ko Rawana Karna Hikmat Ke Mutabiq Tha Kyunki Is Lashkar Ne Ek Taraf To Rumiyon Ki Fauji Taqat Ko Tahas Nahas Kar Diya Aur Doosri Taraf Murtadeen Ke Hausalon Ko Bhi Past Kar Diya. Yah Ameerul Momineen Hazrat E Aboo Bakr Siddiq Radiallaho Ta'ala Anhu Ki Ek Badi Karamat Hai Ki Aage Bhi Hone Wale Waqiyaat Aap Par Waqt Se Pahle Hi Zahir Ho Gaye Aur Aapne Us Faujekashi Ke Mubarak Iqdaam Ko Us Waqt Apni Nigahe Karamat Se Nateeje Ke Taur Par Dekh Liya Tha Jab Ki Woan Tak Doosre Sahaba E Kiraam Ko Waham Wa Guman Bhi Nahi Pahunch Sakta Tha. (Tareekhul Khulfa Page 51, Madarijunnabuwah Jild 2 Page 409 Wagairah)

Madfan Ke Baare Mein Ghaibi Aawaz: Hazrat E Aaysha Siddiqa Radiallaho Ta'ala Anha Farmati Hain Ki Ameerul Momineen Hazrat E Aboo Bakr Siddiq Radiallaho Ta'ala Anhu Ke Wisal Ke Baad Sahaba E Kiraam Mein Ikhtilaaf Paida Ho Gaya Ki Aap Ko Kahan Dafan Kiya Jaye? Kuch Logon Ne Kaha Ki Un Ko Shuhda E Kiraam Ke Qabristhan Mein Dafan Karna Chahiye Aur Kuch Hazraat Chahate The Ki Aap Ki Qabr Shareef Jannatul Baqeea Mein Banai Jaye Lekin Meri Dili Khwahish Yahi Thi Ki Aap Mere Usi Hujra Mein Dafnaye Jayein Jis Mein Huzoor E Akram

ﷺ Ki Qabr Munawwar Hai. Yah Baat Cheet Ho Rahi Thi Ki Achanak Neend Lag Gai Aur Khwab Mein Yah Aawaz Meine Suni Ki Koi Kahne Wala Kah Raha Hai Ki ('Habeeb Ko Habeeb Se Mila Do') Khwab Se Uth Kar Meine Logon Se Us Aawaz Ka Zikr Kiya To Bahut Se Logon Ne Kaha Ki Yah Aawaz Ham Logon Ne Bhi Suni Hai Aur Masjide Nabwi Ke Andar Bahut Se Logon Ke Kaano Mein Yah Aawaz Aai Hai. Us Ke Baad Tamam Sahaba E Kiraam Ka Is Baat Par Ittefaq Ho Gaya. Aap Huzoor E Anwar یللاہی صَلَّ مَی لَّیوَسَ ہل یوَاٰ ہیعَلَی تَعَالٰ Ke Pahloo E Aqdas Mein Madfoon Hokar Apne Habeeb Ke Qurbe Khaas Se Sarfaraz Ho Gaye. (Shawahidunnabuwah Page 150)

Dushman Khinzeer Wa Bandar Ban Gaye: Hazrat Imaam Masgfari Rahmatullah Alaih Ne Bade Raweeyon Se Naql Kiya Hai Ki Hum Log Teen Aadmi Ek Sath Yaman Ja Rahe The Humara Ek Sathi Jo Koofi Tha Wo Hazrat Aboo Bakr Siddiq Wa Hazrat Umar Radiallaho Ta'ala Anhu Ki Shaan Mein Badzubani Kar Raha Tha Hum Log Usko Baar Baar Mana Karte The Magar Wo Apni Is Harkat Se Baaz Nahi Aata Tha. Jab Hum Log Yaman Ke Qareeb Pahunch Gaye Aur Hum Ne Us Ko Namaze Fazr Ke Liye Jagaya To Wo Kahne Laga Ki Meine Abhi Yah Khwab Dekha Hai Ki Huzoor یمَ لَّوَسَ ی ہل وَاٰ ی ہلَیعَی ی تَعَالٰ للاہی ی صَلَّ Mere Sirhane Tashreef Farma Huye Aur Mujh Se Farmaya Ki 'Aey Fasiq! Khudavand E Ta'ala Ne Tujhko Zaleel Wa Khwar Farma Diya Aur Tera Usi Tarah Mein Chehra Badal Diya Jayega' Us Ke Baad Fauran Hi Us Ke Donon Panvo Bandar Jaise

Ho Gaye Aur Thodi Der Mein Us Ki Soorat Bilkul Hi Bandar Jaisi Ho Gai. Hum Logon Ne Namaze Fazr Ke Baad Us Ko Pakad Kar Unt Ke Paalan Ke Upar Rassiyon Se Jakad Kar Baandh Diya Aur Woan Se Rawana Huye. Sooraj Doobne Ke Waqt Jab Hum Ek Jungle Mein Pahunche To Kuch Bandar Woan Jama The Jab Us Ne Bandaron Ke Jhund Ko Dekha To Rassi Tod Kar Unt Ke Paalan Se Kood Pada Aur Bandaron Ke Jhund Mein Shamil Ho Gaya. Hum Log Hairan Ho Kar Thodi Der Woan Thahar Gaye Taaki Hum Yah Dekh Sakein Ki Bandaron Ka Jhund Us Ke Sath Kis Tarah Pesh Aata Hai To Hum Ne Yah Dekha Ki Yah Bandaron Ke Paas Baitha Hua Hum Logon Ki Taraf Badi Afsos Se Dekhta Tha Aur Us Ki Aankhon Se Aansoo Jaari The Ghadi Bhar Ke Baad Jab Sab Bandar Woan Se Doosri Taraf Jane Lage To Yah Bhi Un Bandaron Ke Sath Chala Gaya. (Shawahidunnabuwah Page 153)

Isi Tarah Hazrat Imaam Masgfari Rahmatullah Alaih Ne Ek Nek Aadmi Se Naql Kiya Hai Ki Koofa Ka Ek Shakhs Jo Hazrat E Aboo Bakr Wa Hazrat E Umar Radiallaho Ta'ala Anhum Ko Bura Bhala Kaha Karta Tha Har Chand Hum Logon Ne Us Ko Mana Kiya Magar Wo Apni Zid Par Ada Raha Tung Aakar Hum Ne Us Ko Kah Diya Ki Tum Humare Qafila Se Alag Ho Kar Safar Karo. Chunanche Wo Hum Logon Se Alag Ho Gaya. Jab Hum Log Manzile Maqsood Par Pahunch Gaye Aur Kaam Poora Karke Watan Ki Wapasi Ka Irada Kiya To Us Shakhs Ka Gulam Hum Logon Se Mila Jab Hum Ne Us Se Kaha Ki Kya Tum Aur

Tumhara Malik Humare Qafile Ke Sath Watan Jane Ka Irada Rakhte Ho? Yah Sun Kar Gulam Ne Kaha Ki Mere Aaqa Ka Haal To Bahut Hi Bura Hai Zara Aap Log Mere Sath Chal Kar Us Ka Haal Dekh Leejiye. Gulam Hum Logon Ko Sath Le Kar Ek Makaan Mein Pahuncha Wo Shakhs Udaas Hokar Hum Logon Se Kahne Laga Ki Mujh Par To Bahut Badi Musibat Pad Gai. Phir Us Ne Apni Aasteen Se Donon Hathon Ko Nikaal Kar Dikhaya To Hum Log Yah Dekh Kar Hairan Rah Gaye Ki Us Ke Donon Hath Khinzeer Ke Hathon Ki Tarah Ho Gaye The. Aakhir Hum Logon Ne Us Par Taras Kha Kar Apne Qafila Mein Shamil Kar Liya Lekin Safar Hi Mein Ek Jagah Chand Khinzeeron Ka Ek Jhund Nazar Aaya Aur Yah Shakhs Bilkul Hi Achanak Badal Kar Aadmi Se Khinzeer Ban Gaya Aur Khinzeeron Ke Sath Mil Kar Daudne Bhagne Laga Majbooran Hum Log Us Ke Gulam Aur Saman Ko Apne Sath Koofa Tak Laye. (Shawahidunnabuwa Page 154)

Shaikhain (Hazrat E Aboo Bakr Wa Umar Radiallaho Ta'ala Anhum): Isi Tarah Hazrat Imaam Masgfari Rahmatullah Alaih Ek Buzurg Se Naql Karte Hain Ki Meine Mulke Shaam Mein Ek Aise Imaam Ke Peechhe Namaz Ada Ki Jis Ne Namaz Ke Baad Hazrat Aboo Bakr Wa Umar Radiallaho Ta'ala Anhum Ke Haq Mein Baddua Ki. Jab Doosre Saal Meine Usi Masjid Mein Namaz Padhi To Namaz Ke Baad Imaam Ne Hazrat Aboo Bakr Wa Umar Radiallaho Ta'ala Anhum Ke Haq Mein Behtareen Dua Mangi. Meine Namaziyon Se Poochha

Ki Tumhara Purana Imaam Kya Hua? To Logon Ne Kaha Ki Aap Humare Sath Chal Kar Usko Dekh Leejiye! Mein Jab Un Logon Ke Sath Ek Makaan Mein Pahuncha To Yah Dekh Kar Mujh Ko Badi Ibrat Hui Ki Ek Kutta Baitha Hua Hai Aur Us Ki Donon Aankhon Se Aansoo Jaari Hain. Meine Us Se Kaha Ki Tum Woi Imaam Ho Jo Hazrat E Shaikhain Ke Liye Baddua Kiya Karta Tha To Us Ne Sar Hila Kar Jawab Diya Ki Haan! (Shawahidunnabuwa Page 156)

Allahu Akbar! SubhanALLAH! Kitni Badi Hai Shaan Sahaba E Kiraam Ki! Khaas Kar Yaare Gaare Rasool Hazrat Ameerul Momineen Aboo Bakr Siddiq Radiallaho Ta'ala Anhu Ki. Kya Khoob Kaha Hai Kisi Sahaba Ki Tareef Karne Wale Ne:- 'Beech Mein Shama'a Thi Aur Charon Taraf Parwane, Har Koi Uske Liye Jaan Jalane Wala, Daawa Ulfate Ahmad To Sabhi Karte Hain, Koi Nikle To Zara Ranj Uthane Wale, Kaam Ulfat Ke The Wo Jin Ko Sahaba Ne Kiya, Kya Nahi Yaad Tumhein "Gaar" Mein Jane Wala' Tabsara : Kisi Kaam Ke Anjaam Aur Aage Ke Halat Ko Jaan Lena Har Aadmi Janta Hai Ki Yaqeenan Yah Ghaib Ka Ilm Hai. Ameerul Momineen Hazrat Aboo Bakr Siddiq Radiallaho Ta'ala Anhu Ki Upar Likhi Hui Karamat Se Zahir Ho Jata Hai Ki Ameerul Momineen Ko ALLAH Ta'ala Ne Kashf Wa Ilhaam Ke Taur Par Un Ghaibo Ka Ilm Ata Farmaya Tha. Lillah! Insaf Keejiye Ki Jab Khaleefa Ko ALLAH Ne Ilhaam Wa Kashf Ke Zariye Ilme Ghaib Ki Karamat Ata

Farmai To Kya Usne Apne Paigambar ﷺ Ko Apni Muqaddas 'Wahi' Ke Zariye Ilme Ghaib Ka Muajeza Na Ata Farmaya Hoga? Kya Ma'azallah! ALLAH Ta'ala Ko Ilme Ghaib Batane Ki Qudrat Nahi Ya Nauzubillah! Nabi ﷺ Mein Ilme Ghaib Hasil Karne Ki Salahiyat Nahi. Bataiye Duniya Mein Kaun Aisa Bewakoof Hai Jo Khuda Ki Qudrat Aur Us Ke Nabi Ki Salahiyat Se Inkar Kar Sakta Hai Jab Khuda Ki Qudrat Tasleem Aur Nabi Ki Salahiyat Tasleem Hai To Phir Bhala Nabi E Akram ی تَعَالٰ یللاہی صَلَّ مَی لَّ یوَسَ ہل یوَاٰ ہعَلَی Ke Ilme Ghaib Ka Inkar Kis Tarah Mumkin Ho Sakta Hai? Magar Afsos! Sad Hazaar Afsos! Ki Wahabi Ulma Jo Azmate Mustafa ﷺ Ko Ghatane Ke Liye Lunger Lungot Kas Kar Balki Nanga Hokar Maidan Mein Utar Pade Hain Yah Sab Kuch Jante Huye Aur Saikdon Aayate Bayynaat Aur Daleelon Ko Dekhte Huye Bhi Aankh Chhupa Kar Huzoor ﷺ Ke Ilme Ghaib Ka Chilla Chilla Kar Inkar Karte Rahte Hain Aur Apne Manne Walo Aur Hawa Khwahon Ko Is Darja Gumrah Kar Chuke Hain Ki Un Ke Awaam Gumrahi Ki Bhool Bhulaiyon Se Nikal Kar Seedhe Raste Par Aane Ke Liye Kisi Tarah Taiyar Hi Nahi Hote Aur Kahawat Mashhoor Hai Ki Sote Ko Jagana Bahut Aasan Hai Magar Jaagte Ko Jagana Bahut Mushkil Hai Isliye Ab Hum Un Logon Ki Hidayat Se Taqreeban Mayoos Ho Chuke Hain Kyunki Yah Log Jahil Nahi Balki Mutjahil (Jaan Bujh Kar Anjan Banna) Hai Yani Sab Kuch Jante Huye Bhi Jahil Bane Huye Hain Aur Yah Log Talibe Haq Nahi Hain Balki Dushman Hain Yani Haq Ke Zahir Hone Ke Baad Bhi Haq Ko Qabool Karne Ke Liye

Taiyar Nahi Hain. Isliye Hum Apne Sunni Hanafi Bhaiyon Ki Yahi Mukhlesana Mashwara Balki Hukm Dete Hain Ki Wo Nabi E Akram ﷺ Ke Ghaibdan Hone Ke Aqeeda Par Khud Pahad Ki Tarah Mazbooti Ke Sath Qayam Rahein Aur Un Gumrahon Ki Taqreeron, Tahreeron Aur Sohbaton Se Bilkul Qatai Taur Par Parhez Karein Kyunki Gumrahi Ke Virus Bahut Jald Asar Kar Jate Hain Aur Hidayat Ka Noor Badi Mushkil Aur Bahut Koshish Ke Baad Milta Hai. Khudavand E Kareem Humare Biradarane Ahle Sunnat Ke Imaan Wa Aqaed Ki Hifazat Farmaye Aur Tamam Gumrahon, Baddeenon Aur Bedeenon Ke Burai Se Bachaye Rakhe. (Aameen) Aakhir Mein Bayan Ki Gai Teen Riwayaton Se Zahir Hai Ki Hazrat Aboo Bakr Wa Umar Radiallaho Ta'ala Anhum Ki Muqaddas Shaan Mein Badgoe Aur Badzubani Ka Anjam Kitna Khatarnak Wa Ibratnak Hai? Zamana E Haal Ke Tabrai Rawafiz Ke Liye Yah Riwayat Ibrat Aur Naseehat Hain Ki Wo Log Apne Sahaba Ko Bura Bhala Kahne Se Baaz Aa Jayein Warna Halakaton Aur Barbadiyon Ka Signal Down Ho Chuka Hai Aur Qareeb Hai Ki Azaabe Ilaahi Ki Relgadi Un Zalimon Ko Raund Kar Choor Choor Kar Dale Aur Insha ALLAH Ta'ala Yah Kameene Bhi Donon Jahan Ki Lanaton Mein Giraftar Hokar Duniya Mein Badal Kar Khinzeer Wa Bandar Aur Kutte Bana Diye Jayenge Aur Aakhirat Mein Qaharon Ghazab Jabbar Mein Giraftar Hokar Azaabe Dozakh Pakar Zaleel Wa Khwar Ho Jayenge. Hazraat E Ahle Sunnat Ko Zaruri Hai Ki Tamam

Gumrah Firqon Ki Tarah Rawafiz Wa Khwarij Se Bhi Isi Tarah Alag Rahein Aur Un Se Ta'alluq Na Rakhein Kyunki Yah Sab Firqein Jo Shaane Risalat Wa Darbare Sahabiyat Wa Bargahe Ahle Bayt Mein Gustakhiyan Karte Hain Yaqeenan Bila Shubah Yah Sab Ke Sab Jahannami Hain Aur Yah Log Yahan Bhi Aur Jis Majlis Mein Bhi Rahenge Un Par Khuda Ki Phatkaar Padti Rahegi Aur Zahir Hai Ki Jo Un Ke Paas Baithega Aur Un Se Milega. Isliye Khairiyat Isi Mein Hai Ki Aag Se Door Hi Rahiye Warna Agar Jalne Se Bachenge To Km Se Km Us Ki Aanch Se Na Bach Sakenge. Khudavand E Kareem Hazraat E Ahle Sunnat Ke Imaan Ki Hifazat Farmaye. Aameen

Hazrat Umar Farooq Radiallaho Ta'ala
Anhu

Khaleefa E Dom Janashine Paigambar Hazrat Umar Farooq E Aazam Radiallaho Ta'ala Anhu Ki Kunniyat 'Aboo Hafas' Aur Laqab 'Farooq E Aazam' Hai Aap Quraish Ke Sardaron Mein Apni Zaati Wa Khandani Martaba Ke Lihaz Se Bahut Hi Mumtaz Hain. Aathwein Pusht Mein Aapka Khandani Shajra Rasoolullah ﷺ Ke Shajra E Nasab Se Milta Hai. Aap Waqia Pheel Ke Teen Saal Baad Makka Mukarrama Mein Paida Huye Aur Ailane Nubuwwat Ke Chhathe(6) Saal 27 Saal Ki Umr Mein Musharraf Ba Islam Huye. Jab Ki Ek Riwayat Mein Hai Ki Aap Se Pahle Kul 39 Aadmi Islam Qabool Kar Chuke The. Aap Ke Musalman Ho Jane Se Musalmanon Ko Behad Khushi Hui Aur Un Ko Ek Bahut Bada Sahara Mil Gaya Yahan Tak Ki Huzoor E Rahmate Aalam یمَ لَّ یوَسَ ہل یوَاٰ ہ یعَلَیی یللاہیتَعَالٰ صَلَّ Ne Musalmanon Ki Jama'at Ke Sath Khana-E-Ka'aba Ki Masjid Mein Khullam Khulla Namaz Ada Farmai. Aap Tamam Islami Jungon Mein Mujahidana Shaan Ke Sath Kuffar Se Ladte Rahe Aur Paigambar E Islam ی یللاہیتَعَالٰ صَلَّ مَی لَّوَسَیی ہل وَاٰ ی ہعَلَی Ki Tamam Islami Kaamo Aur Sulah Wa Jung Wagairah Ki Tamam Mansooba Bandiyon Mein Huzoor Sultane Madeena ﷺ Ke Wazeer Wa Musheer Ki Haisiyat Se Wafadar Sathi Rahe. Ameerul Momineen Hazrat Aboo Bakr Siddiq Radiallaho Ta'ala Anhu Ne Apne Baad Aap Ko Khaleefa Chuna Aur 10 Saal 6 Mahina 4 Din

Aap Ne Takhte Khilafat Par Raunaq Afroz Hokar Janasheeni Rasool Ki Tamam Zimmedariyon Ko Achchi Tarah Anjam Diya. 26 Zilhijja 23 Hijri Budh Ke Din Namaze Fazr Mein Aboo Looloo Firoz Majoosi Kafir Ne Aap Ke Pet Mein Khanjar Mara Aur Aap Yah Zakhm Kha Kar Teesre Din Sharfe Shahadat Se Sarfaraz Ho Gaye Ba Waqte Wafat Aap Ki Umr Shareef 63 Saal Ki Thi. Hazrat Suhaib Radiallaho Ta'ala Anhu Ne Aap Ki Namaze Janaza Padhai Aur Rauza E Mubaraka Ke Andar Hazrat Siddiqe Akbar Radiallaho Ta'ala Anhu Ke Pahloo E Anwar Mein Madfoon Huye. (Tareekhul Khulfa Wa Izalatul Khifa Wagairah)

Karamat

Qabr Walo Se Baat Cheet: Ameerul Momineen Hazrat Umar Farooq Radiallaho Ta'ala Anhu Ek Martaba Ek Nek Naujawan Ki Qabr Par Tashreef Le Gaye Aur Farmaya Ki Aey Falan! ALLAH Ta'ala Ne Waada Farmaya Ki, "Jo Apne Rab Ke Huzoor Khade Hone Se Dare Us Ke Liye Do Jannatein Hain"(Soorah Rahman, Aayat 46)

Aey Naujawan! Bata Qabr Mein Tera Kya Haal Hai? Us
Naujawan Salih (Nek) Ne Qabr Ke Andar Se Aap Ka Naam
Le Kar Pukara Aur Ba Aawaze Buland Do Martaba Jawab
Diya Ki Mere Rab Ne Yah Donon Jannatein Mujhe Ata
Farma Di Hain. (Hujjatullah Alal Aalmeen Jild 2 Page 860
Ba Hawala Haakim)

Madeena Ki Aawaz Nahawand Tak: Ameerul Momineen Hazrat Umar Farooq Aazam Radiallaho Ta'ala Anhu Ne Hazrat Sariya Radiallaho Ta'ala Anhu Ko Ek Lashkar Ka Commander Bana Kar Nehawand Ki Sar Zameen Mein Jihad Ke Liye Rawana Farma Diya. Aap Jihad Mein Masroof The Ki Ek Din Hazrat Umar Radiallaho Ta'ala Anhu Masjide Nabwi Ke Mimbar Par Khutba Padhte Huye Achanak Yah Irshad Farmaya Ki (Aey Sariya! Pahad Ki Taraf Apni Peeth Kar Lo) Hazreene Masjid Hairan Rah Gaye Ki Hazrat Sariya To Sar Zameene Nehawand Mein Jihad Kar Rahe Hain Aur Madeena Munavvara Se Saikdon Meel Ki Doori Par Hain Aaj Ameerul Momineen Ne Unhein Kyunkar Pukara? Lekin Nehawand Se Jab Hazrat E Sariya Ka Khabri Aaya To Us Ne Yah Khabar Di Ki Maidane Jung Mein Jab Kuffar Se Humara Muqabla Hua To Humari Haar Hone Lagi Itne Mein Achanak Ek Cheekhne Wale Ki Aawaz Aai Jo Chilla Chilla Kar Yah Kah Raha Tha Ki Aey Sariya! Tum Pahad Ki Taraf Apni Peeth Kar Lo. Hazrat Sariya Radiallaho Ta'ala Anhu Ne Farmaya Ki Yah To Ameerul Momineen Hazrat Umar Farooq E Aazam Radiallaho Ta'ala Anhu Ki Aawaz Hai Yah Kaha Aur Fauran Hi Unhone Apne Lashkar Ko Pahad Ki Taraf Peeth Karke Saf Bandi Ka Hukm Diya Aur Us Ke Baad Jo Humari Lashkar Ki Kuffar Se Takkar Hui To Ek Dam Achanak Jung Ka Paasa Hi Palat Gaya Aur Ek Hi Lamhe Mein Islami Lashkar Ne Kuffar Ki Faujon Ko Raund Dala Aur Faujiyon Ke Jabardast Hamlon Ki Taab Na Lakar Kuffar Ka Lashkar Maidane Jung Chhod Kar Bhaag Nikla

Aur Afwaaje Islam Ne Fateh Mubeen Ka Parcham Lahra Diya. (Mishkat Babul Karamat Page 546 Wa Hujjatullah Jild 2 Page 860 Wa Tareekhul Khulfa Page 85) Tabsera : Hazrat Ameerul Momineen Farooq E Aazam Radiallaho Ta'ala Anhu Ki Is Hadeese Karamat Se Chand Baatein Maloom Hui Jo Talibe Haq Ke Liye Roshani Ka Minara Hain.

1. Hazrat Ameerul Momineen Farooq E Aazam Aur Aap Ke Commander Donon Sahibe Karamat Hain Kyunki Madeena Munavvara Se Saikdon Meel Ki Doori Par Aawaz Ko Pahuncha Dena Yah Ameerul Momineen Ki Karamat Hai Aur Saikdon Meel Ki Doori Se Kisi Aawaz Ko Sun Lena Yah Hazrat Sariya Radiallaho Ta'ala Anhu Ki Karamat Hai.

2. Ameerul Momineen Ne Madeena Tayyaba Se Saikdon Meel Ki Doori Par Nehawand Ke Maidane Jung Aur Us Ke Halat Wa Kaifiyaat Ko Dekh Liya Aur Phir Islami Faujiyon Ki Mushkilat Ka Hal Bhi Mimber Par Khade Khade Lashkar Ke Commander Ko Bata Diya.

Is Se Maloom Hua Ki Auliya E Kiraam Ke Kaan Aur Aankh Aur Un Ki Sunne Wa Dekhne Ki Taqaton Ko Aam Insanon Ke Kaan Wa Aankh Aur Un Ki Quvvaton Par Hargiz Hargiz Qayas Nahi Karna Chahiye Balki Yah Imaan Rakhna Chahiye Ki ALLAH Ta'ala Ne Apne Mahboob Bandon Ke Kaan Aur Aankh Ko Aam Insanon Se Bahut Hi Zyada Taqat Ata Farmai Hai Aur Un Ki Aankhon, Kaano Aur Doosre Ango (Body Parts) Ki Taqat Is Qadar Be Misl Aur Be Misaal Hai Aur Un Se Aise Karname Anjam Pate

Hain Ki Jin Ko Dekh Kar Karamat Ke Siwa Kuch Bhi Nahi Kaha Ja Sakta. 3. Upar Ki Hadees Se Yah Bhi Sabit Hota Hai Ki Ameerul Momineen Hazrat Umar Farooq E Aazam Radiallaho Ta'ala Anhu Ki Hukoomat Hawa Par Bhi Thi Aur Hawa Bhi Un Ke Control Mein Thi Isliye Ki Aawazon Ko Doosron Ke Kaano Tak Pahunchana Dar Haqeeqat Hawa Ka Kaam Hai Ki Hawa Ke Bahne Hi Se Aawazein Logon Ke Kaano Ke Pardon Se Takra Kar Sunai Diya Karti Hain. Hazrat Farooq E Aazam Radiallaho Ta'ala Anhu Ne Jab Chaha Apne Qareeb Walo Ko Aawaz Suna Di Aur Jab Chaha To Saikdon Meel Door Walo Ko Bhi Suna Di. Isliye Ki Hawa Aap Ke Zere Farman Thi Jahan Tak Aap Ne Chaha Hawa Se Aawaz Pahunchane Ka Kaam Le Liya. SubhanALLAH! Sach Farmaya Huzoor Akram ی ہیعَلَی یللاہیتَعَالٰ صَلَّ مَی لَّ یوَسَ ہل وَاٰ Ne Ki (ALLAH Ka Banda Farmabardar Ban Jata Hai To Khuda Us Ka Kaam Banane Wala Madadgar Ban Jata Hai) Isi Mazmoon Ki Taraf Ishara Karte Huye Hazrat Shaikh Sa'adi Alaihirrahma Ne Kya Khoob Farmaya, Tarjuma : Too Khuda Ke Hukm Se Kotahi Na Kar Taaki Tere Hukm Se Duniya Ki Koi Cheez Roogardani Na Kare.

Dariya Ke Naam Khat: Riwayat Hai Ki Ameerul Momineen Hazrat E Umar Farooq Radiallaho Ta'ala Anhu Ke Daur E Khilafat Mein Ek Martaba Misr Ka Dariya E Neel Sookh Gaya. Misr Ke Rahne Walo Ne Misr Ke Governor Amr Bin Aas Radiallaho Ta'ala Anhu Se Fariyad Ki Aur Yah Kaha Ki Misr Ki Tamam Tar

Paidawar Ka Daromadar Usi Dariya E Neel Ke Paani Par Hai. Aey Ameer! Ab Tak Humara Yah Dastoor Raha Hai Ki Jab Kabhi Bhi Yah Darya Sookh Jata Tha To Hum Log Ek Khubsoorat Kanwari Ladki Ko Is Dariya Mein Zinda Dafan Karke Dariya Ki Bhent (Tohfa) Chadhaya Karte The To Yah Dariya Jaari Ho Jaya Karta Tha Ab Hum Kya Karein? Governor Ne Jawab Diya Ki Arhamurrahimeen Aur Rahmatul Lilaalmeen Ka Rahmat Bhara Deen Humara Islam Hargiz Hargiz Kabhi Bhi Is Be Rahmi Aur Zalimana Kaam Ki Ijazat Nahi De Sakta Isliye Tum Log Intazar Karo Mein Darbare Khilafat Mein Khat Likh Kar Poochhta Hoon Woan Se Jo Hukm Milega Hum Us Par Amal Karenge. Chunanche Ek Qasid Governor Ka Khat Lekar Madeena Munavvara Darbare Khilafat Mein Hazir Hua. Ameerul Momineen Ne Governor Ka Khat Padh Kar Dariya E Neel Ke Naam Ek Khat Tahreer Farmaya Jis Ka Mazmoon Yah Tha Ki, 'Aey Dariya E Neel! Agar Too Khud Ba Khud Jaari Hua Karta Tha To Hum Ko Teri Koi Zarurat Nahi Hai Aur Agar Too ALLAH Ta'ala Ke Hukm Se Jaari Hota Tha To Phir ALLAH Ta'ala Ke Hukm Se Jaari Ho Ja'. Ameerul Momineen Ne Is Khat Ko Qasid Ke Hawala Farmaya Aur Hukm Diya Ki Mere Is Khat Ko Dariya E Neel Mein Dafan Kar Diya Jaye. Chunanche Aap Ke Farman Ke Mutabiq Governor Misr Ne Us Khat Ko Dariya E Neel Ke Sookhe Baloo Mein Dafan Kar Diya. Khuda Ki Shaan Ki Jaise Hi Ameerul Momineen Ka Khat Dariya Mein Dafan Kiya Gaya Fauran Hi Dariya Jaari Ho Gaya Aur Us Ke Baad

Phir Kabhi Sookha Nahi. (Hujjatullah Jild 2 Page 861 Wa Izalatul Khifa Maqsad Number 2 Page 166) Tabsera : Is Bayan Se Maloom Hua Ki Jis Tarah Hawa Par Ameerul Momineen Hazrat Umar Radiallaho Ta'ala Anhu Ki Hukoomat Thi Usi Tarah Dariya'o Ke Paaniyon Par Bhi Aap Ki Hukmrani Ka Parcham Lahra Raha Tha Aur Dariya'o Ki Rawani Bhi Aap Ki Farmabardar Wa Khidmat Guzaar Thi.

Chadar Dekh Kar Aankh Bujh Gai: Riwayat Mein Hai Ki Aap Ki Khilafat Ke Daur Mein Ek Martaba Achanak Ek Pahad Ke Gaar Se Ek Bahut Hi Khatarnak Aag Zahir Hui Jis Ne Aas Paas Ki Tamam Cheezon Ko Jala Kar Raakh Ka Dher Bana Diya Jab Logon Ne Darbare Khilafat Mein Fariyad Ki To Ameerul Momineen Ne Hazrat Tameem Daari Radiallaho Ta'ala Anhu Ko Apni Chadar Mubarak Ata Farmai Aur Irshad Farmaya Ki Tum Meri Yah Chadar Le Kar Aag Ke Paas Chale Jao. Chunanche Hazrat Tameem Daari Radiallaho Ta'ala Anhu Is Paak Chadar Ko Le Kar Rawana Ho Gaye Aur Jaise Hi Aag Ke Qareeb Pahunche Fauran Wo Aag Bujhane Aur Peechhe Hatne Lagi Yahan Tak Ki Wo Gaar Ke Andar Chali Gai Aur Jab Yah Chadar Le Kar Gaar Ke Andar Dakhil Ho Gaye To Wo Aag Bilkul Hi Bujh Gai Aur Phir Kabhi Bhi Zahir Nahi Hui. (Izalatul Khifa Maqsad Number 2 Page 172)

Tabsera : Is Riwayat Se Pata Chalta Hai Ki Hawa Aur
Paani Ki Tarah Aag Par Bhi Ameerul Momineen Ki

Hukmrani Thi Aur Aag Bhi Aap Ki Farmabardar Thi.

Maar Se Zalzala Khatm: Imamul Harmain Ne Apni Kitab 'Ashshamil' Mein Tahreer Farmaya Hai Ki Ek Martaba Madeena Munavvara Mein Zalzala Aa Gaya Aur Zameen Zoron Ke Sath Kanpne Aur Hilne Lagi Ameerul Momineen Hazrat Umar Radiallaho Ta'ala Anhu Ne Jalal Mein Aakar Zameen Par Ek Durra Maara Aur Buland Aawaz Se Tadap Kar Farmaya (Aey Zameen! Thahar Ja Kya Meine Tere Upar Adal Nahi Kiya Hai?) Aap Ka Farman Jalalate Nishan Sunte Hi Zameen Thahar Gai Aur Zalzala Khatm Ho Gaya. (Hujjatullah Jild 2 Page 861 Wa Izalatul Khifa Maqsad Number 2 Page 172)

Tabsera : Is Riwayat Se Yah Sabit Hota Hai Ki Ameerul Momineen Hazrat Umar Radiallaho Ta'ala Anhu Ki Hukoomat Jis Tarah Hawa, Paani, Aag Par Thi Usi Tarah Zameen Par Bhi Aap Ke Farman Shahi Ka Sikka Chalta Tha. Upar Ki Chaaron Karamaton Se Maloom Hua Ki Auliya ALLAH Ki Hukoomat Hawa, Aag, Paani Aur Mitti Sabhi Par Hai Aur Choonki Yah Chaaron Anasir Arba Kahlate Hain Yani Unhi Chaaron Se Tamam Duniya Ki Cheezein Banai Gai Hain To Jab Un Chaaron Anasir Par Auliya E Kiraam Ki Hukoomat Sabit Ho Gai To Jo Jo Cheezein Un Chaaron Anasir Se Bani Hoti Hain Zahir Hai Un Par Bhi Auliya E Kiraam Ki Hukoomat Ho Gai.

Door Se Pukar Ka Jawab: Hazrat Ameerul Momineen Farooq E Aazam Radiallaho Ta'ala Anhu Ne Sar Zameen E Rum Mein Mujahideene Islam Ka Ek Lashkar Bheja. Phir Kuch Dino Ke Baad Bilkul Hi Achanak Madeena Munavvara Mein Nihayat Hi Buland Aawaz Se Aap Ne Do Martaba Yah Farmaya: (Aey Shakhs! Mein Teri Pukar Par Hazir Hoon) Ahle Madeena Hairan Rah Gaye Aur Un Ki Samajh Mein Kuch Bhi Na Aaya Ki Ameerul Momineen Kis Pukarne Wale Ki Pukar Ka Jawab De Rahe Hain? Lekin Jab Kuch Dino Ke Baad Wo Lashkar Madeena Munavvara Wapas Aaya Aur Us Lashkar Ka Commander Apni Futoohat Aur Apne Jungi Karnamon Ka Zikr Karne Laga To Ameerul Momineen Ne Farmaya Ki Un Baaton Ko Chhod Do! Pahle Yah Batao Ki Jis Mujahid Ko Tum Ne Jabardasti Dariya Mein Utara Tha Aur Us Ne (Aey Mere Umar! Meri Khabar Leejiye) Pukara Tha Us Ka Kya Waqia Tha? Commander Ne Farooqi Jalal Se Dar Kar Kanpte Huye Arz Kiya Ki Ameerul Momineen! Mujhe Apni Fauj Ko Darya Ke Paar Utaarna Tha Isliye Meine Paani Ki Gahrai Ka Andaza Karne Ke Liye Us Ko Dariya Mein Utarne Ka Hukm Diya Choonki Mausam Bahut Hi Thanda Tha Aur Tez Hawayein Chal Rahi Thi Isliye Us Ko Sardi Lag Gai Aur Us Ne Do Martaba Zor Zor Se Ya Umar Ya Umar Kah Kar Aap Ko Pukara Phir Yakayak Us Ki Rooh Parwaz Kar Gai Khuda Gawah Hai Ki Meine Hargiz Hargiz Us Ko Halaak Karne Ke Irade Se Dariya Mein Utarne Ka Hukm Nahi Diya Tha. Jab Ahle Madeena Ne Commander Ki Zabaani Yah Qissa

Suna To Un Logon Ki Samajh Mein Aa Gaya Ki Ameerul Momineen Ne Ek Din Jo Do Martaba Ya Labbaik Ya Labbaik Farmaya Tha Haqeeqat Mein Yah Usi Bechare Mujahid Ki Fariyad Wa Pukar Ka Jawab Tha. Ameerul Momineen Commander Ka Bayan Sun Kar Gusse Mein Bhar Gaye Aur Farmaya Ki Sard Mausam Aur Thandi Hawa'o Ke Jhonkon Mein Us Mujahid Ko Dariya Ki Gahrai Mein Utaarna Yah Qatle Khata Ke Hukm Mein Hai Isliye Tum Apne Maal Mein Se Us Ke Warison Ko Us Ka Khoon Baha (Badla) Ada Karo Aur Khabardar! Aage Kisi Sipahi Se Hargiz Hargiz Kabhi Koi Aisa Kaam Na Lena Jis Mein Us Ki Halakat Ka Andesha Ho Kyunki Mere Nazdeek Ek Musalman Ka Halaak Ho Jana Badi Halakaton Se Bhi Kahi Badh Chadh Kar Barbadi Hai. (Izalatul Khifa Maqsad Number 2 Page 172)

Tabsera : Ameerul Momineen Ne Us Wafat Paane Wale Sipahi Ki Fariyad Aur Pukar Ko Saikdon Meel Doori Se Sun Liya Aur Us Ka Jawab Bhi Diya Is Riwayat Se Zahir Hota Hai Ki Auliya E Kiraam Door Ki Aawazon Ko Sun Lete Hain Aur Un Ka Jawab Bhi Dete Hain.

Do Ghaibi Sher: Riwayat Hai Ki Badshah E Rum Ka Bheja Hua Ek Ajmi (Arab Ke Rahne Walo Ke Alawa Ko Ajmi Kahte Hain) Kafir Madeena Munavvara Aaya Aur Logon Se Hazrat Umar Radiallaho Ta'ala Anhu Ka Pata Poochha Logon Ne Bata Diya Ki Wo Dophar Ko Khajoor Ke Baago Mein Shahar Se Kuch Door Qailoola (Dophar Khane Ke Baad Aaram Karna)

Farmate Huye Tum Ko Milenge. Yah Ajmi Kafir Dhoondhte Dhoondhte Aap Ke Paas Pahunch Gaya Aur Yah Dekha Ki Aap Apna Chamde Ka Sota Apne Sar Ke Neeche Rakh Kar Zameen Par Gahri Neend Mein So Rahe Hain. Ajmi Kafir Is Irade Se Talwar Ko Niyaam Se Nikaal Kar Aage Badha Ki Ameerul Momineen Ko Qatl Karke Bhaag Jaye Magar Wo Jaise Hi Aage Badha Bilkul Hi Achanak Us Ne Yah Dekha Ki Do Sher Munh Phade Huye Us Par Hamla Karne Wale Hain. Yah Khaufnak Manzar Dekh Kar Wo Khauf Wa Dahshat Se Bilbila Kar Cheekh Pada Aur Us Ki Cheekh Ki Aawaz Se Ameerul Momineen Bedar Ho Gaye Aur Yah Dekha Ki Ajmi Kafir Nangi Talwar Hath Mein Liye Huye Thar Thar Kanp Raha Hai. Aap Ne Us Ki Cheekh Aur Dahshat Ka Sabab Poochha To Us Ne Sach Sach Sara Waqia Bayan Kar Diya Aur Phir Buland Aawaz Se Kalima E Tayyaba Padh Kar Musharraf Ba Islam Ho Gaya Aur Ameerul Momineen Ne Us Ke Sath Nihayat Hi Raham Wala Bartao Farma Kar Us Ke Qasoor Ko Maaf Kar Diya. (Izalatul Khifa Maqsad Number 2 Page 172 Wa Tafseere Kabeer Jild 5 Page 478)

Tabsera : Yah Riwayat Bata Rahi Hai Ki ALLAH Ta'ala Apne Khaas Bandon Ki Hifazat Ke Liye Ghaib Se Aisa Saman Intizam Farma Deta Hai Ki Jo Kisi Ke Waham Wa Guman Mein Bhi Nahi Aa Sakta Aur Yahi Ghaibi Saman Auliya ALLAH Ki Karamat Kahlate Hain. Hazrat Shaikh Sa'adi Alaihirrahma Ne Usi Mazmoon Ki Taraf Ishara Farmate Huye Irshad Farmaya: 'Muhaal Ast Choo Dost Daarad Tera

Ki Dar Dast Dushman Guzrad Tera'

Tarjuma: ALLAH Ta'ala Jab Tum Ko Apna Mahboob Banda Bana Le To Phir Yah Muhaal Hai Ki Wo Tum Ko Tumhare Dushman Ke Hath Mein Pareshani Ke Aalam Mein Chhod De Balki Us Ki Kibriyai Zarur Dushmanon Se Hifazat Ke Liye Apne Mahboob Bandon Ki Ghaibi Taur Par Imdad Wa Nusrat Ka Saman Paida Farma Deti Hai Aur Yahi Imaani Madad Fazle Rabbani Ban Kar Is Tarah Mahboobane Ilaahi Ki Dushmanon Se Hifazat Karti Hai Jis Ko Dekh Kar Be Ikhtiyaar Yah Kahna Padta Hai Ki-

'Dushman Agar Qavi Ast Nigahban Qavi Taraast'

Qabr Mein Badan Salamat: Waleed Bin Abdul Malik Amwi Ke Daure Hukoomat Mein Jab Rauza E Munawwara Ki Deewar Gir Padi Aur Badshah Ke Hukm Se Dobara Banane Ke Liye Buniyad Khodi Gai To Achanak Buniyad Mein Ek Paanv Nazar Aaya Log Ghabra Gaye Aur Sab Ne Yahi Khyaal Kiya Ki Yah Huzoor Nabi Akram ﷺ Ka Pair Aqdas Hai Lekin Jab Urwa Bin Zubair Sahabi Radiallaho Ta'ala Anhu Ne Dekha Aur Pahchana Phir Qasam Kha Kar Yah Farmaya Ki Yah Huzoor E Anwar ﷺ Ka Muqaddas Paanv Nahi Hai Balki Yah Ameerul Momineen Hazrat Umar Radiallaho Ta'ala Anhu Ka Qadam Shareef Hai To Logon Ki Ghabrahat Aur Bechaini Mein Kuch Sukoon Hua. (Bukhari Shareef Jild 1 Page 186)

Tabsera : Bukhari Shareef Ki Yah Riwayat Is Baat Ki

Jabardast Shahadat Hai Ki Kai Auliya E Kiraam Ke Muqaddas Jismon Ko Qabr Ki Mitti Saalo Guzar Jane Ke Baad Bhi Nahi Kha Sakti Badan To Badan Un Ke Kafan Ko Bhi Mitti Maila Nahi Karti. Auliya E Kiraam Ka Yah Haal Hai To Bhala Hazraat E Ambiya Alaihimussalatu Wassalam Ka Kya Haal Hoga Phir Huzoor Sayyadul Ambiya Khateemun Nabiyyin Shafiul Muznabeen ﷺ Ke Jisme At'har Ka Kya Kahna? Jab Ki Wo Apni Qabre Anwar Mein Jismani Zindagi Ke Sath Zinda Hain Jaisa Ki Hadees Shareef Mein Aaya Hai Yani (ALLAH Ta'ala Ke Nabi Zinda Hai Aur Un Ko Rozi Bhi Di Jati Hai)

Jo Kah Diya Wo Ho Gaya: Rabeea Bin Umaiya Bin Khalf Ne Ameerul Momineen Hazrat Umar Radiallaho Ta'ala Anhu Se Apna Yah Khwab Bayan Kiya Ki Meine Yah Khwab Dekha Hai Ki Mein Ek Hare Bhare Maidan Mein Hoon Phir Mein Us Se Nikal Kar Ek Aise Chatyal Maidan Mein Aa Gaya Jis Mein Kahi Door Door Tak Ghaas Ya Ped Ka Naam Wa Nishan Bhi Nahi Tha Aur Jab Mein Neend Se Bedar Hua To Waqai Mein Ek Banjar Maidan Mein Tha. Aap Ne Farmaya Ki Too Imaan Layega Phir Us Ke Baad Kafir Ho Jayega Aur Kufr Hi Ki Halat Mein Marega. Apne Khwab Ki Yah Tabeer Sun Kar Wo Kahne Laga Ki Meine Koi Khwab Nahi Dekha Hai Meine Yoon Hi Jhooth Mooth Aap Se Yah Kah Diya Hai. Aap Ne Farmaya Ki Too Ne Khwab Dekha Ho Ya Na Dekha Ho Magar Meine Jo Tabeer Batai Hai Wo Ab Poori Ho Kar Rahegi. Chunanche Aisa Hi Hua Ki Musalman

Hone Ke Baad Us Ne Sharab Pi Aur Ameerul Momineen Ne Us Ko Durrah Maar Kar Saza Di Aur Usko Shahar Badr Karke Khaibar Bhej Diya. Wo Zalim Woan Se Bhaag Kar Rum Ki Sar Zameen Mein Chala Gaya Aur Woan Jakar Wo Mardood Nasrani Ho Gaya Aur Kafir Hokar Kufr Hi Ki Halat Mein Mar Gaya. (Izalatul Khifa Maqsad Number 2 Page 170)

Logon Ki Taqdeer Mein Kya Hai?: Abdullah Bin Muslema Kahte Hain Ki Humare Qabila Ka Ek Wafd Ameerul Momineen Hazrat Umar Radiallaho Ta'ala Anhu Ki Bargahe Khilafat Mein Aaya To Us Jama'at Mein 'Ishtar' Naam Ka Ek Shakhs Bhi Tha Ameerul Momineen Us Ko Sar Se Pair Tak Baar Baar Garam Nigahon Se Dekhte Rahe. Phir Mujh Se Poochha Ki Kya Yah Shakhs Tumhare Hi Qabila Ka Hai? Meine Kaha Ki 'Ji Haan' Us Waqt Aap Ne Farmaya Ki Khuda Us Ko Tabah Kare Aur Us Ke Fitne Wa Fasaad Se Us Ummat Ko Mahfooz Rakhe. Ameerul Momineen Ki Is Dua Ke 20 Saal Baad Jab Bagiyon Ne Hazrat Usman Gani Radiallaho Ta'ala Anhu Ko Shaheed Kiya To Yahi 'Ishtar' Us Baagi Giroh Ka Ek Bahut Bada Leader Tha. Isi Tarah Ek Martaba Hazrat Umar Radiallaho Ta'ala Anhu Mulke Shaam Ke Kuffar Se Jihad Karne Ke Liye Lashkar Bharti Farma Rahe The Achanak Ek Toli Aap Ke Samne Aai To Aap Ne Bahut Hi Na Pasandidgi Ke Sath Un Logon Ki Taraf Se Munh Pher Liya. Phir Dobara Yah Log Aap Ke Samne Aaye To Aap Ne Munh Pher Kar Un Logon

Ko Islami Fauj Mein Bharti Karne Se Inkar Farma Diya. Log Aap Ke Is Tarze Amal Se Intihai Hairan The Lekin Aakhir Mein Yah Raaz Khula Ki Is Toli Mein 'Aswad Yajyae' Bhi Tha Jis Ne Is Waqia Se 20 Saal Baad Hazrat E Usman Gani Radiallaho Ta'ala Anhu Ko Apni Talwar Se Shaheed Kiya Aur Us Toli Mein Abdurrahman Bin Muljam Muradi Bhi Tha Jis Ne Is Waqia Se Taqreeban 26 Saal Ke Baad Hazrat E Ali Radiallaho Ta'ala Anhu Ko Apni Talwar Se Shaheed Kar Dala. (Izalatul Khifa Maqsad Number 2 Page 169-172)

Tabsera : Upar Bayan Ki Gai Karamaton Mein Aap Ne Rabeea Bin Umaiya Bin Khalaf Ke Khatma Ke Baare Mein Barson Pahle Yah Khabar De Di Ki Wo Kafir Hokar Marega Aur 20 Baras Pahle Aap Ne 'Ishtar' Ke Fitnon Wa Fasaad Se Ummat Ke Mahfooz Rahne Ki Dua Mangi Aur 'Aswad Yajyae' Se Is Bina Par Munh Pher Liya Aur Islami Lashkar Mein Us Ko Bharti Karne Se Inkar Kar Diya Ki Yah Donon Hazrat E Usman Gani Radiallaho Ta'ala Anhu Ke Qatilon Mein Se The. 26 Baras Pahle Aap Ne Abdurrahman Bin Muljam Muradi Ko Na Pasandidgi Se Dekha Aur Islami Lashkar Mein Is Bina Par Bharti Nahi Farmaya Ki Wo Hazrat E Ali Radiallaho Ta'ala Anhu Ka Qatil Tha. In Sab Riwayaton Se Yah Sabit Hota Hai Ki Auliya E Kiraam Ko Khudavand E Quddoos Ke Bata Dene Se Aadmiyon Ki Taqdeeron Ka Haal Maloom Ho Jata Hai Isiliye Hazrat Maulana Jalaluddin Rumi Alaihirrahma Ne Apni Masnawi Shareef Mein Farmaya Hai, 'Lohe Mahfooz Ast Peshe Auliya

Az Cheh Mahfooz Ast Mahfooz Az Khata' Tarjuma : Lohe Mahfooz Auliya E Kiraam Ke Samne Rahti Hai Jis Ko Dekh Kar Wo Insanon Ki Taqdeeron Mein Kya Likha Hai Us Ko Jaan Lete Hain. Lohe Mahfooz Ko Isliye Lohe Mahfooz Kahte Hain Ki Wo Galtiyon Aur Khatao Se Mahfooz Hai.

Dua Ki Maqbooliyat: Aboo Hadba Hamsi Ka Bayan Hai Ki Jab Ameerul Momineen Hazrat Umar Radiallaho Ta'ala Anhu Ko Yah Khabar Mili Ki Iraq Ke Logon Ne Aap Ke Governor Ko Us Ke Munh Par Kankariyan Maar Kar Zaleel Wa Ruswa Kar Ke Shahar Se Bahar Nikaal Diya Hai To Aap Ko Is Khabar Se Intihai Takleef Aur Bechaini Hui Aur Aap Bahut Hi Ghazabnak Hokar Masjide Nabwi Mein Tashreef Le Gaye Aur Usi Gusse Ki Halat Mein Aap Ne Namaz Shuru Kar Di Lekin Choonki Aap Bahut Hi Gusse Se Pareshan The Isliye Aap Ko Namaz Mein Sahv Ho Gaya Aur Aap Is Ranjo Gam Se Aur Bhi Zyada Be Taab Ho Gaye Aur Intihai Ranjo Gam Ki Halat Mein Aap Ne Yah Dua Mangi Ki Ya ALLAH Qabila E Saqeef Ke Launde (Hajjaj Bin Yoosuf Saqfi) Ko Un Logon Par Musallat Farma De Jo Zamana E Jahiliyat Ka Hukm Chala Kar Un Iraqiyon Ke Nek Aur Bure Kisi Ko Bhi Na Bakhshe. Chunanche Aap Ki Yah Dua Qabool Ho Gai Aur Abdul Malik Bin Marwan Amwi Ke Daure Hukoomat Mein Hajjaj Bin Yoosuf Saqfi Iraq Ka Governor Bana Aur Us Ne Iraq Ke Rahne Walo Par Zulm Wa Sitam Ka Aisa Pahad Toda Ki Iraq Ki Zameen Bilbila Uthi. Hajjaj Bin

Yoosuf Saqfi Itna Zalim Tha Ki Us Ne Jin Logon Ko Rassi Mein Baandh Kar Apni Talwar Se Qatl Kiya Un Maqtoolon Ki Tadad Ek Lakh Ya Us Se Zyada Hi Hai Aur Jo Log Us Ke Hukm Se Qatl Kiye Gaye Un Ki Ginti Ka To Shumar Hi Nahi Ho Saka. Hazrat Ibne Rabeea Muhaddis Ne Farmaya Ki Jis Waqt Ameerul Momineen Ne Yah Dua Mangi Thi Us Waqt Hajjaj Bin Yoosuf Saqfi Paida Bhi Nahi Hua Tha. (Izalatul Khifa Maqsad Number 2 Page 172)

Tabsera : Is Riwayat Se Maloom Hua Ki ALLAH Ta'ala Apne Auliya E Kiraam Ko Ghaib Ki Baaton Ka Bhi Ilm Ata Farmata Hai. Chunanche Upar Ki Riwayat Mein Aap Ne Dekh Liya Ki Abhi Hajjaj Bin Yoosuf Saqfi Paida Bhi Nahi Hua Tha Lekin Ameerul Momineen Hazrat Umar Farooq E Aazam Radiallaho Ta'ala Anhu Ko Yah Maloom Ho Gaya Tha Ki Hajjaj Bin Yoosuf Saqfi Naami Ek Bachcha Paida Hoga Jo Bada Hokar Governor Banega Aur Intihai Zalim Hoga. Zahir Hai Ki Waqt Se Pahle Un Baaton Ka Maloom Ho Jana Yaqeenan Yah Ghaib Ka Ilm Hai. Ab Yah Mas'ala Sooraj Se Bhi Zyada Roshan Ho Gaya Ki Jab ALLAH Ta'ala Apne Auliya Ko Ghaib Ka Ilm Ata Farmata Hai To Phir Ambiya E Kiraam Alaihimussalam Khaas Kar Huzoor Sayyadul Ambiya یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ko Bhi ALLAH Ta'ala Ne Yaqeenan Uloome Ghaibiya Ka Khazana Ata Farmaya Hai Aur Yah Hazraat E Beshumar Ghaib Ki Baaton Ko Khuda Ta'ala Ke Bata Dene Se Jante Hain Aur Doosron Ko Bhi Bata Dete Hain. Chunanche Ahle Haq Hazraat E Ulmaye

Ahle Sunnat Ka Yahi Aqeeda Hai Ki ALLAH Ta'ala Ne Ambiya E Kiraam Bil Khusoos Huzoor Sayyadul Ambiya یصَلَّ مَی لَّیوَسَ ہل یوَاٰ ہ ییعَلَی للاہیتَعَالٰ Ko Beshumar Uloome Ghaibiya Ke Khazane Ata Farmaye Hain Aur Yahi Aqeeda Hazraat E Tabaen Wa Hazraat E Sahaba E Kiraam Radiallaho Ta'ala Anhum Ka Bhi Tha.

Chunanche Mawahibulladuniya Shareef Mein Hai Ki:- (Janabe Rasoolullah ﷺ Ghuyoob Par Muttala Ye Baat Sahaba E Kiraam Mein Aam Taur Par Mashhoor Aur Zabaane Zad Khaas Wa Aam Thi.) Isi Tarah Mawahibulladuniya Ki Sharah Mein Allama Muhammad Bin Abdul Baqi Zarqani Alaihirrahma Ne Tahreer Farmaya Hai: (Sahaba E Kiraam Radiallaho Ta'ala Anhum Ka Yah Pukhta Aqeeda Tha Ki Huzoor یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ghaib Ki Baaton Se Ba Khabar Hain.) Un Do Buzurgon Ke Alawa Doosre Bahut Se Ulmaye Kiraam Ne Bhi Apni Apni Kitabon Mein Is Khulase Ko Bayan Farmaya Hai. Tafseel Ke Liye Dekhe 'Qur'ani Taqreerein' Aur 'Qiyamat Kab Aayegi?'

Hazrat E Usman Gani Radiallaho Ta'ala
Anhu

Khaleefa E Siwum Ameerul Momineen Hazrat Usman Bin Affan Radiallaho Ta'ala Anhu Ki Kunniyat 'Aboo Amr' Aur Laqab 'Zun Noorain' (Do Noor Wale) Hai. Aap Quraishi Hain Aur Aap Ka Nasab Nama Yah Hai, Usman Bin Affan Bin Abil Aas Bin Umayya Bin Abde Shamas Bin Abde Munaf. Aap Ka Khandani Shajra 'Abde Munaf' Par Rasoolullah ﷺ Ke Nasab Naama Se Mil Jata Hai Aap Ne Shuru Islam Hi Mein Islam Qabool Kar Liya Tha Aur Aap Ko Aap Ke Chacha Aur Doosre Khandani Kafiron Ne Musalman Ho Jane Ki Wajah Se Bahut Sataya. Aap Ne Pahle Habsha Ki Taraf Hijrat Farmai Phir Madeena Munavvara Ki Taraf Hijrat Farmai Isliye Aap 'Sahibul Hijratain' (Do Hijraton Wale) Kahlate Hain. Aur Choonki Huzoor E Akram ﷺ Ki Do Betiyan Ek Ek Karke Aap Ke Nikah Mein Aai Isliye Aap Ka Laqab 'Zun Noorain' Hai Aap Junge Badr Ke Alawa Doosre Tamam Islami Jihadon Mein Kuffar Se Jung Farmate Rahe. Junge Badr Ke Mauqe Par Un Ki Zauja Mohtarma Jo Rasoolullah ﷺ Ki Sahabzadi Thi Sakht Beemar Ho Gai Thi Isliye Huzoor E Akram ﷺ Ne Un Ko Junge Badr Mein Jane Se Mana Farma Diya Lekin Un Ko Mujahideene Badr Mein Shumar Farma Kar Maale Ganeemat Mein Se Mujahideen Ke Barabar Hissa Diya Aur Ajro Sawab Ki Khushkhabari Bhi Di. Hazrat Ameerul

Momineen Umar Farooq E Aazam Radiallaho Ta'ala Anhu Ki Shahadat Ke Baad Aap Khaleefa Chune Gaye Aur 12 Baras Tak Takhte Khilafat Ko Sarfaraz Farmate Rahe. Aap Ke Daure Khilafat Mein Islami Hukoomat Ki Sarhadon Mein Bahut Zyada Phailav Hua Aur Africa Wagairah Bahut Se Desh (Country) Qabza Mein Aa Kar Khilafat E Rashida Ke Zere Nageen Huye. 82 Baras Ki Umr Mein Misr Ke Bagiyon Ne Aap Ke Makaan Ka Gherav Kar Liya Aur 12 Zilhijja Ya 18 Zilhijja 35 Hijri Juma Ke Din Un Bagiyon Mein Se Ek Badnaseeb Ne Aap Ko Raat Ke Waqt Is Haal Mein Shaheed Kar Diya Ki Aap Qur'an E Paak Ki Tilawat Farma Rahe The Aur Aap Ke Khoon Ke Chand Qatrat Qur'an Shareef Ki Aayat "Anqareeb ALLAH Un Ki Taraf Se Tumhe Kifayat Karega" (Soorah Bakrah, Aayat 137) Par Pade. Aap Ke Janaza Ki Namaz Huzoor E Aqdas ﷺ Ke Phoophi Zaad Bhai Hazrat Zubair Bin Awam Radiallaho Ta'ala Anhu Ne Padhai Aur Aap Madeena Munavvara Ke Qabristhan Jannatul Baqeea Mein Madfoon Hain. (Tareekhul Khulfa Wa Izalatul Khifa Wagairah)

Karamat

Zina Kaar Aankhein: Allama Tajuddin Subki Alaihirrahma Ne Apni Kitab 'Tabqaat' Mein Tahreer Farmaya Hai Ki Ek Shakhs Ne Rasta Chalte Huye Ek Ajnabi Aurat Ko Ghoor Ghoor Kar Galat Nigahon Se Dekha. Us Ke Baad Yah Shakhs Ameerul

Momineen Hazrat Usman E Gani Radiallaho Ta'ala Anhu Ki Khidmate Aqdas Mein Hazir Hua Us Shakhs Ko Dekh Kar Hazrat Ameerul Momineen Ne Nihayat Hi Pur Jalal Lehaze Mein Farmaya Ki Tum Log Aise Halat Mein Mere Samne Aate Ho Ki Tumhari Aankhon Mein Zina Ke Asraat Hote Hain. Us Aadmi Ne (Jal Bhoon Kar) Kaha Ki Rasoolullah ﷺ Ke Baad Aap Par 'Wahi' Utarne Lagi Hai? Aap Ko Yah Kaise Maloom Ho Gaya Ki Meri Aankhon Mein Zina Ke Asraat Hain? Ameerul Momineen Ne Irshad Farmaya Ki Mere Upar 'Wahi' To Nahi Nazil Hoti Hai Lekin Meine Jo Kuch Kaha Hai Yah Bilkul Hi Qaule Haq Aur Sachchi Baat Hai Aur Khudavand E Quddoos Ne Mujhe Ek Aisi Farasat (Noorani Baseerat) Ata Farmai Hai Jis Se Mein Logon Ke Dilo Ke Halat Wa Khyalaat Ko Maloom Kar Leta Hoon. (Hujjatullah Alal Aalmeen Jild 2 Page 862 Wa Izalatul Khifa Maqsad Number 2 Page 227) Tabsera : Qur'an Majeed Mein Khudavand E Quddoos Ka Irshad Hai Ki, "Koi Nahi Balki Un Ke Dilo Par Zung Chadha Diya Hai Un Ki Kamaiyon Ne"(Soorah Mutaffifin, Aayat 14)

Yani Aadmi Jab Koi Gunah Karta Hai To Us Ka Yah Asar
Hota Hai Ki Us Ke Dil Par Ek Kaala Daag Aur Badnuma
Dhabba Pad Jata Hai Aur Choonki Dil Poore Jism Ka
Badshah Hai Isliye Dil Par Jab Koi Asar Padta Hai To Poora
Badan Us Se Mut'assir Ho Jata Hai To ALLAH Ke Qareebi
Bande Jin Ki Aankhon Mein Noore Basarat Dekhne Ke Sath
Sath Noore Baseerat Bhi Hua Karta Hai Wo Badan Ke Har

Har Hissa Mein Un Asraat Ko Apne Noore Farasat Aur Nigahe Karamat Se Dekh Liya Karte Hain. Ameerul Momineen Hazrat Usman Gani Radiallaho Ta'ala Anhu Choonki Ahle Baseerat Aur Sahibe Batin The Isliye Unhone Apni Nigahe Karamat Se Us Aadmi Ki Aankhon Mein Us Ke Gunah Ke Asraat Ko Dekh Liya Aur Us Ki Aankhon Ko Isliye Zinakar Kaha. Hadees Shareef Mein Aaya Hai Ki (Kisi Ajnabi Aurat Ko Buri Nazar Se Dekhna Yah Aankhon Ka Zina Hai.) Wallahu Aa'alam

Hath Mein Cancer: Hazrat Abdullah Bin Umar Radiallaho Ta'ala Anhu Raawi Hain Ki Ameerul Momineen Hazrat Usman E Gani Radiallaho Ta'ala Anhu Masjide Nabwi Shareef Ke Mimbare Aqdas Par Khutba Padh Rahe The Ki Bilkul Hi Achanak Ek Badnaseeb Aur Shaitan Sifat Insaan Jis Ka Naam 'Jahjaah' Tha Khada Ho Gaya Aur Aap Ke Daste Mubarak Se Chhadi Chheen Kar Us Ko Tod Dala. Aap Ne Apne Ilm Wa Haya Ki Wajah Se Us Ki Koi Parwah Nahi Farmai Lekin Khuda Ta'ala Ki Qahhari Wa Jabbari Ne Us Be Adabi Aur Gustakhi Par Us Mardood Ko Yah Saza Di Ki Us Ke Hath Mein Cancer Ka Marz Ho Gaya Aur Us Ka Hath Kul Sad Kar Gir Pada Aur Wo Yah Saza Pa Kar Ek Saal Ke Andar Hi Mar Gaya. (Hujjatullah Alal Aalmeen Jild 2 Page 862 Wa Tareekhul Khulfa Page 112)

Gustakhi Ki Saza: Hazrat Aboo Kulaba Radiallaho Ta'ala Anhu Ka Bayan

Hai Ki Mein Mulke Shaam Ki Sar Zameen Mein Tha To Meine Ek Shakhs Ko Baar Baar Yah Aawaz Lagate Huye Suna Ki 'Haye Afsos! Mere Liye Jahannam Hai' Mein Uth Kar Us Ke Paas Gaya To Yah Dekh Kar Hairan Ho Gaya Ki Us Shakhs Ke Donon Hath Aur Paanv Kate Huye Hain Aur Wo Donon Aankhon Se Andha Hai Aur Apne Chehre Ke Bal Zameen Par Aaundha Pada Hua Baar Baar Lagatar Yahi Kah Raha Hai Ki 'Haye Afsos! Mere Liye Jahannam Hai' Yah Manzar Dekh Kar Mujh Se Raha Na Gaya Aur Meine Us Se Poochha Ki Aey Shakhs! Tera Kya Haal Hai? Aur Kyun Aur Kis Bina Par Tujhe Apne Jahannami Hone Ka Yaqeen Hai? Yah Sun Kar Us Ne Yah Kaha Ki Aey Shakhs! Mera Haal Na Poochh Mein Un Badnaseeb Logon Mein Se Hoon Jo Ameerul Momineen Hazrat Usman Gani Radiallaho Ta'ala Anhu Ko Qatl Karne Ke Liye Un Ke Makaan Mein Ghus Pade The. Mein Jab Talwar Lekar Un Ke Qareeb Pahuncha To Un Ki Beevi Sahiba Ne Mujhe Daant Kar Shor Machana Shuru Kar Diya To Mein Ne Un Ki Beevi Sahiba Ko Ek Thappad Maar Diya Yah Dekh Kar Ameerul Momineen Hazrat Usman Gani Radiallaho Ta'ala Anhu Ne Yah Dua Mangi Ki 'ALLAH Ta'ala Tere Donon Hathon Aur Donon Panvo Ko Kaat Dale Aur Teri Donon Aankhon Ko Andhi Kar De Aur Tujh Ko Jahannam Mein Jhonk De' Aey Shakhs! Mein Ameerul Momineen Ke Pur Jalal Chehre Ko Dekh Kar Aur Un Ki Us Khatarnak Dua Ko Sun Kar Kaanp Utha Aur Mere Badan Ka Ek Ek Rongta Khada Ho Gaya Aur Mein Khauf Wa Dahshat Se Kanpte Huye Woan Se Bhaag Nikla.

Ameerul Momineen Ki Chaar Dua'o Mein Se Teen Dua'o Ki Pakad Mein To Aa Chuka Hoon. Tum Dekh Rahe Ho Ki Mere Donon Hath Aur Panvo Kat Chuke Aur Donon Aankhein Andhi Ho Chuki Ab Sirf Chauthi Dua Yani Mera Jahannam Mein Dakhil Hona Baqi Rah Gaya Hai Aur Mujhe Yaqeen Hai Ki Yah Mamla Bhi Yaqeenan Ho Kar Rahega. Chunanche Ab Mein Us Ka Intazar Kar Raha Hoon Aur Apne Jurm Ko Baar Baar Yaad Karke Nadim Wa Sharmsar Ho Raha Hoon Aur Apne Jahannami Hone Ka Iqraar Karta Hoon. (Izalatul Khifa Maqsad Number 2 Page 227)

Tabsera : Upar Ki Donon Riwayaton Aur Karamaton Se Yah Sabaq Milta Hai Ki ALLAH Ta'ala Agarche Bahut Bada Sattar Wa Gaffar Wa Raheem Hai Lekin Agar Koi Badnaseeb Us Ke Mahboob Bandon Ki Shaan Mein Koi Gustakhi Wa Be Adabi Karta Hai To Khudavand E Quddoos Ki Qahhari Wa Jabbari Us Mardood Ko Harigz Maaf Nahi Farmati Balki Zarur Duniya Wa Aakhirat Ke Bade Bade Azabon Mein Giraftar Kar Deti Hai Aur Wo Donon Aalam Mein Qahare Qahhar Wa Ghazabe Jabbar Ka Is Tarah Sazawaar Ho Jata Hai Ki Duniya Mein Lanaton Ke Maar Aur Fatkaar Aur Aakhirat Mein Azabe Jahannam Ke Siwa Is Ko Kuch Nahi Milta. Rafzi Aur Wahabi Jin Ke Deen Wa Mazhab Ki Buniyad Hi Mahboobane Khuda Ki Be Adabi Par Hai Hum Ne Un Gustakhon Aur Be Adabon Mein Se Kai Ek Ko Apni Aankhon Se Dekha Hai Ki Un Logon Par Qahare Ilaahi Ki Aisi Maar Padi Hai Ki Tauba Tauba Al Amaan Aur Marte Waqt Un Logon Ka Itna Bura

Haal Hua Hai Ki Tauba Tauba Nauzubillah! ALLAH Ta'ala Har Musalman Ko ALLAH Walo Ki Be Adabi Wa Gustakhi Ki Lanat Se Mahfooz Rakhe Aur Apne Mahboobon Ki Tazeem Wa Tauqeer Aur Un Ke Adab Wa Ahatram Ki Taufeeq Bakhshe. (Aameen)

Khwab Mein Paani Pi Kar Sairab: Hazrat Abdullah Bin Salam Radiallaho Ta'ala Anhu Farmate Hain Ki Jin Dino Bagiyon Ne Hazrat Usman Gani Radiallaho Ta'ala Anhu Ke Makaan Ka Gherav Kar Liya Aur Un Ke Ghar Mein Paani Ki Ek Boond Tak Ka Jana Band Kar Diya Tha Aur Hazrat Usman Gani Radiallaho Ta'ala Anhu Pyas Ki Sakhti Se Tadapte Rahte The Mein Aap Ki Mulaqat Ke Liye Hazir Hua To Aap Us Din Rozadar The. Mujh Ko Dekh Kar Aap Ne Farmaya Ki Aey Abdullah Bin Salam! Aaj Mein Huzoor Nabi E Akram ﷺ Ke Deedar Pur Anwaar Se Khwab Mein Musharraf Hua To Aap Ne Bahut Hi Mushfiqana Lahaze Mein Irshad Farmaya Ki Aey Usman! Zalimon Ne Paani Band Karke Tumhein Pyas Se Be Qaraar Kar Diya Hai? Meine Arz Kiya Ki Ji Haan! To Fauran Hi Aap Ne Darechi Mein Se Ek Dol Meri Taraf Latka Diya Jo Nihayat Meetha Aur Thande Paani Se Bhara Hua Tha Mein Us Ko Pi Kar Sairab Ho Gaya Aur Ab Us Waqt Bedari Ki Halat Mein Bhi Us Paani Ki Thandak Mein Apni Donon Chhatiyon Aur Donon Kandhon Ke Beech Mahsoos Karta Hoon. Phir Huzoor E Akram ی ہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ne Mujh Se Farmaya Ki Aey Usman! Agar Tumhari Khwahish Ho To Un Bagiyon Ke Muqabla Mein Tumhari

Imdad Wa Nusrat Karoo Aur Agar Tum Chaho To Humare Paas Aakar Roza Kholo. Aey Abdullah Bin Salam! Meine Khush Hokar Yah Arz Kar Diya Ki Ya Rasoolullah ی یللاہیتَعَالٰ صَلَّ مَی لَّ یوَسَ ہل یوَاٰ ہعَلَی Aap Ke Darbar Pur Anwaar Mein Hazir Hokar Roza Iftar Karna Yah Zindagi Se Hazaron Lakhon Darje Zyada Mujhe Pyari Hai. Hazrat Abdullah Bin Salam Radiallaho Ta'ala Anhu Farmate Hain Ki Mein Us Ke Baad Chala Aaya Aur Usi Din Raat Mein Bagiyon Ne Aap Ko Shaheed Kar Diya. (Al Bidaya Wan Nihaya Jild 7 Page 182)

Apne Madfan Ki Khabar: Hazrat Imaam Maalik Alaihirrahma Ne Farmaya Ki Ameerul Momineen Hazrat Usman Gani Radiallaho Ta'ala Anhu Ek Martaba Madeena Munavvara Ke Qabristhan Jannatul Baqeea Ke Us Hissa Mein Tashreef Le Gaye Jo 'Hishshe Kokab' Kahlata Hai To Aap Ne Woan Khade Hokar Ek Jagah Par Yah Farmaya Ki Jald Hi Yahan Ek Nek Shakhs Dafan Kar Diya Jayega. Chunanche Us Ke Baad Hi Aap Ki Shahadat Ho Gai Aur Bagiyon Ne Aap Ke Janaza Mubarak Ke Sath Is Qadar Hullad Bazi Ki Ki Aap Ko Na Rauza E Munawwara Ke Qareeb Dafan Kiya Ja Saka Na Jannatul Baqeea Ke Us Hissa Mein Madfoon Kiya Ja Saka Jo Bade Sahaba Ka Qabristhan Tha Balki Sab Se Door Alag Thalag 'Hishshe Kokab' Mein Aap Dafan Kiye Gaye Jahan Koi Soch Bhi Nahi Sakta Tha Ki Yahan Ameerul Momineen Hazrat Usman Gani Radiallaho Ta'ala Anhu Ki Qabre Mubarak Banegi Kyunki Us Waqt Tak Woan Koi Qabr Thi

Hi Nahi. (Izalatul Khifa Maqsad Number 2 Page 227)

Tabsera : Is Riwayat Se Maloom Hua Ki ALLAH Ta'ala Apne Auliya Ko In Baaton Ka Bhi Ilm Ata Farma Deta Hai Ki Wo Kab Aur Kahan Wafat Payenge? Aur Kis Jagah Un Ki Qabr Banegi? Chunanche Saikdon Auliya E Kiraam Ke Tazkiron Mein Likha Hua Hai Ki Un ALLAH Walo Ne Waqt Se Pahle Logon Ko Yah Bata Diya Hai Ki Wo Kab Aur Kahan Aur Kis Jagah Wafat Pa Kar Madfoon Honge. Zaruri Intebaah : Us Mauqa Par Kuch Km Samajh Aur Bad'aqeeda Log Awaam Ko Bahkate Rahte Hain Ki Qur'an Majeed Mein ALLAH Ta'ala Ne Yah Farmaya Hai:

"Aur Koi Jaan Nahi Janti Ki Kis Zameen Mein
Maregi".(Soorah Luqman, Aayat 34)

Isliye Auliya E Kiraam Ke Yah Sab Qisse Galat Hain. Us Ka Jawab Yah Hai Ki Qur'an Majeed Ki Yah Aayat Haq Aur Barhaq Hai Aur Har Momin Ka Us Par Imaan Hai Magar Is Aayat Ka Matlab Yah Hai Ki Bagair ALLAH Ta'ala Ke Bataye Huye Koi Shakhs Apni Aqal Wa Samajh Se Is Baat Ko Nahi Jaan Sakta Ki Wo Kab Aur Kahan Marega? Lekin ALLAH Ta'ala Apne Khaas Bandon, Hazraat E Ambiya e Kiraam Ko Ba Zariya E 'Wahi' Auliya E Kiraam Ko Ba Tareeq Kashfo Wa Karamat Un Cheezon Ka Ilm Ata Farma De To Wo Bhi Jaan Lete Hain Ki Kab Aur Kahan Un Ka Inteqal Hoga. Khulasa Yah Hai Ki ALLAH Ta'ala To Us Baat Ko Janta Hi Hai Ki Kaun Kahan Marega Lekin ALLAH Ta'ala Ke

Bata Dene Se Khuda Ke Khaas Bande Bhi Is Baat Ko Jaan Lete Hain Ki Kaun Kahan Marega? Magar Kahan ALLAH Ta'ala Ka Ilm Aur Kahan Bandon Ka Ilm? ALLAH Ta'ala Ka Ilm Humeshgi Wala, Zaati Aur Qadeem Hai Aur Bandon Ka Ilm Atai Aur Khatm Hone Wala Hai. ALLAH Ta'ala Ka Ilme Azli, Abdi Aur Gair Mahdood Hai Aur Bandon Ka Ilm Faani Aur Mahdood Hai. Ab Yah Mas'ala Nihayat Hi Safai Ke Sath Khul Gaya Hai Ki Qur'ani Irshad Ka Matlab Yah Ki ALLAH Ta'ala Ke Siwa Koi Nahi Janta Ki Kaun Kab Aur Kahan Marega? Aur Ahle Haq Ka Yah Aqeeda Ki Auliya E Kiraam Bhi Jante Hain Ki Kaun Kab Aur Kahan Marega? Yah Donon Baatein Apni Apni Jagah Par Sahi Hain Aur Un Donon Mein Hargiz Hargiz Koi Takrav Nahi Kyunki Jahan Yah Kaha Gaya Ki ALLAH Ta'ala Ke Siwa Koi Nahi Janta Ki Kaun Kab Aur Kahan Marega Us Ka Matlab Yah Hai Ki Bagair Khuda Ke Bataye Koi Nahi Janta Aur Jahan Yah Kaha Gaya Ki Hazraat E Ambiya Wa Auliya Jante Hain Ki Kaun Kab Aur Kahan Marega To Us Ka Matlab Yah Hai Ki Hazraat E Ambiya Wa Auliya Khuda Ke Bata Dene Se Jaan Lete Hain. Ab Nazarene Kiraam Insaf Farmaye Ki In Donon Baaton Mein Kaun Sa Ikhtilaaf Aur Takrav Hai? Donon Hi Baatein Apni Apni Jagah Par 100% Sahi Aur Durust Hain. Wallahu Aa'alam

Shahadat Ke Baad Ghaibi Aawaz: Hazrat Adi Bin Haatim Sahabi Radiallaho Ta'ala Anhu Ka Bayan Hai Ki Hazrat Ameerul Momineen Usman Gani Radiallaho Ta'ala Anhu Ki Shahadat Ke Din Meine Apne

Kaano Se Suna Ki Koi Shakhs Buland Aawaz Se Yah Kah Raha Tha Ki Yani (Hazrat Usman Bin Affan Radiallaho Ta'ala Anhu Ko Rahat Aur Khushboo Ki Khushkhabari Do Aur Na Naraz Hone Wale Rab Ki Mulaqat Ki Khushkhabari Sunao Aur Khuda Ki Bakhshish Aur Khushi Ki Bhi Basharat De Do) Hazrat Adi Bin Haatim Radiallaho Ta'ala Anhu Farmate Hain Ki Mein Us Aawaz Ko Sun Kar Idher Udher Nazar Daudane Laga Aur Peechhe Mud Kar Bhi Dekha Magar Koi Shakhs Nazar Nahi Aaya. (Shawahidunnabuwa Page 158)

Madfan Mein Firishton Ki Bheed: Riwayat Hai Ki Bagiyon Ki Hullad Baziyon Ke Sabab Teen Din Tak Aap Ki Muqaddas Laash Be Goro Kafan Padi Rahi. Phir Chand Jaan Nisaron Ne Raat Ki Tareeki Mein Aap Ke Janaza Mubarak Ko Utha Kar Jannatul Baqeea Pahuncha Diya Aur Aap Ki Muqaddas Qabr Khodne Lage Achanak Un Logon Ne Dekha Ki Sawaron Ki Ek Bahut Badi Jama'at Un Ke Peechhe Peechhe Jannatul Baqeea Mein Dakhil Hui Un Sawaron Ko Dekh Kar Logon Par Aisa Khauf Taari Hua Ki Kuch Logon Ne Janaza Mubarak Chhod Kar Bhaag Jane Ka Irada Kar Liya. Yah Dekh Kar Sawaron Ne Ba Aawaze Buland Kaha Ki Aap Log Thahare Rahein Aur Bilkul Na Darein Hum Log Bhi Un Ki Tadfeen Mein Shirkat Ke Liye Yahan Hazir Huye Hain. Yah Aawaz Sun Kar Logon Ka Khauf Door Ho Gaya Aur Itminan Wa Sukoon Ke Sath Logon Ne Aap Ko Dafan Kiya. Qabristhan Se Laut Kar Un Sahabiyon Ne Qasam Kha Kar Logon Se

Kaha Ki Yaqeenan Yah Firishton Ki Jama'at Thi. (Shawahidunnabuwa Page 158)

Gustakh Darinda Ke Munh Mein: Manqool Hai Ki Hajiyon Ka Ek Qafila Madeena Munavvara Pahuncha. Tamam Ahle Qafila Hazrat Ameerul Momineen Usman Gani Radiallaho Ta'ala Anhu Ke Mazare Mubarak Par Ziyarat Karne Aur Fatiha Khwani Ke Liye Gaye Lekin Ek Shakhs Jo Aap Se Dushmani Rakhta Tha Tauheen Wa Ihaanat Ke Taur Par Aap Ki Ziyarat Ke Liye Nahi Gaya Aur Logon Se Kahne Laga Ki Wo Bahut Door Hai Isliye Mein Nahi Jaoga. Yah Qafila Jab Apne Watan Ko Wapas Aane Laga To Qafila Ke Tamam Log Khairo Aafiyat Wa Salamati Ke Se Sath Apne Apne Watan Pahunch Gaye Lekin Wo Shakhs Jo Aap Ki Qabre Anwar Ki Ziyarat Ke Liye Nahi Gaya Tha Us Ka Yah Anjam Hua Ki Beech Raste Mein Beech Qafila Ke Andar Ek Darinda Janwar Dahadta Aur Gurrata Hua Aaya Aur Us Shakhs Ko Apne Danton Se Daboch Kar Aur Panjon Se Faad Kar Tukde Tukde Kar Dala. Yah Manzar Dekh Kar Tamam Ahle Qafila Ne Yak Zabaan Hokar Yah Kaha Ki Yah Hazrat Usman Gani Radiallaho Ta'ala Anhu Ki Be Adabi Wa Be Hurmati Ka Anjam Hai. (Shawahidunnabuwa Page 158)

Tabsera : Upar Ki Teeno Riwayaton Se Ameerul
Momineen Hazrat Usman Gani Radiallaho Ta'ala Anhu Ki
Jalalate Shaan Aur Darbare Khudavandi Mein Un Ki

Maqbooliyat Aur Vilayat Wa Karamat Ka Aisa Azeemushshan Nishan Zahir Hota Hai Ki Un Ke Martabe Ki Bulandiyon Ka Koi Tasavvur Bhi Nahi Kar Sakta Aur Aakhiri Riwayat To Us Gustakhon Ke Liye Bahut Hi Naseehat Wali Wa Khaufnak Hai Jo Hazrat Usman Gani Radiallaho Ta'ala Anhu Ki Shaan Mein Badzabaan Hokar Teeno Khaleefa'o Ko Bura Bhala Kaha Karte Hain Jaisa Ki Humare Daur Ke Shiyo Ka Sada Hua Wa Napak Tareeqa Hai. Ahle Sunnat Hazraat Par Zaruri Hai Ki Un Ki Majalis Mein Hargiz Hargiz Qadam Na Rakhein Warna Qahare Ilaahi Mein Mubtala Hone Ka Khatarnak Andesha Hai. Khudavand E Kareem Har Musalman Ko Apne Qaharo Ghazab Se Bachaye Rakhe Aur Hazraat Khulfa E Kiraam Aur Tamam Sahaba E Kiraam Ki Muhabbat Wa Aqeedat Ki Daulat Ata Farmaye. Aameen

Hazrat Ali Murtaza Radiallaho Ta'ala
Anhu

Khaleefa E Chaharum Janashine Rasool Wa Zauje Batool Hazrat Ali Bin Abi Talib Radiallaho Ta'ala Anhu Ki Kunniyat 'Abul Hasan' Aur 'Aboo Turab' Hai Aap Huzoor E Akram ﷺ Ke Chacha Aboo Talib Ke Bete Hain. Aamil Pheel Ke 30 Baras Baad Jab Ki Huzoor E Akram ﷺ Ki Umr Shareef 30 Baras Ki Thi 13 Rajab Ko Juma Ke Din Hazrat E Ali Radiallaho Ta'ala Anhu Khana-E-Ka'aba Ke Andar Paida Huye. Aap Ki Walida Majida Ka Naam Hazrat Fatima Binte Asad Radiallaho Ta'ala Anha) Hai. Aap Ne Apne Bachpan Hi Mein Islam Qabool Kar Liya Tha Aur Huzoor E Akram یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ke Zere Tarbiyat Har Waqt Aap Ki Imdad Wa Nusrat Mein Lage Rahte The. Aap Muhajireen E Awwaleen Aur Ashra e Mubashsharah Mein Apne Kai Khusoosi Darjaat Ke Lihaz Se Bahut Zyada Mumtaz Hain. Junge Badr, Junge Uhud, Junge Khandaq Wagaira Tamam Islami Ladaiyon Mein Apni Be Panah Bahaduri Ke Sath Jung Farmate Rahe Aur Kuffare Arab Ke Bade Bade Namwar Bahadur Aur Soorma Aap Ki Muqaddas Talwar Zulfiqar Ki Maar Se Maqtool Huye. Ameerul Momineen Hazrat Usman Gani Radiallaho Ta'ala Anhu Ki Shahadat Ke Baad Ansar Wa Muhajireen Ne Aap Ke Daste Haq Parast Par Bayt Karke Aap Ko Ameerul Momineen Chuna Aur 4 Baras 8 Maah 9 Din Tak Aap Masnade Khilafat Ko Sarfaraz Farmate Rahe. 17 Ramzan 40

Hijri Ko Abdurrahman Bin Mulzim Muradi Kharji Mardood Ne Namaze Fazr Ko Jate Huye Aap Ki Muqaddas Peshani Aur Noorani Chehre Par Aisi Talwar Maari Jis Se Aap Sakht Taur Par Zakhmi Ho Gaye Aur Do Din Zinda Rah Kar Jaame Shahadat Se Sairab Ho Gaye Aur Kuch Kitabon Mein Likha Hai Ki 19 Ramzan Juma Ki Raat Aap Zakhmi Huye Aur 21 Ramzan Ki Raat Itwaar (Sunday) Aap Ki Shahadat Hui (Wallahu Ta'ala Aa'alam). Aap Ke Bade Bete Hazrat Imaam Hasan Radiallaho Ta'ala Anhu Ne Aap Ki Namaze Janaza Padhai Aur Aap Ko Dafan Farmaya. (Tareekhul Khulfa Wa Izalatul Khifa Wagaira)

Karamat

Qabr Walo Se Sawal Jawab: Hazrat Saed Bin Musayyib Radiallaho Ta'ala Anhu Kahte Hain Ki Hum Log Ameerul Momineen Hazrat Ali Radiallaho Ta'ala Anhu Ke Sath Madeena Munavvara Ke Qabristhan Jannatul Baqeea Mein Gaye To Aap Ne Qabron Ke Samne Khade Hokar Ba Aawaze Buland Farmaya Ki Aey Qabr Walo 'Assalamualaikum Wa Rahmatullah!' Kya Tum Log Apni Khabarein Humein Sunaoge Ya Hum Tum Logon Ko Tumhari Khabarein Sunayein? Us Ke Jawab Mein Qabron Ke Andar Se Aawaz Aai 'Wa Alaikum Asslam Wa Rahmatullah Wa Barkatahoo' Aey Ameerul Momineen Aap Hi Humein Yah Sunaiye Ki Humari Maut Ke Baad Humare Gharon Mein Kya Kya Mamlaat Huye? Hazrat Ameerul Momineen Ne Farmaya Ki Aey Qabr Walo! Tumhare Baad

Tumhare Gharon Ki Khabar Yah Hai Ki Tumhari Beeviyon Ne Doosre Logon Se Nikah Kar Liya Aur Tumhare Maal Wa Daulat Ko Tumhare Warison Ne Aapas Mein Taqseem (Baant) Kar Liya Aur Tumhare Chhote Chhote Bachche Yateem Ho Kar Darbadar Phir Rahe Hain Aur Tumhare Mazboot Aur Unche Unche Mahalon Mein Tumhare Dushman Aaram Aur Chain Ke Sath Zindagi Basar Kar Rahe Hain. Us Ke Jawab Mein Qabron Mein Se Ek Murde Ki Yah Dardnak Aawaz Aai Ki Aey Ameerul Momineen! Humari Khabar Yah Hai Ki Humare Kafan Purane Hokar Phat Chuke Hain Aur Jo Kuch Hum Ne Duniya Mein Kharch Kiya Tha Us Ko Hum Ne Yahan Pa Liya Hai Aur Jo Kuch Hum Duniya Mein Chhod Aaye The Us Mein Humein Ghaata Hi Ghaata Uthana Pada Hai. (Hujjatullah Alal Aalmeen Jild 2 Page 863)

Tabsera : Is Riwayat Se Maloom Hua Ki ALLAH Tabarak Wa Ta'ala Apne Mahboob Bandon Ko Yah Taqat Wa Qudrat Ata Farmata Hai Ki Qabr Wale Un Ke Sawalon Ka Buland Aawaz Se Is Tarah Jawab Dete Hain Ki Doosre Log Bhi Sun Lete Hain. Yah Qudrat Wa Taqat Aam Insanon Ko Hasil Nahi Hai Log Apni Aawazein To Murdon Ko Suna Sakte Hain Aur Murde Un Ki Aawazon Ko Sun Bhi Lete Hain Magar Qabr Ke Andar Se Murdon Ki Aawazon Ko Sun Lena Yah Aam Insanon Ke Bas Ki Baat Nahi Hai Balki Yah Khuda Ke Khaas Bandon Ka Khaas Hissa Aur Khaasa Hai Jis Ko Un Ki Karamat Ke Siwa Aur Kuch Bhi Nahi Kaha Ja Sakta Aur Is Riwayat Se Yah Bhi Pata Chala Ki Qabr Walo Ka Yah Iqbali Bayan Hai Ki Marne Wale Duniya Mein Jo

Maal Wa Daulat Chhod Kar Mar Jate Hain Us Mein Marne Walo Ke Liye Sara Sar Ghaata Hi Ghaata Hain Aur Jis Maal Wa Daulat Ko Wo Marne Se Pahle Khuda Ki Raah Mein Kharch Karte Hain Woi Un Ke Kaam Aane Wala Hai.

Faalij Wala Achcha Ho Gaya: Allama Tajuddin Sabki Alaihirrahma Ne Apni Kitab 'Tabqaat' Mein Zikr Farmaya Hai Ki Ek Martaba Ameerul Momineen Hazrat Ali Radiallaho Ta'ala Anhu Apne Donon Bete Hazrat Imaam Hasan Wa Husain Radiallaho Ta'ala Anhuma Ke Sath Haram E Ka'aba Mein Hazir The Ki Beech Raat Mein Achanak Yah Suna Ki Ek Shakhs Bahut Hi Gid Gida Kar Apni Zarurat Ke Liye Dua Mang Raha Hai Aur Khoob Khoob Ro Raha Hai. Aap Ne Hukm Diya Ki Us Shakhs Ko Mere Paas Lao. Wo Shakhs Is Haal Mein Hazire Khidmat Hua Ki Us Ke Badan Ki Ek Karwat Faalij Zada Thi Aur Wo Zameen Mein Ghaseetta Hua Aap Ke Samne Aaya. Aap Ne Us Ka Qissa Poochha To Us Ne Arz Kiya Aey Ameerul Momineen! Mein Bahut Hi Be Baaki Ke Sath Qism Qism Ke Gunahon Mein Din Raat Vyast (Busy) Rahta Tha Aur Mera Baap Jo Bahut Hi Nek Aur Pabande Shariyat Musalman Tha Baar Baar Mujh Ko Tokta Aur Gunahon Se Mana Karta Rahta Tha. Mein Ne Ek Din Apne Baap Ki Naseehat Se Naraz Hokar Us Ko Maar Diya Aur Meri Maar Kha Kar Mera Baap Takleef Wa Gum Mein Dooba Hua Haram E Ka'aba Aaya Aur Mere Liye Baddua Karne Laga Abhi Us Ki Dua Khatm Bhi Nahi Hui Thi Ki Bilkul Hi Achanak Meri Ek Karwat Par Faalij Ka Asar Ho Gaya Aur Mein Zameen Par Ghisat Kar Chalne Laga. Is Ghaibi Saza

Se Mujhe Badi Ibrat Hasil Hui Aur Mein Ne Ro Ro Kar Apne Baap Se Apne Jurm Ki Maafi Mangi Aur Mere Baap Ne Apni Shafqate Pidari (Baap Ki Muhabbat) Se Majboor Hokar Mujh Par Raham Khaya Aur Mujhe Maaf Kar Diya Aur Kaha Ki Beta Chal! Jahan Se Meine Tere Liye Baddua Ki Thi Usi Jagah Ab Mein Tere Liye Sehat Wa Salamati Ki Dua Mangooga. Chunanche Mein Apne Baap Ko Untni Par Sawar Karke Makka Muazzama La Raha Tha Ki Raste Mein Bilkul Achanak Untni Ek Maqaam Par Bidak Kar Bhagne Lagi Aur Mera Baap Us Ki Peeth Se Gir Kar Do Chattanon Ke Beech Halaak Ho Gaya Aur Ab Mein Akela Hi Haram E Ka'aba Mein Aakar Din Raat Ro Ro Kar Khuda Ta'ala Se Apni Tandurusti Ke Liye Duayein Mangta Rahta Hoon. Ameerul Momineen Ne Sari Dastan Sun Kar Farmaya Ki Aey Shakhs! Agar Waqai Tera Baap Tujh Se Khush Ho Gaya Tha To Itminan Rakh Ki Khudavand E Kareem Bhi Tujh Se Khush Ho Gaya Hai. Us Ne Kaha Ki Aey Ameerul Momineen! Mein Qasam Kha Kar Kahta Hoon Ki Mera Baap Mujh Se Khush Ho Gaya Tha. Ameerul Momineen Hazrat Ali Radiallaho Ta'ala Anhu Ne Us Shakhs Ki Halat Par Raham Kha Kar Us Ko Tasalli Di Aur Chand Rak'at Namaz Padh Kar Us Ki Tandurusti Ke Liye Dua Mangi. Phir Farmaya Aey Shakhs Uth Khada Ho Ja! Yah Sunte Hi Wo Bila Takalluf Uth Kar Khada Ho Gaya Aur Chalne Laga. Aap Ne Farmaya Ki Aey Shakhs! Agar Too Ne Qasam Kha Kar Yah Na Kaha Hota Ki Tera Baap Tujh Se Khush Ho Gaya Tha To Mein Hargiz Tere Liye Dua Na Karta. (Hujjatullah Alal Aalmeen Jild 2 Page 863)

Girti Hui Deewar Tham Gai: Hazrat Imaam Jafar Sadiq Radiallaho Ta'ala Anhu Bayan Karte Hain Ki Ek Martaba Ameerul Momineen Hazrat Ali Radiallaho Ta'ala Anhu Ek Deewar Ke Saaye Mein Ek Muqaddama Ka Faisla Farmane Ke Liye Baith Gaye Muqaddama Ke Beech Mein Logon Ne Shor Machaya Ki Aey Ameerul Momineen! Yahan Se Uth Jaiye Yah Deewar Gir Rahi Hai. Aap Ne Nihayat Sukoon Wa Itminan Ke Sath Farmaya Ki Muqaddama Ki Karwai Jaari Rakho ALLAH Ta'ala Behtareen Hafiz Wa Madadgar Wa Dekhne Wala Hai. Chunanche Itminan Ke Sath Aap Is Muqaddama Ka Faisla Farma Kar Jab Woan Se Chal Diye To Fauran Hi Wo Deewar Gir Gai. (Izalatul Khifa Maqsad Number 2 Page 273)

Tabsera : Yah Riwayat Is Baat Ki Daleel Hai Ki
Khudavand E Quddoos Apne Auliya E Kiraam Ko Aisi Aisi
Ruhani Taqatein Ata Farmata Hai Ki Un Ke Isharon Se Girti
Hui Deewarein To Kya Cheez Hain Bahte Huye Dariya'o
Ki Rawani Bhi Thahar Jati Hai. Sach Hai,

'Koi Andaza Kar Sakta Hai Us Ke Zor Bazoo Ka
Nigahe Marde Momin Se Badal Jati Hain Taqdeerein'

Aapko Jhootha Kehne Wala Andha Ho Gaya: Ali Bin Zazaan Ka Bayan Hai Ki Ameerul Momineen Hazrat Ali Radiallaho Ta'ala Anhu Ne Ek Martaba Koi Baat Irshad Farmai To Ek Badnaseeb Ne Nihayat Hi Be Baaki Ke Sath Yah Kah Diya Ki Aey Ameerul Momineen Aap Jhoothe

Hain. Aap Ne Farmaya Ki Aey Shakhs! Agar Mein Sachcha Hoon To Zarur Too Azabe Ilaahi Mein Giraftar Ho Jayega. Is Gustakh Ne Kah Diya Ki Aap Mere Liye Baddua Kar Deejiye Mujhe Us Ki Parwa Nahi Hai Us Ke Munh Se Un Alfaaz Ka Nikalna Tha Ki Bilkul Hi Achanak Wo Shakhs Donon Aankhon Ka Andha Ho Gaya Aur Idher Udher Hath Paanv Maarne Laga. (Izalatul Khifa Maqsad Number 2 Page 273)

Kaun Kahan Marega Aur Kahan Dafan Hoga?: Hazrat Asba'a Radiallaho Ta'ala Anhu Kahte Hain Ki Hum Log Ek Martaba Ameerul Momineen Hazrat Ali Radiallaho Ta'ala Anhu Ke Sath Safar Mein Maidane Karbala Ke Andar Theek Us Jagah Pahunche Jahan Aaj Hazrat Imaam Husain Radiallaho Ta'ala Anhu Ki Qabre Anwar Bani Hui Hai To Aap Ne Farmaya Ki Us Jagah Aage Zamane Mein Ek Aale Rasool ﷺ Ka Qafila Thahrega Aur Is Jagah Un Ke Unt Bandhe Huye Hoge Aur Isi Maidan Mein Jawanane Ahle Bayt Ki Shahadat Hogi Aur Isi Jagah Un Shaheedon Ka Madfan Banega Aur Un Logon Par Aasman Wa Zameen Royenge.(Izalatul Khifa Maqsad Number 2 Page 273 Ba Hawala Al Riyajunnasrah)

Tabsera : Riwayat Baala Se Pata Chalta Hai Ki Auliya
ALLAH Ko Kashf Ke Zariye Barson Baad Hone Wale
Waqiyaat Aur Logon Ke Halat Yahan Tak Ki Logon Ki
Maut Aur Madfan Ki Kaifiyaat Ka Ilm Hasil Ho Jata Hai
Aur Yah Haqeeqat Mein Ilme Ghaib Hai Jo ALLAH Ta'ala
Ke Ata Farmane Se Auliya E Kiraam Ko Hasil Hua Karta

Hai Aur Yah Auliya E Kiraam Ki Karamat Hua Karti Hai.

Firishton Ne Chakki Chalai: Hazrat Aboo Zar Gifari Radiallaho Ta'ala Anhu Ka Bayan Hai Ki Huzoor E Aqdas ﷺ Ne Mujhe Hazrat Ali Radiallaho Ta'ala Anhu Ko Bulane Ke Liye Un Ke Makaan Par Bheja To Mein Ne Woan Yah Dekha Ki Un Ke Ghar Mein Chakki Bagair Kisi Chalane Wale Ke Khud Ba Khud Chal Rahi Hai. Jab Mein Ne Bargahe Risalat Mein Is Ajeeb Karamat Ka Tazkira Kiya To Huzoor Aqdas ﷺ Ne Irshad Farmaya Ki Aey Aboo Zar! ALLAH Ta'ala Ke Kuch Firishte Aise Bhi Hain Jo Zameen Mein Sair Karte Rahte Hain ALLAH Ta'ala Ne Un Firishton Ki Yah Bhi Duty Farma Di Hai Ki Wo Mere Aal Ki Imdad Wa I'aanat Karte Rahein. (Izalatul Khifa Maqsad Number 2 Page 273)

Tabsera : Is Riwayat Se Yah Sabaq Milta Hai Ki Huzoor E Akram ﷺ Ki Aale Paak Ko Bargahe Khudavandi Mein Is Qadar Qurb Aur Maqbooliyat Hasil Hai Ki ALLAH Ta'ala Ne Kuch Firishton Ko Un Ki Imdad Wa Nusrat Aur Zarurat Poori Karne Ke Liye Khaas Taur Par Muqarrar Farma Diya Hai. Yah Sharf Hazraat E Ahle Bayt Ko Huzoor E Aqdas ﷺ Ki Nisbat Ki Wajah Se Hasil Hua Hai. SubhanALLAH! Sultane Madeena ی یللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ki Izzat Wa Azmat Aur Un Ke Waqar Wa Iqtedar Ka Kya Kahna? Ki Aap Ke Ghar Walo Ki Chakki Firishte Chalaya Karte The.

Main Kab Wafat Paunga?: Hazrat Fuzaala Bin Fuzaala Radiallaho Ta'ala Anhu Irshad Farmate Hain Ki Ek Martaba Ameerul Momineen Hazrat Ali Radiallaho Ta'ala Anhu Maqame 'Yaanbu' Mein Bahut Sakht Beemar Ho Gaye To Mein Apne Walid Ke Sath Un Ki Ayadat (Mareez Ko Dekhne Ke Liye Jana) Ke Liye Gaya. Baat Cheet Ke Dauran Mere Walid Ne Arz Kiya Aey Ameerul Momineen! Aap Is Waqt Aisi Jagah Beemari Ki Halat Mein Thahare Hain Agar Is Jagah Aap Ki Wafat Ho Gai To Qabila E 'Jaheeniya' Ke Ganwaron Ke Siwa Aur Kaun Aap Ki Tajheez Wa Takfeen Karega? Isliye Meri Guzarish Hai Ki Aap Madeena Munavvara Tashreef Le Chalein Kyunki Woan Agar Yah Hadsa Hua To Woan Aap Ke Jaan Nisar Muhajireen Wa Ansar Aur Doosre Muqaddas Sahaba Aap Ki Namaze Janaza Padhenge Aur Yah Muqaddas Hastiyan Aap Ke Kafan Wa Dafan Ka Intizam Karengi. Yah Sun Kar Aap Ne Farmaya Aey Fuzaala! Tum Itminan Rakho Ki Mein Apni Is Beemari Mein Hargiz Hargiz Wafat Nahi Paoga. Sun Lo Us Waqt Tak Hargiz Hargiz Meri Maut Nahi Aa Sakti Jab Tak Ki Mujhe Talwar Maar Kar Meri Is Peshani Aur Dadhi Ko Khoon Se Rangeen Na Kar Diya Jaye. (Izalatul Khifa Maqsad 2 Page 273)

Tabsera : Chunanche Aisa Hi Hua Ki Badbakht
Abdurrahman Bin Mulzim Muradi Kharji Ne Aap Ki
Muqaddas Peshani Par Talwar Chala Di Jo Aap Ki Peshani
Ko Kaat'ti Hui Jabde Tak Mil Gai. Us Waqt Aap Ki Zabaane
Mubarak Se Yah Jumla Ada Hua Yani (Ka'aba Ke Rab Ki
Qasam! Ki Mein Kamyab Ho Gaya) Us Zakhm Mein Aap

Shahadat Ke Sharf Se Sarfaraz Ho Gaye Aur Aap Ne Hazrat Fuzaala Radiallaho Ta'ala Anhu Se Maqame "Ynba'a" Mein Jo Farmaya Tha Wo Harf Ba Harf Saheeh Ho Kar Raha.

Durre Khaibar Ka Wazan: Junge Khaibar Mein Jab Ghamsaan Ki Jung Hone Lagi To Hazrat Ali Radiallaho Ta'ala Anhu Ki Dhaal Kat Kar Gir Padi To Aap Ne Joshe Jihad Mein Aage Badh Kar Qila Khaibar Ka Phatak Ukhaad Dala Aur Us Ke Ek Kiwaad Ka Dhaal Bana Kar Us Par Dushmanon Ki Talwaron Ko Rokte The. Yah Kiwaad Itna Bhaari Aur Wazani Tha Ki Jung Ke Khatme Ke Baad 40 Aadmi Mil Kar Bhi Us Ko Na Utha Sake.(Zurqani Jild 2 Page 230)

Tabsera : Kya Fatehe Khaibar Ke Us Karname Ko Insani Taqat Ki Kaar Guzari Kaha Ja Sakta Hai? Hargiz Hargiz Nahi Yah Insani Taqat Ka Karnama Nahi Hai Balki Yah Ruhani Taqat Ka Ek Karnama Hai Jo Sirf ALLAH Walo Hi Ka Hissa Hai Jis Ko Aam Taur Par Karamat Kaha Jata Hai.

Kata Hua Hath Jod Diya: Riwayat Hai Ki Ek Habshi Gulam Jo Ameerul Momineen Hazrat Ali Radiallaho Ta'ala Anhu Ka Intihai Mukhlis Aashiq Tha Badqismati Se Us Ne Ek Martaba Chori Kar Li Logon Ne Us Ko Pakad Kar Darbare Khilafat Mein Pesh Kar Diya Aur Gulam Ne Apne Jurm Ka Iqraar Bhi Kar Liya. Ameerul Momineen Hazrat Ali Radiallaho Ta'ala Anhu Ne Us Ka Hath Kaat Diya. Jab Wo Apne Ghar

Ko Rawana Hua To Raste Mein Hazrat Salman Farsi Radiallaho Ta'ala Anhu Aur Ibnul Kara Se Us Ki Mulaqat Ho Gai Ibnul Kara Ne Poochha Ki Tumhara Hath Kis Ne Kaata? To Gulam Ne Kaha Ameerul Momineen Wa Ya'asoobul Muslimeen Damade Rasool Wa Zauja e Batool Ne. Ibnul Kara Ne Kaha Ki Hazrat Ali Radiallaho Ta'ala Anhu Ne Tumhara Hath Kaat Dala Phir Bhi Tum Is Qadar Aejaaz Wa Ikraam Aur Tareef Wa Sana Ke Sath Un Ka Naam Lete Ho? Gulam Ne Kaha Ki Kya Hua? Unhone Haq Par Mera Hath Kaata Aur Mujhe Azabe Jahannam Se Bacha Liya. Hazrat Salman Farsi Radiallaho Ta'ala Anhu Ne Donon Ki Baat Suni Aur Ameerul Momineen Hazrat Ali Radiallaho Ta'ala Anhu Se Us Ka Tazkira Kiya To Ameerul Momineen Ne Us Gulam Ko Bulwa Kar Us Ka Kata Hua Hath Us Ki Kalai Par Rakh Kar Rumaal Se Chhupa Diya Phir Kuch Padhna Shuru Kar Diya. Itne Mein Ek Ghaibi Aawaz Aai Ki Rumaal Hatao Jab Logon Ne Rumaal Hataya To Gulam Ka Kata Hua Hath Is Tarah Kalai Se Jud Gaya Tha Ki Kahin Katne Ka Nishan Bhi Nahi Tha. (Tafseere Kabeer Jild 5 Page 479)

Shohar Aurat Ka Beta Nikla: Ameerul Momineen Hazrat Ali Radiallaho Ta'ala Anhu Ke Ghar Se Kuch Door Ek Masjid Ke Pahloo Mein Do Miyan Beevi Raat Bhar Jhagda Karte Rahe Subah Ko Ameerul Momineen Ne Donon Ko Bula Kar Jhagde Ka Sabab Poochha. Shohar Ne Arz Kiya Ki Aey Ameerul Momineen! Mein Kya Karoo? Nikah Ke Baad Mujhe Is

Aurat Se Be Inteha Nafrat Ho Gai Yah Dekh Kar Beevi Mujh Se Jhagda Karne Lagi Phir Baat Badh Gai Aur Raat Bhar Ladai Hoti Rahi. Aap Ne Tamam Darbariyon Ko Bahar Nikal Diya Aur Aurat Se Farmaya Ki Dekh Mein Tujh Se Jo Sawal Karoo Us Ka Sach Sach Jawab Dena. Phir Aap Ne Farmaya Ki Aey Aurat! Tera Naam Yah Hai Tere Baap Ka Naam Yah Hai Aurat Ne Kaha Ki Bilkul Theek Theek Aap Ne Bataya. Phir Aap Ne Farmaya Ki Aey Aurat! Too Yaad Kar Ki Too Zina Kari Se Hamila Ho Gai Thi Aur Ek Muddat Tak Too Aur Teri Maa'n Is Hamal Ko Chhupati Rahi Jab Pet Ka Dard Shuru Hua To Teri Maa'n Tujhe Us Ghar Se Bahar Le Gai Aur Jab Bachcha Paida Hua To Us Ko Ek Kapde Se Lapet Kar Too Ne Maidan Mein Daal Diya. Ittefaq Se Ek Kutta Us Bachche Ke Paas Aaya Teri Maa'n Ne Us Kutte Ko Patthar Maara Lekin Wo Patthar Bachche Ko Laga Aur Uska Sir Phat Gaya To Teri Maa'n Ko Bachche Par Raham Aa Gaya Aur Usne Bachche Ke Zakhm Par Patti Bandhi Phir Tum Donon Woan Se Bhaag Khadi Hui Uske Baad Us Bachche Ki Tum Donon Ko Kuch Bhi Khabar Nahi Mili Kya Yah Waqia Sach Hai? Aurat Ne Kaha Ki Haan Aey Ameerul Momineen! Yah Poora Waqia Harf Ba Harf Sahi Hai. Phir Aap Ne Farmaya Ki Aey Mard! Too Apna Sar Khol Kar Us Ko Dikha De Mard Ne Sar Khola To Us Zakhm Ka Nishan Maujood Tha. Us Ke Baad Ameerul Momineen Ne Farmaya Ki Aey Aurat! Yah Mard Tera Shohar Nahi Hai Balki Tera Beta Hai Tum Donon ALLAH Ta'ala Ka Shukr Ada Karo Ki Us Ne Tum Donon Ko Haraam Kari Se Bacha Liya Ab Too Apne Is Bete Ko Le Kar

Apne Ghar Chali Ja. (Shawahidunnabuwa Page 161)

Tabsera : Upar Ki Donon Mustnad Karamaton Ko Bagaur Padhiye Aur Imaan Rakhiye Ki Khudavand E Quddoos Ke Auliya E Kiraam Aam Insanon Ki Tarah Nahi Hua Karte Balki ALLAH Ta'ala Apne Un Mahboob Bandon Ko Aise Aise Ruhani Taqaton Ka Badshah Balki Shahanshah Bana Deta Hai Ki Un Buzurgon Ke Kabze Aur Un Ki Ruhani Taqaton Aur Qudraton Ke Buland Martabe Tak Kisi Bade Se Bade Falsafi Ki Aqal Wa Faham Ki Bhi Rasaai Nahi Ho Sakti.

Khuda Ki Qasam! Mein Hairan Hoon Ki Kitne Bade Jahil Ya Mutjahil Hain Wo Log Jo Auliya E Kiraam Ko Bilkul Apne Hi Jaisa Mulla Samajh Kar Un Ke Sath Barabari Ka Daawa Karte Hain Aur Auliya E Kiraam Ki Taqat Ka Chilla Chilla Kar Inkar Karte Phirte Hain. Ta'ajjub Hai Ki Aise Aise Waqiyaat Jo Noore Hidayat Ke Chand Taare Hain Un Munkiron Ki Nigah Se Abhi Tak Ojhal Hi Hain. Magar Us Mein Koi Ta'ajjub Ki Baat Nahi Jo Donon Hathon Se Apni Aankhon Ko Band Kar Le Us Ko Chand Sitare To Kya Sooraj Ki Roshani Bhi Nazar Nahi Aa Sakti. Haqeeqat Mein Auliya E Kiraam Ke Na Manne Walo Ka Yahi Haal Hai.

Zara Si Der Mein Qur'an Majeed Khatm Kar Lete: Yah Karamat Sahi Riwayat Se Sabit Hai Ki Aap Ghode Par Sawar Hote Waqt Ek Pair Rakaab Mein Rakhte Aur Qur'an Majeed Shuru Karte Aur Doosra Pair Rakaab Mein

Rakh Kar Ghode Ki Zeen Par Baithne Tak Itni Der Mein Ek Qur'an Majeed Khatm Kar Liya Karte The. (Shawahidunnabuwa Page 160)

Ishare Se Dariya Ki Tugyani Khatm: Ek Martaba Nahare Furat Mein Aisi Khaufnak Tugyani (Ubaal) Aa Gai Ki Sailab Mein Tamam Khetiyan Doon Gai Logon Ne Aap Ke Darbar Mein Fariyad Ki Aap Fauran Hi Uth Khade Huye Aur Rasoolullah ﷺ Ka Jubba Mubarak Wa Amaama Pahan Kar Ghode Par Sawar Huye Aur Aadmiyon Ki Ek Jama'at Jis Mein Hazrat Imaam Hasan Wa Imaam Husain Radiallaho Ta'ala Anhuma Bhi The Aap Ke Sath Chal Pade. Aap Ne Pul Par Pahunch Kar Apne Chhadi Se Nahare Furat Ki Taraf Ishara Kiya To Nahar Ka Paani Ek Gaz Km Ho Gaya, Phir Doosri Martaba Ishara Farmaya To Aur Ek Gaz Km Ho Gaya, Jab Teesri Baar Ishara Kiya To Teen Gaz Paani Utar Gaya Aur Sailab Khatm Ho Gaya. Logon Ne Shor Machaya Ki Ameerul Momineen! Bas Keejiye Yahi Kaafi Hai. (Shawahidunnabuwa Page 162)

Jasoos Andha Ho Gaya: Ek Shakhs Aap Radiallaho Ta'ala Anhu Ke Paas Rah Kar Jasoosi Kiya Karta Tha Aur Aap Radiallaho Ta'ala Anhu Ki Khufiya Khabarein Aap Ke Mukhalifeen Ko Pahunchaya Karta Tha. Aap Radiallaho Ta'ala Anhu Ne Jab Us Se Daryaaft Farmaya To Wo Shakhs Qasamein Khane Laga Aur Apni Baraat Zahir Karne Laga Aapne Jalal Mein Aakar Farmaya Ki Agar Too Jhootha Hai To ALLAH Ta'ala Teri

Aankhon Ki Roshani Chheen Le Ek Hafta Bhi Nahi Guzra Tha Ki Yah Shakhs Andha Ho Gaya, Aur Log Usko Lathi Pakad Kar Chalane Lage. (Shawahidunnabuwa Page 167)

Tumhari Maut Kis Tarah Hogi: Ek Shakhs Aap Ki Khidmate Aqdas Mein Hazir Hua To Aap Ne Us Ko Us Ke Halat Bata Kar Yah Bataya Ki Tum Ko Falan Khujoor Ke Ped Par Faansi Di Jayegi Chunanche Us Shakhs Ke Baare Mein Jo Kuch Aap Ne Farmaya Tha Wo Harf Ba Harf Durust Nikla Aur Aap Ki Pesh Goe Poori Hokar Rahi. (Shawahidunnabuwa Page 162)

Patthar Uthaya To Paani Ka Chashma Ubal Pada: Maqame Safeen Ko Jate Huye Aap Ka Lashkar Ek Aise Maidan Se Guzra Jahan Paani Nahi Tha Poora Lashkar Pyas Ki Sakhti Se Be Taab Ho Gaya. Woan Ke Girja Ghar Mein Ek Rahib Rahta Tha Us Ne Bataya Ki Yahan Se Do Kos Ki Doori Par Paani Mil Sakega. Kuch Logon Ne Ijazat Talab Ki Taaki Woan Se Jakar Paani Piyein Yah Sun Kar Aap Apne Khachchar Par Sawar Ho Gaye Aur Ek Jagah Ki Taraf Ishara Farmaya Ki Us Jagah Tum Log Zameen Ko Khodo Chunanche Logon Ne Zameen Ki Khudai Shuru Kar Di To Ek Patthar Zahir Hua Logon Ne Us Patthar Ko Nikalne Ki Bahut Koshish Ki Lekin Tamam Aauzar Bekar Ho Gaye Aur Wo Patthar Na Nikal Saka. Yah Dekh Kar Aap Ko Gussa Aa

Gaya Aur Aap Ne Apni Sawari Se Utar Kar Aasteen Chadhai Aur Donon Hathon Ki Ungliyon Ko Us Patthar Ki Daraad Mein Daal Kar Zor Lagaya To Wo Patthar Nikal Pada Aur Us Ke Neeche Se Ek Nihayat Hi Saaf Suthra Aur Meetha Paani Ka Chashma Zahir Ho Gaya Aur Tamam Lashkar Us Paani Se Sairab Ho Gaya. Logon Ne Apne Janwaron Ko Bhi Pilaya Aur Lashkar Ki Tamam Mashkon Ko Bhi Bhar Liya. Phir Aap Ne Us Patthar Ko Us Ki Jagah Par Rakh Diya. Girja Ghar Ka Isai Padri Aap Ki Yah Karamat Dekh Kar Samne Aaya Aur Aap Se Poochha Ki Kya Aap Firishta Hain? Aap Ne Kaha! Nahi Us Ne Poochha! Kya Aap Nabi Hain? Aap Ne Farmaya! Nahi Us Ne Kaha! Phir Aap Kya Hain? Aap Ne Farmaya Mein Paigambar E Mursil Hazrat Muhammad Bin Abdullah Khatimunnabeeyyin یہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ka Sahabi Hoon Aur Mujh Ko Huzoor E Aqdas ییللاہیتَعَالٰ صَلَّ مَی لَّیوَسَ ہل یوَاٰ ہعَلَی Ne Chand Baaton Ki Waseeyat Bhi Farmai Hai Yah Sun Kar Wo Isai Rahib Kalma Shareef Padh Kar Musharraf Ba Islam Ho Gaya. Aap Ne Farmaya! Tum Ne Itni Muddat Tak Islam Kyun Qabool Nahi Kiya Tha? Rahib Ne Kaha Ki Humari Kitabon Mein Yah Likha Hua Hai Ki Is Girja Ghar Ke Qareeb Jo Ek Chashma Chhupa Hai Us Chashme Ko Wo Shakhs Zahir Karega Jo Ya To Nabi Hoga Ya Nabi Ka Sahabi Hoga. Chunanche Mein Aur Mujh Se Pahle Bahut Se Padri Is Girja Ghar Mein Isi Intazar Mein Muqeem Rahe Ab Aaj Aap Ne Yah Chashma Zahir Kar Diya To Meri Murad Puri Ho Gai Isliye Mein Ne Aap Ke Deen Ko Qabool Kar Liya. Rahib Ki Taqreer Sun Kar Aap Ro Pade Aur Is Qadar Roye Ki Aap Ki

Dadhi Mubarak Aasu'o Se Bheeg Gai Aur Phir Aap Ne Irshad Farmaya! Alhamdulillah Ki Un Logon Ki Kitabon Mein Bhi Mera Zikr Hai. Yah Rahib Musalman Hokar Aap Ke Khadimon Mein Shamil Ho Gaya Aur Aap Ke Lashkar Mein Dakhil Hokar Shamiyon Se Jung Karte Huye Shaheed Ho Gaya Aur Aap Ne Us Ko Apne Daste Mubarak Se Dafan Kiya Aur Us Ke Liye Bakhshish Ki Dua Farmai. (Shawahidunnabuwa Page 164)

Hazrat Talha Bin Ubaidullah Radiallaho
Ta'ala Anhu

Aap Ka Naam Nami Bhi Ashra e Mubashsharah Ki Fehriste Girami Mein Hai, Makka Mukarrama Ke Andar Khandane Quraish Mein Aap Ki Paidaish Hui. Maa'n Baap Ne 'Talha' Naam Rakha Magar Darbare Nubuwat Se Un Ko 'Fayyaz' Wa 'Jawwad' Wa Khair Ke Muazzaz Alqab Ata Huye. Yah Jama'at e Sahaba Mein Se Pahle Imaan Lane Wale Ki Line Mein Hain Un Ke Islam Lane Ka Waqia Yah Hai Ki Yah Tijarat Ke Liye Basra Gaye To Woan Ke Ek Isai Padri Ne Un Se Daryaaft Kiya Ki Kya Makka Mein 'Ahmad Nabi' Paida Ho Chuke Hain? Unhone Hairan Hokar Poochha! Kaun 'Ahmad Nabi'? Padri Ne Kaha, 'Ahmad Bin Abdullah Bin Abdul Muttalib Wo Nabi Aakhiruzzama Hain Aur Un Ki Nubuwat Ke Zahoor Ka Yahi Zamana Hai Aur Un Ki Pahchan Ka Nishan Yah Hai Ki Wo Makka Mukarrama Mein Paida Honge Aur Khujooron Wale Shahar (Madeena Munawwara) Ki Taraf Hijrat Karenge'. Choonki Us Waqt Tak Huzoor E Akram یمَ لَّیوَسَ ہل یوَاٰ ہیعَلَی الٰیللاہیتَعَی صَلَّ Ne Apni Nubuwat Ka Ailan Nahi Farmaya Tha Isliye Hazrat Talha Radiallaho Ta'ala Anhu Ne Padri Ko Nabi Aakhiruzzama Khatimunnabeeyyin ﷺ Ke Baare Mein Koi Jawab Na De Sake Lekin Basra Se Makka Muazzama Aane Ke Baad Jab Un Ko Pata Chala Ki Huzoor E Akram ﷺ Ne Apni Nubuwat Ka Ailan

Farma Diya Hai To Yah Hazrat Aboo Bakr Siddiq Radiallaho Ta'ala Anhu Ke Sath Bargahe Nubuwat Mein Hazir Hokar Musharraf Ba Islam Huye. Kuffare Makka Ne Un Ko Be Had Sataya Aur Rassi Mein Baandh Kar Un Ko Marte Rahe Magar Yah Pahad Ki Tarah Deene Islam Par Jame Rahe. Phir Hijrat Karke Madeena Munawwara Chale Gaye Aur Junge Badr Ke Siwa Tamam Islami Jungon Mein Kuffar Se Ladte Rahe. Junge Badr Mein Un Ki Gair Haziri Ka Yah Sabab Hua Ki Huzoor E Aqdas ﷺ Ne Un Ko Aur Hazrat Saed Bin Zaid Radiallaho Ta'ala Anhu Ko Aboo Sufiyan Ke Qafila Ki Talash Mein Bhej Diya Tha. Aboo Sufiyan Ka Qafila Samundar Ke Kinare Ke Raste Se Makka Mukarrama Chala Gaya Aur Yah Donon Hazraat Jab Laut Kar Maidane Badr Mein Pahunche To Jung Khatm Ho Chuki Thi. Junge Uhud Mein Unhone Badi Hi Jaan Baazi Aur Sar Faroshi Ka Muzahira Kiya Huzoor E Aqdas یمَ لَّ یوَسَ ہل یوَاٰ ہلَییعَی یللاہیتَعَالٰ صَلَّ Ko Kuffar Ke Hamlon Se Bachane Mein Choonki Yah Talwar Aur Nezon Ki Bauchad Ko Apne Hath Par Rokte Rahe Isliye Aap Ki Ungli Kat Gai Aur Hath Bilkul Bekar Ho Gaya Tha Aur Un Ke Badan Par Teer Wa Talwar Aur Nezon Ke 75 Zakhm Lage. Un Ke Fazael Wa Manaqib Mein Chand Hadeesein Bhi Warid Hui Hain. Junge Uhud Ke Din Jab Jung Ruk Jane Ke Baad Huzoor E Akram ﷺ Chattan Par Chadhne Lage To Lohe Ki Zira Ke Bojh Ki Wajah Se Chattan Par Chadhna Dushwar Ho Gaya Us Waqt Hazrat Talha Radiallaho Ta'ala Anhu Baith Gaye Aur Un Ke Badan Ke Upar Se Guzar Kar Huzoor E Akram یللاہی صَلَّ

مَی لَّیوَسَ ہل یوَاٰ ہیعَلَی تَعَالٰ Chattan Par Chadhe Aur Khush Hokar Farmaya Yani 'Talha Ne Apne Liye Jannat Wajib Kar Li'. (Mishkat Page 566) Isi Tarah Huzoor E Akram ﷺ Ne Yah Bhi Farmaya! Zameen Par Chalta Phirta Shaheed 'Talha' Hai. (Kanzul Ummal Jild 12 Page 275, Matbooa Hyderabad) 20 Jamadil Aakhir 26 Hijri Mein Junge Jamal Ke Dauran Aap Ko Ek Teer Laga Aur Aap 64 Baras Ki Umr Mein Shahadat Se Sarfaraz Huye. (Akmaal Page 601, Ashra e Mubashsharah Page 245)

Karamat

Ek Qabr Se Doosri Qabr Mein: Shahadat Ke Baad Aap Ko Basra Ke Qareeb Dafan Kar Diya Gaya Magar Jis Maqaam Par Aap Ki Qabr Shareef Bani Wo Gharhe Mein Tha Isliye Qabr Mubarak Kabhi Kabhi Paani Mein Doob Jati Thi. Aap Ne Ek Shakhs Ko Baar Baar Khwab Mein Aakar Apni Qabr Badalne Ka Hukm Diya Chunanche Us Shakhs Ne Hazrat Abdullah Bin Abbas Radiallaho Ta'ala Anha Se Apna Khwab Bayan Kiya To Aap Ne 10,000 Dirham Mein Ek Sahabi Ka Makaan Khared Kar Us Mein Qabr Khodi Aur Hazrat Talha Radiallaho Ta'ala Anha Ki Muqaddas Laash Ko Purani Qabr Mein Se Nikaal Kar Us Qabr Mein Dafan Kar Diya Kaafi Muddat Guzar Jane Ke Bavajood Aap Ka Muqaddas Jism Salamat Aur Bilkul Hi Taro Taaza Tha. (Kitab Ashra e Mubashsharah Page 245)

Tabsera : Gaur Farmaiye Ki Kachchi Qabr Jo Paani Mein Doobi Rahti Thi Ek Muddat Guzar Jane Ke Bavajood Ek 'Vali' Aur Shaheed Ki Laash Kharab Nahi Hui To Hazraat Ambiya Alaihimussalam Khaas Kar Huzoor Sayyadul Ambiya ﷺ Ke Muqaddas Jism Ko Qabr Ki Mitti Bhala Kis Tarah Kharab Kar Sakti Hai? Yahi Wajah Hai Ki Huzoor E Akram یمَ لَّیوَسَ ہل یوَاٰی ہیعَلَی یللاہیتَعَالٰ صَلَّ Ne Irshad Farmaya Yani "ALLAH Ta'ala Ne Ambiya Alaihimussalam Ke Jismon Ko Zameen Par Haraam Farma Diya Hai Ki Zameen Un Ko Kabhi Kha Nahi Sakti" (Mishkat Page 121) Isi Tarah Is Riwayat Se Is Mas'ala Par Bhi Roshani Padti Hai Ki Shohda E Kiraam Apne Zindagi Ki Zaruraton Ke Sath Apni Apni Qabron Mein Zinda Hain Kyunki Agar Wo Zinda Na Hote To Qabr Mein Paani Bhar Jane Se Un Ko Kya Takleef Hoti? Usi Tarah Is Riwayat Se Yah Bhi Maloom Hua Ki Shohda E Kiraam Khwab Mein Aakar Zindon Ko Apne Halat Wa Kaifiyaat Se Ba Khabar Karte Rahte Hain Kyunki Khuda E Ta'ala Ne Un Ko Yah Qudrat Ata Farmai Hai Ki Wo Khwab Ya Bedari Mein Apni Qabron Se Nikal Kar Zindon Se Mulaqat Aur Baat Kar Sakte Hain. Ab Gaur Farmaiye Ki Jab Shaheedon Ka Yah Haal Hai Aur Un Ki Jismani Zindagi Ki Yah Shaan Hai To Phir Hazraat Ambiya E Kiraam Alaihimussalam Khaas Kar Huzoor Sayyadul Ambiya ﷺ Ki Jismani Zindagi Aur Un Ka Qabza Aur Un Ke Ikhtiyaar Wa Iqtedar Ka Kya Aalam Hoga? Gaur Farmaiye Ki Wahabiyon Ke Peshwa Maulvi Ismail Dehalvi Ne Apni Kitab Taqwiyatul Imaan Mein Yah

Mazmoon Likh Kar Ki 'Huzoor E Akram یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Mar Kar Mitti Mein Mil Gaye' Nauzubillah Kitna Bada Jurm Aur Bahut Bada Zulm Kiya Hai. Allahu Akbar! Un Be Adabon Aur Gustakhon Ne Apne Noke Qalam Se Rasool Ke Aashiqon Ke Dilo Ko Kis Tarah Majrooh Wa Zakhmi Kiya Hai Us Ko Bayan Karne Ke Liye Humare Paas Alfaaz Nahi Hai. انتقام ذوعزير وهو املشتىك ہللا فایل

Hazrat Zubair Bin Awwam Radiallaho Ta'ala Anhu Yah Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ki Phoophi Safiya Radiallaho Ta'ala Anha Ke Bete Hain Isliye Yah Rishta Mein Shahanshah E Madeena ﷺ Ke Phoophi Zaad Bhai Aur Hazrat Sayyada Khadeeja Radiallaho Ta'ala Anha Ke Bhateeje Aur Hazrat Aboo Bakr Siddiq Radiallaho Ta'ala Anhu Ke Damad Hain. Yah Bhi Ashra e Mubashsharah Yani Un 10 Khush Naseeb Sahaba E Kiraam Mein Se Hain Jin Ko Huzoor E Akram مَی لَّیوَسَ ہل یوَاٰ ہیعَلَی یللاہیتَعَالٰ لَّصَی Ne Duniya Hi Mein Jannati Hone Ki Khushkhabari Sunai. Bahut Hi Buland Qaamat, Gore Aur Chharere Badan Ke Aadmi The Aur Apni Walida Majida Ki Behtareen Tarbiyat Ki Badaulat Bachpan Hi Se Nidar, Mehnati, Buland Hausla Aur Nihayat Hi Pakke Irade Aur Bahadur The. 16 Baras Ki Umr Mein Us Waqt Islam Qabool Kiya Jab Ki Abhi 6 Ya 7 Aadmi Hi Islam Laye Huye The. Tamam Islami Ladaiyon Mein Arab Ke Bahaduron Ke Muqable Mein Aap Ne Jis Mujahidana Bahaduri Ka Muzahira Kiya Tawareekhe Jung Mein Us Ki Misaal Milna Mushkil Hai. Aap Jis Taraf Talwar Lekar Badhte Kuffar Ke Pare Ke Pare Kaat Kar Rakh Dete. Aap Ko Huzoor E Aqdas ﷺ Ne Junge Khandaq Ke Din 'Hawaari' (Mukhlis Wa Jaan Nisar Dost) Ka Khitab Ata Farmaya. Aap Junge Jamal Se Bezaar Hokar Wapas Tashreef Le Ja Rahe The Ki Amr Bin Jarmoz Ne Aap Ko Dhoka Dekar Shaheed Kar Diya, Shahadat Ke Samay Aap Ki Umr Shareef 64 Baras Ki Thi San 36 Hijri Mein

Safwaan Mein Aap Ki Shahadat Hui. Pahle Yah "Waadi Al Saba'a" Mein Dafan Kiye Gaye Magar Phir Logon Ne Un Ki Muqaddas Laash Ko Qabr Se Nikala Aur Poore Izzat Wa Ahatram Ke Sath Lakar Aap Ko Shahar Basra Mein Supurde Khaak Kiya Jahan Aap Ki Qabr Shareef Mashhoor Ziyarat Gaah Hai. (Akmaal Page 595 Wagaira)

Karamaat

Ba Karamat Barchhi: Junge Badr Mein Saed Bin Aas Ka Beta 'Ubaid' Sar Se Panvo Tak Lohe Ka Libas Pahne Huye Kuffar Ki Jama'at Mein Se Nikla Aur Nihayat Hi Ghamand Aur Guroor Se Yah Bola Ki Aey Musalmanon! Sun Lo Ki Mein 'Aboo Karash' Hoon Us Ki Yah Ghamandi Lalkaar Sun Kar Hazrat Zubair Bin Awwam Radiallaho Ta'ala Anhu Joshe Jihad Mein Bhare Huye Muqable Ke Liye Apni Saf Se Nikle Magar Yah Dekha Ki Us Ki Donon Aankhon Ke Siwa Us Ke Badan Ka Koi Hissa Aisa Nahi Hai Jo Lohe Mein Chhupa Hua Na Ho Aap Ne Taak Kar Us Ki Aankh Mein Is Zor Se Barchhi Maari Ki Barchhi Us Ki Aankh Ko Chhedti Hui Khopdi Ki Haddi Mein Chubh Gai Aur Wo Ladkhada Kar Zameen Par Gira Aur Fauran Hi Mar Gaya. Hazrat Zubair Radiallaho Ta'ala Anhu Ne Jab Us Ki Laash Par Paanv Rakh Kar Puri Taqat Se Barchhi Ko Kheecha To Badi Mushkil Se Barchhi Nikli Lekin Barchhi Ka Sira Mud Gaya Tha. Yah Barchhi Ek Ba Karamat Yadgaar Ban Kar

Barson Tak Tabarruk Bani Rahi Huzoor E Aqdas ی ہیعَلَی یللاہیتَعَالٰ صَلَّ مَی لَّ سَیوَی ہل وَاٰ Ne Hazrat Zubair Radiallaho Ta'ala Anhu Se Yah Barchhi Talab Farmai Aur Us Ko Apne Paas Rakha Phir Aap Ke Baad Khulfa E Rashideen Ke Paas Yake Baad Deegare Jati Rahi Aur Yah Hazraat Izzat Wa Ahatram Ke Sath Us Barchhi Ki Khaas Hifazat Farmate Rahe Phir Hazrat Zubair Radiallaho Ta'ala Anhu Ke Bete Hazrat Abdullah Bin Zubair Radiallaho Ta'ala Anhu Ke Paas Aa Gai Yahan Tak Ki San 73 Hijri Mein Jab Banoo Umaiyya Ke Zalim Governor Hajjaj Bin Yoosuf Saqfi Ne Un Ko Shaheed Kar Diya To Yah Barchhi Banoo Umaiyya Ke Qabza Mein Chali Gai Phir Us Ke Baad La Pata Ho Gai. (Bukhari Shareef Jild 2 Page 570 Gazwa E Badr)

Tabsera : Bukhari Shareef Ki Yah Hadeese Paak Har Musalman Deendar Ko Jhanjhod Kar Khabardar Kar Rahi Hai Ki Buzurgane Deen Wa Ulmaye Saliheen Ki Chhadi, Qalam, Talwar, Tasbeeh, Libas, Bartan Aadi Samanon Ko Yadgaar Ke Taur Par Bataur Tabarruk Apne Paas Rakhna Huzoor E Aqdas ﷺ Aur Khulfa E Rashideen Ki Muqaddas Sunnat Hai. Gaur Farmaiye Ki Hazrat Zubair Radiallaho Ta'ala Anhu Ki Barchhi Ko Tabarruk Bana Kar Rakhne Mein Huzoor E Akram ﷺ Aur Aap Ke Khulfa E Rashideen Ne Kis Qadar Ahatmam Kiya Aur Kis Kis Tarah Is Barchhi Ka Aejaaz Wa Ikraam Kiya. Bad'aqeeda Log Jo Buzurgane Deen Ke Tabarrukaat Aur Un Ki Ziyaraton Ka Mazaq Udaya Karte Hain Aur Ahle Sunnat Ko Taana Diya Karte Hain Ki Yah Log Buzurgon Ki Lathiyon, Talwaron, Qalamon Ka Ikraam Wa Ahatmam

Karte Hain Yah Hadees Un Ki Aankhein Khol Dene Ke Liye Hidayat Ki Chhadi Se Km Nahi Basharte Yah Ki Un Ki Aankhein Phoot Na Gai Ho.

Fatahe Fustaat: Misr Ki Jung Mein Hazrat Amr Bin Aas Radiallaho Ta'ala Anhu Apne Lashkar Ke Sath Fustaat Ke Qila Ka Kai Mahina Se Gherav Kiye Huye The Lekin Us Mazboot Qila Ko Fatah Karne Ka Koi Rasta Nazar Nahi Aa Raha Tha Aap Ne Darbare Khilafat Mein Kuch Aur Faujon Se Imdad Ke Liye Darkhwast Bheji. Ameerul Momineen Hazrat E Umar Farooq e Aazam Radiallaho Ta'ala Anhu Ne 10,000 Mujahideen Aur Chaar Afsaron Ko Bhej Kar Yah Tahreer Farmaya Ki Un Chaar Afsaron Mein Har Afsar 10,000 Sipahi Ke Barabar Hain Un Chaar Afsaron Mein Hazrat Zubair Radiallaho Ta'ala Anhu Bhi The. Hazrat Amr Bin Aas Radiallaho Ta'ala Anhu Ne Hazrat Zubair Radiallaho Ta'ala Anhu Ko Hamla Aawar Gherav Karne Walo Ki Fauj Ka Commander Bana Diya. Hazrat Zubair Radiallaho Ta'ala Anhu Ne Qila Ka Chakkar Laga Kar Andaza Farma Liya Ki Is Qila Ko Fatah Karna Bahut Hi Dushwar Hai Lekin Aap Ne Apne Fauji Daste Ko Mukhatab Karke Farmaya Ki Aey Bahadurane Islam! Dekho Mein Aaj Apni Hasti Ko Islam Par Fida Aur Qurban Karta Hoon Yah Kah Kar Aap Ne Bilkul Akele Qila Ki Deewar Par Seedi Lagai Aur Tanha Qila Ke Upar Chadh Kar 'Allahu Akbar' Ka Naara Maara Aur Ek Dam Fisal Ke Neeche Qila Ke Andar Kood Kar Akele Hi Qila Ki Andruni Fauj Se Ladte

Huye Qila Ka Phatak Khol Diya Aur Islami Fauj Naara e Takbeer Buland Karte Huye Qila Ke Andar Dakhil Ho Gai Aur Ek Hi Lamhe Mein Qila Fatah Ho Gaya. Is Mazboot Wa Pakka Qila Ko Jis Be Misaal Himmat Aur Bahaduri Se Minuton Mein Fatah Kar Liya Us Ko Tareekhe Jung Mein Karamat Ke Siwa Kuch Bhi Nahi Kaha Ja Sakta. Ameere Lashkar Hazrat E Amr Bin Aas Radiallaho Ta'ala Anhu Bhi Us Karamat Ko Dekh Kar Dang Rah Gaye Kyunki Wo Kai Maah Se Us Qila Ka Gherav Kiye Huye The Magar Bavajood Apni Jungi Maharat Aur Aala Darje Ki Koshishon Ke Wo Us Qila Ko Fatah Nahi Kar Sakte The. (Kitab Ashra e Mubashsharah Page 224)

Hazrat Zubair Ki Shakl Mein Hazrat Jibreel Alaihissalam: Huzoor E Akram ﷺ Ne Farmaya Ki Junge Badr Ke Din Hazrat Jibreel Alaihissalam Peele (Yellow) Rang Ka Amaama Bandhe Huye Hazrat Zubair Radiallaho Ta'ala Anhu Ki Shakl Wa Soorat Mein Firishton Ki Fauj Lekar Utre The. (Kanzul Ummal Jild 12 Page 127 Matbooa Hyderabad)

Hazrat Abdurrahman Bin Aauf
Radiallaho Ta'ala Anhu

Yah Bhi Ashra e Mubashsharah Yani 10 Jannati Sahaba Ki Fehrist Mein Hain. Huzoor E Aqdas ﷺ Ki Wiladate Mubaraka Se 10 Saal Baad Khandane Quraish Mein Paida Huye, Shuruaati Taleem Wa Tarbiyat Isi Tarah Hui Jis Tarah Sardarane Quraish Ke Bachcho Ki Hua Karti Thi. Un Ke Islam Lane Ka Sabab Yah Hua Ki Yaman Ke Ek Budhe Isai Padri Ne Un Ko Nabi Aakhiruzzama ی ہیعَلَی یللاہیتَعَالٰ صَلَّ مَی لَّ یوَسَ ہل وَاٰ Ke Zahoor Ki Khabar Di Aur Yah Bataya Ki Wo Makka Mein Paida Honge Aur Madeena Munawwara Ko Hijrat Karenge Jab Yah Yaman Se Laut Kar Makka Mukarrama Aaye To Aboo Bakr Siddiq Radiallaho Ta'ala Anhu Ne Un Ko Islam Lane Ko Kaha Chunanche Ek Din Unhone Bargahe Risalat Mein Hazir Hokar Islam Qabool Kar Liya Jab Ki Aap Se Pahle Thode Hi Aadmi Islam Laye The. Choonki Musalman Hote Hi Aap Ke Ghar Walo Ne Aap Par Zulm Wa Sitam Ka Pahad Todna Shuru Kar Diya Isliye Hijrat Karke Habsha Chale Gaye Phir Habsha Se Makka Mukarrama Wapas Gaye Aur Apna Sara Maal Wa Saman Chhod Kar Bilkul Khali Hath Hijrat Karke Madeena Munawwara Chale Gaye. Madeena Munawwara Pahunch Kar Aap Ne Bazar Ka Rukh Kiya Chand Hi Dinon Mein Aap Ki Tijarat Mein Is Qadar Khairo Barkat Hui Ki Aap Ka Shumar Daulatmando Mein Hone Laga Aur Aap Ne Qabila E Ansar Ki Ek Khatoon Se Shadi Bhi Kar Li.

Tamam Islami Ladaiyon Mein Aap Ne Jaan Wa Maal Ke Sath Shirkat Ki. Junge Uhud Mein Yah Aisi Jaan Bazi Aur Sar Faroshi Ke Sath Lade Ki Un Ke Badan Par 21 Zakhm Lage The Aur Un Ke Pairon Mein Bhi Ek Gahra Zakhm Lag Gaya Tha Jis Ki Wajah Se Langda Kar Chalte The. Aap Ki Sakhawat Ka Yah Aalam Tha Ki Ek Martaba Aap Ka Tijarati Qafila Jo 700 Unton (Camel) Par Mushtamil Tha Aap Ne Apna Yah Poora Qafila Unton Aur Un Par Lade Huye Samanon Ke Sath Khuda Ki Raah Mein Khairat Kar Diya. Ek Martaba Huzoor E Akram ﷺ Ne Apne Sahaba Ko Sadqa Dene Ki Tarqeeb Di To Aap Ne 4000 Dirham Pesh Kar Diye, Doosri Martaba 40,000 Dirham Aur Teesri Martaba 500 Ghode Aur 500 Unt Pesh Kar Diye. Ba Waqte Wafat 1000 Ghode Aur 50,000 Deenaron Ka Sadqa Kiya Aur Junge Badr Mein Shareek Hone Wale Sahaba E Kiraam Ke Liye 400-400 Deenar Ki Waseeyat Farmai Aur Ummul Momineen Hazrat Aaysha Siddiqa Radiallaho Ta'ala Anha Aur Doosri Azwaje Mutahharat Ke Liye Ek Baag Ki Waseeyat Ki Jo 40,000 Dirham Ki Maliyat Ka Tha. (Mishkat Jild 2 Page 567)

32 Hijri Mein Kuch Dinon Beemar Rah Kar 72 Saal Ki Umr Mein Wisaal Farmaya Aur Madeena Munawwara Ke Qabristhan Jannatul Baqeea Mein Dafan Huye Aur Humesha Ke Liye Sakhawat Wa Bahaduri Ka Yah Sooraj Doob Gaya. (Ashra e Mubashsharah Page 229-235 Wa Akmaal Page 603 Wa Kanzul Ummal Jild 15 Page 204)

Karamaat

Yoon To Aap Ki Muqaddas Zindagi Puri Karamat Hi Karamat Thi Magar Hazrat Usman Gani Radiallaho Ta'ala Anhu Ki Khilafat Ka Mas'ala Aap Ne Jis Tarah Tay Farmaya Wo Aap Ki Batini Farasat (Samajh) Aur Khuda Daad Karamat Ka Ek Bada Hi Anmol Namoona Hai.

Hazrat Usman Radiallaho Ta'ala Anhu Ki Khilafat: Ameerul Momineen Hazrat Umar Radiallaho Ta'ala Anhu Ne Wafat Ke Waqt 6 Jannati Sahaba Hazrat Usman, Hazrat Ali, Hazrat Sa'ad Bin Abi Waqas, Hazrat Zubair Bin Awwam, Hazrat Abdurrahman Bin Aauf Aur Hazrat Talha Bin Ubaidullah Radiallaho Ta'ala Anhuma Ka Naam Lekar Yah Waseeyat Farmai Ki Mere Baad In 6 Shakhson Mein Se Jis Par Ittefaq Ho Jaye Us Ko Khaleefa Muqarrar Kiya Jaye Aur Teen Din Ke Andar Khilafat Ka Mas'ala Zarur Tay Kar Diya Jaye Aur In Teen Dino Tak Hazrat Suhaib Radiallaho Ta'ala Anhu Masjide Nabwi Mein Imamat Karte Rahenge. Is Waseeyat Ke Mutabiq Yah 6 Hazraat Ek Makaan Mein Jama Ho Kar Do Din Tak Raay Karte Rahe Magar Yah Majlise Shora Kisi Nateeja Par Na Pahunchi. Teesre Din Hazrat Abdurrahman Bin Aauf Radiallaho Ta'ala Anhu Ne Farmaya Ki Tum Log Jante Ho Ki Aaj Khaleefa Muqarrar Karne Ka Teesra Din Hai Isliye Tum Log Aaj Apne Mein Se Kisi Ko Khaleefa Chun Lo. Hazireen Ne Kaha Ki Aey Abdurrahman! Hum Log To Is Mas'ala Ko Hal Nahi Kar

Sakte Agar Aap Ke Zehan Mein Koi Raay Ho To Pesh Keejiye Aap Ne Farmaya Ki 6 Aadmiyon Ki Yah Jama'at Qurbani Se Kaam Le Aur Teen Aadmiyon Ke Haq Mein Apne Apne Haq Ko Chhod De Yah Sun Kar Hazrat Zubair Radiallaho Ta'ala Anhu Ne Ailan Farmaya Ki Mein Hazrat Ali Radiallaho Ta'ala Anhu Ke Haq Mein Apne Haq Se Hat Jata Hoon, Phir Hazrat Talha Radiallaho Ta'ala Anhu Hazrat Usman Radiallaho Ta'ala Anhu Ke Haq Mein Apne Haq Ko Chhod Diya, Aakhir Mein Hazrat Sa'ad Radiallaho Ta'ala Anhu Ne Farmaya Ki Mein Ne Hazrat Abdurrahman Radiallaho Ta'ala Anhu Ko Apna Haq De Diya. Ab Hazrat Abdurrahman Radiallaho Ta'ala Anhu Ne Farmaya Ki Aey Usman Wa Ali! Mein Tum Donon Ko Yaqeen Dilata Hoon Ki Mein Hargiz Hargiz Khaleefa Nahi Banooga Ab Tum Do Hi Ummeedwar Rah Gaye Ho Isliye Tum Donon Khaleefa Ke Chunav (Selection) Ka Haq Mujhe De Do. Hazrat Usman Wa Hazraat Ali Radiallaho Ta'ala Anhuma Ne Khaleefa Ka Chunavi Mas'ala Khushi Khushi Hazrat Abdurrahman Radiallaho Ta'ala Anhu Ke Supurd Kar Diya. Is Baat Cheet Ke Mukammal Ho Jane Ke Baad Hazrat Abdurrahman Radiallaho Ta'ala Anhu Makaan Se Bahar Nikal Aaye Aur Pure Shahare Madeena Mein Chhupke Chhupke Chakkar Laga Karke Un Donon Ummeedwaron Ke Baare Mein Aam Logon Ki Raay Maloom Karte Rahe Phir Donon Ummeedwaron Se Alag Alag Tanhai Mein Yah Waada Le Liya Ki Agar Mein Tum Ko Khaleefa Bana Doo To Tum Insaf Karoge Aur Agar Doosre Ko Khaleefa Muqarrar Kar Doo To Tum Us Ki Farmabardari Karoge Jab

Donon Ummeedwaron Se Yah Waada Le Liya To Phir Aap Ne Masjide Nabwi Mein Aakar Yah Ailan Farmaya Ki Aey Logon! Mein Ne Khilafat Ke Muamale Mein Khud Bhi Kaafi Gaur Wa Khoz Kiya Aur Is Mamle Mein Ansar Wa Muhajireen Ki Aam Raay Bhi Maloom Kar Li Hai Choonki Raay Aamma Usman Radiallaho Ta'ala Anhu Ke Haq Mein Zyada Hai Isliye Mein Hazrat Usman Radiallaho Ta'ala Anhu Ko Khaleefa Chunta Hoon Yah Kah Kar Sab Se Pahle Khud Aap Ne Hazrat Usman Radiallaho Ta'ala Anhu Ki Bayt Ki Aur Aap Ke Baad Hazrat Ali Aur Doosre Sab Sahaba E Kiraam Radiallaho Ta'ala Anhuma Ne Bayt Kar Li. Is Tarah Khilafat Ka Mas'ala Bagair Kisi Ikhtilaaf Wa Bikhrao Ke Tay Ho Gaya Jo Bila Shubah Hazrat Abdurrahman Bin Aauf Radiallaho Ta'ala Anhu Ki Bahut Badi Karamat Hai. (Ashra e Mubashsharah Page 231-234 Wa Bukhari Jild 1 Page 524 Manaqibe Usman)

Jannat Mein Jane Wala Pahla Maaldar: Huzoor E Akram ﷺ Ne Farmaya, 'Meri Ummat Ke Maaldaron Mein Sab Se Pahle Abdurrahman Bin Aauf Radiallaho Ta'ala Anhu Jannat Mein Dakhil Honge'. (Kanzul Aamal Jild 12 Page 293)

Maa'n Ke Pet Hi Se Nek: Hazrat Ibrahim Bin Abdurrahman Radiallaho Ta'ala Anhu Ka Bayan Hai Ki Hazrat Abdurrahman Bin Aauf Radiallaho Ta'ala Anhu Ek Martaba Behosh Ho Gaye Aur

Kuch Der Baad Jab Wo Hosh Mein Aaye To Farmaya Ki Abhi Abhi Mere Paas Do Bahut Hi Khaufnak Firishte Aaye Aur Mujh Se Kaha Ki Us Khuda Ke Darbar Mein Chalo Jo Pyara Wa Ameen Hai Itne Mein Ek Doosra Firishta Aa Gaya Aur Un Se Kaha Ki Un Ko Chhod Do Yah To Jab Apni Maa'n Ke Pet Mein The Usi Waqt Se Nek Bakhti Aage Badh Kar Un Se Mil Chuki Hai. (Kanzul Aamal Jild 15 Page 203 Matbooa Hyderabad)

Hazrat Sa'ad Bin Abi Waqas Radiallaho
Ta'ala Anhu

Un Ki Kunniyat Aboo Is'haaq Hai Aur Khandane Quraish Ke Ek Bahut Hi Naamwar Shakhs Hain Jo Makka Mukarrama Ke Rahne Wale Hain. Yah Un Khush Naseebon Mein Se Ek Hain Jin Ko Nabi Akram ﷺ Ne Jannat Ki Khushkhabari Di. Yah Shuru Islam Hi Mein Jab Ki Abhi Un Ki Umr 17 Baras Ki Thi Damane Islam Mein Aa Gaye Aur Huzoor Nabi Akram یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ke Sath Sath Tamam Ladaiyon Mein Hazir Rahe. Yah Khud Farmaya Karte The Ki Mein Wo Pahla Shakhs Hoon Jis Ne ALLAH Ta'ala Ki Raah Mein Kuffar Par Teer Chalaya Aur Hum Logon Ne Huzoor یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ke Sath Rah Kar Is Haal Mein Jihad Kiya Ki Hum Logon Ke Paas Siwaye Babool Ke Patton Aur Babool Ki Phalliyon Ke Koi Khane Ki Cheez Na Thi. (Mishkat Jild 2 Page 567) Huzoor E Aqdas ﷺ Ne Khaas Taur Par Un Ke Liye Yah Dua Farmai, "دعوته واجب هسمه سدد اللهم " Tarjuma : Aey ALLAH Un Ke Teer Ke Nishane Ko Durust Farma De Aur Un Ki Dua Ko Qabool Farma. Khilafate Rashida Ke Zamane Mein Bhi Yah Faras Aur Rum Ke Jihadon Mein Commander Rahe. Ameerul Momineen Hazrat Umar Radiallaho Ta'ala Anhu Ne Apne Daure Khilafat Mein Un Ko Koofa Ka Governor Muqarrar Farmaya Phir Us Ohda Se Hata Diya Aur Yah Barabar

Jihadon Mein Kuffar Se Kabhi Sipahi Ban Kar Aur Kabhi Islami Lashkar Ke Commander Ban Kar Ladte Rahe Jab Usman Gani Radiallaho Ta'ala Anhu Ameerul Momineen Huye To Unhone Dobara Un Ko Koofa Ka Governor Bana Diya. Yah Madeena Munawwara Ke Qareeb Maqame 'Ateeq' Mein Apna Ek Ghar Bana Kar Us Mein Rahte The Aur 55 Hijri Mein Jab Ki Un Ki Umr Shareef 75 Baras Ki Thi Usi Makaan Ke Andar Wisaal Farmaya. Aap Ne Wafat Se Pahle Yah Waseeyat Farmai Thi Ki Mera Oon Ka Wo Purana Jubba Zarur Pahnaya Jaye Jis Ko Pahan Kar Mein Ne Junge Badr Mein Kuffar Se Jihad Kiya Tha Chunanche Wo Jubba Aap Ke Kafan Mein Shamil Kiya Gaya. Log Puri Aqeedat Se Aap Ke Janaze Ko Kandho Par Utha Kar Maqame 'Ateeq' Se Madeena Munawwara Laye Aur Haakim e Madeena Marwan Bin Hakam Ne Aap Ki Namaze Janaza Padhai Aur Jannatul Baqeea Mein Aap Ki Qabr Munawwar Banai. 'Ashra e Mubashsharah' Yani Jannat Ki Khushkhabari Pane Wale 10 Sahabiyon Mein Se Yahi Sab Se Aakhir Mein Duniya Se Tashreef Le Gaye Aur Un Ke Baad Duniya Ashra e Mubashsharah Ke Zahiri Wajood Se Khali Ho Gai Magar Zamana Un Ki Barkaat Se Humesha Humesha Faiz Pata Rahega. (Akmaal Fi Asmaerrijaal Wa Tazkiratul Huffaz Jild 1 Page 22 Wagaira)

Karamaat

Badnaseeb Boodha: Hazrat Jabir Radiallaho Ta'ala Anhu Se Riwayat Hai Ki

Koofa Ke Kuch Log Hazrat Sa'ad Bin Abi Waqas Radiallaho Ta'ala Anhu Ki Shikayat Lekar Ameerul Momineen Hazrat Farooq e Aazam Radiallaho Ta'ala Anhu Ke Darbare Khilafat Mein Madeena Munawwara Mein Pahunche Hazrat Ameerul Momineen Ne Un Shikayaat Ki Tahqeeqaat Ke Liye Chand Bharosemand Sahabiyon Ko Hazrat Sa'ad Bin Abi Waqas Radiallaho Ta'ala Anhu Ke Paas Koofa Bheja Aur Yah Hukm Farmaya Ki Koofa Shahar Ki Har Masjid Ke Namaziyon Se Namaz Ke Baad Yah Poochha Jaye Ki Hazrat Sa'ad Bin Abi Waqas Radiallaho Ta'ala Anhu Kaise Aadmi Hain? Chunanche Tahqeeqaat Karne Walo Ki Is Jama'at Ne Jin Jin Masjidon Mein Namaziyon Ki Qasam De Kar Hazrat Sa'ad Bin Abi Waqas Radiallaho Ta'ala Anhu Ke Baare Mein Daryaaft Kiya To Tamam Masjidon Ke Namaziyon Ne Un Ke Baare Mein Achcha Kaha Aur Tareef Ki Magar Ek Masjid Mein Sirf Ek Aadmi Jis Ka Naam 'Aboo Sa'ada' Tha Us Ne Hazrat Sa'ad Bin Abi Waqas Radiallaho Ta'ala Anhu Ki Teen Shikayaat Pesh Ki Aur Kaha Yani, 'Yah Maale Ganeemat Barabari Ke Sath Taqseem Nahi Karte Aur Khud Lashkaron Ke Sath Jihad Mein Nahi Jate Aur Muqaddamat Ke Faislon Mein Insaf Nahi Karte'. Yah Sun Kar Hazrat Sa'ad Bin Abi Waqas Radiallaho Ta'ala Anhu Ne Fauran Hi Yah Dua Mangi! Aey ALLAH! Agar Yah Shakhs Jhootha Hai To Us Ki Umr Lambi Kar De Aur Us Ki Gareebi Ko Badha De, Us Ko Fitnon Mein Mubtala Kar De. Abdul Malik Bin Umair Tabae Ka Bayan Hai Ki Is Dua Ka Meine Yah Asar Dekha Ki 'Aboo Sa'ada' Is Qadar Boodha Ho Chuka Tha Ki Budhape Ki Wajah Se

Us Ki Donon Bhanvein Us Ki Donon Aankhon Par Latak Padi Thi Aur Wo Dar Ba Dar Bheek Mang Mang Kar Bahut Faqeeri Aur Muhtaaji Ki Zindagi Basar Karta Tha Aur Is Budhape Mein Bhi Wo Raah Chalti Hui Jawan Ladkiyon Ko Chhedta Tha Aur Un Ke Badan Mein Chutkiyan Bharta Rahta Tha Aur Jab Koi Us Se Us Ka Haal Poochhta Tha To Wo Kaha Karta Tha Ki Mein Kya Batao? Mein Ek Boodha Hoon Jo Fitnon Mein Mubtala Hoon Kyunki Mujh Ko Hazrat Sa'ad Bin Abi Waqas Radiallaho Ta'ala Anhu Ki Baddua Lag Gai Hai. (Hujjatullah Alal Aalmeen Jild 2 Page 866 Ba Hawala Bukhari Wa Muslim Wa Baihaqi)

Dushmana Ne Sahaba Ka Anjam: Ek Shakhs Hazrat Sa'ad Bin Abi Waqas Radiallaho Ta'ala Anhu Ke Samne Sahaba E Kiraam Ki Shaan Mein Gustakhi Wa Be Adabi Ke Alfaaz Bakne Laga Aap Ne Farmaya Ki Tum Apni Is Khabees Harkat Se Baaz Raho Warna Mein Tumhare Liye Baddua Kar Doonga. Is Gustakh Wa Be Baak Ne Kah Diya Ki Mujhe Aap Ki Baddua Ki Koi Parwah Nahi Aap Ki Baddua Se Mera Kuch Bhi Nahi Bigad Sakta. Yah Sun Kar Aap Ko Jalal Aa Gaya Aur Aap Ne Usi Waqt Yah Dua Mangi Ki Ya ALLAH! Agar Is Shakhs Ne Tere Pyare Nabi Ke Pyare Sahabiyon Ki Tauheen Ki Hai To Aaj Hi Usko Apne Qaharon Ghazab Ki Nishani Dikha De Taaki Doosron Ko Us Se Sabak Hasil Ho. Is Dua Ke Baad Jaise Hi Wo Shakhs Masjid Se Bahar Nikla To Bilkul Hi Achanak Ek Pagal Unt Kahi Se Daudta Hua Aaya Aur Us Ko Daanton Se Pachhad Diya Aur Us Ke Upar Baith Kar Us Ko Is Qadar

Zor Se Dabaya Ki Us Ki Pasliyon Ki Haddiyan Choor Choor Ho Gai Aur Wo Fauran Hi Mar Gaya Yah Manzar Dekh Kar Log Daud Daud Kar Hazrat Sa'ad Radiallaho Ta'ala Anhu Ko Mubarak Baad Dene Lage Ki Aap Ki Dua Maqbool Ho Gai Aur Sahaba Ka Dushman Halaak Ho Gaya. (Dalaelunnabuwa Jild 3 Page 207 Wa Hujjatullah Alal Aalmeen Jild 2 Page 866)

Gustakh Ki Zabaan Kat Gai: Junge Qadsiya Mein Hazrat Sa'ad Bin Abi Waqas Radiallaho Ta'ala Anhu Islami Lashkaron Ke Commander The Lekin Aap Zakhmon Se Nidhaal The Isliye Maidane Jung Mein Nikal Kar Jung Nahi Kar Sake Balki Seene Ke Neeche Ek Takiya Rakh Kar Aur Pet Ke Bal Let Kar Faujon Ki Kamaan Karte Rahe. Badi Khoonrez Aur Ghamsaan Ki Jung Ke Baad Jab Musalmanon Ko Jeet Mil Gai To Ek Musalman Sipahi Ne Yah Gustakhi Aur Be Adabi Ki, Ki Hazrat Sa'ad Bin Abi Waqas Radiallaho Ta'ala Anhu Par Comment Karte Huye Un Ki Shaan Mein Burai Aur Be Adabi Ke Ash'aar Likh Dale Jo Yah Hain, معمص القادسيه بباب وسعد نرصه ہللا خلييخ حت نقاتل Tarjuma : Hum Log Jung Karte Hain Yahan Tak Ki ALLAH Ta'ala Apni Madad Nazil Farma Deta Hai Aur Hazrat Sa'ad Radiallaho Ta'ala Anhu Ka Yah Haal Hai Ki Wo Qadsiya Ke Phatak Par Mahfooz Hokar Baithe Hi Rahte Hain. اير نفير ليس سعد ونسوة ةكثير نساء امت وقد بنا فا Tarjuma : Hum Jab Jung Se Wapas Aaye To Bahut Si

Auratein Bewa Ho Chuki Thi Lekin Sa'ad Ki Koi Beevi Bhi Bewa Nahi Hui. Is Dil Kharash Burai Se Hazrat Sa'ad Bin Abi Waqas Radiallaho Ta'ala Anhu Ke Dile Nazuk Par Badi Jabardast Chot Lagi Aur Aap Ne Is Tarah Dua Mangi Ki Ya ALLAH! Us Shakhs Ki Zabaan Aur Hath Ko Meri Burai Karne Se Rok De. Aap Ki Zabaan Se Un Kalimaat Ka Nikalna Tha Ki Yakayak Kisi Ne Us Gustakh Sipahi Ko Is Tarah Teer Maara Ki Us Ki Zabaan Kat Kar Gir Padi Aur Us Ka Hath Bhi Kat Gaya Aur Wo Shakhs Ek Lafz Bhi Na Bol Saka Aur Us Ka Dam Nikal Gaya. (Dalaelunnabuwa Jild 3 Page 207, Al Bidaya Wan Nihaya Jild 7 Page 45)

Chehra Peeth Ki Taraf Ho Gaya: Ek Aurat Ki Yah Buri Aadat Thi Ki Wo Humesha Hazrat Sa'ad Bin Abi Waqas Radiallaho Ta'ala Anhu Ke Makaan Mein Jhank Jhank Kar Aap Ke Ghareloo Halat Ki Taak Jhank Kiya Karti Thi Aap Ne Baar Baar Us Ko Samjhaya Aur Mana Kiya Magar Wo Kisi Tarah Ruki Nahi Yahan Tak Ki Ek Din Nihayat Jalal Mein Aap Ki Zabaane Mubarak Se Yah Alfaaz Nikal Pade Ki 'Tera Chehra Bigad Jaye' In Alfazon Ka Yah Asar Hua Ki Us Aurat Ki Gardan (Neck) Ghum Gai Aur Us Ka Chehra Peeth Ki Taraf Ho Gaya. (Hujjatullah Alal Aalmeen Jild 2 Page 866, Ba Hawala Ibne Asaakir)

Ek Kharji Ki Halakat: Ek Gustakh Ne Hazrat Ali Radiallaho Ta'ala Anhu Ko Gaali Di Hazrat Sa'ad Bin Abi Waqas Radiallaho Ta'ala

Anhu Yah Sun Kar Ranj Wa Gam Mein Doob Gaye Aur Josh Mein Aa Kar Yah Baddua Kar Di Ki 'Ya ALLAH! Agar Yah Tere Auliya Mein Se Ek Vali Ko Gaaliyan De Raha Hai To Us Majlis Ke Khatm Hone Se Pahle Hi Us Shakhs Ko Apna Qahar Wa Ghazab Dikha De'. Aap Ki Zabaane Aqdas Se Is Dua Ka Nikalna Tha Ki Us Mardood Ka Ghoda Bidak Gaya Aur Wo Pattharon Ke Dher Mein Munh Ke Bal Gir Pada Aur Us Ka Sar Tukde Tukde Ho Gaya Jis Se Wo Halak Ho Gaya. (Hujjatullah Alal Aalmeen Jild 2Page 866 Ba Hawala Haakim) Tabsera : Hazrat Sa'ad Bin Abi Waqas Radiallaho Ta'ala Anhu Ki Upar Bayan Ki Gai In Paanch Karamaton Se Hum Ko Do Sabaq Milte Hain. 1. Khuda Ke Pyare Ambiya Wa Siddiqeen Aur Shuhda E Kiraam Wa Saliheen Ki Shaan Mein Adna Darje Ki Badduayein Bahut Hi Khatarnak Aur Halakat Wali Hain. Un Buzurgon Ki Baddua Aur Phatkar Aur Un Ki Shaan Mein Gustakhi Aur Be Adabi Qahare Ilaahi Ka Signal Hai, Un Khuda Ke Muqaddas Aur Mahboob Bandon Ki Zara Si Bhi Be Adabi Ko Khudavand E Quddoos Ki Shaane Qahhari Wa Jabbari Maaf Nahi Farmati Balki Zarur Un Gustakhon Ko Donon Jahan Ke Azaab Mein Giraftar Kar Deti Hai. 2. ALLAH Ta'ala Ke Pyare Bandon, Ulma Auliya Aur Tamam Saliheen Ki Badduayein Bahut Hi Khatarnak Aur Halakat Aafri Balayein Hain. Un Buzurgon Ki Baddua Aur Phatkar Wo Talwar Hai Jis Ki Koi Dhaal Nahi Aur Yah Tabahi Wa Barbadi Ka Wo Zahreela Teer Hai Jis Ka Nishana Kabhi Galti Nahi Karta Isliye Har Musalman Par

Zaruri Hai Ki Zindagi Bhar Har Qadam Par Yah Dhyan Rakhe Ki Kabhi Bhi ALLAH Ta'ala Ke Nek Bandon Ki Shaan Mein Zarra Bhar Bhi Be Adabi Na Hone Paye Aur Buzurgane Deen Mein Se Kisi Ki Bhi Baddua Na Le Balki Humesha Is Koshish Mein Laga Rahe Ki Khuda Ke Nek Bandon Ki Duayein Milti Rahein Kyunki Nek Bandon Ki Badduayein Barbadi Ka Khaufnak Signal Aur Un Ki Duayein Aabadi Ka Meetha Phal Hain.

60,000 Ka Lashkar Dariya Mein: Junge Faras Mein Hazrat Sa'ad Bin Abi Waqas Radiallaho Ta'ala Anhu Islami Lashkar Ke Commander The Raste Mein Dariya E Dajla Ko Paar Karne Ki Zarurat Pesh Aa Gai Aur Kashtiyan Maujood Nahi Thi. Aap Ne Lashkar Ko Dariya Mein Utar Jane Ka Hukm Diya Aur Khud Sab Se Aage Aage Aap Yah Dua Padhte Huye Dariya Par Chalne Lage ہللا یج اال قوة ال و حول وال الوكيل ونعم ہللا وحسبنا عليه نتولك و هللیجنستعير العظير العىل Log Aapas Mein Bila Jhijhak Ek Doosre Se Baatein Karte Huye Ghodon Par Sawar, Unton Wale Unton Par Sawar, Paidal Chalne Wale Paidal, Apne Apne Samanon Ke Sath Dariya Par Is Tarah Chalne Lage Jis Tarah Maidanon Mein Qafile Guzarte Rahte Hain. Usman Nahadi Tabae Ka Bayan Hai Ki Us Mauqa Par Ek Sahabi Ka Pyala Dariya Mein Gir Pada, To Dariya Ki Maujon Ne Us Pyala Ko Kinare Par Pahuncha Diya Aur Un Ko Un Ka Pyala Mil Gaya Is Lashkar Ki Tadad 60,000 Paidal Aur Sawar Ki Thi.

(Dalaelunnabuwa Jild 3 Page 209, Tabri Jild 4 Page 171)

Tabsera : Yah Riwayat Is Baat Ki Daleel Hai Ki Dariya Bhi Auliya ALLAH Ke Hukmon Ka Farmabardar Hai Aur Un ALLAH Walo Ki Hukoomat Khudavand E Quddoos Ki Ata Se Jis Tarah Sookhi Zameen Par Hai Isi Tarah Dariya'o Par Bhi Un Ki Hukoomat Ka Sikka Chalta Hai. Kaash Wo Bad'aqeeda Log Jo Auliya E Kiraam Ke Adab Wa Ahatram Se Mahroom Aur Un Buzurgon Ki Khuda Daad Taqaton Aur Un Ke Power Ke Na Manne Wale Hain Un Riwayaat Ko Bagaur Padhte Aur Un Roshani Ke Meenaron Se Hidayat Ka Noor Hasil Karte. Doctor Muhammad Iqbal Ne Hazrat Sa'ad Bin Abi Waqas Radiallaho Ta'ala Anhu Ki Isi Karamat Ki Taraf Ishara Karte Huye Apni Nazam Mein Yah Sher Likha Hai:- 'Dasht To Dasht Hain Dariya Bhi Na Chhode Hum Ne Bahare Zulmaat Mein Dauda Diye Ghode Hum Ne'

Naara E Takbeer Se Zalzala: Junge Qadsiya Mein Jeet Hasil Ho Jane Ke Baad Hazrat Sa'ad Bin Abi Waqas Radiallaho Ta'ala Anhu Ne 'Hams' Par Chadhai Ki Yah Rumiyon Ka Bahut Hi Mazboot Qila Tha. Qaisare Rum Ne Us Shahar Ki Hifazat Ke Liye Ek Bahut Hi Jabardast Fauj Bheji Thi Magar Jab Hazrat Sa'ad Bin Abi Waqas Radiallaho Ta'ala Anhu Us Shahar Ke Qareeb Pahunche To Aap Ne Lashkar Ko Hukm Farmaya 'La Ilaaha Illallaahu Wallahu Akbar' Ka Buland Aawaz Se Naara Marein, Chunanche Jab Poori Fauj Ne Ek Sath Naara Maara To Us Shahar Mein Ek Zor Ka Zalzala Aa Gaya Ki Tamam

Imaratein Hilne Lagi Phir Doosri Martaba Naara Maara To Qila Aur Shahar Ki Deewarein Girne Lagi Aur Rumi Fauj Par Aisi Dahshat Taari Ho Gai Ki Wo Hathiyar Bhi Na Utha Saki Balki Ek Bhari Bharkam Raqam Bataure Tax Ke De Kar Rumiyon Ne Musalmanon Se Sulah Kar Li. (Izalatul Khifa Maqsad 2 Page 59)

Tabsera : Kalma E Tayyaba Aur Takbeer Ka Naara Har Shakhs Laga Sakta Hai Magar Tajarba Yah Hai Ki Agar Is Zamane Ke Lakhon Musalman Bhi Ek Sath Mil Kar Yah Naara Marein To Ghaas Ka Ek Patta Aur Bhoos Ka Ek Tinka Bhi Nahi Hil Sakta Magar Sahaba E Kiraam Ke Us Naare Se Pattharon Ki Chattanon Se Bane Huye Mahallat Aur Qila Chakna Choor Ho Kar Zameen Par Bikhar Gaye. Is Se Maloom Hua Ki Agarche Kalma E Takbeer Ke Alfaaz Wa Ma'ani Mein To Zarra Barabar Bhi Farq Nahi Hai Lekin ALLAH Walo Ki Zabanon, Aawazon Aur Lehazon Mein Aur Humari Zabanon, Aawazon Aur Lehazon Mein Zameen Wa Aasman Ka Farq Hai Kahan Wo ALLAH Ke Nek Aur Paak Baaz Bande? Aur Kahan Hum Dilo Ke Maile Aur Zabanon Ke Gande? Is Se Pata Chalta Hai Ki Ek Hi Aayat, Ek Hi Dua, Ek ALLAH Wala Padh De To Us Ka Asar Kuch Aur Hota Hai Aur Gunahon Wala Padh De To Us Ki Taseer Kuch Aur Hoti Hai. Doctor Muhammad Iqbal Ne Usi Mazmoon Ki Taraf Ishara Karte Huye Kya Khoob Kaha Hai:- 'Parwaz Hai Donon Ki Usi Ek Faza Mein, Kargas Ka Jahan Aur Hai Shaheen Ka Jahan Aur, Alfaaz Wa Ma'ani Mein Tafaoot Nahi Lekin,

Mulla Ki Azaan Aur Mujahid Ki Azaan Aur'
(Baale Jibreel)

Baharhaal Is Nuqta Se Hargiz Hargiz Gafil Nahi Rahna Chahiye Ki Auliya E Kiraam Aur Aam Insanon Mein Bahut Bada Farq Hai, Jo Log Sirf Panch Waqt Namaz Padh Kar Auliya E Kiraam Ke Sath Barabari Ka Daawa Karte Phirte Hain Khuda Ki Qasam Yah Log Gumrahi Ke Itne Gahare Aur Is Qadar Andhere Gaddhe Mein Gir Pade Hain Ki Unhein Na To Taufeeq e Ilaahi Ki Seedhi (Staircase) Mil Sakti Hai Na Woan Tak Aaftabe Hidayat Ki Roshani Pahunch Sakti Hai. Khudavand E Kareem Un Gumrahon Ke Qurb Aur Un Ke Makaro Fareb Ke Kaale Jadoo Se Har Musalman Ko Mahfooz Rakhe. Aameen

Umr Daraaz (Lambi Umr) Ho Gai: Ek Shakhs Nihayat Hi Khatarnak Aur Jaan Leva Beemari Mein Mubtala Hokar Apni Zindagi Se Na Ummeed Ho Chuka Tha Wo Hazrat Sa'ad Bin Abi Waqas Radiallaho Ta'ala Anhu Ki Khidmate Aqdas Mein Hazir Ho Gaya Aur Ro Ro Kar Fariyad Karne Laga Aey Sahabi e Rasool Mere Bachche Abhi Bahut Hi Chhote Chhote Hain Mere Marne Ke Baad Un Ki Parwarish Karne Wala Mujhe Koi Nazar Nahi Aata, Isliye Aap Yah Dua Kar Deejiye Ki Un Bachchon Ke Balig Hone Tak Zinda Rahoo. Aap Ko Us Mareez Ke Haale Zaar Par Raham Aa Gaya Aur Aap Ne Us Ki Tandurusti Aur Salamati Ke Liye Dua Kar Di, To Wo Shakhs Shifayaab Ho Gaya Aur 20 Baras Tak Zinda Raha, Halanki Kisi Ko Bhi Ummeed Nahi Thi Ki Wo Is Beemari

Se Bach Kar Zinda Rah Sakega. (Hujjatullah Alal Aalmeen Jild 2 Page 866 Ba Hawala Baihaqi)

Tabsera : Hazrat Sa'ad Bin Abi Waqas Radiallaho Ta'ala Anhu Ki In Karamaton Mein Aap Ne Un Ki Baddua'o Ka Nateeja Bhi Dekh Liya Aur Un Ki Dua'o Ka Jalwa Bhi Dekh Liya, Isliye Us Se Sabaq Hasil Keejiye Aur Humesha ALLAH Walo Ki Baddua'o Se Bachte Rahiye Aur Un Buzurgon Se Humesha Nek Dua'o Ki Bheek Mangte Rahiye Agar Aap Ka Yah Amal Raha, To Insha ALLAH Ta'ala Zindagi Bhar Aap Sa'adat Aur Khush Bakhti Ke Badshah Bane Rahenge. Wallahu Ta'ala Aa'alam

Hazrat Saeed Bin Zaid Radiallaho Ta'ala
Anhu

Yah Bhi Ashra e Mubashsharah Yani Us 10 Sahabiyon Mein Se Hain Jin Ko Rasoole Akram ﷺ Ne Jannati Hone Ki Khushkhabari Sunai Hai. Yah Khandane Quraish Mein Se Hain Aur Zamane Jahiliyat Ke Mashhoor MoWoheed (Ek Khuda Ko Manne Wala) Zaid Bin Amr Bin Nafeel Ke Bete Aur Ameerul Momineen Hazrat Farooq e Aazam Radiallaho Ta'ala Anhu Ke Bahnoe Hain. Yah Jab Musalman Huye Un Ko Hazrat Umar Radiallaho Ta'ala Anhu Ne Rassi Se Baandh Kar Maara Aur Un Ke Ghar Mein Ja Kar Un Ko Aur Apni Bahan Fatima Binte Khattab Radiallaho Ta'ala Anha Ko Bhi Maara Magar Yah Donon Istqamat Ka Pahad Ban Kar Islam Par Jame Rahe. Junge Badr Mein Un Ko Aur Hazrat Talha Radiallaho Ta'ala Anhuma Ko Huzoor E Akram ﷺ Ne Aboo Sufiyan Ke Qafila Ka Pata Lagane Ke Liye Bhej Diya Tha Isliye Junge Badr Ke Ladai Mein Hissa Na Le Sake Magar Us Ke Baad Ki Tamam Ladaiyon Mein Yah Dat (Mazbooti Se) Kar Kuffar Se Humesha Jung Karte Rahe. Gandumi Rang Bahut Hi Lamba Qad, Khubsoorat Aur Bahadur Jawan The, Taqreeban 50 Hijri Mein 70 Baras Ki Umr Pakar Maqame 'Ateeq' Mein Wisaal Farmaya Aur Logon Ne Aap Ke Janaza Mubaraka Ko Madeena Munawwara Lakar Aap Ko Jannatul Baqeea Mein Dafan Kiya. (Akmaal Fi Asmaerrijaal Page 596 Wa Bukhari Jild 1 Page 545 Ma Hashiya)

Karamat

Kunva Qabr Ban Gaya: Ek Aurat Jis Ka Naam Arwi Binte Awais Tha Un Ke Upar Haakime Madeena Marwan Bin Hakam Ki Kachhari Mein Yah Daawa Daayar Kar Diya Ki Unhon Meri Ek Zameen Le Li Hai. Marwan Ne Jab Un Se Jawab Talab Kiya To Aap Ne Farmaya Ki Mein Ne Jab Rasoolullah ﷺ Ko Yah Farmate Huye Suna Hai Ki Jo Shakhs Kisi Ki Baalisht Barabar Bhi Zameen Le Lega To Qiyamat Ke Din Us Ko Saaton Zameenon Ka Tauq Pahnaya Jayega To Is Hadees Ko Sun Lene Ke Baad Bhala Yah Kyun Kar Mumkin Hai Ki Mein Kisi Ki Zameen Le Loonga. Aap Ka Yah Jawab Sun Kar Marwan Ne Kaha! Aey Aurat! Ab Mein Tujh Se Koi Gawah Talab Nahi Karunga Ja Too Us Zameen Ko Le Le. Hazrat Saed Bin Zaid Radiallaho Ta'ala Anhu Ne Yah Faisla Sun Kar Yah Dua Mangi Aey ALLAH! Agar Yah Aurat Jhoothi Hai To Andhi Ho Jaye Aur Usi Zameen Par Mare Chunanche Us Ke Baad Yah Aurat Andhi Ho Gai. Muhammad Bin Amr Radiallaho Ta'ala Anhu Ka Bayan Hai Ki Mein Ne Us Aurat Ko Dekha Hai Ki Wo Andhi Ho Gai Thi Aur Deewarein Pakad Kar Idher Udher Chalti Phirti Thi Yahan Tak Ki Wo Ek Din Usi Zameen Ke Ek Kunvein Mein Gir Kar Mar Gai Aur Kisi Ne Us Ko Nikala Bhi Nahi Isliye Woi Kunva Us Ki Qabr Ban Gai Aur Ek ALLAH Wale Ki Dua Ki Maqbooliyat Ka Jalwa Nazar Aa Gaya. (Mishkat Jild 2 Page 546 Wa Hujjatullah Jild 2 Page 866 Ba Hawala Bukhari Wa Muslim)

Tabsera : ALLAH Walo Ki Yah Karamat Hai Ki Un Ki
Duayein Bahut Zyada Aur Bahut Jald Maqbool Hua Karti
Hain Aur Un Ki Zabaan Se Nikle Alfaaz Ka Nateeja
Khudavand E Kareem Zarur Aalame Wajood Mein Lata
Hai. Sach Hai,
'Jo Jazab Ke Aalam Mein Nikle Labe Momin Se
Wo Baat Haqeeqat Mein Taqdeere Ilaahi Hai'

Hazrat Aboo Ubaida Bin Jarrah
Radiallaho Ta'ala Anhu

Yah Khandane Quraish Ke Bahut Hi Naamwar Aur Muazzaz Shakhs Hain Fahar Bin Maalik Par Un Ka Khandani Shajra Rasoolullah ﷺ Ke Khandan Se Mil Jata Hai Yah Bhi Ashra e Mubashsharah Mein Se Hain. Un Ka Asli Naam 'Aamir' Hai, Aboo Ubaida Un Ki Kunniyat Hai Aur Un Ko Bargahe Risalat Mein Ameenul Ummat Ka Laqab Mila Hai Shuru Islam Hi Mein Hazrat Aboo Bakr Siddiq Radiallaho Ta'ala Anhu Ne Un Ke Samne Islam Pesh Kiya To Aap Fauran Hi Islam Qabool Karke Jaan Nisari Ke Liye Bargahe Risalat Mein Hazir Ho Gaye. Pahle Aap Ne Habsha Hijrat Ki Phir Habsha Se Hijrat Karke Madeena Munawwara Chale Gaye. Junge Badr Aadi Tamam Islami Jungon Mein Intihai Jabanzi Ke Sath Kuffar Se Ma'araka Aarae Karte Rahe. Junge Uhud Mein Do Kadiyan Huzoor E Anwar ﷺ Ke Rukhsar (Gaal) Mein Chubh Gai Thi Aap Ne Apne Daanton Se Pakad Kar Lohe Ki Un Kadyon Ko Kheech Kar Nikala Usi Mein Aap Ke Agle Do Daant Shaheed Ho Gaye The. Bahut Hi Shere Dil Bahadur, Buland Qaamat Aur Barob Chehre Wale Pahalwan The, 18 Hijri Mein Ba Muqame Urdun Taaon Amwaas Mein Wafat Pa Gaye Hazrat Ma'az Bin Jabal Radiallaho Ta'ala Anhu Ne Namaze Janaza Padhai Aur Maqame Beesan Mein Dafan Huye. Ba Waqte Wafat Umr Shareef 58 Baras Thi. (Akmaal Fi Asmaerrijaal Page 608)

Karamat

Aap Ki Karamaton Mein Se Ek Bahut Hi Mashhoor Aur
Ajeeb Karamat Ye Hai,

Be Misaal Machhli: Aap 300 Mujahideene Islam Ke Lashkar Ke Commander Ban Kar 'Saiful Bahar' Mein Jihad Ke Liye Tashreef Le Gaye Woan Fauj Ka Raashan Khatm Ho Gaya Yahan Tak Ki Yah 24-24 Ghante Mein Ek Ek Khajoor Bataure Raashan Ke Mujahideen Ko Dene Lage. Phir Wo Khajoorein Bhi Khatm Ho Gai Ab Bhooke Rahne Ke Siwa Koi Chaara Nahi Tha Us Mauqe Par Aap Ki Yah Karamat Zahir Hui Ki Achanak Samundar Ki Tufani Maujon Ne Kinare Par Ek Bahut Badi Machhali Ko Phenk Diya Us Machhali Ko Yah 300 Mujahideen Ki Fauj 18 Dinon Tak Pet Bhar Kar Khate Rahe Aur Us Ki Charbi Ko Apne Jismon Par Malte Rahe Yahan Tak Ki Sab Log Tandurust Aur Khoob Mote Taaze Ho Gaye Phir Chalte Waqt Us Machhali Ka Kuch Hissa Kaat Kar Apne Sath Le Kar Madeena Munawwara Wapas Aaye Aur Huzoor E Aqdas ﷺ Ki Khidmate Aqdas Mein Bhi Is Machhali Ka Ek Tukda Pesh Kiya Jis Ko Aap Ne Khaya Aur Irshad Farmaya Ki Us Machhali Ko ALLAH Ta'ala Ne Tumhara Rizq Bana Kar Bhej Diya. Yah Machhali Kitni Badi Thi Logon Ko Us Ka Andaza Batane Ke Liye Ameere Lashkar Hazrat Aboo Ubaida Bin Jarrah Radiallaho Ta'ala Anhu Ne Hukm Diya Ki Us Machhali Ki Do Pasliyon Ko Zameen Mein Gaad Dein Chunanche Donon Pasliyan Zameen Mein Gaad Di Gai To Itni Badi Mehrab Ban Gai

Ki Us Ke Neeche Kajaava Bandha Hua Unt Guzar Gaya. (Bukhari Shareef Jild 2 Page 626, Baab Gazwa E Saiful Bahar) Tabsera : Aise Waqt Mein Jab Ki Lashkar Mein Khoorak Ka Saara Saman Khatm Ho Chuka Tha Aur Lashkar Ke Sipahiyon Ke Liye Bhooke Rahne Ke Siwa Koi Chaara Hi Nahi Tha Bilkul Achanak Bagair Kisi Mehnat Wa Mashaqqat Ke Us Machhali Ko 300 Bhooke Sipahiyon Ne Us Machhali Ko Kaat Kaat Kar 18 Dinon Tak Khoob Khoob Shikam Sair Hokar Khaya Yah Ek Doosri Karamat Hai Kyunki Itni Badi Machhali Bahut Hi Km Hai Ki Itna Bada Lashkar Us Ko Itne Dinon Tak Khata Rahe Aur Phir Us Ke Tukdon Ko Kaat Kaat Kar Unton Par Laad Kar Madeena Munawwara Tak Le Jaye Magar Phir Bhi Machhali Khatm Nahi Hui Balki Us Ka Kuch Hissa Log Chhod Kar Chale Gaye Itni Badi Machhali Ka Wajood Duniya Mein Bahut Hi Km Hai Phir Machhali Ek Aisi Cheez Hai Ki Marne Ke Baad Do Chaar Dinon Mein Sad Gal Kar Aur Paani Ban Kar Bah Jati Hai Magar Aadat Ke Khilaaf Mahinon Tak Yah Mari Hui Machhali Zameen Par Dhoop Mein Padi Rahi Phir Bhi Bilkul Taaza Rahi Na Us Mein Badboo Paida Hui Na Us Ka Maza Badla Yah Teesri Karamat Hai. Garz Is Ajeeb Wa Gareeb Machhali Ka Mil Jana Us Ek Karamat Ke Beech Mein Chand Karamatein Zahir Hui Jo Bila Shubah Ameere Lashkar Hazrat Aboo Ubaida Bin Jarrah Radiallaho Ta'ala Anhu Jannati Sahabi Ki Bahut Hi Azeem Aur Nadirul Wajood Karamatein Hain. Wallahu Ta'ala Aa'alam

Hazrat Hamza Radiallaho Ta'ala Anhu

Hazrat Hamza Bin Abdul Muttalib Radiallaho Ta'ala Anhu Yah Huzoor E Aqdas ﷺ Ke Chacha Hain Aur Choonki Unhone Bhi Hazrat Suwaiba Radiallaho Ta'ala Anha Ka Dudh Piya Tha Isliye Dudh Ke Rishte Se Yah Huzoor ﷺ Ke Razae Bhai Bhi Hain. Sirf Chaar Saal Huzoor یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Se Umr Mein Bade The Aur Baaz Ka Qaul Hai Ki Sirf Do Saal Ka Farq Tha. Yah Huzoor ﷺ Se Bahut Hi Muhabbat Rakhte The Yahi Wajah Hai Ki Jab Aboo Jahal Ne Haram e Ka'aba Mein Huzoor E Aqdas ﷺ Ko Bahut Zyada Bura Bhala Kaha To Bavajood Yah Ki Abhi Musalman Nahi Huye The Lekin Gusse Mein Aape Se Bahar Ho Gaye Aur Haram e Ka'aba Mein Ja Kar Aboo Jahal Ke Sar Par Is Zor Ke Sath Apni Kamaan Se Maara Ki Us Ka Sar Phat Gaya Aur Ek Hungama Mach Gaya. Aap Ne Aboo Jahal Ka Sar Phaad Kar Buland Aawaz Se Kalma Padha Aur Quraish Ke Samne Zor Zor Se Ailan Karne Lage Ki Mein Bhi Musalman Ho Chuka Hoon Ab Kisi Ki Himmat Nahi Hai Ki Mere Bhateeje Ko Aaj Se Koi Bura Bhala Kah Sake. Us Mein Ikhtilaaf Hai Ki Ailane Nubuwwat Ke Doosre Saal Aap Musalman Huye Ya Chhate Saal Baharhaal Aap Ke Musalman Ho Jane Se Bahut Zyada Islam Aur Musalmanon Ke Fayde Ka Saman Ho Gaya Kyunki Aap Ki Bahaduri Aur Jungi Karnamon Ka Sikka Tamam Bahadurane Quraish Ke Upar Baitha Hua Tha Darbare Nubuwat Se Unko 'Asadullah' Wa 'Asadurrasool' (ALLAH Ka Sher Aur ALLAH Ke Rasool Ka Sher) Ka Pyara Khitab Mila. San 3 Hijri Mein Junge Uhud Ki Ladai Ladte

Huye Shahadat Se Sarfaraz Ho Gaye Aur Sayyadushshohda Ke Qabile Ahatram Laqab Ke Sath Mashhoor Huye. (Akmaal Page 560 Wa Zarqani Jild 3 Page 270-285 Wa Madarijunnabuwa Wagaira)

Firishton Ne Ghusl Diya: Hazrat Abdullah Bin Abbas Radiallaho Ta'ala Anhu Ka Kahna Hai Ki Hazrat Hamza Radiallaho Ta'ala Anhu Ko Un Ki Shahadat Ke Baad Firishton Ne Ghusl Diya Huzoor E Akram ﷺ Ne Bhi Us Ki Tasdeeq Farmai Ki Beshak Mere Chacha Ko Shahadat Ke Baad Firishton Ne Ghusl Diya. (Hujjatullah Alal Aalmeen Jild 2 Page 863, Ba Hawala Ibne Sa'ad)

Tabsera : Mas'ala Yah Hai Ki Shaheed Ko Ghusl Nahi Diya Jayega Chunanche Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Hazrat Hamza Radiallaho Ta'ala Anhu Ko Na To Khud Ghusl Diya Na Sahaba E Kiraam Ko Us Ka Hukm Farmaya. Isliye Zahir Yahi Hai Ki Choonki Tamam Shuhda e Uhud Mein Sayyadushshohda Ke Muazzaz Khitab Se Sarfaraz Huye Isliye Firishton Ne Aezaazi Taur Par Aap Ke Aezaaz Wa Ikraam Ka Izhaar Karne Ke Liye Aap Ko Ghusl Diya Ya Mumkin Hai Ki Hazrat Hanzala Gaseelul Malaeka Ki Tarah Un Ko Bhi Ghusl Ki Zarurat Ho Aur Firishton Ne Is Bina Par Ghusl Diya Ho. Baharhaal Us Mein Shak Nahi Ki Ek Sahabi Ko Ghusl Dene Ke Liye Aasman Se Firishton Ka Nazil Hona Aur Apne Noorani Hathon Se Ghusl Dena Yah Sayyadushshohda Hazrat Hamza Radiallaho Ta'ala Anhu Ki Ek Bahut Hi Badi Karamat Hai. (Wallahu Ta'ala Aa'alam)

Qabr Ke Andar Se Salam: Hazrat Fatima Khazaeya Radiallaho Ta'ala Anha Ka Bayan Hai Ki Mein Ek Din Hazrat Sayyadushshohda Janab Hamza Radiallaho Ta'ala Anhu Ke Mazare Paak Ki Ziyarat Ke Liye Gai Aur Meine Qabr Ke Samne Khade Hokar Assalamu Alaik Ya Umme Rasoolullah Kaha To Aap Ne Ba Aawaze Buland Qabr Ke Andar Se Mere Salam Ka Jawab Diya Jis Ko Mein Ne Apne Kaano Se Suna. (Hujjatullah Jild 2 Page 863 Ba Hawala Baihaqi)

Usi Tarah Shaikh Mahmood Kurdi Shaikhabi Ne Aap Ke Qabr Par Hazir Hokar Salam Arz Kiya To Aap Ne Qabre Munawwar Ke Andar Se Ba Aawaze Buland Un Ke Salam Ka Jawab Diya Aur Irshad Farmaya Ki Aey Shaikh Mahmood! Tum Apne Ladke Ka Naam Mere Naam Par 'Hamza' Rakhna. Chunanche Jab Khudavand E Kareem Ne Un Ko Beta Ata Farmaya To Unhone Us Ka Naam 'Hamza' Rakha. (Hujjatullah Alal Aalmeen Jild 2 Page 863 Ba Hawala Kitabul Baqiyatussalihaat)

Tabsera : Is Riwayat Se Hazrat Hamza Radiallaho Ta'ala Anhu Ki Chand Karamatein Maloom Hui, 1. Aap Ne Qabr Ke Andar Se Shaikh Mahmood Ke Salam Ko Sun Liya Aur Dekh Bhi Liya Ki Salam Karne Wala Shaikh Mahmood Hain. Phir Aap Ne Salam Ka Jawab Shaikh Mahmood Ko Suna Bhi Diya Halanki Doosre Qabr Wale Salam Karne Walo Ke Salam Ko Sun To Lete Hain Aur Pahchan Bhi Lete Hain Magar Salam Ka Jawab Salam Karne Walo Ko Suna Nahi Sakte. 2. Sayyadushshohda Hazrat Hamza Radiallaho Ta'ala

Anhu Ko Apni Qabr Shareef Ke Andar Rahte Huye Yah Maloom Tha Ki Abhi Shaikh Mahmood Ka Koi Beta Nahi Magar Aage Un Ko Khudavand E Kareem Un Ko Beta Ata Farmayega Jab Hi To Aap Ne Hukm Diya Ki Aey Shaikh Mahmood! Tum Apne Ladke Ka Naam Mere Naam Par Hamza Rakhna. 3. Aap Ne Jawabe Salam Aur Bete Ka Naam Rakhne Ke Baare Mein Jo Kuch Irshad Farmaya Wo Is Qadar Buland Aawaz Se Farmaya Ki Shaikh Mahmood Aur Doosre Maujood Logon Ne Sab Kuch Apne Kaano Se Sun Liya. Upar Ki Karamaton Se Is Mas'ala Par Roshani Padti Hai Ki Shohda E Kiraam Apni Apni Qabron Mein Pure Zaruriyate Zindagi Ke Sath Zinda Hain Aur Un Ke Ilm Ki Zyadti Ka Yah Haal Hai Ki Wo Yahan Tak Jaan Aur Pahchan Lete Hain Ki Aadmi Ki Peeth Mein Jo Nutfa Hai Us Se Paida Hone Wala Bachcha Ladka Hai Ya Ladki! Yahi To Wajah Hai Ki Hamza Radiallaho Ta'ala Anhu Ne Farmaya Ki Aey Shaikh Mahmood! Tum Apne Ladke Ka Naam Mere Naam Par Rakhna Agar Un Ko Yaqeen Se Yah Maloom Na Hota Ki Ladka Hi Paida Hoga To Aap Kis Tarah Ladke Ka Naam Apne Naam Par Rakhne Dete? Wallahu Ta'ala Aa'alam!

Qabr Mein Se Khoon Nikla: Jab Hazrat Ameer Muawiya Radiallaho Ta'ala Anhu Ne Apni Hukoomat Ke Dauran Madeena Munawwara Ke Andar Naharein Khodne Ka Hukm Diya To Ek Nahar Hazrat Hamza Radiallaho Ta'ala Anhu Ke Mazare Aqdas Ke

Pahloo Mein Nikal Rahi Thi La Ilmi Mein Achanak Nahar Khodne Walo Ka Phaawda Aap Ke Qadam Mubarak Par Pad Gaya Aur Aap Ka Paanv Kat Gaya To Us Se Taaza Khoon Bah Nikla Halanki Aap Ko Dafan Huye 46 Saal Guzar Chuke The. (Hujjatullah Jild 2 Page 864 Ba Hawala Ibne Sa'ad)

Tabsera : Wafat Ke Baad Taaza Khoon Ka Bah Nikalna Yah Daleel Hai Ki Shohda E Kiraam Apni Qabron Mein Poore Zaruriyate Zindagi Ke Sath Zinda Hain Jaisa Ki Us Se Pahle Hum Is Mas'ala Par Usi Kitab Mein Qadare Roshani Daal Chuke Hain.

Hazrat Abbas Radiallaho Ta'ala Anhu Yah Huzoor Nabi E Kareem یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ke Doosre Chacha Hain Un Ki Umr Aap Se Do Saal Zyada Thi. Yah Shuru Islam Mein Kuffare Makka Ke Sath The Yahan Tak Ki Aap Junge Badr Mein Kuffar Ki Taraf Se Jung Mein Shareek Huye Aur Musalmanon Ke Hathon Mein Giraftar Huye Magar Muhaqqeqeen Ka Kahna Yah Hai Ki Yah Junge Badr Se Pahle Musalman Ho Gaye The Aur Apne Islam Ko Chhupaye Huye The Aur Kuffare Makka Un Ko Qaum Mein Hone Ka Dabav Daal Kar Jabardasti Junge Badr Mein Laye The. Chunanche Junge Badr Mein Ladai Se Pahle Huzoor E Akram ﷺ Ne Farma Diya Tha Ki Tum Log Hazrat Abbas Ko Qatl Mat Karna Kyunki Wo Musalman Ho Gaye Hain Lekin Kuffare Makka Un Par Dabav Daal Kar Unhein Jung Mein Laye Hain. Yah Bahut Hi Bade Aur Maaldar The Aur Zamana E Jahiliyat Mein Bhi

Hajiyon Ko Zamzam Shareef Pilane Aur Khana-E-Ka'aba Ki Tameerat Ka Aezaaz Aap Ko Hasil Tha. Fatah e Makka Ke Din Unhi Ke Ubharne Par Hazrat Aboo Sufiyan Radiallaho Ta'ala Anhu Ne Bhi Islam Qabool Kar Liya Aur Doosre Sardarane Quraish Bhi Unhi Ke Mashwaron Se Mut'assir Hokar Islam Ke Daman Mein Aaye. Un Ki Khoobiyon Mein Kuch Hadeesein Bhi Aai Hain Aur Huzoor یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ne Un Ko Bahut Si Khushkhabriyan Aur Bahut Zyada Duayein Di Hain Jin Ka Tazkira Sihahe Sitta Aur Hadees Ki Doosri Kitabon Mein Tafseel Ke Sath Maujood Hai. 32 Hijri Mein 88 Baras Ki Umr Pakar Madeena Munawwara Mein Wafat Pai Aur Jannatul Baqeea Mein Supurde Khaak Kiye Gaye. (Akmaal Page 606 Wa Tareekhul Khulfa Wagaira)

Karamat

Unke Tufail Barish Hui: Ameerul Momineen Hazrat Umar Radiallaho Ta'ala Anhu Ke Daure Khilafat Mein Jab Sakht Sookha Pad Gaya Aur Khushk Saali Ki Musibat Se Duniya e Arab Bad'haali Mein Mubtala Ho Gai To Ameerul Momineen Namaze Istisqa Ke Liye Madeena Munawwara Se Bahar Maidan Mein Tashreef Le Gaye Aur Us Mauqa Par Hazaron Sahaba E Kiraam Ka Ijtima Hua. Us Bhare Majma Mein Dua Ke Waqt Hazrat Ameerul Momineen Ne Hazrat Abbas Radiallaho Ta'ala Anhu Ka Hath Thaam Kar Unhein Uthaya Aur Un Ko Apne Aage Khada Karke Is Tarah Dua

Mangi, 'Ya ALLAH! Pahle Jab Hum Log Qahat Mein Mubtala Hote The To Tere Nabi Ko Waseela Bana Kar Barish Ki Duayein Mangte The Aur Too Hum Ko Barish Ata Farmata Tha Magar Aaj Hum Tere Nabi ﷺ Ke Chacha Ko Waseela Bana Kar Dua Mangte Hain Isliye Too Humein Barish Ata Farma De'. Phir Hazrat Abbas Radiallaho Ta'ala Anhu Ne Bhi Barish Ke Liye Dua Mangi To Achanak Usi Waqt Is Qadar Barish Hui Ki Log Ghutnon Ghutnon Tak Paani Mein Chalte Huye Apne Gharon Mein Wapas Aaye Aur Log Khushi Aur Jazba e Aqeedat Se Aap Ki Chadare Mubarak Ko Choomne Lage Aur Kuch Log Aap Ke Jisme Mubarak Par Apna Hath Pherne Lage. Chunanche Hazrat Hassan Bin Sabit Radiallaho Ta'ala Anhu Ne Jo Darbare Nubuwat Ke Shayar The Is Waqia Ko Apne Ash'aar Mein Zikr Karte Huye Farmaya:- العباس بغرة الغمام فسق * جدبنا تتابع وقد االمام سئل الياس بعد االجناب ةمخرصخ * فاصبحت البالد به االهل احتر 'Ameerul Momineen Ne Is Halat Mein Dua Mangi Ki Lagataar Kai Saal Se Qahat Pada Hua Tha To Badli Ne Hazrat Abbas Radiallaho Ta'ala Anhu Ki Roshan Peshani Ke Tufail Mein Sab Ko Sairab Kar Diya. Ma'abood e Barhaq Ne Is Barish Se Tamam Shaharon Ko Zindagi Ata Farmai Aur Na Ummeedi Ke Baad Tamam Shaharon Ke Ird Gird Hare Bhare Ho Gaye'. (Bukhari Jild 1 Page 526 Wa Hujjatullah Jild 2 Page 865 Wa Dalaelunnabuwa Jild 3 Page 206)

Hazrat Ja'afar Radiallaho Ta'ala Anhu

Hazrat Ja'afar Bin Abi Talib Radiallaho Ta'ala Anhu Hazrat Ali Radiallaho Ta'ala Anhu Ke Bhai Hain. Wo Pahle Islam Lane Walo Mein Hain, 31 Aadmiyon Ke Musalman Hone Ke Baad Yah Damane Islam Mein Aaye Aur Kuffare Makka Ki Takleefon Se Tang Aakar Rahmate Aalam ییللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ki Ijazat Se Pahle Habsha Ki Taraf Hijrat Ki Phir Habsha Se Kashtiyon Par Sawar Ho Kar Madeena Tayyaba Ki Taraf Hijrat Ki Aur Khaibar Mein Huzoor E Aqdas یللاہی صَلَّ مَی یلَّ یوَسَ ہل یوَاٰ ہیعَلَی تَعَالٰ Ki Khidmat e Aaliya Mein Us Waqt Pahunche Jab Ki Khaibar Fatah Ho Chuka Tha Aur Huzoor E Aqdas ﷺ Maale Ganeemat Ko Mujahideen Ke Darmiyan Baant Rahe The. Huzoor E Akram ی ہل یوَاٰی ہیعَلَی یللاہیتَعَالٰ صَلَّ مَی لَّ وَسَ Ne Joshe Muhabbat Mein Un Se Muanaqa (Gale Milna) Farmaya Aur Irshad Farmaya Ki Mein Is Baat Ka Faisla Nahi Kar Sakta Ki Junge Khaibar Ki Fatah Se Mujhe Zyada Khushi Hasil Hui Ya Aey Ja'afar Bin Abi Talib! Tum Muhajireen Ke Aane Se Zyada Khushi Hasil Hui. Yah Bahut Hi Jabanz Aur Bahadur The Aur Nihayat Hi Khubsoorat Aur Barob The. San 8 Hijri Ki Junge Mauta Mein Ameere Lashkar Hone Ki Halat Mein 41 Baras Ki Umr Mein Shahadat Se Sarfaraz Huye. Us Jung Mein Commander Hone Ki Wajah Se Lashkare Islam Ka Jhanda Un Ke Hath Mein Tha Kuffar Ne Talwar Ke Waar Se Un Ke Dayein Hath Ko Shaheed Kar Diya To Unhone Jhapat Kar Jhande Ko Bayein Hath Mein Pakad Liya Jab Baaya Hath Bhi Kat Kar Gir Pada To Unhone Jhande Ko Donon Kate Huye Baju'o Se Thaam Liya.

Hazrat Abdullah Bin Umar Radiallaho Ta'ala Anhu Ne Farmaya Jab Hum Ne Un Ki Laash e Mubarak Ko Uthaya To Un Ke Jisme At'har Pe 90 Zakhm The Magar Koi Zakhm Bhi Un Ke Badan Ke Peechhe Hisse Par Nahi Laga Tha Balki Tamam Zakhm Un Ke Badan Ke Agle Hi Hisse Par The. (Akmaal Page 589 Wa Hawashi Bukhari Wagaira)

Karamat

Zul Janaheen (Do Baju'o Wala Ya Udne Wala): Un Ka Ek Laqab 'Zul Janaheen' (Do Baju'o Wala) Hai Doosra Laqab Teyaar (Udne Wala) Hai. Huzoor E Aqdas یصَلَّ مَی لَّییوَسَ ہل یوَاٰ ہیعَلَی للاہیتَعَالٰ Ne Un Ki Yah Karamat Bayan Farmai Ki Un Ke Kate Huye Baju'o Ke Badle Mein ALLAH Ta'ala Ne Un Ko Do 'Par' Ata Farmaye Hain Aur Yah Jannat Ke Baagon Mein Jahan Chahate Hain Ud Kar Chale Jate Hain. Tabsera : Aap Ki Usi Karamat Ko Bayan Karte Huye Ameerul Momineen Hazrat Sayyadna Ali Murtaza Radiallaho Ta'ala Anhu Ne Fakhriya Andaz Mein Yah Sher Irshad Farmaya Hai:- املالئكة مع يطير * يضىح و ىسير الذي وجعفر امرابج ('Ja'afar Bin Abi Talib Radiallaho Ta'ala Anhu Jo Subah Wa Shaam Firishton Ke Jhurmut Mein Noorani Baju'o Se Parwaaz (Udaan) Farmate Rahte Hain Wo Mere Haqeeqi Bhai Hain'.) Aap Ki Yah Karamat Bahut Hi Badi Hain Kyunki Aur Kisi Doosre Sahabi Ke Baare Mein Yah Karamat Humari

Nazar Se Nahi Guzari.

Hazrat Khalid Bin Walid Radiallaho
Ta'ala Anhu

Yah Khandane Quraish Ke Bahut Hi Naamwar Logon Mein Se Hain Un Ki Walida Hazrat Beebi Lubaba Sugra Radiallaho Ta'ala Anha Ummul Momineen Hazrat Beebi Maimoona Radiallaho Ta'ala Anha Ki Bahan Thi. Yah Bahaduri Aur Fauji Salahiyat Tadabeere Jung Ke Aitebar Se Tamam Sahaba E Kiraam Mein Ek Khusoosi Imtiyaz Rakhte Hain. Islam Qabool Karne Se Pahle Un Ki Aur Un Ke Baap 'Walid' Ki Islam Dushmani Mashhoor Thi. Junge Badr Aur Junge Uhud Ki Ladaiyon Mein Yah Kuffar Ke Sath Rahe Aur Un Se Musalmanon Ko Bahut Zyada Jaani Nuqsaan Pahuncha Magar Achanak Un Ke Dil Mein Islam Ki Sachchai Ka Aisa Sooraj Nikal Gaya Ki San 7 Hijri Mein Yah Khud Ba Khud Makka Se Madeena Jakar Darbare Risalat Mein Hazir Ho Gaye Aur Damane Islam Mein Aa Gaye Aur Yah Waada Kar Liya Ki Ab Zindagi Bhar Meri Talwar Kuffar Se Ladne Ke Liye Be Niyaam Rahegi Chunanche Us Ke Baad Har Jung Mein Intihai Mujahidana Jaah Wa Jalal Ke Sath Kuffar Ke Muqabla Mein Ladte Rahe Yahan Tak Ki 8 Hijri Mein Junge Mauta Mein Jab Hazrat Zaid Bin Harisa, Hazrat Ja'afar Bin Abi Talib Wa Hazrat Abdullah Bin Rawaaha Radiallaho Ta'ala Anhu Teeno Commander Ne Yake Baad Deegare Jaame Shahadat Nosh Kar Liya To Islami Fauj Ne Un Ko Apna Commander Chuna Aur Unhone Aisi Janbazi Ke Sath Jung Ki, Ki

Musalmanon Ko Fatah e Mubeen (Jeet) Ho Gai Aur Usi Mauqa Par Jab Yah Jung Mein Vyast (Busy) The Huzoor E Akram ﷺ Ne Madeena Munawwara Mein Sahaba Ke Ek Jama'at Ke Samne Un Ko 'Saifullah' (ALLAH Ki Talwar) Ke Khitab Se Sarfaraz Farmaya. Ameerul Momineen Aboo Bakr Siddiq Radiallaho Ta'ala Anhu Ke Daure Khilafat Mein Jab Fitna Irtidad (Islam Se Phirna) Ne Sar Uthaya To Unhone Un Jungo Mein Bhi Khaas Kar Junge Ymaama Mein Musalman Faujiyon Ki Commanderi Ki Zimmedari Qabool Ki Aur Har Mod Par Fatah e Mubeen Hasil Ki. Phir Ameerul Momineen Hazrat Umar Radiallaho Ta'ala Anhu Ki Khilafat Ke Dauran Rumiyon Ke Jungon Mein Bhi Unhone Islami Faujon Ki Kamaan Sanbhali Aur Bahut Zyada Fatoohat Hasil Huye San 21 Hijri Mein Kuch Din Beemar Rah Kar Wafat Pai. (Akmaal Page 593 Wa Kanzul Ummal Jild 15 Wa Tareekhul Khulfa)

Karamaat

Zahar Ne Asar Nahi Kiya: Riwayat Hai Ki Jab Hazrat Khalid Bin Walid Radiallaho Ta'ala Anhu Ne Maqaam 'Haira' Mein Apne Lashkar Ke Sath Padao Kiya To Logon Ne Arz Kiya Ki Aey Ameere Lashkar! Aap Ajmiyon (Arab Ke Alawa Ke Rahne Wale) Ke Zahar Se Bachte Rahein Hum Logon Ko Andesha Hai Ki Kahi Yah Log Aap Ko Zahar Na De Dein. Aap Ne Farmaya Ki Lao Mein Dekh Loo Ki Ajmiyon Ka Zahar Kaisa Hota Hai? Logon Ne Aap Ko Diya To Aap 'Bismillah' Padh Kar

Kha Gaye Aur Aap Ko Baal Barabar Bhi Nuqsaan Nahi Pahuncha Aur 'Kalbi' Ki Riwayat Mein Yah Hai Ki Ek Isai Padri Jis Ka Naam Abdul Maseeh Tha Ek Aisa Zahar Le Kar Aaya Ki Us Ke Kha Lene Se Ek Ghanta Ke Baad Maut Yaqeeni Hoti Hai Aap Ne Us Se Wo Zahar Mang Kar Us Ke Samne فخ وال االرض فخ شتى امسهٖ مع يرصخ ال الذى ہللا بمس العلير السميع وهو الامسء Padha Aur Yah Zahar Kha Gaye Yah Manzar Dekh Kar Abdul Maseeh Ne Apni Qaum Se Kaha Ki Aey Meri Qaum! Yah Itna Khatarnak Zahar Kha Kar Bhi Zinda Hai Yah Bahut Hi Hairat Ki Baat Hai Ab Behtar Yahi Hai Ki Un Se Sulah Kar Lo Warna Un Ki Fatah Yaqeeni Hai. Chunanche Un Isaiyon Ne Ek Bhaari Bharkam Tax De Kar Sulah Kar Li Yah Waqia Ameerul Momineen Hazrat Aboo Bakr Siddiq Radiallaho Ta'ala Anhu Ke Daure Khilafat Mein Hua. (Hujjatullah Jild 2 Page 867 Ba Hawala Baihaqi Wagaira) Tabsera : Hum Isi Kitab Ke Shuru Mein 'Tahqeeqe Karamaat' Ke Unwan Ke Tahat Mein Yah Tahreer Kar Chuke Hain Ki Karamat Ki 25 Qismon Se Jaan Leva Cheezon Ka Asar Na Karna Yah Bhi Karamat Ki Ek Bahut Hi Shaandar Qism Hai Chunanche Upar Ki Riwayat Is Ki Behtareen Misaal Hai.

Sharab Ka Shahad Mein Tabdeel Ho Jana: Hazrat Kheema Radiallaho Ta'ala Anhu Kahte Hain Ki Ek Shakhs Hazrat Khalid Bin Walid Radiallaho Ta'ala Anhu Ke Paas Sharab Se Bhari Hui Mashk Le Kar Aaya To Aap Ne Yah Dua Mangi Ki Ya ALLAH! Us Ko Shahad Bana De

Thodi Der Baad Jab Logon Ne Dekha To Wo Mashk Shahad Se Bhari Hui Thi. (Hujjatullah Jild 2 Page 867 Wa Tabri Jild 4 Page 4)

Sharab Sirka Ban Gai: Ek Martaba Logon Ne Aap Se Shikayat Ki, Ki Aey Ameere Lashkar! Aap Ki Fauj Mein Kuch Log Sharab Peete Hain, Aap Ne Fauran Hi Talashi Lene Ka Hukm De Diya Talashi Lene Walo Ne Ek Sipahi Ke Paas Se Sharab Ki Ek Mashk Pa Li Lekin Jab Yah Mashk Aap Ke Samne Pesh Ki Gai To Aap Ne Bargahe Ilaahi Mein Yah Dua Mangi Ki 'Aey ALLAH! Us Ko Sirka Bana De' Chunanche Jab Logon Ne Mashk Ka Munh Khol Kar Dekha To Waqai Us Mein Se Sirka Nikla Yah Dekh Kar Mashk Wala Sipahi Kahne Laga Khuda Ki Qasam! Yah Hazrat Khalid Bin Walid Radiallaho Ta'ala Anhu Ki Karamat Hai Warna Haqeeqat Yahi Hai Ki Meine Us Mashk Mein Sharab Bhar Rakhi Thi. (Hujjatullah Alal Aalmeen Jild 2 Page 867)

Tabsera : Karamat Ki 25 Qismon Mein Se 'Qalbe Mahiyat' Yani Kisi Cheez Ki Haqeeqat Ko Badal Dena Mazkoora Baala Donon Riwayaat Karamat Ki Usi Qism Ki Misaal Hain Ki Auliya E Kiraam Jab Bhi Chahate Hain Apni Ruhani Taqat Ya Apni Maqbool Dua'o Ki Badaulat Ek Cheez Ki Haqeeqat Ko Badal Kar Us Ko Doosri Cheez Bana Dete Hain Auliya ALLAH Ki Karamaton Ke Tazkiron Mein Us Ki Hazaron Misalein Milengi.

Hazrat Abdullah Bin Umar Radiallaho
Ta'ala Anhu

Yah Ameerul Momineen Hazrat Umar Bin Khattab Radiallaho Ta'ala Anhu Ke Bete Hain Un Ki Maa'n Ka Naam Zainab Binte Maz'oon Hai. Yah Bachpan Hi Mein Apne Walid Majid Ke Sath Musharraf Ba Islam Huye. Yah Ilm Wa Fazl Ke Sath Bahut Hi Ibadat Guzaar Parhezgaar The Maimoon Bin Mahraan Tabae Ka Farman Hai Ki Mein Ne Abdullah Bin Umar Radiallaho Ta'ala Anhu Se Badh Kar Kisi Ko Muttaqi Wa Parhezgaar Nahi Dekha. Hazrat Imaam Maalik Farmaya Karte The Ki Hazrat Abdullah Bin Umar Musalamanon Ke Imaam Hain. Yah Huzoor ی ہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ki Wafat e Aqdas Ke Baad 60 Baras Tak Haj Ke Majmon Aur Doosre Mauqon Par Musalmanon Ko Islami Hukmon Ke Baare Mein Fatwa Dete Rahe, Mizaaj Mein Bahut Zyada Sakhawat Ka Galba Tha Aur Bahut Zyada Sadqa Wa Khairat Ki Aadat Thi Apni Jo Cheez Pasand Aa Jati Thi Fauran Hi Us Ko Raahe Khuda Mein Khairat Kar Dete The. Aap Ne Apni Zindagi Mein 1000 Gulamon Ko Khareed Khareed Kar Aazad Farmaya. Junge Khandaq Aur Us Ke Baad Islami Ladaiyon Mein Barabar Kuffar Se Jung Karte Rahe Haan Albatta Hazrat Ali Aur Hazrat Muawiya Radiallaho Ta'ala Anhuma Ke Beech Jo Ladaiyan Hui Aap Un Ladaiyon Mein Gair Janibdar Rahe. Abdul Malik Bin Marwan Ki Hukoomat Ke Dauran Hajjaj Bin Yoosuf Saqfi Ameerul Haj Ban Kar Aaya Aap Ne Khutba Ke Dauran Us Ko Tok Diya Hajjaj Zalim Ne Jal Bhun Kar Apne Ek Sipahi Ko Hukm De Diya Ki Wo Zahar

Mein Bujhaya Hua Neza (Bhaala) Hazrat Abdullah Bin Umar Ke Panvon Mein Maar De Chunanche Us Mardood Ne Aap Ke Paanv Mein Neza Maar Diya, Zahar Ke Asar Se Aap Ka Panvon Bahut Zyada Phool Gaya Aur Aap Beemar Ho Kar Bistar Par Pad Gaye. Makkar Hajjaj Bin Yoosuf Aap Ki Ayadat Ke Liye Aaya Aur Kahne Laga Ki Hazrat! Kaash Mujhe Maloom Ho Jata Ki Kis Ne Aap Ko Neza Maara Hai? Aap Ne Farmaya Us Ko Jaan Kar Phir Tum Kya Karoge? Hajjaj Ne Kaha Ki Agar Mein Us Ko Qatl Na Karoo To Khuda Mujhe Maar Dale. Hazrat Abdullah Bin Umar Radiallaho Ta'ala Anhu Ne Farmaya Ki Tum Kabhi Hargiz Hargiz Us Ko Qatl Nahi Karoge Us Ne To Tumhare Hukm Hi Se Aisa Kiya Hai Yah Sun Kar Hajjaj Bin Yoosuf Kahne Laga Ki Nahi Nahi Aey Aboo Abdurrahman! Aap Hargiz Yah Khyaal Na Karein Aur Jaldi Se Uth Kar Chal Diya. Usi Marz Mein San 74 Hijri Mein Hazrat Abdullah Bin Zubair Radiallaho Ta'ala Anhu Ki Shahadat Ke Teen Mahine Baad Hazrat Abdullah Bin Umar Radiallaho Ta'ala Anhu 84 Ya 86 Baras Ki Umr Pakar Wafat Pa Gaye Aur Makka Muazzama Mein Maqame 'Muhsab' Ya Maqame 'Zi Tawi' Mein Dafan Huye. (Asadul Gaaba Jild 3 Page 229, Akmaal Page 605 Wa Tazkiratul Huffaz Jild 1 Page 35)

Karamaat

Sher Dum Hilata Hua Bhaaga: Allama Tajuddin Subki Ne Apne 'Tabqaat' Mein Tahreer Farmaya Hai Ki Ek Sher Rasta Mein Baitha Hua

Tha Aur Qafila Walo Ka Rasta Roke Huye Tha Hazrat Abdullah Bin Umar Radiallaho Ta'ala Anhu Ne Us Ke Qareeb Jakar Farmaya Ki Rasta Se Alag Hat Kar Khada Ho Ja Aap Ki Yah Daat (Phatkar) Sun Kar Sher Dum Hila Kar Rasta Se Door Bhaag Nikla. (Tafseere Kabeer Jild 5 Page 179 Wa Hujjatullah Jild 2 Page 866)

Ek Firishta Se Mulaqat: Hazrat Ata Bin Abi Rabaah Ka Bayan Hai Ki Hazrat Abdullah Bin Umar Radiallaho Ta'ala Anhu Ne Dophar Ke Waqt Dekha Ki Ek Bahut Hi Khubsoorat Saanp Ne 7 Chakkar Baitullah Shareef Ka Tawaaf Kiya Phir Maqame Ibrahim Par Do Rak'at Namaz Padhi Aap Ne Us Saanp Se Farmaya Ab Aap Jab Ki Tawaaf Se Farig Ho Chuke Hain Yahan Par Aap Ka Thaharna Munasib Nahi Hai Kyunki Mujhe Khatra Hai Ki Mere Shahar Ke Bewakoof Log Aap Ko Kuch Takleef Pahuncha Denge. Saanp Ne Bagaur Aap Ke Kalaam Ko Suna Phir Apni Dum Ke Bal Khada Ho Gaya Aur Fauran Hi Ud Kar Aasman Par Chala Gaya Is Tarah Logon Ko Maloom Ho Gaya Ki Koi Firishta Tha Jo Saanp Ki Shakl Mein Tawaaf e Ka'aba Ke Liye Aaya Tha. (Dalaelunnabuwa Jild 3 Page 207)

Zyaad Kaise Halak Hua?: Zyaad Saltanat e Banoo Umaiyya Ka Bahut Hi Zalim Wa Jabir Governor Tha. Hazrat Abdullah Bin Umar Radiallaho Ta'ala Anhu Ko Yah Khabar Mili Ki Wo Hajjaj Ka Governor Ban Kar Aa Raha Hai Aap Ko Yah Hargiz Gawara Na Tha

Ki Makka Mukarrama Aur Madeena Munawwara Par Aisa Zalim Hukoomat Kare. Chunanche Aap Ne Yah Dua Mangi Ki Ya ALLAH! Ibne Samiya (Zyaad) Ki Is Tarah Maut Ho Jaye Ki Us Ke Badle Mein Koi Musalman Qatl Na Kiya Jaye Aap Ki Yah Dua Maqbool Ho Gai Ki Achanak Zyaad Ke Anguthe Mein Taaon Gilti Nikal Padi Aur Wo Ek Hafta Ke Andar Hi Aediyan Ragad Ragad Kar Mar Gaya. (Ibne Asaakir Wa Muntakhab Jild 5 Page 231)

Tabsera : Hazrat Abdullah Bin Umar Radiallaho Ta'ala Anhu Ki Pahli Karamat Se Yah Maloom Hua Ki ALLAH Walo Ki Hukoomat Ka Sikka Na Sirf Insanon Ke Dilon Par Hota Hai Balki Un Ke Haakimana Power Ka Parcham Darindon, Parindon Ke Dilon Par Bhi Lahrata Rahta Hai Aur Sab Ke Sab ALLAH Walo Ke Farmabardar Ho Jate Hain. Yahi Wo Mazmoon Hai Jis Ki Taraf Ishara Karte Huye Hazrat Shaikh Sa'adi Alaihirrahma Ne Farmaya Hai:- هيچ تو حمک پيچدز نه گردن كه * مپيچ داور حمک از گردن مھ تو ('Tum Khudavand E Kareem Ke Hukm Se Gardan Na Modo Taaki Koi Makhlooq Tumhare Hukm Se Gardan Na Mode') Matlab Yah Hai Ki Agar Tum Khuda Ke Farmabardar Bane Rahoge To Khuda Ki Tamam Makhlooqat Tumhari Farmabardar Bani Rahegi.

Doosri Karamat Se Yah Sabaq Milta Hai Ki Jab Ka'aba
Muazzama Ke Tawaaf Ke Liye Firishte Saanp Ki Shakl Mein
Aate Hain To Phir Zahir Hai Ki Firishte Insanon Ki Shakl
Mein Bhi Zarur Hi Aate Honge Isliye Har Haji Ko Yah
Dhyan Rakhna Chahiye Ki Haram Ka'aba Mein Hargiz
Hargiz Kisi Se Ulajhna Nahi Chahiye Khuda Na Khwasta

Tum Kisi Insaan Se Jhagda Takrar Karo Aur Haqeeqat Mein Koi Firishta Ho Jo Insaan Ke Roop Mein Takrar Kar Raha Ho To Phir Yah Samajh Lo Ki Kisi Firishte Se Ladne Ka Anjam Apni Halakat Ke Siwa Aur Kya Ho Sakta Hai? Teesri Karamat Se Zahir Hai Ki ALLAH Walo Ki Duayein Us Teer Ki Tarah Hoti Hain Jo Kamaan Se Nikal Kar Nishana Se Baal Barabar Khata Nahi Karti Isliye Humesha Is Ka Khyaal Rakhna Chahiye Ki Kabhi Bhi Kisi Baddua Ki Pakad Aur Phatkar Mein Na Padein Aur Magrib Zada Mulhidon (Be Deenon) Ki Tarah Hargiz Yah Na Kaha Karein Ki Miyan Kisi Ki Dua Ya Baddua Se Kuch Nahi Hota Yah Mulla Log Bila Wajah Logon Ko Baddua Ki Dhauns (Dar, Fear) Diya Karte Hain Balki Yah Imaan Rakhe Ki Buzurgon Ki Dua'o Aur Baddua'o Mein Bahut Zyada Asar Hai.

Hazrat Sa'ad Bin Ma'az Radiallaho
Ta'ala Anhu

Hazrat Sa'ad Bin Ma'az Bin Noaman Ansari Yah Madeena Munawwara Ke Rahne Wale Bahut Hi Bade Martabe Wale Sahabi Hain. Huzoor E Aqdas ی ہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ne Madeena Munawwara Tashreef Le Jane Se Pahle Hi Hazrat Mus'ab Bin Umair Radiallaho Ta'ala Anhu Ko Madeena Munawwara Bhej Diya Ki Wo Musalmanon Ko Islam Ki Taleem Dein Aur Gair Muslimon Ko Islam Ki Tableeg Karte Rahein. Chunanche Hazrat Mus'ab Bin Umair Radiallaho Ta'ala Anhu Ki Tableeg Se Hazrat Sa'ad Bin Ma'az Radiallaho Ta'ala Anhu Damane Islam Mein Aa

Gaye Aur Khud Islam Qabool Karte Hi Yah Ailaan Farma Diya Ki Mere Qabeela Banoo Abdul Ashhal Ka Jo Mard Ya Aurat Islam Se Munh Modega Mere Liye Haraam Hai Ki Mein Us Se Kalaam Karoo. Aap Ka Yah Ailaan Sunte Hi Qabeela Banoo Abdul Ashhal Ka Ek Ek Bachcha Daulate Islam Se Maala Maal Ho Gaya Is Tarah Aap Ka Musalman Ho Jana Madeena Munawwara Mein Islam Failne Ke Liye Bahut Hi Ba Barkat Sabit Hua. Aap Bahut Hi Bahadur Aur Intihai Nishana Baaz Teer Andaz Bhi The. Junge Badr Aur Uhud Mein Khoob Khoob Bahaduri Dikhai Magar Junge Khandaq Mein Zakhmi Ho Gaye Aur Usi Zakhm Mein Shahadat Se Sarfaraz Ho Gaye. Un Ki Shahadat Ka Waqia Yah Hai Ki Aap Ek Chhoti Si Zirah (Lohe Ka Wo Kapda Jo Jung Mein Pahante Hain) Pahne Huye Neza Le Kar Joshe Jihad Mein Ladne Ke Liye Maidane Jung Mein Ja Rahe The Ki Ibne Urqa Naami Kafir Ne Aisa Nishana Baandh Kar Teer Maara Ki Jis Se Aap Ki Ek Rag Jis Ka Naam "Ak'hal" Hai Kat Gai. Huzoor E Akram ﷺ Ne Un Ke Liye Masjide Nabwi Mein Ek Khema Gaada Aur Un Ka Ilaaj Shuru Kiya Khud Apne Daste Mubarak Se Do Martaba Un Ke Zakhm Ko Daaga Aur Un Ka Zakhm Bharne Lag Gaya Tha Lekin Unhone Shahadat Ke Shauq Mein Khudavand E Ta'ala Se Yah Dua Mangi, 'Ya ALLAH Too Janta Hai Ki Kisi Qaum Se Mujhe Jung Karne Ki Itni Tamanna Nahi Hai Jitni Kuffare Quraish Se Ladne Ki Tamanna Hai Jinhone Tere Rasool Ko Jhuthlaya Aur Un Ko Un Ke Watan Se Nikala Aey ALLAH! Mera To

Yahi Khyaal Hai Ki Ab Too Ne Humare Aur Kuffare Quraish Ke Beech Jung Ka Khatma Kar Diya Hai Lekin Agar Abhi Kuffare Quraish Se Koi Jung Baqi Rah Gai Ho Jab To Mujhe Zinda Rakhna Taaki Mein Teri Raah Mein Un Kafiron Se Jung Karoo Agar Ab Un Logon Se Koi Jung Baqi Na Rah Gai Ho To Too Mere Is Zakhm Ko Phaad De Aur Is Zakhm Mein Too Mujhe Shahadat Ata Farma De'. Khuda Ki Shaan Ki Aap Ki Yah Dua Khatm Hote Hi Bilkul Achanak Aap Ka Zakhm Phat Gaya Aur Khoon Bah Kar Masjide Nabwi Mein Bani Gaffar Ke Kheme Ke Andar Pahunch Gaya. Un Logon Ne Chaunk (Surprise) Kar Kaha Ki Aey Khema Walo! Yah Kaisa Khoon Hai Jo Tumhari Taraf Se Bah Kar Humari Taraf Aa Raha Hai? Jab Logon Ne Dekha To Hazrat Sa'ad Bin Ma'az Radiallaho Ta'ala Anhu Ke Zakhm Se Khoon Jaari Tha, Usi Zakhm Mein Un Ki Shahadat Ho Gai. (Bukhari Jild 2 Page 591 Baab Marajunnabi Minal Ihzaab) Aen Wafat Ke Waqt Un Ke Sarhane Huzoor E Anwar یصَلَّ مَی لَّ یوَسَ ہل یوَاٰ ہیعَلَی للاہیتَعَالٰ Tashreef Farma Hain Jaakani (Jaan Nikalne Ka Waqt) Ke Aalam Mein Unhone Aakhiri Baar Jamale Nubuwat Ka Deedar Kiya Aur Kaha 'Assalmu Alaik Ya Rasoolullah! Phir Buland Aawaz Se Kaha Ki Ya Rasoolullah! Mein Gawahi Deta Hoon Ki Aap ALLAH Ke Rasool Hain Aur Aap Ne Tableeg e Risalat Ka Haq Ada Kar Diya'. (Madarijunnabuwa Jild 2 Page 181)

Aap Ka Saal e Wisaal 5 Hijri Hai, Ba Waqte Wisaal Aap
Ki Umr 37 Baras Ki Thi, Jannatul Baqeea Mein Madfoon
Hain. Jab Huzoor E Akram ﷺ Un Ko Dafna

Kar Wapas Aa Rahe The To Shiddat e Gam Se Aap Ke Aansoo Ke Qatrat Aap Ki Dadhi Mubarak Par Gir Rahe The. (Akmaal Page 596 Wa Asadul Gaaba Jild 2 Page 298)

Karamaat

Janaza Mein 70,000 Firishte: Hazrat Abdullah Bin Umar Radiallaho Ta'ala Anhu Bayan Karte Hain Ki Rasoolullah ﷺ Ne Farmaya Ki Sa'ad Bin Ma'az Ki Maut Se Arshe Ilaahi Hil Gaya Aur 70,000 Firishte Un Ke Janaza Mein Shareek Huye. (Zarqani Jild 2 Page 143 Wa Hujjatullah Jild 2 Page 868)

Mitti Mushk Ban Gai: Muhammad Bin Sharjeel Bin Hasna Radiallaho Ta'ala Anhu Ka Bayan Hai Ki Ek Shakhs Ne Hazrat Sa'ad Bin Ma'az Radiallaho Ta'ala Anhu Ki Qabr Ki Mitti Hath Mein Li To Us Mein Se Mushk Ki Khushboo Aane Lagi Aur Ek Riwayat Mein Yah Bhi Hai Ki Jab Un Ki Qabr Khodi Gai To Us Mein Se Khushboo Aane Lagi Jab Huzoor E Aqdas یمَ لَّ یوَسَ ہل وَاٰ ی ہیعَلَی یللاہیتَعَالٰ صَلَّ Se Us Ka Zikr Kiya Gaya To Aap Ne SubhanALLAH! SubhanALLAH! Farmaya Aur Khushi Ke Aasar Aap Ke Rukhsare Anwar Par Zahir Ho Gaye. (Zarqani Jild 2 Page 143 Wa Hujjatullah Jild 2 Page 868 Ba Hawala Ibne Sa'ad)

Firishton Se Khema Bhar Gaya: Hazrat Salma Bin Aslam Bin Hareesh Radiallaho Ta'ala

Anhu Kahte Hain Ki Jab Huzoor E Aqdas ﷺ Hazrat Sa'ad Bin Ma'az Radiallaho Ta'ala Anhu Ke Khema Mein Tashreef Farma Huye To Woan Koi Bhi Aadmi Maujood Na Tha Magar Phir Bhi Huzoor E Akram ی یللاہیتَعَالٰ صَلَّ مَی لَّیوَسَ ہل یوَاٰ ہعَلَی Lambe Lambe Qadam Rakh Kar Falangte Huye Khema Mein Tashreef Le Gaye Aur Un Ki Laash Ke Paas Thodi Der Thahar Kar Bahar Tashreef Laye, Mein Ne Arz Kiya Ya Rasoolullah! Mein Ne Aap Ko Dekha Ki Aap Khema Mein Lambe Lambe Qadam Ke Sath Falangte Huye Dakhil Huye Halanki Khema Mein Koi Shakhs Bhi Maujood Na Tha Aap Ne Farmaya Ki Khema Mein Is Qadar Firishton Ka Hujoom Tha Ki Woan Qadam Rakhne Ki Jagah Na Thi Isliye Mein Ne Firishton Ke Baju'o Ko Bacha Bacha Kar Qadam Rakha. (Hujjatullah Alal Aalmeen Jild 2 Page 868 Ba Hawala Ibne Sa'ad)

Tabsera : Khuda Ke Nek Aur Mahboob Bandon Ki Nisbat Se Jab Un Ki Qabr Ki Mitti Mein Mushk Ki Khushboo Paida Ho Jati Hai To Logon Ki Nahoosat Wa Badbakhti Door Hokar Unhein Barkat Wa Nekbakhti Hasil Ho Jaye To Us Mein Kaun Sa Ta'ajjub Hai? Jin Ki Taseer Se Mitti Mushk Ban Sakti Hai Kya Un Ke Asar Se Beemari Tandurusti Aur Badnaseebi Khushnaseebi Nahi Ban Sakti. Kaash! Wo Log Jo Auliya ALLAH Ki Qabron Ko Mitti Ka Dher Kah Kar Qabron Ki Ziyarat Karne Walo Ka Mazaq Udaya Karte Hain Aur Un Muqaddas Qabron Ki Taseer Ka Inkar Karte Rahte Hain Is Riwayat Se Hidayat Ki Roshani Hasil Karte Aur Auliya ALLAH Ki Qabron Ka Adab Wa Ahatram Karte.

Hazrat Abdullah Bin Amar Bin Hazaam
Radiallaho Ta'ala

Anhu

Yah Madeena Munawwara Ke Rahne Wale Ansari Hain Aur Mashhoor Sahabi Hazrat Jabir Radiallaho Ta'ala Anhu Ke Baap Hain. Qabeela e Ansar Mein Yah Apne Khandaan Bani Salma Ke Sardar Aur Rahmate Aalam یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ke Bahut Hi Jaan Nisar Sahabi Hain. Junge Badr Mein Badi Bahaduri Aur Janbazi Ke Sath Kuffar Se Lade Aur San 3 Hijri Mein Junge Uhud Ke Din Sab Se Pahle Jaame Shahadat Se Sairab Huye. Bukhari Shareef Wagaira Ki Riwayat Hai Ki Unhone Raat Mein Apne Bete Hazrat Jabir Radiallaho Ta'ala Anhu Ko Bula Kar Yah Farmaya 'Mere Pyare Bete! Kal Subah Junge Uhud Mein, Mein Hi Sab Se Pahle Shahadat Se Sarfaraz Honga Aur Beta Sun Lo! Rasoolullah ی ہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ke Baad Tum Se Zyada Mera Koi Pyara Nahi Hai Isliye Tum Mera Qarz Ada Kar Dena Aur Bahanon Ke Sath Achcha Sulook Karna Yah Meri Aakhiri Waseeyat Hai'. Hazrat Jabir Radiallaho Ta'ala Anhu Ka Bayan Hai Ki Waqai Subah Ko Maidane Jung Mein Sab Se Pahle Mere Walid Hazrat Abdullah Bin Hazaam Radiallaho Ta'ala Anhu Shaheed Huye. (Bukhari Jild 1 Page 180 Wa Asadul Gaaba Jild 3 Page 232)

Karamaat

Firishton Ne Saaya Kiya: Hazrat Jabir Radiallaho Ta'ala Anhu Kahte Hain Ki

Junge Uhud Ke Din Jab Mere Walid Hazrat Abdullah Ansari Radiallaho Ta'ala Anhu Ki Muqaddas Laash Ko Utha Kar Bargahe Risalat Mein Laye To Un Ka Yah Haal Tha Ki Kafiron Ne Un Ke Kaan Aur Naak Ko Kaat Kar Un Ki Soorat Bigaad Di Thi Mein Ne Chaha Ki Un Ka Chehra Khol Kar Dekhu To Meri Biradari Aur Khandaan Qabeela Walo Ne Mujhe Is Khyaal Se Mana Kar Diya Ki Ladka Apne Baap Ka Yah Haal Dekh Kar Takleef Wa Gam Se Nidhaal Ho Jayega, Itne Mein Meri Phoophi Roti Hui Un Ke Laash Ke Paas Aai To Sayyade Aalam Huzoor E Akram ی ہیعَلَی یللاہیتَعَالٰ صَلَّ مَی لَّ وَسَ ی ہل وَاٰ Ne Farmaya Ki Tum Un Par Ro'o Ya Na Ro'o Firishton Ki Fauj Barabar Lagataar Un Ki Laash Par Apne Baju'o Se Saaya Karte Rahte Hain. (Bukhari Jild 1 Page 395)

Kafan Salamat Badan Tarotaza: Hazrat Jabir Radiallaho Ta'ala Anhu Ka Bayan Hai Ki Junge Uhud Ke Din Mein Apne Walid Hazrat Abdullah Radiallaho Ta'ala Anhu Ko Ek Doosre Shaheed (Hazrat Amar Bin Jumooh) Ke Sath Ek Hi Qabr Mein Dafan Kar Diya Tha Phir Mujhe Yah Achcha Nahi Laga Ki Mere Baap Ek Doosre Shaheed Ki Qabr Mein Dafan Hain. Is Khyaal Se Ki Un Ko Ek Alag Qabr Mein Dafan Karoo 6 Mahine Ke Baad Mein Ne Un Ki Qabr Ko Khod Kar Laash Mubarak Ko Nikala To Wo Bilkul Usi Halat Mein The Jis Halat Mein Un Ko Mein Ne Dafan Kiya Tha Siwaye Us Ke Ki Un Ke Kaan Par Kuch Badlav Hua Tha. (Bukhari Jild 1 Page 180 Hashiya Bukhari)

Aur Ibne Sa'ad Ki Riwayat Mein Hai Ki Hazrat Abdullah Radiallaho Ta'ala Anhu Ke Chehre Par Zakhm Laga Tha Aur Un Ka Hath Un Ke Zakhm Par Tha Jab Un Ka Hath Un Ke Zakhm Se Hataya Gaya To Zakhm Se Khoon Bahne Laga Phir Jab Un Ka Hath Un Ke Zakhm Par Rakh Diya Gaya To Khoon Band Ho Gaya Aur Un Ka Kafan Jo Ek Chadar Thi Jis Se Chehra Chhipa Diya Gaya Tha Aur Un Ke Pairo Par Ghaas Daal Di Gai Thi Chadar Aur Ghaas Donon Ko Hum Ne Usi Tarah Pada Hua Paya. (Ibne Sa'ad Jild 3 Page 563) Phir Us Ke Baad Madeena Munawwara Mein Naharon Ki Khudai Ke Waqt Jab Hazrat Ameere Muawiya Radiallaho Ta'ala Anhu Ne Yah Ailan Karaya Ki Sab Log Maidane Uhud Se Apne Apne Murdon Ko Un Ki Qabron Se Nikaal Kar Le Jayein To Hazrat Jabir Radiallaho Ta'ala Anhu Farmate Hain Ki Mein Ne Dobara 46 Baras Ke Baad Apne Walid Majid Hazrat Abdullah Radiallaho Ta'ala Anhu Ki Qabr Khod Kar Un Ki Muqaddas Laash Ko Nikaala To Mein Ne Un Ko Us Haal Paya Ki Apne Zakhm Par Hath Rakhe Huye The Jab Un Ka Hath Uthaya Gaya To Zakhm Se Khoon Bahne Laga Phir Jab Hath Zakhm Par Rakh Diya Gaya To Khoon Band Ho Gaya Aur Un Ka Kafan Jo Ek Chadar Ka Tha Usi Tarah Sahi Saalim Tha. (Hujjatullah Alal Aalmeen Jild 2 Page 864 Ba Hawala Baihaqi)

Qabr Mein Tilawat: Hazrat Aboo Talha Bin Ubaidullah Radiallaho Ta'ala Anhu Farmate Hain Ki Mein Apni Zameen Ki Dekh Bhaal

Ke Liye 'Gaaba' Ja Raha Tha To Raste Mein Raat Ho Gai Isliye Mein Hazrat Abdullah Bin Amar Bin Hazaam Radiallaho Ta'ala Anhu Ki Qabr Ke Paas Thahar Gaya. Jab Kuch Raat Guzar Gai To Mein Ne Un Ki Qabr Mein Se Tilawat Ki Itni Behtareen Aawaz Suni Ki Us Se Pahle Itni Achchi Tilawat Mein Ne Kabhi Bhi Nahi Suni Thi. Jab Mein Madeena Munawwara Ko Laut Kar Aaya Aur Mein Ne Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Se Us Ka Tazkira Kiya To Aap Ne Irshad Farmaya Ki Kya Aey Aboo Talha! Tum Ko Yah Maloom Nahi Ki Khuda Ne Un Shaheedon Ki Roohon Ko Qabz Karke Zabarjad Aur Yakoot Ki Lalten Mein Rakha Hai Aur Un Qindeelon (Laltenon) Ke Jannat Ke Baago Mein Latka Diya Hai Jab Raat Hoti Hai To Yah Roohein Qindeelon Se Nikaal Kar Un Ke Jismon Mein Daal Di Jati Hain Phir Subah Ko Wo Apni Jagahon Par Wapas Lai Jati Hain. (Hujjatullah Alal Aalmeen Jild 2 Page 871 Ba Hawala Ibne Manada) Tabsera : Yah Mustanad Riwayat Is Baat Ka Suboot Hain Ki Hazraat Shohda e Kiraam Apni Apni Qabron Mein Poore Levazamate Zindagi Ke Sath Zinda Hain Aur Wo Apne Jismon Ke Sath Jahan Chahein Ja Sakte Hain, Tilawat Kar Sakte Hain Aur Doosre Qism Qism Ke Kaam Bhi Kar Sakte Aur Karte Hain.

Hazrat Ma'az Bin Jabal Radiallaho
Ta'ala Anhu

In Ki Kunniyat Aboo Abdullah Hai Yah Qabeela Khazraj Ke Ansari Aur Madeena Munawwara Ke Rahne Wale Hain.

Yah Un 70 Khush Naseeb Ansar Mein Se Ek Hain Jin Logon Ne Hijrat Se Bahut Pahle Maidane Arfaat Ki Ghaati Mein Huzoor E Akram ﷺ Se Bayt e Islam Ki Thi. Yah Junge Badr Aur Us Ke Baad Ke Tamam Jihadon Mein Mujahidana Shaan Se Shareeke Jung Rahe. Huzoor E Aqdas ﷺ Ne Un Ko Yaman Ka Qazi Aur Muallim Bana Kar Bheja Tha Aur Hazrat Ameerul Momineen Umar Farooq Radiallaho Ta'ala Anhu Ne Apne Daure Khilafat Mein Un Ko Mulke Shaam Ka Governor Bhi Muqarrar Kar Diya Tha Jahan Unhone 18 Hijri Mein Taaon Amwaas Mein Beemar Ho Kar 38 Saal Ki Umr Mein Wafat Pai. Aap Bahut Hi Buland Paye Aalim, Hafiz, Qari, Muallim Aur Nihayat Hi Muttaqi Wa Parhezgaar Aur Aala Darje Ke Ibadat Guzaar The. Bani Salma Ke Tamam Buton Ko Unhone Hi Tod Phod Phenk Diya Tha. Huzoor E Akram ﷺ Ne Farmaya Ki Qiyamat Mein Un Ka Laqab 'Imamul Ulma' Hai. (Akmaal Page 161 Wa Asadul Gaaba Jild 4 Page 378)

Karamat

Munh Se Noor Nikalta Tha: Hazrat Aboo Bahriya Radiallaho Ta'ala Anhu Farmate Hain Ki Mein Ne Hazrat Ma'az Bin Jabal Radiallaho Ta'ala Anhu Ko 'Hamas' Ki Masjid Mein Dekha Wo Ghane Aur Ghongriyale Wale Bahut Khubsoorat The. Jab Wo Baat Cheet Karte To Un Ke Sath Sath Un Ke Munh Se Ek Noor Nikalta Jis Ki Roshani Aur Chamak Saaf Nazar Aati.

(Tazkiratul Huffaz Jild 1 Page 20)

Hazrat Usaid Bin Hazeer Radiallaho
Ta'ala Anhu

Hazrat Usaid Bin Hazeer Radiallaho Ta'ala Anhu Ansar Ke Qabeela Aaus Ki Shaakh Bani Abdul Ashhal Se Khandani Ta'alluq Rakhte Hain. Madeena Munawwara Mein Hazrat Mus'ab Bin Umair Radiallaho Ta'ala Anhu Ki Tableeg Se Yah Islam Mein Dakhil Huye. Apne Qabeela Bani Abdul Ashhal Ke Sardar Aur Madeena Munawwara Mein Apni Khubiyon Ki Wajah Se Bahut Hi Ba Waqar The. Yah Qur'an Majeed Badi Hi Achchi Aawaz Ke Sath Padhte The, Ameerul Momineen Hazrat Aboo Bakr Siddiq Radiallaho Ta'ala Anhu Bhi Un Ka Bahut Zyada Aezaaz Wa Ikraam Karte The Aur Bargahe Nubuwat Mein Maqbool Aur Hazir Rahte The. Junge Badr, Junge Uhud, Junge Khandaq Wagairah Tamam Gazwaat Mein Poori Himmat Wa Bahaduri Se Kuffar Se Jung Karte Rahe. Zamana Khilafat Ke Jihadon Mein Bhi Shirkat Farmate Rahe Yahan Tak Ki Fatah Baitul Muqaddas Mein Ameerul Momineen Hazrat Umar Radiallaho Ta'ala Anhu Ke Sath Rahe. San 20 Hijri Mein Hazrat Ameerul Momineen Umar Farooq e Aazam Radiallaho Ta'ala Anhu Ki Khilafat Ke Dauran Madeena Munawwara Ke Andar Wisaal Farmaya Aur Jannatul Baqeea Mein Dafan Huye. (Akmaal Page 585 Wa Asadul Gaaba Jild 1 Page 92)

Karamat

Firishte Ghar Ke Upar Utar Pade: Riwayat Mein Hai Ki Aap Ne Namaze Tahajjud Mein Soorah Baqra Ki Tilawat Shuru Ki, Usi Ghar Mein Aap Ka Ghoda Bhi Bandha Hua Tha Aur Ghode Ke Qareeb Hi Mein Un Ka Bachcha Yahya Bhi So Raha Tha. Yah Achchi Aawaz Ke Sath Qirat Kar Rahe The Achanak Un Ka Ghoda Bidakne Laga Yahan Tak Ki Un Ko Khatra Mahsoos Hone Laga Ki Ghoda Un Ke Bachche Ko Kuchal Dega. Chunanche Namaz Khatm Karke Jab Unhone Sahan Mein Aakar Upar Dekha To Yah Nazar Aaya Ki Badal Ke Tukde Ki Tarah Jis Mein Bahut Se Chirag Roshan Hain Aur Koi Cheez Un Ke Makaan Ke Upar Utar Rahi Hai. Aap Ne Us Manzar Se Ghabra Kar Qirat Band Kar Di Aur Subah Ko Jab Bargahe Risalat Mein Hazir Ho Kar Yah Waqia Bayan Kiya To Rahmate Aalam ﷺ Ne Irshad Farmaya Ki Yah Firishton Ki Muqaddas Jama'at Thi Jo Teri Qirat Ki Wajah Se Aasman Se Tere Makaan Ki Taraf Utar Padi Thi Agar Too Subah Tak Tilawat Karta Rahta To Yah Firishte Zameen Se Is Qadar Qareeb Ho Jate Ki Tamam Insanon Ko Unka Deedar Ho Jata. (Dalaelunnabuwa Jild 2 Page 205, Mishkat Shareef Page 184 Fazaele Qur'an)

Tabsera : Is Riwayat Se Sabit Hota Hai Ki Khuda Ke Nek
Bandon Ki Tilawat Sunne Ke Liye Aasman Se Firishton Ki
Jama'at Zameen Ki Taraf Utarti Hai Yah Aur Baat Hai Ki
Aam Log Firishton Ko Dekh Nahi Sakte Magar ALLAH
Walo Mein Se Kuch Khaas Khaas Logon Ko Firishton Ka

Deedar Bhi Naseeb Ho Jata Hai Balki Wo Firishton Se Baat Bhi Kar Lete Hain.

Hazrat Abdullah Bin Hishaam
Radiallaho Ta'ala Anhu

Hazrat Abdullah Bin Hishaam Bin Usman Bin Amar Quraishi Yah Qabeela Quraish Mein Khandane Bani Yateem Se Ta'alluq Rakhte Hain, San 4 Hijri Mein Paida Huye, Yah Mashhoor Muhaddis Hazrat Zuhra Bin Muabad Ke Dada Hain, Ahle Hijaaz Ke MoWohideen Mein Un Ka Shumar Hota Hai Aur Un Ke Shagirdon Mein Un Ke Pote Zuhra Bin Muabad Bahut Mashhoor Hain. Hazrat Abdullah Bin Hishaam Ko Bachpan Hi Mein Un Ki Walida Hazrat Zainab Binte Hameed Huzoor E Aqdas یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ki Khidmat Mein Le Gai Aur Arz Kiya Ya Rasoolullah! Aap Mere Is Bachche Se Bayt Le Leejiye Huzoor E Akram یللاہی صَلَّ مَی لَّ یوَسَ ہل یوَاٰ ہیعَلَی تَعَالٰ Ne Farmaya Ki Yah To Bahut Hi Chhota Hai Phir Apna Muqaddas Hath Un Ke Sar Par Phera Aur Un Ke Liye Khairo Barkat Ki Dua Farma Di. (Asadul Gaaba Jild 3 Page 270 Wa Akmaal Page 595)

Karamat

Tijarat Mein Barkat: Usi Dua e Nabwi Ki Badaulat Un Ko Yah Karamat Hasil Hui Ki Un Ko Tijarat Mein Nafa Ke Siwa Kisi Saude Mein Kabhi Bhi Nuqsaan Hua Hi Nahi. Riwayat Hai Ki Yah Apne

Pote Zuhra Bin Muabad Ko Sath Lekar Bazar Mein Jate Aur Galla Khareedte To Hazrat Abdullah Bin Zubair Aur Hazrat Abdullah Bin Umar Radiallaho Ta'ala Anhu Un Se Mulaqat Karte Aur Kahte Ki Hum Ko Bhi Aap Apni Is Tijarat Mein Shareek Kar Leejiye Isliye Ki Huzoor E Akram ی ہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ne Aap Ke Liye Khairo Barkat Ki Dua Farmai Hai. Phir Yah Sab Log Us Tijarat Mein Shareek Ho Jate To Kabhi Kabhar Unt Ke Bojh Ke Barabar Nafa Kama Lete Aur Us Ko Apne Ghar Bhej Dete. (Bukhari Jild 1 Page 340 Babushsharkiya Fitt'aam)

Tabsera : Nek Aur Saleh Logon Ko Apne Karobar Aur Dhandhe Rozgar Mein Is Niyat Se Shareek Kar Lena Ki Un Ki Barkat Se Hum Faizyab Honge Yah Sahaba E Kiraam Ka Muqaddas Tareeqa Hai. Chunanche Purane Zamane Ke Khush Aqeeda Aur Nek Tajiron Ka Yahi Tareeqa Tha Ki Wo Jab Koi Tijarat Karte The To Kisi Aalime Deen Ya Peere Tareeqat Ka Kuch Hissa Us Tijarat Mein Muqarrar Kar Ke Un Buzurgon Ko Apna Shareeke Tijarat Bana Lete The Taaki Un ALLAH Walo Ki Wajah Se Tijarat Mein Khairo Barkat Ho. Isiliye Aaj Kal Bhi Kai Khush Aqeeda Aur Nek Bakht Momin Khaas Kar Memon Apni Tijarat Mein Hazrat Gause Aazam Radiallaho Ta'ala Anhu Ko Hissadaar Bana Lete Hain Aur Nafa Mein Jitni Raqam Hazrat Gause Aazam Radiallaho Ta'ala Anhu Ke Naam Ki Nikalti Hai Us Ko Yah Log Niyaz Khata (Account) Kahte Hain Aur Usi Raqam Se Yah Log 11vi Shareef Ki Fatiha Bhi Dilate Hain Aur Aalimon Aur Sayyadon Ko Us Raqam Se Nazrana Bhi Diya Karte Hain Yaqeenan Yah Bahut Hi Achcha Tareeqa Hai.

Wallahu Ta'ala Aa'alam

Hazrat Khubaib Bin Adi Radiallaho
Ta'ala Anhu

Yah Madeena Munawwara Ke Ansari Hain Aur Qabeela e Ansar Mein Khandane Aaus Ke Bahut Hi Mashhoor Farzand Hain, Bahut Hi Pur Josh Aur Janbaz Sahabi Hain Aur Huzoor E Akram ﷺ Se Un Ko Be Panah Ishq Tha. Junge Badr Mein Dil Khol Kar Intihai Bahaduri Ke Sath Kuffar Se Lade. Junge Uhud Mein Bhi Aap Ke Mujahidana Karname Bahaduri Ke Karname Ki Haisiyat Rakhte Hain Lekin San 5 Hijri Mein Asfaan Wa Makka Mukarrama Ke Darmiyan Maqame 'Rajeea' Mein Yah Kuffar Ke Hathon Giraftar Ho Gaye Choonki Unhone Junge Badr Mein Kuffare Makka Ke Ek Mashhoor Sardar 'Haaris Bin Aamir' Ko Qatl Kar Diya Tha Isliye Us Ke Beton Ne Un Ko Khareed Liya Aur Lohe Ki Zanjeeron Mein Jakad Kar Un Ko Apne Ghar Ki Ek Kothri Mein Qaid Kar Diya Phir Makka Mukarrama Se Bahar Maqame 'Taem' Mein Le Jakar Ek Bahut Badi Bheed Ke Samne Un Ko Sooli Par Chadha Kar Shaheed Kar Diya. Islam Mein Yah Pahle Khush Naseeb Sahabi Hain Jin Ko Kuffar Ne Sooli Par Chadha Kar Shaheed Kiya. Sooli Par Chadhne Se Pahle Unhone Do Rak'at Namaz Padhi Aur Farmaya Ki Aey Girohe Kuffar! Sun Lo Mera Dil To Yahi Chahata Tha Ki Der Tak Namaz Padhta Rahoo Kyunki Yah Meri Zindagi Ki Aakhiri Namaz Hai Magar Mujh Ko Yah Khyaal Aa Gaya Ki Kahin Tum Log Yah Na Samajh Lo Ki Mein Shahadat Se

Darta Hoon Isliye Mein Ne Bahut Hi Mukhtasar Namaz Padhi. Kuffar Ne Aap Ko Jab Sooli Par Chadha Diya To Aap Ne Imaan Afroz Ash'aar Padhe Phir Haaris Bin Aamir Ke Bete 'Aboo Sarooa' Ne Aap Ke Muqaddas Seena Mein Neza Maar Kar Aap Ko Shaheed Kar Diya. Aap Ki Shahadat Ka Poora Haal Aap Humari Kitab 'Imaani Taqreerein' Aur 'Seerate Mustafa' Mein Padhiye, Un Ki Kuch Karamaat Qabile Zikr Hain.

Be Mausam Ka Phal: Jin Dinon Mein Yah Haaris Bin Aamir Ke Beton Ki Qaid Mein The Zalimon Ne Daana Paani Band Kar Diya Tha Aur Un Ko Zanjeeron Mein Is Tarah Jakad Diya Tha Ki Un Ke Hath Paanv Donon Bandhe Huye The. Us Zamana Mein Haaris Bin Aamir Ki Beti Ka Bayan Hai Ki Khuda Ki Qasam! Meine Khubaib (Radiallaho Ta'ala Anhu) Se Achcha Koi Qaidi Nahi Dekha, Mein Ne Baar Baar Yah Dekha Ki Wo Qaid Ki Kothari Ke Andar Zanjeeron Mein Bandhe Huye Behtareen Anguron Ka Khosha Hath Mein Liye Kha Rahe Hain Halanki Khuda Ki Qasam! Un Dinon Makka Mukarrama Ke Andar Koi Phal Bhi Nahi Milta Tha Aur Angur Ka To Mausam Bhi Nahi Tha. (Hujjatullah Alal Aalmeen Jild 2 Page 869 Wa Bukhari Shareef)

Makka Ki Aawaz Madeena Pahunchi: Jab Hazrat Khubaib Radiallaho Ta'ala Anhu Sooli Par Chadhaye Gaye To Unhone Badi Afsos Ke Sath Kaha Ki Ya ALLAH! Mein Yahan Kisi Ko Nahi Pata Jis Ke Zariye Mein

Aakhiri Salam Tere Pyare Rasool ﷺ Tak Pahuncha Sakoo Isliye Too Mera Salam Habeeb ی ہیعَلَی یللاہیتَعَالٰ صَلَّ یمَ لَّیوَسَ ہل وَاٰ Tak Pahuncha De. Sahaba Kiraam Ka Bayan Hai Ki Huzoor Sarware Aalam ﷺ Madeena Munawwara Ke Andar Apne As'haab Ke Majlis Mein Baithe The Ki Bilkul Hi Achanak Aap Ne Buland Aawaz Se 'Wa Alaikum Asslam' Farmaya Sahaba E Kiraam Ne Arz Kiya Ya Rasoolullah! Is Waqt Aap Ne Kis Ko Salam Ka Jawab Diya Hai Aap Ne Irshad Farmaya Ki Tumhara Deeni Bhai Khubaib Abhi Abhi Makka Mukarrama Mein Sooli Par Chadha Diya Gaya Aur Us Ne Sooli Par Chadh Kar Mere Paas Apna Salam Bheja Hai Aur Mein Ne Us Ke Salam Ka Jawab Diya Hai. (Hujjatullah Alal Aalmeen Jild 2 Page 869)

Ek Saal Mein Tamam Qatil Halak: Riwayat Hai Ki Sooli Par Chadhaye Jane Ke Waqt Hazrat Khubaib Radiallaho Ta'ala Anhu Ne Qatilon Ke Majma Ki Taraf Dekh Kar Yah Dua Mangi, احدا م ميخ تبق وال بددا واقتلهم عددا احهصم اللهم (Yani Aey ALLAH! Mere Un Tamam Qatilon Ko Gin Kar Shumar Kar Le Aur Un Sab Ko Halak Farma De Aur Un Mein Se Kisi Ek Ko Bhi Baqi Na Rakh) Ek Kafir Ka Bayan Hai Ki Mein Ne Jab Khubaib Radiallaho Ta'ala Anhu Ko Baddua Karte Huye Suna To Mein Zameen Par Let Gaya Taaki Khubaib Ki Nazar Mujh Par Na Pade Chunanche Us Ka Asar Yah Hua Ki Ek Saal Poora Hote Tamam Wo Log Jo Aap Ke Qatl Mein Shareek

Wa Raazi The Sab Ke Sab Halak Wa Barbad Ho Gaye Faqat Tanha Mein Bach Gaya Hoon. (Hujjatullah Alal Aalmeen Jild 2 Page 869 Wa Bukhari)

Laash Ko Zameen Nigal Gai: Huzoor E Aqdas ﷺ Ne Sahaba E Kiraam Se Irshad Farmaya Ki Maqame Taem Mein Hazrat Khubaib Ki Laash Sooli Par Latki Hui Hai Jo Musalman Un Ki Laash Ko Sooli Se Utaar Kar Layega Mein Us Ke Liye Jannat Ka Waada Karta Hoon. Yah Khushkhabari Sun Kar Hazrat Zubair Bin Awwam Aur Hazrat Miqdaad Bin Aswad Radiallaho Ta'ala Anhuma Tez Raftaar Ghodon Par Sawar Ho Kar Raaton Ko Safar Karte The. Un Donon Hazraat Ne Laash Ko Sooli Se Utara 40 Din Guzar Jane Ke Bavajood Laash Bilkul Tarotaza Thi Aur Zakhmon Se Taaza Khoon Tapak Raha Tha Ghode Par Laash Ko Rakh Kar Madeena Munawwara Ka Rukh Kiya Magar 70 Kafiron Ne Un Logon Ka Peecha Kiya Jab Un Donon Hazraat Ne Dekha Ki Ab Hum Giraftar Ho Jayenge To Un Donon Ne Muqaddas Laash Ko Zameen Par Rakh Diya. Khuda Ki Shaan Dekhiye Ki Ek Dam Zameen Fat Gai Aur Muqaddas Laash Ko Zameen Nigal Gai Aur Phir Is Tarah Barabar Ho Gai Ki Fatne Ka Naam Wa Nishan Bhi Baqi Na Raha Yahi Wajah Hai Ki Hazrat Khubaib Radiallaho Ta'ala Anhu Ka Laqab 'Baleeul Arz' (Jin Ko Zameen Nigal Gai) Hai! Phir Un Donon Hazraat Ne Farmaya Ki Aey Kuffare Makka Hum To Do Sher Hain Jo Apne Jungle Mein Ja Rahe The Agar Tum Logon Se Ho Sake To Humara Rasta Rok Kar Dekh

Lo Warna Apna Rasta Lo. Jab Kuffare Makka Ne Dekh Liya Ki In Donon Hazraat Ke Paas Laash Nahi Hain To Wo Log Makka Wapas Chale Gaye. (Madarijunnabuwa Jild 2 Page 141)

Tabsera : Shaheed e Islam Hazrat Khubaib Ansari Sahabi Radiallaho Ta'ala Anhu Ki Un Chaar Karamaton Ko Padh Kar Naseehat Hasil Keejiye Ki Khudavand E Kareem Shohda e Kiraam Khaas Kar Apne Habeeb Alaihissalatu Wassalam Ke As'haab e Kiraam Ko Kaisi Kaisi Azeemushshan Karamaton Se Sarfaraz Farmata Hai Aur Wo Naseehat Hasil Keejiye Ki Sahaba E Kiraam Ne Deene Islam Ki Khatir Kaisi Qurbani Pesh Ki Hain Aur Phir Sochiye Ki Hum Aaj Ke Musalman Islam Ke Liye Kya Kar Rahe Hain? Aur Humein Kya Karna Chahiye Aur Phir Khuda Ka Naam Le Kar Uthiye Aur Islam Ke Liye Kuch Kar Daliye.

Hazrat Aboo Ayyub Ansari Radiallaho
Ta'ala

Yah Madeena Munawwara Ke Woi Khush Naseeb Ansari Hain Jin Ke Makaan Ko Shahanshah E Kaunain ی ہیعَلَی یللاہیتَعَالٰ صَلَّ مَی لَّیوَسَ ہل وَاٰ Ne Mehman Ban Kar Sharfe Nuzool Bakhsha Aur Yah Shahanshah E Do Aalam یمَ لَّیوَسَی ہل یوَاٰ ہیعَلَی یللاہیتَعَالٰ صَلَّ Ki Mezbani Se 7 Mahine Tak Sarfaraz Hote Rahe Aur Din Raat Subah Wa Shaam Har Waqt Wa Har Pal Apne Har Qaul Wa Fel Se Aisi Walihana Aqeedat Aur Aashiqana Jaan Nisari Ka Muzahira Karte Rahe Ki Mushkil Hi Se Us Ki Misaal Mil Sakegi.

Huzoor E Aqdas ﷺ Ne Mulaqatiyon Ki Aasani Ke Liye Neeche Ki Manzil Mein Qyaam Pasand Farmaya Majbooran Hazrat Aboo Ayyub Ansari Upar Ki Manzil Mein Rahe. Ek Martaba Anjane Mein Paani Ka Ghada Toot Gaya To Us Andesha Se Ki Kahin Paani Bah Kar Neeche Wali Manzil Mein Na Jaye Aur Huzoor Rahmate Aalam ﷺ Ko Kuch Takleef Na Pahunch Jaye Hazrat Aboo Ayyub Ansari Radiallaho Ta'ala Anhu Ghabra Gaye Aur Saara Paani Apne Lihaaf Mein Sukha Liya. Ghar Mein Bas Yahi Ek Razae Thi Jo Geeli Ho Gai, Raat Bhar Miyan Beevi Ne Sardi Khae Magar Huzoor E Akram یمَ لَّوَسَ ی ہل وَاٰ ی ہعَلَی ی تَعَالٰ للاہی ی صَلَّ Ko Zarra Bhar Bhi Takleef Pahunch Jaye Yah Gawara Nahi Kiya. Garz Be Panah Adab Wa Ahatram Aur Muhabbat Wa Aqeedat Ke Sath Sultane Daren یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ki Mehman Nawazi Wa Mezbani Ke Faraez Ada Karte Rahe. Hazrat Aboo Ayyub Ansari Radiallaho Ta'ala Anhu Sakhawat Ke Sath Sath Bahaduri Mein Bhi Be Misaal The. Tamam Islami Ladaiyon Mein Mujahidana Shaan Ke Sath Ladai Karte Rahe Yahan Tak Ki Hazrat Ameere Muawiya Radiallaho Ta'ala Anhu Ke Zamane Mein Jab Mujahideene Islam Ke Lashkar Jihade Qustuntuniya Ke Liye Rawana Hua To Apne Budhape Ke Bavajood Bhi Aap Mujahideen Ke Us Lashkar Ke Sath Jihad Ke Liye Tashreef Le Gaye Aur Barabar Mujahideen Ki Safon Mein Khade Ho Kar Jihad Karte Rahe. Jab Sakht Beemar Ho Gaye Aur Khade Hone Ki Taqat Nahi Rahi To Aap Ne Mujahideene Islam Se Farmaya Ki Jab Tum Log Jung Bandi Karo To Mujhe Bhi Saf Mein

Apne Qadamon Ke Paas Litaye Rakho Aur Jab Mera Inteqal Ho Jaye To Tum Log Meri Laash Ko Qustuntuniya Ke Qila Ki Deewar Ke Paas Dafan Karna. Chunanche San 51 Hijri Mein Usi Jihad Ke Dauran Aap Ki Wafat Hui Aur Islami Lashkar Ne Un Ki Waseeyat Ke Mutabiq Un Ko Qustuntuniya Ke Qila Ki Deewar Ke Paas Dafan Kar Diya. Yah Andesha Tha Ki Shayad Isai Aap Ki Qabr Khod Dalein Magar Isaiyon Par Aisi Haibat Sawar Ho Gai Ki Wo Aap Ki Muqaddas Qabr Ko Hath Na Laga Sake Aur Aaj Tak Aap Ki Qabr Shareef Usi Jagah Maujood Hai Aur Logon Ke Liye Ziyarat Gaah Hai Jahan Har Qaum Wa Millat Ke Log Har Waqt Haziri Dete Hain.

Karamat

Qabr Mubarak Shifakhana Ban Gai: Yah Aap Ki Karamat Ka Ek Ruhani Aur Noorani Jalwa Hai Ki Bahut Hi Door Door Se Qism Qism Ke Mareez Jo Zindagi Se Mayoos Ho Jate Hain Aap Ki Qabr Shareef Ke Liye Haziri Dete Hain Aur Khuda Ke Fazl Wa Karam Se Shifa Pate Hain. (Akmaal Fi Asmaerrijaal Page 586 Wa Hashiya Al Ummal Jild 6 Page 225 Matbooa Hyderabad)

Hazrat Abdullah Bin Basar Radiallaho
Ta'ala Anhu

Ye Abdullah Bin Basar Maazni Hain Un Ki Kunniyat
Aboo Basar Ya Aboo Safwaan Hai. Un Ke Walid Ne Huzoor

E Akram ﷺ Ki Daawat Ki Aur Shahanshah E Do Aalam Ne Jo Kuch Tha Khaya Phir Khujoorein Lai Gai Aap Ne Khujoorein Bhi Khai Aur Hazrat Abdullah Radiallaho Ta'ala Anhu Ke Sar Par Apna Daste Mubarak Rakh Kar Dua Farmai. Yah Aakhiri Umr Mein Mulke Shaam Chale Gaye. Allama Ibne Aseer Ka Bayan Hai Ki Yah Aakhiri Sahabi Hain Jin Ka Mulke Shaam Mein Wisaal Shareef Hua Yahi Abdullah Bin Basar Radiallaho Ta'ala Anhu Hain. In Ki Umr Mein Ikhtilaaf Hai Isaaba Mein Hain Ki 94 Baras Ki Umr Mein Wafat Pai Aur Allama Aboo Naem Ka Qaul Hai Ki 100 Baras Ki Umr Mein Un Ka Wisaal Hua. Bagair Kisi Beemari Ke Shahar Hamas Mein Wujoo Karte Huye Bilkul Hi Achanak Wafat Pa Gaye. (Akmaal Page 603 Wa Asadul Gaaba Jild 3 Page 125 Wa Kanzul Ummal Jild 16 Page 104)

Karamat

Rizq Mein Kabhi Tangi Paida Nahi Hui: Dua e Nabwi Ki Barkat Se Umr Bhar Un Ki Rozi Mein Tangi Nahi Hui. Huzoor E Akram ﷺ Ne Un Ke Ghar Mein Khane Se Farig Ho Kar Ghar Walo Ke Liye Teen Duayein Mangi Thi:- (1) Ya ALLAH! In Logon Ki Magfirat Farma. (2) Ya ALLAH! In Logon Par Rahmat Nazil Farma. (3) Ya ALLAH! In Logon Ki Rozi Mein Barkat Farma. (Kanzul Ummal Jild 16 Page 104 Matbooa Hyderabad)

Hazrat Amr Bin Hamaq Radiallaho
Ta'ala

Sulah Hudaibiya Ke Baad Yah Apne Qabeela Bani Khuza'a Se Hijrat Karke Madeena Munawwara Aaye Aur Darbare Nubuwat Mein Hazir Rah Kar Hadeesein Yaad Karte Rahe Phir Koofa Chale Gaye Aur Woan Se Misr Ja Kar Bas Gaye Kuch Dinon Shaam Mein Bhi Rahe. Un Ke Shagirdon Mein Zubair Bin Nafeer Aur Rafa'a Bin Shaddad Wagairah Bahut Mashhoor Muhaddiseen Hain. Yah Hazrat Ali Radiallaho Ta'ala Anhu Ke Tarafdar The Aur Junge Jamal Wa Siffeen Wa Naharwan Mein Hazrat Ali Ke Sath Rahe. Jab Hazrat Imaam Hasan Radiallaho Ta'ala Anhu Ne Khilafat Hazrat Ameere Muawiya Radiallaho Ta'ala Anhu Ko Saunp Di To Us Waqt Hazrat Ameere Muawiya Radiallaho Ta'ala Anhu Ke Governor 'Zyaad' Ke Khauf Se Yah Iraq Se Bhaag Kar 'Mosal' Ke Ek Gaar Mein Gaye Aur Usi Gaar Mein Un Ko Saanp Ne Kaat Liya Jis Se Un Ki Woi Wafat Ho Gai. Allama Ibne Aseer Sahib Asadul Gaaba Ka Bayan Hai Ki Un Ki Qabr Shareef Mosal Mein Bahut Hi Mashhoor Ziyarat Gaah Hai Qabr Par Bahut Bada Gumbad Aur Lambi Chaudi Dargah Hai. San 50 Hijri Mein Aap Ki Shahadat Hui. (Asadul Gaaba Jild 4 Page 100)

Karamat

Assi (80) Baras Ki Umr Mein Sab Baal Kaale: Unhone Huzoor E Aqdas ﷺ Ki Khidmat

Mein Doodh Ka Tohfa Pesh Kiya Huzoor E Akram ی یللاہیتَعَالٰ صَلَّ یمَ لَّیوَسَ ہل یوَاٰ ہعَلَی Ne Doodh Pi Kar Un Ki Jawani Ki Baqa Ke Liye Dua Farma Di Is Dua e Nabwi Ki Badaulat Un Ko Yah Karamat Mil Gai Ki Assi Baras Ki Umr Ho Jane Ke Bavajood Un Ka Ek Baal Bhi Safed Nahi Hua Tha. (Kanzul Ummal Jild 16 Page 112 Wa Asadul Gaaba Jild 4 Page 100)

Hazrat Aasim Bin Sabit Radiallaho
Ta'ala Anhu

Hazrat Aasim Bin Sabit Bin Aflah Ansari Yah Ansar Mein Qabeela Aaus Ke Qabile Fakhr Sapoot Hain Bahut Hi Janbaz Aur Bahadur Sahabi Hain. Unhone Junge Badr Mein Be Misaal Jura'at Wa Bahaduri Ka Muzahira Kiya Aur Kuffare Quraish Ke Bade Bade Naamwar Sardaron Ko Qatl Kar Diya. Yah Hazrat Umar Radiallaho Ta'ala Anhu Ke Bete Hazrat Aasim Bin Umar Radiallaho Ta'ala Anhu Ke Nana Hain. San 4 Hijri Mein Gazwaturrajeea Ki Jung Mein Yah Kuffar Se Aamne Samne Ladte Huye Apne 6 Sathiyon Ke Sath Shaheed Ho Gaye. (Asadul Gaaba Jild 3 Page 73)

Karamaat

Shahad Ki Makkhiyon Ka Pahra: Choonki Aap Ne Junge Badr Ke Din Kuffare Makka Ke Bade Bade Naami Girami Soorma'o Aur Naamwar Sardaron Ko Maut Ke Ghaat Utaar Diya Tha Isliye Jab Kuffare Makka

Ko Un Ki Shahadat Ki Khabar Mili To Un Kafiron Ne Chand Aadmiyon Ko Isliye Maqame 'Rajeea' Mein Bhej Diya Taaki Un Ke Badan Ka Koi Hissa (Sar Wagaira) Kaat Kar Layein Jis Se Yah Pahchan Ho Jaye Ki Waqai Hazrat Aasim Qatl Ho Gaye. Chunanche Chand Kuffar Un Ki Laash Ki Talash Mein Maqame 'Rajeea' Tak Pahunch Gaye Magar Woan Jakar Un Kafiron Ne Us Shaheed Mard Ki Yah Karamat Dekhi Ki Lakhon Ki Tadad Mein Shahad Ki Makkhiyon Ke Jhund Ne Un Ki Laash Ke Ird Gird Is Tarah Ghera Daal Rakha Hai Jis Se Woan Tak Kisi Ka Pahunchana Hi Na Mumkin Ho Gaya Hai Isliye Kuffare Makka Nakam Wa Namurad Hokar Makka Wapas Chale Gaye. (Bukhari Jild 2 Page 569 Wa Zarqani Jild 2 Page 73)

Samundar Mein Qabr: Ek Riwayat Mein Yah Bhi Hai Ki Makka Ki Ek Aurat Salaafa Binte Sa'ad Ke Do Beton Ko Hazrat Aasim Bin Sabit Radiallaho Ta'ala Anhu Ne Junge Badr Mein Qatl Kar Dala Tha Isliye Aurat Ne Badle Ke Josh Mein Yah Qasam Kha Rakhi Thi Ki Agar Mujh Ko Aasim Bin Sabit Ka Sar Mil Gaya To Un Ki Khopdi Mein Sharab Piyogi. Chunanche Us Ne Kuch Logon Ko Bheja Tha Ki Tum Un Ka Sar Kaat Kar Le Aao Mein Us Ko Bahut Badi Qeemat De Kar Khareed Loongi. Is Lalach Mein Chand Kuffar Maqame 'Rajeea' Tak Pahunche Magar Jab Unhone Shahad Ki Makkhiyon Ka Ghera Dekha To Hawaas Bakhta Ho Gaye Magar Kuch Lalchi Log Is Intazar Mein Woan Thahar Gaye Ki Jab Kabhi Bhi Yah Shahad Ki Makkhiyan Ud Jayengi To Hum Un Ka

Sar Kaat Kar Le Jayenge. Khuda Ki Shaan Ki Nihayat Hi Zor Daar Barish Hui Aur Pahadon Se Barsati Naala Bahta Hua Us Maidan Mein Pahuncha Aur Is Zor Ka Rela Aaya Ki Kuffar Jaan Bachane Ke Liye Bhaag Khade Huye Aur Aap Ki Muqaddas Laash Paani Ke Bahao Ke Sath Bahte Huye Samundar Mein Pahunch Gai. Riwayat Hai Ki Jis Din Aasim Bin Sabit Radiallaho Ta'ala Anhu Ne Islam Qabool Kiya Tha Us Din Khuda Se Yah Waada Kiya Tha Ki Mein Na To Kisi Kafir Ke Badan Ko Hath Lagaunga Na Kisi Kafir Ko Mauqa Doonga Ki Wo Mere Badan Ko Chhoo Sake. Allahu Akbar! Khuda Ki Shaan Ki Zindagi Bhar To Un Ka Yah Waada Poora Hota Hi Raha Magar Shahadat Ke Baad Bhi Khudavand E Quddoos Ne Un Ke Is Waade Ko Poora Farma Diya Ki Kuffar Un Ke Muqaddas Badan Ko Hath Na Laga Sake, Pahle Shahad Ki Makkhiyon Ka Pahra Laga Diya Phir Barsati Naalo Ne Un Ke Badan Mubarak Ko Un Ke Madfan Tak Pahuncha Diya. (Hujjatullah Jild 2 Page 869 Ba Hawala Baihaqi Wa Kanzul Ummal Jild 16 Page 187)

Tabsera : Hazrat Aasim Bin Sabit Radiallaho Ta'ala Anhu Ki Un Donon Karamaton Ko Padh Kar Gaur Farmaiye Ki ALLAH Ta'ala Ka Shohda E Kiraam Par Kitna Bada Fazl Hota Hai Aur Raahe Khuda Mein Jaan Fida Karne Walo Ko Rabbul Izzat Jall Jalalahoo Ke Darbare Aaliya Se Kaisi Azeemushshan Karamaton Ke Nishan Ata Kiye Jate Hain. Wafat Ke Baad Bhi Un Ke Tasarrufat Basoorat Karamat Jaari Rahte Hain Isliye Shaheedon Se Aqeedat Wa Muhabbat Aur Un Ka Adab Wa Ahatram Wajib Aur Imaan Ka Ek Zaruri

Hissa Hota Hai.

Hazrat Ubaida Bin Haaris Radiallaho
Ta'ala Anhu

In Ka Watan Makka Mukarrama Hai Aur Yah Khandane Quraish Ke Bahut Hi Mumtaz Aur Naamwar Shakhs Hain Yah Shuru Islam Hi Mein Musharraf Ba Islam Ho Gaye The Phir Hijrat Bhi Ki. Nihayat Hi Khubsoorat, Bahut Hi Bahadur Aur Janbaz Sahabi Hain. San 2 Hijri Mein 60 Ya 80 Muhajireen Ke Sath Huzoor E Akram یمَ لَّ یوَسَ ہل یوَاٰ ہ یعَلَی یللاہیتَعَالٰ صَلَّ Ne Un Ko 'Rabig' Ki Taraf Jihad Ke Liye Rawana Farmaya. Chunanche Tareekhe Islam Mein Mujahideen Ka Yah Lashkar Sariya Ubaida Bin Haaris Ke Naam Se Mashhoor Hai. San 2 Hijri Mein Junge Badr Mein Unhone Shaiba Bin Rabeea Se Jung Ki Jo Lashkar e Kuffar Ke Commander Utba Bin Rabeea Ka Bhai Tha. Yah Bade Janbazi Ke Sath Ladte Rahe Magar Is Qadar Zakhmi Ho Gaye Ki Un Ki Pindali Toot Kar Choor Choor Ho Gai Aur Nali Ka Gooda Bahne Laga Yah Dekh Kar Hazrat Ali Radiallaho Ta'ala Anhu Ne Aage Badh Kar Shaiba Ko Qatl Kar Diya Aur Hazrat Ubaida Radiallaho Ta'ala Anhu Ko Apne Kandhe Par Utha Kar Bargahe Risalat Mein Laye. Is Halat Mein Hazrat Ubaida Ne Arz Kiya Ki Ya Rasoolullah! Kya Mein Shahadat Se Mahroom Raha? Irshad Farmaya Hargiz Nahi Balki Tum Shahadat Se Sarfaraz Ho Gaye Yah Sun Kar Unhone Kaha Ki Ya Rasoolullah! Agar Aaj Aboo Talib Zinda Hote To Wo Maan Lete Ki Un Ke Is Sher Ka Matlab Mein Hi Hoon,

والالئل ئنا ابنا عن ونذهل حوهل نرصع حت ونسمله (Yani 'Hum Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ko Us Waqt Dushmanon Ke Hawale Karenge Jab Hum Un Ke Garda Gard Ladte Khoon Mein Lat Pat Ho Jayenge Aur Hum Apne Beton Aur Beeviyon Ko Bhool Jayenge') Usi Zakhm Mein Aap Manzile Sufra Mein Pahunch Kar Sharfe Shahadat Se Sarfaraz Ho Gaye. (Aboo Daod Jild 2 Page 261 Wa Zarqani Jild 1 Page 418)

Karamat

Qabr Ki Khushboo Door Tak: Ishqe Rasool Mein Be Panah Jaan Nisariyon Aur Fida Kariyon Ki Badaulat Un Ko Yah Shandaar Karamat Naseeb Hui Ki Un Ki Qabre At'har Se Is Qadar Mushk Ki Tez Khushboo Aati Ki Poora Maidan Har Waqt Mahakta Rahta. Chunanche Bayan Kiya Gaya Hai Ki Ek Muddat Ke Baad Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ka Sahaba E Kiraam Ke Sath Manzile Safra Mein Qyaam Hua To Sahaba E Kiraam Ne Hairan Hokar Bargahe Risalat Mein Arz Ki, Ki Ya Rasoolullah! Is Sahara Mein Mushk Ki Is Qadar Tez Khushboo Kahan Se Aur Kyun Aa Rahi Hai? Aap Ne Irshad Farmaya Ki Is Maidan Mein Aboo Muawiya (Hazrat Ubaida Radiallaho Ta'ala Anhu) Ki Qabr Maujood Hote Huye Tumhein Ta'ajjub Kyun Ho Raha Hai Ki Yahan Mushk Ki Khushboo Mahak Rahi Hai? (Kitab Sad Sahaba Page 314 Martaba Shah Murad Marhravi) Allahu Akbar! Yah Sach Hai-

'Kamalaat e Vali Mitti Mein Bhi Yoon Jagmagate Hain
Ki Jaise Noor Zulmat Mein Kabhi Pinahan Nahi Hota'

Hazrat Sa'ad Bin Rabeea Radiallaho
Ta'ala Anhu

Hazrat Sa'ad Bin Rabeea Bin Amr Ansari Khazraji Radiallaho Ta'ala Anhu Bayt e Uqba Pahla Aur Bayt e Uqba Doosra Donon Bayton Mein Shareek Rahe Aur Yah Ansar Mein Se Khandaan Bani Haaris Ke Sardar The. Zamana E Jahiliyat Mein Jab Ki Arab Mein Likhne Padhne Ka Bahut Hi Km Rawaaj Tha Us Waqt Yah Likhna Padhna Jante The. Yah Huzoor E Aqdas ﷺ Ke Intihai Aashiq Aur Be Had Jaan Nisar Sahabi Hain. Hazrat Sa'ad Bin Rabeea Ki Beti Ka Bayan Hai Ki Mein Ameerul Momineen Hazrat Aboo Bakr Siddiq Radiallaho Ta'ala Anhu Ke Darbar Mein Hazir Hui To Unhone Apne Badan Ki Chadar Utaar Kar Mere Liye Bichha Di Aur Mujhe Us Par Bithaya Itne Mein Hazrat Umar Radiallaho Ta'ala Anhu Aa Gaye Aur Poochha Yah Ladki Kaun Hai? Ameerul Momineen Hazrat Aboo Bakr Siddiq Radiallaho Ta'ala Anhu Ne Farmaya Ki Yah Us Shakhs Ki Beti Hai Jis Ne Huzoor E Akram ﷺ Ke Zamane Hi Mein Jannat Ke Andar Apna Thikana Bana Liya Aur Mein Aur Tum Yoon Hi Rah Gaye. Yah Sun Kar Hazrat Umar Radiallaho Ta'ala Anhu Ne Hairat Ke Sath Poochha! Ki Aey Khaleefa E Rasool! Wo Kaun Shakhs Hain? To Aap Ne Farmaya Ki 'Sa'ad Bin Rabeea' Hazrat Umar Radiallaho Ta'ala Anhu Ne Us Ki Tasdeeq Ki. Junge Badr Mein Nihayat Bahaduri Ke Sath Kuffar Se Jung Ki, Junge

Uhud Mein 12 Kafiron Ko Ek Ek Neza Maara Aur Jis Ko Ek Neza Maara Wo Mar Kar Thanda Ho Gaya Phir Ghamasan Ki Jung Mein Zakhmi Hokar Usi Junge Uhud Mein San 3 Hijri Ko Shaheed Ho Gaye Aur Hazrat Khaarja Bin Zaid Radiallaho Ta'ala Anhu Ke Sath Ek Qabr Mein Dafan Huye. (Akmaal Page 596 Hashiya Kanzul Ummal Jild 16 Page 36, Asadul Gaaba Jild 2 Page 277)

Karamat

Duniya Mein Jannat Ki Khushboo: Hazrat Zaid Bin Sabit Radiallaho Ta'ala Anhu Ka Bayan Hai Ki Junge Uhud Ke Din Huzoor E Aqdas یہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ne Mujh Ko Hazrat Sa'ad Bin Rabeea Radiallaho Ta'ala Anhu Ki Laash Ki Talash Mein Bheja Aur Farmaya Ki Agar Wo Zinda Milein To Tum Un Se Mera Salam Kah Dena. Chunanche Jab Talash Karte Karte Mein Un Ke Paas Pahuncha To Un Ko Is Haal Mein Paya Ki Abhi Kuch Kuch Jaan Baqi Thi Mein Ne Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ka Salam Pahunchaya To Unhone Jawab Diya Aur Kaha Ki Rasoolullah ﷺ Se Mera Salam Kah Dena Aur Salam Ke Baad Yah Bhi Arz Kar Dena Ki Ya Rasoolallah! Mein Jannat Ki Khushboo Maidane Jung Mein Soongh Chuka Aur Meri Qaum Ansar Se Mera Yah Aakhiri Paigam Kah Dena Ki Agar Tum Mein Ek Aadmi Bhi Zinda Raha Aur Kuffar Ka Hamla Rasoolullah ﷺ Tak Pahunch Gaya To ALLAH Ta'ala Ke Darbar Mein Tumhara

Koi Uzr Qabool Nahi Ho Sakta Aur Tumhara Wo Waada Toot Jayega Jo Tum Logon Ne Bayt e Uqba Mein Kiya Tha Itna Kahte Kahte Un Ki Rooh Parwaz Kar Gai. (Hujjatullah Jild 2 Page 870 Ba Hawala Haakim Wa Baihaqi) Baaz Riwayaat Se Pata Chalta Hai Ki Jis Shakhs Ko Huzoor E Akram ﷺ Ne Hazrat Sa'ad Bin Rabeea Radiallaho Ta'ala Anhu Ki Laash Ka Pata Lagane Ke Liye Bheja Tha Wo Hazrat Ubai Bin Ka'ab Radiallaho Ta'ala Anhu The Chunanche Hazrat Aboo Saed Khudri Radiallaho Ta'ala Anhu Ka Yahi Kahna Hai. Wallahu Ta'ala Aa'alam (Asadul Gaaba Jild 2 Page 277) Tabsera : Allahu Akbar! Gaur Farmaiye Ki Hazrat Sahaba E Kiraam Ko Huzoor E Akram ﷺ Se Kitni Walihana Muhabbat Aur Kis Qadar Aashiqana Lagao Tha Ki Aakhiri Waqt Hai, Zakhmon Se Nidhaal Hain Magar Us Waqt Bhi Huzoor Rahmate Aalam ﷺ Ka Khyaal Dil Wa Dimag Ke Kona Kona Mein Chhaya Hua Hai, Apne Ghar Walo Ke Liye Apni Bachchiyon Ke Liye Koi Waseeyat Nahi Farmate Magar Rasoolullah یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ke Liye Apni Sari Qaum Ko Kitna Aham Aakhiri Paigam Dete Hain. Sahaba E Kiraam Ki Yahi Wo Nekiyan Hain Jo Qiyamat Tak Kisi Ko Naseeb Nahi Ho Sakti Aur Isiliye Sahaba E Kiraam Radiallaho Ta'ala Anhuma Ka Sari Ummat Mein Wo Darja Hai Jo Aasman Par Sitaron Baraat Mein Chaand Ka Darja Hai. Hazrat Sa'ad Bin Rabeea Radiallaho Ta'ala Anhu Ka Koi Beta Nahi Tha, Sirf Do Betiyan Thi Jin Ko Huzoor E Aqdas

ﷺ Ne Un Ki Meeras Mein Se Do Sulas (Tihai Hissa) Ata Farmaya. Wallahu Ta'ala Aa'alam

Hazrat Anas Bin Maalik Radiallaho
Ta'ala Anhu

Hazrat Anas Bin Maalik Radiallaho Ta'ala Anhu Ka Nasab Naama Yah Hai, Anas Bin Maalik Bin Nasar Bin Zamzam Bin Zaid Bin Haraam Ansari. Aap Qabeela e Ansar Mein Khazraj Ki Ek Shaakh Bani Nakhaar Mein Se Hain, Un Ki Maa'n Ka Naam Umme Sulaim Binte Malhaan Hai, Un Ki Kunniyat Huzoor E Akram ﷺ Ne Aboo Hamza Rakhi Aur Un Ka Mashhoor Laqab 'Khadimunnabi' Hai Aur Us Laqab Par Hazrat Anas Radiallaho Ta'ala Anhu Ko Be Had Fakhr Tha. 10 Baras Ki Umr Mein Yah Khidmat e Aqdas Mein Hazir Huye Aur 10 Baras Tak Safar Wa Watan, Jung Wa Sulah Har Jagah Har Haal Mein Huzoor E Akram ﷺ Ki Khidmat Karte Rahe Aur Har Dam Khidmate Aqdas Mein Hazir Rahte. Huzoor E Aqdas یمَ لَّوَسَ ی ہل وَاٰ ی ہعَلَی ی عَالٰ تَی للاہی ی صَلَّ Ke Tabarrukaat Mein Se Un Ke Paas Chhoti Si Lathi Thi Aap Ne Waseeyat Ki Thi Ki Us Ko Ba Waqte Dafan Mere Kafan Mein Rakh Dein Chunanche Yah Lathi Aap Ke Kafan Mein Rakh Di Gai. Huzoor E Aqdas یصَلَّ مَی لَّ یوَسَ ہل یوَاٰ ہ یعَلَیی للاہیتَعَالٰ Ne Un Ke Liye Khaas Taur Par Maal Aur Aulad Mein Taraqqi Aur Barkat Ki Duayein Farmai Thi Chunanche Un Ke Maal Aur Aulad Mein Behad Barkat Wa Taraqqi Hui. Mukhtalif Beeviyon Aur Baandiyon Se Aap Ke Assi Ladke Aur Do Ladkiyan Paida Hui Aur Jis Din Aap Ka

Wisaal Hua Us Din Aap Ke Beton Aur Poto Wagaira Ki Tadad 120 Thi. Bahut Zyada Hadeesein Aap Se Marwi Hain, Aap Ke Shagirdon Ki Tadad Bhi Bahut Zyada Hai. Menhadi Ka Khezaab Sar Aur Dadhi Par Lagate The Aur Khushboo Bhi Khoob Istemal Karte Aap Ne Waseeyat Farmai Ki Mere Kafan Mein Woi Khushboo Lagai Jaye Jis Mein Huzoor Rahmate Aalam ﷺ Ka Paseena Mila Hua Hai Un Ki Walida Huzoor E Akram یہل یوَاٰ ہ یعَلَی یللاہیتَعَالٰ صَلَّ مَی لَّ وَسَ Ke Paseena Ko Jama Karke Khushboo Mein Milaya Karti Thi. Hazrat Umar Radiallaho Ta'ala Anhu Ke Daure Khilafat Mein Logon Ko Taleem Dene Ke Liye Aap Madeena Munawwara Se Basra Chale Gaye. Aap Ke Saal e Wisaal Aur Aap Ki Umr Shareef Ke Baare Mein Ikhtilaaf Hai Mashhoor Yah Hai Ki San 91 Hijri Mein Aap Ka Wisaal Hua Kuch Ne San 92 Hijri Kuch Ne San 93 Hijri Kuch Ne San 90 Hijri Ko Aap Ka Wisaal Ka Saal Tahreer Kiya Hai. Ba Waqte Wisaal Aap Ki Umr Shareef 103 Baras Ki Thi, Baaz 110, Baaz 107 Aur Baaz Ne 99 Baras Likha. Aap Ke Baad Shahar Basra Mein Koi Sahabi Baqi Nahi Raha. Basra Se Do Kos Ke Faasla Par Aap Ki Qabr Shareef Bani Jo Logon Ki Ziyarat Gaah Hai. Aap Bahut Hi Haq Bolne Wale, Haq Pasand, Ibadat Guzaar Sahabi Hain Aur Aap Ki Chand Karamatein Bhi Manqool Hain. (Akmaal Page 575, Asadul Gaaba Jild 1 Page 127)

Karamaat

Saal Mein Do Martaba Phal Dene Wala Baag: Un Ki Karamaton Mein Se Ek Karamat Yah Hai Ki Duniya Bhar Mein Khujooron Ka Baag Saal Mein Ek Hi Martaba Phalta Hai Magar Aap Ka Baag Saal Mein Do Martaba Phalta Tha. (Mishkat Shareef Jild 2 Page 545)

Khujooron Mein Mushk Ki Khushboo: Isi Tarah Yah Bhi Aap Ki Bahut Hi Be Misaal Karamat Hai Ki Aap Ke Baag Ke Khujooron Mein Mushk Ki Khushboo Aati Thi Jis Ki Misaal Duniya Mein Kahi Bhi Nahi Mil Sakti Hai. (Mishkat Shareef Jild 2 Page 545)

Dua Se Barish: Aap Ka Maali Aaya Aur Sakht Sookhe Aur Khushk Saali Ki Shikayat Karne Laga Aap Ne Wujoo Farmaya Aur Namaz Padhi. Phir Farmaya Ki Aey Maali! Aasman Ki Taraf Dekh! Kya Tujhe Kuch Nazar Aa Raha Hai? Baagban Ne Arz Kiya Ki Huzoor! Mein To Aasman Mein Kuch Bhi Nahi Dekh Raha Hoon Phir Aap Ne Namaz Padh Kar Baagban Se Poochha Ki Kya Aasman Mein Kuch Nazar Aa Raha Hai Ab Ki Martaba Baagban Ne Jawab Diya Ki Ji Haan! Ek Parind Ke Par Ke Barabar Badli Ka Tukda Nazar Aa Raha Hai Phir Aap Barabar Namaz Aur Dua Mein Mashgool Rahe Yahan Tak Ki Aasman Mein Har Taraf Baadal Chha Gaya Aur Bahut Hi Zordar Barish Hui. Phir Hazrat Anas Radiallaho Ta'ala Anhu Ne Baagban Ko Hukm Diya Ki Tum Ghode

Par Sawar Hokar Dekho Ki Yah Barish Kahan Tak Pahunchi Hai? Us Ne Chaaron Taraf Ghoda Dauda Kar Dekha Aur Aakar Kaha Ki Barish 'Masireen' Aur 'Qazbaan' Ke Mahallon Ke Aage Nahi Badhi. (Tabqaat Ibne Sa'ad Jild 7 Page 21)

Tabsera : Barish Kahan Tak Hui Hai? Us Ko Dekhne Aur Maloom Karne Ki Wajah Yah Thi Ki Is Shahar Mein Jahan Aap The Sookha Pad Gaya Tha Aur Paani Ki Sakht Zarurat Thi Baqi Doosre Ilaqon Mein Kaafi Barish Ho Chuki Thi Un Ilaqon Mein Bilkul Aur Barish Ki Zarurat Nahi Thi Balki Woan Zyada Barish Se Nuqsaan Hone Ka Khatra Tha Isiliye Aap Ne Pata Lagaya Ki Barish Kahan Tak Hui Hai? Jab Aap Ko Maloom Ho Gaya Ki Barish Usi Shahar Mein Hui Hai Jahan Barish Ki Zarurat Thi To Phir Aap Ko Itminan Ho Gaya Ki Alhamdulillah! Is Barish Se Kahin Bhi Koi Nuqsaan Nahi Pahuncha. Allahu Akbar! Bargahe Ilaahi Ke Maqbool Bandon Ki Shaan Aur Darbare Khudavandi Mein Un Ki Maqbooliyat Ka Kya Kahna? Jab Khuda Se Arz Kiya Barish Ho Gai Aur Jahan Tak Barish Barsana Chahi Woi Tak Barsi. Lillah! Gaur Farmaiye Ki Kya Auliya ALLAH Ka Haal Aur Un Ki Shaan Aam Insanon Jaisi Hai? Tauba, Tauba, Nauzubillah! Kahan Yah ALLAH Ta'ala Ke Paak Aur Kahan Manhoos Aur Dilon Ke Gande Log Hazrat Maulana Rum Rahmatullah Alaih Farmate Hain شير و شيرنوشي در ماند گرچه * مگير خود از قياس را اکل یا اکر ('Paak Logon Ke Mamlaat Ko Apne Upar Mat Qyaas Kar Agarche Likhne Mein Sher Aur Sheer Bilkul Hamshakl Aur

Ek Jaise Hain Lekin Ek Sher Wo Hai Ki Insaan Ko Phaad
Kar Kha Jata Hai Aur Ek Sheer (Doodh) Hai Ki Use Insaan
Khata Aur Peeta Hai'.)
االبصار اویل یر وا فاعتيج

Hazrat Anas Bin Nazar Radiallaho Ta'ala
Anhu

Yah Hazrat Bin Maalik Radiallaho Ta'ala Anhu Ke Chacha Hain, Yah Bahut Hi Bahadur Aur Janbaz Sahabi Hain. Hazrat Anas Bin Maalik Radiallaho Ta'ala Anhu Ka Bayan Hai Ki Mere Chacha Hazrat Anas Bin Nazar Radiallaho Ta'ala Anhu Junge Uhud Ke Din Akele Hi Kuffar Se Ladte Huye Aage Badhte Chale Gaye Jab Aap Ne Dekha Ki Kuch Musalman Sust Pad Gaye Hain Aur Aage Nahi Badh Rahe To Aap Ne Buland Aawaz Se Lalkaar Kar Farmaya: الجنة لریر وانھا احد دون الجنة جدریر الَ انخ بيدہ نفىس والذی ('Mein Us Zaat Ki Qasam Kha Kar Kahta Hoon Ki Jis Ke Qabza e Qudrat Mein Meri Jaan Hai Ki Mein Uhud Pahad Ke Paas Jannat Ki Khushboo Pa Raha Hoon Aur Yaqeenan Bila Shubah Yah Jannat Hi Ki Khushboo Hai') Aap Ne Yah Farmaya Aur Akele Hi Kuffar Ke Beech Mein Ladte Huye Zakhmon Se Choor Hokar Gir Pade Aur Shahadat Ke Sharf Se Sarfaraz Huye. Un Ke Badan Par Teeron, Talwaron Aur Nezon Ke Assi Se Zyada Zakhm Gine Gaye The Aur Kuffar Ne Un Ki Aankhon Ko Phod Kar Aur Naak, Kaan, Hont Ko Kaat Kar Un Ki Soorat Is Qadar Bigaad Di Thi Ki Koi Shakhs Un Ki

Laash Ko Pahchan Na Saka Magar Jab Un Ki Bahan Hazrat Rabeea Radiallaho Ta'ala Anha Aai To Unhone Un Ki Ungliyon Ke Puron Ko Dekh Kar Pahchana Ki Yah Mere Bhai Anas Bin Nazar Radiallaho Ta'ala Anhu Ki Laash Hai. Hazrat Anas Bin Nazar Radiallaho Ta'ala Anhu Junge Badr Mein Shareek Nahi Ho Sake The Us Ka Unhein Bahut Ranj Wa Gam Tha Ki Afsos Mein Islam Ke Pahle Gazwa Mein Gair Hazir Raha. Phir Wo Aksar Kaha Karte The Ki Agar Aage Kabhi ALLAH Ta'ala Ne Yah Din Dikhaya Ki Kuffar Se Jung Ka Mauqa Mila To ALLAH Ta'ala Dekh Lega Ki Mein Jung Kya Karta Hoon Aur Kya Kar Dikhata Hoon. Chunanche San 3 Hijri Mein Jab Junge Uhud Hui To Unhone Khuda e Ta'ala Se Jo Waada Kiya Tha Wo Poora Karke Dikhaya Ki Apne Badan Par Assi Zakhmon Se Zyada Zakhm Kha Kar Shaheed Ho Gaye. Chunanche Huzoor E Akram ﷺ Ne Irshad Farmaya Ki Un Ki Shaan Mein Qur'an Kareem Ki Yah Aayat Nazil Hui:- عليه ہللاُ دو عاه اما صدقو رجالاملومير من Tarjuma: "Momineen Mein Se Kuch Mard Aise Hain Jinhone Khuda Se Kiye Huye Apne Waada Ko Poora Kar Diya". (Akmaal Page 585, Asadul Gaaba Jild 1 Page 122 Wa Hujjatullah Jild 2 Page 871 Bukhari Shareef)

Karamat

In Ki Karamaton Mein Se Yah Ek Karamat Bahut Zyada
Mashhoor Aur Mustnad Hai,

Khuda Ne Qasam Poori Farma Di: Hazrat Anas Bin Nazar Radiallaho Ta'ala Anhu Ki Bahan Rabeea Radiallaho Ta'ala Anha Ne Jhagda Wa Takrar Karte Huye Ek Ansari Ki Ladki Ke Do Agle Daant (Teeth) Tod Dale Ladki Walo Ne Badle Ke Mutalba Kiya Aur Shahanshah e Kaunain ﷺ Ne Qur'an Majeed Ke Hukm Ke Mutabiq Yah Faisla Farma Diya Ki Rabeea Binte Nazar Ke Daant Badle Mein Tod Diye Jayein. Jab Hazrat Anas Bin Nazar Radiallaho Ta'ala Anhu Ko Pata Chala To Wo Bargahe Risalat Mein Hazir Huye Aur Kaha Ki Ya Rasoolullah! Khuda Ta'ala Ki Qasam! Meri Bahan Ka Daant Nahi Toda Jaye. Huzoor E Aqdas ﷺ Ne Farmaya Ki Aey Anas Bin Nazar! Tum Kya Kah Rahe Ho? Qesaas (Badla) To ALLAH Ta'ala Ki Kitab Ka Faisla Hai Yah Baat Abhi Ho Rahi Thi Ki Ladki Wale Darbare Nubuwat Mein Hazir Huye Aur Kahne Lage Ki Ya Rasoolullah! Qesaas Mein Rabeea Ka Daant Todne Ke Badle Mein Hum Logon Ko Diyat (Maali Badla) Diya Jaye. Is Tarah Hazrat Anas Bin Nazar Radiallaho Ta'ala Anhu Ki Qasam Poori Ho Gai Aur Un Ki Bahan Hazrat Rabeea Radiallaho Ta'ala Anha Ka Daant Tode Jane Se Bach Gaya. Huzoor E Aqdas ﷺ Ne Us Mauqa Par Yah Irshad Farmaya Ki ALLAH Ta'ala Ke Bandon Mein Se Kuch Aise Bhi Hain Ki Agar Wo Kisi Maamla Mein ALLAH Ta'ala Ki Qasam Kha Lein To ALLAH Ta'ala Un Ki Qasam Ko Poori Farma Deta Hai. (Bukhari Shareef Jild 2 Page 264, Baab Qaula Wal Jarooh Qasaas) Tabsera : Huzoor E Aqdas یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ke Irshad e

Girami Ka Yah Matlab Hai Ki ALLAH Ta'ala Ke Bandon Mein Se Kuch Aise Bargahe Ilaahi Ke Maqbool Hain Ki Agar Kisi Aisi Cheez Ke Baare Mein Jo Bazahir Hone Wali Na Ho ALLAH Ta'ala Ke Yah Bande Agar Qasam Kha Lein Ki Ho Jayegi To ALLAH Ta'ala Un Muqaddas Bandon Ki Qasamon Ko Tootne Nahi Deta Balki Us Na Hone Wali Cheez Ko Maujood Farma Deta Hai Taaki Un Muqaddas Bandon Ki Qasam Poori Jo Jaye. Dekh Leejiye Ki Hazrat Rabeea Radiallaho Ta'ala Anha Ke Liye Darbare Nubuwat Se Badle Ka Faisla Ho Chuka Tha Aur Muddae Ne Qesaas Hi Ka Mutalba Kiya Tha Lekin Jab Hazrat Anas Bin Nazar Radiallaho Ta'ala Anhu Qasam Kha Gaye Ki Khuda Ki Qasam! Meri Bahan Ka Daant Nahi Toda Jayega To Khuda Ta'ala Ne Aisa Hi Sabab Paida Kar Diya. To Zahir Hai Ki Agar Faisla Ke Mutabiq Daant Tod Diya Jata To Un Ki Qasam Toot Jati Magar Khuda Ta'ala Ka Fazl Wa Karam Ho Gaya Ki Muddae Ka Dil Badal Gaya Aur Us Ne Bajaye Qesaas (Jaani Badle) Ke Diyat (Maali Badle) Ka Mutalba Kar Diya Is Tarah Daant Tootne Se Bach Gaya Aur Un Ki Qasam Poori Ho Gai. Is Ki Bahut Si Misalein Aur Suboot Hasil Honge Ki ALLAH Wale Jis Baat Ki Qasam Kha Gaye ALLAH Ta'ala Ne Us Cheez Ko Maujood Farma Diya Agarche Wo Cheez Aisi Thi Ki Bazahir Us Ke Hone Ki Koi Bhi Soorat Nahi Thi.

Hazrat Hanzala Bin Abi Aamir
Radiallaho Ta'ala Anhu

Yah Madeena Munawwara Ke Rahne Wale Hain Aur Ansar Ke Qabeela Aaus Se Un Ka Khandani Ta'alluq Hai. Un Ka Baap Aboo Aamir Apne Qabeela Ka Sardar Tha Aur Zamana E Jahiliyat Mein Us Ki Ibadat Ki Kasrat Ko Dekh Kar Aam Taur Par Log Us Ko Aboo Aamir Rahib (Padri) Kaha Karte The. Jab Huzoor E Akram ﷺ Hijrat Farma Kar Madeena Munawwara Tashreef Laye Aur Poora Madeena Aur Ird Gird Ka Ilaqa Huzoor Ke Qadamon Par Qurban Hone Laga To Madeena Ke Do Shakhson Par Hasad Ka Bhoot Sawar Ho Gaya Ek Abdullah Bin Ubai, Doosre Aboo Aamir Rahib Lekin Abdullah Bin Ubai Ne To Apni Dushmani Ko Chhupaye Rakha Aur Munafiq Ban Kar Madeena Hi Mein Raha Lekin Aboo Aamir Rahib Hasad Ki Aag Mein Jal Bhoon Kar Madeena Se Makka Chala Gaya Aur Kuffare Makka Ko Bhadka Kar Madeena Munawwara Par Hamla Ke Liye Taiyar Kiya. Chunanche San 3 Hijri Mein Jab Junge Uhud Hui To Aboo Aamir Kuffar Ke Lashkar Mein Shamil Tha Aur Kuffar Ki Taraf Se Lad Raha Tha Magar Us Ke Bete Hazrat Hanzala Radiallaho Ta'ala Anhu Parchame Islam Ke Neeche Nihayat Hi Jawan Mardi Aur Josh Wa Kharosh Ke Sath Kuffar Se Ladte Rahe The. Aboo Aamir Rahib Jab Talwar Ghumata Hua Maidan Mein Nikla To Hazrat Hanzala Radiallaho Ta'ala Anhu Ne Bargahe Risalat Mein Arz Kiya Ki Ya Rasoolullah! یہ یعَلَی یللاہیتَعَالٰ صَلَّ مَی لَّیوَسَ ہل وَاٰ Mujhe Ijazat Deejiye Ki Mein Apni Talwar Se Apne

Baap Aboo Aamir Ka Sar Kaat Kar Lao Magar Huzoor Rahmatullil Aalmeen ﷺ Ki Rahmat Ne Yah Gawara Nahi Kiya Ki Bete Ki Talwar Baap Ka Sar Kaate Isliye Aap Ne Ijazat Nahi Di Magar Hazrat Hanzala Radiallaho Ta'ala Anhu Joshe Jihad Mein Is Qadar Aape Se Bahar Ho Gaye The Ki Sar Hatheli Par Rakh Kar Intihai Janbazi Ke Sath Ladte Huye Lashkar Ke Beech Tak Pahunch Gaye Aur Kuffar Ke Commander Aboo Sufyaan Par Hamla Kar Diya Aur Qareeb Tha Ki Hazrat Hanzala Radiallaho Ta'ala Anhu Ki Talwar Aboo Sufyaan Ka Faisla Kar De Magar Achanak Peechhe Se Shaddad Bin Aswad Ne Jhapat Kar Waar Ko Roka Aur Hazrat Hanzala Radiallaho Ta'ala Anhu Ko Shaheed Kar Diya. (Asadul Gaaba Jild 2 Page 67 Wa Madarijunnabuwa Page 123)

Ghaseelul Malaeka (Firishton Ka Nahlaya Hua): Hazrat Hanzala Radiallaho Ta'ala Anhu Ke Baare Mein Huzoor E Akram ﷺ Ne Farmaya Ki Firishton Ne Unhein Ghusl Diya Hai. Jab Un Ki Beevi Se Un Ka Haal Poochha Gaya To Unhone Yah Bataya Ki Wo Junge Uhud Ki Raat Mein Apni Beevi Ke Sath Soye The Aur Ghusl Ki Zarurat Ho Gai Thi Magar Wo Raat Ke Aakhiri Hisse Mein Daawat e Jung Ki Pukar Sun Kar Is Khyaal Se Bila Ghusl Maidane Jung Ki Taraf Daud Pade Ki Shayad Ghusl Karne Mein ALLAH Ke Rasool Ki Pukar Par Daudane Mein Der Lag Jaye. Huzoor E Aqdas ﷺ Ne Farmaya Ki Yahi Wajah Hai Ki Firishton Ne Shahadat Ke Baad Un Ko

Ghusl Diya Warna Shaheed Ko Ghusl Dene Ki Zarurat Hi Nahi Hai Isi Waqia Ki Bina Par Hazrat Hanzala Radiallaho Ta'ala Anhu Ko Gaseelul Malaeka (Firishton Ke Nahlaye Huye) Kaha Jata Hai. (Madarijunnabuwa Jild 2 Wa Mishkat Shareef Wagaira)

Tabsera : Firishton Ne Hazrat Hanzala Radiallaho Ta'ala Anhu Ko Shahadat Ke Baad Ghusl Diya Yah Aap Ki Bahut Badi Karamat Aur Nihayat Hi Jabardast Fazeelat Hai. Chunanche Aap Ke Qabeela Walo Ko Is Par Bahut Bada Fakhr Aur Naaz Tha Ki Hazrat Hanzala Radiallaho Ta'ala Anhu Humare Qabeela Ke Ek Be Misaal Aadmi Hain Ki Jin Ko Firishton Ne Nahlaya. Is Tafakhur Ke Silsile Mein Manqool Hai Ki Qabeela e Aaus Ke Logon Ne Qabeela e Khazraj Walo Se Kaha Ki Dekh Lo Hazrat Hanzala Radiallaho Ta'ala Anhu Gaseelul Malaeka Humare Qabeela e Aaus Ke Hain, Hazrat Aasim Radiallaho Ta'ala Anhu Shahad Ki Makkhiyon Ne Jin Par Pahra Diya Tha Wo Bhi Humare Qabeela e Aaus Ke Hain Aur Hazrat Sa'ad Bin Ma'az Radiallaho Ta'ala Anhu Jin Ki Wafat Par Arshe Ilaahi Hil Gaya Wo Bhi Humare Qabeela e Aaus Ke Hain Aur Hazrat Khuzaima Bin Sabit Radiallaho Ta'ala Anhu Jin Ki Akele Ki Gawahi Do Gawahon Ke Barabar Hain Wo Bhi Humare Qabeela Aaus Hi Ke Hain. Yah Sun Kar Qabeela e Khazraj Ke Logon Ne Kaha Ki Humare Qabeela e Khazraj Walo Ko Bhi Yah Fakhr Hasil Hai Ki Huzoor E Aqdas یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ki Maujoodgi Mein Humare Qabeela Ke Chaar Aadmi Hafiz e Qur'an Wa Qari Huye Aur Tumhare Qabeela Mein Is Waqt Tak Koi

Bhi Poora Hafiz e Qur'an Nahi Hua. Dekh Lo Hazrat Zaid Bin Sabit, Hazrat Aboo Zaid, Hazrat Ubai Bin Ka'ab Aur Hazrat Ma'az Bin Jabal Radiallaho Ta'ala Anhu Ajmaen Yah Chaaron Huffaz Humare Qabeela Khazraj Ke Saput Hain. (Asadul Gaaba Jild 2 Page 28)

Hazrat Aamir Bin Fuhera Radiallaho
Ta'ala Anhu

Yah Hazrat Aboo Bakr Siddiq Radiallaho Ta'ala Anhu Ke Aazad Kiye Huye Gulam Hain. Yah Shuru Islam Hi Mein Musalman Ho Gaye The Phir Kuffare Makka Ne Un Ko Bahut Zyada Sataya To Hazrat Aboo Bakr Siddiq Radiallaho Ta'ala Anhu Ne Un Ko Khareed Kar Aazad Kar Diya. Hijrat Ke Waqt Jab Ki Huzoor E Anwar ﷺ Apne Yaar e Gaar Siddiq Jaan Nisar Radiallaho Ta'ala Anhu Ke Sath Gaar e Sor Mein Tashreef Farma Huye To Yahi Hazrat Aamir Bin Fuhera Radiallaho Ta'ala Anhu Din Bhar Bakriyon Ko Chara Kar Gaar Ke Paas Raat Ko Laate Aur Un Bakriyon Ka Doodh Duh (Nikaal) Kar Donon Aalam Ke Taajdar Aur Un Ke Yaar e Gaar Ko Pilate. Jab Gaar e Sor Se Huzoor E Akram یمَ لَّیوَسَ ہل یوَاٰ ہی یعَلَی یللاہیتَعَالٰ صَلَّ Madeena Munawwara Ke Liye Rawana Huye To Ek Untni Par Shahanshahe Do Aalam Aur Ek Untni Par Hazrat Aboo Bakr Siddiq Aur Hazrat Aamir Bin Fuhera Radiallaho Ta'ala Anhu Baithe. Safar San 4 Hijri Waqia 'Beere Ma'oona' Mein Aap Ko Shahadat Ki Sa'adat Hasil Hui. (Asadul Gaaba Jild 3 Page 91) (Poori Tafseel Ke Liye Padhiye Humari Kitab Seerat e

Mustafa ﷺ )

Karamat

Laash Aasman Tak Buland Hui: Jung Beere Ma'oona Mein 70 Sahaba E Kiraam Mein Se Sirf Amar Bin Umaiya Zamari Radiallaho Ta'ala Anhu Zinda Bache Baqi Sab Jaam e Shahadat Se Sairab Ho Gaye Un Hi Shohda E Kiraam Mein Se Hazrat Aamir Bin Fuhera Radiallaho Ta'ala Anhu Bhi Hain. Kuffar Ke Sardar Aamir Bin Tufail Ka Bayan Hai Ki Hazrat Aamir Bin Fuhera Jab Shaheed Ho Gaye To Ek Dam Un Ki Laash Zameen Se Buland Hokar Aasman Tak Pahunchi Phir Thodi Der Ke Baad Aahista Aahista Wo Zameen Par Utar Aai Aur Us Ke Baad Un Ki Laash Talash Karne Par Nahi Mili Kyunki Firishton Ne Unhein Dafan Kar Diya. (Bukhari Jild 2 Page 587) Tabsera : Jis Tarah Hazrat Hanzala Radiallaho Ta'ala Anhu Ko Firishton Ne Ghusl Diya To Un Ka Laqab 'Gaseelul Malaeka' Hua Usi Tarah Choonki Un Ko Firishton Ne Qabr Mein Dafan Kiya Tha Isliye Yah 'Dafeenul Malaeka' (Firishton Ke Dafan Kiye Huye) Hain. Wallahu Ta'ala Aa'alam

Hazrat Ghalib Bin Abdullah Laisi
Radiallaho Ta'ala Anhu

Hazrat Gaalib Bin Abdullah Bin Mas'ar Bin Ja'afar Bin
Kalab Laisi Radiallaho Ta'ala Anhu Un Ka Watan Makka

Muazzama Hai Aur Yah Fatah e Makka Se Pahle Hi Musalman Ho Gaye. Fatah e Makka Mein Yah Huzoor E Aqdas Shahanshahe Kaunain ﷺ Ke Sath The Aur Aap Ne Un Ko Makka Mukarrama Ke Raston Ki Durusti Aur Kuffar Ke Halat Ki Jasoosi Ke Kaam Par Lagaya Phir Fatah e Makka Ke Baad 60 Sawaron Ka Afsar Bana Kar Aap Ne Un Ko Maqame Kuded Mein Bani Malooh Se Jung Ke Liye Bhej Diya. Ibne Kalbi Ka Bayan Hai Ki Janabe Rasoolullah ی یللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ne Un Ko Bani Murra Se Ladne Ke Liye 'Fedak' Bheja Woi Yah Shahadat Se Sarfaraz Ho Gaye. Wallahu Ta'ala Aa'alam! (Asadul Gaaba Jild 4 Page 168) Ek Riwayat Se Yah Bhi Maloom Hota Hai Ki Hazrat Farooq e Aazam Radiallaho Ta'ala Anhu Ke Daure Khilafat Mein Bhi Yah Jihadon Mein Shareek Hote Rahe Hain Khaas Taur Par Junge Qadsiya Mein Khoob Khoob Kuffar Se Lade. Mashhoor Hai Ki Hurmujaan Unhin Ke Hath Se Maara Gaya. Hazrat Ameere Muawiya Radiallaho Ta'ala Anhu Ki Hukoomat Ke Dauran Ibne Zyaad Ne Un Ko Khurasan Ka Haakim Bana Diya Tha. (Isaaba Jild 5 Page 187) Un Ki Yah Ek

Karamat Bahut Mashhoor Aur Nihayat Hi Mustanad Hai. Karamat

Khushk Naala Mein Achanak Sailab: Hazrat Jundub Bin Makees Jahni Radiallaho Ta'ala Anhu

Ka Bayan Hai Ki Rasoole Khuda ﷺ Ne Hazrat Gaalib Bin Abdullah Laisi Radiallaho Ta'ala Anhu Ko Ek Chhote Se Lashkar Ka Ameer Bana Kar Jihad Ke Liye Bheja Mein Bhi Us Lashkar Mein Shamil Tha. Hum Logon Ne Maqame 'Kuded' Mein Qabeela Bani Al'malooh Par Hamla Kiya Aur Un Ke Unton Ko Maale Ganeemat Bana Kar Wapas Aane Lage Abhi Hum Log Kuch Door Hi Chale The Ki Banoo Malooh Ke Tamam Qabael Ka Ek Bahut Bada Lashkar Jama Ho Kar Humare Peechhe Aa Gaya. Hum Log Ek Naale Ke Paar Aa Gaye Jo Bilkul Hi Khushk Tha Aur Hum Logon Ko Bilkul Hi Yaqeen Ho Gaya Ki Ab Hum Log Un Kafiron Ke Hathon Mein Giraftar Ho Jayenge Magar Kuffar Jab Naala Ke Paas Aaye To Bavajood Yah Ki Na Barish Hui Na Badli Kisi Taraf Se Nazar Aai Achanak Naala Paani Se Bhar Gaya Aur Is Zoron Shor Se Paani Ka Bahaav Tha Ki Us Ko Paar Karna Intihai Dushwar Tha. Chunanche Kuffar Ka Lashkar Naala Ke Paas Thahar Gaya Aur Ek Kafir Bhi Naala Ko Paar Na Kar Saka Aur Hum Log Nihayat Hi Itminan Aur Salamati Ke Sath Madeena Munawwara Pahunch Gaye. (Hujjatullah Jild 2 Page 872 Ba Hawala Ibne Sa'ad)

Tabsera : Hum Karamat Ki Qismon Ke Bayan Mein Yah Likh Chuke Hain Ki Bilkul Achanak Ghaib Se Kisi Cheez Ka Bataur Imdad Ke Zahir Ho Jana Yah Bhi Karamat Ki Ek Qism Hai. Sookhe Naala Mein Achanak Paani Bhar Jana Yah Hazrat Gaalib Bin Abdullah Lesi Radiallaho Ta'ala Anhu Ki Usi Qism Ki Karamat Hai Un Ki Usi Karamat Ki Badaulat Tamam Sahabiyon Ki Jaan Bach Gai.

Hazrat Aboo Moosa Ash'ari Radiallaho
Ta'ala Anhu

Hazrat Aboo Moosa Ash'ari Radiallaho Ta'ala Anhu Yaman Ke Rahne Wale The Makka Mukarrama Mein Aakar Islam Qabool Kiya. Pahle Hijrat Karke Habsha Chale Gaye Phir Habsha Se Kashtiyon Par Sawar Hokar Tamam Muhajireen e Habsha Ke Sath Aap Bhi Tashreef Laye Aur Khaibar Mein Huzoor ﷺ Ki Khidmat Mein Hazir Huye. Hazrat Umar Radiallaho Ta'ala Anhu Ne San 20 Hijri Mein Un Ko Basra Ka Governor Muqarrar Farmaya Aur Hazrat Usman Radiallaho Ta'ala Anhu Ki Shahadat Tak Yah Basra Ke Governor Rahe. Jab Hazrat Ali Aur Hazrat Ameere Muawiya Radiallaho Ta'ala Anhu Ki Jung Shuru Hui To Pahle Aap Hazrat Ali Radiallaho Ta'ala Anhu Ke Tarafdar The Magar Us Jhagde Se Door Hokar Makka Mukarrama Chale Gaye Yahan Tak Ki San 52 Hijri Mein Aap Ki Wafat Ho Gai. (Akmaal Page 618)

Karamat

Ghaibi Aawaz Sunte The: Aap Ki Yah Khaas Karamat Thi Ki Ghaibi Aawazein Aap Ke Kaano Mein Aaya Karti Thi. Chunanche Hazrat Abdullah Bin Abbas Radiallaho Ta'ala Anhu Ka Bayan Hai Ki Ek Martaba Hazrat Aboo Moosa Ash'ari Radiallaho Ta'ala Anhu Samundari Jihad Mein Ameere Lashkar Ban

Kar Gaye Raat Mein Sab Mujahideen Kashtiyon Par Sawar Hokar Safar Kar Rahe The Ki Bilkul Achanak Upar Se Ek Pukar Ne Wale Ki Aawaz Aai, 'Kya Mein Tum Logon Ko Khuda Ta'ala Ke Is Faisle Ki Khabar De Doo Jis Ka Wo Apni Zaat Par Faisla Farma Chuka Hai? Wo Yah Hai Ki Jo ALLAH Ta'ala Ke Liye Garmi Ke Dinon Mein Pyasa Rahega, ALLAH Ta'ala Par Haq Hai Ki Pyas Ke Din (Qiyamat Mein) Zarur Zarur Us Ko Sairab Farma Dega'. (Hujjatullah Jild 2 Page 872 Ba Hawala Haakim)

Lahan e Dawoodi: Aap Ki Aawaz Aur Lahja Mein Itni Jabardast Kashish Khichav Thi Ki Us Ko Karamat Ke Siwa Aur Kuch Bhi Nahi Kaha Ja Sakta Hazrat Ameerul Momineen Umar Radiallaho Ta'ala Anhu Jab Hazrat Moosa Ash'ari Radiallaho Ta'ala Anhu Ko Dekhte To Farmate: یس مو ایج یر ربنا ذكریخ (Aey Aboo Moosa! Hum Ko Apne Rab Ki Yaad Dilao) Yah Sun Kar Hazrat Aboo Moosa Ash'ari Radiallaho Ta'ala Anhu Qur'an Shareef Padhne Lagte Un Ki Qirat Sun Kar Hazrat Umar Radiallaho Ta'ala Anhu Ke Dil Mein Aisi Noori Tajalli Paida Ho Jati Ki Unhein Duniya Se Doori Aur Apne Rab Ki Hujoori Naseeb Ho Jati Thi. Hazrat Buraida Radiallaho Ta'ala Anhu Ka Bayan Hai Ki Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Hazrat Aboo Moosa Ash'ari Ki Qirat Suni To Irshad Farmaya Ki Dawood Alaihissalam Ki Si Achchi Aawaz Us Shakhs Ko Khuda Ta'ala Ki Taraf Se Ata Ki Gai Hai.

(Kanzul Ummal Jild 16 Page 218 Matbooa Hyderabad)

Hazrat Tameem Daari Radiallaho Ta'ala
Anhu

Hazrat Tameem Bin Awas Radiallaho Ta'ala Anhu Pahle Nasrani The Phir San 9 Hijri Mein Musharraf Ba Islam Huye. Bahut Hi Ibadat Guzaar The Ek Hi Raat Mein Qur'an Majeed Poora Padh Liya Karte The Aur Kabhi Kabhi Ek Hi Aayat Ko Raat Bhar Subah Tak Namaz Mein Baar Baar Padhte Rahte. Hazrat Muhammad Bin Munkadir Ka Bayan Hai Ki Ek Raat Sote Rah Gaye Aur Namaze Tahajjud Ke Liye Nahi Uth Sake To Unhone Apni Is Kotahi Ka Kaffara Is Tarah Ada Kiya Ki Poore Ek Saal Tak Raat Bhar Nahi Soye. Pahle Madeena Munawwara Mein Rahte The Phir Ameerul Momineen Hazrat Usman Gani Radiallaho Ta'ala Anhu Ki Shahadat Ke Baad Mulke Shaam Mein Chale Gaye Aur Aakhiri Umr Tak Mulke Shaam Hi Mein Rahe. Masjide Nabwi Mein Sab Se Pahle Unhone Qindeel (Lalten) Jalai Aur Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Dajjal Ke Jasaama Ka Waqia Un Se Sun Kar Sahaba E Kiraam Ko Sunaya. (Akmaal Page 588 Wa Asadul Gaaba Jild 1 Page 215)

Karamat

Chadar Dikha Kar Aag Bujha Di: Aap Ki Karamaton Mein Se Ek Mashhoor Aur Mustanad Karamat Yah Hai Ki Ameerul Momineen Hazrat Farooq e

Aazam Radiallaho Ta'ala Anhu Ke Daure Khilafat Mein Jab Pahad Ke Ek Gaar Se Ek Qudrati Aag Zahir Hui To Ameerul Momineen Ne Un Ko Apni Chadar Ata Farmai Yah Chadar Le Kar Jab Aag Ke Qareeb Pahunche To Aag Bujhti Hui Peechhe Ko Hat ty Chali Gai Yahan Tak Ki Aag Gaar Ke Andar Dakhil Ho Gai Aur Yah Khud Bhi Aag Ko Chadar Se Hatate Huye Gaar Mein Ghuste Chale Gaye. Jab Yah Aag Ko Bujha Kar Hazrat Ameerul Momineen Ki Khidmat Mein Hazir Huye To Aap Ne Farmaya Aey Tameem Daari! Isi Din Ke Liye Hum Ne Tum Ko Chhupa Rakha Tha. (Hujjatullah Jild 2 Page 872 Ba Hawala Aboo Naem) (Is Aag Ka Poora Haal Hum Ne Apni Kitab 'Ruhani Hikayat' Aur Seerat e Mustafa ﷺ Mein Tahreer Kiya Hai.)

Hazrat Imraan Bin Haseen Radiallaho
Ta'ala

Un Ki Kunniyat Aboo Najeed Hai Aur Yah Qabeela Banoo Khaza'a Ki Ek Shaakh Banoo Ka'ab Ke Khandaan Se Hain Isliye Khazai Aur Ka'abi Kahlate Hain San 7 Hijri Mein Junge Khaibar Ke Saal Musalman Huye. Hazrat Umar Radiallaho Ta'ala Anhu Ne Apni Khilafat Ke Dauran Un Ko Ahle Basra Ki Taleem Ke Liye Muqarrar Farmaya Tha. Muhammad Bin Seereen Muhaddis Farmaya Karte The Ki Basra Mein Imraan Bin Husain Radiallaho Ta'ala Anhu Se Zyada Purana Aur Afzal Koi Sahabi Nahi. Unki Poori Zindagi Mazhabi Rang Mein Rangi Hui Thi Tarah Tarah

Ki Ibadaton Mein Bahut Zyada Mehnat Farmate The. Huzoor E Aqdas ﷺ Ke Sath Itni Walihana Aqeedat Thi Aur Aap Ka Itna Ahatram Karte The Ki Jis Hath Se Unhone Aap ﷺ Ke Daste Mubarak Par Bayt Ki Thi Us Hath Se Umr Bhar Unhone Peshab Ka Maqaam Nahi Chhua. Tees Baras Tak Musalsal Istisqa Ki Beemari Mein Sahibe Faraash Rahe Aur Pet Ka Operation Bhi Hua Magar Sabro Shukr Ka Yah Haal Tha Ki Khair Khairiyat Lene Wale Se Yahi Farmaya Karte The Ki Mere Khuda Ko Jo Pasand Hai Woi Mujhe Bhi Mahboob Hai. (Hujjatullah Jild 2 Page 873 Wa Akmaal Wa Asadul Gaaba Jild 4 Page 137) San 52 Hijri Mein Maqame Basra Mein Aap Ka Wisaal Hua.

Karamat

Firishton Se Salam Wa Musaafa: Aap Ki Mashhoor Karamat Yah Hai Ki Aap Firishton Ki Tasbeeh Ki Aawaz Suna Karte Aur Firishte Aap Se Musaafa Kiya Karte The Sath Hi Aap Bahut Mustajabuddawaat Bhi The Yani Aap Ki Duayein Bahut Zyada Maqbool Hua Karti Thi. (Hujjatullah Jild 2 Page 873 Wa Asadul Gaaba Jild 4 Page 137 Wa Ibne Sa'ad Jild 4 Page 288)

Hazrat Safeena Radiallaho Ta'ala Anhu
Yah Huzoor E Aqdas ﷺ Ke Aazad Kiye
Huye Gulam Hain Aur Kuch Ka Qaul Hai Ki Yah Hazrat

Ummul Momineen Umme Salma Radiallaho Ta'ala Anha Ke Gulam The Unhone Is Shart Par Un Ko Aazad Kiya Tha Ki Umr Bhar Rasoolullah ﷺ Ki Khidmat Karte Rahenge. 'Safeena' Un Ka Laqab Hai Un Ke Naam Mein Ikhtilaaf Hai Kisi Ne 'Rabaah' Kisi Ne 'Mahraan' Kisi Ne 'Rumaan' Naam Bataya Hai. 'Safeena' Arabi Mein Kashti Ko Kahte Hain Un Ka Laqab 'Safeena' Hone Ka Sabab Yah Hai Ki Daurane Safar Ek Shakhs Thak Gaya To Us Ne Apna Saman Un Ke Kandho Par Daal Diya Aur Yah Pahle Hi Bahut Zyada Saman Uthaye Huye The Yah Dekh Kar Huzoor E Aqdas ﷺ Ne Khush Tabae Aur Mazaah Ke Taur Par Yah Farmaya Ki سفينه انت (Tum To Kashti Ho) Us Din Se Aap Ka Yah Laqab Mashhoor Ho Gaya Ki Log Aap Ka Asali Naam Hi Bhool Gaye. Log Un Ka Asali Naam Poochhte To Yah Farmate The Ki Mein Nahi Bataoga Mera Naam Rasoolullah ﷺ Ne 'Safeena' Rakh Diya Hai Ab Mein Us Naam Ko Kabhi Hargiz Hargiz Nahi Badlunga. (Akmaal Page 597 Wa Asadul Gaaba Jild 2 Page 324)

Karamat

Sher Ne Rasta Bataya: Un Ki Mashhoor Aur Nihayat Hi Mustanad Karamat Yah Hai Ki Yah Rum Ki Sar Zameen Mein Jihad Ke Dauran Islami Lashkar Se Bichhad Gaye Aur Lashkar Ki Talash Mein Daudte Bhaagte Chale Ja Rahe The Ki Bilkul Hi Achanak Jungle Se Ek Sher Nikal Kar Un Ke Samne Aa Gaya

Unhone Daat (Phatkar) Kar Buland Aawaz Se Farmaya Ki Aey Sher! Mein Rasoolullah ﷺ Ka Gulam Hoon Aur Mera Mamla Yah Hai Ki Mein Lashkar e Islam Se Alag Ho Gaya Hoon Aur Lashkar Ki Talash Mein Hoon. Yah Sun Kar Sher Dum Hilata Hua Un Ke Pahloo Mein Aakar Khada Ho Gaya Aur Barabar Un Ko Apne Sath Liye Huye Chalta Raha Yahan Tak Ki Yah Lashkar e Islam Mein Pahunch Gaye To Sher Wapas Chala Gaya. (Mishkat Jild 2 Page 554 Babul Karamat)

Hazrat Aboo Amaama Baahali
Radiallaho Ta'ala Anhu

Un Ka Naam Sadi Bin Ajlaan Hai Magar Yah Apni Kunniyat Hi Ke Sath Mashhoor Hain Banoo Baahala Ke Khandaan Se Hain Isliye Baahali Kahlate Hain. Musalman Hone Ke Baad Sab Se Pahle Sulah Hudaibiya Mein Shareek Hokar Bayt e Rizwan Ke Sharf Se Sarfaraz Huye. 250 Hadeesein Un Se Marwi Hain Aur Hadeeson Ke Dars Wa Failane Mein Un Ko Behad Lagav Tha. Pahle Misr Mein Rahte The Phir Hamas Chale Gaye Aur Woi San 86 Hijri Mein 91 Baras Ki Umr Mein Wafat Pai, Baaz Moarrakheen Ne Un Ka Saal e Wafat San 81 Hijri Tahreer Kiya Hai. Yah Apni Dadhi Mein Peele Rang Ka Khizab (Menhadi) Karte The. (Akmaal Page 586 Wa Asadul Gaaba Jild 3 Page 16)

Karamat

Firishton Ne Doodh Pilaya: Un Ki Ek Karamat Yah Hai Ki Jis Ko Wo Khud Bayan Farmaya Karte The Ki Rasoolullah ﷺ Ne Un Ko Bheja Ki Tum Apni Qaum Mein Jakar Islam Ki Tableeg Karo Chunanche Huzoor Ke Hukm Ke Mutabiq Yah Apne Qabeela Mein Pahunche Aur Islam Ka Paigam Pahunchaya Magar Un Ki Qaum Ne Un Ke Sath Bahut Bura Sulook Kiya Khana Khilana To Badi Baat Hai Paani Ka Ek Qatra Bhi Nahi Diya Balki Un Ka Mazaaq Udate Huye Aur Bura Bhala Kahte Huye Un Ko Basti Se Bahar Nikaal Diya. Yah Bhook Pyas Se Intihai Be Taab Aur Nidhaal Ho Chuke The Lachar Hokar Khule Maidan Hi Mein Ek Jagah So Gaye To Khwab Mein Dekha Ki Ek Aane Wala (Firishta) Aaya Aur Un Ko Doodh Se Bhara Hua Ek Bartan Diya Yah Us Doodh Ko Pi Kar Khub Ji Bhar Kar Sairab Ho Gaye. Khuda Ki Shaan Dekhiye Ki Jab Neend Se Bedar Huye To Na Bhook Thi Na Pyas. Us Ke Baad Gaanv Ke Kuch Achche Aur Suljhe Huye Logon Ne Ganvon Walo Ko Bura Bhala Kaha Ki Apne Hi Qabeela Ka Ek Muazzaz Aadmi Ganvon Mein Aaya Aur Tum Logon Ne Us Ke Sath Sharmnaak Qism Ki Badsulooki Kar Daali Jo Humare Qabeela Walo Ki Peshani Par Humesha Ke Liye Kalank Ka Teeka Ban Jayegi. Yah Sun Kar Ganvon Walo Ko Sharmindgi Hui Aur Wo Log Khana Peena Wagaira Lekar Maidan Mein Un Ke Paas Pahunche To Unhone Farmaya Ki Mujhe Tumhare Khane Peene Ki Ab Koi Zarurat Nahi Hai Mujh Ko To Mere Rab Ne Khila Pila Kar Sairab Kar Diya Hai Aur Phir Apne Khwab Ka

Qissa Bayan Kiya. Ganvon Walo Ne Jab Dekh Liya Ki Waqai Yah Kha Pi Kar Sairab Ho Chuke Hain Aur Un Ke Chehre Par Bhook Pyas Ka Koi Asar Wa Nishan Nahi Halanki Is Sunsan Jungle Aur Bayabaan Mein Khana Paani Kahin Se Milne Ka Koi Sawal Hi Paida Nahi Hota To Gaanv Wale Aap Ki Is Karamat Se Behad Mut'assir Huye Yahan Tak Ki Poori Basti Ke Logon Ne Islam Qabool Kar Liya. (Hujjatullah Jild 2 Page 873 Ba Hawala Baihaqi Wa Kanzul Ummal Jild 16 Page 622 Wa Mustdarak Haakim Jild 3 Page 642)

Imdad e Ghaibi Ki Ashrafiyan: Hazrat Aboo Amaama Baahali Radiallaho Ta'ala Anhu Ki Laundi Ka Bayan Hai Ki Wo Bahut Hi Sakhi Aur Faiyaaz Aadmi The Kisi Mangte Ko Bhi Apne Darwaze Se Wapas Nahi Lautate The. Ek Din Un Ke Paas Sirf Teen Hi Ashrafiyan Thi Aur Yah Us Din Roza Se The Ittefaq Se Us Din Teen Mangne Wale Darwaza Par Aaye Aur Aap Ne Teeno Ko Ek Ek Ashrafi De Di Phir So Gaye. Baandi Kahti Hain Ki Mein Ne Namaz Ke Liye Inhein Jagaya Aur Wo Wujoo Karke Masjid Mein Chale Gaye Mujhe Un Ke Haal Par Bada Taras Aaya Ki Ghar Mein Na Ek Paisa Hai Na Anaaj Ka Ek Daana Bhala Yah Roza Kis Cheez Se Iftar Karenge? Meine Ek Shakhs Se Qarz Le Kar Raat Ka Khana Taiyar Kiya Aur Chirag Jalaya Phir Mein Jab Un Ke Bistar Ko Durust Karne Ke Liye Gai To Kya Dekhti Hoon Ki 300 Ashrafiyan Bistar Par Padi Hui Hain Meine Un Ko Gin Kar Rakh Diya. Wo Namaze Isha Ke Baad Jab Ghar Mein Aaye Aur Chirag Jalta Hua Aur Bichha Hua Dastarkhwan Dekha

To Muskuraye Aur Farmaya Ki Aaj To Masha ALLAH Mere Ghar Mein ALLAH Ki Taraf Se Khair Hi Khair Hai Phir Mein Ne Unhein Khana Khilaya Aur Arz Kiya Ki ALLAH Ta'ala Aap Par Raham Farmaye Aap Un Ashrafiyon Ko Yoonhi Laparwahi Ke Sath Bistar Par Chhod Kar Chale Gaye Aur Mujh Se Kah Kar Bhi Nahi Gaye Ki Mein Un Ko Utha Leti. Aap Ne Hairan Hokar Poochha Ki Kaisi Ashrafiyan! Mein To Ghar Mein Ek Paisa Bhi Chhod Kar Nahi Gaya Tha. Yah Sun Kar Mein Ne Un Ka Bistar Utha Kar Jab Unhein Dikhaya Ki Yah Dekh Leejiye Ashrafiyan Padi Hui Hain To Wo Bahut Khush Huye Lekin Unhein Bhi Us Par Bada Ta'ajjub Hua. Phir Soch Kar Kahne Lage Ki Yah ALLAH Ta'ala Ki Taraf Se Meri Imdad e Ghaibi Hai Mein Us Ke Baare Uske Siwa Aur Kya Kah Sakta Hoon. (Huliyatul Auliya Jild 10 Page 129 Wa Shawahidunnabuwa Page 218)

Hazrate Dahiya Bin Khaleefa Radiallaho
Ta'ala Anhu

Ye Bahut Hi Buland Martaba Sahabi Hain Junge Uhud Aur Us Ke Baad Ke Tamam Islami Jungon Mein Kuffar Se Ladte Rahe. San 6 Hijri Mein Huzoor E Aqdas یہل یوَاٰ ہیعَلَی عَالٰیللاہیتَی صَلَّ مَی لَّ وَسَ Ne Un Ko Rum Ke Badshah Qaisar Ke Darbar Mein Apna Mubarak Khat De Kar Bheja Aur Qaisare Rum Huzoor ﷺ Ka Naama Mubarak Padh Kar Imaan Le Aaya Magar Us Ki Sultanat Ke Logon Ne Islam Qabool Karne Se Inkar Kar Diya. Unhone Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ki Khidmat Mein Chamde Ka Moja Bataur Nazrana Pesh Kiya Aur

Huzoor E Aqdas یمَ لَّوَسَ ی ہل وَاٰ ی ہ عَلَی ی تَعَالٰ للاہی ی صَلَّ Ne Us Ko Qabool Farmaya. Yah Madeena Munawwara Se Shaam Aa Kar Bas Gaye The Aur Hazrat Ameere Muawiya Radiallaho Ta'ala Anhu Ke Zamane Tak Zinda Rahe. (Akmaal Page 594)

Karamat

Hazrat Jibreel Un Ki Soorat Mein: Un Ki Mashhoor Karamat Yah Hai Ki Hazrat Jibreel Alaihissalam Un Ki Soorat Mein Zameen Par Nazil Hua Karte The. (Akmaal Page 594 Wa Asadul Gaaba Jild 2 Page 130)

Hazrat Saayab Bin Yazeed Radiallaho
Ta'ala Anhu

Un Ki Kunniyat Aboo Yazeed Hai Banoo Kunda Mein Se The Hijrat Ke Doosre Saal Paida Huye Aur Hajjatul Wida'a Mein Apne Walid Ke Sath Haj Kiya. Imaam Jahari Un Ke Shagird Mein Bahut Hi Mashhoor Hain. San 80 Hijri Mein Un Ki Wafat Hui. (Akmaal Page 598)

Karamat

94 Saal Ka Jawan: Huzoor E Aqdas ﷺ Ne Un Ke Sar Par Apna Daste Mubarak Phera Tha Junaid Bin Abdurrahman Ka

Bayan Hai Ki Hazrat Saayab Bin Yazeed Radiallaho Ta'ala Anhu 94 Saal Tak Nihayat Hi Tandurust Aur Mazboot Rahe Aur Kaan, Aankh, Daant Kisi Cheez Mein Bhi Kamzori Ke Aasar Nahi Paida Huye The. (Kanzul Ummal Jild 16 Page 51) Hazrat Saayab Bin Yazeed Radiallaho Ta'ala Anhu Ke Gulam Ata Kahte Hain Ki Hazrat Saayab Radiallaho Ta'ala Anhu Ke Sar Ke Agle Hisse Ke Baal Bilkul Kaale The Aur Sar Ke Pichhle Hisse Ke Sab Baal Aur Dadhi Safed Thi. Mein Ne Hairan Hokar Poochha Ki Aey Mere Aaqa! Yah Kya Mamla Hai? Mujhe Us Par Ta'ajjub Ho Raha Hai To Unhone Farmaya Ki Mein Bachpan Mein Bachchon Ke Sath Khel Raha Tha To Huzoor Nabi Kareem ﷺ Mere Paas Se Guzre Aur Mujh Se Mera Naam Poochha Mein Ne Apna Naam Saayab Bin Yazeed Bataya To Huzoor E Akram ﷺ Ne Mere Sar Par Apna Hath Mubarak Phera Jahan Tak Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ka Daste Mubarak Pahuncha Hai Wo Baal Safed Nahi Hua Aur Aage Bhi Kabhi Safed Nahi Honge.

Hazrat Salman Farsi Radiallaho Ta'ala
Anhu

Un Ki Kunniyat Aboo Abdullah Hai Aur Yah Huzoor E Aqdas ﷺ Ke Aazad Kiye Huye Gulam Hain. Yah Faras Ke Shahar 'Ramhurmuz' Ke Rahne Wale The, Majoosi Mazhab Ke Paband The Aur Un Ke Baap Majoosiyon Ki Ibadat Gaah Aatish Khana Ke Dekh Bhaal Karne Wale The. Yah Bahut Se Rahibon Aur Isai Sadhu'o

Ki Sohbat Utha Kar Majoosi Mazhab Se Bezaar Ho Gaye Aur Apne Watan Se Majoosi Deen Chhod Kar Deene Haq Ki Talash Mein Ghar Se Nikal Pade Aur Isaiyon Ki Sohbat Mein Rah Kar Isai Ho Gaye Phir Daku'o Ne Giraftar Kar Liya Aur Apna Gulam Bana Kar Bech Dala Aur Yake Baad Deegare Yah Das Aadmiyon Se Zyada Logon Ke Gulam Rahe. Jab Rasoolullah ﷺ Madeena Munawwara Tashreef Laye To Us Waqt Ek Yahoodi Ke Gulam The Jab Unhone Islam Qabool Kiya To Janab Rasoolullah ﷺ Ne Un Ko Khareed Kar Aazad Farma Diya. Junge Khandaq Mein Madeena Munawwara Shahar Ke Gird Khandaq Khodne Ka Mashwara Unhone Hi Diya Tha. Yah Bahut Hi Taqatwar The Aur Ansar Wa Muhajireen Donon Hi Un Se Muhabbat Karte The Chunanche Ansariyon Ne Kahna Shuru Kiya Ki ومنا سلمان Salman Hum Mein Se Hai Aur Muhajireen Ne Bhi Yahi Kaha Ki ومنا سلمان Yani Salman Hum Mein Se Hain. Huzoor E Akram ی یللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ka Un Par Bahut Bada Karam Tha. Jab Ansar Wa Muhajireen Ka Naara Suna To Irshad Farmaya اھل منا سلمان البيت (Yani Salman Hum Ahle Bayt Mein Se Hain) Yah Farma Kar Un Ko Apne Ahle Bayt Mein Shamil Farma Liya. Aqade Muwakhaat (Bhai Chargi) Mein Huzoor E Akram ی یللاہیتَعَالٰ صَلَّ مَی لَّیوَسَ ہل یوَاٰ ہعَلَی Ne Unko Aboo Darda Sahabi Radiallaho Ta'ala Anhu Ka Bhai Bana Diya Tha. Bade Sahaba Mein Un Ka Shumar Hai Bahut Aabid Wa Zahid Aur Muttaqi Wa Parhezgaar The. Hazrat Aaysha Siddiqa Radiallaho Ta'ala Anha Ka Bayan

Hai Ki Yah Raat Mein Bilkul Hi Akele Sohbat e Nabwi Se Sarfaraz Hua Karte The. Hazrat Ali Radiallaho Ta'ala Anhu Farmaya Karte The Ki Salman Farsi Radiallaho Ta'ala Anhu Ne Ilme Awwal Bhi Seekha Aur Ilme Aakhir Bhi Seekha Aur Wo Hum Ahle Bayt Mein Se Hain. Ahadees Mein Un Ke Fazael Wa Khoobiyan Bahut Likhi Hain. Aboo Naem Ne Farmaya Ki Un Ki Umr Bahut Zyada Hui Baaz Ka Qaul Hai 350 Baras Ki Umr Hui Aur 250 Baras Ki Umr Par Tamam Moarrakheen Ka Ittefaq Hai. San 35 Hijri Mein Aap Ki Wafat Hui Yah Maut Wali Beemari Mein The To Hazrat Sa'ad Aur Hazrat Abdullah Bin Mas'ood Radiallaho Ta'ala Anhu Un Ki Beemar Pursi (Puchhne) Ke Liye Gaye To Hazrat Salman Farsi Radiallaho Ta'ala Anhu Rone Lage Un Hazraat Ne Rone Ka Sabab Poochha To Farmaya Ki Huzoor E Aqdas ﷺ Ne Hum Logon Ko Waseeyat Ki Thi Ki Logon Duniya Mein Itna Hi Saman Rakhna Jitna Ki Ek Sawar Musafir Apne Sath Rakhta Hai Lekin Afsos Ki Mein Is Muqaddas Waseeyat Par Amal Nahi Kar Saka Kyunki Mere Paas Is Se Kuch Zaayad Saman Hai. Baaz Moarrakheen Ne Aap Ki Wafat Ka Saal 10 Rajab San 33 Hijri Ya San 34 Hijri Tahreer Kiya Hai. Mazare Mubarak Madaen Mein Hai Jo Ziyarat Gaah Hai. (Tirmizi Manaqib Salman Farsi Akmaal Page 597 Wa Hashiya Kanzul Ummal Jild 16 Page 36 Wa Asadul Gaaba Jild 2 Page 328)

Karamaat

Malkul Maut Ne Salam Kiya: Jab Aap Ke Wisaal Ka Waqt Qareeb Aaya To Aap Ne

Apni Beevi Sahiba Se Farmaya Ki Tum Ne Jo Thoda Sa Mushk Rakha Hai Us Ko Paani Mein Ghol Kar Mere Sar Mein Laga Do Kyunki Is Waqt Mere Paas Kuch Aisi Hastiyan Tashreef Lane Wali Hain Jo Na Insaan Hain Aur Na Jinn. Un Ki Beevi Sahiba Ka Bayan Hai Ki Mein Ne Mushk Ko Paani Mein Ghol Kar Un Ke Sar Mein Laga Diya Aur Mein Jaise Hi Makaan Se Bahar Nikli Ghar Ke Andar Se Aawaz Aai ہللا رسول صاحب یر عليك السالم ہللا ویل یر عليك السالم Mein Yah Aawaz Sun Kar Makaan Ke Andar Gai To Hazrat Salman Farsi Radiallaho Ta'ala Anhu Ki Rooh e Mutahhara Parwaz Kar Chuki Thi Aur Wo Is Tarah Lete Huye The Ki Goya Gahari Neend So Rahe Hain. (Shawahidunnabuwa Page 221)

Khwab Mein Apne Anjaam Ki Khabar Dena: Hazrat Abdullah Bin Salam Radiallaho Ta'ala Anhu Ka Bayan Hai Ki Mujh Se Hazrat Salman Farsi Radiallaho Ta'ala Anhu Ne Farmaya Ki Aaiye Hum Aur Aap Yah Waada Karein Ki Hum Donon Mein Se Jo Bhi Pahle Wisaal Kare Wo Khwab Mein Aakar Apna Haal Doosre Ko Bata De, Mein Ne Kaha Ki Kya Aisa Ho Sakta Hai? To Unhone Farmaya Ki Haan Momin Ki Rooh Aazad Rahti Hai Rooye Zameen Mein Jahan Chahe Ja Sakti Hai Us Ke Baad Hazrat Salman Farsi Radiallaho Ta'ala Anhu Ka Wisaal Ho Gaya. Phir Mein Ek Din Qailoola (Dophar Mein Khane Ke Baad Aaram) Kar Raha Tha To Bilkul Hi Achanak Hazrat Salman Farsi Radiallaho Ta'ala Anhu Mere Samne Aa Gaye Aur Buland Aawaz Se Unhone Kaha, اکتهويج ہللا ورمحة عليمک السالم

Mein Ne Jawab Mein اکتهويج ہللا ورمحة السالم وعليمک Kaha Aur Un Se Poochha Ki Kahiye Wisaal Ke Baad Aap Par Kya Guzari? Aur Aap Kis Martaba Par Hain? To Unhone Farmaya Ki Mein Bahut Hi Achche Haal Mein Hoon Aur Mein Aap Ko Naseehat Karta Hoon Ki Aap Humesha Khuda Par Bharosa Karte Rahein Kyunki Tavakkul Behtareen Cheez Hai, Tavakkul Behtareen Cheez Hai, Tavakkul Behtareen Cheez Hai Is Jumla Ko Unhone Teen Martaba Irshad Farmaya. (Shawahidunnabuwa Page 221) Tabsera : Is Riwayat Se Yah Maloom Hua Ki Khuda Ke Nek Bandon Ki Roohein Apne Ghar Walo Ya Doston Ke Makanon Par Jaya Karti Hain Aur Apne Mut'allqeen Ko Zaruri Hidayat Bhi Deti Rahti Hain Aur Yah Roohein Kabhi Khwab Mein Aur Kabhi Aalam e Misaal Mein Apne Misaali Jismon Ke Sath Bedari Mein Bhi Apne Mut'allqeen Se Mulaqat Karke Un Ko Hidayat Deti Aur Naseehat Farmati Rahti Hain. Chunanche Bahut Se Buzurgon Se Yah Manqool Hai Ki Unhone Wafat Ke Baad Apne Jismon Ke Sath Apni Qabron Se Nikal Kar Apne Mut'allqeen Se Mulaqat Ki Aur Neez Apne Aur Doosron Ke Halat Ke Baare Mein Baat Ki. Chunanche Mashhoor Riwayat Hai Ki Hazrat Khwaja Abul Hasan Kharqani Rahmatullah Alaih Rozana Hazrat Khwaja Bayazeed Bustaami Rahmatullah Alaih Ke Mazaar Pur Anwaar Par Haziri Diya Karte The Ek Din Hazrat Khwaja Bayazeed Bustaami Rahmatullah Alaih Qabre Munawwar Se Bahar Tashreef Laye Aur Hazrat Khwaja Abul Hasan Kharqani Rahmatullah Alaih Ko Apni Nisbate

Tareeqat Se Sarfaraz Farma Kar Khilafat Ata Farmai. Chunanche Shajra e Naqshbandiyan Padhne Wale Yah Achchi Tarah Jante Hain Ki Hazrat Khwaja Abul Hasan Kharqani Alaihirrahma Hazrat Khwaja Bayazeed Bustaami Rahmatullah Alaih Ke Khaleefa Hain Halanki Tareekhon Se Sabit Hain Ki Hazrat Khwaja Bayazeed Bustaami Rahmatullah Alaih Ki Wafat Ke Taqreeban 39 Saal Baad Hazrat Abul Hasan Kharqani Alaihirrahma Kharqaan Mein Paida Huye.

Charind Wa Parind Tabea Farman: Un Ki Mashhoor Karamat Yah Hai Ki Jungle Mein Daudte Huye Hiran Ko Bulaya To Wo Aap Ke Paas Fauran Hi Hazir Ho Gaya. Usi Tarah Ek Martaba Udti Hui Chidiya Ko Aap Ne Aawaz Di To Wo Aap Ki Aawaz Sun Kar Zameen Par Utar Padi. (Tazkira Mahmood)

Firishta Se Baat: Salma Bin Atiya Asadi Ka Bayan Hai Ki Hazrat Salman Farsi Radiallaho Ta'ala Anhu Ek Musalman Ke Paas Us Ki Ayadat Ke Liye Tashreef Le Gaye Aur Wo Jankani (Marne) Ke Aalam Mein Tha To Aap Ne Farmaya Ki Aey Firishta! Too Us Ke Sath Narmi Kar! Raawi Kahte Hain Ki Us Musalman Ne Kaha Ki Aey Salman Farsi Radiallaho Ta'ala Anhu Yah Firishta Aap Ke Jawab Mein Kahta Hai Ki Mein To Har Momin Ke Sath Narmi Hi Ikhtiyaar Karta Hoon. (Huliyatul Auliya Jild 1 Page 204)

Hazrat Abdullah Bin Ja'afar Radiallaho
Ta'ala Anhu

Ye Hazrat Ali Radiallaho Ta'ala Anhu Ke Bhai Hazrat Ja'afar Bin Abi Talib Radiallaho Ta'ala Anhu Ke Bete Hain Un Ki Walida Ka Naam 'Asma Binte Umes' Radiallaho Ta'ala Anha Hai. Un Ke Walidain Jab Hijrat Karke Habsha Chale Gaye To Yah Habsha Hi Mein Paida Huye Phir Apne Walidain Ke Sath Hijrat Karke Madeena Munawwara Aaye. Yah Bahut Hi Danishmand Wa Burdbaar, Nihayat Hi Ilm Wa Fazl Wale Aur Bahut Hi Paak Baaz Wa Parhezgaar The. Sakhawat Mein To Is Qadar Buland Martaba The Ki Un Ko الجود ربج (Sakhawat Ka Dariya) Aur املسملير(Musalmanonاخسخ Mein Sab Se Zyada Sakhi) Kahte The. 90 Baras Ki Umar Pakar San 80 Hijri Mein Madeena Munawwara Ke Andar Wafat Pai. (Akmaal Fi Asmaerrijaal Page 604) Un Ke Wisaal Ke Waqt Abdul Malik Bin Marwan Amwi Khaleefa Ki Taraf Se Madeena Munawwara Ke Haakim Hazrat Abaan Bin Usman Radiallaho Ta'ala Anhu The Un Ko Hazrat Abdullah Bin Ja'afar Radiallaho Ta'ala Anhu Ki Wafat Ki Khabar Pahunchi To Wo Aaye Aur Khud Apne Hathon Se Un Ko Ghusl Dekar Kafan Pahnaya Aur Un Ka Janaza Utha Kar Jannatul Baqeea Ke Qabristhan Tak Le Gaye. Hazrat Abaan Bin Usman Radiallaho Ta'ala Anhu Ke Aansoo Un Ke Rukhsar (Gaal) Par Bah Rahe The Aur Wo Zor Zor Se Yah Kah Rahe The Ki Aey Abdullah Bin Ja'afar! Aap Bahut Hi Behtareen Aadmi The, Aap Mein Kabhi Koi

Burai Thi Hi Nahi, Aap Shareef The, Logon Ke Sath Nek Bartao Karne Wale Neko Kaar The. Phir Hazrat Abaan Bin Usman Radiallaho Ta'ala Anhu Ne Aap Ke Janaza Ki Namaz Padhai. Aap Ki Umr Shareef Ke Baare Mein Ikhtilaaf Hai Baaz Ne Kaha Ki Aap Ki Umr 90 Baras Ki Thi Aur Baaz Ka Kahna Hai Ki 92 Baras Ki Umr Mein Aap Ne Wisaal Farmaya. Isi Tarah Aap Ke Wisaal Ke Saal Mein Bhi Ikhtilaaf Hai San 80 Hijri, San 81 Hijri, San 85 Hijri Teen Aqwaal Hain. (Asadul Gaaba Jild 3 Page 133-135)

Karamaat

Sajda Gaah Se Chashma Ubal Pada: Hazrat Abdullah Bin Zubair Radiallaho Ta'ala Anhu Ka Bayan Hai Ki Mein Ne Hazrat Abdullah Bin Ja'afar Radiallaho Ta'ala Anhu Se Kaha Ki Mere Baap Ke Zimme Tumhara Kuch Qarz Baqi Hai Aap Ne Farmaya Ki Mein Ne Us Ko Maaf Kar Diya. Mein Ne Un Se Kaha Ki Mein Us Qarz Ko Maaf Karana Hargiz Hargiz Pasand Nahi Karunga Haan Yah Aur Baat Hai Ki Mere Paas Naqad Raqam Nahi Hai Lekin Mere Paas Zameenein Hain Aap Meri Falan Zameen Apne Is Qarz Mein Le Leejiye Magar Us Zameen Mein Kunva Nahi Hai Aur Seenchai Ke Liye Doosra Koi Zariya Bhi Nahi Hai. Aap Ne Farmaya Ki Bahut Achcha Hai Baharhaal Meine Aap Ki Wo Zameen Le Li. Phir Aap Us Zameen Mein Tashreef Le Gaye Aur Woan Pahunch Kar Apne Gulam Ko Musalla Bichhane Ka Hukm Diya Aur Aap

Ne Us Jagah Do Rak'at Namaz Padhi Aur Badi Der Tak Sajda Mein Pade Rahe Phir Musalla Utha Kar Aap Ne Gulam Se Farmaya Ki Us Jagah Zameen Khodo Gulam Ne Zameen Khodi To Achanak Woan Se Paani Ka Ek Aisa Chashma (Sota) Ubal Ne Laga Jis Se Na Sirf Us Zameen Balki Aas Paas Ki Tamam Zameenon Ki Seenchai Wa Sairabi Ka Intazam Ho Gaya. (Asadul Gaaba Jild 3 Page 135)

Qabr Par Ash'aar: Aap Ki Qabr Munawwar Par Do Ash'aar Likhe Huye Dekhe Gaye Magar Yah Nahi Maloom Ho Saka Ki Yah Kis Ke Ash'aar Hain Aur Kis Ne Likhe Hain? Isliye Hum Us Ko Aap Ki Ek Karamat Shumar Karte Hain. Ash'aar Yah Hai:- قريب انت و ججير ال لقاؤك * حلقه ہللا بيعث ان ایل مقير (Aap Us Waqt Tak Yahan Thahare Rahenge Jab Ki ALLAH Ta'ala Apni Makhlooq Ko Qabron Se Uthayega Aap Ki Mulaqat Ki Koi Ummeed Hi Nahi Ki Ja Sakti Halanki Aap Bahut Hi Qareeb Hain.) حبيب انت و تبىل امك وتنىس * وليهل يوم لك فخ بىل تذيد (Aap Har Din Aur Har Raat Purane Hote Jayenge Aur Jaise Jaise Aap Purane Hote Jayenge Log Aap Ko Bhoolte Jayenge Halanki Aap Har Shakhs Ke Mahboob Hain.) (Asadul Gaaba Jild 3 Page 135) Tabsera : Hazrat Abaan Radiallaho Ta'ala Anhu Hazrat Ameerul Momineen Usman Radiallaho Ta'ala Anhu Ke Bete Aur Khandan Banoo Umaiya Ke Ek Mumtaz Shakhs Hain

Aur Hazrat Abdullah Bin Ja'afar Radiallaho Ta'ala Anhu Khandan e Banoo Hashim Ke Chashmon Chirag Hain Aur Bavajood Yah Ki Donon Khandanon Mein Khandani Jhagde Ki Bina Par Khusoosan Hazrat Usman Gani Radiallaho Ta'ala Anhu Ki Shahadat Ke Baad Tanaav Raha Karta Tha Magar Hazrat Abaan Radiallaho Ta'ala Anhu Bavajood Yah Ki Usmani The Khandan e Banoo Umaiya Ke Ek Naamwar Bete The Phir Amwi Khaleefa Abdul Malik Bin Marwan Ki Taraf Se Haakim The Lekin Un Sab Wajoohat Ke Bavajood Unhone Haakim e Madeena Munawwara Hote Huye Hazrat Abdullah Bin Ja'afar Radiallaho Ta'ala Anhu Ko Ghusl Diya, Kafan Pahnaya Aur Jannatul Baqeea Ke Qabristhan Tak Rote Huye Janaza Uthaya Us Se Pata Chalta Hai Ki Hazrat Abaan Bin Usman Radiallaho Ta'ala Anhu Bahut Hi Nek Nafs Aur Khandani Jhagde Se Bilkul Paak Saaf The Aur Hazrat Abdullah Bin Ja'afar Radiallaho Ta'ala Anhu Is Qadar Maqbool Khalaeq The Ki Khandan e Banoo Hashim Wa Khandan e Banoo Umaiya Donon Ki Nigahon Mein Intihai Muhataram Wa Muazzam The. Wallahu Ta'ala Aa'alam

Hazrat Zuwaib Bin Kaleeb Radiallaho
Ta'ala Anhu

Hazrat Zuwaib Bin Kaleeb Bin Rabeea Kholani Radiallaho Ta'ala Anhu Ne Yaman Ki Sar Zameen Mein Sab Se Pahle Islam Qabool Kiya To Rasoolullah ﷺ Ne Un Ka Naam Abdullah Rakha.

Karamat

Aag Nahi Jala Saki: Un Ki Intihai Hairatnak Karamat Yah Hai Ki Aswad Ansi Ne Jab Yaman Ke Shahar Sana'a Mein Nubuwat Ka Daawa Kiya Aur Logon Ko Apna Kalma Padhne Par Majboor Karne Laga To Hazrat Zuwaib Bin Kaleeb Radiallaho Ta'ala Anhu Ne Badi Sakhti Ke Sath Us Ki Jhoothi Nubuwat Ka Inkar Karte Huye Logon Ko Us Ki Pairvi Se Rokna Shuru Kar Diya. Us Se Jal Bhoon Kar Aswad Ansi Zalim Ne Aap Ko Giraftar Karke Jalti Hui Aag Ke Sholo Mein Daal Diya Magar Aag Se Badan To Kiya Un Ke Jism Ke Kapde Bhi Nahi Jale Yahan Tak Ki Poori Aag Jal Kar Bujh Gai Aur Yah Zinda Salamat Rahe. Jab Yah Khabar Madeena Munawwara Pahunchi To Huzoor E Akram یللاہی صَلَّ مَی لَّ یوَسَ ہل یوَاٰ ہیعَلَی تَعَالٰ Ne Is Ajeeb Wa Gareeb Karamat Ka Tazkira Farmate Huye Irshad Farmaya Ki Yah Shakhs Meri Ummat Mein Hazrat Khaleel Alaihissalam Ki Tarah Aag Ke Sholo Mein Jalne Se Mahfooz Raha. Aur Ek Riwayat Mein Hai Ki Huzoor E Akram ﷺ Ki Zabane Mubarak Se Yah Khabar Sun Kar Hazrat Umar Radiallaho Ta'ala Anhu Ne Ba Aawaze Buland Yah Kaha Ki Alhamdulillah! Ki Humare Rasoolullah یمَ لَّوَسَ ی ہل وَاٰ ی ہعَلَی ی تَعَالٰ للاہی ی صَلَّ Ki Ummat Mein ALLAH Ta'ala Ne Ek Aise Shakhs Ko Bhi Paida Farmaya Jo Hazrat Ibrahim Khaleelullah Alaihissalam Ki Tarah Aag Ke Sholo Mein Jalne Se Mahfooz Raha. (Hujjatullah Jild 2 Page 874 Wa Asadul Gaaba Jild 2 Page 148) Tabsera : Huzoor E Akram ﷺ Ki

Maujoodgi Mein Do Jhoothon Ne Nubuwat Ka Daawa Kiya Ek 'Muslematul Qazzab' Aur Ek 'Aswad Ansi'. Huzoor E Akram ﷺ Ki Maujoodgi Hi Mein Hazrat Firoz Dailmi Aur Hazrat Qais Bin Abd Radiallaho Ta'ala Anhuma Ne Aswad Ansi Ko Is Tarah Qatl Kiya Ki Hazrat Firoz Dailmi Us Ko Pachhaad Kar Us Ke Seene Par Chadh Gaye Aur Hazrat Qais Radiallaho Ta'ala Anhu Ne Us Ka Sar Kaat Liya Magar Muslematul Qazzab Ko Hazrat Aboo Bakr Siddiq Radiallaho Ta'ala Anhu Ki Fauj Ne Qatl Kiya Aur Yah Donon Jhoothe Nubuwat Ke Daawedar Duniya Se Fana Ho Gaye. (Akmaal Page 585 Wagaira)

Hazrat Hamza Bin Amr Aslami
Radiallaho Ta'ala Anhu

Un Ke Walid Ka Naam Amr Tha Jo Ibne Awemar Bin Haaris Aa'araj Ke Naam Se Mashhoor Hai. Ahle Hijaaz Ne Un Ki Hadeeson Ko Bayan Kiya Hai, San 61 Hijri Mein 71 Ya 80 Baras Ki Umr Mein Wafat Hui. (Akmaal Page 560 Wa Asadul Gaaba Jild 2 Page 50)

Karamat

Ungliyan Roshan Ho Gai: Un Ki Ek Bahut Hi Ajeeb Karamat Yah Hai Ki Log Huzoor E Akram ﷺ Ke Sath Jihad Mein Gaye The Ittefaq Se Huzoor E Akram ﷺ Ka Sath

Chhoot Gaya Aur Yah Chand Aadmi Sakht Andheri Raat Mein Idher Udher Bikhar Gaye Na Kisi Ko Rasta Milta Tha Na Ek Doosre Ki Khabar Thi. Is Pareshani Wa Hairani Ke Aalam Mein Ek Dam Achanak Un Ki Paanchon Ungliyan Is Qadar Roshan Ho Gai Ki Us Ki Roshani Mein Sab Ko Rasta Nazar Aa Gaya Aur Sab Bikhre Huye Log Ikattha Ho Gaye Aur Halakat Wa Barbadi Se Bach Gaye. (Dalaelunnabuwa Jild 3 Page 206)

Hazrat Ya'ala Bin Murra Radiallaho
Ta'ala Anhu

Yah Qabeela Banoo Saqeef Mein Se Hain, Bahut Hi
Bahadur Aur Janbaz Sahabi The. Bahut Si Islami Ladaiyon
Mein Shareek e Jihad Rahe Aur Muhaddiseen Ki Bahut Badi
Jama'at Ne Un Se Hadeeson Ka Dars Liya Aur Koofa Ke
Muhaddiseen Mein Un Ka Shumar Hai. (Akmaal Page 623)

Karamat

Azabe Qabr Ki Aawaz Sun Li: Un Ka Bayan Hai Ki Hum Log Rasoole Khuda ی یللاہیتَعَالٰ صَلَّ یمَ لَّ یوَسَ ہل یوَاٰ ہعَلَی Ke Sath Sath Qabristhan Mein Se Guzre To Mein Ne Ek Qabr Mein Dhamaka Suna, Ghabra Kar Mein Ne Arz Kiya Ki Ya Rasoolullah! Mein Ne Ek Qabr Mein Dhamaka Ki Aawaz Suni Hai Aap Ne Farmaya Ki Too Ne Is Dhamaka Ki Aawaz Sun Li? Mein Ne Arz Kiya Ki Ji Haan! Irshad Farmaya Ki Theek Hai Ek Qabr Wale Ko Us Ki Qabr

Mein Azaab Diya Ja Raha Hai Yah Usi Azaab Ki Aawaz Ka Dhamaka Tha Jo Ki Too Ne Suna. Mein Ne Arz Kiya Ki Ya Rasoolullah! Is Qabr Wale Ko Kis Gunah Ke Sabab Azaab Diya Ja Raha Hai? Aap Ne Farmaya Ki Yah Shakhs Chugalkhori Kiya Karta Tha Aur Apne Badan Aur Kapdon Ko Peshab Se Nahi Bachata Tha. (Hujjatullah Jild 2 Page 874 Ba Hawala Baihaqi)

Hazrat Abdullah Bin Abbas Radiallaho Ta'ala Anhu Yah Huzoor E Akram ﷺ Ke Chacha Hazrat Abbas Radiallaho Ta'ala Anhu Ke Bete Hain. Huzoor یللاہی لَّصَی مَی لَّیوَسَ ہل یوَاٰ ہ یعَلَی تَعَالٰ Ne Un Ke Liye Hikmat Aur Fiqh Wa Tafseer Ke Uloom Ke Hasil Hone Ke Liye Dua Mangi. Un Ka Ilm Bahut Zyada Tha Isiliye Kuch Log Un Ko Bahar (Dariya) Kahte The Aur Jaralaama (Ummat Ka Bahut Bada Aalim) Yah To Aap Ka Bahut Hi Mashhoor Laqab Hai. Yah Bahut Hi Khubsoorat Aur Gore Rang Ke Nihayat Hi Haseen Wa Khubsoorat Shakhs The. Hazrat Umar Radiallaho Ta'ala Anhu Un Ko Km Umri Ke Bavajood Umoore Khilafat Ke Aham Tareen Mashwaron Mein Shareek Karte Rahe. Les Bin Abi Saleem Ka Bayan Hai Ki Meine Taaos Muhaddis Se Kaha Ki Tum Us Nav Umr Shakhs (Abdullah Bin Abbas) Ki Darsgaah Se Chimte Huye Ho Aur Bade Sahaba Ki Darsgaahon Mein Nahi Ja Rahe Ho. Taaos Muhaddis Ne Farmaya Ki Mein Ne Yah Dekha Hai Ki 70 Sahaba E Kiraam Jab Un Ke Beech Kisi Masla Mein Ikhtilaaf Hota Tha To Wo Sab Hazrat Abdullah Bin

Abbas Radiallaho Ta'ala Anhu Ke Qaul Par Amal Karte The Isliye Mujhe Un Ke Ilm Par Bharosa Hai Isliye Mein Un Ki Dargaah Chhod Kar Kahin Nahi Ja Sakta. Aap Par Khaufe Khuda Ka Bahut Zyada Galba Rahta Aap Is Qadar Zyada Rote Ki Aap Ke Donon Gaalon Par Aansu'o Ki Dhaar Bahne Ka Nishan Pad Gaya Tha. San 68 Hijri Mein Taaef Mein 71 Baras Ki Umr Mein Wisaal Hua. (Akmaal Page 604 Wa Asadul Gaaba Jild 3 Page 192)

Karamaat

Un Ki Karamaton Mein Se Teen Karamatein Bahut
Zyada Mashhoor Hain Jo Yah Hai-

Kafan Mein Parinde: Maimoon Bin Mahraan Taabae Muhaddis Ka Bayan Hai Ki Mein Taaef Mein Hazrat Abdullah Bin Abbas Radiallaho Ta'ala Anhu Ke Janaza Mein Hazir Tha Jab Log Namaze Janaza Ke Liye Khade Huye To Bilkul Hi Achanak Nihayat Tezi Ke Sath Ek Safed Parinda Aaya Aur Un Ke Kafan Ke Andar Dakhil Ho Gaya, Namaz Ke Baad Hum Logon Ne Tatool Tatool Kar Bahut Talash Kiya Magar Us Parinda Ka Kuch Bhi Pata Nahi Chala Ki Wo Kahan Gaya Aur Kya Hua? (Mustatraf Jild 2 Page 281)

Ghaibi Aawaz: Jab Log Hazrat Abdullah Bin Abbas Radiallaho Ta'ala Anhu Ko Dafan Kar Chuke Aur Qabr Par Mitti Barabar Ki Ja Chuki To Tamam Logon Ne Ek Ghaibi Aawaz Suni Ki

Koi Shakhs Buland Aawaz Se Yah Tilawat Kar Raha Hai ه مرضي راضية ربك ایل ارجیع املطمئنة النفس اييیر (Aey Sukoon Pane Wali Jaan! Too Apne Rab Ke Darbar Mein Is Tarah Hazir Ho Ja Ki Too Khuda Se Khush Hai Aur Khuda Tujh Se Khush Hai.) (Musttaraf Jild 2 Page 1, Kanzul Ummal Jild 16 Page 73 Wa Hashiya Kanzul Ummal)

Hazrat Sabit Bin Qais Radiallaho Ta'ala
Anhu

Madeena Munawwara Ke Ansari Hain Aur Khandan e Khazraj Se Un Ka Nasabi Ta'alluq Hai, Bade Sahaba Ki Fehrist Mein Un Ka Naame Naami Bahut Hi Mashhoor Hai. Yah Rasoolullah ﷺ Ke Khateeb The Aur Un Ko Huzoor E Aqdas یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ne Behtareen Zindagi, Phir Shahadat, Phir Jannat Ki Basharat Di Thi. San 12 Hijri Mein Jung Ymaama Ke Din Muslematul Qazzab Ki Faujon Se Jung Karte Huye Shahadat Se Sar Buland Ho Gaye. (Akmaal Page 588 Wagaira)

Karamat

Maut Ke Baad Waseeyat: Un Ki Yah Ek Karamat Aisi Be Misl Karamat Hai Ki Us Ki Doosri Koi Misaal Nahi Mil Sakti. Shaheed Ho Jane Ke Baad Aap Ne Ek Sahabi Se Khwab Mein Yah Farmaya Ki

Aey Shakhs! Tum Ameere Lashkar Hazrat Khalid Bin Walid Se Mera Yah Paigam Kah Do Ki Mein Jis Waqt Shaheed Hua Mere Jism Par Lohe Ki Ek Zirah Thi Jis Ko Ek Musalman Sipahi Ne Mere Badan Se Utaar Liya Aur Apne Godha Bandhne Ki Jagah Par Us Ko Rakh Kar Us Par Ek Haandi Aaundhi Karke Us Ko Chhipa Rakha Hai Isliye Mera Lashkar Meri Is Zirah Ko Talash Karke Apne Qabze Mein Le Lein. Aur Tum Madeena Munawwara Pahunch Kar Ameerul Momineen Hazrat Aboo Bakr Siddiq Radiallaho Ta'ala Anhu Se Mera Yah Paigam Kah Dena Ki Mujh Par Jo Qarz Hai Wo Us Ko Ada Kar Dein Aur Mera Falan Gulam Aazad Hai. Khwab Dekhne Wale Sahabi Ne Apna Khwab Hazrat Khalid Bin Walid Radiallaho Ta'ala Anhu Se Bayan Kiya To Unhone Fauran Hi Talashi Li Aur Waqai Theek Usi Jagah Se Zirah Nikli Jis Jagah Ka Khwab Mein Aap Ne Nishan Bataya Tha Aur Jab Ameerul Momineen Hazrat Aboo Bakr Siddiq Radiallaho Ta'ala Anhu Ko Yah Khwab Sunaya Gaya To Aap Ne Hazrat Sabit Bin Qais Radiallaho Ta'ala Anhu Ki Waseeyat Ko Nafiz Karte Huye Un Ka Qarz Ada Farma Diya Aur Un Ke Gulam Ko Aazad Qarar De Diya. Mashhoor Sahabi Hazrat Anas Bin Maalik Radiallaho Ta'ala Anhu Farmaya Karte The Ki Yah Hazrat Sabit Bin Qais Radiallaho Ta'ala Anhu Ki Wo Khusoosiyat Hai Jo Kisi Ko Bhi Naseeb Nahi Hui Kyunki Aisa Koi Shakhs Bhi Mere Ilm Mein Nahi Hai Ki Us Ke Mar Jane Ke Baad Khwab Mein Ki Hui Us Ki Waseeyat Ko Nafiz Kiya Gaya Ho. (Tafseer Saawi Jild 2 Page 108)

Hazrat Ala Bin Hazarmi Radiallaho
Ta'ala Anhu

Un Ka Asli Naam Abdullah Aur Un Ka Asli Watan 'Hazar Maut' Hai. Yah Shuru Islam Hi Mein Musalman Ho Gaye The Huzoor E Akram ﷺ Ne Un Ko Bahren Ka Haakim Bana Diya. San 14 Hijri Mein Ba Halate Jihad Aap Ki Wafat Hui. (Akmaal Page 607)

Karamaat

Hazrat Aboo Huraira Radiallaho Ta'ala Anhu Farmate Hain Ki Jab Ameerul Momineen Hazrat Aboo Bakr Siddiq Radiallaho Ta'ala Anhu Ne Bahren Ke Murtadeen Se Jihad Karne Ke Liye Hazrat Ala Bin Hazarmi Radiallaho Ta'ala Anhu Ko Bheja To Hum Logon Ne Un Ki Teen Karamatein Aisi Dekhi Hain Ki Mein Yah Nahi Kah Sakta Ki Un Teen Mein Se Kaun Si Zyada Ta'ajjub Khez Aur Hairat Angez Hai.

Paidal Aur Sawar Dariya Ke Paar: 'Daar Bin' Par Hamla Karne Ke Liye Kashtiyon Aur Jahazon Ki Zarurat Thi Magar Kashtiyon Ke Intazam Mein Bahut Lambi Muddat Chahiye Thi Isliye Hazrat Ala Bin Hazarmi Radiallaho Ta'ala Anhu Ne Apne Lashkar Ko Lalkaar Kar Pukara Ki Aey Mujahideene Islam! Tum Log

Khushk Maidanon Mein To Khudavand E Quddoos Ki Imdad Wa Nusrat Ka Nazara Baar Baar Dekh Chuke Ab Agar Samundar Mein Bhi Us Ki Madad Ka Jalwa Dekhna Ho To Tum Sab Log Samundar Mein Dakhil Ho Jao Aap Ne Yah Kaha Aur Apne Lashkar Ke Sath Yah Dua Padhte Huye Samundar Mein Dakhil Ho Gaye انت اال اهل ال قيوم یر یحم یر ج یر مصد یر حد یر حلير یر كرير یرالرمحير ارمح یر Koi Unt Par Sawar Tha, Koi Ghode Par, Koi Gadhe Par Sawar Tha, Koi Khachchar Par Aur Bahut Se Paidal Chal Rahe The Magar Samundar Mein Qadam Rakhte Hi Samundar Ka Paani Khushk Hokar Is Qadar Rah Gaya Ki Janwaron Ke Sirf Panv Tar Huye The. Poora Islami Lashkar Is Tarah Aaram Wa Rahat Ke Sath Samundar Mein Chal Raha Tha Goya Bheege Huye Ret Par Chal Raha Hai Jis Par Chalna Nihayat Hi Sahal Aur Aasan Hota Hai. Chunanche Is Karamat Ko Dekh Kar Ek Musalman Mujahid Ne Jin Ka Naam Afeef Bin Manzar Tha Fauran Apne In Do Sheron Mein Is Ka Aisa Manzar Kheecha Hai Jo Bila Shubah Wajd Paida Karne Wala Hai:- الجالئل ىاحد لكفار یج خلايخ و ره بج ذلل ہللا ان ي امل (Kya Tum Ne Nahi Dekha Ki ALLAH Ta'ala Ne Un Mujahidon Ke Liye Samundar Ko Farmabardar Bana Diya Aur Kuffar Par Ek Bahut Badi Musibat Nazil Farma Di.) وائل اال البحار فلق من بعج یج اءیخفخج البحار شق ایل دعویخ (Hum Logon Ne Samundar Ke Phat Jane Ki Dua Mangi To Khuda Ne Us Se Kahin Zyada Ajeeb Waqia Humare Liye Pesh Farma Diya Jo Dariya Phadne Ke Silsile Mein Pahle Logon Ke Liye Hua Tha.) (Al Bidaya Wan Nihaya Jild 7 Page 329

Wa Dalaelunnabuwa Jild 3 Page 208)

Chamakti Ret Se Paani Zahir Ho Gaya: Doosri Karamat Yah Hai Ki Hum Log Chatyal Maidan Mein Jahan Paani Bilkul Hi Nahi Tha Pyas Ki Sakhti Se Be Taab Ho Gaye Aur Bahut Se Mujahideen Ko To Apni Halakat Ka Yaqeen Bhi Ho Gaya. Apne Lashkar Ka Yah Haal Dekh Kar Hazrat Ala Bin Hazarmi Radiallaho Ta'ala Anhu Ne Namaz Padh Kar Dua Mangi To Ek Dam Achanak Logon Ko Bilkul Hi Qareeb Sookhi Ret Par Paani Chamakta Hua Nazar Aa Gaya. Aur Ek Riwayat Mein Yah Hai Ki Achanak Ek Badli Zahir Hui Aur Itna Paani Barsa Ki Jal Thal Ho Gaya Aur Saara Lashkar Janwaron Samet Paani Se Sairab Ho Gaya Aur Lashkar Walo Ne Apne Tamam Bartanon Ko Bhi Paani Se Bhar Liya. (Tabri Jild 3 Page 257 Wa Dalaelunnabuwa Jild 3 Page 208)

Laash Qabr Se Gayab: Teesri Karamat Yah Hai Ki Hazrat Ala Bin Hazarmi Radiallaho Ta'ala Anhu Ka Wisaal Hua To Hum Logon Ne Un Ko Reteeli Zameen Mein Dafan Kar Diya Phir Hum Logon Ko Khyaal Aaya Ki Koi Jungli Janwar Aasani Ke Sath Un Ki Laash Ko Nikaal Kar Kha Dalega Lihaza Un Ko Kisi Aabadi Ke Qareeb Sakht Zameen Mein Dafan Karna Chahiye. Chunanche Hum Logon Ne Fauran Hi Palat Kar Un Ki Qabr Ko Khoda To Un Ki Muqaddas Laash Qabr Se Gayab Ho Chuki Thi Aur Talash Ke Bavajood Hum Logon

Ko Nahi Mili. (Dalaelunnabuwa Jild 3 Page 208)

Hazrat Bilal Radiallaho Ta'ala Anhu

Aap Bahut Hi Mashhoor Sahabi Hain, Aap Ke Walid Ka Naam Rebaah Hai Yah Habsha Ke Rahne Wale The Aur Makka Mukarrama Mein Ek Kafir Umaiya Bin Khalaf Ke Gulam The Usi Haal Mein Musalman Ho Gaye. Umaiya Bin Khalaf Ne Un Ko Bahut Sataya Aur Un Par Bade Bade Zulm Wa Sitam Ke Pahad Tode Magar Yah Pahad Ki Tarah Islam Par Datey (Sabit Qadam) Rahe. Hazrat Aboo Bakr Siddiq Radiallaho Ta'ala Anhu Ne Ek Badi Raqam Aur Ek Gulam De Kar Un Ko Umaiya Bin Khalaf Se Khareed Liya Aur ALLAH Wa Rasool Ki Khushi Ke Liye Un Ko Aazad Kar Diya Isiliye Hazrat Umar Radiallaho Ta'ala Anhu Farmaya Karte The Ki Aboo Bakr Humare Sardar Hain Aur Unhone Humare Sardar (Bilal) Ko Aazad Kiya. Khuda Ki Shaan Ki Junge Badr Mein Umaiya Bin Khalaf Ko Hazrat Bilal Hi Ne Chand Ansariyon Ki Madad Se Qatl Kiya. Tamam Islami Jihadon Mein Mujahidana Shaan Ke Sath Jihad Farmate Rahe Aur Masjide Nabwi Ke Muazzin Bhi Rahe. Wisaal e Nabwi Ke Baad Madeena Tayyaba Mein Rahna Aur Huzoor E Aqdas ﷺ Ki Jagah Ko Khaali Dekhna Un Ke Liye Na Qabile Bardasht Ho Gaya. Rasool Ki Judai Mein Har Waqt Rote Rahte Isliye Madeena Munawwara Ko Khair Baad Kah Diya Aur Mulke Shaam Mein Sukoonat Ikhtiyar Kar Li Phir San 20 Hijri Mein 63 Baras Ki Umr Pa Kar Shahar e Damishq Mein Wisaal Farmaya Aur Babussageer Mein Dafan Huye Aur Baaz

Moarrakheen Ka Qaul Hai Ki Aap Ka Wisaal Shahar e Halab Mein Hua Aur Babul Arbaen Mein Aap Ki Qabr Mubarak Banai Gai. Wallahu Ta'ala Aa'alam (Akmaal Fi Asmaerrijaal Page 507)

Karamat

Khwab Mein Huzoor Ka ﷺ Deedar: Ek Martaba Khwab Mein Sarware Aalam یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ki Ziyarat Se Sarfaraz Huye To Huzoor E Akram یہیعَلَی یللاہیتَعَالٰ صَلَّ مَی لَّ یوَسَ ہل وَاٰ Ne Pyar Bhare Lahaje Mein Irshad Farmaya Yah Kya Andaz Hai Ki Tum Humare Paas Kabhi Nahi Aate. Khwab Se Bedar Huye To Is Qadar Beqarar Ho Gaye Ki Fauran Hi Unt Par Sawar Hokar Safar Mein Nikal Pade Jab Madeena Munawwara Mein Rauza e Anwar Ke Paas Pahunche To Shiddat e Gam Se Gash Kha Kar Gir Pade Aur Zameen Par Lotne Lage Jab Kuch Sukoon Hua To Hazrat Imaam Hasan Wa Imaam Husain Radiallaho Ta'ala Anhuma Ne Azaan Ki Farmaish Ki. Pyare Rasool Ke Ladlon Ki Farmaish Par Inkar Ki Gunjaish Hi Nahi Thi Aap Ne Masjide Nabwi Mein Azaan Di Aur Zamana e Nubuwat Ki Bilali Azaan Jab Ahle Madeena Ke Kaan Par Padi To Ek Kohram Mach Gaya Yahan Tak Ki Parda Nasheen Auratein Joshe Be Qarari Mein Gharon Se Bahar Nikli Aur Har Chhota Bada Daure Nubuwat Ki Yaad Se Be Qarar Ho Kar Zaar Zaar Rone Laga. Chand Dinon Madeena Munawwara Mein Rah Kar Phir

Aap Mulke Shaam Chale Gaye. (Asadul Gaaba Jild 1 Page 206-209)

Hazrat Hanzala Bin Hazeem Radiallaho Ta'ala Anhu Yah Huzoor E Akram ﷺ Ke Sahabi Hain. Ek Martaba Apne Baap Ke Sath Darbare Nubuwat Mein Hazir Huye Aur Unke Baap Ne Un Ke Liye Dua Ki Darkhwast Ki Huzoor Rahmate Aalam ﷺ Ne Shafqat Se Apna Daste Aqdas Un Ke Sar Par Phera Jis Ki Badaulat Un Ko Neeche Likhi Gayi

Karamat Mili. (Asadul Gaaba Jild 2 Page 65)

Karamat

Sar Lagte Hi Beemari Khatm: Jis Qism Ka Bhi Koi Mareez Insaan Ya Janwar Jab Un Ke Paas Laya Jata To Yah Apna Sar Us Beemar Ke Badan Par Laga Dete The To Fauran Shifa Hasil Ho Jati Thi Aur Ek Riwayat Mein Yah Hai Ki Yah Apne Hath Mein Apna Luaabe Dahan (Thook) Laga Kar Apne Sar Par Rakhte Aur Yah Dua Padhte, ہللا رسول يد ايَ عىل ہللا بمس Phir Apna Hath Mareez Ke Dard Par Pher Dete To Fauran Mareez Shifayaab Ho Jata. (Kanzul Ummal Jild 15 Page 327 Matbooa Hyderabad)

Hazrat Abuzar Ghiffari Radiallaho
Ta'ala Anhu

Un Ka Isme Girami Jundub Bin Janada Hai Magar Apni Kunniyat Ke Sath Zyada Mashhoor Hain. Bahut Hi Buland Bade Sahabi Hain Aur Yah Apne Zuhadon Sabr Aur Taqwa Wa Ibadat Ke Aitebar Se Tamam Sahaba E Kiraam Mein Ek Khusoosi Imtiyaz Rakhte Hain. Shuru Islam Hi Mein Musalman Ho Gaye The Yahan Tak Ki Baaz Moarrakheen Ka Qaul Hai Ki Islam Lane Mein Un Ka Panchva Number Hai. Unhone Makka Mukarrama Mein Islam Qabool Kiya Phir Apne Watan Qabeela Bani Gifaar Mein Chale Gaye Phir Junge Khandaq Ke Baad Hijrat Karke Madeena Munawwara Pahunche Aur Huzoor ﷺ Ke Wisaal Ke Baad Kuch Dinon Ke Liye Mulke Shaam Chale Gaye Phir Woan Se Laut Kar Madeena Munawwara Aaye Aur Madeena Munawwara Se Kuch Meel Door Maqame 'Rubza' Mein Bas Gaye. (Akmaal Page 594) Bahut Se Sahaba Aur Taabaen Ilme Hadees Mein Aap Ke Shagird Hain. Hazrat Usman Gani Radiallaho Ta'ala Anhu Ki Khilafat Mein Ba Maqame Rabza San 32 Hijri Mein Aap Ne Wafat Pai. (Akmaal Page 594) Un Ke Baare Mein Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ka Irshad e Girami Hai Ki Jis Shakhs Ko Hazrat Isa Alaihissalam Ki Ziyarat Ka Shauq Ho Wo Aboo Zar Ka Deedar Kar Le. (Kanzul Ummal Jild 12 Page 255)

Karamaat

Jungle Mein Kafan: Riwayat Mein Hai Ki Hazrat Aboo Zar Gifari Radiallaho Ta'ala Anhu Ke Wisaal Ka Waqt Qareeb Aaya To Un Ki Beevi Sahiba Rone Lagi Aap Ne Poochha Beevi Tum Roti Kyun Ho? Beevi Ne Jawab Diya Ki Kyun Na Ro'u Jungle Mein Aap Wisaal Farma Rahe Hain Aur Humare Paas Na Kafan Hai Na Koi Aadmi Mujhe Yah Fikr Hai Ki Is Jungle Mein Aap Ki Tajheez Wa Takfeen Ka Mein Kahan Se Aur Kaise Intezam Karungi? Aap Ne Farmaya Tum Mat Ro'o Aur Fikr Na Karo Rasoole Akram ﷺ Ne Farmaya Ki Mere Sahaba Mein Se Ek Shakhs Jungle Mein Wisaal Farmayega Aur Us Ke Janaza Mein Musalmanon Ki Ek Jama'at Hazir Ho Jayegi. Mujhe Yaqeen Hai Ki Jungle Mein Wisaal Karne Wala Wo Sahabi Mein Hi Hoon Isliye Tum Fikr Na Karo Aur Intezar Karo Mumkin Hai Koi Jama'at Aa Rahi Ho Yah Kah Kar Hazrat Aboo Zar Gifari Radiallaho Ta'ala Anhu Wisaal Farma Gaye. Un Ki Beevi Ka Bayan Hai Ki Wisaal Ke Thodi Der Ke Baad Bilkul Achanak Chand Sawar Aa Gaye Aur Ek Naujawan Ne Apni Gathadi Mein Se Ek Kafan Nikaala Aur Aap Us Kafan Mein Madfoon Huye Aur Sawaron Ki Us Jama'at Ne Nihayat Hi Ahatmam Ke Sath Tajheez Wa Takfeen Aur Namaze Janaza Wa Dafan Ka Intazam Kiya. (Al Kalamul Mubeen Wa Kanzul Ummal Jild 15 Page 284 Matbooa Hyderabad)

Sirf Zamzam Par Zindagi: Bukhari Shareef Ki Riwayat Hai Ki Jab Hazrat Aboo Zar Gifari Radiallaho Ta'ala Anhu Musalman Huye To Rozana

Masjide Haram Mein Jakar Apne Islam Ka Ailan Karte Rahte Aur Kuffare Makka Un Ko Is Qadar Marte The Ki Yah Marne Ke Qareeb Ho Jate The Aur Hazrat Abbas Radiallaho Ta'ala Anhu Un Ko Logon Se Yah Kar Bachaya Karte The Ki Yah Qabeela Gifaar Ka Aadmi Hain Jo Tum Quraishiyon Ki Shaami Tijarat Ke Main Raste Par Waqia Hai Lihaza Un Ko Takleef Mat Do Warna Tumhari Shaami Tijarat Ka Rasta Band Ho Jayega. Hazrat Aboo Zar Gifari Radiallaho Ta'ala Anhu 15 Raat Usi Haram e Ka'aba Mein Rozana Apne Islam Ka Ailan Karte Aur Kuffar Se Maar Khate Rahe Aur Un 15 Dinon Aur Raaton Mein Zamzam Shareef Ke Paani Ke Siwa Un Ko Gehoo Ya Chawal Ka Ek Daana Ya Zarra Barabar Koi Doosri Giza Mayassar Nahi Hui Magar Yah Sirf Zamzam Shareef Pi Kar Zinda Rahe Aur Pahle Se Zyada Tandurust Aur Sehatmand Ho Gaye. (Bukhari Jild 1 Page 499 Baab Qissa Zamzam Wa Hashiya Bukhari Page 499 Wa Fatahul Baari)

Hazrat Imaam Hasan Radiallaho Ta'ala
Anhu

Yah Ameerul Momineen Hazrat Ali Bin Abi Talib Radiallaho Ta'ala Anhu Ke Bade Bete Hain, Un Ki Kunniyat Aboo Muhammad Aur Laqab 'Sibte Payambar' Wa 'Rehaanatul Rasool' Hai. 15 Ramzan San 3 Hijri Mein Aap Ki Paidaish Hui, Aap Jawanane Ahle Jannat Ke Sardar Hain Aur Aap Ke Fazael Wa Khoobiyon Mein Bahut Zyada Hadeesein Aai Hain. Aap Ne Teen Martaba Apna Aadha Maal Khuda Ta'ala Ki Raah Mein Khairat Kar Diya.

Ameerul Momineen Hazrat Ali Radiallaho Ta'ala Anhu Ki Shahadat Ke Baad Koofa Mein 40,000 Musalmanon Ne Aap Ke Daste Mubarak Par Maut Ki Bayt Karke Aap Ko Ameerul Momineen Chuna Lekin Aap Ne Taqreeban 6 Maah Ke Baad Jamadil Ula San 41 Hijri Mein Hazrat Ameere Muawiya Radiallaho Ta'ala Anhu Ke Hath Par Bayt Farma Kar Khilafat Un Ke Hawale Farma Di Aur Khud Ibadat Wa Riyazat Mein Mashgool Ho Gaye. Is Tarah Huzoor E Akram ﷺ Ne Jo Ghaib Ki Khabar Di Thi Wo Zahir Ho Gai Ki Mera Yah Beta 'Sayyad' Hai Aur Iski Wajah Se ALLAH Ta'ala Musalmanon Ki Do Badi Jama'aton Mein Sulah Kara Dega. Chunanche Hazart Imaam Hasan Radiallaho Ta'ala Anhu Agar Khilafat Hazrat Muawiya Radiallaho Ta'ala Anhu Ke Hawale Na Farma Dete To Zahir Hai Ki Hazrat Hasan Aur Hazrat Ameere Muawiya Radiallaho Ta'ala Anhu Ki Donon Faujon Ke Beech Badi Hi Khoon Rez Jung Hoti Jis Se Hazaron Auratein Bewa Aur Lakhon Bachche Yateem Ho Jate Aur Saltanat e Islam Ka Samooh (Group) Bikhar Jata Magar Hazrat Imaam Hasan Radiallaho Ta'ala Anhu Ki Aman Pasand Tabiyat Aur Nek Mizaaji Ki Badaulat Musalmanon Mein Khoon Rezi Ki Baari Nahi Aai. 5 Rabi-ul-Awwal 49 Hijri Mein Aap Baame Madeena Munawwara Mein Zahar Khurani Ki Wajah Se Shahadat Se Sarfaraz Huye. (Akmaal Page 560 Wa Asadul Gaaba Jild 2 Page 90-92)

Karamaat

Sookhe Ped Par Taaza Khujoorein: Aap Ki Bahut Si Karamaton Mein Se Yah Ek Karamat Bahut Zyada Mashhoor Hain Ki Ek Safar Mein Aap Ka Guzar Khujooron Ke Ek Baag Mein Hua Jis Ke Tamam Ped Sookh Gaye The Hazrat Zubair Bin Awwam Radiallaho Ta'ala Anhu Ke Ek Bete Bhi Us Safar Mein Aap Ke Sath The. Aap Ne Usi Baag Mein Padao Kiya Aur Naukaron Ne Aap Ka Bistar Ek Sookhe Ped Ke Jad Mein Bichha Diya Aur Hazrat Zubair Radiallaho Ta'ala Anhu Ke Bete Ne Arz Kiya Ki Aey Ibne Rasoolullah! Kaash Is Sookhe Darakht Par Taaza Khujoorein Hoti To Hum Log Pet Bhar Kar Kha Lete Yah Sun Kar Hazrat Imaam Hasan Radiallaho Ta'ala Anhu Ne Chup Ke Se Koi Dua Padhi Aur Bilkul Hi Achanak Minton Mein Wo Sookha Ped Bilkul Hara Bhara Ho Gaya Aur Us Mein Taaza Paki Hui Khujoorein Lag Gai Yah Manzar Dekh Kar Ek Shutar Baan Kahne Laga Ki Khuda Ki Qasam! Yah To Jadoo Ka Karishma Hai. Yah Sun Kar Hazrat Zubair Radiallaho Ta'ala Anhu Ke Farzand Ne Us Ko Bahut Zor Se Daanta Aur Farmaya Ki Tauba Kar Yah Jadoo Nahi Hai Balki Yah Shahzade Rasool Ki Dua e Maqbool Ki Karamat Hai. Phir Logon Ne Khujooron Ko Darakht Se Toda Aur Sab Sathiyon Ne Khoob Pet Bhar Kar Khaya. (Roztushshohda Baab 6 Page 109)

Farzand (Beta) Paida Hone Ki Khushkhabari: Aap Paidal Haj Ke Liye Ja Rahe The Beech Raah Mein Ek Manzil Par Thahare Woan Aap Ka Ek Aqeedat Mand Hazire Khidmat Hua Aur Arz Kiya Ki Huzoor Mein Aap Ka

Gulam Hoon Meri Beevi Dardezeh (Bachcha Paida Hone Se Kuch Pahle Jo Aurat Ko Dard Hota Hai) Mein Mubtala Hai Aap Dua Farmaye Ki Tandurust Ladka Paida Ho. Aap Ne Farmaya Ki Tum Apne Ghar Jao Tumhein Jaise Farzand Ki Tamanna Hai Vaisa Hi Farzand Tum Ko ALLAH Ta'ala Ne Ata Farma Diya Hai Aur Tumhara Ladka Humara Aqeedat Mand Aur Jaan Nisar Hoga. Wo Shakhs Jab Apne Makaan Par Pahuncha To Yah Dekh Kar Khushi Se Baag Baag Ho Gaya Ki Waqai Hazrat Imaam Hasan Radiallaho Ta'ala Anhu Ne Jaise Farzand Ki Basharat Di Thi Vaisa Hi Ladka Us Ke Yahan Paida Hua. (Shawahidunnabuwa Page 172) Tabsera : Khushk Darakht Par Taaza Khujooron Ka Lag Jana Aur Aqeedat Mand Ke Ghar Mein Ladki Paida Hui Ya Ladka? Aur Phir Is Baat Ko Jaan Lena Ki Yah Ladka Bada Ho Kar Humara Aqeedat Mand Wa Jaan Nisar Hoga Gaur Farmaiye Ki Yah Kitni Badi Aur Kis Qadar Shandaar Karamatein Hain. SubhanALLAH! Kyun Na Ho Ki Aap Ibne Rasool Aur Noore Deeda Haidar Wa Batool Hain Aur Khudavand Ki Bargah Mein Bahut Maqbool Hain. (Radiallaho Ta'ala Anhu)

Hazrat Imaam Husain Radiallaho Ta'ala
Anhu

Sayyadushshohda Hazrat Imaam Husain Radiallaho
Ta'ala Anhu Ki Paidaish 5 Sha'aban San 4 Hijri Ko Madeena
Munawwara Mein Hui, Aap Ki Kunniyat Aboo Abdullah
Aur Naam Naami 'Husain' Aur Laqab 'Sibte Rasool' Wa
'Rehanturrasool' Hai. 10 Moharram San 61 Hijri Juma Ke

Din Karbala Ke Maidan Mein Yazeedi Sitamgaron Ne Intihai Bedardi Ke Sath Aap Ko Shaheed Kar Diya. (Akmaal Page 560)

Karamaat

Kunyein Se Paani Nikal Pada: Aboo Aaun Kahte Hain Ki Hazrat Imaam Husain Radiallaho Ta'ala Anhu Ka Makka Mukarrama Aur Madeena Munawwara Ke Raste Mein Ibne Mateea Ke Paas Se Guzar Hua Unhone Arz Kiya Ki Aey Ibne Rasool! Mere Is Kunyein Mein Paani Bahut Km Hai Is Mein Dol Bharta Nahi Hai Meri Saari Tadbeerein Bekar Ho Chuki Hain Kaash! Aap Humare Liye Barkat Ki Dua Farmaye. Hazrat Imaam Ne Is Kunyein Ka Paani Mangaya Aur Aap Ne Dol Se Manga Kar Paani Nosh (Piya) Farmaya Phir Is Dol Mein Kulli Farma Di Aur Hukm Diya Ki Saara Paani Kunyein Mein Undel (Daal) De Jab Dol Ka Paani Kunyein Mein Daala To Neeche Se Paani Ubal Pada. Kunyein Ka Paani Bahut Zyada Badh Gaya Aur Paani Pahle Se Zyada Meetha Aur Lazeez Bhi Ho Gaya. (Ibne Sa'ad Jild 5 Page 144)

Be Adabi Karne Wala Aag Mein: Maidane Karbala Mein Ek Be Baak Aur Be Adab Maalik Bin Urwa Ne Jab Aap Ke Khema Ke Gird Garhe Mein Aag Jalti Hui Dekhi To Us Badnaseeb Ne Yah Kaha Ki Aey Husain! Tum Ne Aakhirat Ki Aag Se Pahle Hi Yahan Duniya Mein Aag Laga Li? Hazrat Imaam Ne Farmaya Ki

Aey Zalim! Kya Tera Guman Hai Ki Mein Dozakh Mein Jaoga? Phir Hazrat Imaam Radiallaho Ta'ala Anhu Ne Apne Zakhmi Dil Se Yah Dua Mangi Ki 'Khudavand! Too Is Badnaseeb Ko Naar e Jahannam Se Pahle Duniya Mein Bhi Aag Ke Azaab Mein Daal De' Imaam Aali Maqaam Ki Dua Abhi Khatm Bhi Nahi Hui Thi Ki Fauran Hi Maalik Bin Urwa Ka Ghoda Fisal Gaya Aur Yah Shakhs Is Tarah Godhe Se Gir Pada Ki Ghode Ki Rakaab Mein Is Ka Panvon Ulajh Gaya Aur Godha Is Ko Gaseette Huye Khandaq (Garhe) Ki Taraf Le Bhaaga Aur Yah Shakhs Khema Ke Gird Khandaq Ki Aag Mein Gir Kar Raakh Ka Dher Ho Gaya. (Rauztushshohda Page 169)

Neza Par Sar e Aqdas Ki Tilawat: Hazrat Zaid Bin Arqam Radiallaho Ta'ala Anhu Ka Bayan Hai Ki Jab Yazeediyon Ne Hazrat Imaam Husain Radiallaho Ta'ala Anhu Ke Sar Mubarak Ko Neza Par Chadha Kar Koofa Ki Galiyon Mein Chakkar Lagaya To Mein Apne Makaan Ke Baala Khaana Par Tha Jab Sar Mubarak Mere Samne Se Guzra To Mein Ne Suna Ki Sar e Mubarak Ne Yah Aayat Tilawat Farmai, "Kya Tumhe'n Ma'loom Huwa Ke Pahaad Ki Khoh Aur Jungal Ke Kinaare Waale Humaari Ek Ajeeb Nishaani The". (Soorah Kahf, Aayat 9) Is Tarah Ek Doosre Buzurg Ne Farmaya Ki Jab Yazeediyon Ne Sar e Mubarak Ko Neza Se Utaar Kar Ibne Zyaad Ke Mahal Mein Dakhil Kiya To Aap Ke Muqaddas

Hont Hil Rahe The Aur Zabaan e Aqdas Par Is Aayat Ki
Tilawat Jaari Thi,
"Aur Hargiz Allah Ko Be Khabar Na Jaanna
Zaalimo'n Ke Kaam Se".(Soorah Ibrahim, Aayat 42)
(Rauztushshohda Page 230)

Tabsera : In Imaan Afroz Karamaton Se Yah Imaani Roshani Milti Hai Ki Shohda E Kiraam Apni Apni Qabron Mein Tamam Zaruriyate Zindagi Ke Sath Zinda Hain, Khuda Ki Ibadat Bhi Karte Hain Aur Qism Qism Ke Tasarrufat Bhi Farmate Rahte Hain Aur Un Ki Duayein Bhi Bahut Jald Maqbool Hoti Hain.

Hazrat Ameere Muawiya Radiallaho
Ta'ala Anhu

Aap Ke Walid Ka Naam Aboo Sufyaan Aur Walida Ka Naam Hinda Binte Utba Hai. San 8 Hijri Mein Fatah e Makka Ke Din Yah Khud Aur Aap Ke Walidain Sab Musalman Ho Gaye Aur Hazrat Ameere Muawiya Radiallaho Ta'ala Anhu Choonki Bahut Hi Achche Katib The Isliye Darbare Nubuwat Mein 'Wahee' Likhne Walo Ki Jama'at Mein Shamil Kar Liye Gaye. Ameerul Momineen Hazrat Umar Radiallaho Ta'ala Anhu Ke Daure Khilafat Mein Yah Shaam Ke Governor Muqarrar Huye Aur Hazrat Ameerul Momineen Usman Gani Radiallaho Ta'ala Anhu Ke Daure Khilafat Khatm Hone Tak Us Ohda Par Rahe Magar Jab Ameerul Momineen Hazrat Ali Radiallaho Ta'ala Anhu Takhte Khilafat Par Raunaq Afroz Huye To Aap Ne

Un Ko Governor Se Hata Diya Lekin Unhone Hataye Jane Ka Parwana Qabool Nahi Kiya Aur Shaam Ki Hukoomat Na Chhode Balki Ameerul Momineen Hazrat Usman Gani Radiallaho Ta'ala Anhu Ke Khoon Ke Qesaas (Badla) Ka Mutalba Karte Huye Unhone Ameerul Momineen Hazrat Ali Radiallaho Ta'ala Anhu Ki Bayt Se Na Sirf Inkar Kiya Balki Un Se Maqame Siffin Mein Jung Bhi Hui. Phir Jab San 41 Hijri Mein Hazrat Imaam Hasan Mujtaba Radiallaho Ta'ala Anhu Ne Khilafat Un Ke Hawale Kar Di To Yah Poore Aalame Islam Ke Badshah Ho Gaye. Bees Baras Tak Khilafate Rashida Ke Governor Rahe Aur Bees Baras Tak Khud Mukhtar Badshah Rahe Is Tarah 40 Baras Tak Shaam Ke Takhte Saltanat Par Baith Kar Hukoomat Karte Rahe Aur Khushki Wa Samundar Mein Jihadon Ka Intizam Farmate Rahe. Islam Mein Samundari Ladaiyon Ki Shuruaat Karne Wale Aap Hain, Jungi Bedon Ki Tameer Ka Kaarkhana Bhi Aap Ne Banwaya. Khushki Aur Samundari Faujon Ki Behtareen Tanzeem Farmai Aur Jihadon Ki Badaulat Islami Hukoomat Ki Sarhadon Ko Khoob Khoob Badhate Rahe Aur Isha'at e Islam Ka Daera Barabar Badhta Raha, Jagah Jagah Masajid Ki Tameer Aur Darsgaahon Ka Qayaam Farmate Rahe. Rajab San 60 Hijri Mein Aap Laqwa Ki Beemari Mein Mubtala Ho Kar Apne Razdhani Damishq Mein Wisaal Farmaya. Ba Waqte Wisaal Aap Ne Waseeyat Farmai Thi Ki Mere Paas Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ka Ek Pairahan, Ek Chadar, Ek Lungi Aur Kuch Baal Mubarak Aur Nakhun

e Aqdas Ke Chand Tarashe Hain In Teeno Muqaddas Kapdon Ko Mere Kafan Mein Shamil Kiya Jaye Aur Muye (Baal) Mubarak Aur Nakhun Aqdas Ko Meri Aankhon Mein Rakh Kar Mujhe Arrahamarrahimeen Ke Supurd Kiya Jaye Chunanche Logon Ne Aap Ki Is Waseeyat Par Amal Kiya. (Akmaal Page 616 Wagaira) Ba Waqte Wisaal 78 Ya 86 Baras Ki Umr Thi Wisaal Ke Waqt Un Ka Beta Yazeed Damishq Mein Maujood Nahi Tha Isliye Zahaak Bin Qais Ne Aap Ke Kafan Dafan Ka Intazam Kiya Aur Usi Ne Aap Ki Namaze Janaza Padhai. Hazrat Ameere Muawiya Radiallaho Ta'ala Anhu Bahut Hi Khubsoorat, Gore Rang Wale Aur Nihayat Hi Wajeeh Aur Rob Wale The. Chunanche Ameerul Momineen Hazrat Umar Radiallaho Ta'ala Anhu Farmaya Karte The Ki 'Muawiya' Arab Ke 'Kisra' Hain. (Asadul Gaaba Jild 4 Page 385-387)

Karamaat

Aap Ki Chand Karamatein Bahut Hi Mashhoor Hain Aur Aap Ke Fazael Mein Chand Ahadees Bhi Marwi Hain.

Jung Mein Kabhi Maghloob (Haar) Nahi Hue: Un Ki Ek Mashhoor Karamat Yah Hai Ki Kushti Ya Jung Mein Kabhi Aur Kahin Bhi Aur Kisi Shakhs Se Bhi Magloob Nahi Huye Balki Humesha Hi Apne Madde Muqabil Par Galib Rahe Kyunki Huzoor E Aqdas ﷺ Ne Un Ke Baare Mein Irshad Farmaya Tha معاويه عه رص احدااال يصارع ال معاويه ان

'Muawiya Jis Shakhs Se Ladega Muawiya Hi Us Ko Pachhadega'. (Kanzul Ummal Jild 12 Page 317 Ba Hawala Dailmi An Ibne Abbas)

Dua Mangte Hi Barish: Saleem Bin Aamir Habaeri Ka Bayan Hai Ki Ek Martaba Mulke Shaam Mein Bilkul Hi Barish Nahi Hui Aur Sakht Sookha Ka Daur Daura Ho Gaya. Hazrat Ameere Muawiya Radiallaho Ta'ala Anhu Namaze Istisqa Ke Liye Maidan Mein Nikle Aur Mimbar Par Baith Kar Aap Ne Hazrat Ibne Aswad Jarshi Ko Bulaya Aur Un Ko Mimbar Ke Neeche Apne Qadamon Ke Paas Baitha Kar Apne Donon Hathon Ko Uthaya Aur Is Tarah Dua Mangi Ki Ya ALLAH! Hum Tere Hujoor Mein Hazrat Ibne Aswad Jarshi Ko Sifarshi Bana Kar Laye Hain Jin Ko Hum Apne Se Nek Aur Afzal Samajhte Hain Phir Hazrat Ibne Aswad Jarshi Aur Tamam Hazireen Bhi Apne Apne Hathon Ko Utha Kar Barish Ki Dua Mangne Lage. Achanak Pachchhim (West) Se Ek Zor Daar Baadal Utha Phir Moosla Dhaar Barish Hone Lagi Yahan Tak Ki Mulke Shaam Ki Zameen Sairab Ho Kar Kheti Se Hari Bhari Ho Gai. (Tabqaat Ibne Sa'ad Jild 7 Page 444)

Shaitan Ne Namaz Ke Liye Jagaya: Hazrat Allama Jalaluddin Maulana e Rum Ne Apni Masnawi Shareef Mein Aap Ki Is Karamat Ko Badi Dhoom Dhaam Se Bayan Farmaya Hai Ki Ek Din Aap Ke Mahal Mein Dakhil Hokar Kisi Ne Aap Ko Namaze Fajar Ke Liye

Jagaya To Aap Ne Poochha Ki Too Kaun Hai Aur Kis Liye Too Ne Mujhe Jagaya Hai? To Us Ne Jawab Diya Ki Aey Ameere Muawiya! Mein Shaitan Hoon! Aap Ne Hairan Hokar Poochha Ki Aey Shaitan! Tera Kaam To Insaan Se Gunah Karana Hai Aur Too Ne Namaz Ke Liye Jaga Kar Mujhe Nek Amal Karne Ka Mauqa Diya Is Ki Wajah Kya Hai? To Shaitan Ne Jawab Diya Ki Aey Ameerul Momineen! Mein Janta Hoon Ki Agar Sote Rahne Mein Aap Ki Namaze Fajar Qaza Ho Jati To Aap Khaufe Ilaahi Se Is Qadar Rote Aur Is Kasrat Se Tauba Wa Istigfar Karte Ki Khuda Ki Rahmat Ko Aap Ki Be Qarari Wa Rone Dhone Par Pyar Aa Jata Ki Wo Aap Ki Qaza Namaz Qabool Farma Kar Ada Namaz Se Hazaron Guna Zyada Ajr Wa Sawab Ata Farma Deta Choonki Mujhe Khuda Ke Nek Bandon Se Dushmani Wa Hasad Hai Isliye Meine Aap Ko Jaga Diya Taaki Aap Ko Kuch Zyada Sawab Na Mil Sake. (Masnawi Maulana Rum Alaihirrahma)

Tabsera : Masnawi Shareef Ki Is Hikayat Se Maloom Hua Ki Shaitan Kabhi Logon Ko Sula Kar Aur Namazein Qaza Kara Kar Nekiyon Aur Sawabon Se Mahroom Karata Hai, Kabhi Kuch Logon Ko Namazon Ke Liye Jaga Kar Aur Ada Namazein Padhwa Kar Zyada Nekiyon Aur Sawabon Se Mahroom Karata Hai Aur Is Ki Soorat Yah Hai Ki Jo Log Subah Ko Bedar Hokar Namaz Fajr Jama'at Se Padhte Hain To Shaitan Kabhi Kabhi Kuch Logon Ke Dilon Mein Yah Waswasa Daal Deta Hai Ki Mein Khuda Ka Bahut Hi Nek Banda Hoon Kyunki Mein Ne Fajr Ki Namaz Jama'at Se Padhi Hai Aur Falan Falan Logon Ki Namazein Qaza Ho

Gai Yaqeenan Mein Un Logon Se Bahut Nek Aur Bahut Achcha Hoon. Zahir Hai Ki Apni Achchai Aur Burai Ka Khyaal Aate Hi Namaz Ka Ajr Wa Sawab To Bekar Ho Hi Gaya Ulta Takabbur Aur Ghamand Ka Gunah Sar Par Sawar Ho Gaya. Baharhaal Shaitan Ki Makkari Se Khuda Ta'ala Ki Panah.

Hazrat Haarisa Bin Nauman Radiallaho
Ta'ala Anhu

Hazrat Haarisa Bin Nauman Radiallaho Ta'ala Anhu Bade Sahaba Mein Se Hain. Junge Badr Aur Junge Uhud Wagaira Tamam Islami Jungon Mein Mujahidana Shaan Ke Sath Jung Karte Rahe, Qabeela Banoo Najjar Se Hain. Huzoor E Aqdas ﷺ Ne Un Ke Baare Mein Irshad Farmaya Ki Mein Jannat Mein Dakhil Hua To Mein Ne Woan Qirat Ki Aawaz Suni Jab Mein Ne Pata Lagaya Ki Yah Kaun Shakhs Hain? To Firishton Ne Kaha Ki Yah Haarisa Bin Nauman Hain. Yah Apni Walida Ke Sath Behtareen Sulook Karne Wale Sahabi Hain. (Mishkat Jild 2 Page 419 Babul Bar Wassaafa)

Karamat

Hazrat Jibreel Alaihissalam Ko Dekha: Un Ka Bayan Hai Ki Mein Ek Martaba Huzoor E Akram ﷺ Ke Paas Se Guzra To Mein Ne Yah Dekha Ki Ek Shakhs Aap Ke Paas Baithe Huye Hain Mein Ne

Salam Kiya Aur Woan Se Chal Diya. Jab Mein Wapas Aaya To Huzoor E Akram ﷺ Ne Farmaya Ki Aey Haarisa! Tum Ne Us Shakhs Ko Dekha Jo Mere Paas Baithe Huye The Mein Ne Arz Kiya Ki Ji Haan! To Aap Ne Irshad Farmaya Ki Wo Hazrat Jibreel Alaihissalam The Aur Unhone Tumhare Salam Ka Jawab Bhi Diya Tha. Aur Ek Riwayat Mein Yah Bhi Hai Ki Hazrat Jibreel Alaihissalam Ne Huzoor E Aqdas ﷺ Se Farmaya Ki Haarisa Bin Nauman Radiallaho Ta'ala Anhu 80 Aadmiyon Mein Se Ek Hain, To Huzoor E Akram یللاہی صَلَّ یمَ لَّیوَسَ ہل یوَاٰ ہیعَلَی تَعَالٰ Ne Poochha Ki Aey Jibreel! Us Ka Kya Matlab Hai Ki Yah 80 Aadmiyon Mein Se Ek Hain? To Aap Ne Jawab Diya Ki Junge Hunain Ke Din Kuch Der Ke Liye Tamam Sahaba Shikast Kha Kar Peechhe Hat Jayenge Magar 80 Aadmi Pahad Ki Tarah Aap Ke Sath Aisi Halat Mein Datey (Atal, Sabit Qadam) Rahenge Jab Ki Kuffar Ki Taraf Se Teeron Ki Barish Ho Rahi Hogi Un 80 Bahaduron Mein Se Ek 'Haarisa Bin Nauman' Hain. (Asadul Gaaba Jild 1 Page 358)

Yah Aakhiri Umr Mein Nabeena Ho Gaye The Isliye Har Waqt Apne Musalla Par Baithe Rahte The Aur Apne Musalla Ke Paas Ek Tokri Mein Khujoor Bhar Kar Rakhte The Aur Apne Musalle Se Hujra Ke Darwaze Tak Ek Dhaaga Baandhe Huye The. Jab Gareeb Darwaza Par Aakar Salam Karta To Usi Dhaaga Mein Khujoorein Baandh Kar Dhaaga Kheench Lete Aur Khujoorein Miskeen Ke Paas Pahunch Jati Thi. Un Ke Ghar Walo Ne Kaha Ki Is Takalluf Wa Takleef Ki Kya Zarurat Hai? Aap Hukm Dein To Ghar

Wale Khujoorein Miskeen Ko De Diya Karenge Aap Ne Farmaya Ki Mein Ne Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ko Yah Irshad Farmate Huye Suna, ميتةالسوء تقاملسكير مناوهل 'Miskeen Ko Apne Hath Se Dena Buri Maut Se Bachata Hai'.

Hazrat Hakeem Bin Hazaam Radiallaho
Ta'ala Anhu

Un Ki Kunniyat Aboo Khalid Hai Aur Khandan e Quraish Ki Shaakh Banoo Asad Se Un Ka Khandani Ta'alluq Hai, Yah Ummul Momineen Hazrat Khadeeja Radiallaho Ta'ala Anha Ke Bhateeje Hain. Un Ki Ek Khusoosiyat Yah Hai Ki Zamana E Jahiliyat Mein Un Ki Walida Jab Ki Yah Un Ke Pet Mein The, Ka'aba Ke Andar Buton Par Chadhawa Chadhane Ko Gai To Woin Beech Ka'aba Mein Hakeem Bin Hazaam Radiallaho Ta'ala Anhu Paida Ho Gaye. Zamana E Jahiliyat Aur Islam Donon Zamanon Mein Yah Quraish Ke Bade Logon Mein Se Shumar Kiye Jate The, Fatah e Makka Ke Saal San 8 Hijri Mein Musharraf Ba Islam Huye Bahut Hi Aqalmand, Muamala Samajhne Wale Aur Sahibe Ilm Wa Taqwa Shi'aar The. Ek Sau Gulamon Ko Khareed Kar Aazad Kiya Aur Ek Sau Unt Un Musafiron Ko Diye Jin Ke Paas Sawari Ke Janwar Nahi The. 120 Baras Ki Umr Pai, 60 Baras Kufr Ki Halat Mein Aur 60 Baras Islami Zindagi Guzari, San 54 Hijri Mein Madeena Munawwara Mein Wisaal Hua. (Akmaal Page 561)

Karamat

Tijarat Mein Kabhi Ghaata Nahi Hua: Un Ki Mashhoor Karamat Yah Hai Ki Yah Taajir The Zindagi Bhar Tijarat Karte Rahe, Magar Kabhi Bhi Aur Kahin Bhi Aur Kisi Saude Mein Bhi Koi Nuqsaan Aur Ghaata Nahi Hua Balki Agar Yah Mitti Bhi Khareed The To Us Mein Bhi Nafa'a Hi Nafa'a Hota, Kyunki Huzoor E Akram ﷺ Ne Un Ke Liye Dua Farmai Thi, ضنعتة فخ رک یج اللھم 'Aey ALLAH! Un Ke Karobar Mein Barkat Ata Farma'. (Kanzul Ummal Jild 12 Page 262)

Tirmizi Wa Aboo Dawood Ki Riwayaton Mein Hai Ki Huzoor E Akram ﷺ Ne Un Ko Do Deenar De Kar Ek Mendha Khareed Ne Ke Liye Bheja To Unhone Ek Deenar Mein Do Mendhe Khareede Aur Phir Un Mein Se Ek Mendhe Ko Ek Deenar Mein Bech Daala Aur Aap Ki Khidmate Aqdas Mein Aakar Ek Mendha Aur Do Deenar Pesh Kar Diye Huzoor ﷺ Ne Us Mein Se Ek Deenar Ko To Khuda Ki Raah Mein Khairat Kar Diya Aur Phir Khush Hokar Unki Tijarat Mein Barkat Ke Liye Dua Farma Di. (Mishkat Page 254 Babushsharkatu Wal Wakalatu)

Tabsera : Tijarat Mein Nafa'a Wa Nuqsaan Donon Ka
Hona Zaruri Hai, Har Taajir Ko Us Ka Tajurba Hai Ki
Karobar Mein Kabhi Nafa'a Hota Hai Kabhi Nuqsaan,

Magar Zindagi Bhar Tijarat Mein Humesha Nafa'a Hota Rahe Aur Kabhi Bhi Aur Kahin Bhi Aur Kisi Saude Mein Bhi Ghaata Na Uthana Pade Bila Shubah Us Ko Karamat Ke Siwa Kuch Bhi Nahi Kaha Ja Sakta, Isliye Hazrat Hakeem Bin Hazaam Radiallaho Ta'ala Anhu Yaqeenan Sahibe Karamat Sahabi Aur Buland Martaba Wale The.

Hazrat Ammar Bin Yaasir Radiallaho
Ta'ala Anhu

Yah Purane Sahaba Aur Pahle Muhajireen Mein Se Hain Aur Yah Un Musibat Zada Sahabiyon Mein Se Hain Jin Ko Kuffare Makka Ne Is Qadar Takleefein Di Ki Jinhein Soch Kar Hi Badan Ke Rongte Khade Ho Jate Hain. Zalimon Ne Un Ko Jalti Hui Aag Par Litaya, Chunanche Yah Dahakti Hui Aag Ke Koylon Par Peeth Ke Bal Lete Rahte The Aur Jab Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Un Ke Paas Se Guzarte Aur Yah Aap Ko Ya Rasoolullah Kah Kar Pukarte To Aap Un Ke Liye Is Tarah Aag Se Farmaya Karte The اهيرايج عىل كنت امك معار عىل سالما داو يج كونخ ر یخ یر 'Aey Aag Too Ammar Par Usi Tarah Thandi Aur Salamati Wali Ban Ja Jis Tarah Too Hazrat Ibrahim Alaihissalam Ke Liye Thandi Aur Salamati Wali Ban Gai Thi'. Un Ki Walida Majida Hazrat Beebi Sumaiya Radiallaho Ta'ala Anha Ko Islam Qabool Karne Ki Wajah Se Aboo Jahal Ne Bahut Sataya, Yahan Tak Ki Un Ko Naaf Ke Neeche Neza Maar Diya Jis Se Un Ki Rooh Parwaz Kar Gai Aur Ahade Islam Mein Sab Se Pahle Yah Shahadat Se

Sarfaraz Ho Gai. Huzoor E Akram ﷺ Hazrat Ammar Radiallaho Ta'ala Anhu Ko Taiyab Wa Mutaiyab Ke Laqab Se Pukara Karte The. Yah San 37 Hijri Mein 93 Baras Ki Umr Pakar Junge Siffin Mein Hazrat Ali Radiallaho Ta'ala Anhu Ki Himayat Mein Hazrat Ameere Muawiya Radiallaho Ta'ala Anhu Ki Faujon Se Jung Karte Huye Shaheed Ho Gaye. (Akmaal Page 607)

Karamaat

Kabhi Un Ki Qasam Nahi Tooti: Un Ki Ek Mashhoor Karamat Yah Hai Ki Yah Jis Baat Ki Qasam Utha Liya Karte The Khudavand E Kareem Humesha Un Ki Qasam Ko Poori Farma Deta Tha, Kyunki Huzoor E Akram ﷺ Ne Un Ke Baare Mein Yah Irshad Farma Diya Tha, رس یربج معار منھم هيج ال ہللا عىل قمس لوا هل به يؤ الطمربر ذی من مک 'Kitne Hi Aise Kambal Posh Hain Ki Log Un Ki Koi Parwa Nahi Karte Lekin Agar Wo Kisi Baat Ki Qasam Kha Lein To ALLAH Ta'ala Zarur Un Ki Qasam Poori Farma Dega Aur Unhi Logon Mein Ammar Bin Yaasir Hain'. (Kanzul Ummal Jild 12 Page 295)

Teen Martaba Shaitan Ko Pachhada: Hazrat Ali Radiallaho Ta'ala Anhu Farmate Hain Ki Huzoor ﷺ Ne Hazrat Ammar Radiallaho

Ta'ala Anhu Ko Paani Bharne Ke Liye Bheja, Shaitan Ek Kaale Gulam Ki Soorat Mein Hazrat Ammar Radiallaho Ta'ala Anhu Ko Paani Bharne Se Rokne Laga Aur Ladne Ke Liye Taiyar Ho Gaya. Hazrat Ammar Radiallaho Ta'ala Anhu Ne Us Ko Pichhad Diya To Wo Gidgidane Laga. Isi Tarah Teen Martaba Shaitan Ne Paani Bharne Se Aap Ko Roka Aur Ladne Par Taiyar Hua Aur Teeno Martaba Aap Ne Us Ko Pachhad Diya. Jis Waqt Shaitan Se Aap Ki Kushti Ho Rahi Thi Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Apni Majlis Mein Sahaba E Kiraam Ko Bataya Ki Aaj Ammar Ne Teen Martaba Shaitan Ko Pachhad Diya Hai Jo Ek Kaale Gulam Ki Soorat Mein Un Se Lad Raha Hai. Hazrat Ammar Radiallaho Ta'ala Anhu Jab Paani Le Kar Aa Gaye To Mein Ne Un Se Kaha Ki Tumhare Baare Mein Huzoor E Akram ﷺ Ne Farmaya Hai Ki Tum Ne Teen Martaba Shaitan Ko Pachhada Hai Yah Sun Kar Hazrat Ammar Radiallaho Ta'ala Anhu Kahne Lage Ki Khuda Ki Qasam! Mujhe Yah Maloom Nahi Tha Ki Wo Shaitan Hai Warna Mein Us Ko Maar Daalta. Haan Albatta Teesri Martaba Mujhe Bada Hi Gussa Aa Gaya Aur Mein Ne Irada Kar Liya Tha Ki Mein Daant (Teeth) Se Us Ka Naak Kaat Loo Magar Mein Jab Us Ki Naak Ke Qareeb Munh Le Gaya To Mujhe Bahut Hi Gandi Badboo Mahsoos Hui Isliye Mein Peechhe Hat Gaya Aur Us Ki Naak Bach Gai. (Shawahidunnabuwa Page 218 Matbooa Lakhnow)

Hazrat Sharjeel Bin Hasna Radiallaho
Ta'ala Anhu

Yah Bahut Hi Janbaz Aur Bahadur Sahabi Hain Un Ki Walida Ka Naam Hasna Tha Unke Walid Ka Naam Abdullah Bin Mata'a Tha. Un Ke Baad Un Ki Walida Hasna Ne Ek Ansari Se Jin Ka Naam Sufyaan Bin Muamar Tha Nikah Kar Liya Aur Do Bachche Bhi Un Se Paida Huye Jin Ka Naam Janaada Aur Jabir Tha. Hazrat Sharjeel Apne Donon Bhaiyon Ke Sath Shuru Islam Hi Mein Musalman Ho Gaye The Aur Hijrat Karke Habsha Bhi Gaye The Aur Habsha Se Madeena Aaye, To Bani Zareeq Mein Rahne Lage Phir Jab Hazrat Umar Radiallaho Ta'ala Anhu Ki Khilafat Mein Un Ke Donon Bhaiyon Ka Inteqal Ho Gaya To Hazrat Sharjeel Radiallaho Ta'ala Anhu Bani Zahra Ke Qabeela Mein Rahne Lage Aur Farooqi Daure Hukoomat Mein Kai Ek Jihadon Mein Ameere Lashkar Ki Haisiyat Se Islami Faujon Ke Kisi Ek Daste Ki Kamaan Karte Rahe. San 18 Hijri Ke Taaon Amwaas Mein 67 Baras Ki Umr Pa Kar Wisaal Farma Gaye. Ajeeb Ittefaq Hai Ki Yah Aur Hazrat Aboo Ubaida Bin Jarrah Radiallaho Ta'ala Anhuma Donon Ek Hi Din Taaon Mein Mubtala Huye. (Asadul Gaaba Jild 2 Page 391)

Karamat

Qila Zameen Mein Dhans (Ghus) Gaya: Islami Lashkar Shahar e Askandariya Par Hamla Aawar

Tha, Kuffar Ki Fauj Ek Bahut Hi Mazboot Aur Naqabile Taskheer Qila Mein Mahfooz Thi Aur Lashkar e Islami Qila Ke Samne Khule Maidan Mein Khema Zan Tha. Bahut Dinon Tak Jung Hoti Rahi Magar Kuffar Qila Ki Wajah Se Magloob (Haarna) Nahi Hote The. Ek Din Ameere Lashkar Hazrat Sharjeel Bin Hasna Radiallaho Ta'ala Anhu Ne Kafiron Ko Mukhatab Karke Farmaya Ki Aey Lashkar e Kuffar Ke Commander! Sun Lo Humari Fauje Islam Mein Is Waqt Aise Aise ALLAH Wale Maujood Hain Ki Agar Wo Is Qila Ki Deewaron Ko Hukm De Dein Ki Tum Fauran Hi Zameen Mein Dhans Jao To Fauran Hi Yah Qila Zameen Mein Dhans Jayega. Yah Kaha Aur Josh Mein Aakar Aap Ne Apna Hath Qila Ki Janib Badhaya Aur Buland Aawaz Mein Naara e Takbeer Lagaya To Poora Qila Palak Jhapakte Hi Zameen Ke Andar Dhans Gaya Aur Kuffar Ka Lashkar Jo Qila Ke Andar Tha Khule Maidan Mein Khada Rah Gaya. Yah Manzar Dekh Kar Badshah Askandariya Ka Dil Wa Dimag Hil Gaya Aur Wo Dar Ke Maare Shahar Chhod Kar Apni Faujon Ke Sath Bhaag Nikla Aur Poora Shahar Musalmanon Ke Qabze Mein Aa Gaya. (Tareekh Waqdi Wa Seeratussaliheen Page 22)

Tabsera : SubhanALLAH! Auliya ALLAH Ki Ruhani
Taqaton Ka Kya Kahna, Sach Hai-
'Koi Andaza Kar Sakta Hai Us Ke Zore Bazoo Ka
Nigahe Marde Momin Se Badal Jati Hai Taqdeerein'

Hazrat Amr Bin Jumooh Radiallaho
Ta'ala Anhu

Yah Madeena Munawwara Ke Rahne Wale Ansari Hain Aur Hazrat Jabir Radiallaho Ta'ala Anhu Ke Phoopha Hain Yah Apahij The. Yah Junge Uhud Ke Din Apne Bete Ke Sath Jihad Ke Liye Aaye To Huzoor E Aqdas ﷺ Ne Un Ko Langda Ne Ki Bina Par Maidane Jung Mein Utarne Se Rok Diya. Yah Bargahe Risalat Mein Gid Gida Kar Arz Karne Lage Ki Ya Rasoolullah! Mujhe Jung Mein Ladne Ki Ijazat Deejiye Meri Tamanna Hai Ki Mein Langdata Hua Jannat Mein Chala Jao Un Ki Be Qarari Aur Girya Wa Zaari Ko Dekh Kar Rahmate Aalam ﷺ Ka Dil Intihai Mut'assir Ho Gaya Aur Aap Ne Un Ko Jung Karne Ki Ijazat De Di. Yah Khushi Se Uchhal Pade Aur Kafiron Ke Hujoom Mein Ghus Kar Bahaduri Se Jung Karne Lage Yahan Tak Ki Shahadat Se Sarfaraz Ho Gaye. (Madarijunnabuwa Jild 2 Page 24)

Karamat

Laash Maidan e Jung Se Bahar Nahi Gai: Ladai Ho Jane Ke Baad Jab Hazrat Amr Bin Jumooh Ki Beevi Hazrat Hind Radiallaho Ta'ala Anha Maidan e Jung Mein Gai To Un Ki Laash Ko Unt Par Laad Kar Dafan Ke Liye Madeena Munawwara Lana Chaha To Hazaron Koshishon Ke Bavajood Wo Unt Madeena Ki Taraf Nahi Chala, Balki Wo Maidan e Jung Hi Ki Taraf Bhaag Bhaag

Kar Jata Raha. Hazrat Hind Radiallaho Ta'ala Anha Ne Jab Darbare Risalat Mein Yah Maajra Arz Kiya To Aap Ne Farmaya Ki Kya Amr Bin Jumooh Ne Ghar Se Nikalte Waqt Kuch Kaha Tha? Hazrat Hind Ne Arz Kiya Ki Ji Haan! Wo Yah Kah Kar Ghar Se Nikle The, اهىل ایل دنخ ي ال اللھم 'Aey ALLAH! Mujh Ko Maidan e Jung Se Apne Ahal Wa Ayaal Mein Wapas Aana Naseeb Mat Kar' Aap Ne Irshad Farmaya Ki Yahi Wajah Hai Ki Unt Madeena Munawwara Ki Taraf Nahi Chal Raha Hai Isliye Tum Un Ko Madeena Le Jane Ki Koshish Mat Karo. (Madarijunnabuwa Jild 2 Page 124) Tabsera : Allahu Akbar! Kya Thikana Hai Is Jazba e Ishq Aur Joshe Jihad Ka? Aur Kya Kahna Us Shauq e Shahadat Ka. SubhanALLAH

'Do Qadam Bhi Chalne Ki Hai Nahi Taqat Mujh Mein
Ishq Kheenche Liye Jata Hai, Mein Kya Jata Hoon'

Khuda Ki Shaan Dekhiye Ki Un Ki Tamanna Poori Ho Gai Jihad Bhi Kar Liya, Shahadat Se Bhi Sarfaraz Ho Gaye Aur Maidan e Jung Hi Mein Un Ka Madfan Bhi Ban Gaya. Yah Sach Hai-

'Jo Mangne Ka Tareeqa Hai Us Tarah Mango
Dare Kareem Se Bande Ko Kya Nahi Milta'

Hazrat Aboo Sa'alba Khashni Radiallaho
Ta'ala Anhu

Yah Daawat e Islam Ke Shuru Hi Mein Musharraf Ba Islam Ho Gaye The, Silsila Choonki 'Khasheene Wael' Se Milta Hai Isliye Yah Khashni Kahlate Hain. Sulah Hudaibiya Mein Huzoor E Aqdas ﷺ Ke Sath The, Bayt e Rizwan Karke Raza e Khudavandi Ki Sanad Hasil Ki. Huzoor ﷺ Ne Un Ko Muballig Bana Kar Bheja, Chunanche Un Ki Koshishon Se Un Ka Poora Qabeela Jald Hi Daman e Islam Mein Aa Gaya. Mulke Shaam Fatah Hone Ke Baad Yah Shaam Mein Thahar Gaye, Sachchai Aur Saaf Goe Mein Yah Apna Jawab Nahi Rakhte The. Raat Ke Sannate Mein Aksar Yah Ghar Se Bahar Nikal Kar Aasman Par Nazar Dalte Aur Sajda Mein Gir Kar Ghanton Sar Ba Sujood Rahte. Mulke Shaam Mein Bas Gaye The Aur Woin San 75 Hijri Mein Wafat Pai Un Ka Naam Jarhim Bin Naashib Hai, Magar Kunniyat Hi Mashhoor Hai. (Akmaal Page 589 Wa Asadul Gaaba Jild 1 Page 276)

Karamat

Apni Pasand Ki Maut Mili: Yah Aksar Kaha Karte The Aur Duayein Bhi Manga Karte The Ki Ya ALLAH! Mujh Ko Aam Logon Ki Tarah Aediyan Ragad Ragad Kar Aur Dam Ghut Ghut Kar Marna Pasand Nahi Hai Mujhe Aisi Maut Mile Ki Us Mein Dam

Ghutne Aur Aediyan Ragad Ne Ki Pareshani Na Uthani Pade, Chunanche Un Ki Yah Karamat Hai Ki Hazrat Ameere Muawiya Radiallaho Ta'ala Anhu Ki Hukoomat Ke Dauran Yah Aadhi Raat Guzar Ne Ke Baad Namaz Mein Mashgool The Ki Un Ki Beti Ne Yah Khwab Mein Dekha Ki Un Ke Walid Sahib Ka Inteqal Ho Gaya, Wo Is Pareshan Kun Khwab Se Ghabra Kar Uth Baithi Aur Aawaz Di To Dekha Ki Aap Namaz Padh Rahe Hain Thodi Der Baad Doosri Martaba Aawaz Di To Koi Jawab Nahi Mila Paas Ja Kar Dekha To Sar Sajda Mein Tha Aur Rooh Parwaz Kar Chuki Thi. (Asadul Gaaba Wa Asabihi)

Hazrat Qais Bin Kharsha Radiallaho
Ta'ala Anhu

Yah Qabeela Bani Qais Bin Sa'alba Se Ta'alluq Rakhte The. Un Ke Islam Lane Ki Tareekh Mutayyan Nahi Ki Ja Saki Lekin Yah Maloom Hai Ki Huzoor ﷺ Ke Madeena Tashreef Lane Ke Baad Yah Apne Watan Se Madeena Munawwara Aaye Aur Huzoor ﷺ Ke Samne Hazir Hokar Bole Ki Ya Rasoolullah! Mein Har Us Cheez Par Jo Khuda Ta'ala Ki Taraf Se Aap Ke Paas Aai Hai Aur Umr Bhar Sach Bolne Par Aap Se Bayt Karta Hoon. Aap Ne Farmaya Ki Aey Qais! Tum Kya Kahte Ho Mumkin Hai Tum Ko Aise Zalim Hakimon Se Samna Pade Jin Ke Muqable Mein Tum Haq Goe Se Kaam Na Le Sako. Arz Kiya Ki Ya Rasoolullah! Aisa Kabhi Hargiz Hargiz Nahi Ho Sakta Khuda Ki Qasam! Mein Jin Jin Cheezon Par Aap Se Bayt Karta Hoon Us Ko Zarur Zarur Poora Karunga. Yah

Sun Kar Sarkar e Risalat Ma'ab ﷺ Ne Apne Paigambarana Lahje Mein Irshad Farmaya Ki Agar Aisa Hai To Tum Itminan Rakho Ki Tum Ko Kisi Shar Se Kabhi Bhi Nuqsaan Nahi Pahunch Sakta, Chunanche Aap Umr Bhar Apne Us Waade Par Poore Irade Se Sakhti Se Qayam Rahe. Banoo Umaiya Ke Daure Hukoomat Mein Zyaad Aur Ubaidullah Bin Zyaad Jaise Zalim Governor Par Barmala Nukta Cheeni Karte Rahte The Yahan Tak Ki Ubaidullah Bin Zyaad Zalim Governor Ke Munh Par Khullam Khulla Yah Kah Diya Ki Tum Log ALLAH Wa Rasool Par Jhooth Baandh Ne Wale Muftari Ho.

Karamat

Jaan Gai Magar Aan Nahi Gai: Ubaidullah Bin Zyaad Governor Aap Ka Dushman Ho Gaya Tha Us Ne Aap Ko Qatl Ki Dhamki Di Aap Ne Us Se Kah Diya Ki Too Mera Kuch Bhi Nahi Bigaad Sakta. Ubaidullah Bin Zyaad Ne Gusse Mein Aakar Jalladon Ko Bulaya Aur Hukm De Diya Ki Tum Log Qais Bin Kharsha Ke Makaan Par Ja Kar Un Ki Gardan Uda Do, Jallad Aa Gaye Lekin Jab Aap Ki Gardan Udane Ke Liye Aap Ke Makaan Par Pahunche To Yah Dekh Kar Hairan Rah Gaye Ki Wo Apne Bistar Par Letey Huye Hain Aur Un Ki Muqaddas Rooh Parwaz Kar Chuki Hai. Jallad Un Ke Badan Ko Hath Bhi Na Laga Sake Aur Nakam Wa Namurad Wapas Chale Gaye Aur Is Tarah Aap Ek Zalim Ki Saza Ke Shar Se Bach Gaye. (Istiyaab Jild 2 Page 54)

Tabsera : Aap Ne Ubaidullah Bin Zyaad Se Farmaya Tha
Ki 'Too Mera Kuch Nahi Bigaad Sakta' Halanki Us Ne Apni
Governory Ke Guman Mein Yah Chaha Ki Jallad Se Un Ko
Qatl Kara Kar Badla Le Le Magar Us Ka Yah Mansooba
Khaaq Mein Mil Gaya Aur Jallad Nakam Wa Namurad
Hokar Wapas Chale Gaye. SubhanALLAH! Sach Hai Ki-
'Jo Jazb Ke Aalam Mein Nikle Labe Momin Se
Wo Baat Haqeeqat Mein Taqdeere Ilaahi Hai'

Hazrat Ubai Bin Ka'ab Ansari Radiallaho
Ta'ala Anhu

Ansar Mein Qabeela Khazraj Se Un Ka Khandani Ta'alluq Hai, Yah Darbare Nubuwat Mein 'Wahee' Ke Katib The Aur Yah Un 6 Sahabiyon Mein Se Hain Jo Ahade Nabwi Mein Poore Hafiz e Qur'an Ho Chuke The Aur Huzoor ﷺ Ki Maujoodgi Mein Fatwe Bhi Dene Lage The, Sahaba E Kiraam Un Ko Sayyadul Qura (Sab Qariyon Ka Sardar) Kahte The. Huzoor E Akram یللاہی صَلَّ مَی لَّیوَسَ ہل یوَاٰ ہیعَلَی تَعَالٰ Ne Un Ki Kunniyat Aboo Manzar Rakhi Thi Aur Hazrat Umar Radiallaho Ta'ala Anhu Un Ko Abul Tufail Ki Kunniyat Se Pukara Karte The. Darbare Nubuwat Se Unko Sayyadul Ansar (Ansar Ka Sardar) Ka Khitab Mila Tha Aur Hazrat Ameerul Momineen Umar Radiallaho Ta'ala Anhu Ne Un Ko Sayyadul Muslimeen Ka Laqab Ata Farmaya Tha. Un Ke Shagirdon Ki Fehrist Bahut Lambi Hai. Huzoor E Aqdas ﷺ Ne Ek Din Un Se

Irshad Farmaya Ki Aey Ubai Bin Ka'ab! ALLAH Ta'ala Ne Mujhe Hukm Diya Hai Ki Mein Tumhare Samne Soorah Lam Yakun Padh Kar Tumhein Sunao, To Hazrat Ubai Bin Ka'ab Radiallaho Ta'ala Anhu Ne Arz Kiya Ki Ya Rasoolullah ﷺ ! Kya Khuda Ne Mera Naam Le Kar Aap Se Farmaya Hai? Aap Ne Farmaya Ki Haan! Yah Sun Kar Hazrat Ubai Bin Ka'ab Radiallaho Ta'ala Anhu Rote Huye Kahne Lage, العملير رب عند ذكرت 'ALLAHTa'ala Ke Darbar Mein Mera Zikr Kiya Gaya' (Akmaal Page 586 Wa Kanzul Ummal Jild 15 Page 238 Wa Bukhari Shareef)

Karamaat

Hazrat Jibreel Alaihissalam Ki Aawaz Suni: Un Ki Ek Mashhoor Karamat Yah Hai Ki Unhone Hazrat Jibreel Alaihissalam Ki Aawaz Suni, Is Ka Waqia Yah Hai Ki Hazrat Anas Radiallaho Ta'ala Anhu Raawi Hain Ki Hazrat Ubai Bin Ka'ab Radiallaho Ta'ala Anhu Ne Kaha Ki Mein Zarur Masjid Mein Dakhil Hokar Namaz Padhoonga Aur ALLAH Ta'ala Ki Aisi Tareef Karunga Ki Kisi Ne Bhi Aisi Nahi Ki Hogi, Chunanche Wo Namaz Ke Baad Jab Khuda Ki Hamd Wa Tareef Ke Liye Baithe To Unhone Ek Buland Aawaz Apne Peechhe Suni Ki Koi Kah Raha Hai- االمور جع ير اليک و لکه الخير بيدک و لکه امللک لک و لکه المد لک اللھم مضخ ما یل اغفر قدير یسَ لك عىل انک المد لک ورسه عالنيته لکهذنونج من عىل وتب عتخ ابج ضخي زاكيته امعاال وارزقتخ معری من بق فمير اعصمتخ و

'Aey ALLAH! Tere Hi Liye Tareef Hai Kul Ki Kul Aur Tere Liye Hi Badshahi Hai Tamam Ki Tamam Aur Tere Hi Liye Bhalai Hai Sab Ki Sab Aur Teri Hi Taraf Tamam Maamlat Lauttey Hain Zahiri Bhi Aur Batini Bhi Tere Hi Liye Tareef Hai. Yaqeenan Too Har Cheez Par Qudrat Wala Hai, Mere Un Gunahon Ko Bakhsh De Jo Ho Chuke Aur Meri Umr Ke Baqi Hisse Mein Too Mujhe Achche Aamaal Ki Taufeeq De Aur Too Un Aamaal Ke Zariye Mujh Se Raazi Ho Ja Aur Meri Tauba Qabool Farma Le'. Hazrat Ubai Bin Ka'ab Masjid Se Nikal Kar Rahmate Aalam ﷺ Ke Darbar Mein Hazir Huye Aur Maajra Sunaya. Aap Ne Farmaya Tumhare Peechhe Buland Aawaz Se Dua Padhne Wale Hazrat Jibreel Alaihissalam The. (Kitabuzzikr Li Ibne Abidduniya)

Badli Ka Rukh Pher Diya: Hazrat Ibne Abbas Radiallaho Ta'ala Anhu Farmate Hain Ki Hazrat Umar Radiallaho Ta'ala Anhu Ke Qafila Ke Sath Makka Mukarrama Ja Rahe The Aur Mein Aur Hazrat Ubai Bin Ka'ab Radiallaho Ta'ala Anhu Donon Us Qafile Ke Peechhe Chal Rahe The Achanak Ek Badli Uthi To Hazrat Ubai Bin Ka'ab Radiallaho Ta'ala Anhu Ne Farmaya Ki Ya ALLAH! Hum Ko Us Badli Ki Takleef Se Bacha Le Aur Us Badli Ka Rukh Pher De, Chunanche Badli Ka Rukh Phir Gaya Aur Hum Donon Par Barish Ki Ek Boond Bhi Nahi Giri Lekin Jab Hum Donon Qafile Mein Pahunche To Hum Ne Yah Dekha Ki Logon Ki Sanwariyan Aur Sab

Saman Bheege Huye Hain. Hum Ko Dekh Kar Hazrat Umar Radiallaho Ta'ala Anhu Ne Farmaya Ki Kya Yah Barish Jo Hum Par Hui Hai Tum Logon Par Nahi Hui? Mein Ne Arz Kiya Ki Aey Ameerul Momineen! Hazrat Ubai Bin Ka'ab Ne Badli Dekh Kar Khuda Se Dua Mangi Ki Hum Is Barish Ki Pareshani Se Bach Jayein Isliye Hum Par Bilkul Barish Nahi Hui Aur Badli Ka Rukh Phir Gaya. Yah Sun Kar Hazrat Umar Radiallaho Ta'ala Anhu Ne Farmaya Tum Donon Ne Humare Liye Kyun Nahi Dua Mangi? Kaash Tum Humare Liye Bhi Dua Mangte Taaki Hum Log Bhi Is Barish Ki Takleef Se Mahfooz Rahte. (Kanzul Ummal Jild 15 Page 232)

Bukhar Mein Sada Bahaar: Ek Din Huzoor Sayyad e Aalam ﷺ Ne Irshad Farmaya Ki Bukhar Ke Mareez Ko ALLAH Ta'ala Bahut Zyada Nekiyan Ata Farmata Hai Yah Sun Kar Hazrat Ubai Bin Ka'ab Radiallaho Ta'ala Anhu Ne Yah Dua Mangi Ki Ya ALLAH! Mein Tujh Se Aise Bukhar Ki Dua Mangta Hoon Jo Mujhe Jihad Aur Baitullah Shareef Ke Safar Aur Masjid Ki Haziri Se Na Roke Aap Ki Dua Maqbool Hui. Chunanche Aap Ke Beton Ka Bayan Hai Ki Mere Baap Hazrat Ubai Bin Ka'ab Radiallaho Ta'ala Anhu Ko Har Waqt Bukhar Rahta Tha Aur Badan Jalta Rahta Tha Magar Us Halat Mein Bhi Wo Haj Wa Jihad Ke Liye Safar Karte Aur Masjidon Mein Bhi Haziri Dete The Aur Is Qadar Josh Wa Kharosh Ke Sath Un Kaamon Ko Karte The Ki Koi Mahsoos Bhi Nahi Kar Sakta Tha Ki Yah Bukhar Ke Mareez

Hain. (Kanzul Ummal Jild 15 Page 234 Matbooa Hyderabad)

Hazrat Aboo Darda Radiallaho Ta'ala
Anhu

Yah Qabeela Ansar Mein Khandan Khazraj Se Nasabi Ta'alluq Rakhte Hain, Unka Naam Awemar Bin Aamir Ansari Hai. Yah Bahut Hi Ilm Wa Fazl Wale Faqeeh Aur Sahibe Hikmat Sahabi Hain Aur Parhezgaari Aur Ibadat Mein Bhi Yah Bahut Buland Martaba Hain. Huzoor E Aqdas یمَ لَّوَسَ ی ہل وَاٰ ی ہ عَلَی ی تَعَالٰ للاہی ی صَلَّ Ke Baad Unhone Madeena Munawwara Chhod Kar Shaam (Syria) Mein Sukoonat Ikhtiyar Kar Li Aur San 32 Hijri Mein Shahar Damishq Ke Andar Wisaal Farmaya. (Akmaal Page 594 Wagaira)

Karamat

Haandi Aur Pyale Ki Tasbeeh: Ek Martaba Aap Apni Haandi Ke Neeche Aag Sulga Rahe The Aur Hazrat Salman Farsi Radiallaho Ta'ala Anhu Bhi Un Ke Paas Hi Baithe Huye The Achanak Haandi Mein Se Tasbeeh Padhne Ki Aawaz Buland Hui Phir Khud Ba Khud Wo Haandi Chulhe Par Se Gir Kar Aaundhi (Ulti) Ho Gai Phir Khud Ba Khud Hi Chulhe Par Chali Gai Lekin Us Haandi Mein Se Pakwaan Ka Koi Hissa Bhi Zameen Par Nahi Gira. Hazrat Aboo Darda Radiallaho Ta'ala Anhu Ne

Hazrat Salman Radiallaho Ta'ala Anhu Se Kaha Ki Aey Salman! Yah Ta'ajjub Khez Aur Hairat Angez Mamla Dekho, Hazrat Salman Farsi Radiallaho Ta'ala Anhu Ne Farmaya Ki Aey Aboo Darda! Agar Tum Chup Rahte To ALLAH Ta'ala Ki Nishaniyon Mein Se Bahut Si Doosri Badi Badi Nishaniyan Bhi Tum Dekh Lete. Phir Yah Donon Ek Hi Pyala Mein Khana Khane Lage To Pyala Bhi Tasbeeh Padhne Laga Aur Is Pyala Mein Jo Khana Tha Us Khane Ke Daane Daane Se Tasbeeh Padhne Ki Aawaz Sunai Dene Lagi. (Hulyatul Auliya Jild 1 Page 224-289) Aqde Muwakhaat (Bhaichargi) Mein Huzoor E Akram ﷺ Ne Hazrat Aboo Darda Aur Hazrat Salman Farsi Radiallaho Ta'ala Anhuma Ko Ek Doosre Ka Bhai Bana Diya Tha.

Hazrat Amr Bin Absa Radiallaho Ta'ala
Anhu

Un Ki Kunniyat Aboo Najeeh Hai Aur Yah Qabeela Banoo Saleem Mein Se The. Islam Ke Shuru Hi Mein Yah Daulat e Imaan Se Maala Maal Ho Gaye The Musalman Hone Ke Baad Huzoor E Akram ﷺ Ne Un Se Farmaya Ki Tum Apni Qaum Mein Jakar Raho Aur Jab Tum Yah Sun Lo Ki Mein Makka Se Hijrat Karke Madeena Munawwara Chala Gaya Hoon To Us Waqt Tum Mere Paas Chale Aana. Yah Apni Qaum Mein Thahar Gaye Yahan Tak Ki Junge Khaibar Ke Baad Madeena Munawwara Aaye Aur Us Muqaddas Shahar Mein Bas Gaye. Un Ke Shagirdon

Mein Bade Bade Buland Paaye Muhaddiseen Hain. Hazrat Ali Radiallaho Ta'ala Anhu Ke Daure Khilafat Mein Unhone Duniya Se Rihlat Farmai. (Akmaal Page 607)

Karamat

Abr (Baadal) Ne Un Par Saaya Kiya: Hazrat Ka'ab Radiallaho Ta'ala Anhu Ke Gulam Ka Bayan Hai Ki Ek Din Safar Mein Hazrat Amr Bin Absa Radiallaho Ta'ala Anhu Janwaron Ko Charane Ke Liye Maidan Mein Chale Gaye Mein Dophar Ki Dhoop Aur Garmi Mein Unhein Dekhne Ke Liye Janwaron Ki Charagaah Mein Gaya To Kya Dekhta Hoon Ki Hazrat Amr Bin Absa Radiallaho Ta'ala Anhu Ek Jagah Maidan Mein So Rahe Hain Aur Ek Baadal Ka Tukda Un Par Saaya Kiye Huye Hai. Mein Ne Unhein Bedar Kiya To Unhone Farmaya Ki Khabardar! Khabardar! Jo Kuch Tum Ne Dekha Hai Hargiz Hargiz Kisi Se Mat Kahna Warna Tumhari Khairiyat Nahi Rahegi. Hazrat Ka'ab Radiallaho Ta'ala Anhu Ke Gulam Kahte The Ki Khuda Ki Qasam Jab Tak Unki Wafat Na Ho Gai Meine Kisi Se Un Ki Is Karamat Ka Tazkira Nahi Kiya. (Asaaba Jild 3 Page 6)

Hazrat Abdullah Bin Qarat Radiallaho
Ta'ala Anhu

Un Ka Khandani Ta'alluq Azd Se Hai Isliye Azdi Kahlate Hain. Zamana E Jahiliyat Mein Un Ka Naam 'Shaitan' Tha Musalman Ho Jane Ke Baad Nabi Akram یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ne Un Ka Naam Abdullah Rakh Diya. Yah Junge Yarmook Aur Fatah e Damishq Ki Ladaiyon Mein Badi Bahaduri Aur Janbazi Ke Sath Kuffar Se Ladte Rahe. Hazrat Aboo Ubaida Bin Jarrah Radiallaho Ta'ala Anhu Ne Un Ko Do Martaba 'Hamas' Ka Haakim Banaya Phir Ameere Muawiya Radiallaho Ta'ala Anhu Ki Hukoomat Mein Bhi Yah 'Hamas' Ke Haakim Banaye Gaye. Un Ka Shumar Muhaddiseen Ki Fehrist Mein Hota Hai Aur Muhaddiseen Ki Ek Jama'at Ne Un Ke Halqa e Dars Mein Hadeeson Ka Paath Padha Hai. San 56 Hijri Mein Rum Ki Zameen Mein Kuffar Se Ladte Huye Shahadat Se Sarfaraz Ho Gaye. (Asadul Gaaba Jild 3 Page 42 Wa Akmaal Page 605)

Karamat

Mustajabuddawaat (Dua): Un Ki Ek Karamat Yah Hai Ki Un Ki Duayein Bahut Zyada Aur Bahut Jald Qabool Hua Karti Thi Aur Un Ka Bayan Hai Ki Ek Martaba Mein Ba Halat e Safar Khalid Bin Walid Radiallaho Ta'ala Anhu Ke Sath Tha Magar Achanak Mera Unt Is Qadar Thak Gaya Ki Chalne Ke Qabil Hi Na Raha, Chunanche Mein Ne Irada Kar Liya Ki Hazrat Khalid

Bin Walid Radiallaho Ta'ala Anhu Ka Sath Chhod Doo Lekin Phir Mein Ne ALLAH Ta'ala Se Dua Mangi To Bilkul Achanak Mera Unt Taiyar Hokar Tezi Ke Sath Chalne Laga. (Tabrani)

Hazrat Saayab Bin Aqar'a Radiallaho
Ta'ala Anhu

Yah Qabeela Banoo Saqeef Ki Honhaar Aur Naamwar Shakhsiyat Hain Isliye Saqfee Kahlate Hain, Un Ki Walida Ka Naam Maleeka Tha. Unki Walida Unko Bachpan Hi Mein Apne Sath Lekar Bargahe Nubuwat Mein Hazir Hui To Nabi Kareem ﷺ Ne Un Ke Sar Par Apna Daste Mubarak Phera Aur Un Ke Liye Dua Farmai. Yah Bade Mujahid The Nihawand Ki Fatah Mein Yah Hazrat Nauman Bin Maqran Radiallaho Ta'ala Anhu Ko Jhande Ke Neeche Khoob Jam Kar Kuffar Se Lade. Ameerul Momineen Hazrat Umar Radiallaho Ta'ala Anhu Ne Un Ko 'Madaayan' Ka Governor Muqarrar Farma Diya Tha, Asfhaan Mein Un Ka Inteqal Hua. (Asadul Gaaba Jild 2 Page 249)

Karamat

Tasveer Ne Khazana Bataya: Ameerul Momineen Hazrat Umar Radiallaho Ta'ala Anhu Ne Un Ko 'Madyaan' Ka Governor Muqarrar Farmaya. Yah Ek Din 'Kisra' Ke Mahal Mein Baithe Huye

The To Dekha Ki Mahal Mein Ek Aisi Tasveer Hai Jo Ungli Se Ek Maqaam Ki Taraf Ishara Kar Rahi Hai, Chunanche Aap Ne Us Maqaam Ko Khodne Ka Hukm Diya To Woan Se Ek Bahut Bada Khazana Nikla Jo Woan Dafan Tha. Aap Ne Madeena Munawwara Bargahe Khilafat Mein Us Ki Itlaa (Khabar) De Kar Yah Poochha Ki Us Khazana Ko Musalmanon Ne Jung Karke Hasil Nahi Kiya Hai Balki Meine Usko Akele Talash Kiya Hai To Mein Us Raqam Ko Kya Karoo? Hazrat Ameerul Momineen Radiallaho Ta'ala Anhu Ne Yah Hukm Saadir Farmaya Ki Choonki Tum Musalmanon Ke Ameer Ho Isliye Is Raqam Ko Musalmanon Par Taqseem (Baant) Kar Do. (Rawaahul Khateeb Qaza Fil Kanz Jild 3 Page 305)

Hazrat Irbaaz Bin Saariya Radiallaho
Ta'ala Anhu

Un Ki Kunniyat Aboo Najeeh Hai Aur Un Ka Khandani Ta'alluq Bani Saleem Se Hai, Gareeb Muhajir The Isliye Masjide Nabwi Mein As'haab e Suffa Ke Sath Rahte The. Aakhir Mein Mulke Shaam Chale Gaye Aur Woin Bas Gaye. Hazrat Aboo Amaama Aur Taabaen Ki Ek Jama'at Ne Un Se Hadeeson Ki Riwayat Ki Hai. San 75 Hijri Mein Shaam (Syria) Mein Un Ka Wisaal Hua. (Asadul Gaaba Jild 3 Amaal Page 606)

Karamat

Firishte Se Mulaqat Aur Baat: Ek Din Yah Damishq Ki Jama Masjid Mein Is Tarah Dua

Mang Rahe The Ki Ya ALLAH! Ab Meri Umr Bahut Zyada Ho Gai Hai Aur Meri Haddiyan Bahut Zyada Kamzor Ho Chuki Hain Lihaza Ab Too Mujhe Wafat De De. Achanak Un Ke Peechhe Se Ek Hara Kapda Pahne Huye Naujawan Jo Bahut Hi Khubsoorat Tha Bol Utha, Aey Shakhs! Yah Kaisi Dua Mang Raha Hai? Tumhein Is Tarah Dua Karni Chahiye Ki Ya ALLAH! Mere Amal Ko Achcha Kar De Aur Mujh Ko Meri Maut Ki Muddat Tak Pahuncha De. Yah Naujawan Ki Daant (Phatkar) Sun Kar Chaunke Aur Poochha Ki ALLAH Ta'ala Aap Par Raham Farmaye Aap Kaun Hain? Naujawan Ne Kaha Mein "Rabee'el" Firishta Hoon Aur Khuda Ta'ala Ki Taraf Se Meri Yah Duty Hai Ki Mein Momineen Ke Dilon Se Ranj Wa Gam Ko Door Karta Hoon. (Qaalashsheemi Jild 10 Page 184) Tabsera : Firishta Ka Deedar Karna Aur Us Se Aamne Samne Baat Karna Bila Shubah Yah Ek Badi Karamat Hai Jo Sharfe Sahabiyat Ke Tufail Mein Sahaba E Kiraam Radiallaho Ta'ala Anhuma Ajmaen Ko Milti Rahi Hai. Wallahu Ta'ala Aa'alam

Hazrat Khabbab Bin Aaris Radiallaho
Ta'ala Anhu

Un Ki Kunniyat Aboo Abdullah Hai. Yah Gulam The, Un Ko Qabeela Tameem Ki Ek Aurat Ne Khareed Kar Aazad Kar Diya Tha Isliye Yah Tameemi Kahlate Hain. Shuru Hi Mein Unhone Islam Qabool Kar Liya Tha Aur Kuffare Makka Ne Hazrat Ammar Wa Bilal Radiallaho

Ta'ala Anhuma Ki Tarah Un Ko Bhi Tarah Tarah Ke Azabon Mein Mubtala Kiya Yahan Tak Ki Un Ko Koylon Ke Upar Litatey The Aur Paani Mein Is Qadar Dubki Dilate The Ki Un Ka Dam Ghutne Lagta Aur Yah Behosh Ho Jate Magar Sabr Wa Istiqamat Ka Pahad Ban Kar Yah Saari Musibaton Aur Takleefon Ko Jhelte Rahe Aur Un Ke Islam Mein Baal Barabar Bhi Tazabzub Ya Dheelapan Nahi Hua. Huzoor E Aqdas ﷺ Ke Wisaal Ke Baad Madeena Munawwara Se Un Ka Dil Uth Gaya Aur Yah Koofa Mein Jakar Muqeem Ho Gaye Aur Woin San 37 Hijri Mein 73 Baras Ki Umr Mein Inteqal Farma Gaye. (Akmaal Page 592)

Karamat

Khushk (Sookha) Than Doodh Se Bhar Gaya: Un Ki Ek Karamat Yah Hai Ki Yah Ek Martaba Jihad Ke Liye Nikle To Ek Aise Maqaam Par Pahunch Gaye Jahan Paani Ka Naam Wa Nishan Bhi Nahi Tha. Jab Yah Aur Un Ke Sath Pyas Ki Sakhti Se Bagair Paani Ke Machhali Ki Tarah Tadap Ne Lage Aur Bilkul Hi Nidhaal Aur Be Taab Ho Gaye To Aap Ne Apne Ek Sathi Ki Untni Ko Baithaya Aur Bismillah Shareef Padh Kar Us Ke Than Ko Hath Lagaya To Ek Dam Us Ka Sookh Hua Than Is Qadar Doodh Se Bhar Gaya Ki Phool Kar Mashk Ke Barabar Ho Gaya. Us Untni Ka Doodh Dooh Dooh Kar Sab Sathiyon Ne Pet Bhar Kar Pi Liya Aur Sab Ki Jaan Bach Gai. (Qaalalhasheemi Jild 6 Page 210)

Hazrat Miqdaad Bin Aswad Kundi
Radiallaho Ta'ala Anhu

Un Ke Walid Ka Naam Amr Bin Sa'alba Tha, Aswad Ke Bete Isliye Kahlane Lage Ki Aswad Bin Abde Yagoos Zahari Ne Un Ko Apna Munh Bola Beta Bana Liya Tha Isliye Us Ki Taraf Mansoob Ho Gaye Aur Choonki Qabeela Bani Kunda Se Unhone Dosti Kar Liya Tha Aur Un Ke Qareebi Ban Gaye The Isliye Is Nisbat Se Apne Ko Kandi Kahne Lage. Un Ki Kunniyat 'Aboo Muabad' Ya 'Abul Asad' Hai Aur Yah Pahle Islam Lane Walo Mein Se Hain, Makka Muazzama Se Hijrat Karke Habsha Chale Gaye The Phir Habsha Se Makka Mukarrama Wapas Chale Gaye Magar Madeena Munawwara Ko Hijrat Nahi Kar Sake Kyunki Kuffar Ne Har Taraf Se Gher Karke Madeena Ka Rasta Band Kar Diya Tha Yahan Tak Ki Jab Hazrat Ubaid Bin Haaris Radiallaho Ta'ala Anhu Ek Chhota Sa Lashkar Le Kar Madeena Munawwara Se Akrama Bin Aboo Jahal Ke Lashkar Se Ladne Ke Liye Aaye To Yah Aur Hazrat Utba Bin Gazwaan Radiallaho Ta'ala Anhuma Kafiron Ke Lashkar Mein Shamil Ho Gaye Aur Bhaag Kar Musalmanon Se Mil Gaye Aur Is Tarah Madeena Munawwara Hijrat Karke Pahunch Gaye. Yah Woi Hazrat 'Miqdaad Bin Aswad' Hain Ki Jab Rasoole Akram ﷺ Ne Junge Badr Ke Mauqe Par Sahaba E Kiraam Se Mashwara Farmaya To Unhone Ba Aawaze Buland Kaha Ki Ya Rasoolullah ی یللاہیتَعَالٰ صَلَّ مَی لَّیوَسَ ہل یوَاٰ ہعَلَی ! Hum Bani Israel Nahi Hain Jinhone Apne Nabi Hazrat Moosa Alaihissalam Se Jung Ke Waqt Yah Kaha Tha

Ki 'Aap Aur Aap Ka Khuda Donon Jakar Jung Karein Hum To Apni Jagah Baithe Rahenge' Balki Hum To Aap Ke Wo Jaan Nisar Hain Ki Agar Khuda Ki Qasam! Hum Ko Aap 'Barkul Gamaad' Tak Le Jayenge To Hum Aap Ke Sath Chalenge Aur Hum Aap Ke Aage, Aap Ke Peechhe, Aap Ke Dayein, Aap Ke Bayein Se Us Waqt Tak Ladte Rahenge Jab Tak Ki Humare Badan Mein Khoon Ka Aakhiri Qatra Aur Zindagi Ki Aakhiri Saans Baqi Hai. Hazrat Abdullah Bin Mas'ood Radiallaho Ta'ala Anhu Ne Farmaya Ki Makka Mukarrama Mein 7 Log Aise The Jinhone Makka Mukarrama Mein Kuffar Ke Samne Sab Se Pahle Khullam Khulla Apne Islam Ka Ailan Kiya Un Mein Se Ek Hazrat 'Miqdaad Bin Aswad' Radiallaho Ta'ala Anhu Bhi Hain. Huzoor Anwar یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ne Farmaya Ki ALLAH Ta'ala Ne Har Nabi Ko 7 Jaan Nisar Sathi Diye Hain Lekin Mujh Ko Hazrat Haq Jall Majdahoo Ne 14 Doston Ki Jama'at Ata Farmai Hai Jin Ki Fehrist Yah Hai- (1) Aboo Bakr (2) Umar (3) Ali (4) Hamza (5) Ja'afar (6) Hasan (7) Husain (8) Abdullah Bin Mas'ood (9) Salman (10) Ammar (11) Huzaifa (12) Aboo Zar (13) Miqdaad (14) Bilal Radiallaho Ta'ala Anhuma Ajmaen Ahadees e Paak Mein Un Ke Fazael Wa Khoobiyan Bahut Zyada Hain. Yah Tamam Islami Ladaiyon Mein Jihad Karte Rahe Aur Fatah Misr Ki Jung Mein Bhi Unhone Dat Kar Kuffar Se Jung Ki. San 33 Hijri Mein Hazrat Ameerul Momineen Hazrat Usman Radiallaho Ta'ala Anhu Ki

Khilafat Ke Dauran Madeena Munawwara Se Teen Meel Door Maqame 'Jarf' Mein 70 Baras Ki Umr Pakar Wisaal Farmaya Aur Log Poori Aqeedat Se Apne Kandho Par Un Ke Janaza Mubarak Ko 'Jarf' Se Utha Kar Madeena Munawwara Laye Aur Jannatul Baqeea Mein Dafan Kiya. (Akmaal Page 612 Wa Asadul Gaaba Jild 4 Page 410)

Karamat

Chuhe Ne 70 Ashrafiyan Nazr Ki: Zaba'a Binte Zubair Kahti Hain Ki Yah Is Qadar Tangdasti Mein Mubtala The Ki Pedon Ke Patte Khaya Karte The, Ek Din Ek Veeran Jagah Mein Rafa'a Hajat Ke Liye Baithe To Achanak Ek Chuha Apne Bil Mein Se Ek Ashrafi Munh Mein Le Kar Nikla Aur Un Ke Samne Rakh Kar Chala Gaya Phir Wo Isi Tarah Barabar Ek Ek Ashrafi Lata Raha Yahan Tak Ki 70 Ashrafiyan Laya. Yah Sab Ashrafiyon Ko Le Kar Bargahe Risalat Mein Hazir Huye Aur Poora Maajra Arz Kiya To Aap Ne Farmaya Ki Tumhare Liye Is Maal Mein Kuch Sadqa Karna Zaruri Nahi Hai ALLAH Ta'ala Tumhein Is Maal Mein Barkat Ata Farmaye. Hazrat Zaba'a Radiallaho Ta'ala Anha Ka Bayan Hai Ki Un Mein Se Aakhiri Ashrafi Abhi Khatm Nahi Hui Thi Ki Mein Ne Chandi Ke Dher Hazrat Miqdaad Radiallaho Ta'ala Anhu Ke Ghar Mein Dekh Liye. (Aboo Naem Fil Dalael Jild 2 Page 396) Tabsera : Is Qism Ka Waqia Doosre Buzurgon Ke Liye Bhi Hua Hai, Chunanche Hazrat Aboo Bakr Al Khaazba Muhaddis Bhi Raat Mein Kuch Likh Rahe The To Chuhe

Ka Ek Joda Uchhalta Koodta Un Ke Samne Aaya Unhone Ek Ko Pyale Se Dhaanp Diya Us Ke Baad Doosre Chuhe Ne Baar Baar Ek Ek Ashrafi Lakar Un Ke Samne Rakhna Shuru Kiya Yahan Tak Ki Aakhir Mein Ek Chamde Ki Thaili Utha Laya Jis Mein Ek Ashrafi Thi, Us Se Unhone Samajh Liya Ki Chuhe Ke Paas Ab Koi Ashrafi Baqi Nahi Rah Gai Hai. Phir Unhone Pyala Utha Liya Aur Chuha Nikal Kar Apne Jode Ke Sath Uchhalta Koodta Bhaag Nikla Aur Un Ashrafiyon Ki Badaulat Hazrat Aboo Bakr Bin Al Khaazba Ki Tang Dasti Ka Daur Khatm Ho Gaya Aur Wo Khushhaal Ho Gaye. (Tahtul Yaman Wagaira) Is Qism Ke Waqiyaat Ko ALLAH Ta'ala Ke Fazl Aur Un Buzurgon Ki Karamat Ke Siwa Aur Kya Kaha Ja Sakta Hai? املتير القوة زو الرزاق هو ہللا ان 'ALLAH Ta'ala Bahut Bada Rozi Dene Wala Aur Bahut Badi Qudrat Aur Taqat Ka Maalik Hai'. Un Buzurgon Ne Sharfe Sahabiyat Se Sarfaraz Hokar Khuda Ke Mahboob Ki Jis Jazba Aur Jaan Nisari Ke Sath Khidmat Guzari Ki Aur Us Ke Sila Mein Haq Jall Jalalahoo Ne Duniya Hi Mein Un Shama e Nubuwat Ke Parwanon Ko Aisi Aisi Karamatein Ata Farmai Hain Jo Yaqeenan Hairan Karne Wale Hain Aur Abhi Aakhirat Mein Wo Raheem Wa Kareem Maula Apne Fazl Wa Karam Se Un Aashiqan e Rasool Ko Jo Ajre Azeem Ata Farmane Wala Hai Us Ko Koi Soch Bhi Nahi Sakta Ki Us Ki Kamiyat Wa Kaifiyat (Kaisa) Ki Azmat Ka Kya Aalam Hoga. Hadees Shareef Ki Roshani Mein Bas Itna Hi Kaha Ja Sakta Hai,

نشَالقلب ایل خطر وما مسعت ازن وال راتعير 'Un Niamaton Ko Na Kisi Aankh Ne Dekha, Na Kisi Kaan Ne Suna, Na Kisi Aadmi Ke Dil Par Kabhi Us Ka Khyaal Guzra'.

Hazrat Urwa Bin Abi Ju'ad Radiallaho
Ta'ala Anhu

Un Ke Morise Aala Ka Naam 'Baariq' Tha Us Nisbat Se Un Ko 'Baarqi' Kahte Hain. Un Ko Ameerul Momineen Hazrat Umar Radiallaho Ta'ala Anhu Ne Apne Daure Khilafat Mein Koofa Ka Qazi Muqarrar Farma Diya Tha. Yah Barson Koofa Hi Mein Rahe Isliye Koofa Ke Muhaddiseen Mein Shumar Hote Hain Aur Unke Shagirdon Mein Bahut Hi Mashhoor Wa Mumtaz Aur Nihayat Buland Paaya Aur Naamwar Muhaddis Hain. (Akmaal Page 606 Wagaira)

Karamat

Mitti Bhi Khareedte To Nafa'a Uthate: Un Ko Rasoolullah ﷺ Ne Ek Deenar De Kar Hukm Farmaya Ki Wo Ek Bakri Khareed Layein Unhone Bazar Jakar Ek Deenar Mein Do Bakriyan Khareedi, Phir Raste Mein Kisi Aadmi Ke Hath Ek Bakri Ek Deenar Mein Bech (Farokht) Karke Darbare Risalat Mein Hazir Huye Aur Ek Bakri Ek Deenar Khidmat Aqdas Mein Pesh Kar Di Aur Bakri Ki Khareedari Ka Poora Waqia Bhi

Suna Diya. Huzoor Akram ﷺ Ne Khush Hokar Unki Khareed Wa Farokht Mein Barkat Ki Dua Farma Di Aur Us Duaye Nabwi Ki Barkat Ka Yah Asar Hua, فيه لربع ایج ي یاشي لو فاکن 'Agar Wo Mitti Bhi Khareedte To Us Mein Bhi Un Ko Nafa'a Hi Nafa'a Hota' Yah Un Ki Karamat Thi. (Mishkat Jild 1 Page 254 Babushsharkatu Wal Wakalat Ba Hawala Bukhari)

Hazrat Aboo Talha Ansari Radiallaho
Ta'ala Anhu

Yah Qabeela Ansar Ke Khandan Banoo Najjar Mein Se The. Hazrat Anas Bin Maalik Radiallaho Ta'ala Anhu Ki Walida Hazrat Beebi Umme Saleem Radiallaho Ta'ala Anha Ne Bewa Ho Jane Ke Baad Un Se Nikah Kar Liya Tha. Yah Bahut Hi Mashhoor Teer Andaz Aur Nishana Baaz The, Un Ke Baare Mein Huzoor E Akram ﷺ Ne Irshad Farmaya Tha Ki Lashkar Mein Aboo Talha Ki Ek Lalkaar Ek Hazaar Sawaron Se Badh Kar Hai. Yah Huzoor E Akram ﷺ Ke Hijrat Farmane Se Pahle Hi Haj Ke Mauqe Par Mina Ki Ghaati Mein Apne 70 Sathiyon Ke Sath Huzoor E Aqdas ﷺ Se Bayt e Islam Karke Musalman Ho Gaye The Phir Junge Badr Wa Junge Uhud Aur Us Ke Baad Ki Tamam Islami Ladaiyon Mein Intihai Jazba e Imaani Aur Joshe Islami Ke Sath Jihad Karte Rahe Aur Bade Bade Mujahidana Karnamon Ka Muzahira Karke Aur Islami Khidamaat Ke Karname Pesh Karke San 31 Hijri

Mein 77 Baras Ki Umr Mein Wafat Pa Gaye. (Akmaal Page 601 Wa Kanzul Ummal Jild 12 Page 277)

Karamat

Laash Kharab Nahi Hui: Hazrat Anas Radiallaho Ta'ala Anhu Raawi Hain Ki Ek Din Budhape Mein Hazrat Aboo Talha Ansari Radiallaho Ta'ala Anhu Soorah Baraat Ki Tilawat Kar Rahe The Jab Is Aayat Par Pahunche, ثقاال و اخفافا انفرو To Aap Ne Farmaya Ki Aey Mere Bachcho! Mujhe Tum Log Jihad Ka Saman Do Kyunki Mera Rab Jawani Aur Budhape Donon Halaton Mein Mujhe Jihad Ka Hukm Farmata Hai. Un Ke Beton Ne Kaha Ki Aap Ne Huzoor یصَلَّ یمَ لَّیوَسَ ہل یوَاٰ ہیعَلَی للاہیتَعَالٰ Aur Hazrat Aboo Bakr Siddiq Wa Hazrat Umar Farooq Radiallaho Ta'ala Anhuma Ke Daur Mein Tamam Jihadon Mein Shirkat Ki Sa'adat Hasil Kar Li Ab Aap Boodhe Ho Chuke Hain Isliye Ab Jihad Mein Na Jaiye Hum Log Aap Ki Taraf Se Jihad Kar Rahe Hain Aur Karte Rahenge. Magar Yah Kisi Tarah Bhi Ghar Baithne Par Raazi Nahi Huye Aur Jihad Ka Saman Jama Karke Jihad Mein Jane Wali Ek Kashti Par Sawar Hokar Jihad Ke Liye Rawana Ho Gaye Khuda Ki Shaan Ki Us Kashti Hi Par Un Ki Wafat Ho Gai. Ittefaq Se Un Ki Qabr Ke Liye Samundar Mein Koi Jazeera Bhi Nahi Mila, 7 Dinon Tak Kashti Mein Aap Ki Laash Mubarak Rakhi Rahi. Saatve Din Samundar Mein Ek Jazeera Mila To Aap Us Jazeera Mein Madfoon Huye. Saat

Din Guzar Ne Ke Bavajood Aap Ke Jisme At'har Par Kisi Qism Ka Koi Badlaaw Zahir Nahi Hua Tha. (Istiaab Li Ibne Abdul Bar Jild 1 Page 550) Tabsera : Allahu Akbar! Yah Jazba e Imaani Aur Joshe Jihad Aey Aasman Bata! Aey Sooraj Bol! Kya Tum Ne Zameen Ke Be Shumar Chakkar Kaat Ne Ke Bavajood Us Ki Koi Misaal Dekhi Hai? Yah Hai Mere Pyare Rasoole Akram ﷺ Ke Pyare Sahabi Ka Be Misaal Karnama.

Hazrat Abdullah Bin Hajash Radiallaho
Ta'ala Anhu

Quraish Ke Ek Khandan 'Banoo Asad' Se Un Ka Nasabi Ta'alluq Hai, Yah Hazrat Ummul Momineen Zainab Binte Hajash Radiallaho Ta'ala Anha Ke Bhai Hain. Yah Shuru Islam Hi Mein Islam Ki Daulat Se Maala Maal Ho Gaye The Aur Pahle Habsha Phir Madeena Munawwara Ki Donon Hijraton Ke Sharf Se Sarfaraz Hokar 'Sahibul Hijratain' Ka Laqab Paya. Junge Badr Mein Intihai Janbazi Aur Sarfaroshi Ke Jazbe Se Jung Ki Aur San 3 Hijri Ko Junge Uhud Mein Kuffar Se Ladte Huye Jaam e Shahadat Nosh Farmaya. Un Ki Ek

Karamat Yah Bhi Hai Ki Yah Bahut Hi 'Mustajabuddawaat' The Yani Un Ki Duayein Bahut Zyada Aur Bahut Hi Jaldi Maqbool Hua Karti Thi. (Akmaal Page 203 Wa Asadul Gaaba Jild 1 Page 131)

Karamat

Anokhi Shahadat: Aap Ne Junge Uhud Se Ek Din Pahle Yah Dua Mangi Ki Ya ALLAH! Mein Tujhe Teri Qasam Deta Hoon Ki Jab Kuffare Makka Se Ladne Ke Liye Kal Maidane Jung Mein Nikloo To Mere Muqable Mein Aisa Kafir Aaye Jo Sakht Hamla Karne Wala Aur Intihai Jung Joo Ho Aur Mein Us Se Ladte Huye Barabar Zakhm Khata Rahoo Yahan Tak Ki Wo Mujhe Qatl Kar De Aur Kuffar Mera Pet Phaad Dale Aur Naak, Kaan Ko Kaat Kar Meri Soorat Bigaad Dein Aur Mein Jab Usi Halat Mein Qiyamat Ke Din Tere Hujoor Khada Kiya Jao To Us Waqt Too Mujh Se Yah Poochhe Ki Aey Abdullah! Kis Wajah Se Aur Kis Ne Teri Naak Aur Kaan Ko Kaat Dala Hai? To Mein Yah Jawab Mein Arz Karoo Ki Aey ALLAH! Tere Aur Tere Rasool Ke Dushmanon Ne Tere Rasool Ke Baare Mein Mujhe Qatl Karke Meri Naak Aur Kaan Ko Kaat Kar Meri Soorat Wa Shakl Bigaad Di Hai, Mera Yah Jawab Sun Kar Phir Aey Mere ALLAH Too Sirf Itna De Ki Aey Abdullah! Too Sach Kahta Hai. Aap Ki Yah Dua Harf Ba Harf Qabool Hui, Chunanche Hazrat Sa'ad Bin Abi Waqas Ka Bayan Hai Ki Mein Ne Un Hi Ki Dua Par Aameen Kahin Thi Aur Mein Ne Apni Aankhon Se Dekha Ki Junge Uhud Mein Kuffar Ne Un Ko Shaheed Karke Un Ke Pet Ko Phaad Dala Aur Un Ki Naak, Kaan Aur Doosre Hisse Kaat Kar Ek Dhaage Mein Piro Diya Tha Aur Usi Halat Mein Aap Hazrat Hamza Radiallaho Ta'ala Anhu Ke Sath Ek Hi Qabr Mein Dafan Kiye Gaye. (Kanzul Ummal Jild 16 Page 98 Wa Asadul Gaaba Jild 3 Page 131 Wagaira)

Tabsera : Allahu Akbar! Kis Qadar Un Shama e Nubuwat
Ke Parwanon Ko Shauqe Shahadat Tha? Is Zamane Mein
Use Koi Soch Bhi Nahi Sakta Kyunki Imaani Hararat Ki Be
Had Kami Ho Gai Hai Warna Haqeeqat Yah Hai,
'Shahadat Hai Matloob Wa Maqsood e Momin
Na Maal e Ganeemat Na Kishwar Kushai'

Hazrat Bara'a Bin Maalik Radiallaho Ta'ala Anhu Yah Bahut Hi Naamwar Sahabi Aur Huzoor ی ہیعَلَی یللاہیتَعَالٰ صَلَّ مَی لَّوَسَ ی ہل وَاٰ Ke Khadim e Khaas Hazrat Anas Bin Maalik Radiallaho Ta'ala Anhu Ke Bhai Hain. Bahut Hi Bahadur Aur Nihayat Hi Jung Joo Aur Sarfarosh Mujahid Hain. Muslimatul Qazzab Se Jung Ke Waqt Jis Baag Mein Yah Jhooth Muddai Nubuwat Chhup Kar Apni Faujon Ki Kamaan Kar Raha Tha Us Baag Ka Phatak Kisi Tarah Fatah Nahi Ho Raha Tha Aur Woan Ghamsaan Ki Jung Ho Rahi Thi To Aap Ne Musalman Mujahideen Se Farmaya Ki Tum Log Mujhe Utha Kar Baag Ki Deewar Ke Us Paar Phenk Do Mein Andar Ja Kar Phatak Khol Doonga. Chunanche Musalman Mujahidon Ne Un Ko Utha Kar Deewar Ke Us Paar Daal Diya Aur Unhone Bilkul Tanha Dushmanon Se Ladte Huye Baag Ka Phatak Khol Diya Aur Islami Fauj Baag Mein Dakhil Ho Gai. Yah Waqia Hazrat Aboo Bakr Siddiq Akbar Radiallaho Ta'ala Anhu Ki Khilafat Ke Dauran Hua, Magar Baag Ka Phatak Kholne Ki Jabardast Ladai Mein Hazrat Bara Bin Maalik Radiallaho Ta'ala Anhu Ke Jism Par Teer Wa Talwar Aur Bhaalon Ke Zakhm Jab Gine Gaye To

80 Se Kuch Zaayad Zakhm The, Chunanche Un Ke Ilaaj Ke Liye Ameere Lashkar Khalid Bin Walid Radiallaho Ta'ala Anhu Ko Us Jagah Ek Mahine Tak Rukna Pada. Un Ki Isi Dilerana Jaa Baziyon Ki Bina Par Hazrat Umar Radiallaho Ta'ala Anhu Apni Khilafat Ke Zamane Mein Faujon Ko Sakht Hukm Farmate Rahte The Ki Khabardar! Bara Bin Maalik Ko Kabhi Fauj Ka Commander Na Banaya Jaye Warna Wo Saari Qaum Ko Halakat Mein Daal Denge Kyunki Wo Anjaam Se Be Parwah Hokar Dushmanon Ki Safon Mein Ghus Jate Hain. Un Ke Baare Mein Huzoor E Akram ﷺ Ne Irshad Farmaya Ki 'Bahut Se Aise Log Hain Jinke Baal Paraganda Aur Wo Gardo Gubar Mein Atey Huye Maile Kuchaile Rahte Hain Aur Log Un Ki Parwah Bhi Nahi Karte Magar Yah Log ALLAH Ta'ala Ke Darbar Mein Is Qadar Mahboob Wa Maqbool Hote Hain Ki Agar Yah Log Kisi Baat Ki Qasam Kha Lein To ALLAH Ta'ala Un Ki Qasam Ko Poori Farma Dega Aur Bara Bin Maalik Unhi Logon Mein Se Hain'. Yah Bahut Hi Khush Aawaz Bhi The Aur Behtareen Hudi Khwan The (Arab Shuturbanon Ka Nagma The) Jin Ke Geeton Ke Nagmon Par Unt Mast Ho Kar Chala Karte The Aur Shutur Sawar Bhi Masti Mein Raha Karte The. Un Ki Bahaduri Aur Jawan Mardi Ke Silsile Mein Yah Riwayat Bahut Hi Mashhoor Hai Ki Iraq Ki Ladaiyon Mein Yah Apne Bhai Hazrat Anas Bin Maalik Radiallaho Ta'ala Anhu Ke Sath Dushmanon Ke Ek Qila Ke Gherav Kiye Huye The Jo 'Hareeq' Mein Tha. Kuffar Garam Garam Zanjeeron Mein Lohe Ke Aankude Laga Kar Qila Ki Deewar Se Musalmanon Par Dalte The

Aur Un Aankude Mein Phansa Kar Apni Taraf Kheench Lete The. Un Kafiron Ne Hazrat Anas Bin Maalik Radiallaho Ta'ala Anhu Ko Bhi Aankdon Mein Phansa Liya Aur Kheench Ne Lage Jab Hazrat Bara Bin Maalik Radiallaho Ta'ala Anhu Ne Yah Manzar Dekha To Tadap Kar Uchhle Aur Qila Ki Deewar Par Chadh Kar Jalti Hui Zanjeer Ko Pakda Aur Phir Usi Rassi Ko Kaat Diya Jis Mein Zanjeer Bandhi Hui Thi Isliye Hazrat Anas Bin Maalik Radiallaho Ta'ala Anhu Ki Jaan Bach Gai Magar Hazrat Bara Bin Maalik Radiallaho Ta'ala Anhu Ne Garam Zanjeer Ko Jo Hath Se Pakda To Un Ki Hatheliyon Ka Poora Gosht Jal Gaya Aur Safed Haddiyan Nazar Aa Rahi Thi. San 20 Hijri Junge Tastar Mein 100 Kafiron Ko Apni Talwar Se Qatl Karke Khud Bhi Uroose Shahadat Se Hamkinar Ho Gaye. (Asadul Gaaba Jild 1 Page 173 Wa Asaaba Jild 1 Page 143)

Karamat

Fatah Wa Shahadat Ek Sath: Un Ki Ek Khaas Karamat Dua'o Ki Maqbooliyat Hai. Manqool Hai Ki Junge Tastar Mein Jab Lambi Jung Ke Bavajood Musalmanon Ko Fatah Naseeb Nahi Hui To Mujahideen e Islam Ne Jama Ho Kar Un Se Guzarish Ki, Ki Aap Apne Rab Ki Qasam De Kar Fatah Ki Dua Mangiye. Us Waqt Aap Ne Is Tarah Dua Mangi Ki Ya ALLAH! Mein Tujh Ko Teri Hi Qasam De Kar Dua Karta Hoon Ki Too Kuffar Ke Bazoo Hum Logon Ke Hathon Mein De De Aur Mujhe Apne Nabi Kareem یمَ لَّوَسَ ی ہل وَاٰ ی ہعَلَی ی تَعَالٰ للاہی ی صَلَّ Ke Paas

Pahuncha De. Fauran Hi Aap Ki Dua Maqbool Ho Gai Aur Islami Lashkar Fatahyab Ho Gaya Aur Kuffar Musalmanon Ke Hathon Mein Giraftar Ho Gaye Aur Aap Usi Ladai Mein Shahadat Se Sarfaraz Ho Kar Huzoor Rahmat e Aalam یللاہی صَلَّ مَی لَّیوَسَ ہل یوَاٰ ہیعَلَی تَعَالٰ Ke Darbar Mein Pahunch Gaye. (Asaaba Jild 1 Page 146)

Hazrat Aboo Huraira Radiallaho Ta'ala
Anhu

Yaman Ke Qabeela Dos Se Un Ka Khandani Ta'alluq Hai, Zamana E Jahiliyat Mein Un Ka Naam 'Abde Shamas' Tha Magar Jab Yah San 7 Hijri Mein Junge Khaibar Ke Baad Daman e Islam Mein Aa Gaye To Huzoor E Akram ی یللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ne Un Ka Naam Abdullah Ya Abdurrahman Rakh Diya. Ek Din Huzoor ﷺ Ne Un Ki Aasteen Mein Ek Billi Dekhi To Aap Ne Un Ko ھریرہ ابا یا (Aey Billi Ke Baap) Kah Kar Pukara Usi Din Se Un Ka Laqab Is Qadar Mashhoor Ho Gaya Ki Log Un Ka Asli Naam Hi Bhool Gaye. Yah Bahut Hi Ibadat Guzaar Intihai Muttaqi Aur Parhezgaar Sahabi Hain. Hazrat Aboo Darda Radiallaho Ta'ala Anhu Ka Bayan Hai Ki Yah Rozana 1000 Rak'at Namaze Nafl Padha Karte The, 800 Sahaba Aur Taabaen Aap Ke Shagird Hain. Aap Ne 5374 Hadeesein Riwayat Ki Hain Jin Mein Se 446 Bukhari Shareef Mein Hain. San 59 Hijri Mein 78 Saal Ki Umr Pa Kar Madeena Munawwara Mein Wafat Pai Aur Jannatul Baqeea Mein Madfoon Huye. (Akmaal Page 622 Wa Qastlaani Jild 1 Page 212 Wagaira)

Karamat

Karamat Wali Thaili: Un Ko Huzoor E Akram ﷺ Ne Chand Chhohare (Khujoor) Ata Farmaye Aur Hukm Diya Ki 'Un Ko Apni Thaili Mein Rakh Lo Aur Jab Ji (Dil) Chahe Tum Us Mein Se Hath Daal Kar Nikaal Lo Aur Khud Khao, Doosron Khilao Magar Khabardar Us Thaili Ko Kabhi Khali Kar Ke Mat Jhadna Yah Chhohare Kabhi Khatm Na Honge'. SubhanALLAH! Yah Thaili Aisi Ba Barkat Ho Gai Ki 30 Baras Tak Hazrat Aboo Huraira Radiallaho Ta'ala Anhu Us Thaili Mein Se Chhohare Nikaal Nikaal Kar Khate Rahe Aur Logon Ko Khilate Rahe Balki Kai Man (1 Man=40kg) Us Mein Se Khairat Bhi Kar Chuke Magar Chhohare Khatm Nahi Huye Yahan Tak Ki Hazrat Usman Gani Radiallaho Ta'ala Anhu Ki Shahadat Ke Din Hungamon Ki Bheed Bhaad Mein Wo Thaili Kamar Se Kat Kar Kahin Gir Padi Jis Ka Umr Bhar Hazrat Aboo Huraira Radiallaho Ta'ala Anhu Ko Be Intiha Sadma Aur Ranj Wa Gam Raha. Raston Mein Rote Huye Aur Nihayat Riqqat Angez Aur Dard Bhare Lehaje Mein Yah Sher Padhte Huye Ghumte Phirte The:- نعميَ الشيخ وقتل الجراب فقد * مھان اليوم فخ ویل مھ للناس 'Sab Ko Aaj Ek Hi To Gam Hai Magar Mujhe Do Gam Hain Ek Gam Hai Thaili Ke Gum Hone Ka Doosra Gam Hazrat Ameerul Momineen Hazrat Usman Gani Radiallaho Ta'ala Anhu Ki Shahadat Ka'. (Alkalamul Mubeen)

Hazrat Ubaad Bin Bashar Radiallaho
Ta'ala Anhu

Yah Madeena Munawwara Ke Rahne Wale Ansari Hain Jo Khandan "Bani Abdul As'hal" Ke Ek Bahut Hi Naamwar Shakhs Hain. Huzoor ﷺ Ki Hijrat Se Pahle Hi Hazrat Mus'ab Bin Umair Radiallaho Ta'ala Anhu Ke Hath Par Islam Qabool Kiya. Bahut Bahadur Aur Janbaz Sahabi Hain Junge Badr Aur Junge Uhud Wagaira Ki Tamam Ladaiyon Mein Badi Jura'at Wa Bahaduri Ke Sath Kuffar Se Jung Kiye. "Ka'ab Bin Ashraf" Yahoodi Jo Huzoor مَی لَّ یوَسَ ہل یوَاٰ ہیعَلَی یللاہیتَعَالٰ لَّصَی Ka Badtareen Dushman Tha Aap Hazrat Muhammad Bin Muslema Wa Aboo Abas Bin Jabar Wa Aboo Naela Wagaira Chand Ansariyon Ko Apne Sath Le Kar Us Ke Makaan Par Gaye Aur Us Ko Qatl Kar Daala. Bade Sahaba Mein Aap Ka Shumar Hain. Hazrat Aaysha Siddiqa Radiallaho Ta'ala Anha Ka Bayan Hai Ki Huzoor E Akram ﷺ Ne Hazrat Ubaad Bin Bashar Radiallaho Ta'ala Anhu Ki Aawaz Suni To Farmaya Ki ALLAH Ta'ala Hazrat Ubaad Bin Bashar Par Apni Rahmat Nazil Farmaye. San 12 Hijri Ki Junge Ymaama Mein Shaheed Ho Gaye Jab Ki Aap Ki Umr Shareef 45 Saal Ki Thi. (Akmaal Page 605 Wa Asadul Gaaba Jild 3 Page 100)

Karamaat

Laathi Roshan Ho Gai: Ek Martaba Yah Aur Hazrat Usaid Bin Hazeer Radiallaho Ta'ala Anhu Donon Darbare Risalat Se Kaafi Raat Guzaar Ne Ke Baad Apne Gharon Ko Rawana Huye. Andheri Raat Mein Jab Rasta Nazar Nahi Aaya To Achanak Un Ki Laathi Torch Ki Tarah Roshan Ho Gai Aur Yah Donon Us Ki Roshani Mein Chalte Rahe Jab Donon Ka Rasta Alag Alag Ho Gaya To Hazrat Usaid Bin Hazeer Radiallaho Ta'ala Anhu Ki Laathi Bhi Roshan Ho Gai Aur Donon Roshani Mein Apne Apne Ghar Pahunch Gaye. (Asadul Gaaba Jild 3 Page 101)

Karamat Wala Khwab: Junge Ymaama Mein Jab Ki Ameerul Momineen Hazrat Aboo Bakr Siddiq Radiallaho Ta'ala Anhu Ka Lashkar Muslimatul Qazzab Ki Faujon Ke Sath Masroof e Jung Tha Aur Murtadeen Bahut Hi Badi Tadad Mein Jama Ho Kar Bahut Sakht Jung Kar Rahe The Hazrat Ubaad Bin Bashar Radiallaho Ta'ala Anhu Ne Farmaya Ki Mein Ne Raat Mein Ek Khwab Dekha Hai Ki Mere Liye Aasman Ke Darwaze Khol Diye Gaye Aur Jab Mein Aasman Mein Dakhil Ho Gaya To Darwaze Band Kar Diye Gaye, Mere Is Khwab Ki Ta'abeer Yahi Hai Ki Insha ALLAH Ta'ala Mujhe Shahadat Naseeb Hogi. Chunanche Hazrat Aboo Saed Khudri Radiallaho Ta'ala Anhu Ka Bayan Hai Ki Junge Ymaama Ke Din Hazrat Ubaad Bin Bashar Radiallaho Ta'ala Anhu Zor Zor Se Yah Ailan Kar Rahe The Ki Momineen Mere Paas Aa Jayein Us Aawaz Par 400 Ansari Un Ke Paas Jama Ho Gaye.

Phir Aap Hazrat Aboo Dujaana Aur Hazrat Bara Bin Maalik Radiallaho Ta'ala Anhum Ko Sath Le Kar Us Baag Ke Darwaze Par Hamla Aawar Huye Jahan Se Muslimatul Qazzab Apni Faujon Ki Kamaan Kar Raha Tha. Us Hamla Mein Intihai Sakht Ladai Hui Yahan Tak Ki Hazrat Ubaad Bin Bashar Radiallaho Ta'ala Anhu Shaheed Ho Gaye. Un Ke Chehare (Face) Par Talwaron Ke Zakhm Is Qadar Zyada Lage The Ki Koi Un Ko Pahchan Na Saka. Unke Badan Mubarak Par Ek Khaas Nishan Tha Jisko Dekh Kar Logon Ne Pahchana Ki Yah Hazrat Ubaad Bin Bashar Radiallaho Ta'ala Anhu Ki Laash Hain. (Ibne Sa'ad Jild 3 Page 441) Tabsera : Allahu Akbar! Jihad Mein Yah Joshe Imaani Aur Yah Jazba e Sarfaroshi Mushkil Hi Se Us Ki Misaal Milegi. Is Qism Ki Jaan Nisariyan Sirf Sahaba E Kiraam Aur Ahle Imaan Mujahideen e Islam Hi Ka Tareeqa Hai. Sahaba E Kiraam Ki Unhi Qurbaniyon Ka Sadqa Hai Ki Aaj Tamam Duniya Mein Islam Ki Roshani Phaili Hui Hai Kaash! Dushmana Ne Sahaba Rawafiz Wa Khawarij Un Chamakti Hui Hidayat Dene Wali Riwayaton Se Imaan Ka Noor Haasil Karte.

Hazrat Usaid Bin Abi Ayaas Adaw
Radiallaho Ta'ala Anhu

Hazrat Saariya Bin Zanim Radiallaho Ta'ala Anhu Jin Ko
Hazrat Umar Radiallaho Ta'ala Anhu Ne Madeena
Munawwara Mein Masjide Nabwi Ke Mimbar Se Pukara
Tha Aur Wo Nihawand Mein The Yah Unhi Ke Bhateeje
Hain. Yah Shayar The Aur Huzoor Nabi Kareem

Alaihissalatu Wassalam Ki Burai Mein Ash'aar Kaha Karte The Fatah e Makka Ke Din Bhaag Kar Taef Chale Gaye The. Yah Un Ishtihari Mujrimon Mein Se The Jin Ke Baare Mein Yah Farmane Nabwi Tha Ki Yah Jahan Aur Jis Haal Mein Milein Qatl Kar Diye Jayein. Ittefaq Se Hazrat Saariya Radiallaho Ta'ala Anhu Ka Taef Mein Guzar Hua Jab Mulaqat Hui To Aap Ne Usaid Bin Abi Ayaas Ko Bataya Ki Agar Tum Bargahe Risalat Mein Hazir Ho Kar Islam Qabool Kar Lo To Tumhari Jaan Bach Jayegi. Usaid Yah Sun Kar Taef Se Apne Makaan Par Aaye Aur Kurta Pahan Kar Aur Amaama Baandh Kar Khidmat e Aqdas Mein Hazir Ho Gaye Aur Arz Kiya Ki Kya Aap Ne Usaid Bin Ayaas Ka Khoon Jaez Farma Diya Hai? Aap Ne Farmaya Ki Haan! Unhone Arz Kiya Ki Agar Wo Musalman Ho Kar Aap Ki Khidmat e Aqdas Mein Hazir Ho Jaye To Kya Aap Us Ka Qusoor Maaf Farma Denge? Irshad Hua Ki Haan! Yah Sun Kar Unhone Apna Hath Huzoor E Akram ﷺ Ke Hath Aqdas Mein De Kar Kalma Padha Aur Arz Kiya Ki Ya Rasoolullah! Usaid Bin Abi Ayaas Mein Hi Hoon Huzoor E Akram ﷺ Ne Fauran Hi Ek Aadmi Ko Bhej Kar Ailan Kara Diya Ki Usaid Bin Abi Ayaas Musalman Ho Gaye Hain Aur Sarkar e Risalat Ne Un Ko Aman Ka Parwana Ata Farma Diya Hai Phir Unhone Huzoor E Aqdas ﷺ Ki Tareef Mein Ek Qaseeda Padha. (Asadul Gaaba Jild 1 Page 89)

Karamat

Chehra Se Ghar Roshan: Jab Yah Musalman Ho Gaye To Huzoor E Anwar یللاہی صَلَّ مَی لَّیوَسَ ہل یوَاٰ ہیعَلَی تَعَالٰ Ne Khush Hokar Karam Karte Huye Un Ke Chehre Aur Seene Par Apna Hath Phera Jis Se Un Ko Yah Karamat Naseeb Ho Gai Ki Yah Jab Kisi Andhere Ghar Mein Qadam Mubarak Rakhte The To Us Ghar Mein Un Ke Noorani Chehre Ki Roshani Se Ujaala Ho Jaya Karta Tha. (Kanzul Ummal Jild 15 Page 253) Tabsera : SubhanALLAH! Jab Tak Sarkar Rahmate Madaar ﷺ Un Se Naraz Rahe Un Ka Khoon Mubah Tha Aur Kahin Un Ka Thikana Nahi Tha Bhagte Phirte The Aur Jaan Ki Amaan Nahi Milti Thi Aur Jab Rahmatullil Aalmeen یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Un Se Khush Ho Gaye To Un Ko Duniya Mein Karamat Aur Aakhirat Mein Jannat Donon Jahan Ki Daulat Mil Gai. Yah Sach Hai- 'Jis Se Tum Rutho Wo Sar Gashta Duniya Ho Jaye, Jis Ko Tum Chaho Wo Qatra Ho To Dariya Ho Jaye'

Hazrat Bashar Bin Muawiya Bakai
Radiallaho Ta'ala Anhu

Yah Apni Qaum Ke Wafad Mein Apne Walid Muawiya
Bin Sor Radiallaho Ta'ala Anhu Ke Sath Bargahe Risalat
Mein Hazir Huye, Un Ke Walid Ne Un Se Farma Diya Tha
Ki Tum Bargahe Risalat Mein Teen Baaton Ke Siwa Kuch
Na Kahna,
(1) Assalamu Alaika Ya Rasoolullah

(2) Ya Rasoolullah! Hum Isliye Hazir Huye Hain Taaki Hum Islam Qabool Karke Aap Ke Farmabardar Ban Jayein (3) Aap Humare Liye Dua Farmayein. Un Ki Un Teen Baaton Ko Sun Kar Huzoor Rahmat e Aalam ﷺ Ne Khush Hokar Muhabbat Mein Un Ke Chehre Aur Sar Par Hath Mubarak Phera Aur Un Ke Liye Dua Farmai. (Asadul Gaaba Jild 1 Page 190)

Karamat

Hath Har Marz Ki Dawa: Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Jaise Hi Apna Daste Mubarak Phera Un Ko Do Karamatein Mil Gai Ek To Yah Ki Humesha Ke Liye Un Ka Chehra Roshan Ho Gaya Aur Doosri Karamat Yah Mili Ki Yah Jis Beemar Par Apna Hath Pher Dete Fauran Hi Shifayaab Ho Jaya Karta Tha. (Kanzul Ummal Jild 15 Page 267 Matbooa Hyderabad) Hazrat Bashar Radiallaho Ta'ala Anhu Ke Sahabzade 'Muhammad Bin Bashar' Fakhr Ke Taur Par Is Baare Mein Ash'aar Padha Karte The Jiska Pahla Sher Yah Hai- مسح الذی وانجاکت واكيج لخيریج دعاهل و ,اسه يج النتج 'Mere Baap Wo Hain Jin Ke Sar Par Huzoor Nabi Kareem ﷺ Ne Hath Pher Kar Khairo Barkat Ki Dua Farmai Hai'. (Asadul Gaaba Jild 1 Page 190)

Hazrat Usaama Bin Zaid Radiallaho Ta'ala Anhu Yah Huzoor E Akram ﷺ Ke Aazad Kiye Huye Gulam Munh Bole Bete Hazrat 'Zaid Bin Haarisa' Radiallaho Ta'ala Anhu Ke Bete Hain. Un Ki Maa'n Ki Kunniyat 'Umme Aiman' Aur Naam 'Barka' Tha Aur Hazrat Usaama Radiallaho Ta'ala Anhu Ka Laqab 'Mahboob e Rasool' Hai. Wafat e Aqdas Ke Waqt Un Ki Umr Sirf 20 Saal Ki Thi Magar Huzoor یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ne Un Ko Us Lashkar Ka Commander Banaya Tha Jo Rumiyon Se Jung Ke Liye Ja Raha Tha Aur Jis Lashkar Mein Tamam Bade Bade Sahaba E Kiraam Maujood The Lekin Huzoor ییللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ki Wafat e Aqdas Ki Wajah Se Yah Lashkar Wapas Aa Gaya Magar Phir Ameerul Momineen Hazrat Aboo Bakr Siddiq Radiallaho Ta'ala Anhu Ne Dobara Is Lashkar Ko Bheja Jo Fatahyab Ho Kar Aaya. Choonki Yah Mahboob e Rasool The Isiliye Ameerul Momineen Hazrat Umar Radiallaho Ta'ala Anhu Un Ka Behad Ikram Wa Ahatram Farmate The. Jab Aap Ne Apne Daure Khilafat Mein Mujahideen Ki Sailari Muqarrar Farmai To Un Ki Tankhwah 3500 Dirham Muqarrar Farmai Aur Apne Bete Hazrat Abdullah Radiallaho Ta'ala Anhu Ki Tankhwah Sirf 3000 Dirham Muqarrar Farmai Bete Ne Arz Kiya Ki Aey Ameerul Momineen! Aap Ne Hazrat Usaama Ki Tankhwah Mujh Se Zyada Kyun Muqarrar Farmai Jab Ki Wo Kisi Jihad Mein Bhi Mujh Se Aage Nahi Rahe Us Ke Jawab Mein Ameerul Momineen Ne Farmaya Isliye Ki Usaama Ke Baap

Zaid Tumhare Baap Umar Se Zyada Rasoole Khuda ییللاہیتَعَالٰ صَلَّ مَی لَّ یوَسَ ہل یوَاٰ ہعَلَی Ke Mahboob The Aur Usaama Tum Se Zyada Huzoor Nabi e Kareem یمَ لَّیوَسَ ہل یوَاٰ ہیعَلَی عَالٰ یللاہیتَی صَلَّ Ke Mahboob Hain. (Kanzul Ummal Jild 15 Page 241 Wa Asadul Gaaba Page 505)

Be Adabi Karne Wale Kafir Ho Gaye: Huzoor E Akram ﷺ Ne Hajjatul Wida'a Mein Tawafe Ziyarat Ko Isliye Kuch Let (Delay) Kar Diya Ki Hazrat Usaama Radiallaho Ta'ala Anhu Kisi Zarurat Ki Wajah Se Kahin Chale Gaye The Thodi Der Ke Baad Hazrat Usaama Wapas Aaye. Logon Ne Dekha Ki Chapti Naak Aur Kaale Rang Ka Ek Ladka Hai To Yaman Ke Kuch Logon Ne Hikarat Ke Andaz Mein Yah Kaha Ki Kya Usi Chapti Naak Wale Kaale Ladke Ki Wajah Se Aaj Hum Logon Ko Huzoor ﷺ Ne Tawafe Ziyarat Se Rok Rakha Tha? Is Tarah Un Yaman Walo Ne Hazrat Usaama Radiallaho Ta'ala Anhu Ki Be Adabi Ki! Hazrat Urwa Bin Zubair Kahte Hain Ki Us Be Adabi Karne Hi Ka Wabaal Tha Ki Huzoor E Aqdas یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ki Wafat Ke Baad Yaman Ke Yah Be Adabi Karne Wale Log Kafir Wa Murtad Ho Gaye Aur Hazrat Aboo Bakr Siddiq Radiallaho Ta'ala Anhu Ki Faujon Ne Un Logon Se Jihad Kiya To Kuch Un Mein Se Tauba Karke Phir Musalman Ho Gaye Aur Kuch Qatl Ho Gaye. (Kanzul Ummal Jild 15 Page 243)

Hazrat Naabga Radiallaho Ta'ala Anhu

'Naabga' Un Ka Laqab Hai, Un Ke Naam Mein Ikhtilaaf Hai Baaz Un Ka Naam 'Qais Bin Abdullah' Aur Baaz Ne 'Habban Bin Qais' Bataya Hai. Yah Zamana E Jahiliyat Mein Bahut Achche Shayar The Magar 30 Baras Ke Baad Sher Goe Bilkul Chhod Di Us Ke Baad Jab Dobara Sher Kahna Shuru Kiya To Is Qadar Buland Martaba Aur Ba Kamaal Shayar Ho Gaye Ki Un Ke Zamane Walo Ne Un Ko 'Naabga' (Bahut Hi Mahir) Ka Laqab De Diya 180 Baras Ki Umr Pai. (Hashiya Kanzul Ummal Jild 16 Page 211 Matbooa Hyderabad)

Karamat

100 Baras Tak Daant (Teeth) Salamat: Unhone Huzoor E Akram یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Ko Chand Ash'aar Sunaye Jo Aap Ko Bahut Hi Zyada Pasand Aaye Aap Ne Khush Ho Kar Un Ko Yah Dua Di 'ALLAH Ta'ala Tere Munh Ko Na Tode' Is Dua e Nabwi Ki Badaulat Un Ko Yah Karamat Mili Ki Tamam Umr Un Ke Daant Salamat Rahe Aur Ole Ki Tarah Saaf Aur Chamakdar Hi Rahe. Hazrat Aboo Ya'ala Radiallaho Ta'ala Anhu Kahte Hain Ki Mein Ne Hazrat Naabga Radiallaho Ta'ala Anhu Ko Us Waqt Dekha Jab Ki Wo 100 Baras Ke Ho Gaye The Magar Un Ke Tamam Daant Salamat The. (Baihaqi Wa Asaaba Jild 3 Page 539)

Hazrat Amr Bin Tufail Dosi Radiallaho
Ta'ala Anhu

Yah Apne Baap Hazrat Tufail Radiallaho Ta'ala Anhu Ke Sath Madeena Munawwara Mein Aakar Islam Se Musharraf Huye Aur Tamam Umr Madeena Munawwara Hi Mein Rahe. Ameerul Momineen Hazrat Aboo Bakr Siddiq Radiallaho Ta'ala Anhu Ki Khilafat Mein Jab Ki Murtadeen Se Jihad Ke Liye Musalmanon Ka Lashkar Madeena Munawwara Se Rawana Hua To Yah Donon Baap Bete Bhi Us Lashkar Mein Shamil Ho Kar Jihad Ke Liye Chal Pade. Chunanche Hazrat Tufail Radiallaho Ta'ala Anhu Ymaama Mein Shaheed Ho Gaye Aur Hazrat Amr Bin Tufail Radiallaho Ta'ala Anhu Ka Ek Hath Kat Gaya Aur Sakht Taur Par Zakhmi Ho Gaye Lekin Sihatyab Ho Gaye. Phir Jab Hazrat Umar Radiallaho Ta'ala Anhu Ke Daure Khilafat Mein Jung Yarmook Ki Ladai Dar Pesh Hui To Hazrat Amr Bin Tufail Radiallaho Ta'ala Anhu Us Jihad Mein Mujahidana Shaan Ke Sath Gaye Aur Kuffar Se Ladte Huye Jaame Shahadat Se Sairab Huye. (Asadul Gaaba Jild 4 Page 115)

Karamat

Noorani Koda: Huzoor E Anwar ﷺ Ne Un Ko Ghoda Hank Ne Ke Kode Ke Baare Mein Dua Farma Di To Un Ka Koda Raat Ke Andhere Mein Is Tarah Roshan Ho Jaya Karta

Tha Ki Yah Usi Ki Roshani Mein Chalte Phirte The. (Kanzul Ummal Jild 16 Page 160 Matbooa Hyderabad)

Hazrat Amr Bin Murra Jahani
Radiallaho Ta'ala Anhu

Yah Zamana E Jahiliyat Mein Haj Karne Gaye To Makka Mukarrama Mein Ek Khwab Dekha Aur Ek Ghaibi Aawaz Suni Jis Mein Un Ko Nabi Aakhiruzzama یمَ لَّ یوَسَ ہل یوَاٰ ہیعَلَی یللاہیتَعَالٰ صَلَّ Par Imaan Lane Par Ubhaara Gaya Yah Us Khwab Se Behad Mut'assir Huye Aur Nabi Aakhiruzzama ﷺ Ke Aane Ke Intezar Mein Rahe, Chunanche Huzoor E Aqdas ﷺ Ne Apni Nubuwat Ka Ailan Farmaya To Unhone Bargahe Nubuwat Mein Hazir Hokar Islam Qabool Kar Liya Aur Phir Apni Qaum Mein Aakar Islam Ki Tableeg Karne Lage Aur Un Ki Qaum Ke Bahut Se Logon Ne Islam Qabool Kar Liya Phir Un Musalmanon Ko Sath Lekar Bargahe Nubuwat Mein Dobara Hazir Huye. Bahut Hi Bahadur Mujahid Bhi The Aur Aksar Islami Jihadon Mein Dat Kar Kuffar Se Jung Bhi Ki Aakhir Mein Madeena Munawwara Se Mulke Shaam Mein Jakar Bas Gaye Aur Hazrat Ameere Muawiya Radiallaho Ta'ala Anhu Ke Daure Hukoomat Mein Wafat Pai. (Akmaal Page 607 Wa Kanzul Ummal Jild 16 Page 115)

Karamat

Dushman Balao Mein Giraftar: Un Ki Ek Karamat Yah Hai Ki Mustajabuddawaat The

Yaani Un Ki Duayein Bahut Zyada Aur Bahut Jald Maqbool Hua Karti Thi. Chunanche Manqool Hai Ki Jab Apni Qaum Ko Islam Ki Dawat Dene Ke Liye Tashreef Le Gaye To Ek Shakhs Ne Un Ki Bahut Zyada Burai Aur Mazammat Ki Aur Un Ki Shaan Mein Tauheen Wale Alfaaz Bakne Laga Aur Aap Ko Jhootha Kahne Laga Us Waqt Aap Ne Zakhmi Dil Ke Sath Is Tarah Dua Mangi 'Ya ALLAH! Us Ki Zindagi Ko Talakh Bana De Aur Us Ki Zabaan Ko Gungi Aur Us Ki Aankhon Ko Andhi Kar De'. Aap Ki Dua Ka Yah Asar Hua Ki Yah Shakhs Gunga Aur Andha Ho Gaya Aur Is Qadar Budha Ho Gaya Ki Us Ke Daant Toot Gaye Aur Zabaan Ke Bekar Ho Jane Se Us Ko Kisi Cheez Ka Maza Mahsoos Nahi Hota Tha.

Hazrat Zaid Bin Kharija Ansari
Radiallaho Ta'ala Anhu

Yah Ansari Hain Aur Un Ka Watan Madeena Munawwara Hai Unhone Qabeela Bani Haaris Bani Khazraj Mein Apna Ghar Bana Liya Tha. Yah Bahut Hi Parhezgaar Aur Ibadat Guzaar Sahabi Hain Ameerul Momineen Hazrat Usman Radiallaho Ta'ala Anhu Ki Khilafat Ke Dauran Aap Ne Duniya Se Rihlat Farmai. (Baihaqi Asadul Gaaba Jild 2 Page 227)

Karamat

Maut Ke Baad Baat: Hazrat Noaman Bin Bashar Radiallaho Ta'ala Anhu Ka

Bayan Hai Ki Hazrat Zaid Bin Kharija Sahabi Radiallaho Ta'ala Anhu Madeena Munawwara Ke Baaz Raston Mein Zuhar Wa Asar Ke Beech Chale Ja Rahe The Ki Achanak Gir Pade Aur Un Ki Wafat Ho Gai Log Unhein Utha Kar Madeena Munawwara Laye Aur Un Ko Lita Kar Kambal Odha Diya. Jab Magrib Wa Isha Ke Beech Kuch Auraton Ne Rona Shuru Kiya To Kambal Ke Andar Se Aawaz Aai 'Aey Rone Waliyon! Khamosh Raho'. Yah Aawaz Sun Kar Logon Ne Un Ke Chehre Se Kambal Hataya To Wo Behad Dard Mandi Se Nihayat Hi Buland Aawaz Se Kahne Lage "Hazrat Muhammad Rasoolullah یصَلَّ مَی لَّ سَیوَی ہل یوَاٰ ہیعَلَی للاہیتَعَالٰ Nabi e Ummi Khatimul Nabee'en Hain Aur Yah Baat ALLAH Ta'ala Ki Kitab Mein Hai". Itna Kah Kar Kuch Der Tak Bilkul Hi Khamosh Rahe Phir Buland Aawaz Se Yah Farmaya "Sach Kaha Sach Kaha Aboo Bakr Siddiq Radiallaho Ta'ala Anhu Ne Jo Nabi e Akram ﷺ Ke Khaleefa Hain Qawi Hain, Ameen Hain, Jism Ke Hisab Se Kamzor The Lekin ALLAH Ta'ala Ke Kaam Mein Qawi The Yah Baat ALLAH Ta'ala Ki Pahli Kitabon Mein Hain". Itna Farmane Ke Baad Phir Un Ki Zabaan Band Ho Gai Aur Thodi Der Tak Bilkul Khamosh Rahe Phir Un Ki Zabaan Par Yah Kalmaat Jaari Ho Gaye Aur Wo Zor Zor Se Bolne Lage " Sach Kaha Sach Kaha Beech Ke Khaleefa ALLAH Ta'ala Ke Bande Ameerul Momineen Hazrat Umar Bin Khattab Radiallaho Ta'ala Anhu Ne Jo ALLAH Ta'ala Ke Baare Mein Kisi Malaamat Karne Wale Ki Malaamat Ko

Khatir Mein Nahi Laate The Na Us Ki Koi Parwa Karte The Aur Wo Logon Ko Is Baat Se Rokte The Ki Koi Taqatwar Kisi Kamzor Ko Kha Jaye Aur Yah Baat ALLAH Ta'ala Ki Pahli Kitabon Mein Likhi Hui Hai". Is Ke Baad Phir Wo Thodi Der Tak Khamosh Rahe Phir Un Ki Zabaan Par Yah Kalmaat Jaari Ho Gaye Aur Zor Zor Se Bolne Lage "Sach Kaha Sach Kaha Hazrat Usman Gani Radiallaho Ta'ala Anhu Ne Jo Ameerul Momineen Hain Aur Mominon Par Raham Farmane Wale Hain Do Baatein Guzar Gai Aur Chaar Baqi Hai Jo Yah Hain- (1) Logon Mein Ikhtilaaf Ho Jayega Aur Un Ke Liye Koi Nizaam Na Rah Jayega. (2) Sab Auratein Rone Lagengei Aur Un Ki Parda Dari Ho Jayegi. (3) Qiyamat Qareeb Ho Jayegi. (4) Baaz Aadmi Baaz Ko Kha Jayega". Is Ke Baad Un Ki Zabaan Bilkul Band Ho Gai. (Tabrani Wal Bidaya Wan Nihaya Jild 2 Page 156 Wa Asadul Gaaba Jild 2 Page 227)

Hazrat Rafia Bin Khadeej Radiallaho
Ta'ala Anhu

Un Ki Kunniyat Aboo Abdullah Hai Aur Shajra e Nasab Yah Hai Rafia Bin Khadeej Bin Adi Bin Zaid Bin Jasam Bin Haaris Bin Khazraj Bin Amar Bin Maalik Bin Aaus. Yah Ansari Hain Aur Un Ka Watan Madeena Munawwara Hai. Yah Junge Badr Mein Kuffar Se Ladne Ke Liye Aaye Un Ko Km Umri Ki Wajah Se Huzoor E Aqdas یمَ لَّیوَسَ ہل یوَاٰ ہلَییعَی یللاہیتَعَالٰ صَلَّ Ne

Lashkar Mein Shamil Karne Se Inkar Kar Diya Lekin Junge Uhud Mein Islami Fauj Mein Shamil Kar Liye Gaye Aur Khoob Jam Kar Kuffar Se Ladte Rahe Phir Khandaq Wagaira Aksar Ladaiyon Mein Yah Jihad Kiye. Umr Bhar Madeena Munawwara Hi Mein Rahe Aur Islami Ladaiyon Mein Dat Kar Aur Kafan Bardosh Ho Kar Kafiron Se Ladte Rahe Aur Apni Qaum Ke Sardar Aur Mukhiya Bhi Rahe. San 73 Hijri Ya San 74 Hijri Mein 86 Baras Ki Umr Pakar Madeena Munawwara Mein Wafat Pai. (Akmaal Page 594 Wa Kanzul Ummal Jild 16 Page 5 Wa Asadul Gaaba Jild 2 Page 151)

Karamat

Barson Gale Mein Teer Chubha Raha: San 3 Hijri Mein Junge Uhud Mein Kuffar Ne Aap Ke Gale Par Teer Maara Aur Yah Teer Aap Ke Gale Mein Chubh Gaya Un Ke Chacha Un Ko Huzoor E Akram ی یللاہی صَلَّ مَی لَّیوَسَ ہل یوَاٰ ہ یعَلَی تَعَالٰ Ki Khidmat e Aqdas Mein Laye Aap Ne Irshad Farmaya Ki Agar Tumhari Khwahish Ho To Hum Us Teer Ko Nikaal Dein Aur Agar Tum Ko Shahadat Ki Tamanna Ho To Tum Us Teer Ko Na Nikalwao Tum Jab Bhi Aur Jahan Kahin Bhi Wafat Paoge Shaheedon Ki Saf Mein Tumhara Shumar Hoga. Unhone Shahadat Ki Aarzoo Mein Teer Nikalwana Pasand Nahi Kiya Aur Usi Halat Mein 70 Baras Tak Zinda Rahe Aur Zindagi Ke Tamam Mamoolat Poore Karte Rahe Yahan Tak Ladaiyon Mein Kuffar Se Jung Bhi Karte Rahe Aur Un Ko Kisi Qism Ki Us Teer Ki Wajah

Se Takleef Bhi Nahi Hoti Thi Lekin 70 Baras Ki Muddat Ke Baad San 73 Hijri Mein Teer Ka Yah Zakhm Khud Ba Khud Phat Gaya Aur Usi Zakhm Ki Halat Mein Unka Wisaal Ho Gaya Bila Shubah Yah Un Ki Badi Karamat Hai Jo Bahut Zyada Mashhoor Hai. (Kanzul Ummal Wa Hashiya Kanzul Ummal Jild 16 Page 5 Wa Asadul Gaaba Jild 2 Page 151)

Hazrat Muhammad Bin Sabit Bin Qais
Radiallaho Ta'ala

Anhu

Hazrat Muhammad Bin Sabit Bin Qais Radiallaho Ta'ala Anha Jab Apni Walida Jameela Binte Abdullah Bin Ubai Ke Pet Mein The To Un Ke Walid Ne Un Ki Walida Ko Talaq De Di. Un Ki Walida Ne Gussa Mein Un Ki Paidaish Ke Baad Yah Qasam Kha Li Ki Mein Is Bachche Ko Hargiz Hargiz Doodh Nahi Pilaongi Us Ka Baap Us Ko Doodh Pilane Ka Intezam Kare. Hazrat Sabit Bin Qais Radiallaho Ta'ala Anhu Us Bachche Ko Ek Kapde Mein Lapet Kar Darbare Nubuwat Mein Laye Aur Poora Waqia Arz Kiya Huzoor Rahmat e Aalam ﷺ Ne Us Bachche Ko Apne God Mein Lekar Pahle Apna Muqaddas Luabe Dahan (Thook) Us Bachche Ke Munh Mein Dala Phir Ajwa Khujoor Chaba Kar Us Bachche Ke Munh Mein Dala Aur 'Muhammad' Naam Rakha Aur Irshad Farmaya Ki Us Ko Ghar Le Jao ALLAH Ta'ala Is Bachche Ko Rizq Dene Wala Hai.

Karamat

Bachche Ko Doodh Kaise Mila: Hazrat Sabit Bin Qais Radiallaho Ta'ala Anhu Bachche Ko God Mein Liye Huye Kisi Doodh Pilane Wali Aurat Ki Talash Mein Ghoom Rahe The Magar Koi Doodh Pilane Wali Aurat Nahi Mili Yah Usi Fikr Mein Hairan Wa Pareshan Phir Rahe The Ki Achanak Ek Arabi Aurat Un Se Mili Aur Poochha Ki Sabit Bin Qais Kaun Shakhs Hain Aur Un Se Kahan Mulaqat Hogi? Unhone Poochha! Tum Ko Sabit Bin Qais Se Kya Kaam Hai? Aurat Ne Kaha Ki Mein Ne Kal Raat Yah Khwab Dekha Ki Mein Sabit Bin Qais Ke Bachche Ko Doodh Pila Rahi Hoon. Yah Sun Kar Hazrat Sabit Bin Qais Radiallaho Ta'ala Anhu Ne Farmaya Ki Sabit Bin Qais Mein Hi Hoon Aur Mera Ladka 'Muhammad' Yahi Hai Jo Meri God Mein Hai Aurat Ne Fauran Bachche Ko God Mein Le Liya Aur Doodh Pilane Lagi. Muhammad Bin Sabit Bin Qais Radiallaho Ta'ala Anhu San 23 Hijri Mein Jung Hurra Ke Din Madeena Munawwara Mein Yazeed Bin Muawiya Ki Manhoos Faujon Ke Hath Se Shaheed Ho Gaye. (Kanzul Ummal Wa Hashiya Kanzul Ummal Jild 16 Wa Asadul Gaaba Jild 4 Page 313)

Hazrat Qataada Bin Malhaan Radiallaho
Ta'ala Anhu

Karamat

Chehra Aaina Ban Gaya: Hayaan Bin Umair Radiallaho Ta'ala Anhu Ka Bayan

Hai Ki Huzoor E Anwar ﷺ Ne Hazrat Qataada Bin Malhaan Radiallaho Ta'ala Anhu Ke Chehre Par Ek Martaba Apna Hath Mubarak Phera Us Ke Baad Un Ko Yah Karamat Mil Gai Ki Yah Bahut Hi Boodhe Ho Chuke The Aur Un Ke Badan Ke Har Hisse Mein Kamzori Ke Aasar Zahir The Lekin Un Ke Chehre Par Badastoor Jawani Ki Khubsoorati Baqi Thi Aur Un Ka Chehra Is Qadar Chamakta Tha Ki Mein Un Ki Wafat Ke Waqt Un Ki Khidmat Mein Hazir Hua To Us Waqt Ek Aurat Un Ke Samne Se Guzari Us Waqt Mein Ne Us Aurat Ke Aks Un Ke Chehre Mein Is Tarah Dekh Liya Goya Mein Aaina Mein Us Ka Chehra Dekh Raha Hoon. (Asaaba Jild 3 Page 225)

Hazrat Muawiya Bin Maqran Radiallaho
Ta'ala Anhu

Un Ke Walid Ke Naam Mein Ikhtilaaf Hai Kuch Logon Ne Un Ke Walid Ka Naam 'Muawiya' Aur Baaz Ne 'Maqran' Likha Hai Isi Tarah Un Ke Qabeela Ke Naam Mein Bhi Ikhtilaaf Hai Ki Yah 'Mazni' Ya 'Laisi' Hain Hazrat Aboo Umar Ne Is Qaul Ko Durust Qarar Diya Hai Ki Hai 'Muawiya Bin Maqran' Mazni Hain. Huzoor E Aqdas ﷺ Jis Waqt Gazwa e Tabook Mein Tashreef Farma The Un Ka Wisaal Ho Gaya.

Karamat

2000 Firishte Namaze Janaza Mein: Un Ki Yah Mashhoor Karamat Hai Ki Jab Madeena

Munawwara Mein Un Ki Wafat Hui To Hazrat Jibreel Alaihissalam Ne Maqame Tabook Mein Utar Kar Darbare Risalat Mein Arz Kiya 'Ya Rasoolullah ﷺ ! Muawiya Mazni Ka Madeena Munawwara Mein Inteqal Ho Gaya Hai Aur Humare Liye Munasib Hai Ki Hum Log Un Ki Namaze Janaza Padhenge' Phir Hazrat Jibreel Alaihissalam Ne Is Qadar Zor Se Apna Bazoo Zameen Par Maara Ki Tamam Ped Patthar, Teele Aur Pahadiyan Hilne Lagi Aur Tamam Parde Is Tarah Uth Gaye Ki Un Ka Janaza Huzoor E Akram ﷺ Ki Nigahon Ke Samne Aa Gaya Aur Jab Huzoor E Aqdas ﷺ Ne Un Ki Namaze Janaza Padhai To Sahaba E Kiraam Ke 30,000 Majma Ke Alawa Firishton Ki Bhi Do Safein Thi Har Saf (Line) Mein 1000 Firishte The Ek Riwayat Mein Hai Ki Har Saf Mein 60,000 Firishte The. Namaz Ke Baaz Huzoor E Akram ﷺ Ne Hazrat Jibreel Alaihissalam Se Poochha Ki ALLAH Ta'ala Ne Mere Is Sahabi Ko Itna Bada Rutba Kaun Se Amal Ki Wajah Se Ata Farmaya? To Hazrat Jibreel Alaihissalam Ne Arz Kiya Ya Rasoolullah ی ہیعَلَی یللاہیتَعَالٰ صَلَّ مَی لَّ وَسَ ی ہل وَاٰ Yah Shakhs 'Soorah Ikhlas' Se Behad Muhabbat Rakhta Tha Aur Har Waqt Uthte Baithte Us Soorah Ki Tilawat Kiya Karta Tha. (Asadul Gaaba Jild 4 Page 389) Tabsera : Allahu Akbar! Soorah Ikhlas Ki Tilawat Karne Walo Ki Fazeelat Aur Unke Ajro Sawab Aur Fazlo Karam Ka Kya Kahna? Khudavand E Kareem Hum Musalmanon Ko Zyada Se Zyada Us Muqaddas Soorah Ki Tilawat Ka Sharf Ata Farmaye. (Aameen)

Hazrat Ahbaan Bin Saifi Gifari
Radiallaho Ta'ala Anhu

Un Ki Kunniyat Aboo Muslim Hai, Un Ki Beti Hazrat Adeesa Radiallaho Ta'ala Anha Kahti Hain Ki Jab Ameerul Momineen Hazrat Ali Wa Hazrat Ameere Muawiya Radiallaho Ta'ala Anhum Ke Beech Jung Ki Nobat Aa Padi To Ameerul Momineen Hazrat Ali Radiallaho Ta'ala Anhu Mere Walid Ke Makaan Par Tashreef Laye Aur Farmaya Ki Tum Is Jung Mein Mera Sath Do Aur Ab Tak Tum Ko Kaun Si Cheez Meri Himayat Se Roke Huye Hai? To Mere Walid Hazrat Ahbaan Bin Saifi Radiallaho Ta'ala Anhu Ne Kaha Ki Aey Ameerul Momineen! Bas Sirf Yahi Ek Rukawat Hai Ki Nabi E Akram یمَ لَّیوَسَ ہل وَاٰ ی ہیعَلَی للاہیتَعَالٰ ی صَلَّ Ne Mujhe Yah Waseeyat Farmai Thi Ki Aey Ahbaan! Jab Musalman Aapas Mein Ek Doosre Se Jung Karne Lagein To Tum Us Waqt Lakdi Ki Talwar Bana Lena, Chunanche Mein Ne Irshad e Nabwi Ke Mutabiq Lakdi Ki Talwar Bana Li Hai Aap Dekhiye Wo Latak Rahi Hai Ab Lakdi Ki Talwar Se Bhala Mein Kis Tarah Jung Kar Sakta Hoon Yah Kah Kar Wo Bilkul Hi Us Ladai Mein Gair Janib Daar (Impartial) Ban Gaye.

Qabr Se Kafan Wapas: Yah Sahibe Karamat Sahabi The, Chunanche Un Ki Ek Mashhoor Karamat Yah Hai Ki Unhone Waseeyat Farmai Thi Ki Mere Kafan Mein Sirf Do Hi Kapde Diye Jayein Magar Logon Ne Unki Waseeyat Par Amal Nahi Kiya Aur

Unke Kafan Mein Teen Kapde Shamil Karke Un Ko Dafan Kar Diya Ghar Wale Jab Subah Ki Neend Se Bedar Huye To Yah Dekh Kar Hairan Rah Gaye Ki Teesra Kapda Qabr Se Wapas Hokar Khoonti Par Latak Raha Hai. (Asadul Gaaba Jild 1 Page 138)

Hazrat Nazla Bin Muawiya Ansari
Radiallaho Ta'ala Anhu

Karamat

Hazrat Isa Alaihissalam Ke Sahabi: Hazrat Nazla Bin Muawiya Radiallaho Ta'ala Anhu Junge Qadsiya Mein Ameere Lashkar Hazrat Sa'ad Bin Abi Waqas Radiallaho Ta'ala Anhu Ke Maat'hat Mein Jihad Ke Liye Tashreef Le Gaye Achanak Ameerul Momineen Hazrat Umar Radiallaho Ta'ala Anhu Ka Farman Aaya Ki Hazrat Nazla Bin Muawiya Radiallaho Ta'ala Anhu Ko 'Halwanul Iraq' Mein Jihad Ke Liye Bhej Diya Jaye Chunanche Hazrat Sa'ad Bin Abi Waqas Radiallaho Ta'ala Anhu Ne Un Ko 300 Mujahideen Ka Afsar Bana Kar Bhej Diya Aur Unhone Mujahidana Hamla Karke 'Halwanul Iraq' Ki Bahut Si Bastiyon Ko Fatah Kar Liya Aur Bahut Zyada Maale Ganeemat Le Kar Woan Se Rawana Huye. Beech Raah Mein Ek Pahad Ke Paas Namaze Magrib Ka Waqt Ho Gaya Hazrat Nazla Bin Muawiya Radiallaho Ta'ala Anhu Ne Azaan Padhi Aur Jaise Hi Allahu Akbar Allahu Akbar Kaha To Pahad Ke Andar Se Kisi Jawab Dene

Wale Ne Buland Aawaz Se Kaha نضهلایر كبير تكيج لقد Isi Tarah Aap Ki Poori Azaan Ke Har Har Kalma Ka Jawab Pahad Ke Andar Se Sunai Deta Raha Aap Hairan Rah Gaye Ki Aakhir Is Pahad Ke Andar Kaun Hai Jo Mera Naam Lekar Azaan Ka Jawab De Raha Hai Phir Aap Ne Buland Aawaz Se Farmaya Ki Aey Shakhs! Khuda Tum Par Raham Farmaye Too Kaun Hai? Too Firishta Hai Ya Jinn Ya Rijaalu Ghaib Mein Se Hai? Jab Too Ne Apni Aawaz Hum Ko Suna Di Hai To Phir Apni Soorat Bhi Hum Ko Dikha De Kyunki Hum Log Huzoor ﷺ Aur Hazrat Umar Radiallaho Ta'ala Anhu Ke Sathi Hain. Aap Ke Yah Farmate Hi Pahad Phat Gaya Aur Us Ke Andar Se Ek Nihayat Hi Boodhe Aur Buzurg Aadmi Nikal Pade Aur Unhone Salam Kiya Aap Ne Salam Ka Jawab De Kar Poochha Aap Kaun Hain? To Unhone Jawab Diya Mein Hazrat Isa Alaihissalam Ka Sahabi Aur Un Ka Wasi Hoon. Mere Nabi Hazrat Isa Alaihissalam Ne Mere Liye Lambi Umr Ki Dua Farma Di Hai Aur Mujhe Yah Hukm Diya Hai Ki Tum Mere Aasman Se Utar Ne Ke Waqt Tak Isi Pahad Mein Thahare Rahna Chunanche Mein Apne Nabi Hazrat Isa Alaihissalam Ke Aane Ke Intezar Mein Yahan Thahara Hua Hoon. Aap Madeena Munawwara Pahunch Kar Hazrat Umar Radiallaho Ta'ala Anhu Se Mera Salam Kah Dein Aur Mera Yah Paigam Bhi Pahuncha Dein Ki Aey Umar! Seedhe Raste Par Raho Aur Khuda Ka Qurb Dhoondhte Raho Phir Chand Doosri Naseehatein Farma Kar Wo Buzurg Ek Dam Usi Pahad Mein Gayab Ho Gaye. Hazrat Nazla Bin Muawiya Radiallaho Ta'ala Anhu Ne

Yah Saara Waqia Hazrat Sa'ad Bin Abi Waqas Radiallaho Ta'ala Anhu Ke Paas Likh Kar Bheja Aur Unhone Us Ki Khabar Darbare Khilafat Mein Bhej Di To Ameerul Momineen Hazrat Umar Radiallaho Ta'ala Anhu Ne Hazrat Sa'ad Bin Abi Waqas Ke Naam Yah Farman Bheja Ki Tum Apne Poore Lashkar Ke Sath 'Halwanul Iraq' Mein Us Pahad Ke Paas Jao Agar Tumhari Un Buzurg Se Mulaqat Ho Jaye To Un Se Mera Salam Kah Dena. Chunanche Hazrat Sa'ad Bin Abi Waqas Radiallaho Ta'ala Anhu Apne 4000 Sipahiyon Ke Sath Us Maqaam Par Pahunche Aur 40 Din Tak Thahare Rahe Magar Phir Bhi Wo Buzurg Na Zahir Huye Na Unki Aawaz Kisi Ne Suni. (Azalatul Khifa Maqsad 2 Page 167-168) Tabsera : Wo Buzurg Bhala Kyunkar Aur Kis Tarah Phir Zahir Huye? Un Se Mulaqat Aur Baat Karne Ki Karamat To Hazrat Nazla Bin Muawiya Radiallaho Ta'ala Anhu Ke Naseeb Mein Likhi Hui Thi Jo Unhein Mil Gai. Misaal Mashhoor Hai- بصيب النصيب و نصيب رجل للک 'Har Aadmi Ka Apna Naseeb Hai Jisko Wo Pa Leta Hai'.

Hazrat Umer Bin Sa'ad Ansari
Radiallaho Ta'ala Anhu

Ansar Ke Qabeela Aaus Se Un Ka Khandani Ta'alluq Hai
Aur Un Ka Asali Watan Madeena Munawwara Hai. Mulke
Shaam Ki Fatoohat Ke Silsile Mein Jitni Ladaiyan Hui Un
Sab Jungon Mein Unhone Bade Bade Bahadurana Karname
Anjam Diye. Ameerul Momineen Hazrat Umar Radiallaho

Ta'ala Anhu Ne Apne Zamane Khilafat Mein Un Ko Mulke
Shaam Mein Hamas Ka Governor Muqarrar Farma Diya
Tha. Yah Is Qadar Ibadat Guzaar Wa Zahid The Ki Un Ki
Ibadat Wa Riyazat Aur Un Ka Zuhad Wa Taqwa Hadde

Karamat Ko Pahuncha Hua Tha Yahan Tak Ki Ameerul Momineen Hazrat Umar Radiallaho Ta'ala Anhu Farmaya Karte The Ki Kaash! Umer Bin Sa'ad Jaise Chand Log Mujhe Mil Jate Jin Ko Mein Musalmanon Par Haakim Banata. (Hashiya Kanzul Ummal Jild 16 Page 162 Ba Hawala Ibne Sa'ad)

Karamat

Zahidana Zindagi: Un Ki Zahidana Wa Aabidana Zindagi Bila Shubah Ek Bahut Badi Karamat Hai Jis Ka Ek Namoona Mulahiza Farmaiye. Muhammad Bin Mazaahim Kahte Hain Ki Jin Dinon Hazrat Umer Bin Sa'ad Radiallaho Ta'ala Anhu Hamas Ke Governor The Achanak Un Ke Paas Ameerul Momineen Hazrat Umar Radiallaho Ta'ala Anhu Ka Ek Farman Pahuncha Jis Ka Mazmoon Yah Tha- "Aey Umer Bin Sa'ad! Hum Ne Tum Ko Ek Aham Uhuda Supurd Karke Hamas Bheja Tha Magar Kuch Pata Nahi Chala Ki Tum Ne Apne Us Uhuda Ko Achchi Tarah Se Sambhala Hai Ya Nahi Isliye Jis Waqt Mera Yah Farman Tumhare Paas Pahunche Fauran Jis Qadar Maale Ganeemat Tumhare Khazana Mein Jama Hai Sab Ko Unton Par Laad

Kar Aur Apne Sath Lekar Madeena Munawwara Chale Aao Aur Mere Samne Hazir Ho Jao". Darbare Khilafat Ka Yah Farman Padh Kar Fauran Hi Aap Uth Khade Huye Aur Apni Laathi Mein Apni Choti Si Mashk Aur Khurak Ki Thaili Aur Ek Bada Pyala Latka Kar Laathi Kandhe Par Rakhi Aur Mulke Shaam Se Paidal Chal Kar Madeena Munawwara Pahunche Aur Darbare Khilafat Mein Hazir Ho Gaye Aur Ameerul Momineen Ko Salam Kiya Ameerul Momineen Ne Un Ko Us Buri Halat Mein Dekha To Hairan Rah Gaye Aur Farmaya: Kyun Aey Umer Bin Sa'ad! Tumhara Haal Itna Kharab Kyun Hai? Kya Tum Beemar Ho Gaye The Ya Tumhara Shahar Bahut Bura Shahar Hai Ya Tum Ne Mujhe Dhoka Dene Ke Liye Yah Dhong (Natak) Rachaya Hai? Ameerul Momineen Ke Un Sawalon Ko Sun Kar Unhone Nihayat Hi Sukoon Aur Sanjidgi Ke Sath Arz Kiya- Aey Ameerul Momineen! Kya ALLAH Ta'ala Ne Aap Ko Musalman Ke Chhupe Huye Halat Ki Jasoosi Se Mana Nahi Farmaya? Aap Ne Yah Kyun Farmaya Ki Mera Kharab Haal Hai? Kya Aap Dekh Nahi Rahe Hain Ki Mein Bilkul Tandurust Wa Tawana Hoon Aur Apni Poori Duniya Ko Apne Kandhon Par Uthaye Huye Aap Ke Darbar Mein Hazir Hoon! Ameerul Momineen Ne Farmaya Aey Umer Bin Sa'ad! Duniya Ka Kaun Sa Saman Tum Le Kar Aaye Ho Mein To Tumhare Sath Kuch Bhi Nahi Dekh Raha Hoon? Aap Ne Arz Kiya Aey Ameerul Momineen! Dekhiye Yah Meri Khurak Ki Thaili Hai, Yah Meri Mashk Hai Jis Se Mein Wujoo Karta Hoon Aur Usi Mein Apne Peene Ka

Paani Rakhta Hoon Aur Yah Mera Pyala Hai Aur Yah Meri Laathi Hai Jis Se Mein Apne Dushmanon Se Zarurat Ke Waqt Jung Bhi Karta Hoon Aur Saanp etc. Zahreele Janwaron Ko Bhi Maar Dalta Hoon Yah Saara Saman Meri Duniya Nahi Hai To Aur Kya Hai? Yah Sun Kar Ameerul Momineen Ne Farmaya Aey Umer Bin Sa'ad! Khuda Tum Par Apni Rahmat Nazil Farmaye Tum To Ajeeb Hi Aadmi Ho. Phir Ameerul Momineen Ne Awaam Ka Haal Poochha Aur Musalmanon Ki Islami Zindagi Aur Zimmiyon (Wo Kafir Jo Muslim Desh [Country] Mein Amaan Le Kar Rahte Ho) Ke Baare Mein Poochh Gachh Farmai To Unhone Jawab Diya Ki Meri Hukoomat Ka Har Musalman Arkane Islam Ka Paband Aur Islami Zindagi Ke Rang Mein Ranga Hua Hai Aur Mein Zimmiyon Se Tax Le Kar Un Ki Poori Poori Hifazat Karta Hoon Aur Mein Apne Uhude Ki Zimmedariyon Ko Nibhane Ki Bharpoor Koshish Karta Raha Hoon. Phir Ameerul Momineen Ne Khazana Ke Baare Mein Poochha To Unhone Kaha Ki Khazana Kaisa? Mein Humesha Maaldar Musalmanon Se Zakaat Wa Sadqaat Wasool Karke Gareebon Wa Masakeen Mein Taqseem (Baant) Kar Diya Karta Hoon Agar Mere Paas Kuch Maal Bachta To Mein Zarur Us Ko Aap Ke Paas Bhej Deta. Phir Ameerul Momineen Ne Farmaya Ki Aey Umer Bin Sa'ad! Tum Hamas Se Madeena Munawwara Tak Paidal Chal Kar Aaye Ho Agar Tumhare Paas Koi Sawari Nahi Thi To Kya Tumhari Saltanat Ki Sarhad Mein Musalmanon Aur

Zimmiyon Mein Bhala Aadmi Koi Bhi Nahi Tha Jo Tum Ko Sawari Ka Ek Janwar De Deta Aap Ne Arz Kiya Aey Ameerul Momineen! Mein Ne Rasoolullah یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Se Yah Bhi Suna Hai Ki Meri Ummat Mein Kuch Aise Haakim Honge Ki Agar Riyaya Khamosh Rahegi To Yah Hukkam Un Ko Barbad Karenge Aur Agar Riyaya Fariyad Karegi To Hukkam Un Ki Gardanein Uda Denge Aur Mein Ne Rasoolullah یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Se Yah Bhi Suna Hai Ki Tum Log Achchi Baaton Ka Hukm Dete Raho Aur Buri Baaton Se Mana Karte Raho Warna ALLAH Tum Par Aise Logon Ka Qabza Ata Farma Dega Jo Badtareen Insaan Honge Us Waqt Nek Logon Ki Duayein Maqbool Nahi Hogi. Aey Ameerul Momineen! Mein Un Bure Haakimon Mein Se Hona Pasand Nahi Karta Isliye Mujhe Paidal Chalna Gawara Hai Magar Apni Riyaya Se Kuch Talab Karna Ya Un Ke Tohfon Ko Qabool Karna Hargiz Hargiz Pasand Nahi Hai. Us Ke Baad Ameerul Momineen Ne Farmaya Aey Umer Bin Sa'ad! Mein Tumhari Kaar Guzariyon Se Bahut Khush Hoon Isliye Tum Apni Governory Ke Uhuda Par Bahaal Ho Kar Phir Hamas Jao Aur Woan Jakar Hukoomat Karo. Aap Ne Nihayat Hi Narmi Ke Sath Gid Gida Kar Arz Kiya Aey Ameerul Momineen! Mein Aap Ko Khuda Ka Wasta Dekar Ab Us Uhuda Ko Qabool Karne Se Maafi Ka Talabgar Hoon Aur Ab Mein Hargiz Hargiz Kabhi Bhi Us Aham Uhuda Ko Qabool Nahi Kar Sakta Isliye Aap Mujhe Maaf Farma Deejiye. Yah Sun Kar Ameerul Momineen Ne Farmaya Ki Achcha

Agar Tum Is Uhuda Ko Qabool Nahi Kar Sakte Ho To Phir Meri Taraf Se Ijazat Hai Ki Tum Apne Ghar Walo Mein Jakar Raho, Chunanche Yah Madeena Munawwara Se Teen Din Ki Doori Par Ek Basti Mein Jahan Un Ke Ahlo Ayaal Rahte The Jakar Bas Gaye. Is Waqia Ke Kuch Dinon Ke Baad Ameerul Momineen Ne 100 Ashrafiyan Ki Ek Thaili Apne Ek Sathi Ko Jis Ka Naam 'Habeeb' Tha Yah Kah Kar Di Ki Tum Umer Bin Sa'ad Ke Makaan Par Jakar Teen Din Tak Mehman Ban Kar Raho Phir Teesre Din Yah Thaili Meri Taraf Se Un Ki Khidmat Mein Pesh Karke Kah Dena Ki Wo In Ashrafiyon Ko Apni Zaruriyat Mein Kharch Karein. Chunanche Hazrat Habeeb Radiallaho Ta'ala Anhu Ashrafiyon Ki Thaili Le Kar Hazrat Umer Bin Sa'ad Radiallaho Ta'ala Anhu Ke Makaan Par Pahunche Aur Ameerul Momineen Ka Salam Arz Kiya Aap Ne Salam Ka Jawab Diya Aur Ameerul Momineen Ki Khairiyat Poochhi Aur Un Ki Hukmrani Ki Kaifiyat Ke Baare Mein Sawal Kiya Phir Ameerul Momineen Ke Liye Duayein Ki. Hazrat Habeeb Radiallaho Ta'ala Anhu Teen Din Tak Un Ke Makaan Par Thahare Rahe Aur Har Din Khane Mein Donon Waqt Ek Ek Roti Aur Zaitoon Ka Tel Un Ko Milta Raha Teesre Din Hazrat Umer Bin Sa'ad Radiallaho Ta'ala Anhu Ne Farmaya Aey Habeeb! Ab Tumhari Mehmani Ki Muddat Khatm Ho Gai Isliye Aaj Ab Tum Apne Ghar Ja Sakte Ho Humare Ghar Mein Bas Itna Hi Khurak Ka Saman Tha Jo Hum Ne Khud Bhooke Rah Kar Tum Ko Khila Diya. Yah Sun Kar Hazrat Habeeb Radiallaho Ta'ala

Anhu Ne Ashrafiyon Ki Thaili Pesh Kar Di Aur Kaha Ki Ameerul Momineen Ne Aap Ke Kharch Ke Liye In Ashrafiyon Ko Bheja Hai Aap Ne Thaili Hath Se Lekar Yah Irshad Farmaya, "Aey Habeeb! Mein Rasoolullah ﷺ Ki Sohbat Se Sarfaraz Hua Lekin Us Waqt Duniya Ki Daulat Se Mera Daman Kabhi Daagdar Nahi Hua Phir Mein Ne Hazrat Ameerul Momineen Aboo Bakr Siddiq Radiallaho Ta'ala Anhu Ki Sohbat Pai Lekin Un Ke Daur Mein Bhi Daulat e Duniya Ki Gandagi Se Mein Mahfooz Hi Raha Lekin Yah Zamana Mere Liye Badtareen Daur Sabit Hua Ki Mein Ameerul Momineen Ke Hukm Se Majboor Hokar Na Chahate Huye Hamas Ka Governor Bana Aur Ab Ameerul Momineen Ne Yah Duniya Ki Daulat Mere Ghar Mein Bhej Di Hai". Itna Kahte Kahte Un Ki Aawaz Bharra Gai Aur Cheekh Maar Kar Zaar Zaar Rone Lage Aur Un Ke Aansu'o Ki Dhaar Un Ke Rukhsar (Gaal) Par Tez Barish Ki Tarah Bahne Lagi Aur Unhone Ashrafiyon Ki Thaili Wapas Kar Di. Yah Dekh Kar Ghar Mein Se Un Ki Beevi Sahiba Ne Kaha Ki Aap Us Thaili Ko Wapas Na Keejiye Kyunki Yah Janasheene Paigambar Hazrat Umar Radiallaho Ta'ala Anhu Ka Tohfa Hai Us Ko Radd Kar Dene Se Hazrat Ameerul Momineen Ki Bahut Badi Dil Shikni (Dil Tootna) Hogi Aur Yah Aap Ki Shaan Ke Layaq Nahi Hai Ki Aap Hazrat Ameerul Momineen Ke Dil Ko Sadma Pahunchaye Isliye Aap Is Thaili Ko Le Kar Gareebon Ko De Deejiye. Beevi Sahiba Ke Mukhlisana Raay Ko Qabool Karte Huye Aap Ne

Thaili Apne Paas Rakh Li Aur Fauran Hi Gareebon Wa Masakeen Ko Bula Kar Tamam Ashrafiyon Ko Baant Diya Aur Us Mein Se Ek Paisa Bhi Apne Paas Nahi Rakha. Hazrat Habeeb Radiallaho Ta'ala Anhu Is Manzar Ko Dekh Kar Hairan Rah Gaye Aur Madeena Munawwara Pahunch Kar Jab Hazrat Ameerul Momineen Se Saara Majra Arz Kiya To Ameerul Momineen Par Bhi Riqqat Taari Ho Gai Aur Phoot Phoot Kar Rone Lage Aur Der Tak Rote Rahe Phir Jab Un Ke Aansoo Tham Gaye To Fauran Hi Un Ki Talabi Ke Liye Ek Farman Likha Aur Ek Qasid Ke Zariye Yah Farman Un Ke Ghar Bhej Diya. Hazrat Umer Bin Sa'ad Radiallaho Ta'ala Anhu Ne Farman Padh Kar Irshad Farmaya Ki Ameerul Momineen Ke Hukm Ko Manna Mujh Par Zaruri Hai Yah Kaha Aur Fauran Paidal Madeena Munawwara Ke Liye Ghar Se Nikal Pade Aur Teen Din Ka Safar Karke Darbare Khilafat Mein Hazir Ho Gaye. Ameerul Momineen Ne Farmaya Ki Aey Umer Bin Sa'ad! Jo Ashrafiyan Meine Tumhare Paas Bheji Thi Unko Tum Ne Kahan Kahan Kharch Kiya? Arz Kiya Aey Ameerul Momineen! Meine Usi Waqt Un Sab Ashrafiyon Ko Khuda Ki Raah Mein Kharch Kar Diya. Ameerul Momineen Hairat Mein Un Ka Munh Dekhte Rah Gaye Phir Apne Bete Hazrat Abdullah Bin Umar Radiallaho Ta'ala Anhu Se Farmaya Ki Tum Baitul Maal Mein Se Do Kapde Lakar Umer Bin Sa'ad Ko Pahna Do Aur Ek Unt Par Khujoorein Laad Kar Un Ko De Do. Aap Ne Arz Kiya Aey Ameerul Momineen! Kapdon Ko To Mein

Qabool Kar Leta Hoon Kyunki Mere Paas Kapde Nahi Hai Magar Khujoorein Mein Hargiz Na Loonga Kyunki Mein Ek Sa'a Khujoorein Apne Makaan Par Rakh Kar Aaya Hoon Jo Meri Wapasi Tak Mere Ahalo Ayaal Ke Liye Kaafi Hain. Phir Hazrat Umer Bin Sa'ad Radiallaho Ta'ala Anhu Ameerul Momineen Se Rukhsat Hokar Apne Makaan Par Chale Aaye Aur Us Ke Chand Hi Dinon Baad Un Ka Wisaal Ho Gaya. Jab Ameerul Momineen Ko Aap Ki Rihlat Ki Khabar Pahunchi To Aap Be Ikhtiyar Ro Pade Aur Darbar Mein Maujood Logon Se Farmaya Ki Ab Tum Sab Log Apni Apni Badi Khwahishon Ko Mere Samne Bayan Karo. Fauran Hi Tamam Hazireen Ne Apni Apni Badi Se Badi Tamannao Ko Zahir Kar Diya Sab Ki Tamannao Ka Zikr Sun Kar Aap Ne Farmaya Lekin Meri Sab Se Badi Tamanna Yah Hai Ki Kaash! Umer Bin Sa'ad Jaise Andar Se Saaf Wa Paak Aur Paikare Akhlaq Chand Musalman Mujhe Mil Jate To Mein Un Se Musalmanon Ke Kamon Mein Madad Leta. Is Ke Baad Aap Ne Hazrat Umer Bin Sa'ad Radiallaho Ta'ala Anhu Ke Liye Duaye Magfirat Farmai Aur Yah Kaha Ki ALLAH Ta'ala Umer Bin Sa'ad Radiallaho Ta'ala Anhu Par Apni Rahmat Nazil Farmaye. (Kanzul Ummal Jild 16 Page 162-166 Mukhtasaran)

Hazrat Aboo Qarsaafa Radiallaho Ta'ala
Anhu

Un Ka Asali Naam Jandara Bin Kheshna Hai Magar Yah
Apni Kunniyat 'Aboo Qarsaafa' Se Zyada Mashhoor Hain

Yah Quraish Nasl Se Hain. Yah Shuru Islam Mein Yateem Bachche The Aur Un Ki Walida Aur Khala Donon Ne Un Ki Parwarish Ki. Yah Bachpan Mein Bakriyan Charane Jaya Karte The Aur Un Ki Walida Aur Khala Un Ko Sakht Takeed Kiya Karti Thi Ki Khabardar! Tum Makka Mein Kabhi Un Ki Sohbat Mein Na Baithna Jinhone Nubuwat Ka Daawa Kiya Hai Magar Yah Bakriyan Charagah Mein Chhod Kar Huzoor ﷺ Ki Khidmat Mein Har Din Chale Jaya Karte Aur Bakriyon Ke Charane Par Zyada Dhyan Nahi Dete The Dheere Dheere Bakriyan Kamzor Ho Gai Aur Un Ke Than Sookh Gaye. Un Ki Walida Aur Khala Ne Jab Is Mamla Ke Baare Mein Un Se Sakht Poochh Taachh Ki To Unhone Huzoor E Akram ﷺ Ke Samne Us Ka Tazkira Kiya To Aap Ne Un Ki Bakriyon Ke Khushk (Sookhe) Thanon Par Apna Daste Mubarak Laga Diya To Sab Bakriyon Ke Khushk Than Doodh Se Bhar Gaye Jab Un Ki Walida Aur Khala Ne Us Ka Sabab Poochha To Unhone Huzoor E Akram ﷺ Ke Daste Mubarak Laga Dene Ka Waqia Aur Huzoor E Aqdas ﷺ Ki Muqaddas Taleem Aur Muajizaat Ka Tazkira Kar Diya. Yah Sun Kar Un Ki Walida Aur Khala Ne Kaha Aey Mere Pyare Bete! Tum Hum Ko Bhi Un Ke Darbar Mein Le Chalo, Chunanche Un Ki Walida Aur Khala Khidmat e Aqdas Mein Hazir Ho Gai Aur Jamale Nubuwat Dekhte Hi Kalma Padh Kar Islam Ki Daulat Se Maala Maal Ho Gai Aur Apne Ghar Pahunch Kar Un Donon Ne Yah Kaha Ki Hum Ne Apni Aankhon Se Dekha Ki Jab Huzoor E Aqdas ییللاہیتَعَالٰ صَلَّ

یمَ لَّیوَسَ ہل یوَاٰ ہعَلَی Kalaam Farmate The To Un Ke Munh Mubarak Se Ek Noor Nikalta Tha Aur Hum Ne Husne Akhlaq Aur Jamale Soorat Wa Kamale Seerat Ke Aitebar Se Kisi Insaan Ko Huzoor ﷺ Se Behtar Aur Achcha Nahi Dekha. Yah Aakhiri Umr Mein Mulke Shaam Ke Shahar Philistine Mein Bas Gaye The Aur Shahi Muhaddseen Un Ke Halqa e Dars Mein Shamil Hua Karte The. Imaam Tabrani Ne Un Ki Nisbat Ke Aitebar Se 'Lesi' Tahreer Farmaya Hai Ki Un Ko 'Bani Les Bin Bakar' Ka Aazad Karda Gulam Likha Hai ? Wallahu Ta'ala Aa'alam (Kanzul Ummal Jild 16 Page 229 Matbooa Hyderabad Wa Asadul Gaaba Jild 1 Page 307)

Karamat

Saikadon Meel Door Aawaz Pahunchti Thi: Un Ki Yah Karamat Thi Ki Rumi Kuffar Ne Un Ke Ek Bete Ko Giraftar Karke Jel Khana Mein Band Kar Diya Tha, Hazrat Aboo Qarsaafa Radiallaho Ta'ala Anhu Jab Namaz Ka Waqt Aata To Asqlaan Ki Chaar Deewari Par Chadhte Aur Buland Aawaz Se Pukar Kar Kahte Ki Aey Mere Pyare Bete! Namaz Ka Waqt Aa Gaya Hai Aur Un Ki Is Pukar Ko Humesha Un Ke Sahabzade Sun Liya Karte The Halanki Yah Saikadon Meel Ki Doori Par Rumiyon Ke Qaidkhana Mein Qaid The. (Tabrani) Tabsera : Yah Karamat Ameerul Momineen Hazrat Hazrat Umar Radiallaho Ta'ala Anhu Aur Doosre Buzurgon

Se Bhi Manqool Hai Aur Yah Karamat Bhi Is Baat Ki Daleel Hai Ki Mahboobane Khuda Hawa Par Bhi Hukoomat Farmaya Karte Hain Kyunki Aawaz Ko Ek Jagah Se Doosri Jagah Pahunchana Hawao Hi Ka Kaam Hai Jis Par Pahle Bhi Hum Roshani Daal Chuke Hain. Is Qism Ki Karamaton Se Pata Chalta Hai Ki Khudavand E Quddoos Ne Apne Auliya E Kiraam Ko Duniya Mein Tasarrufat Ki Aisi Hukmrani Wa Badshahi Balki Shahanshahi Ata Farmai Hai Ki Wo Duniya Ki Har Har Cheez Par ALLAH Ta'ala Ke Hukm Se Hukoomat Karte Hain.

Hazrat Hassan Bin Sabit Radiallaho
Ta'ala Anhu

Yah Qabeela Ansar Ke Khandan Khazraj Ke Bahut Hi Naami Girami Shakhs Hain Aur Darbare Risalat Ke Bahut Khaas Shayar Hone Ki Haisiyat Se Tamam Sahaba E Kiraam Mein Ek Khusoosi Darje Ke Sath Mumtaz Hain. Aap Ne Huzoor E Akram ﷺ Ki Tareef Mein Bahut Se Qasayad Likhe Aur Kuffare Makka Jo Shaane Risalat Mein Burai Likh Kar Be Adabiyan Karte The Aap Apne Ash'aar Mein Un Ka Munh Tod Jawab Diya Karte The. Huzoor Shahanshahe Madeena یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Un Ke Liye Khaas Taur Par Masjide Nabwi Mein Mimbar Rakhwate The Jis Par Khade Ho Kar Yah Rasoolullah ﷺ Ki Shaane Aqdas Mein Naat Khwani Karte The. Un Ki Kunniyat 'Abul Waleed' Hai Aur Un Ke Walid

Ka Naam 'Sabit' Aur Un Ke Dada Ka Naam 'Manzar' Aur Pardada Ka Naam 'Haraam' Hai Aur Un Charon Ke Baare Mein Ek Tareekhi Lateefa Yah Hai Ki Un Charon Ki Umrein 100 Baras Hui Jo Duniya Ki Ajeeb Cheezon Mein Se Ek Ajooba Hai. Hazrat Hassan Bin Sabit Radiallaho Ta'ala Anhu Ki 120 Baras Ki Umr Mein Se 60 Baras Jahiliyat Aur 60 Baras Islam Mein Guzare, San 40 Hijri Mein Aap Ka Wisaal Hua. (Akmaal Page 560 Mishkat Babul Bayan Washshuara Page 410 Wa Hashiya Bukhari Ba Hawala Kirmani Jild 2 Page 594)

Karamaat

Hazrat Jibreel Alaihissalam Madadgar: Un Ki Ek Khaas Karamat Yah Hai Ki Jab Tak Yah Naat Khwani Farmate Rahte The Hazrat Jibreel Alaihissalam Un Ki Imdad Wa Nusrat Ke Liye Un Ke Paas Maujood Rahte The Kyunki Huzoor E Aqdas ﷺ Ne Un Ke Baare Mein Irshad Farmaya Hai- "Jab Tak Hassan Meri Taraf Se Kuffar Ko Defensive Jawab Dete Aur Mere Baare Mein Izhare Fakhr Karte Rahte Hain Hazrat Jibreel Alaihissalam Un Ki Madad Farmate Rahte Hain". (Mishkat Babul Bayan Washshuar Page 410)

Karamat Wali Kuwwate Shama: (Sunghne Ki Taqat) Jabla Gasani Jo Khandan e Jufna Ka

Ek Shakhs Tha Us Ne Hazrat Hassan Radiallaho Ta'ala Anhu Ke Liye Tohfa Ke Taur Par Kuch Saman Hazrat Ameerul Momineen Umar Radiallaho Ta'ala Anhu Ko Tohfa Supurd Karne Ke Liye Bulaya. Hazrat Hassan Bargahe Khilafat Mein Pahunche To Chaukhat Par Khade Ho Kar Salam Kiya Aur Arz Kiya Ki Aey Ameerul Momineen! Mujhe Khandan e Jufna Ke Tohfon Ki Khushboo Aa Rahi Hai Jo Aap Ke Paas Hain Aap Ne Irshad Farmaya Ki Haan Jabla Gassani Ne Tumhare Liye Hadiya (Tohfa) Bheja Hai Jo Ki Mere Paas Hai Isiliye Mein Ne Tum Ko Talab Kiya Hai. Is Waqia Ko Naql Karne Wale Ka Bayan Hai Ki Khuda Ki Qasam! Hazrat Hassan Radiallaho Ta'ala Anhu Ki Yah Hairat Angez Wa Ta'ajjub Khez Baat Mein Kabhi Bhi Bhool Nahi Sakta Ki Unhein Is Hadiya Ki Kisi Ne Pahle Se Koi Khabar Nahi Di Thi Phir Aakhir Unhein Chaukhat Par Khade Hote Hi Is Hadiya Ki Khushboo Kaise Aur Kyunkar Mahsoos Ho Gai? Aur Unhone Is Cheez Ko Kaise Soongh Liye Ki Wo Hadiya Khandan e Jufna Se Yahan Aaya Hai. (Shawahidunnabuwa Page 232) Tabsera : Bila Khushboo Wale Samanon Ko Soongh Kar Jaan Lena Aur Phir Yah Bhi Soongh Lena Ki Hadiya Dene Wala Kis Khandan Ka Aadmi Hai? Zahir Hai Ki Yah Cheezein Soongh Ne Ki Nahi Hain Phir Bhi Un Ko Soongh Lena Us Ko Karamat Ke Siwa Aur Kya Kaha Ja Sakta Hai?

Hazrat Zaid Bin Haarisa Radiallaho Ta'ala Anhu Yah Huzoor E Aqdas ﷺ Ke Gulam The Lekin Aap Ne Un Ko Aazad Farma Kar Apna Munh Bola Beta Bana Liya Tha Aur Apni Baandi Hazrat Umme Yaman Radiallaho Ta'ala Anha Se Unka Nikah Farma Diya Tha Jin Ke Pet Se Unke Sahabzade Hazrat Usaama Bin Zaid Radiallaho Ta'ala Anhu Paida Huye. Un Ki Ek Badi Khaas Khusoosiyat Yah Hai Ki Un Ke Siwa Qur'an Majeed Mein Doosre Kisi Sahabi Ka Naam Zikr Nahi Hai, Yah Bahut Hi Bahadur Mujahid The, Gulamon Mein Sab Se Pahle Unhone Hi Islam Qabool Kiya. Junge Mauta Ki Mashhoor Ladai Mein Jab Aap Tamam Islami Faujon Ke Commander The San 8 Hijri Mein Kuffar Se Ladte Huye Jaame Shahadat Nosh Farmaya. (Akmaal Page 595 Wa Asadul Gaaba Jild 2 Page 224-227)

Karamat

Saatvein Aasman Ka Firishta Zameen Par: Aap Ki Ek Karamat Bahut Zyada Mashhoor Aur Mustanad Hai Ki Ek Martaba Aap Ne Safar Ke Liye Taef Mein Ek Khachchar Kiraye Par Liya Khachchar Wala Dakoo Tha. Wo Aap Ko Sawar Karke Le Chala Aur Veeran Wa Sunsan Jagah Par Le Jakar Aap Ko Khachchar Se Utaar Diya Aur Ek Khanjar Lekar Aap Ki Taraf Hamla Ke Irade Se Badha. Aap Ne Yah Dekha Ki Woan Har Taraf Laashon Ke

Dhanche (Skeleton) Bikhre Pade Huye Hain Aap Ne Us Se Farmaya Ki Aey Shakhs! Too Mujhe Qatl Karna Chahata Hai To Thahar! Mujhe Itni Chhoot De De Ki Mein Do Rak'at Namaz Padh Loo Us Badnaseeb Ne Kaha Ki Achcha Too Namaz Padh Le Tujh Se Pahle Bhi Bahut Se Maqtoolon Ne Namazein Padhi Thi Magar Un Ki Namazon Ne Un Ki Jaan Na Bachai. Hazrat Zaid Bin Haarisa Radiallaho Ta'ala Anhu Ka Bayan Hai Ki Jab Mein Namaz Se Faarig Ho Gaya To Wo Mujhe Qatl Karne Ke Liye Mere Qareeb Aa Gaya To Mein Ne Dua Mangi Aur ( الرامحير)ارمح یر Kaha Ghaib Se Yah Aawaz Aayi Ki Aey Shakhs! Too In Ko Qatl Mat Kar! Yah Aawaz Sun Kar Wo Dakoo Dar Gaya Aur Idher Udher Dekhne Laga Jab Koi Nazar Nahi Aaya To Wo Phir Mere Qatl Ke Liye Aage Badha To Mein Ne Phir Buland Aawaz Se ( ارمح یر ) Kaha Aur Ghaibi Aawaz Aayi. Phir Teesri Martabaالرامحير Jab Mein Ne ( الرامحير)ارمح یر Kaha To Mein Ne Dekha Ki Ek Shakhs Ghode Par Sawar Hai Aur Us Ke Hath Mein Neza Hai Aur Neze Ki Nok Par Aag Ka Ek Angara Hai. Us Shakhs Ne Aate Hi Dakoo Ko Seene Mein Is Zor Se Neza Maara Ki Neza Us Ke Seene Ko Chhedta Hua Us Ki Peeth Ke Paar Nikal Gaya Aur Dakoo Zameen Par Gir Kar Mar Gaya. Phir Wo Sawar Mujh Se Kahne Laga Ki Jab Tum Ne Pahli Martaba Ya Arhamarrahimeen ( الرامحير)ارمح یر Kaha To Mein Saatve Aasman Par Tha Aur Jab Doosri Martaba Tum Ne Ya Arhamarrahimeen ( الرامحير)ارمح یر Kaha To Mein Aasman e Duniya Par Tha Aur Jab Teesri Martaba Tum Ne Ya Arhamarrahimeen (الرامحير)ارمح یر Kaha To Mein Tumhare

Paas Imdad Wa Nusrat Ke Liye Hazir Ho Gaya. (Istiyaab Jild 1 Page 548) Tabsera : Is Se Sabaq Milta Hai Ki Khudavand E Quddoos Ke Asmaye Husna (Naam e Paak) Aur Momin Ki Dua'o Se Badi Badi Balayein Tal Jati Hain Aur Aisi Aisi Imdad Aur Aasmani Nusraton Ka Zuhoor Hua Karta Hai Jin Ko Khudavand E Kareem Ke Fazl Ke Siwa Kuch Bhi Nahi Kaha Ja Sakta Magar Afsos Ki Aaj Kal Ke Musalman Musibaton Ke Hujoom Mein Bhi Duniyavi Waseelon Ki Talash Mein Bhaage Bhaage Phirte Hain Aur Leadoron, Haakimon Aur Daulatmandon Ke Makanon Ka Chakkar Lagate Rahte Hain Magar ( الرامحير)ارمح Aur (المکير)احمک Ke Darbare Azmat Mein Gid Gida Kar Apni Dua'o Ki Arzi Nahi Pesh Karte Aur ALLAH Se Imdad Wa Nusrat Ki Bheek Nahi Mangte Halanki Imaan Yah Hai Ki Bagair Fazle Rabbi Ke Koi Insani Taqat Kisi Ki Bhi Koi Imdad Wa Nusrat Nahi Kar Sakti. Afsos! Sach Kaha Hai Ki Kisi Haqeeqat Pahchan Ne Wale Ne- 'Is Taraf Uthate Nahi Hath Jahan Sab Kuch Hai Panvo Chalte Hain Udher Ko Ki Jahan Kuch Bhi Nahi'

Hazrat Uqba Bin Nafia Fahari Radiallaho
Ta'ala Anhu

Hazrat Ameere Muawiya Radiallaho Ta'ala Anhu Ne
Apne Daure Hukoomat Mein Un Ko Africa Ka Governor
Muqarrar Farma Diya Tha Aur Unhone Africa Ke Kuch
Hisson Ko Fatah Kar Liya Aur 'Barbari' Log Jo Is Mulk Ke
Asali Rahne Wale The Un Ke Bahut Se Bashinde Daman e

Islam Mein Aa Gaye. Unhone Is Mulk Mein Islami Faujon Ke Liye Ek Chhaoni Banane Aur Ek Islami Shahar Aabad Karne Ka Irada Farmaya Lekin Is Maqsad Ke Liye Aabadkari Ke Maheereen Ne Jis Jagah Ka Chunav Kiya Woan Ek Nihayat Hi Khaufnak Aur Gunjaan Jungle Tha Jo Jungli Darindon Aur Har Qism Ki Takleef Pahunchane Wale Aur Zahreele Keedon Aur Janwaron Ka Garh (Headquarter) Tha. Us Mauqa Par Hazrat Uqba Bin Nafia Radiallaho Ta'ala Anhu Ki Ek Ajeeb

Karamat Ka Zuhoor Hua.

Karamat

Ek Pukar Se Darinde Farar: Marwi Hai Ki Hazrat Uqba Bin Nafia Radiallaho Ta'ala Anhu Ke Us Lashkar Mein 18 Sahabi Maujood The Aap Ne Un Muqaddas Sahabiyon Ko Jama Farmaya Aur Un Buzurgon Ko Apne Sath Le Kar Us Khaufnak Aur Ghane Jungle Mein Tashreef Le Gaye Aur Buland Aawaz Se Yah Ailan Farmaya, "Aey Darindon Aur Halak Karne Wale Janwaron! Hum Rasoolullah ﷺ Ke Sahaba Hain Aur Hum Is Jagah Apni Basti Basa Kar Aabad Hona Chahate Hain Isliye Tum Sab Yahan Se Nikal Jao Warna Us Ke Baad Hum Tum Mein Se Jis Ko Yahan Dekhenge Qatl Kar Denge". Is Ailan Ke Baad Us Aawaz Mein Khuda Hi Janta Hai Ki Kya Asar Tha Ki Sab Darindon Aur Keedon Mein Hal Chal Mach Gai Aur Gol Dar Gol Us Jungle Ke Janwar Nikal Ne Lage. Sher Apne Bachchon Ko Uthaye Huye, Bhed Apne

Pillon Ko Liye Huye, Saanp Apne Sanpoliyon Ko Kamar Se Chimtaye Huye Jungle Se Bahar Nikle Ja Rahe The Aur Yah Ek Ajeeb Haibat Naak Aur Dahshat Angez Manzar Tha Jo Na Us Se Pahle Dekha Gaya Na Yah Kisi Ke Waham Wa Guman Mein Tha Yahan Tak Ki Poora Jungle Janwaron Se Khali Ho Gaya Aur Sahaba E Kiraam Aur Poore Lashkar Ne Us Jungle Ko Kaat Kar San 50 Hijri Mein Ek Shahar Aabad Kiya Jis Ka Naam 'Qairwan' Hai. Yah Shahar Isiliye Musalmanon Mein Bahut Zyada Qabile Ahatram Shumar Kiya Jata Hai Ki Is Shahar Ki Aabadi Mein Sahaba E Kiraam Ke Muqaddas Hathon Ka Bahut Zyada Hissa Hai Aur Yahi Wajah Hai Ki Hazaron Bade Bade Ulma Wa Masha'ekh Us Sar Zameen Ki Aagoshe Khaak Se Uthe Aur Phir Isi Muqaddas Zameen Ki Aagoshe Lahad Mein Dafan Hokar Us Zameen Ka Khazana Ban Gaye. (Muajamul Baldaan Tazkarhu Qairwan)

Ghode Ki Taap Se Chashma Jaari: Hazrat Uqba Bin Nafia Radiallaho Ta'ala Anhu Ki Yah Karamat Bhi Bahut Hairat Angez Aur Ibrat Khez Hai Ki Africa Ke Jihadon Mein Ek Martaba Un Ka Lashkar Ek Aise Maqaam Par Pahunch Gaya Jahan Door Door Tak Paani Nahi Tha. Jab Islami Lashkar Par Pyas Ka Galba Hua Aur Tamam Log Pyas Se Pareshan Ho Kar Be Paani Ki Machhali Ki Tarah Tadap Ne Lage To Hazrat Uqba Bin Nafia Radiallaho Ta'ala Anhu Ne Do Rak'at Namaz Padh Kar Dua Mangi Abhi Aap Ki Dua Khatm Nahi Hui Thi Ki Aap Ke Ghode Ne Apne Khur Se Zameen Ko Kuredna Shuru Kar

Diya Aap Ne Uth Kar Dekha To Mitti Hat Chuki Thi Aur Ek Patthar Nazar Aa Raha Tha. Aap Ne Jaise Hi Us Patthar Ko Hataya To Ek Dam Us Ke Neeche Se Paani Ka Ek Chashma Phoot Nikla Aur Is Qadar Paani Bahne Laga Ki Saara Lashkar Sairab Ho Gaya Aur Tamam Janwaron Ne Bhi Pet Bhar Kar Paani Piya Aur Lashkar Ke Tamam Sipahiyon Ne Apni Apni Mashkon Ko Bhi Bhar Liya Aur Us Chashme Ko Bahta Hua Chhod Kar Lashkar Aage Rawana Ho Gaya. (Muajamul Baldaan Tazkarhu Qairwan)

Hazrat Aboo Zaid Ansari Radiallaho
Ta'ala Anhu

Aboo Zaid Un Ki Kunniyat Hai. Un Ke Naam Mein Ikhtilaaf Hai Baaz Ka Qaul Hai Ki Un Ka Naam Saed Bin Umer Hai Aur Baaz Kahte Hain Ki Un Ka Naam Qais Bin Sakan Hai. Un Ka Khandani Ta'alluq Qabeela Ansar Se Hai Aur Un Ka Watan Madeena Munawwara Hai. Yah Un Sahaba E Kiraam Mein Se Hai Jo Huzoor یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ki Maujoodgi Mein Hafiz e Qur'an Ho Chuke The.

Karamat

100 Baras Ka Jawan: Huzoor E Aqdas ﷺ Ne Apna Daste Mubarak Ek Martaba Un Ke Sar Par Phera Aur Un Ko Yah Dua Di Ki Ya ALLAH Is Ke Husn Wa Khubsoorati Ko

Humesha Qayam Rakh. Raawi Ka Bayan Hai Ki 100 Baras Ke Kuch Zaayad Umr Ke Ho Gaye The Lekin Un Ke Sar Aur Dadhi Ka Ek Baal Bhi Safed Nahi Hua Tha Na Un Ke Chehre Par Jhurriyan Padi Thi. Wafat Ke Waqt Tak Un Ke Chehre Par Jawani Ka Jamaal Barqarar Raha Jo Bila Shubah Un Ki Ek Karamat Hai. (Dalaelunnabuwa Li'abi Naem Page 166)

Hazrat Aauf Bin Maalik Radiallaho
Ta'ala Anhu

Un Ki Kunniyat Ke Baare Mein Ikhtilaaf Hai Baaz Ka Qaul Hai Ki Un Ki Kunniyat 'Aboo Abdurrahman' Hai Aur Baaz Ke Nazdeek 'Aboo Hammad' Aur Kuch Logon Ne Kaha Ki 'Aboo Umar' Hai. Islam Lane Ke Baad Sab Se Pahla Jihad Jis Mein Unhone Shirkat Ki Wo Junge Khaibar Hai, Yah Bahut Hi Janbaz Aur Mujahid Sahabi The. Fatah e Makka Ke Din Qabeela Ashja'a Ka Jhanda Unhi Ke Hath Mein Tha. Mulke Shaam Mein Sukoonat Kar Li Thi Aur Hadees Mein Kuch Sahaba Aur Bahut Se Taabaen Un Ke Shagird Hain. Shahar e Damishq Mein San 73 Hijri Mein Un Ka Wisaal Shareef Hua. (Asadul Gaaba Jild 4 Page 156)

Karamat

Pukar Par Janwar Daud Pade: Hazrat Muhammad Bin Is'haaq Ka Bayan Hai Ki Hazrat Aauf Bin Maalik Radiallaho Ta'ala Anhu Ko Kuffar Ne

Giraftar Karke Unhein Taanto Se Baandh Rakha Tha Un Ke Walid Maalik Ashjae Radiallaho Ta'ala Anhu Huzoor E Aqdas ﷺ Ki Khidmat e Aqdas Mein Hazir Huye Aur Majra Arz Kiya Aap Ne Irshad Farmaya Ki Tum Apne Bete Aauf Ke Paas Kisi Qasid Ke Zariye Yah Kahla Do Ki Wo Ba Kasrat Padhte Rahein- "العظير العىل هللیج اال قوة وال حول ال " Chunanche Hazrat Aauf Bin Maalik Radiallaho Ta'ala Anhu Yah Wazeefa Padhne Lage. Ek Din Achanak Un Ki Tamam Taante Toot Gai Aur Wo Aazad Hokar Kuffar Ki Qaid Se Nikal Pade Aur Ek Untni Par Sawar Hokar Chal Pade. Rasta Mein Ek Charagah Ke Andar Kuffar Ke Saikdon Unt Char Rahe The Aap Ne Un Unton Ko Pukara To Wo Sab Ke Sab Daudte Bhaagte Huye Aap Ki Untni Ke Peechhe Chal Pade Unhone Makaan Par Pahunch Kar Apne Walidain Ko Pukara To Wo Sab Un Ki Aawaz Sun Kar Maa'n Baap Aur Naukar Daud Pade Aur Yah Dekh Kar Hairan Rah Gaye Ki Hazrat Aauf Bin Maalik Radiallaho Ta'ala Anhu Unton Ke Jabardast Rawad Ke Sath Maujood Hain Sab Khush Ho Gaye. Un Ke Walid Hazrat Maalik Ashjae Radiallaho Ta'ala Anhu Ne Bargahe Nubuwat Mein Pahunch Kar Saara Qissa Sunaya Aur Unton Ke Baare Mein Bhi Arz Kiya To Aap Ne Irshad Farmaya Ki Un Unton Ko Tum Jo Chahe Karo Tumhara Beta Un Unton Ka Maalik Ho Chuka Mein Un Unton Mein Koi Dakhal Nahi Karunga Yah ALLAH Ta'ala Ki Taraf Se Ek Rizq Hai Jo Tumhein Ata Kiya Gaya. Riwayat Hai Ki Usi Mauqa Par Yah Aayat Nazil Hui,

"Aur Jo ALLAH Se Dare ALLAH Uske Liye Nijaat Ki Raah Nikaal Dega Aur Use Woan Se Rozi Dega Jahan Uska Guman Na Ho Aur Jo ALLAH Par Bharosa Kare To Woh Use Kaafi Hai". (Soorah Talaaq, Aayat 2-3) (Attargeeb Wattarheeb Jild 3 Page 105 Wa Tafseer Ibne Kaseer Jild 4 Page 380)

Hazrat Fatimatuzzahra Radiallaho Ta'ala Anha Yah Huzoor Shahanshahe Do Aalam ﷺ Ki Sab Se Zyada Pyari Beti Hain. Un Ka Laqab ( العالمين نساء سيدہ ) 'Saare Jahan Ki Auraton Ki Sardar' Hain. Huzoor E Aqdas ﷺ Ne Un Ke Baare Mein Irshad Farmaya Ki Fatima Meri Beti Mere Badan Ka Hissa Hai Jis Ne Us Ka Dil Dukhaya Us Ne Mera Dil Dukhaya Aur Jis Ne Mera Dil Dukhaya Us Ne ALLAH Ta'ala Ko Takleef Di. Un Ke Fazael Wa Khoobiyon Mein Bahut Si Ahadees Warid Hui Hain. Ramzan San 2 Hijri Mein Madeena Munawwara Mein Un Ka Nikah Hazrat Ali Bin Abi Talib Radiallaho Ta'ala Anhu Ke Sath Hua Aur Zilhijja San 2 Hijri Mein Rukhsati Hui. Un Ke Pet Se Hazrat Imaam Hasan Wa Imaam Husain Aur Imaam Muhsin Teen Sahabzaadgan Aur Hazrat Zainab Wa Ruqayya Wa Umme Kulsoom Teen Betiyan Paida Hui. Huzoor E Aqdas ﷺ Ke Baad Sirf 6 Maah Zinda Rahi, 28 Baras Ki Umr Mein Aalame Faani Se Aalame Jaavdani (Aakhirat) Ki Taraf Rihlat Farma Hui.

Hazrat Abbas Radiallaho Ta'ala Anhu Ne Namaze Janaza Padhai Aur Raat Ko Supurd Khaak Ki Gai Mazar Mubarak Madeena Munawwara Mein Hai. (Akmaal Page 613 Wagaira)

Karamat

Barkat Wali Seni: Aap Ki Karamaton Mein Se Ek Karamat Yah Hai Ki Aap Ek Din Boty Aur Do Rotiyan Le Kar Bargahe Risalat Mein Hazir Hui Rahmate Aalam ﷺ Ne Apni Pyari Beti Ke Us Tohfa Ko Qabool Farma Kar Irshad Farmaya Ki Aey Lakhte Jigar! Tum Us Seni Ko Apne Hi Ghar Mein Le Kar Chalo. Phir Khud Huzoor Sayyad e Aalam یہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ne Hazrat Sayyada Fatima Radiallaho Ta'ala Anha Ke Makaan Par Raunaq Afroz Hokar Us Seni Ko Khola To Ghar Ke Tamam Log Yah Dekh Kar Hairan Rah Gaye Ki Wo Seni Rotiyon Aur Botiyon Se Bhari Hui Thi. Huzoor E Akram ﷺ Ne Farmaya هذا لک انخ 'Aey Beti! Yah Sab Tumhare Liye Kahan Se Aaya?' To Hazrat Fatima Radiallaho Ta'ala Anha Ne Arz Kiya حساب بغير بشاء من زق يج ہللا ان ہللا عند من هو 'Yah ALLAH Ta'ala Ki Taraf Se Aaya Hai, Wo Jis Ko Chahata Hai Be Shumar Rozi Deta Hai'. Phir Huzoor E Aqdas یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ne Hazrat Ali Wa Hazrat Fatima Wa Hazrat Imaam Hasan Wa Imaam Husain Aur Doosre Ahle Bayt Radiallaho Ta'ala Anhum Ajmaen Ko Jama Farma Kar Sab Ke Sath Seni Mein Khana Khaya Phir

Bhi Us Khane Mein Is Qadar Hairatnak Aur Ta'ajjub Khez Barkat Zahir Hui Ki Seni Rotiyon Aur Botiyon Se Bhari Hui Rah Gai Aur Us Ko Hazrat Beebi Fatima Radiallaho Ta'ala Anha Ne Apne Padosiyon Aur Doosre Fakeeron Ko Khilaya. (Ruhul Bayan Aale Imran Page 323)

Shaahi Daawat: Riwayat Hai Ki Ek Din Hazrat Usman Gani Radiallaho Ta'ala Anhu Ne Shahanshahe Madeena Huzoor Nabi E Kareem ﷺ Ki Daawat Ki Jab Donon Aalam Ke Mezban Hazrat Usman Radiallaho Ta'ala Anhu Ke Makaan Par Gaye To Hazrat Usman Gani Radiallaho Ta'ala Anhu Aap Ke Peechhe Chalte Huye Aap Ke Qadamon Ko Gin Ne Lage Aur Arz Ki Ya Rasoolullah! Mere Maa'n Baap Aap Par Qurban! Meri Tamanna Hai Ki Huzoor Ke Ek Ek Qadam Ke Badle Mein Aap Ki Tazeem Wa Takreem Ke Liye Ek Ek Gulam Aazad Karoo Chunanche Hazrat Usman Gani Radiallaho Ta'ala Anhu Ke Makaan Tak Jis Qadar Huzoor ﷺ Ke Qadam Pade The Hazrat Usman Gani Radiallaho Ta'ala Anhu Ne Itni Hi Tadad Mein Gulamon Ko Khareed Kar Aazad Kar Diya. Hazrat Ali Radiallaho Ta'ala Anhu Ne Us Daawat Se Mut'assir Hokar Hazrat Sayyada Fatima Radiallaho Ta'ala Anha Se Kaha Aey Fatima! Aaj Mere Deeni Bhai Hazrat Usman Ne Huzoor E Akram ﷺ Ki Badi Hi Shandaar Daawat Ki Hai Aur Huzoor E Akram یہل یوَاٰ ہیعَلَی یللاہیتَعَالٰ صَلَّ مَی لَّ وَسَ Ke Har Har Qadam Ke Badle Ek Gulam Aazad Kiya Hai Meri Bhi Tamanna Hai Ki Kaash! Hum Bhi Huzoor ییللاہیتَعَالٰ صَلَّ

مَی لَّ یوَسَ ہل یوَاٰ ہعَلَی Ki Isi Tarah Shandaar Daawat Kar Sakte. Hazrat Fatima Radiallaho Ta'ala Anha Ne Apne Shohar Hazrat Ali Duldul Ke Sawar Ke Us Ta'assur Se Mut'assir Hokar Kaha Bahut Achcha Jaiye Aap Bhi Huzoor ﷺ Ko Usi Qism Ki Daawat Dete Aaiye Insha ALLAH Ta'ala Humare Ghar Mein Bhi Usi Qism Ka Saara Intezam Ho Jayega. Chunanche Hazrat Ali Radiallaho Ta'ala Anhu Ne Bargahe Risalat Mein Hazir Hokar Daawat De Di Aur Shahanshahe Do Aalam ﷺ Apne Sahaba E Kiraam Ki Ek Badi Jama'at Ko Sath Lekar Apni Pyari Beti Ke Ghar Mein Tashreef Farma Ho Gaye. Hazrat Sayyada Khatoon e Jannat Radiallaho Ta'ala Anha Akele Mein Tashreef Le Jakar Khudavand E Quddoos Ki Bargah Mein Sar Ba Sujood Ho Gai Aur Yah Dua Mangi, 'Ya ALLAH! Teri Bandi Fatima Ne Tere Mahboob Aur Mahboob Ke As'haab Ki Daawat Ki Hai Teri Bandi Ka Sirf Tujh Hi Par Bharosa Hai Lihaza Aey Mere Rab! Too Aaj Meri Laaj Rakh Le Aur Is Daawat Ke Khanon Ka Too Ghaib Se Intezam Farma'. Yah Dua Mang Kar Hazrat Beebi Fatima Radiallaho Ta'ala Anha Ne Handiyon Ko Chulhon Par Chadha Diya. Khudavand E Ta'ala Ka Dariya e Karam Ek Dam Josh Mein Aa Gaya Aur Us Razzaq e Mutlaq Ne Ek Hi Pal Mein Un Handiyon Ko Jannat Ke Khanon Se Bhar Diya. Hazrat Beebi Fatima Radiallaho Ta'ala Anha Ne Un Handiyon Mein Se Khana Nikalna Shuru Kar Diya Aur Huzoor یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Apne Sahaba E Kiraam Ke Sath Khana Khane Se Faarig Ho Gaye Lekin Khuda Ki Shaan Ki

Handiyon Mein Se Khana Kuch Bhi Km Nahi Hua Aur Sahaba E Kiraam Un Khanon Ki Khushboo Aur Lazzat Se Hairan Rah Gaye. Huzoor E Akram ﷺ Ne Sahaba E Kiraam Ki Hairat Dekh Kar Farmaya Ki Kya Tum Log Jante Ho Ki Yah Khana Kahan Se Aaya Hai? Sahaba E Kiraam Ne Arz Kiya Ki Nahi Ya Rasoolullah! Aap Ne Irshad Farmaya Ki Yah Khana ALLAH Ta'ala Ne Hum Logon Ke Liye Jannat Se Bheja Diya Hai. Phir Hazrat Fatima Radiallaho Ta'ala Anha Akele Mein Sajda Rez Ho Gai Aur Yah Dua Mangne Lagi Ki Ya ALLAH! Hazrat Usman Ne Tere Mahboob Ke Ek Ek Qadam Ke Badle Ek Ek Gulam Aazad Kiya Hai Lekin Teri Bandi Fatima Ko Itni Haisiyat Nahi Hai Isliye Aey Khudavand E Kareem! Jahan Too Ne Meri Khatir Jannat Se Khana Bhej Kar Meri Laaj Rakh Li Hai Woan Too Meri Khatir Apne Mahboob Ke Un Qadamon Ke Barabar Jitne Qadam Chal Kar Mere Ghar Tashreef Laye Hain Apne Mahboob Ki Ummat Ke Gunahgar Bandon Ko Jahannam Se Aazad Farma De. Hazrat Fatima Radiallaho Ta'ala Anha Joo Hi Is Dua Se Faarig Hui Ek Dam Achanak Hazrat Jibreel Alaihissalam Yah Khushkhabari Le Kar Bargahe Risalat Mein Utar Pade Ki Ya Rasoolullah! Hazrat Fatima Radiallaho Ta'ala Anha Ki Dua Bargahe Ilaahi Mein Maqbool Ho Gai ALLAH Ta'ala Ne Farmaya Hai Ki Hum Ne Aap Ke Har Qadam Ke Badle Mein Ek Ek Hazaar Gunahgaron Ko Jahannam Se Aazad Kar Diya. (Jamiul Muajizaat Misri Page 65 Ba Hawala Sachchi Hikayat)

Ummul Momineen Hazrat Aaysha
Siddiqa Radiallaho

Ta'ala Anha

Yah Ameerul Momineen Hazrat Aboo Bakr Siddiq Radiallaho Ta'ala Anhu Ki Beti Hain Aur Huzoor E Akram ﷺ Ki Azwaje Mutahharat Mein Sab Se Zyada Aap Ko Mahboob Hain. Un Se Bahut Zyada Ahadees Marwi Hain Fiqhi Maloomat Mein Bhi Un Ka Darja Bahut Hi Buland Hai, Bade Sahaba Radiallaho Ta'ala Anhum Un Se Masael Poochha Karte The. Roza Wa Namaz Aur Doosri Ibadaton Wa Riyazaton Mein Bhi Aap Azwaje Mutahharat Mein Khusoosi Imtiyaz Ke Sath Mumtaz Thi. San 57 Hijri Ya San 58 Hijri Mein Madeena Munawwara Mein Duniya e Faani Se Aalame Aakhirat Ki Taraf Unki Rihlat Hui Aur Jannatul Baqeea Mein Madfoon Hui. (Akmaal Page 612)

Karamat

Hazrat Jibreel Alaihissalam Un Ko Salam Karte The: Unki Ek Karamat Yah Hai Ki Hazrat Jibreel Alaihissalam Un Ko Salam Karte The, Chunanche Bukhari Shareef Mein Ek Hadees Hai Ki Rasoolullah ﷺ Ne Farmaya Ki Aaysha! Yah Hazrat Jibreel Alaihissalam Hain Jo Tum Ko Salam Kahte Hain To Aap Ne Jawab Mein Arz Kiya 'Wa Alaihissalam Wa Rahmatullahi Barkatahoo'. (Bukhari Jild 1 Page 532)

Un Ke Lihaaf Mein 'Wahee' Utari: Huzoor ﷺ Ne Farmaya Ki Aaysha Radiallaho Ta'ala Anha Ke Siwa Meri Kisi Doosri Beevi Ke Kapdon Mein Mujh Par 'Wahee' Nahi Utari Aur Hazrat Aaysha Radiallaho Ta'ala Anha Farmati Hain Ki Mein Aur Rasoolullah ﷺ Ek Lihaaf Mein Soye Rahte The Aur Aap Par Khuda Ta'ala Ki 'Wahee' Nazil Hua Karti Thi. (Mishkat Jild 2 Page 573 Wa Kanzul Ummal Jild 16 Page 207)

Aap Ke Waseele Se Barish: Ek Martaba Madeena Munawwara Mein Barish Nahi Hui Aur Log Sakht Qahat (Sookhe) Mein Mubtala Hokar Bilbila Uthe. Jab Log Qahat Ki Shikayat Le Kar Hazrat Ummul Momineen Aaysha Radiallaho Ta'ala Anha Ki Khidmat e Aqdas Mein Pahunche To Aap Ne Farmaya Ki Mere Kamare Mein Jahan Huzoor E Anwar یمَ لَّیوَسَ ہل یوَاٰ ہ یعَلَی یللاہیتَعَالٰ صَلَّ Ki Qabre Anwar Hai Us Hujre Mubaraka Ki Chhat Mein Ek Soorakh Kar Do Taaki Hujra (Kamra) Munawwar Se Aasman Nazar Aane Lage, Chunanche Jaise Hi Logon Ne Chhat Mein Soorakh Banaya Fauran Hi Barish Shuru Ho Gai Aur Madeena Munawwara Ke Ird Gird Ki Zameen Hari Bhari Ho Gai Aur Us Saal Ghaas Aur Janwaron Ka Chaara Bhi Is Qadar Zyada Hua Ki Kasrate (Zyada) Khurak Se Unt Mote Ho Gaye Aur Charbi Ki Zyadti Se Un Ke Badan Phool Gaye. (Mishkat Jild 2 Page 545)

Hazrat Umme Aeman Radiallaho Ta'ala Anha Un Ka Naam 'Barka' Hai Yah Huzoor E Aqdas ی یللاہیتَعَالٰ صَلَّ مَی لَّیوَسَ ہل یوَاٰ ہعَلَی Ke Walid Majid Hazrat Abdullah Ki Baandi Thi Jo Huzoor E Akram یمَ لَّیوَسَ ہل یوَاٰ ہیعَلَی یللاہیتَعَالٰ صَلَّ Ko Aap Ke Walid Majid Ki Virasat Mein Se Mili Thi. Unhone Huzoor E Akram یصَلَّ مَی لَّ یوَسَ ہل یوَاٰ ہیعَلَی للاہیتَعَالٰ Ki Bachpan Mein Bahut Zyada Khidmat Ki Hai, Yahi Aap Ko Khana Khilaya Karti Thi, Kapde Pahnaya Karti Thi Ailane Nubuwat Ke Baad Jald Hi Unhone Islam Qabool Kar Liya. Phir Aap Ne Apne Aazad Kiye Huye Gulam Hazrat Zaid Bin Haarisa Radiallaho Ta'ala Anhu Se Un Ka Nikah Kar Diya Un Ke Pet Se Hazrat Usaama Radiallaho Ta'ala Anhu Paida Huye Jin Se Rasoole Akram ﷺ Is Qadar Zyada Muhabbat Farmate The Ki Aam Taur Par Sahaba E Kiraam Hazrat Usaama Radiallaho Ta'ala Anhu Ko 'Mahboob e Rasool' Kaha Karte The.

Karamat

Kabhi Pyas Nahi Lagi: Hazrat Umme Aeman Radiallaho Ta'ala Anha Ka Bayan Hai Ki Jab Mein Makka Mukarrama Se Hijrat Karke Rawana Hui To Mera Khana Paani Rasta Mein Sab Khatm Ho Gaya Aur Mein Jab 'Maqame Roha' Mein Pahunchi To Pyas Ki Sakhti Se Beqarar Ho Kar Zameen Par Let Gai Itne Mein Mujhe Mahsoos Hua Ki Mere Sar Ke Upar Kuch Aahat Ho Rahi Hai Jab Mein Ne Sar Utha Kar Dekha To

Yah Nazar Aaya Ki Paani Se Bhara Chamakdar Rassi Mein Bandha Hua Aasman Se Zameen Par Ek Dol Utar Raha Hai, Meine Lapak Kar Us Dol Ko Pakad Liya Aur Khoob Ji Bhar Kar Paani Pi Liya Us Ke Baad Mera Yah Haal Hai Ki Mujhe Kabhi Pyas Nahi Lagi. Mein Sakht Garmiyon Mein Roza Rakhti Hoon Aur Roza Ki Halat Mein Sakht Chilchilati Hui Dhoop Mein Ka'aba Muazzama Ka Tawaaf Karti Hoon Taaki Mujhe Pyas Lag Jaye Lekin Us Ke Bavajood Mujhe Kabhi Pyas Nahi Lagi. (Hujjatullah Alal Aalmeen Jild 2 Page 874 Ba Hawala Baihaqi)

Hazrat Umme Shareek Dosiya Radiallaho
Ta'ala Anha

Yah Qabeela Dos Ki Ek Sahabiya Hain Jo Apne Watan Se Hijrat Karke Madeena Munawwara Chali Aai Thi.

Karamaat

Ghaibi Dol: Yah Apne Qabeela Dos Se Hijrat Karke Madeena Munawwara Ja Rahi Thi Aur Rozadaar Thi Shaam Ko Ek Yahoodi Ke Makaan Par Pahunchi Taaki Paani Pi Kar Roza Iftar Kar Lein, Dushman e Islam Yahoodi Ko Jab Un Ke Musalman Aur Rozadaar Hone Ka Ilm Hua To Us Zalim Ne Un Ko Makaan Ki Ek Kothari Mein Band Kar Diya Taaki Un Ko Ek Qatra Paani Na Mil Sake Jis Se Yah Roza Iftar Kar Sakein. Hazrat Umme Shareek Radiallaho Ta'ala

Anha Band Kothari Mein Leti Hui Thi Aur Behad Fikr Mein Thi, Sooraj Doob Chuka Hai Aur Kothari Mein Khane Peene Ki Koi Cheez Maujood Nahi Hai Aakhir Mein Kis Cheez Se Roza Iftar Karoo? Itne Mein Band Aur Andheri Kothari Mein Achanak Kisi Ne Un Ke Seene Par Thande Paani Se Bhara Hua Dol Rakh Diya Aur Unhone Us Paani Ko Pi Kar Roza Iftar Kar Liya. (Hujjatullah Jild 2 Page 875)

Khali Kuppa Ghi Se Bhar Gaya: Riwayat Hai Ki Umme Shareek Dosiya Radiallaho Ta'ala Anha Ke Paas Chamde Ka Ek Kuppa Tha Jis Ko Wo Aksar Logon Ko Udhaar De Diya Karti Thi. Ek Din Unhone Us Kuppa Mein Phoonk Maar Kar Us Ko Dhoop Mein Rakh Diya To Wo Ghi Se Bhar Gaya Phir Humesha Us Kuppa Mein Se Ghi Nikalta Raha. Is Baat Ka Poore Shahar Aur Ilaqon Mein Is Qadar Charcha Ho Gaya Tha Ki Log Aam Taur Par Yah Kaha Karte The Ki Hazrat Umme Shareek Radiallaho Ta'ala Anha Ka Kuppa Khuda Ki Nishaniyon Mein Se Ek Bahut Badi Nishani Hai. (Hujjatullah Alal Aalmeen Jild 2 Page 875 Ba Hawala Ibne Sa'ad)

Hazrat Umme Saayab Radiallaho Ta'ala
Anha

Yah Ek Budhiya Nabeena Sahabiya Thi Jo Apne Watan Se Hijrat Karke Madeena Munawwara Chali Aai Thi.

Karamat

Dua Se Murda Zinda Ho Gaya: Hazrat Anas Bin Maalik Radiallaho Ta'ala Anhu Farmate Hain Ki Hazrat Umme Saayab Radiallaho Ta'ala Anha Ka Beta Nav Umri (Km Umr) Mein Achanak Inteqal Kar Gaya Hum Logon Ne Us Ladke Ki Aankhon Ko Band Karke Us Ko Ek Kapda Udha Diya Aur Us Ki Maa'n Ke Paas Pahunch Kar Ladke Ki Maut Ki Khabar Sunai Aur Ta'aziyat Wa Tasalli Ke Kalmaat Kahne Lage. Hazrat Umme Saayab Radiallaho Ta'ala Anha Apne Bete Ki Maut Ki Khabar Sun Kar Chaunk Gai Aur Rone Lag Gai Phir Unhone Apne Donon Hathon Ko Utha Kar Is Tarah Dua Mangi, 'Ya ALLAH! Mein Tujh Par Imaan Lai Aur Mein Ne Apna Watan Chhod Kar Tere Rasool Ki Taraf Hijrat Ki Hai Isliye Aey Mere Khuda! Mein Tujh Se Dua Karti Hoon Ki Too Mere Ladke Ki Musibat Mujh Par Mat Daal'. Yah Dua Khatm Hote Hi Hazrat Umme Saayab Radiallaho Ta'ala Anha Ka Murda Beta Apne Chehre Se Kapda Utha Kar Uth Baitha Aur Zinda Ho Gaya. (Ibne Abidduniya Wa Baihaqi Wal Bidaya Wan Nihaya Jild 6 Page 154-259)

Tabsera : Is Qism Ki Karamat Bahut Se Buzurgane Deen Khusoosan Hazrat Sayyadna Shaikh Abdul Qadir Jilani Radiallaho Ta'ala Anhu Wagaira Auliya E Ummat Se Baarha Zuhoor Mein Aa Chuki Hain Kyunki ALLAH Ta'ala Apne Mahboob Bandon Ki Dua'o Aur Un Ki Zabaan Se Nikle Huye Alfaaz Ko Apne Fazl Wa Karam Se Radd Nahi Farmata, Chunanche Kisi Sachche Ne Kaha Hai- 'Jo Wajd Ke Aalam Mein Nikle Labe Momin Se Wo Baat Haqeeqat Mein Taqdeere Ilaahi Hai'

Hazrat Zaneera Radiallaho Ta'ala Anha

Karamat

Andhi Aankhein Roshan Ho Gai: Yah Hazrat Umar Radiallaho Ta'ala Anhu Ke Gharane Ki Laundi Thi, Islam Ki Sachchai Un Ke Dil Mein Ghar Kar Gai. Hazrat Umar Radiallaho Ta'ala Anhu Us Waqt Musalman Nahi Huye The Jaise Hi Hazrat Zaneera Radiallaho Ta'ala Anha Ne Apne Islam Ka Ailan Kiya To Hazrat Umar Radiallaho Ta'ala Anhu Aape Se Bahar Ho Gaye Aur Unhone Khud Bhi Un Ko Khoob Khoob Maara Aur Un Ke Ghar Ke Log Bhi Barabar Maarte Rahe Yahan Tak Ki Makka Ke Kuffar Ne Sare Bazar Un Ko Is Qadar Maara Ki Maar Se Un Ki Aankhon Ko Roshani Jati Rahi Aur Yah Andhi Ho Gai. Is Ke Baad Kuffar e Makka Ne Taana Dena Shuru Kiya Ki Aey Zaneera! Choonki Tum Humare Maboodon Yani 'Laat Wa Uzza' Ko Bura Bhala Kahti Thi Isliye Humare Un Buton Ne Tumhari Aankhon Ki Roshani Chheen Li Hai Yah Khoon Khaula Dene Wala Taana Sun Kar Hazrat Zaneera Radiallaho Ta'ala Anha Ki Rago Mein Islami Khoon Josh Maarne Laga Aur Unhone Kaha- 'Hargiz Hargiz Nahi! Khuda Ki Qasam Tumhare Laatu Uzza Mein Hargiz Hargiz Yah Taqat Nahi Hai Ki Wo Meri Aankhon Ki Roshani Chheen Sakein Mera ALLAH Jo Wahdahoo La Shareek Lahoo Hai Wo Jab Chahega Meri Aankhon Mein Roshani Aa Jayegi'.

Un Alfaaz Ka Unki Zabaan e Mubarak Se Nikalna Tha Ki Bilkul Ek Dam Hi Achanak Un Ki Aankhon Mein Roshani Wapas Aa Gai. (Hujjatullah Alal Aalmeen Jild 2 Page 876 Hawala Baihaqi Wa Zarqani Alal Mawaahib Jild 1 Page 270) اجمعين وصحبه اله و محمد خلقه خير على تعالى الله وصلى